Beint í efni
Skagaströnd.is
↗
Allar myndir
Fólk
✕
Hópmyndir
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Konur
Menn
4.740 myndir
Flæði
Reitir
Þórður Jónsson029
<p>Birgir Júlíusson í Höfðabergi til vinstri og Lárus Ægir Guðmundsson til hægri standa hér á tröppunum við Gamla skólann - Bjarmanes. Þegar myndin var tekin var inngangurinn í húsið að austanverðu en nú hefur húsið verið endurbyggt í sinni upprunalegu mynd og því er þessi inngangur horfinn. Ekki er vitað hvenær myndin var tekin en það hefur verið einhverntíma á árunum fyrir 1958 því þá var skólastarfsemin færð í nýja byggingu sem enn er í notkun. </p>
Þórður Jónsson028
Hér bregða þeir á leik, vinirnir Sigurður Bjarnason til vinstri og Lárus Ægir Guðmundsson til hægri árið 1963. Báðir eru þeir miklir Skagstrendingar í sér og vilja hag Skagastrandar sem mestan. Þessa mynd af þeim félögum tók Þórður Jónsson (d.25.12.2009) fyrir utan gamla útibúið sem stóð nokkurn vegin þar sem suð- vestur horn skólalóðarinnar er í dag. Útibúið var verslunarútibú frá Kaupfélagi Skagstrendinga.
Óþekktur ljósmyndari300
Vilhelmína Kristina Karlsdóttir Örum 17.desember 1818 jómfrú á Skagaströnd.
Óþekktur ljósmyndari308
Andrés Guðjónsson kaupmaður og hreppsnefndarmaður og oddviti í Höfðahrepp 1939 - 1954. <font size="1">(Heimild: Byggðin undir Borginni bls. 292 -293).</font>
Ólafur Bernódusson550
Jóhannes Óskarsson frá Ásholti 14 - 15 ára gamall árið 1990
Séra Pétur og Dómhildur - safn105
Ekki er vitað hvenær þessi mynd var tekin fyrir utan Hólaneskirkju - eldri af kirkjukórnum. Aftan á myndinni stendur: <em> Kirkjukór Hólaneskirkju. Guðmundur Guðnason Ægissíðu, Stefán Kristinsson Herðubreið, Hjördís Sigurðardóttir, Sigurður Sigurðsson Kaupfél. húsi, Jón Kristinsson síðar rafveitustjóri v/ rafstöðina í Laxá á Ásum. Ingibjörg Bertelsdóttir, Sigríður Helgadóttir, Páll Jónsson organisti og skólastjóri, sr. Pétur Þ. Ingjaldsson Höskuldsstöðum, Ingibjörg Sæmundsdóttir Hólanesi, Sigurlaug Björnsdóttir Iðavöllum.</em>
Óþekktur ljósmyndari310
Karl B. Laxdal (d. ?) hreppsnefndarmaður í Vindhælishrepp hinum forna (fyrir skiptinguna 1939 í þrjá hreppa).
Óþekktur ljósmyndari268
Myndin var tekin um 1960 af nokkrum strákum í Höfðaskóla. Strákarnir eru frá vinstri: í efri röð: Gísli Kristjánsson, Frits Bjarnason, Sævar Hallgrímsson, Pétur Jóhannsson, Árni B. Birgisson, Ingþór Þorfinnsson og Ísleifur Þorbjörnsson. Fremri röð: Stefán Ingólfsson (d. 21.10.2004), Magnús B. Jónsson, Jóhannes Pálsson (d. 23.11.1986), Ómar Þorbjörnsson, Gylfi Jóhannsson og Gunnar Jónsson.<font size="1"> (Heimild: Byggðin undir Borginni bls. 255)</font>
Þórður Jónsson022
Öflugt skátastarf var á vegum skátafélagsins Sigurfara á Skagaströnd í allmörg ár á sjötta og sjöunda áratugnum undir stjórn Þórðar Jónssonar félagsforingja. Eitt af verkefnum skátanna var að koma sér upp skála í Brandaskarði. Skálinn var því miður aldrei fullgerður heldur voru einungis steyptar undirstöður og botnplata. Nokkrum árum seinna byggðu svo skátarnir skála í suðurhlíðum Spákonufells. Á þessari mynd eru galvaskir skátar í vinnuferð í Brandaskarði. Frá vinstri: Þórður Jónsson (d. 25.12.2009), Hallbjörn Björnsson Jaðri, Gissur Jóhannsson Lækjarbakka, Kristinn Lúðvíksson Steinholti, Ísleifur Haraldsson Jaðri, Þórunn Bernódusdóttir Stórholti, Guðrún Þórbjarnardóttir Flankastöðum, Birgir Júlíusson Höfðabergi, Jóhann Ingibjörnsson, Frímann Lúðvíksson Steinholti, Lárus Ægir Guðmundsson og Helgi Jónatansson Höfðabrekku.
