Beint í efni
Skagaströnd.is
↗
Allar myndir
Fólk
✕
Hópmyndir
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Konur
Menn
4.740 myndir
Flæði
Reitir
Jósef H Sigurðsson - safn 077
Samkvæmt áletrun á þessari mynd var hún tekin á síldarmatnsmannanámskeiði í júní 1955. Ekki er vitað hvar myndin var tekin og mennirnir eru óþekktir nema Sigurður Magnússon (d.2.8.2002) sem er lengst til vinstri í aftari röð. Ef þú þekkir einhvern á myndinni vinsamlega sendu okkur þá athugasemd.
Jósef H Sigurðsson - safn 053
Feðgarnir Sigurður Magnússon (d.2.8.2002) og Jósep Sigurðsson. Myndin var líklega tekin á fermingardegi Jóseps vorið 1975.
Héraðsskjalasafn A-Hún 331
Hjónin Sigurlaug Margrét Eðvarðsdóttir (d. 16.11.2005) og Jóhannes Hinriksson (d. 27.10.1973) frá Ásholti á Skagaströnd. Jóhannes var bóndi og verkamaður en gegndi jafnframt ýmsum trúnaðarstörfum í sínu samfélagi.
Jósef H Sigurðsson - safn 088
Á þessari mynd eru börn Sigurðar Magnússonar (d.2.8.2002) sem hann eignaðist með tveimur konum sínum. Því miður var myndin ekki nógu vel tekin en í aftari röðinni eru frá vinstri: Björn Sigurðsson (d.30.12.1996) en hann heldur á Hugrúnu Sigurðardóttur. Þá koma Jósep Sigurðsson, Þórunn Sigurðardóttir og Árni Sigurðsson (d. 14.11.2006). Í fremri röð eru frá vinstri: Sigríður Sigurðardóttir (sést bara hálf), Hjörtur Sigurðsson (d. 9.5.2015), Magnús Sigurðsson, Rósa Sigurðardóttir og Kolbeinn Sigurðsson.
Árni Geir Ingvarsson - safn 2 4
Ekki er vitað hvenær þessi mynd var tekin en hún er af systkinum, frá vinstri: Kristófer Árnason (d.10.5.2000), Hulda Árnadóttir (d.14.2.2007), Elínborg Árnadóttir (d. 7.4.1979) og Guðmunda Árnadóttir (d. 27.1.2017). Systkinin voru börn Guðrúnar Teitsdóttur (d. 7.6.1978) ljósmóður og Árna Kristóferssonar (d.11.10.1982) sem lengi bjuggu í Árnesi á Skagaströnd. Systkinin voru fædd á árunum 1916 - 1921 þannig að myndin gæti hafa verið tekin einhverntíma kringum 1930.
Héraðsskjalasafn A-Hún 453
Hópmynd af Skagstrendingum er merkingin á þessari mynd hjá Héraðsskjalasafninu. Fólkið á myndinni er því miður óþekkt en ef þú þekkir einhvern á henni vinsamlega sendu okkur þá athugasemd.
Héraðsskjalasafn A-Hún 426
Sigríður Árnadóttir (d. 6.1.1958) frá Þverá í Hallárdal með dóttur sína Guðrúnu Tulinius (1898-9.7.1980) í fanginu. Guðrún var kona Kristjáns Arinbjarnar (d. 5.3.1947) læknis á Blönduósi.
Árni Geir Ingvarsson - safn 2 13
Þrír hressir karlar með mikla lífsreynslu á bakinu hver fyrir sig. Líklega var myndin tekin á sjávarbakkanum innan við Hrafnána og miðað við mennina þá eru þeir líklega að huga að silugsnetum í fjörunni. Mennirnir eru bræðurnir Bernódus Ólafsson (d.18.9.1996) til vinstri og Herbert Ólafsson (d. 25.4.2007) til hægri. Í miðjunni er vinur þeirra, Jósef Stefánsson (d.9.12.2001). Ekki er vitað hvenær myndin var tekin.
