Beint í efni
Skagaströnd.is
↗
Allar myndir
Fólk
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Hópmyndir
Konur
Menn
10.000 myndir
Flæði
Reitir
Adolf H Berndsen - safn109
Slappað af við golfskálann á Háagerðisvelli meðan þeir sem lokið hafa leik bíða eftir þeim sem enn eru að spila. Ekki er vitað hvenær myndin var tekin en á henni eru frá vinstri: Ari H. Einarsson, Lárus Ægir Guðmundsson, Adolf H. Berndsen, Stefán Petersen, Jón Sigurðsson, óþekkt, Guðrún Björg Berndsen, óþekktur, Fríða Hafsteinsdóttir, tveir óþekktir, Fanney Zópóníasdóttir, Laufey Berndsen og Vilhelm Jónsson.
Hjördís Sigurðardóttir - safn071
Systkina-kaffiboð hjá Adolf og Hjördísi á Bankastræti 9. Frá vinstri: Karl Berndsen (d.12.2.1995), Gunnlaugur Árnason (d.14.9.2016), Fríða Hafsteinsdóttir, Helga Berndsen og Adolf J. Berndsen (d.27.8.2018). Karl og Fríða voru hjón eins og Helga og Gunnlaugur. Karl, Adolf og Helga eru systkin frá Karlsskála.
Jósef H Sigurðsson - safn 006
Systkini kúra saman heima í Hólaneshúsinu. Frá vinstri: Sigríður Sigurðardóttir, Hjörtur Sigurðsson (d. 9.5.2015), Jósep Sigurðsson og Magnús Sigurðsson (d.16.9.2018). Myndin hefur líklega verið tekin 1967 - 68.
Dagný Sigmarsdóttir - safn 055
Konan á myndinni er Áslaug Torfadóttir frá Drangsnesi. Hún kom til Skagastrandar sem vinnukona hjá Ole Aamundsen en fór síðan sem kokkur um borð í Aðalbjörgu HU 7. Myndin var líklega tekin í kringum 1960 í óþekktum bát.
Dagný Sigmarsdóttir - safn 059
Bylgja Angantýsdóttir frá Skagaströnd en nú bóndkona á Móbergi í Langadal.
Hjördís Sigurðardóttir - safn096
Þessir golfleikarar slaka á í golfskálanum á Háagerðisvelli meðan beðið er eftir að allir skili sér í hús. Myndin var tekin á golfmóti 30. ágúst 1993. Fólkið er frá vinstri: Jón Jóhannsson, Bryndís Bragadóttir, Rósa Sigursteinsdóttir og Fríða Hafsteinsdóttir.
Þórunn Bernódusdóttir - safn 022
Helga Berndsen frá Karlsskála heldur utan um Anne (?Jóhannsdóttur?). Líklega var myndin tekin kringum 1950.
Jósef H Sigurðsson - safn 041
Á myndinni eru fjórir ungir, hraustir menn. Frá vinstri: Axel Gígjar Ásgeirsson, óþekktur, Ólafur Ásgeirsson og Vilhelm Jónsson. Ekki er vitað hvenær né hvar myndin var tekin en ef þú þekkir óþekkta strákinn vinsamlega sendu okkur þá athugasemd.
Ólafur Bernódusson643
Stóra upplestarkeppnin er haldin á landinu á hverju ári. Þar keppa nemendur í 7. bekkjum skólanna sín á milli hver er besti upplesarinn. Keppt er innbyrðis á hverju skólasvæði fyrir sig og siguvegari fundinn. Skólarnir í Húnavatnssýslum halda sameiginlega keppni sem kennd er við Grím Gíslason (d. 31.3.2007) frá Saurbæ í Vatnsdal. Þar mæta þrír bestu lesararnir frá hverjum af skólunum fjórum á svæðinu eftir að hafa sigrað í sínum skóla. 23. mars 2006 var keppnin haldin á Skagaströnd og var þessi mynd tekin þá af Stefáni Jónassyni tónlistarkennara að flytja söngatriði með nokkrum krökkum úr Höfðaskóla áður en keppnin hófst. Söngvararnir eru, frá vinstri: Hanna Lísa Hafliðadóttir (d. 13.7.2015), Róbert Björn Ingvarsson, Elvar Geir Ágústsson, Sigurbjörg Birta Árnadóttir, Aldís Björnsdóttir, Rakel Jensína Jónsdóttir og Breki Hjartarson.