Óþekktur ljósmyndari304
Sveinn S. Ingólfsson kennari, oddviti Höfðahrepps, aðalhvatamaður að stofnun Skagstrendings hf og fyrsti framkvæmdastjóri þess útgerðafélags.
Dagný Sigmarsdóttir035
Rækjuvinnslan var byggð á árunum 1971- 1974 og var þá þegar hafin rækjuvinnsla í húsinu. Vinnsla lagðist svo af þar árið 2004 eftir samruna Skagstrendings Hf við FISK Seafood á Sauðárkróki. Meðan vinnsla var í gangi í húsinu var Rækjuvinnslan einn af burðarásunum í atvinnulífinu á Skagaströnd með tugi fólks í vinnu. Á þessari mynd eru tvö af tryggustu starfsmönnum vinnslunnar þau Sigurbjörg Angantýsdóttir (d. 10.9.1997) og Sigurður Bjarnason. Myndin var tekin sumarið 1993.
Hjördís Sigurðardóttir - safn033
Myndin er af konum í kvenfélaginu Eining á Skagaströnd. Í öftustu röð frá vinsti eru: Gunda Jóhannsdóttir (d.9.11.2013) Höfðaborg, Steinunn Jónsdóttir (d. 6.4.1982) Stórholti, Jóhanna Gunnlaugsdóttir (d. 18.4.2012), Sigríður Ásgeirsdóttir (d. 11.12.2006) Lækjarbakka, Halldóra Pétursdóttir (d. 23.12.1987) Höfðakoti, Gestheiður Jónsdóttir (d. 6.11.2010), Guðríður Bergsdóttir (d. 10.6.1996) Skjaldbreið, Vilborg Jónsdóttir (d. ?) Stóra Bergi, Karla Helgadóttir (d. 25.9.1986) Ásbergi og Elísabet Kemp (d. 1.8.1984) Jórvík. Miðröð frá vinstri: Guðrún Teitsdóttir (d. 17.6.1978) Árnesi, Hulda Árnadóttir (d. 14.2.2007) Lækjarhvammi, Guðbjörg Guðjónsdóttir (d. 3.7.1981), Sigríður Guðnadóttir ( 4.3.1964) Breiðabliki, Margrét Konráðsdóttir (d. 17.9.1974) versluninni Borg, Helga Þorbergsdóttir (d. 30.9.1970) Garði, Sigurbjörg Jónasdóttir (d. 25.4.1980) frá Fjalli og Ólína Sigurðardóttir (d. 22.5.1962) Garðhúsum (Konnabæ). Fremsta röð frá vinstri: Harpa Friðjónsdóttir Lækjarhvammi, Þorgerður Guðmundsdóttir (d. 24.4.2008) Höfðabrekku, Guðríður Valdimarsdóttir (d.?) Vinaminni, Helga Berndsen Karlsskála, Guðmunda Árnadóttir Flankastöðum, Helga Kristjánsdóttir (d. 3.6.2002) Þorfinnshúsi og Alda Jónsdóttir.