Héraðsskjalasafn A-Hún 315
Margrét Hemmert (d. febrúar 1989?) og óþekkt stúlka. Ef þú þekkir stúlkuna vinsamlega sendu okkur þá athugasemd.
Guðrún Sigurðardóttir - safn 019
Þetta eru systkinin frá Brúarlandi á Skagaströnd, börn Jón Bjarnasonar (d.?) og Ólínu Sigurðardóttur (d.mars 1955). Í fremri röð eru frá vinstri: Steingrímur Jónsson (d.15.1.1992) í Höfðakoti, Ingvar Jónsson (d.29.7.1978) í Norður-Skála, Björn Bergman Jónsson (d.12.1.1964) á Akranesi, Hrólfur Jónsson (d.1.8.1989) í Bjarmalandi og Þórarinn Jónsson (d.14.6.1963) á Fossi. Í aftari röð eru frá vinstri: Sigrún Jónsdóttir (d.?), Laufey Jónsdóttir (d.25.12 1969) í Reykholti, Þórey Jónsdóttir (d.29.12.1966) í Norður-Skála og Steinunn Jónsdóttir (d.?).
Héraðsskjalasafn A-Hún 440
Björg Jóhannsdóttir (1863-19.5.1950) með Þorvildu Einarsdóttur (1891-28.7.1965) í fanginu. Þær voru á Þverá í Hallárdal.
Héraðsskjalasafn A-Hún 447
Hjónin séra Helgi Konráðssson (d.30.6.1959) og Jóhanna Petrea Þorsteinsdóttir (d.1973). Helgi var prestur á Bíldudal síðan á Höskuldsstöðum og síðast á Reynistað. Hann sat á Sauðárkróki var prófastur Skagafjarðarprófastsdæmis og var kennari og skólastjóri gagnfræðaskólans þar um tíma. Eftir Helga liggur líka 342 blaðsíðna bók um Bertel Thorvaldsen sem út kom 1944 á vegum Þorleifs Gunnarssonar.
Árni Geir Ingvarsson - safn 952
Guðmundur Guðnason (d.21.11.1988) er lengst til vinstri á þessari mynd sem Herbert Ólafsson (d.25.4.2007) tók í Listigarðinum á Akureyri 1956. Hinir mennirnir tveir eru óþekktir. Ef þú þekkir þá vinsamlega sendu okkur þá athugasemd.
Hjördís Sigurðardóttir - safn121
Hópur golfara við golfskálann á Háagerðisvelli eftir spilamennsku á góðum degi. Frá vinstri: Ingibergur Guðmundsson, Magnús B. Jónsson, Anna Ármannsdóttir, Gunnlaugur Sigmarsson, Rolf Árnason (d.3.6.2014), Ingibjörg Fríða Hafsteinsdóttir, Stefán Jósefsson (fjær), Ragnheiður Erla Stefánsdóttir (nær), Lilja Kristinsdóttir (fjær), Júlíana Guðmundsdóttir (nær), Stefán Kristinsson (d.19.5.2011), Hjördís Sigurðardóttir, óþekkt, Steinunn Friðriksdóttir, Jón Örn Stefánsson, Jóhann Guðbjartur Sigurjónsson, Birkir Rafn Gíslason (nær), Sigurður Berndsen (fjær), Jón Ingvar Valdimarsson (fjær), óþekktur, Guðmunda Sigurbrandsdóttir (d.15.8.2015) ,Sverrir Brynjar Berndsen, Guðmundur Kristinsson, óþekktur, Eyþór Ernstsson (nær), Guðrún Björg Berndsen (fjær), Karl Berndsen (d.12.2.1995), Gunnar Helgason (nær) og Adolf J. Berndsen (fjær). Ekki er vitað hvenær myndin var tekin en líklega hefur það verið 1991 eða 92.
Guðrún Sigurðardóttir - safn 047
Kvennaskólastúlkur í Kvennaskólanum á Blönduósi hafa búið sig upp í búninga fyrir einhverja skemmtun. Ekki er vitað hvenær myndin var tekin en líklega hefur það verið kringum 1960. Guðrún Guðbjörnsdóttir er lengst til vinstri en hinar stúlkurnar eru óþekktar. Ef þú þekkir einhverja af óþekktu stúlkunum vinsamlega sendu okkur þá athugasemd.