Hjördís Sigurðardóttir - safn062
Góðviðrisdagur á Höfðanum. Frá vinstri: Þórður Jónsson (d. 25.12.2009), Fríða Hafsteinsdóttir, Bergur Jón Þórðarson og Adolf J. Berndsen (d. 27.8.2018) . Ekki er vitað hvenær myndin var tekin en líklega hefur það verið kringum 1960.
Jósef H Sigurðsson - safn 071
Jósep Sigurðsson tekur fyrstu skrefin heima í Hólaneshúsinu. Myndin var líklega tekin 1962 því Jósep fæddist 1961.
Guðrún Sigurðardóttir - safn 007
Guðbjörg Jónsdóttir (d.30.12.1951) í Broddanesi og Jón Sigurðsson (d.26.7.1967). Guðbjörg ól Jón upp en hann var systursonur hennar, sonur Hallbjargar Jónsdóttur (d.22.12.1987) og Sigurðar Guðmonssonar (d.5.8.1981) í Þórsmörk á Skagaströnd.
Árni Geir Ingvarsson - safn 908
Brugðið á leik á Djúpuvík. Fólkið, sem er að skemmta sér, er óþekkt en ef þú þekkir það vinsamlega sendu okkur þá athugasemd. Herbert Ólafsson (d.25.4.2007) tók myndina.
Árni Geir Ingvarsson - safn 2 21
Á myndinni er Heiðar Elvan Friðriksson og móðurbróðir hans Herbert Ólafsson (d.25.4.2007). Líklega var myndin tekin á fermingardegi Heiðars vorið 1968.
Guðrún Sigurðardóttir - safn 033
Kór Blönduóskirkju á æfingu. Fremri röð frá vinstri: Svanhildur Þorleifsdóttir (d.13.4.1988), Anna Tryggvadóttir (d.31.8.2007), Davía Guðmundsson (d.17.1.1999), Guðrún Ingimarsdóttir (d.?), Anna Árnadóttir (d.?), Þorgerður Sæmundssen og við orgelið er Sólveig Sövik (d.29.7.2010). Aftari röð frá vinstri: óþekktur, Kristófer Kristjánsson (d. 27.2.2017), Einar Guðlaugsson (d.1.4.2008), Jón Kristinsson (d.?) og Einar Þorláksson. Stjórnandinn er óþekktur.
Guðrún Soffía Pétursdóttir - safn085
Konurnar sem þátt tóku í Líkami og sál verkefninu veturinn 2003-2004 fóru í óvissuferð í byrjun maí 2004. Á þessari mynd eru þær í rútunni svilkonurnar, Guðrún Soffía Pétursdóttir til vinstri og Þorbjörg Magnúsdóttir til hægri.
Ólafur Bernódusson 639
Mánaðarmótin febrúar mars 2011 var haldin "vinnuvika/þemavika" í Höfðaskóla. Þá var öllum nemendum skólans skipti í hópa þvert á bekki. Hver hópur fékk svo verkefni sem öll tengdust vesturferðum Íslendinga á árunum 1873 - 1914 á einhvern hátt. 4. mars var síðan haldin sýning á verkum nemendann í íþróttahúsinu. Verkin voru afar mismunandi en á sýningunni kynnti hver hópur sitt verkefni. Á þessari mynd er hluti kennaranna, frá vinstri: Elva Dröfn Árnadóttir, Guðrún Elsa Helgadóttir, Erna Hreinsdóttir og Agnes Sævarsdóttir. Elva og Agnes eru með "indíánafléttur" í tilefni dagsins.
Dagný Sigmarsdóttir - safn 043
Stefán Stefánsson (d. 2.1.1988) frá Kambakoti sker grásleppu um borð í bát sínum Ósk Hu 33. Stefán gerði Óskina út á grásleppu margar vertíðir og þá gjarnan í samvinnu við Sigmar Jóhannesson (d.20.4.2000) og Bernódus Ólafsson (d.18.9.1996) eða Indriða Hjaltason (d. 2.4.2006). Drógu þeir tvær skektur á Óskinni sem karlarnir fóru svo um borð í og vitjuðu um netin. Aflanum var síðan skilað um borð í Óskina þar sem Stefán skar grásleppurnar meðan hinir fóru í næstu trossur.
Árni Geir Ingvarsson - safn 1001
Árni Geir Ingvarsson
Guðrún Soffía Pétursdóttir - safn080
Konurnar sem þátt tóku í Líkami og sál verkefninu veturinn 2003-2004 fóru í óvissuferð í byrjun maí 2004. Þessi mynd var tekin út í Hrísey af þeim, frá vinstri: Hildi Ingólfsdóttur, Vigdísi Elvu Þorgeirsdóttur og Dagný Marín Sigmarsdóttur.
