Beint í efni
Skagaströnd.is
↗
Allar myndir
Fólk
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Hópmyndir
Konur
Menn
10.000 myndir
Flæði
Reitir
Héraðsskjalasafn A-Hún 316
Sigurlaug Björnsdóttir (d. 15.9.1989) frá Veðramóti í Gönguskörðum. Hún var dóttir Björns Jónssonar bónda og hreppsstjóra í Háagerði á Skagaströnd og konu hans Þorbjargar Stefánsdóttur frá Heiði í Gönguskörðum í Skagafirði.
Þórunn Bernódusdóttir - safn 023
Þessi mynd var tekin í skemmtiferð líklega í Vaglaskógi kringum 1950. Á henni eru hjónin Elísabet G. Kristjánsdóttir (d.21.3.1991) (Elsa) og Gunnar Helgason (d.19.10.2007).
Héraðsskjalasafn A-Hún 218
Hjónin Margrét Jónsdóttir (d. 21.11.1986) og Karl H. Árnason (d. 25.12.1995) frá Víkum í Skagahreppi (nú Skagabyggð).
Héraðsskjalasafn A-Hún 407
Hjónin í Árnesi á Skagaströnd þau Árni Björn Kristófersson (d. 11.10.1982) og Guðrún Sigurlína Teitsdóttir (d. 17.6.1978). Árni var verkamaður og frístundabóndi en Guðrún var mjög farsæl ljósmóðir.<br>
Hallgrímur Kristmundsson safn041
Ekki er vitað hvar þessi mynd var tekin af fólki að vinna við síldartunnur á bryggjusporði. Líklega er verið að pækla tunnurnar en það fólst í því að bæta saltlegi á tunnurnar eftir að þær voru fylltar, hafði verið lokað og látnar standa í nokkra daga. Til að þetta væri hægt var haft gat - spons - á hlið tunnunnar og trétappi rekinn í. Tunnurnar voru svo geymdar liggjandi á hliðinni til að síður læki úr þeim. Ef þú þekkir hvar myndin var tekin vinsamlega sendu okkur þá athugasemd.
Árni Geir Ingvarsson - safn 921
Trillubátur á ferð í hvítalogni á Reykjarfirði fram af Kúvíkum en þar átti ljósmyndarinn, Herbert Ólafsson (d.25.4.2007), heima á þeim tíma sem myndin var tekin líklega einhverntíma á fimmta áratugnum.
Héraðsskjalasafn A-Hún 271
Guðmundur Lárusson (d. 15.10.2002) Frá Skagaströnd. Guðmundur var húsasmiður og umsvifamikill atvinnurekandi á Skagaströnd. Rak trésmíðaverkstæði og skipasmíðastöð auk þess að vera frumkvöðull að stofnun, og fyrsti framkvæmdastjóri, Rækjuvinnslunnar hf.
Héraðsskjalasafn A-Hún 387
Nýbyggð Höskuldstaðakirkja var vígð 31.mars 1963 og þá var þessi mynd tekin. Biskupinn yfir Íslandi Herra Sigurbjörn Einarsson (d. 28.8.2008) vígði kirkjuna að viðstöddum prestum úr prófastsdæminu og fleirum. Á þessari mynd ganga leikmenn og prestar úr gömlu kirkjunni til hinnar nýju með gripi sem tilheyra Höskuldsstaðakirkju. Fremstir ganga óþekktur maður til vinstri og Hafsteinn Jónasson (d. 11.6.1975) frá Njálsstöðum til hægri. Á milli þeirra sér í Björn Jónsson (d.21.4.1992) frá Ytra-Hóli og við hlið hans, hægra megin er Torfi Sigurðsson (d. 9.10.1993) frá Mánaskál. Aftan við Torfa sér í séra Jón Kr. Ísfeld (d.1.12.1991)og skeggjaði presturinn er líklega séra Sigurður Norland (d. 27.5.1971) frá Hindisvík. Séra Pétur Þ. Ingjaldsson (d. 1.6.1996) frá Skagaströnd er aftast til vinstri en maðurinn í svörtu hempunni aftarlega er líklega séra Gísli H. Kolbeins. Ef þú þekkir einhvern óþekktu mannanna vinsamlega sendu okkur þá athugasemd.