Hallgrímur Kristmundsson safn016
Líklega eru þetta þær Sigríður Ásgeirsdóttir (d.11.12.2006) á Lækjarbakka til vinstri og Guðrún Helgadóttir (d.15.4.1987) á Karlsskála til hægri. Ef þú getur staðfest það vinsamlega sendu okkur þá athugasemd.
Jósef H Sigurðsson - safn 020
Þessar prúðbúnu mæðgur eru Dóróthea Hallgrímsdóttir (d.17.10.2004) sem heldur við dóttur sína Sigríði Sigurðardóttur heima í Hólaneshúsinu. Myndin var sennilega tekin 1964 eða 65.
Héraðsskjalasafn A-Hún 300
Sveinsína Bergsdóttir (d. 20.12.1981) frá Mánaskál og Ingimundur Bjarnason (d. 6.3.1976) með þremur dætrum sínum. Líklega eru það frá vinstri: Sigríður Ingimundardóttir, Herdís Helga Ingimundardóttir og Fannlaug Ingimundardóttir. Sveinsína og Ingimundur, sem var járnsmiður, bjuggu á Sauðárkróki þar sem hann rak járn- og eldsmiðju í kjallaranum í húsi þeirra hjóna að Suðurgötu 5 (Árbakka).
Adolf H Berndsen - safn060
Aftan á myndinni stendur: "Gísli Þorsteinsson og frú". Fleira er ekki vitað um fólkið á myndinni.
Jósef H Sigurðsson - safn 052
Mæðginin Dóróthea Hallgrímsdóttir (d.17.10.2004) og Jósep Sigurðsson. Líklega var myndin tekin á fermingardegi Jóseps vorið 1975.
Hjördís Sigurðardóttir - safn058
Fólkið á þessari mynd hefur stillt sér upp sunnan undir vegg kaupfélagshússins. Myndin hefur líklega verið tekin kringum 1950 en þá var rekið bakarí á Kaupfélagsloftinu. Bakaríinu var svo lokað 1954 vegna taprekstrar. Frá vinstri á myndinni eru: Hjördís Sigurðardóttir, Sigurður Árnason (d.26.3.2013) og Guðrún Sigurðardóttir.
Árni Geir Ingvarsson - safn 879
Herbert Ólafsson (d.25.4.2007) er fyrir miðri mynd an aðrir eru óþekktir. Ekki er vitað hvar né hvenær myndin var tekin. Ef þú þekkir einhvern á myndinni vinsamlega sendu okkur þá athugasemd.
Árni Geir Ingvarsson - safn 976
Þetta óþekkta fólk hefur stillt sér upp til myndatöku við síldarverksmiðjuna á Djúpavík. Herbert Ólafsson (d.25.4.2007) tók myndina en ekki er vitað hvenær.
Hjördís Sigurðardóttir - safn106
Golfkonur fyrir utan golfskálann á Háagerðisvelli 23. ágúst 1995. Frá vinstri: Hjördís Sigurðardóttir, Dagný Sigmarsdóttir, óþekkt, Fanney Zophoníasdóttir, Fríða Hafsteinsdóttir, Rósa Sigursteinsdóttir, Anna Ármannsdóttir, Bryndís Bragadóttir og óþekkt. Ef þú þekkir óþekktu konurnar vinsamlega sendu okkur þá athugasemd.
Árni Geir Ingvarsson - safn 880
Myndin er tekin á svokallaðri lægri-brún beint fyrir ofan Djúpuvík. Þarna hefur vinnuflokkur frá verksmiðjunni nýlokið við að losa krapastíflu í Djúpavíkurá. Hún var þá stífluð vegna kraps fyrir ofan brúnina og óttast var að stíflan mundi að endingu bresta og áin, með sínu krapaflóði, steypast fram af brúninni og lenda á verksmiðjunni. Nokkrar ljósmyndir er til af þessum atburði en þessa mynd tók Herbert Ólafsson (d.25.4.2007) árið 1949.