Skagaströnd - safn222
<p>Ekki er vitað hvar eða hvenær þessi mynd var tekin. Sennilega tengist hún starfi kirkjukóranna á Skagaströnd og Blönduósi og fólkið í fremstu röðinni eru líklega einhverjir framármenn í tónlistarstarfi. Lengst til vinstri í fremstu röð situr Guðmann Hjálmarsson (d. 21.8.1973) Blönduósi og hægra megin við hann er Sólveig Sövik Blönduósi. Fyrir aftan Guðmann er Svanhildur Þorleifsdóttir (d. 13.4.1988) og hægra megin við hana er Anna Andrésdóttir (d. 14.9.1998)og síðan Davía Guðmundsson (d. 17.1.1999) allar frá Blönduósi. Fyrir aftan manninn með gleraugun fyrir miðju í fremstu röð (?séra Þorsteinn í Steinnesi?) er Guðrún Ingimarsdóttir Blönduósi. Lengst til vinstri í annarri röð er Guðrún Árnadóttir (d.?) og næst henni hægra megin er Elísabet Frímannsdóttir (d. 1.9.1990). Í næstu röð fyrir aftan þær eru svo Ása Hafsteinsdóttir lengst til vinstri og Erla Lárusdóttir næst henni. Í öftustu röð er Hallbjörn Hjartarson annar frá vinstri, Jón Kr. Jónsson hægra megin við hann og Jón Bjarnason (d. 28.9.2002) frá Bakka í Vatnsdal kemur svo næstur. Framan við Jón Kr. til hægri er Páll Jónsson (d. 19.7.1979) og við hlið hans er sonur hans Jón Pálsson. &nbs
Þórður Jónsson025
Öflugt skátastarf var á vegum skátafélagsins Sigurfara á Skagaströnd í allmörg ár á sjötta og sjöunda áratugnum undir stjórn Þórðar Jónssonar (d.25.12.2009) félagsforingja. Eitt af verkefnum skátanna var að koma sér upp skála í Brandaskarði. Skálinn var því miður aldrei fullgerður heldur var einungis steyptar undirstöður og botnplata. Nokkrum árum seinna byggðu svo skátarnir skála í suðurhlíðum Spákonufells. Á þessari mynd eru skátar í vinnuferð í Spákonufelli líklega árið 1966. Frá vinstri: Steindór Haraldsson Höfðakoti, Ari Ólafsson Sævarlandi, Guðmundur Guðmundsson, Gissur Jóhannsson Lækjarbakka, Sigríður Ágústsdóttir Blálandi, Frits Bjarnason Bjargi, ?Gylfi Jóhannsson Læjarbakka?, ?Kristmundur Ingibjörnsson? og Gunnlaugur Sigmarsson. Vinsamlega sendu okkur athugasemd ef þú getur staðfest nöfn drengjanna Gylfa og Kristmundar.
Þórður Jónsson039
<p>Myndataka á skátafundi. Í fremstu röð fyrir miðju, í stuttbuxum, er Ingólfur Ármannsson en annar frá hægri er Þórður Jónsson (d.25.12.2009) báðir félagsforingjar hjá Sigurfara á Skagaströnd. Ingibjörg Kristinsdóttir er í annarri röð og sést yfir vinstri öxl Ingólfs en þriðja frá vinstri í þeirri röð er Kolbrún Jónsdóttir en sú fjórða er Steinunn Ellertsdóttir. Lengst til hægri er líklega Ástríður Ósk Bertelsdóttir (Lillý) og sú þriðja frá hægri er Magdalena Axelsdóttir. Fjórði frá vinstri í öftustu röð er Hallbjörn Björnsson. Aðrir á myndinni eru óþekktir en ef þú þekkkir einhvern á henni vinsamlega sendu okkur þá athugasemd. </p>
Skagaströnd - safn151
Haldið var upp á hálfrar aldar afmæli Höfðahrepps í lok júlí 1989. Af því tilefni voru gróðursett nokkur tré á Hnappstaðatúni.Á myndinni er Erla María Lárusdóttir tilbúin að leggja hönd á plóginn. Stellingin á Erlu segir meira en mörg orð hvernig veðrið var.
Óþekktur ljósmyndari309
Þórey Jónsdóttir (d. 29.12.1966) Norður-Skála
Ólafur Bernódusson542
Á þessari mynd frá skólaslitum Höfðaskóla vorið 1995 heldur Elínborg Margrét Jónsdóttir (d. 7.1.2007) á gjöf frá Skagstrendingum, sem Ingibergur Guðmundsson skólastjóri Höfðaskóla, til vinstri, færði henni í tilefni þess að Elínborg hafði starfað við skólann óslitið í 50 ár. Í baksýn eru stúlkur úr lúðrasveit sem spilaði á skólaslitunum. Elínborg var kennari við Höfðaskóla í áratugi og síðar bókavörður á bókasafni skólans í nokkur ár. Hún var alla tíð vakin og sofin yfir velferð skólans og þeirra sem þar numu og störfuðu.