Árni Geir Ingvarsson - safn 973
Með lagni mátti koma fimm manns fyrir í gömlu Willis jeppunum. Það hefur líklega verið gert í þessu tilfelli. Ekki er vitað hvenær né hvar myndin var tekin en líklega hefur það verið kringum 1950. Herbert Ólafsson (d. 25.4.2007) er lengst til vinstri á myndinni en aðrir eru óþekktir. Ef þú þekkir einhvert þeirra vinsamlegast sendu okkur þá athugasemd.
Héraðsskjalasafn A-Hún 107
Ólafur Björnsson (d.10.10.1972) sjómaður á Akureyri. Ólafur var einn af systkinunum frá Syðra Hóli í Vindhælishreppi (nú Skagabyggð).
Hallgrímur Kristmundsson safn008
Á myndinni eru feðginin, frá vinstri: Anna Kristmundsdóttir, Kristmundur Jakobsson (d.1.5.1976) og Ingibjörg Kristmundsdóttir frá Árbakkabúð á Skagaströnd.
Jósef H Sigurðsson - safn 045
Ekki er vitað hvar né hvenær þessi mynd var tekin en Þeir eru kátir, frá vinstri: Rúnar Jósefsson, Axel Gígjar Ásgeirsson og Magnús Bjarni Blöndal (d.7.9.2001).
Árni Geir Ingvarsson - safn 824
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu þegar Þröstur er að gefa leikurunum leiðbeiningar um það sem betur má fara. Frá vinstri: Ingibergur Guðmundsson, Ástmar Kári Ástmarsson, Kristín Jónsdóttir, Guðmunda Ólafsdóttir, Viggó Magnússon, Jón Arnarson og bakið á Þresti leikstjóra.
Ólafur Bernódusson700
Aðstandendur Spákonuhofsins á Skagaströnd settu upp leikrit um Þórdísi spákonu fyrir jólin 2008 í leikstjórn Bryndísar Petru Bragadóttur. Á þessari mynd bindur Davíð Bragi Björgvinsson skóþveng sinn á æfingu.
Héraðsskjalasafn A-Hún 413
Kvenfélagskonur í Skagahreppi (nú Skagabyggð), kvenfélagið Hekla. Sitjandi frá vinstri: Lísebet Gestsdóttir Brandaskarði, Svanlaug Halldórsdóttir Hólma (nú Króksseli) og Guðríður Jónasdóttir (d.20.4.1982) Steinnýjarstöðum. Standandi frá vinstri: Alda Friðgeirsdóttir Sviðningi (Kálfshamri), Ingibjörg Ólafsdóttir Örlygsstöðum, Árný Hjaltadóttir Steinnýjarstöðum og María Kristjánsdóttir Tjörn.
Jón Jónsson 355
Fyrsta öngstræti til hægri eftir Örn Bjarnason var verkefni leikársins 1987 - 1988 á vegum Leikklúbbs Skagastrandar. Verkinu leikstýrði Þröstur Guðbjartsson sem árið áður hafði leikstýrt Síldin kemur og síldin fer fyrir Leikklúbbinn. Á þessari mynd, sem tekin var á sýningu í Fellsborg, eru frá vinstri: Bóel Hallgrímsdóttir, Ástmar Kári Ástmarsson, Steindór Haraldsson og Björk Sveinsdóttir.
