Beint í efni
Skagaströnd.is
↗
Allar myndir
Fólk
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Hópmyndir
Konur
Menn
10.000 myndir
Flæði
Reitir
Héraðsskjalasafn A-Hún 283
Ólafur Davíðsson (1862- 6.9.1903) cand.phil frá Hofi í Hörgárbyggð. Ólafur var þjóðsagnasafnari og var m.a. ritstóri bókanna: Íslenskar þjóðsögur sem gefin var út af Ísafoldarprentsmiðju í Reykjavík 1895 og Íslenskir vikivakar og vikivakakvæði sem Hið Íslenska bókmenntafélag gaf út 1894. Ólafur menntaði sig í náttúrufræði við Kaupmannahafnarháskóla en lauk ekki prófi. Heimkominn til Íslands 1897 gerðist hann kennari í Möðruvallaskóla en hann drukknaði í Hörgá 6. september 1903 ógiftur og barnlaus.
Árni Geir Ingvarsson - safn 2 5
Gylfi Sigurðsson mokar frá útidyrunum á húsi sínu á Bogabraut 12. Eins og sjá má er Bogabrautin á kafi í snjó. Líklega hefur myndin verið tekin veturinn 1995 -96.
Ólafur Bernódusson703
Aðstandendur Spákonuhofsins á Skagaströnd settu upp leikrit um Þórdísi spákonu fyrir jólin 2008 í leikstjórn Bryndísar Petru Bragadóttur. Á þessari mynd er hluti af hópnum sem tók þátt í uppfærslunni. Frá vinstri: óþekktur, Steindór Haraldsson, Bragi Sigurðarson, óþekkt, Fjölnir Ásbjörnsson, Halldór Gunnar Ólafsson, Helena Velemir, Péturína Jakobsdóttir, Signý Richter, Björk Sveinsdóttir og Davíð Bragi Björgvinsson.
Dagný Sigmarsdóttir - safn 047
Þessir krakkar eru stolt af viðukenningum sínum sem þau fengu að loknu víðavangshlaupi á Skagaströnd. Slík hlaup voru árviss viðburður á vorin í mörg ár á vegum umf Fram oftast undir styrkri stjórn Lárusar Ægis Guðmundssonar. Á þessari mynd eru frá vinstri: óþekkt, Guðjón Hall Sigurbjörnsson, Elva Dröfn Árnadóttir og fyrir aftan hana er Jóhannes William Grétarsson. Elín Ósk Ómarsdóttir er við hlið hans í appelsínugulri peysu. Birkir Rafn Gíslason er við hlið Elvu í röðinni og síðan kemur Sverrir Brynjar Berndsen með bláa húfu. Aftan við hann er Bjarney Gunnarsdóttir og óþekkt. Í grænni peysu í röðinni er óþekkt, ?Elvar Arinbjörn Grétarsson?, óþekkt, Emelía Rós Sigfúsdóttir, Arís Eva Vilhelmsdóttir og óþekktur drengur. Grétar Haraldsson er í bláum jakka aftarlega á myndinni og við hlið hans er Árný Helgadóttir og ?Svava Magnúsdóttir?. Ef þú þekkir börnin sem eru óþekkt vinsamlega sendu okkur þá athugasemd.
Héraðsskjalasafn A-Hún 321
Jóhannes Hinriksson (d. 27.10.1973) frá Ásholti á Skagaströnd.
Guðrún Soffía Pétursdóttir - safn026
Óðinn Örn Sævarsson og Jón Atli Magnússon í skíðaferðalagi í Hlíðarfjalli með bekknum sínum í mars 2002. Aðrir á myndinni eru óþekktir.
Jósef H Sigurðsson - safn 078
Oft er sagt að jólin séu hátíð barnanna. Þessi mynd styður þá fullyrðingu því systkinin á henni eru greinilega mjög glöð og hamingjusöm á jólunum. Þau eru frá vinstri: Sigríður Sigurðardóttir, Jósep Sigurðsson, Magnús Sigurðsson og Hjörtur Sigurðsson (d.9.5.2015). Myndin var líklega tekin heima í Hólaneshúsinu á jólunum 1967 eða 1968.
Árni Geir Ingvarsson - safn 966
Bæring Skarphéðinsson að basla við vatnskött í sjónum í Skagastrandarhöfn.
Jósef H Sigurðsson - safn 017
Systkinin Kolbeinn Vopni Sigurðsson og Hugrún Sigurðardóttir heima í Hólaneshúsinu. Myndin var líklega tekin einhverntíma 1975 - 1977.