Dagný Sigmarsdóttir030
Starfsfólk Rækjuvinnslunnar tók sig saman og eyddi kvöldstund á barnum á hótel Dagsbrún ásamt mökum sínum árið 1992. Á þessari mynd eru frá vinstri: Sigmar Jóhannesson (d. 20.4.2000), hjónin Dagný Hannesdóttir og Karl Guðmundsson (d. 11.12.2011) og Berglind Karlsdóttir dóttir þeirra.
Skagaströnd - safn014
Neistinn ehf er rafmagnsverkstæði við Strandgötu. Á myndinni eru starfsmenn fyrirtækisins. Frá vinstri: Björn Hallbjörnsson, Hjalti Viðar Reynisson, Steinunn Berndsen og eigandinn Hallbjörn Björnsson. Myndin var sennilega tekin einhverntíma upp úr 2000.
Þórður Jónsson031
Frá vígslu Höskuldsstaðakirkju 1963. Prestar og leikmenn bera gripi úr gömlu kirkjunni, sem sér í efst í horninu til vinstri, inn í nýju kirkjuna. Fremst á þessari mynd er Torfi Sigurðsson (d. 9.10.1993) frá Mánaskál. Tveir fremstu prestarnir eru óþekktir en séra Gísli Kolbeins heldur á bakka með bikurum. Yfir vinstri öxl hans sést í séra Jón Kr. Ísfeld (d. 1.12.1991) í Bólstaðarhlíð en yfir þá hægri sér í séra Þorstein Gíslason (d. 8.6.1980) í Steinnesi. Presturinn, sem heldur á höklinum er óþekktur, en vinstra megin við hann er sóknarprestur Höskuldsstaðarsóknar séra Pétur Þ. Ingjaldsson (d. 1.6.1996). Á myndinni lítur út eins og séra Pétur sé með biskupshúfu á höfðinu en svo er ekki heldur gengur Herra Sigurbjörn Einarsson (d. 28.8.2008) biskup fyrir aftan Pétur og því kemur þetta svona út.
Guðmundur Guðnason 2 222
Gígja Óskarsdóttir frá Ásholti stígur fyrstu skrefin í organleik undir leiðsögn Guðmundar Guðnasonar á heimili Guðmundar í Ægissíðu. Myndin hefur verið tekin kringum 1980.
Skagaströnd - safn228
Þessar prúðbúnu konur eru óþekktar. Ef þú þekkir einhverja þeirra vinsamlega sendu okkur þá athugasemd.
Guðmundur Guðnason 2 221
Óskar Óskarsson frá Ásholti stígur fyrstu skrefin í organleik undir leiðsögn Guðmundar Guðnasonar á heimili Guðmundar í Ægissíðu. Myndin hefur verið tekin kringum 1980.
Óþekktur ljósmyndari342
Elísabet Knudsen
Skagaströnd - safn195
Ekki er vitað hvenær þessi mynd var tekin en hún er af hestamönnum sem voru á námskeiði í járningum við Hrossafell. Frá vinstri : Benóný Gunnarsson, Gunnlaugur Sigmarsson, Ólafur Ágeirsson,tveir óþekktir, Guðmundur Viðar Guðmundsson með barn, Jónmundur Ólafsson, Eðvarð Ingvason (d. 29.5.2011), Magnús Blöndal (d. 7.9.2001), Jónatan Hjaltason, Þorsteinn Jónsson, Jón Garðarsson kennari á námskeiðinu, Jóhann Ásgeirsson, Ásgeir Axelsson (d. 8.6.2011), Jón Pálsson, Kári Lárusson og Sigrún Lárusdóttir. Myndina tók Magnús B. Jónsson.
Séra Pétur og Dómhildur - safn179
Þetta góða fólk sá um kirkjuskólann/sunnudagaskólann í Hólaneskirkju í mörg ár á árunum kringum 1965. Frá vinstri: séra Pétur Þ. Ingjaldsson (d. 1.6.1996), Dómhildur Jónsdóttir (d. 8.10.2012) kona hans, Margrét Konráðsdóttir (d. 17.9.1974) og Páll Jónsson (d. 19.7.1979) skólastjóri Höfðaskóla og organisti við Hólaneskirkju. Barnið á myndinni er sennilega Pétur Ingjaldur Pétursson sonur Péturs og Dómhildar. Myndin var tekin á tröppum Höfðaskóla einhverntíma á árunum 1965- 1968.