Árni Geir Ingvarsson - safn 761
Árnes, sem er elsta húsið á Skagaströnd, byggt 1899, var endurbyggt í sinni upprunalegu mynd árin 2008 - 2009. Húsið var svo formlega tekið í notkun sem safn 29. júní 2009. Á þessari mynd er verkið komið vel á veg undir yfirstjórn Helga Gunnarssonar verktaka á Skagaströnd. Mennirnir á myndinni eru frá vinstri: Eðvarð Ingvason (d. 29.5.2011) og Sigurður F. Björnsson smiðir frá Trésmiðju Helga Gunnarssonar. Hjá þeim stendur Magnús B. Jónsson sveitarstjóri að virða fyrir sér framvindu verksins.<br><br>
Bjarnhildur Sigurðardóttir - safn 042
Í seinni hluta október 1992 fór starfsfólk Hólaness hf, ásamt mökum sínum, saman í stutta ferð til Dublin. Þessi mynd var tekin í ferðinni. Fólkið er, talið frá vinstri: Inga Þorvaldsdóttir (d. 14.12.2012), Birgir Árnason (d. 2.2.2005) maður hennar, Sólveig Róarsdóttir og Árni Björn Birgisson.
Árni Geir Ingvarsson - safn 850
Þessi mynd var tekin þegar Arnar Hu 1 2173 kom til Skagastrandar rétt fyrir jól 1992 ný smíðaður í Bergen í Noregi. Karlarnir í brúnni eru frá vinstri: Guðjón Ebbi Sigtryggsson skipsstjóri, Árni Ólafur Sigurðsson fyrsti stýrimaður, Ernst Berndsen 1. vélstjóri, Gylfi Sigurðsson stjórnarformaður Skagstrendings hf og Sveinn S. Ingólfsson framkvæmdastjóri fyriortækisins.
Héraðsskjalasafn A-Hún 255
Á myndinni eru hjónin Þórey Jónsdóttir (1868 - 1914) og Björn Árnason (1870 - 1932) frá Syðri-Ey með börn sín. Frá vinstri: Árni Björnsson (1898 - 1978), Þórey, Sigurlaug Björnsdóttir (1896 - 1923), Þórarinn Björnsson (1903 - 1967), Björn og Stefán Björnsson (1905 - 1998).
Héraðsskjalasafn A-Hún 423
Sigurlaug Helgadóttir (d.21.10.2009) frá Skagaströnd. Sigurlaug var gift Gunnari Grímssyni (d.11.9.2003) kaupfélagsstjóra á Skagaströnd 1937-1955. Í vikublaðinu "Víðir", sem gefið var út í Vestmannaeyjum frá 1928 og næstu áratugina, var eftirfarandi frétt í 27. tölulaði 18. júní 1938: "Stórkostlegt bílslys" "Föstudaginn 10. þ.m. var mjög ægilegt bílslys við Blönduóssbrúna. Bíllinn fór út af trébrú, sem er norðan við Blönduóssbrúna, og féll niður 8 - 10 metra hæð í gil og brotnaði mikið. Fimm manns voru í bílnum : Gunnar Grímsson kaupfélagsstjóri á Skagaströnd og kona hans Sigurlaug Helgadóttir. Meiddust þau bæði mjög mikið, og er konunni varla hugað líf. Skemmdist hún svo innvortis, að gera varð á henni holskurð strax. Gerði hann P.V. G. Kolka héraðslæknir með aðstoð Torfa Bjarnasonar héraðslæknis á Hvammstanga. Auk hjónanna voru í bílnum tvö systkyni Sigurlaugar: Laufey Helgadóttir með barn sitt tveggja ára gamalt, og bílstjórinn Óskar Helgason. Orsök slyssins er talin ólag, sem verið hafi á bílnum, einkum bensígjöfinni. Hafi skyndilega komið svo mikið bensín inn á vélina, að bílstjórinn réð ekki við bílinn, og rann hann á trégirðinguna og út fyrir".
Jósef H Sigurðsson - safn 029
Jósep Sigurðsson með tvö óþekkt börn.