Árni Geir Ingvarsson - safn 788
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af senu sem gerist á söltunarplaninu. Leikararnir eru frá vinstri: Sigurbjörg Árdís Indriðadóttir, Guðmunda Ólafsdóttir, Kristín Jónsdóttir, Herborg Þorláksdóttir, Bóel Hallgrímsdóttir og Sigrún Jónsdóttir.
Árni Geir Ingvarsson - safn 1002
Ragnar Smári Ingvarsson
Guðrún Sigurðardóttir - safn 035
Kvennaskólastúlkur kvennaskólans á Blönduósi veturinn í apríl 1960. Ólína Hafsteinsdóttir frá Reykholti á Skagaströnd er önnur frá vinstri en hinar eru óþekktar. Ef þú þekkir einhverja þeirra vinsamlega sendu okkur þá athugasemd.
Héraðsskjalasafn A-Hún 457
Fermingarbörn vorið 1954 frá Hólaneskirkju. Frá vinstri: Hjalti Skaftason, Guðrún Angantýsdóttir, Laufey Ólafsdóttir (Sísí í Sævarlandi) og Sigurbjörg Angantýsdóttir (d.10.9.1997).
Jósef H Sigurðsson - safn 094
Sigurður Magnússon (d.2.8.2002) úr Hólaneshúsinu fær sér í pípu við Willis - jeppann sinn á planinu vestan við Hafnarhúsið. Ekki er vitað hvenær myndin var tekin.
Árni Geir Ingvarsson - safn 714
Framlag vinnuskólakrakkanna við umhirðu og fegrun bæjarins er oft vanmetið og fólki hættir til að tala niður til þeirra. Það er þó algjör óþarfi því þau leggja gjörva hönd á margt sem til framfara horfir. Á þessari mynd eru þau að þökuleggja sár sem myndaðist við niðurrif hússins sem eitt sinn hýsti verslunina Borg. Krakkarnir eru frá vinstri: Eva Dís Gunnarsdóttir, Torfi Friðrik Magnason, Silfá Sjöfn Árnadóttir og ?Katrín Guðmundsdóttir?.
Hallgrímur Kristmundsson safn001
Þrír sjómenn frá Skagaströnd gera sér glaðan dag í sparifötunum í Þórskaffi líklega 1968. Mennirnir eru frá vinstri: Ísleifur Haraldsson sem oft var kenndur við Jaðar, Hallgrímur Kristmundsson (d. 9.10.1998) en hann byggði húsið að Hólabraut 14 og bjó þar. Lengst til hægri er svo Björn Sigmundson úr Stórholti/Bankastræti 3.
Árni Geir Ingvarsson - safn 841
Hugrún Pálsdóttir fyrir utan útibú Kaupfélags Húnvetninga á Skagaströnd. Ekki er vitað hvenær myndin var tekin en líklega hefur það verið kringum 1980.
Guðrún Soffía Pétursdóttir - safn101
Líkami og sál var félagsskapur kvenna á Skagaströnd sem stóð fyrir margs konar uppákomum til að rækta líkama og sál nokkra vetur í röð. Þessi mynd var tekin í hófi/skemmtikvöldi félagsskaparins í október 2005. Vinstra megin við borðið sitja frá vinstri: Elva Þórisdóttir, Aðalheiður Sif Árnadóttir, Erna Hreinsdóttir, óþekkt, Ásthildur Guðmundsdóttir, tvær óþekktar. Hægra megin við borðið sitja<br>Þórunn Bernódusdóttir næst okkur, Hjördís Sigurðardóttir er næst og svo Dagný Marín Sigmarsdóttir. Aðrir á myndinni eru óþekktir.
Árni Geir Ingvarsson - safn 833
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af Herborgu Þorláksdóttur fyrir útgáfu leikskrár.
Árni Geir Ingvarsson - safn 786
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af hljóð - og ljósamönnunum. Guðjón Árnason hljóðmaður er til vinstri og Árni Geir Ingvarsson ljósameistari er til hægri.
Ólafur Bernódusson664
Púttað á flötinni á fjórðu braut á Háagerðisvelli sumarið 2007 á punktamóti. Þessi flöt er af mörgum talinn gimsteinninn á vellinum. Golfararnir á myndinni eru frá vinstri: Guðrún Jónsdóttir, Guðrún Pálsdóttir og Jón Ólafur Ívarsson (d. 29.12.2013).
Adolf H Berndsen - safn085
Fiskpökkun hjá Marska ehf. Þórey Jónsdóttir og sonur hennar Guðjón Hall Sigurbjörnsson pakka sjófrystum fiskflökum í neytendapakkningar.