Guðrún Sigurðardóttir - safn 045
Hér gæjast þær Guðrún Sigurðardóttir frá Þórsmörk til vinstri og Ardís Ólöf Arelíusdóttir til hægri út um dyrnar á hjólhýsi þeirrar síðar nefndu sumarið 1970.
Guðrún Soffía Pétursdóttir - safn031
1996 stóðu nokkrar konur fyrir átakinu Líkami og sál á Skagaströnd. Hópurinn sem tók þátt í átakinu stundaði leikfimi af miklum móð, fór í gönguferðir og fjallgöngu og nærði líka sálina með ýmsum uppákomum. Þessi mynd var tekin þegar hópurinn gekk á Spákonufellið í maí 1996. Á myndinni eru frá vinstri: Gunnar Sveinsson, Linda Kristjánsdóttir (nær), Bryndís Guðjónsdóttir (fjær), baksvipur Signýjar Richter, Jóel Kristjánsson og Þorbjörg Magnúsdóttir.
Hjördís Sigurðardóttir - safn054
Adolf H. Berndsen á fermingardaginn sinn ásamt séra Pétri Þ. Ingjaldssyni (d.1.6.1996) sem fermdi hann í Hólaneskirkju vorið 1973.
Héraðsskjalasafn A-Hún 351
Jóhann D. Baldvinsson (d.9.4.1990) frá Skagaströnd. Jóhann sem var vélstjóri var oft kallaður Jói Norski. Um hann skrifaði Erling Davíðsson bókina: "Jói Norski: á selveiðum með norðmönnum" en þar segir Jóhann frá ævihlaupi sínu. Í bókinni, sem kom út 1972, segir Jói meðal annars frá sextán selveiðiferðum sem hann fór norður í höf með Norðmönnum á fyrri hluta tuttugustu aldar ásamt fleiri ævintýrum sem á daga hans dreif. Jóhann bjó í mörg ár á Skagaströnd og vann sem vélstjóri í frystihúsinu og seinna hjá Skipasmíðastöð Guðmundar Lárussonar hf. Hann var völundur við smíðar hvort sem um var að ræða tré eða járn.
Adolf H Berndsen - safn046
Sambýlisfólkið Rolf Árnason (d.3.6.2014) og Anna Ármannsdóttir lyfta glasi á góðri stund í Fellsborg.
Hjördís Sigurðardóttir - safn118
Ingibergur Guðmundsson á Hágerðisvelli í september 1996 með verðlaunabikar. Ingibergur er einn af ötulustu forystumönnum Golfklúbbs Skagastrandar. Drengurinn í bayn er óþekktur.
Árni Geir Ingvarsson - safn 971
Óþekktur maður í Djúpavík. Ef þú þekkir hann vinsamlega sendu okkur þá athugasemd.
Guðrún Soffía Pétursdóttir - safn034
1996 stóðu nokkrar konur fyrir átakinu Líkami og sál á Skagaströnd. Hópurinn sem tók þátt í átakinu stundaði leikfimi af miklum móð, fór í gönguferðir og fjallgöngu og nærði líka sálina með ýmsum uppákomum. Þessi mynd var tekin þegar hópurinn gekk á Spákonufellið í maí 1996. Á myndinni eru frá vinstri: Bryndís Guðjónsdóttir, Bára Þorvaldsdóttir, Hafþór Sigmundsson og Kristín Ólafsdóttir.
Dagný Sigmarsdóttir - safn 048
Víðavangshlaup voru árviss viðburður á vorin í mörg ár á vegum umf Fram oftast undir styrkri stjórn Lárusar Ægis Guðmundssonar. Á þessari mynd er Lárus að útskýra leiðina sem krakkarnir eiga að hlaupa. Krakkarnir eru frá vinstri: Ardís Eva Vilhelmsdóttir, óþekktur, Guðjón Hall Sigurbjörnsson, Sverrir Brynjar Berndsen, Elva Dröfn Árnadóttir, þrjú óþekkt börn, Elvar Arinbjörn Grétarsson, Birkir Rafn Gíslason og óþekkt stúlka. Fullorðna fólkið á myndinni eru frá vinstri: Kristín Þórðardóttir, Bóel Hallgrímsdóttir, Guðbjörg Gylfadóttir, Súsanna Magnúsdóttir og Elín Njálsdóttir.<br>
Árni Geir Ingvarsson - safn 991
Ingvar Karl Sigtryggsson (d. 10.7.1988). Ingvar starfaði sem smiður og bjó með fjölskyldu sinni á Bogabraut 16.