Héraðsskjalasafn A-Hún 417
Guðmundur Kr. Guðnason (d.21.11.1988) frá Ægissíðu á Skagaströnd. Guðmundur - eða Mundi póstur- var póstur, organisti, áhugaljósmyndari og mikill kirkjunnar maður.
Árni Geir Ingvarsson - safn 865
Eftir lagfæringar var Borgarvirki vígt 23. júní 1950 með mikilli hátíð. Þar var staddur Herbert Ólafsson (d. 25.4.2007) og hann tók þessa mynd yfir hátíðasvæðið. Þar var reistur danspallur því að víslu lokinni var dansað. Fjöldi manns sótti vígsuhátíðina meðal annars hópur á vegum Húnvetningafélagsins í Reykjavík og gistu margir í tjöldum á svæðinu. Á þessari mynd er Borgarvirkið sjálft í baksýn.
Guðrún Soffía Pétursdóttir - safn046
Eldri borgarar á ferðalagi heimsóttu Hóladómkirkju í september 2004 ásamt nokkrum fylgifiskum. Frá vinstri: Kristín Birna Guðmundsdóttir og Rósa Björg Högnadóttir.
Héraðsskjalasafn A-Hún 448
Björn Árnason (1870 - 24.8.1932) frá Syðri-Ey í Vindhælishreppi (nú Skagabyggð). Björn fæddist að Þverá í Hallárdal en varð seinna bóndi, hreppsstjóri og kennari á Syðri-Ey. Björn bjó um tíma í Brimnesi á Skagaströnd.
Jósef H Sigurðsson - safn 086
Systkin í Hólaneshúsinu. Jósep Sigurðsson situr en liggjandi eru frá vinstri: Magnús Sigurðsson, Hjörtur Sigurðsson (d.9.5.2015) og Sigríður Sigurðardóttir. Myndin hefur líklega verið tekin 1966.
Héraðsskjalasafn A-Hún 285
Diðrik Knud Ludvig Knudsen (9.2.1867 - 30.4.1930). Diðrik fæddist á Hólanesi á Skagaströnd þar sem faðir hans, Jens Anders Knudsen, var verslunarstjóri. Diðrik tók guðfræðipróf frá prestaskólanum í Reykjavík árið 1892 og starfaði eftir það sem prestur á nokkrum stöðum meðal annars á Breiðabólstað í Vesturhópi þar sem hann andaðist 30 apríl 1930. (Heimild: Óðinn 27. árgangur 1931, 7.-12. tölublað bls 90-91).
Héraðsskjalasafn A-Hún 260
Gunnar Hermann Grímsson (d. 11.9.2003) kaupfélagsstjóri á Skagaströnd 1937 - 1955. Hreppsnefndarmaður í Höfðahreppi um tíma og sat í sýslunefnd A-Hún 1939 - 1955.<br><br>
Jósef H Sigurðsson - safn 061
Sigurður Magnússon (d.2.8.2002) verkstjóri. Sigurður átti lengi heima í Hólaneshúsinu á Skagaströnd og var verkstjóri við fiskvinnslu. Sigurður var vinsæll maður, tvígiftur og barnmargur því hann eignaðist 11 börn. Eitt barna hans dó í frumbernsku en hin komust til fullorðinsára.
Jósef H Sigurðsson - safn 035
Þessi mynd var líklega tekin við Óseyri á Skagaströnd. Veiðimennirnir eru feðgar úr Hólaneshúsinu, frá vinstri: Kolbeinn Vopni Sigurðsson, Sigurður Magnússon (d.2.8.2002) og Jósep Hjálmar Sigurðsson.
Ólafur Bernódusson676
5. júlí 2008 var farin Þórdísarganga á Spákonfellsborg á vegum Spákonuhofsins á Skagaströnd. leiðsögumaður var Ólafur Bernódusson en milli 60 og 70 manns kom með í gönguna í blíðu veðri.<br>Á myndinni eru Adolf H. Berndsen og Guðbjörg Viggósdóttir að safna kröftum fyrir síðustu brekkunu upp á Borgarhausinn.