Ólafur Bernódusson 606
Á hverju vori eru haldnir lokatónleikar Tónlistarskóla A-Hún, Skagastrandardeildar. Þar koma nemendurnir fram og spila fyrir gesti sem yfirleitt fylla Hólaneskirkju þar sem tónleikarnir eru haldnir. Þessi mynd er frá tónleikunum vorið 2010 og er af nafnlausri hljómsveit sem lék á tónleikunum. Frá vinstri: Elmar Grétarsson á trommur, Elías Gunnar Hafþórsson með gítar, Benedikt Blöndal kennari með gítar, Hugrún Sif Hallgrímsdóttir kennari flettir fyrir Sigurlaugu Máney Sæmundsen sem spilar á saxófón og Guðrún Anna Halldórsdóttir á píanó.
Elínborg Jónsdóttir - safn 24
Þessi mynd var tekin við Másstaði í Vatnsdal. Í aftari röð eru mæðgurnar Halldóra Gestsdóttir (d. 17.9.1977) lengst til vinstri og Elínborg Margrét Jónsdóttir (d.7.1.2007) önnur frá vinstri. Hinar konurnar eru óþekktar en Elínborg átti þrjár hálfsystur samfeðra, einn hálfbróður og þess utan einn uppeldisbróður. Það er því freistandi að áætla að óþekktu konurnar séu þær systur og eiginkonur mannanna. Ef þú þekkir konurnar vinsamlega sendu okkur þá athugasemd.
Þórunn Bernódusdóttir - safn 009
Myndin er af skólastúlkum í Höfðaskóla ásamt kennara sínum fyrir utan "Gamla skólann" eða Bjarmanes eins húsið heitir. Myndin var tekin einhverntíma á sjötta áratugnum - fyrir 1958 þegar Höfðaskóli fluttist í nýtt húsnæði. Í fremri röð frá vinstri: Sigrún Jósteinsdóttir frá Sólvangi, Halla Björg Bernódusdóttir í Stórholti, Harpa Friðjónsdóttir í Lækjarhvammi, Anna Skaftadóttir í Dagsbrún, Aðalheiður Jónsdóttir í Hólanesi, Dagný Þórðardóttir og Helga Ólafsdóttir í Suður-Skála. Aftari röð frá vinstri: Pálfríður Benjamínsdóttir í Skálholti, Guðrún Kristinsdóttir Kálfshamri, Þórunn Bernódusdóttir í Stórholti, Elínborg Jónsdóttir (d.7.1.2007) kennari í Röðulfelli, Kristín Lúðvíksdóttir í Steinholti, Magdalena Axelsdóttir (d.?) frá Læk og Bylgja Angantýsdóttir. Strákarnir lengst til hægri eru óþekktir.
Árni Geir Ingvarsson - safn 846
Konan sem er með þessi börn af leikskólanum er óþekkt. Barnið sem skyggnir fyrir augu er Haukur Ragnarsson. Framan við hann í appelsínugulum buxum er Kristján Gunnar Rúnarsson en stelpan með rauða dúskinn í húfunni er Elísabet Eik Guðmundsdóttir. Aðrir eru óþekktir. Myndin var líklega tekin rétt fyrir 1980.
Jósef H Sigurðsson - safn 022
Þessi mynd er af þremur systkinum í Hólaneshúsinu. Frá vinstri: líklega Jósep Sigurðsson, Sigríður Sigurðardóttir og líklega Rósa Sigurðardóttir.
Jósef H Sigurðsson - safn 076
Þessi prúðbúnu börn eru: Jósep Sigurðsson aftast, Sigríður Sigurðardóttir og Magnús Sigurðsson í miðröðinni en börnin í fremstu röðinni eru Páll Stefánsson, Inga Stefánsdóttir með Hjört Sigurðsson (d.9.5.2015) í fanginu. Lengst til hægri er svo "Krissa" Stefánsdóttir. Hjörtur fæddist 1965 þannig að myndin hefur líklega verið tekin 1965 eða 1966.