Óþekktur ljósmyndari337
Starfsfólk Höfðaskóla veturinn 1961 - 1962. Aftari röð frá vinstri: Páll Jóhannesson (d. 29.1.1989) hús- og gangavörður, Gestheiður Jónsdóttir (d. 6.11.2010) ræstitæknir, María Magnúsdóttir (d.2.2.2016) kennari, Elínborg Jónsdóttir (d. 7.1.2007) kennari og Eiríkur Kristinsson (d. 4.10.1994) kennari. Fremri röð frá vinstri: Jón Pálsson kennari, séra Pétur Þ. Ingjaldsson (d. 1.6.1996) prófdómari og kennari, Páll Jónsson (d. 19.7.1979) skólastjóri og Sveinn Ingólfsson kennari.
Óþekktur ljósmyndari343
<p>Þessi mynd var tekin 1905 af Pétri Ólafssyni og fjölskyldu hans. Pétur var sonur Ólafs Jónssonar sem var veitingamaður í Viðvík á árunum 1868 - 1883 þegar hann flutti með fjölskyldu sína til Akureyrar. Pétur Ólafsson fæddist 1.maí 1870 og dó 11.maí 1949 og var því unglingur þegar fjölskyldan flutti til Akureyrar. Pétur var við nám og verslunarstörf á Eskifirði en flutti til Kaupmannahafnar og var þar 1890 - 92 og lauk þar námi í verslunarfræðum ásamt því að stunda frönskunám hjá Jóni Sveinssyni - Nonna, enskunám og nám í Íslensku hjá Bjarna frá Vogi. Eftir að hafa unnið við verslun í Flatey og í Kaupmannahöfn settist hann að á Patreksfirði og varð þar yfirmaður yfir öflugu verslunar - og útgerðarfyrirtæki - IHF. Pétur var forstjóri Síldareinkasölunar, sat í stjórn Eimskipafélagsins sem formaður um tíma, starfaði fyrir ríkisstjórnina við gerð viðskiptasamninga erlendis og við markaðsleit víða um heim. Hann var norskur konsúll og einnig barsilískur konsúll á Íslandi, stundaði hvalveiðar í fimm ár með tveimur bátum frá Tálknafirði, rak selveiðiskip og togara. Þá var Pétur frumkvöðull í ljósmyndun og kvikmyndagerð. Kona Péturs, sem er með honum á myndinni, var Marie Kristine Arnesen. Saman eignuðust þau sex börn auk tveggja uppeldisbarna. </p><p>(Heimild: <a href="http://www.borgarskjalasafn.is/desktopdefault.aspx/tabid-4242/6667_read-1552/start-p/6630_view-2789/">http://www.borgarskjalasafn.is/desktopdefault.aspx/tabid-4242/6667_read-1552/start-p/6630_view-2789/</a>)</p>
Óþekktur ljósmyndari322
<p>Hljómsveitin Jójó frá Skagaströnd vann Músiktilraunir árið 1988. Myndin er af félögunum í hljómsveitinni. Frá vinstri í fremri röð: Jón Arnarson og Fannar Viggósson. Aftar frá vinstri: Ingimar Oddsson, Viggó Magnússon og Kristján Blöndal. </p>
Ólafur Bernódusson482
Ólafur Bernódusson kennari 10. bekkjar veturinn 1990 - 91 í Höfðaskóla
Ólafur Bernódusson486
Hafdís Ásgeirsdóttir veturinn 1990 - 91 í 10. bekk Höfðaskóla
Óþekktur ljósmyndari317
Þessir vösku menn störfuðu að byggingu síldarverksmiðjunnar á Skagaströnd 1945 - 1947. Þeir voru flestir - ef ekki allir - starfsmenn vélsmiðjunnar Héðins í Reykjavík.
Óþekktur ljósmyndari320
Jósef Stefánsson (d. 9.12.2001) frá Kambakoti og Reykholti var mikill veiðmaður og góð skytta. Hann skaut margan refinn gegnum tíðina og á þessari mynd, sem tekin var 1969 af Stefáni Jósefssyni, heldur hann á einum þeirra. Hlauplanga haglabyssan, sem hann er með, var af gerðinni Husqvarna en slíkar byssur voru nokkuð algengar á þessum tíma
Guðmundur Guðnason280
Guðmundur Guðnason (d. 21.11.1988) er til hægri en til vinstri er Bjarni Ó Frímannsson (d. 10.11.1987) oddviti frá Efri Mýrum.