Héraðsskjalasafn A-Hún 320
Sigrtyggur Bergsson (1890- 8.8.1928) ráðsmaður í Tungu var giftur Helgu Brynjólfsdóttur frá Engey.
Jósef H Sigurðsson - safn 030
Hjörtur þórarinn Sigurðsson (d. 9.5.2015) úr Hólaneshúsi í tjaldútilegu.
Bjarnhildur Sigurðardóttir - safn 028
Haustið 1992 var haldið námskeið í skrifstofutækni fyrir fullorðið fólk í Höfðaskóla. Þessi mynd var tekin í lokahófi sem haldið var 19.desember af kennurum og nemendum á námskeiðinu í hótel Dagsbrún. Á myndinni eru frá vinstri: óþekkt, Jón Ingvar Valdimarsson, Sigríður Einarsdóttir, Gunnar Ásgeirsson, Erla Kristinsdóttir og óþekktur.
Árni Geir Ingvarsson - safn 998
Ragnar Smári Ingvarsson að setja krem á mömmukökur heima í eldhúsi á Bogabraut 16. Myndin var líklega tekin einhverntíma kringum 1964.
Árni Geir Ingvarsson - safn 694
Þorrablót hefur verið árviss viðburður í febrúar í Fellsborg í áratugi á vegum kvenfélagsins Einingar með dyggri aðstoð félaga í Leikklúbbi Skagastrandar og fleiri við skemmtiatriði á blótinu. Á þessari mynd, sem tekin var á æfingu á skemmtiatriðunum, eru þeir Hafþór Gylfason til vinstri og Halldór Gunnar Ólafsson til hægri í hlutverkum sínum. Ártalið er óþekkt.
Ólafur Bernódusson636
17. júní 2008 var formlega opnuð merkt gönguleið um Spákonufellshöfða. Á þessari mynd er Steindór R. Haraldsson búinn að koma sér vel fyrir í skjóli fyrir norð-austan gjólunni, sem var þennan dag, meðan hann hlustar á Magnús B. Jónsson sveitarstjóra lýsa gönguleiðinni fyrir opnunina.
Árni Geir Ingvarsson - safn 717
Eftir að þökur hafa verið lagðar er nauðsynlegt að vökva þær vel. Á þessari mynd vökva, með brunaslöngu, nýlagðar þökur við Einbúann þær: Amy Ósk Ómarsdóttir til vinstri og Alma Eik Sævarsdóttir til hægri.
Jón Jónsson 426
Fermingarsystur í Höskuldsstaðakirkju vorið 1981 ásamt sóknarprestinum og konu hans. Frá vinstri: Signý Gunnlaugsdóttir (d. 4.5.2015) Balaskarði, Kristín Ásgerður Blöndal Blöndubakka, séra Pétur Þ. Ingjaldsson (d. 1.6.1996), Dómhildur Jónsdóttir (d. 18.10.2012), Jófríður Jónsdóttir Sölvabakka og Anna Lilja Björnsdóttir Syðra-Hóli.
Bjarnhildur Sigurðardóttir - safn 032
Haustið 1992 var haldið námskeið í skrifstofutækni fyrir fullorðið fólk í Höfðaskóla. Þessi mynd var tekin í lokahófi sem haldið var 19.desember af kennurum og nemendum á námskeiðinu í hótel Dagsbrún. Á myndinni eru frá vinstri: Ársæll Guðmundsson, Guðbjörg Þorleifsdóttir, Helgi Marínó Magnússon og Jón Ingvar Valdimarsson
Héraðsskjalasafn A-Hún 374
Fjölskyldan á Keldulandi í Skagahreppi (nú Skagabyggð). Frá vinstri: Guðrún Ólafsdóttir (1866-apríl 1922), Sigurlína Lárusdóttir (1907-10.7.1986), Jón Lárusson (1903-1930), Ólafur Lárusson (1904-20.3.1933), Björn Lárusson (1902-20.3.1933) og Lárus Björnsson (1869-2.5.1936). Bræðurnir Ólafur og Björn fórust með bát frá Suðurnesjum ásamt tveimur öðrum mönnum. Annar þeirra var Karl Kristjánsson frá Skagaströnd.