Árni Geir Ingvarsson - safn 809
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikararnir eru frá vinstri: Sigrún Jónsdóttir, tvær óþekktar, Ástmar Kári Ástmarsson og Kristín Jónsdóttir.
Jósef H Sigurðsson - safn 052
Mæðginin Dóróthea Hallgrímsdóttir (d.17.10.2004) og Jósep Sigurðsson. Líklega var myndin tekin á fermingardegi Jóseps vorið 1975.
Hjördís Sigurðardóttir - safn058
Fólkið á þessari mynd hefur stillt sér upp sunnan undir vegg kaupfélagshússins. Myndin hefur líklega verið tekin kringum 1950 en þá var rekið bakarí á Kaupfélagsloftinu. Bakaríinu var svo lokað 1954 vegna taprekstrar. Frá vinstri á myndinni eru: Hjördís Sigurðardóttir, Sigurður Árnason (d.26.3.2013) og Guðrún Sigurðardóttir.
Elínborg Jónsdóttir - safn 17
Textinn með þessari mynd er:"Heimasætur". Ekki er vitað um hvaða heimasætur er að ræða en ef þú þekkir þær vinsamlega sendu okkur þá athugasemd.
Árni Geir Ingvarsson - safn 962
Þessi mynd var tekin á þorrablótsæfingu, líklega 2013. Á henni eru Magnús B. Jónsson til vinstri og Einar Haukur Arason til hægri í hlutverkum sínum sem Sigurbjörn Björgvinsson bifreiðastjóri og Guðmundur J. Björnsson gröfumaður í kaffi á áhaldahúsinu að bíða eftir að fá einhver verkefni fyrir tæki sín.
Ólafur Bernódusson645
Stóra upplestarkeppnin er haldin á landinu á hverju ári. Þar keppa nemendur í 7. bekkjum skólanna sín á milli hver er besti upplesarinn. Keppt er innbyrðis á hverju skólasvæði fyrir sig og siguvegari fundinn. Skólarnir í Húnavatnssýslum halda sameiginlega keppni sem kennd er við Grím Gíslason (d. 31.3.2007) frá Saurbæ í Vatnsdal. Þar mæta þrír bestu lesararnir frá hverjum af skólunum fjórum á svæðinu eftir að hafa sigrað í sínum skóla. 23. mars 2006 var keppnin haldin á Skagaströnd. Á þessari mynd er Sara Rut Fannarsdóttir, ein af þremur keppendum Höfðaskóla, að lesa upp fyrir fullan sal af gestum í félagsheimilinu Fellsborg.
Guðrún Sigurðardóttir - safn 017
Sigurður Guðmonsson (d. 5.8.1981) frá Þórsmörk með sonarson sinn, Hafþór Gylfason, í fanginu fyrir utan Þórsmörk. Myndin var líklega tekin 1964.
Jósef H Sigurðsson - safn 072
Myndin var tekin í Höfðahólum á Snæfellsnesi. Hjólförin í brekkunni eru eftir þekktan fjölmiðlamann og "náttúruverndarsinna" sem eignaðist Ford Bronco fljótlega eftir að farið var að flytja þá til landsins 1966 og vildi kanna getu hans. Á myndinni leiða, Bergljót Óskarsdóttir (d.22.2.2004) til vinstri og Sigríður Ásgeirsdóttir (d. 11.12.2006) til hægri, Sigurð Magnússon (d. 2.8.2002).
Dagný Sigmarsdóttir - safn 080
Þetta eru tvíburasysturnar Sigurbjörg Angantýsdóttir (d.10.9.1997) og Guðrún Angantýsdóttir. Ljósmyndasafnið veit þó ekki hvor er hvað þannig að ef þú veist það vinsamlega sendu okkur þá athugasemd.
Hallgrímur Kristmundsson safn040
Nokkrar óþekktar stúlkur að salta síld. Konur voru yfirleitt alltaf með slæðu eða eitthvað annað yfir hárinu við söltunina. Ekki er víst að það hafi verið gert til að hár færu ekki í tunnuna með síldinni heldur vildu konur ekki fá hreistur, sem er mikill fylgifiskur síldarinnar, í hár sitt. Konurnar á myndinni eru óþekktar.
Hallgrímur Kristmundsson safn035
Guðmundur Jóhannesson í skemmtiferð í Listigarðinum á Akureyri. Ekki er vitað hvenær myndin var tekin en líklega hefur það verið fyrir 1950.