Ólafur Bernódusson511
<p>Einn aldurshópur drengja stillir sér upp til að taka við verðlaunum eftir að hafa lokið víðavangshlaupi Landsbankans í maí 1993. Annar frá vinstri í röðinni er Magnús Filip Sævarsson en á efsta palli stendur Ólafur Guðmundsson. Þriðji frá hægri í röðinni er Skúli Már Matthíasson. Aðrir eru óþekktir.</p><p> </p>
Óþekktur ljósmyndari318
Þessir menn frá vélsmiðjunni Héðni í Reykjavík unnu að byggingu síldarverksmiðjunnar 1945 - 1947. Eitt af því sem þeir smíðuðu voru tveir risa-tankar upp við Höfðann. Hér hafa þeir stillt sér upp utan á öðrum þeirra til myndatöku.
Ólafur Bernódusson493
Myndin var tekin í desember 1993 af starfsfólki Skagstrendings hf á námskeiði í Fellsborg. Frá vinstri: Hólmgeir Kristmundsson, Ragnheiður Ásta Rúnarsdóttir, Þráinn Bessi Gunnarsson, Stefán Ægir Lárusson, fjórir óþekktir, Björgvin Karlsson, óþekktur (fjær), Sigurbjörn Björgvinsson, Hjalti Indriðason (næst), Gylfi Guðjónsson, óþekktur (fjærst), Gunnar Jón Jónsson, Ragnar Högnason, óþekktur, Guðjón Guðjónsson, þrír óþekktir, Guðjón Ebbi Sigtryggsson (næst), Sveinn Ingólfssonn, óþekktur (fjærst) og Ágúst Ómarsson.
Þórður Jónsson043
<p>Myndin var tekin á tröppunum við Höfðaskóla af umsjónarbekk Elínborgar Jónsdóttur (d. 7.1.2007) líklega 1958 eða 1959. Nemendurnir á myndinni eru fædd 1951 og voru fyrsti hópurinn sem hóf nám sitt í nýbyggðum Höfðaskóla. Fremsta röð frá vinstri: Óskar Þór Kristinsson, Sævar Rafn Hallgrímsson, Ragnheiður Sigurjónsdóttir, Kristín Björnsdóttir, Jóhannes Pálsson (d. 23.11.1986) og Ísleifur Þorbjörnsson (d.28.8.2021). Miðröð frá vinstri: Sævar Hafsteinsson, Ólafur Bernódusson, Guðmundur Rúnar Kristjánsson, Rúnar Jósefsson og Óskar Jóhannesson (fæddur 1950). Aftasta röð frá vinstri: Bergur Jón Þórðarson, Björn Bragi Sigmundson, Reynir Sigurðsson, Fritz Bjarnason, Karl Lúðvíksson og Elínborg kennari.
Óþekktur ljósmyndari192
Ólafur Jónsson vert í Viðvík á Skagaströnd.
Óþekktur ljósmyndari290
Björn Ólafsson frá Árbakka. Myndin var tekin 1925.
Leikklúbbur Skagastrandar - safn002
<p>Leikklúbbur Skagastrandar sýndi Tobaco Road eftir Caldwell og Kirkland leikárið 1975 - 1976. Á myndinni eru leikararnir í gervum sínum. Frá vinstri: Ólafur Bernódusson, Guðmundur Haukur Sigurðsson, Hallbjörn Hjartarson, Guðný Sigurðardóttir, Bjarnhildur Sigurðardóttir (nær), Birna Blöndal, Hjörtur Guðbjartsson (fjær), Kristín Björnsdóttir (nær), Gunnar Benónýsson, Elín Njálsdóttir og Magnús B. Jónsson. </p>
Séra Pétur og Dómhildur - safn134
Séra Oddur Einarsson með skírnarbarn í Hólaneskirkju (eldri).
Óþekktur ljósmyndari352
Elísabet Hafliðadóttir (d.25.9.1979) var alin upp að Núpi í Laxárdal en bjó seinna á Brúarlandi á Blönduósi.
Ólafur Bernódusson500
Þessi mynd var tekin í febrúar 1994 á þjóðveginum milli Árbakka og Vindhælis. Sveinn Þórarinsson, sem stendur framan við bílinn, keyrði lengi þennan bíl fyrir kaupfélagið á milli Blönduóss og Skagastrandar. Þennan dag var milkil hálka og hífandi rok þannig að Sveinn stoppaði til að keðja bílinn. Þegar hann var kominn með keðjuna í hendurnar og ætlaði að fara að setja hana á, skipti engum togum að bíllinn fauk á hliðina út í kant. Á þessari mynd er búið að fá aðstoð gröfu við að koma bílnum á fjögur hjól aftur. Bíllinn skemmdist furðu lítið við byltuna og var notaður í mörg ár eftir þetta. Hinn maðurinn á myndinni er óþekktur.