Bjarnhildur Sigurðardóttir - safn 036
Haustið 1992 var haldið námskeið í skrifstofutækni fyrir fullorðið fólk í Höfðaskóla. Þessi mynd var tekin í lokahófi sem haldið var 19.desember af kennurum og nemendum á námskeiðinu í hótel Dagsbrún. Á myndinni eru frá vinstri: Erla Sigurbjörnsdóttir, Ardís Ólöf Arelíusdóttir, Guðbjörg Þorleifsdóttir, Jón Ingvar Valdimarsson, Hrönn Valgarðsdóttir, Ársæll Guðmundsson og Helgi Marínó Magnússon.
Héraðsskjalasafn A-Hún 173
Hjónin Björk Axelsdóttir kennari og Jón S. Pálsson kennari og skólastjóri frá Skagaströnd.
Ólafur Bernódusson640
17. júní 2008 var formlega opnuð merkt gönguleið um Spákonufellshöfða. Á þessari mynd er fólk að spá í gönguleiðarkortið einhversstaðar á leið sinni um Höfðann. Frá vinstri: Sigurlaug Máney Hafliðadóttir, Guðrún Anna Halldórsdóttir, Guðrún Pálsdóttir, Sigurbjörg Birta Berndsen og Björk Sveinsdóttir.
Bjarnhildur Sigurðardóttir - safn 084
Í nokkur ár upp úr 1990 var Bjarnhildur Sigurðardóttir (d.22.4.2016) skemmtanastjóri í veitingahúsinu Kántrýbæ á Skagaströnd. Bjarnhildur fékk marga af topp listamönnum þjóðarinnar í dægurgeiranum til að koma og vera með tónleika á litla sviðinu í Kántrýbæ. Á þessari mynd frá 5. ágúst 1994 treður unglingahljómsveitin T-Rex upp fyrir 50 manns. Hljómsveitin var skipuð ungum strákum frá Skagaströnd en þeir eru frá vinstri: Birkir Rafn Gíslason, Jón Ólafur Sigurjónsson, Sigurður Berndsen og Pétur Herbertsson. Birkir er sá eini þeirra sem lagt hefur tónlistina fyrir sig sem atvinnugrein.
Héraðsskjalasafn A-Hún 380
Magnús Daníelsson (d. 1.6.1993) frá Syðri-Ey í Vindhælishreppi (nú Skagabyggð) með hundi sínum út á túni.
Héraðsskjalasafn A-Hún 404
Fermingarmynd af Sigurði Jónssyni (d.17.4.1956) hreppsstjóra í Hólanesi á Skagaströnd. Myndin var tekin í Voss í Noregi.
Árni Geir Ingvarsson - safn 842
Hressir ungir menn í snjó. Fjær: Jón Indriðason til vinstri og Sigubjörn Fanndal Þorvaldsson(d.13.8.2000) til hægri. Nær okkur: Stefán Ægir Lárusson til vinstri og Ingimar Oddsson til hægri. Ekki er vitað hvenær myndin var tekin en það hefur líklega verið um eða upp úr 1980.
Árni Geir Ingvarsson - safn 869
Eftir lagfæringar var Borgarvirki vígt 23. júní 1950 með mikilli hátíð. Þar var staddur Herbert Ólafsson (d. 25.4.2007) og hann tók þessa mynd yfir hluta tjaldsvæðisins. Fólk kom víða að og margir gistu í tjöldum á svæðinu.
Árni Geir Ingvarsson - safn 773
Hallgrímur Jónsson (d.?) við kaffiborðið í áhaldahúsinu.