Héraðsskjalasafn A-Hún 414
27. febrúar 1927 var kvenfélagið Eining á Skagaströnd stofnað. Félagið er því 90 ára um þessar mundir. Á þessum 90 árum hefur félagið staðið fyrir fjölmörgum framfaramálum í okkar samfélagi eins og lesa má um í bók Lárusar Ægis Guðmundssonar:" Kvenfélagið Eining Skagaströnd 1927 - 2013". Á myndinni eru konur í félaginu að loknum aðalfundi. Ekki er vitað hvenær myndin var tekin en það hefur verið kringum 1970. Sitjandi frá vinstri: Helga Berndsen, Margrét Konráðsdóttir (d.17.9.1974), Guðrún Helgadóttir (d. 15.4.1987), Karla Helgadóttir (d.25.9.1986), Guðrún Teitsdóttir (d.17.6.1978), Soffía Sigurðardóttir (d.24.10.2002), Halldóra Pétursdóttir (d.23.12.1987), Soffía Lárusdóttir (d.31.3.2010) og Jóna Guðrún Vilhjálmsdóttir (d.13.7.2003). Standandi frá vinstri: Elísabet Bjarnason (d.10.1.2009), Guðbjörg Guðjónsdóttir (d.3.7.1981), Birna Blöndal, Elísabet Árnadóttir (d.16.3.2017), María Konráðsdóttir (d.9.8.2003), Anna H. Aspar (d.1.9.1999), Guðmunda Sigurbrandsdóttir (d.15.8.2015), Hjördís Sigurðardóttir og Friðbjörg Oddsdóttir.
Árni Geir Ingvarsson - safn 916
Fólkið í fremri röðinni er frá vinstri: Herbert Ólafsson (d.25.4.2007) Kúvíkum, Sigríður Halla Pétursdóttir Djúpuvík, óþekkt barn hennar og Emma Magnúsdóttir (d. júní 2000) Djúpavík. Aftari röð frá vinstri: Skúli Alexandersson (d. 23.5.2015) alþingismaður frá Kjós, Jón Pétursson Reykjarfirði, Matthías Pétursson Reykjarfirði og Þorsteinn Jónsson Gjögri.<br><br>
Hallgrímur Kristmundsson safn044
Myndin var líklega tekin í Listigarðinum á Akureyri kringum 1950. Á henni eru félagar í skemmtiferð í sparifötunum, frá vinstri: Guðmundur Jóhannesson, Hallgrímur Kristmundsson (d. 9.10.1998) og Snorri Gíslason (d. 29.5.1994).
Ólafur Bernódusson681
5. júlí 2008 var farin Þórdísarganga á Spákonfellsborg á vegum Spákonuhofsins á Skagaströnd. leiðsögumaður var Ólafur Bernódusson en milli 60 og 70 manns kom með í gönguna í blíðu veðri.<br>Á myndinni er fólk komið niður af Borgarhausnum aftur en þá beið hópsins veislukaffi í golfskálanum á vegum Spákonuhofsins. Á myndinni eru frá vinstri: Guðrún Pálsdóttir, Hjördís Sigurðardóttir, Guðbjörg Viggósdóttir, Jónmundur Ólafsson og Magnús B. Jónsson að gæða sér á veitingunum.
Árni Geir Ingvarsson - safn 996
Hér grúir Ragnar Smári Ingvarsson sig yfir heimalesturinn fyrir skólann við eldhúsborðið heima á Bogabraut 16. Myndin var líklega tekin kringum 1964.
Árni Geir Ingvarsson - safn 2 9
Sægarður var byggður í Skagastrandarhöfn 1991-92. Á þessari mynd eru byrjunarframkvæmdir í gangi. Verið er að byggja vinnupall á staurum sem hafa verið reknir niður. Vinnupallurinn var svo notaður til að reka niður fleiri staura og síðan til að stilla af stálplöturnar sem reknar voru niður og mynda viðlegukantinn í dag. Maðurinn á flekanum er Ólafur Bernódusson og yfir honum stendur Aðalsteinn Aðalsteinsson (d.8.6.2014) verkstjóri. Magnús Blöndal (d.7.9.2001) stendur við plankastaflann við kranann.
Árni Geir Ingvarsson - safn 949
Þessi mynd var tekin í Listigarðinum á Akureyri 1956. Herbert Ólafsson (d.25.4.2007) er lengst til vinstri en hinir mennirnir eru óþekktir. Ef þú þekki þá vinsamlega sendu okkur þá athuagsemd.