Ólafur Bernódusson546
Þessi mynd var tekin á skólaslitum Höfðaskóla 1990 í Fellsborg. Á þessari mynd sést fullur salur Fellsborgar af nemendum, foreldrum og kennurum.
Óþekktur ljósmyndari296
Guðmundur Guðlaugsson (d. 8.5.1985) frá Árbakka
Guðmundur Guðnason152
Aftan á þessari mynd stendur: <em>Ferð á Hnjúkshnjúk.</em> Annað er ekki vitað um þessa mynd og fólkið á myndinni er óþekkt. Ef þú þekkir einhvern á myndinni vinsamlega sendu okkur þá athugasemd.
Þórður Jónsson038
Þessi mynd var tekin á skátamóti í Laxárdal. Þangað mættu skátar frá Akureyri, Blönduósi og Skagaströnd. Maðurinn með hattinn er Jón Ísberg (d. 24.6.2009) félagsforingi á Blönduósi. Standandi, þriðji frá vinstri er Þorleifur Arason (d.11.11.1991) Blönduósi en fimmti maður er Jóhannes Torfason Torfalæk. Standandi fyrir miðri mynd, í doppóttri peysu með skátaklútinn um hálsinn, er Pétur Jóhannsson Lækjarbakka og standandi til hægri frá Pétri eru: Birgir Júlíusson Höfðabergi, Hallbjörn Björnsson Jaðri, Jóhann Ingibjörnsson, Hrafnhildur Jóhannsdóttir Blálandi, óþekkt,?Ester Axelsdóttir? Læk, Frímann Lúðvíksson Steinholti, Jóhanna Valdimarsdóttir, Sigríður Pálsdóttir og óþekkt. Krjúpandi frá hægri: Fjóla Jónsdóttir Asparlundi, fjórar óþekktar stúlkur og Ólöf Smith. Þriðji frá vinstri í þessari röð er Gissur Jóhannsson Lækjarbakka og Árni Ólafur Sigurðsson Þórsmörk og Helgi Bjarnason (d. 1.3.2007) Holti eru framan við Jóhannes Torfason. Aðrir á mynidnni eru óþekktir en ef þú þekkir einhvern vinsamlega sendu okkur þá athugasemd.
Adolf H Berndsen - safn035
Ekki er vitað hvenær þessi mynd var tekin en líklega hefur það verið kringum 1960. Á myndinni eru frá vinstri: Gylfi Sigurðsson, óþekktur strákur, Gunnar Sveinsson, Úlfar Björnsson, óþekktur (?Hjalti Skaftason?), Hörður Ragnarsson, óþekktur (? Vilberg Jóhannesson ?) og óþekktur drengur. Ef þú þekkir óþekktu mennina vinsamlega sendu okkur þá athugasemd.
Ólafur Bernódusson545
Hjörtur Guðmundsson skipstjóri með tvo af sonum sínum í brúnni á rækjutogaranum Helga Björg Hu 7 þegar Hjörtur var nýkominn með skipið til Skagastrandar í fyrsta sinn í jan/feb 1996. Strákarnir eru Kristján Ýmir Hjartarson í fangi pabba síns og Ómar Ísak Hjartarson sem stendur hjá þeim. Helga Björg var rækufrystitogari í eigu Skagstrendingas hf á árunum 1995 - 1999 og var gert út til rækjuveiða þessi ár.
Leikklúbbur Skagastrandar - safn020
Hart í bak er eitt af þekktustu leikverkum Jökuls Jakobssonar (d. 25.4.1978) en það var frumsýnt hjá Leikfélagi Reykjavíkur 1962. Leikklúbbur Skagastrandar tók verkið til sýninga leikárið 1978 - 1979 og sýndi það í Fellsborg og nágrannabyggðum við góðar undirtektir. Á þessari mynd eru leikarar og starfsmenn sýningarinnar: Í aftari röð frá vinstri: Ragnar Jónsson, Árni Geir Ingvarsson, Árni Björn Ingvarsson og Rúnar Loftsson. Fremri röð frá vinstri: Jónas Baldursson, Guðmundur Haukur Sigurðsson, Jón Helgi Eiðsson, Lilja Kristinsdóttir, Birna Blöndal, Bjarnhildur Sigurðardóttir, Magnús B. Jónsson, Hallbjörn Hjartarson, Helga Hermannsdóttir og Bjarney Valdimarsdóttir. Myndina tók Jónas Baldursson.