Héraðsskjalasafn A-Hún 347
Séra Pétur Þ. Ingjaldsson (d.1.6.1996) flytur hátíðaræðu sjómannadagsins á Skagaströnd á sviðinu í gömlu Tunnunni. Ekki er vitað hvaða ár þetta var.
Héraðsskjalasafn A-Hún 270
Með myndinni er textinn: "Guðríður Jósefsdóttir 1874 - 1923 - úr Höskuldsstaðasókn".
Bjarnhildur Sigurðardóttir - safn 038
Haustið 1992 var haldið námskeið í skrifstofutækni fyrir fullorðið fólk í Höfðaskóla. Þessi mynd var tekin í lokahófi sem haldið var 19.desember af kennurum og nemendum á námskeiðinu í hótel Dagsbrún. Á myndinni eru frá vinstri: Bjarnhildur Sigurðardóttir (d. 22.4.2016), Kristján Birgisson og Hafdís Ásgeirsdóttir.
Hallgrímur Kristmundsson safn003
Einhverntíma á fyrstu árum hátíðahalda á sjómannadegi á Skagaströnd voru þau haldin á Hólanesinu. Þessi mynd var líklega tekin á sjómannadegi fyrir utan Bjarmanes eða gamla skólann eins og húsið var gjarnan kallað eftir 1958 þegar Höfðaskóli flutti í núverandi húsnæði. Þegar myndin var tekin, sem gæti hafa verið einhverntíma 1942 - 1946, var Höfðaskóli í húsinu og eins og sjá má var gengið inn í húsið að sunnan- og vestanverðu eins og gert er í dag eftir endurbyggingu Bjarmaness sem lauk 2004.
Árni Geir Ingvarsson - safn 796
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af Kristínu Jónsdóttur til vinstri og Þórey Jónsdóttur til hægri.
Bjarnhildur Sigurðardóttir - safn 012
Leikritið Gísl eftir Brendan Beham í þýðingu Jónasar Árnasonar setti Leikklúbbur Skagastrandar upp leikárið 1979 - 1980. Leikstjóri var Ragnhildur Steingrímsdóttir (d.25.6.2009). Leikritið gekk vel og var sýnt víða m.a. á Seltjarnarnesi fyrir fullu húsi. Á myndinni eru í hlutverkum sínum frá vinstri: Hjörtur Guðbjartsson, Viggó Brynjólfsson í stiganum Elín Njálsdóttir (næst), Hallveig Ingimarsdóttir (í miðið) og Guðmundur Haukur Sigurðsson (fjærst), Lárus Ægir Guðmundsson, Bernódus Ólafsson (d. 18.9.1996) og Hallbjörn Hjartarson. Í stiganum má reyndar líka sjá handlegginn á Gunnari Benónýssyni (d. 29.7.2003) sem þar var ásamt hinum.
Héraðsskjalasafn A-Hún 396
Jón Jónsson (d. 9.7.1991) í Asparlundi á Skagaströnd síðast framkvæmdastjóri Rækjuvinnslunnar hf á Skagaströnd.
Ólafur Bernódusson674
5. júlí 2008 var farin Þórdísarganga á Spákonfellsborg á vegum Spákonuhofsins á Skagaströnd. leiðsögumaður var Ólafur Bernódusson en milli 60 og 70 manns kom með í gönguna í blíðu veðri.<br>Á myndinni er áð við álfastein á leiðinni upp með Skagaströnd í baksýn. Hönd er lögð á steininn til að komast í samband við álfana í honum. Margrét Einarsdóttir reynir að ná sambandi með tvíþumla ullarvettling á hinni hendinni til að bæta sambandið. Beint aftan við Margréti er Ólafur Bernódusson og til hægri er Helgi Gunnarsson. Aðrir eru óþekktir.
Héraðsskjalasafn A-Hún 243
Thomas Jarowsky Thomsen (d. 24.6.1877) kaupmaður (faktor) á Hólanesi á Skagaströnd.
1
…
122
123
124
…
167
Leita í myndasafninu
Leita