Jón Jónsson 432
Myndin var tekin 1984 þegar haldið var upp á 75 ára afmæli Hallbjargar Jónsdóttur (d. 22.12.1987), sem lengst af bjó í Þórsmörk. Á henni eru tengdadætur hennar, frá vinstri: Hlíf Sigurðardóttir, Anna Heiður Guðmundsdóttir og Guðrún Guðbjörnsdóttir.
Héraðsskjalasafn A-Hún 157
Hjónin Sigríður F. Ásgeirsdóttir (d. 11.12.2006) og Jóhann F. Pétursson (d. 13.1.1999) Lækjarbakka á Skagaströnd.
Gunnhildur Þórmundsdóttir safn008
Skátaforingjar gefa sér tíma til myndatöku utan við fundarstaðinn (? gömlu Tunnuna?). Fremst sitja frá vinstri: Tryggvi Þorsteinsson (d.16.7.1975) skátaforingi á Akureyri, Ingólfur Ármannsson félagsforingi Sigurfara á Skagaströnd og óþekktur. Í miðröðinni frá vinstri: Þórður Jónsson (d.25.10.2009) síðar félagsforingi á Skagaströnd, Gunnhildur Þórmundsdóttir félagsforingi á Blönduósi og fjórar óþekktar konur. Jón Ísberg (d. 24.6.2009) félagsforingi á Blönduósi er þriðji frá vinstri í öftustu röð en aðrir á myndinni eru óþekktir. Myndin var tekin einhverntíma kringum 1960.
Árni Geir Ingvarsson - safn 889
Þessar glæsilega klæddu konur eru óþekktar. Herbert Ólafsson (d.25.4.2007) tók þessa mynd af þeim líklega einhvertíma upp úr 1940. Ef þú þekkir konurnar vinsamlega sendu okkur þá athugasemd.
Ólafur Bernódusson625
Mæðginin Þórunn Samsonardóttir (d. 11.10.1986) og Herbert Ólafsson (d.25.4.2007). Þau mæðgin héldu lengi saman heimili og síðustu árin þeirra á Skagaströnd bjuggu þau á Akri eða Hólabraut 13. Þórunn missti mann sinn 1945 en saman áttu þau fjögur börn. Herbert var ógiftur og barnlaus.
Árni Geir Ingvarsson - safn 823
Þessir ungu menn skipuðu hljómsveitina Jójó ásamt Fannari Viggóssyni. Strákarnir eru frá vinstri: Ingimar Oddsson, Kristján Blöndal, Viggó Magnússon og Jón Arnarson. Jójó gerði garðinn frægan um tíma á Íslandi eftir að hafa unnið í Músiktilraunum 1988, sérstaklega með laginu "Stæltir strákar á ströndinni"
Héraðsskjalasafn A-Hún 471
Kirkjukór Hólaneskirkju á æfingu með Kjartani Jóhannessyni raddþjálfara frá Stóra - Núpi í Gnúpverjahreppi. Kórfélagar eru frá vinstri talið: Guðrún Árnadóttir (d.1.12.1967), Ólína Gyða Hafsteinsdóttir, Elísabet Frímannsdóttir (d.1.9.1990), Erla Lárusdóttir (d.24.8.1995), Jón Kr. Jónsson, Hallbjörn J. Hjartarson, Páll Jónsson (d. 19.7.1979), Jón S. Pálsson, Guðmundur Kr. Guðnason (d. 21.11.1988), Þórey Jónsdóttir (d. 29. 12. 1966), Þorgerður Guðmundsdóttir (d. 24.4.2008) og Guðrún Sigurðardóttir.
Jósef H Sigurðsson - safn 057
Myndin var tekin utan við Hólanes frystihúsið en ekki er vitað hvenær. Vinirnir á myndinni átti heima í nágrenninu, Guðrún Teitsdóttir (d. 17.6.1978) ljósmóðir í Árnesi en Kristján Hjartarson (d. 2.8.2003) skáld og þúsundþjalasmiður í Grund. Bæði voru þau vinsæl og settu mark sitt á mannlífið á Skagaströnd um áratuga skeið á jákvæðan hátt.