Jósef H Sigurðsson - safn 020
Þessar prúðbúnu mæðgur eru Dóróthea Hallgrímsdóttir (d.17.10.2004) sem heldur við dóttur sína Sigríði Sigurðardóttur heima í Hólaneshúsinu. Myndin var sennilega tekin 1964 eða 65.
Elínborg Jónsdóttir - safn 5
Með þessari mynd stendur: "Elín í kyrtli". Ekki er vitað hver Elín er en ef þú þekkir hana vinsamlega sendu okkur þá athugasemd. Myndin var líklega tekin við Másstaði í Vatnsdal.
Héraðsskjalasafn A-Hún 300
Sveinsína Bergsdóttir (d. 20.12.1981) frá Mánaskál og Ingimundur Bjarnason (d. 6.3.1976) með þremur dætrum sínum. Líklega eru það frá vinstri: Sigríður Ingimundardóttir, Herdís Helga Ingimundardóttir og Fannlaug Ingimundardóttir. Sveinsína og Ingimundur, sem var járnsmiður, bjuggu á Sauðárkróki þar sem hann rak járn- og eldsmiðju í kjallaranum í húsi þeirra hjóna að Suðurgötu 5 (Árbakka).
Árni Geir Ingvarsson - safn 887
Þessar tvær blómarósir eru óþekktar. Herbert Ólafsson (d.25.4.2007) tók myndina en ekki er vitað hver né hvenær. Ef þú þekkir aðra hvora konuna eða báðar vinsamlega sendu okkur þá athugasemd.
Adolf H Berndsen - safn061
Gísli Ísleifsson (d.9.9.1932) sýslumaður Húnvetning 1897 - 1912 með dætur sínar þrjár. Sorgin átti heldur betur eftir að berja að dyrum hjá Gísla því dæturnar létust allar ungar úr berklum. Nöfn dætranna eru óþekkt.
Árni Geir Ingvarsson - safn 827
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikaranir á myndinni eru frá vinstri: Ingimar Oddsson, Magnús B. Jónsson, Ólafur Bernódusson, Birna Blöndal og á bak við Magnús grillir í Þorvald Skaftason.
Árni Geir Ingvarsson - safn 790
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikararnir eru frá vinstri: Bergþór Gunnarson, Jón Arnarson, Viggó Magnússon, Ástmar Kári Ástmarsson og Þorvaldur Skaftason.
Héraðsskjalasafn A-Hún 418
Rósa Pálsdóttir (d. 1.5.2002) frá Óseyri og seinna Bjargi og Breiðabliki. Var sambýliskona Bjarna Jóhanns Jóhannssonar (d. 12.9.1971). Þau áttu saman átta börn en eitt þeirra dó í frumbernsku.
Héraðsskjalasafn A-Hún 352
Ms Stellgeth T-88-1 var norskt selveiðiskip sem sótti til veiða norður í íshaf. Í áhöfn þessa skips var Jóhann D. Baldvinsson (d.9.4.1990) frá Skagaströnd og er myndin frá honum komin. Myndin var tekin 1929 og eins og sjá má er Sellgeth inni í miðri ísbreiðunni og karlarnir komnir út á ísinn í leit að selum. Jóhann, eða Jói norski eins og hann var gjarnan kallaður, fór sextán selveiðiferðir norður í ísinn með norðmönnum á fyrri hluta tuttugustu aldar.
Guðrún Sigurðardóttir - safn 044
Myndin var tekin í sundi sem var á milli Skálholts og Þórshamars. Í þessu sundi lagði Gunnar Helgason (d.19.10.2007) gjarnan vörubíl sínum, sem sést í baksýn, enda bjó hann í Stórholti, sem er húsið með kvistinum aftan við mennina. Mennirnir eru frá vinstri: Sigmar Jóhannesson (d.20.4.2000), óþekktur, Karl Guðmundsson ? (d.11.12.2011) og Gunnar Sveinsson. Ekki er vitað hvenær myndin var tekin.
Jósef H Sigurðsson - safn 066
Frænkurnar Drífa Kristjánsdóttir og Kenny Hallbjörnsdóttir eru bræðradætur.
Jósef H Sigurðsson - safn 062
Sæbjörg Drífa Kristjánsdóttir. Myndin var tekin í júlí 1991.
Adolf H Berndsen - safn060
Aftan á myndinni stendur: "Gísli Þorsteinsson og frú". Fleira er ekki vitað um fólkið á myndinni.
Héraðsskjalasafn A-Hún 419
Ole Aamundsen (d.?) - Óli norski - í Lundi á Skagaströnd. Ole var athafnamaður og rak lifrarbræðslu og útgerð á Skagaströnd jafnframt því að vera umboðsmaður fyrir Shell olíufélagið.