Hjördís Sigurðardóttir - safn005
Þessi brosmildu börn á myndinni eru: Árni Ólafur Sigurðsson lengst til vinstri með Adolf H. Berndsen systurson sinn í fanginu. Við hlið Árna situr Reynir Sigurðsson, bróðir hans, með Laufey Berndsen á hnjánum. Lengst til hægri er svo Bergur Jón Þórðarson vinur þeirra. Myndin var tekin 1960- 1961. Myndin er úr safni Hjördísar Sigurðardóttur.
Óþekktur ljósmyndari335
Þetta fólk var í stjórn umf Fram á 30 ára afmæli félagsins 1956. Frá vinstri: Ingibjörg Axelma Axelsdóttir (Didda) (d. 6.3.2007), Jóhanna Sigurjónsdóttir (d. 15.12.1990), Jón Jónsson (d. 9.7.1991), Friðjón Guðmundsson (d. 7.1.2001), Jökull Sigtryggsson, Hrefna Björnsdóttir og Guðmundur Guðnason (d. 21.11 1988).
Óþekktur ljósmyndari201
Ingvar Jónsson (d.29.7.1978) frá Brúarlandi. Ingvar var lengi hreppstjóri á Skagaströnd (fyrir Höfðahrepp).
Séra Pétur og Dómhildur - safn103
Aftan á þessari mynd stendur: <em>Pétur Ingjaldsson er settur inn í embætti sem prestur í Höskuldsstaðaprestakalli 17. júní 1941. 1. ferming. 1. Pétur Þ. Ingjaldsson, 2. Kristinn Pálsson, 3. Jens Jónsson, 4. Sigurlaug Jónsdóttir, 5. Guðný ? Sigurðardóttir Ægissíðu (Gauja), 6. Ingvar Sigtryggsson, 7. Árni Andrésson, 8. Björn Stefánsson prófastur Auðkúlu.</em> Myndin virðist vera tekin fyrir utan Hólaneskirkju - eldri og hefur greinilega verið fyrsta ferming sem séra Pétur sá um.
Óþekktur ljósmyndari284
Páll V. G. Kolka (d. 19.7.1971) héraðslæknir á Blönduósi 1934 - 1959.
Skagaströnd - safn065
Þetta káta fólk er að fagna vígslu fjögurra þjónustuíbúða fyrir aldraða við Ægisgrund árið 1980. Öll bjuggu þau sér heimili hvert í sinni íbúð. Frá vinstri: Karitas Pálsdóttir (d. 3.5.1989), Sigurður Jónsson (d. ? ) og Hallbjörg Jónsdóttir (d.22.12.1987).
Guðmundur Guðnason319
<p>Jón Kristinsson og kona hans sem er óþekkt. Ef þú veist hvað hún heitir vinsamlega sendu okkur þá athugasemd.</p>
Þórður Jónsson046
Ekki er vitað tilefni ferðalags þessa prúðbúna fólks á H 275 - hugsanlega leikferð?. Ekki er heldur vitað hvenær myndin var tekin en sennilega hefur það verið kringum 1960. Á myndinni eru frá vinstri: Bernódus Ólafsson (d. 18.9.1996) Stórholti, Helga Berndsen Karlsskála, Ástmar Ingvarsson (d. 10.10.1977) Héðinshöfða, Þórey Jónsdóttir (d. 29.12.1966) Norður-Skála, Guðmunda Árnadóttir (d.26.1.2017) Flankastöðum, óþekkt, Ingvar Jónsson (d. 29.7.1978) Norður-Skála, Ingólfur Ármannsson (d.1.9.2019), Steingrímur Jónsson (d. 15.1.1992) Höfðakoti, óþekktur og Þórður Jónsson (d. 25.12.2009) Skjaldbreið. Ef þú þekkir óþekkta fólkið vinsamlega sendu okkur þá athugasemd.
1
…
29
30
31
…
79
Leita í myndasafninu
Leita