Árni Geir Ingvarsson - safn 938
Sjóararnir og konan á myndinni eru öll óþekkt. Ekki er heldur vitað hvar eða hvenær myndin var tekin. Herbert Ólafsson (d.25.4.2007) tók myndina. Ef þú þekkir einhvern á myndinni vinsamlega sendu okkur þá athugasemd.
Jósef H Sigurðsson - safn 087
Hjónin Jósep Jónsson og Sigríður Jónsdóttir frá Skógum í Vopnafirði með Jón ? fósturson sinn. Þetta góða fólk tók mörg börn í fóstur þar á meðal Dórótheu Hallgrímsdóttur (d. 17.10.2004) sem gift var Sigurði Magnússyni (d.2.8.2002) í Hólaneshúsinu. Börn Dórótheu og Sigurðar kölluðu Jósep og Sigríði afa og ömmu og Jósep Sigurðsson var skírðurí höfuðið á þessum afa sínum. <br><br>
Ólafur Bernódusson662
Konur á Skagaströnd voru duglegar að taka þátt í átakinu "Á réttri leið - bætt heilsa, betri líðan" sem hófst þegar þessi mynd var tekin 16. febrúar 2011. Átakið hófst með að allar konurnar mættu á hafnarvigtina þar sem hópurinn var vigtaður sem heild. Niðurstaðan var að konurnar á myndinni voru fimm tonn og 360 kíló við upphaf átaksins, sem fól í sér ýmis konar líkamsrækt en jafnframt andlega uppbyggingu. Ekki liggur fyrir hve mörg kíló hurfu við átakið en þau skiptu hundruðum kílóa hjá hópnum.
Héraðsskjalasafn A-Hún 411
Á þessari fjölskyldumynd eru hjónin í Hólskoti í Vatnsdal, Júlíus Jónsson (d.22.9.1959) frá Borðeyri og Helga Björnsdóttir (d. 12.7.1972) frá Holti með börn sín. Milli þeirra hjóna situr Ingibjörg Júlíusdóttir (d.23.2.2012) en standandi eru, frá vinstri: Finnbogi Björn Júlíusson (d.18.6.2004), Guðrún Júlíusdóttir (d. 24.9.1981) og Magnús Júlíusson (d.24.8.1944).
Héraðsskjalasafn A-Hún 229
Hjónin Árný M. Hjaltadóttir og Kristján Kristjánsson (d. 10.10.2007) bændur á Steinnýjarstöðum í Skagahreppi (nú Skagbyggð).
Ólafur Bernódusson686
Þessi mynd var tekin 28. október 2009 í Höfðaskóla. Vikurnar þá á undan höfðu krakkarnir á myndinni ungað út 5 andarungum í útungunarvél í stofunni sinni. Ungarnir vöktu mikla hrifningu nemenda skólans og jafnvel hörðustu töffarar urðu mjúkir eins og smjör meðan þeir umgengust ungana litlu. Þegar ungarnir vor orðnir þriggja vikna gamlir var þeim svo komið fyrir í varanlegt fóstur á sveitabæ í nágrenninu. 10. bekkingarnir á myndinni eru frá vinstri: Ingimar Guðjónsson, Viktor Valdimarsson, Stefán Velemir, Torfi Friðrik, Tanja Rán Einarsdóttir, Unnar Leví Sigurbjörnsson, Ellen Sigurjónsdóttir, Telma Bjarnadóttir, Elías Gunnar Hafþórsson, Eva Dís Gunnarsdóttir, Guðjón Páll Hafsteinsson og Þorgerður Guðmundsdóttir.