Héraðsskjalasafn A-Hún 369
Hjónin Björn Sigurðsson (d. ?) frá Balaskarði og óþekkt kona hans. Ef þú veist hvað konan hét vinsamlega sendu okkur þá athugasemd.
Árni Geir Ingvarsson - safn 981
Skrúðganga kvenna farin á Djúpavík. Á síldarárunum fóru konur þar í skrúðgöngu á hverju ári á 17. júní. Myndina tók Herbert Ólafsson (d.25.4.2007).
Héraðsskjalasafn A-Hún 345
Samkvæmt merkingu Héraðsskjalasafns A-Hún er þetta Jónas Jónasson frá Skagaströnd. Myndin kom til safnsins frá Jóni Steindórssyni frá Höfðahólum.
Árni Geir Ingvarsson - safn 830
Myndin var tekin á árshátíð eða innanfélags skemmtifundi Leikklúbbs Skagastrandar. Þar gerði fólk sér margt til skemmtunar og á þessari mynd er Kristján Blöndal með óborganlega túlkun á hinum fræga Gísla frá Uppsölum. Ekki er vitað hvaða ár myndin var tekin
Ólafur Bernódusson660
Blysför á gamlárskvöldi 2010. Samkvæmt venju hefst blysförin við Fellsborg og endar við brennustæðið við endann á Vetrarbrautinni. Þá eru kyndlarnir notaðir til að kveikja í bálkestinum þannig að allir fá að taka þátt í að kveikja áramótabálið.
Jósef H Sigurðsson - safn 024
Ekki er vitað hvaða barn úr Hólaneshúsinu er í skírnarkjólnum á þessari mynd. Hjónunum þar, Sigurði Magnússyni (d. 2.8.2002) og Dórótheu Hallgrímsdóttur (d. 17.10.2004), fæddust átta börn á árunum 1961 - 1973 og barnið í stólnum er eitt þeirra.
Jón Jónsson 380
Þessi mynd var tekin 1985 í Rækjuvinnslunni hf. Konurnar við færibandið hreinsuðu skeljabrot og annað, sem ekki átti að vera með, úr soðinni rækju á bandinu áður en rækjan fór svo til baka í frystingu og þaðan í pökkun. Færiböndin voru þrjú á þessum tíma og við hvert band unnu sex konur ef fullskipað var. Á myndinni eru frá vinstri: Guðrún Sigurðardóttir snýr baki í okkur, Hrafnhildur Jóhannsdóttir (Abbý), Aðalheiður Guðmundsdóttir (d. 24.9.2011), óþekkt og Guðmundur Jóhannesson. Ef þú þekkir óþekktu konuna vinsamlega sendu okkur þá athugasemd.
Árni Geir Ingvarsson - safn 879
Herbert Ólafsson (d.25.4.2007) er fyrir miðri mynd an aðrir eru óþekktir. Ekki er vitað hvar né hvenær myndin var tekin. Ef þú þekkir einhvern á myndinni vinsamlega sendu okkur þá athugasemd.
Árni Geir Ingvarsson - safn 923
Þetta par er óþekkt en myndina tók Herbert Ólafsson (d.25.4.2007) í Kúvíkum líklega kringum 1940. Herbert átti þá heima í Kúvíkum en stundaði vinnu í verksmiðjunni í Djúpavík. Ef þú þekkir fólkið vinsamlega sendu okkur þá athugasemd.
Árni Geir Ingvarsson - safn 837
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af Fritz Hendrik Berndsen fyrir útgáfu leikskrár.
Elínborg Jónsdóttir - safn 26
Elínborg Margrét Jónsdóttir (d.7.1.2007) í kyrtli. Myndin var tekin við Másstaði í Vatnsdal en ekki er vitað hvenær.
Héraðsskjalasafn A-Hún 420
Jón H. Árnason (d.11.4.1986) frá Steinnýjarstöðum. Jón, sem bjó lengi í Náttbrún/Ólafsvöllum á Skagaströnd, var verkamaður og frístundabóndi.
Ólafur Bernódusson701
Aðstandendur Spákonuhofsins á Skagaströnd settu upp leikrit um Þórdísi spákonu fyrir jólin 2008 í leikstjórn Bryndísar Petru Bragadóttur. Á þessari mynd, sem tekin var á æfingu, eru tæknimennirnir og feðginin Árni Geir Ingvarsson ljósamaður og Silfá Sjöfn Árnadóttir sem sá um hljóðheim sýningarinnar.
1
…
128
129
130
…
167
Leita í myndasafninu
Leita