Ólafur Bernódusson698
Árshátíð Höfðaskóla 2008 var haldin 11. apríl. Á myndinni eru krakkar úr mörgum bekkjum að syngja. Krakkarnir eru frá vinstri: Standandi: Rebekka Róbertsdóttir (nær), Silfá Sjöfn Árnadóttir (fjær), Andrea Björk Kristjánsdóttir, Elín Ósk Björnsdóttir, Ívan Árni Róbertsson, Sæunn Steingrímsdóttir, Guðrún Anna Halldórsdóttir, Sigurbjörg Katla Valdimarsdóttir (fjær), Svandís Hallgrímsdóttir (nær), Guðmann Magnússon, Sveinn Hallgrímsson, Ísak Tryggvason, Páll Halldórsson, Heba Líf Jónsdóttir, Eymundur Lorens Grétarsson, Ísabella Róbertsdóttir, Sunna Steingrímsdóttir, Karen Ósk Sigurðardóttir og Birkir Gunnarsson. Sitjandi frá vinstri: Bjarndís Annþórsdóttir, Jóna Margrét Sigurðardóttir, Arnrún Guðjónsdóttir, Anita Ósk Ragnarsdóttir, Hallbjörg Jónsdóttir, Viktor Örn Einarsson, Birgitta Bjarnadóttir, Tryggvi Fjölnisson og Kristján Róbertsson.
Gunnhildur Þórmundsdóttir safn014
Á þessari mynd er hópur skáta úr Sigurfara á Skagaströnd ásamt óþekktum gestum þeirra. Myndin var tekin í Höfðaskóla sennilega 1960 eða 1961. Á gólfinu sitja, frá vinstri: Óþekktur, Ómar Þorbjörnsson, óþekktur, Bergur Jón Þórðarson, óþekktur, Gissur Jóhannsson, ? Magdalena Axelsdóttir?, María Bjarnadóttir (d. 1984), tvær óþekktar, Helga Guðmundsdóttir, Jóhanna Valdimarsdóttir, Hrefna Þorbjörnsdóttir, Kolbrún Jónsdóttir og Ingibjörg Kristinsdóttir. Aftan við þennan hóp sitja tvær óþekktar konur með Ingólf Ármannsson félagsforingja Sigurfara á milli sín. Í þriðju röðinni eru frá vinstri: Guðmundur Kr. Guðnason (d. 21.11.1988), óþekktur, Hallbjörn Björnsson, Jóhann Ingibjörnsson, Kristinn Lúðvíksson (d.15.6.2016), Birgir Júlíusson, Sigurður Bjarnason, Ísleifur Haraldsson, Lárus Ægir Guðmundsson, Anna Skaftadóttir, óþekkt, Bergdís Sigmarsdóttir, Helga Ólafsdóttir, Sigrún Jósteinsdóttir, Kristín Lúðvíksdóttir, Ester Axelsdóttir? og Þórður Jónsson (d.25.12.2009) seinna félagsforingi Sigurfara. Aftasta röð frá vinstri: Fimm óþekktir, Stefán Ingólfsson (d.21.10.2004), Búi Birgisson (d.18.9.2009), þrír óþekktir, Hrafnhildur Jóhannsdóttir, Pálína Benjamínsdóttir, Þórunn Bernódusdóttir, Helga Jóhannesdóttir, Halla Björg Bernódusdóttir, Fjóla Jónsdóttir, Guðrún Þórbjarnardóttir og Sigrún Kristófersdóttir.
Hallgrímur Kristmundsson safn053
Jóhann Jaokobsson (d. 24.3.1987) til vinstri og Kristmundur Jakobsson til hægri.
Hjördís Sigurðardóttir - safn079
Þessi mynd af strákum, sem ólust upp í Bankastræti, var tekin við olíutankana uppi á Höfða einhverntíma kringum 1980. Á myndinni eru, frá vinstri: Björn Sigurðsson, Sigurður Berndsen, Árni Jón Guðmundsson (d.8.1.2006) og Erlingur Ottósson.
Dagný Sigmarsdóttir - safn 047
Þessir krakkar eru stolt af viðukenningum sínum sem þau fengu að loknu víðavangshlaupi á Skagaströnd. Slík hlaup voru árviss viðburður á vorin í mörg ár á vegum umf Fram oftast undir styrkri stjórn Lárusar Ægis Guðmundssonar. Á þessari mynd eru frá vinstri: óþekkt, Guðjón Hall Sigurbjörnsson, Elva Dröfn Árnadóttir og fyrir aftan hana er Jóhannes William Grétarsson. Elín Ósk Ómarsdóttir er við hlið hans í appelsínugulri peysu. Birkir Rafn Gíslason er við hlið Elvu í röðinni og síðan kemur Sverrir Brynjar Berndsen með bláa húfu. Aftan við hann er Bjarney Gunnarsdóttir og óþekkt. Í grænni peysu í röðinni er óþekkt, ?Elvar Arinbjörn Grétarsson?, óþekkt, Emelía Rós Sigfúsdóttir, Arís Eva Vilhelmsdóttir og óþekktur drengur. Grétar Haraldsson er í bláum jakka aftarlega á myndinni og við hlið hans er Árný Helgadóttir og ?Svava Magnúsdóttir?. Ef þú þekkir börnin sem eru óþekkt vinsamlega sendu okkur þá athugasemd.
Adolf H Berndsen - safn061
Gísli Ísleifsson (d.9.9.1932) sýslumaður Húnvetning 1897 - 1912 með dætur sínar þrjár. Sorgin átti heldur betur eftir að berja að dyrum hjá Gísla því dæturnar létust allar ungar úr berklum. Nöfn dætranna eru óþekkt.
Héraðsskjalasafn A-Hún 369
Hjónin Björn Sigurðsson (d. ?) frá Balaskarði og óþekkt kona hans. Ef þú veist hvað konan hét vinsamlega sendu okkur þá athugasemd.
Elínborg Jónsdóttir - safn 17
Textinn með þessari mynd er:"Heimasætur". Ekki er vitað um hvaða heimasætur er að ræða en ef þú þekkir þær vinsamlega sendu okkur þá athugasemd.
Jósef H Sigurðsson - safn 023
Systkini í Hólaneshúsinu. Frá vinstri: Jósep Sigurðsson, Sigríður Sigurðardóttir og Magnús Sigurðsson (d.16.2018). Myndin var tekinn einhverntíma kringum 1965.
Jósef H Sigurðsson - safn 039
Á þessari mynd eru hálfbræðurnir Björn Sigurðsson (d. 30.12.1996) til vinstri og Jósep Sigurðsson til hægri. Myndin var líklega tekin við fermingu Jósefs vorið 1975.
Hjördís Sigurðardóttir - safn059
Fríða Hafsteinsdóttir til vinstri með dóttur sína Laufey Berndsen í fanginu og Hjördís Sigurðardóttir með son sinn Adolf H. Berndsen. Fríða og Hjördís eru svilkonur. Myndin var líklega tekin 1959.
Elínborg Jónsdóttir - safn 4
Þessu prúðbúnu börn eru óþekkt. Ef þú þekkir þau vinsamlega sendu okkur þá athugasemd.
Héraðsskjalasafn A-Hún 461
Hálfsystkin frá Þverá í Norðurárdal. Emelía Margrét Þorláksdóttir (1897 - ?) og Guðlaugur Sveinsson (1891-13.10.1977) úr Þorlákshúsi á Blönduósi. Þau voru hálfsystkin af móður.
Jósef H Sigurðsson - safn 034
Þessi mynd var líklega tekin við Óseyri á Skagaströnd. Veiðimennirnir eru feðgar úr Hólaneshúsinu, frá vinstri: Kolbeinn Vopni Sigurðsson, Sigurður Magnússon (d.2.8.2002) og Björn Sigurðsson (d.30.12.1996). Björn var sonur Sigurðar af fyrra hjónabandi en Kolbeinn af því síðara.
Hjördís Sigurðardóttir - safn045
Þessi spariklæddu frændsystkini eru, í fremri röð frá vinstri: Laufey Berndsen með Hendrik Berndsen í fanginu, Karl Berndsen (d.28.1.2020), Guðrún Björg Berndsen og Steinunn Berndsen. Í aftari röð frá vinstri: Guðrún Einarsdóttir, Ernst Berndsen og Adolf H. Berndsen. Myndin var líklega tekin 1967.
1
…
40
41
42
…
79
Leita í myndasafninu
Leita