Dagný Sigmarsdóttir - safn 063
Prúðbúnir fulltrúar frá Skagaströnd á vinabæjarmóti í Växjö í Svíþjóð í ágúst árið 2000. Frá vinstri: Steindór R. Haraldsson, Jensína Lýðsdóttir og Adolf H. Berndsen.
Adolf H Berndsen - safn 043
Þessi mynd var tekin 1925. Bryggjan á myndinni var staðsett rétt austan við Hólsnefið, sem er syðsti endi Spákonufellshöfða. Hún var byggð 1922 með 130 dagsverka vinnuframlagi sjómanna á Skagaströnd en Verslunarfélag Vindhælinga fjármagnaði verkið að öðru leiti. Bryggjan var hlaðin úr grjóti, um 40 metra löng og fimm til átta metra breið. Fremst var svo grjótfyllt timburverk. Hlaðni hlutinn var með steyptu plani eins og sjá má á myndinni. Bryggjan kostaði um 80 þúsund krónur á sínum tíma sem þóttu miklir peningar. Lengst af gekk hún undir nafninu Litla bryggjan manna á meðal. Á þessari mynd er aðgerð í gangi en mennirnir á henni eru óþekktir.
Hjördís Sigurðardóttir - safn066
Hendrik Berndsen er hér með óvenjulegum leikfélaga. Máfinum Títí og Hendrik var vel til vina um tíma. Myndin hefur líklega verið tekin kringum 1975.
Dagný Sigmarsdóttir - safn 056
Ósk Hu 33 á siglingu á grásleppuvertíð. Stefán Stefánsson (d. 2.1.1988) frá Kambakoti átti bátinn og gerði hann út. Á myndinni dregur Óskin litla skektu sem notuð var til að vitja um grásleppunetin. Aflanum var svo landað um borð í Óskina og skorin þar meðan annar maður hélt áfram umvitjunum á skektunni. Maðurinn á dekkinu er annað hvort Bernódus Ólafsson (d.18.9.1996) eða Sigmar Jóhannesson (d.20.4.2000) en þeir voru lengi samstarfmenn Stefáns við grásleppuveiðina.
Hallgrímur Kristmundsson safn065
Birgir Árnason (d.2.2.2005) frá Árnesi en bjó lengst af í Straumnesi á Skagaströnd. Birgir var m.a. verkstjóri við síldarsöltun og lengi hafnarvörður á Skagaströnd.
Hjördís Sigurðardóttir - safn134
Sumarið 1986 tóku áhugamenn um líkamsrækt á Skagaströnd sig saman og stofnuðu félag um það áhugamál sitt. Lögðu þeir fram fé til kaupa á líkamsræktartækjum sem komið var fyrir í kjallaranum í Höfðaskóla. Formleg vígsla líkamsræktarstöðvarinnar var síðan í desemer 1986 og þá var þessi mynd tekin. Frá vinstri: Dagný Marín Sigmarsdóttir, Adolf H. Berndsen og Fríða Hafsteinsdóttir.
Dagný Sigmarsdóttir - safn 079
Þessi mynd var líklega tekin 1954 á fermingardegi tvíburasystranna Guðrúnar og Sigurbjargar, sem eru hvítklæddar á myndinni. Fólkið er frá vinstri talið: Sigurbjörg Jónasdóttir, Guðrún Angantýsdóttir, Guðrún Árnadóttir (Guðrún frá Lundi) (d.22.8.1975), Jón Þorfinnsson (d.20.12.1960), Sigurbjörg Angantýsdóttir (d.10.9.1997) og Angantýr Jónsson (d. 28.7.1983). Guðrún frá Lundi og Jón voru foreldrar Angantýs en Sigurbjörg Jónasdóttir var móðuramma systranna.
Árni Geir Ingvarsson - safn 2 27
Þrjár óþekktar, prúðbúnar konur. Myndina tók Herbert Ólafsson (d. 25.4.2007) en ekki er vitð hvenær né hvar. Ef þú þekkir konurnar vinsamlega sendu okkur þá athugasemd.
Hallgrímur Kristmundsson safn061
Ekki er vitað hvenær myndin var tekin af þessum systkinum en líklega hefur það verið einhverntíma upp úr 1940. Frá vinstri: Anna Kristmundsdóttir, Hallgrímur kristmundsson (d. 9.20.1998) og Ingibjörg Kristmundsdóttir.
Dagný Sigmarsdóttir - safn 071
Það var alltaf stutt í gleðina hjá þessu fólki, sem var við vinnu í Rækjuvinnslunni hf. Á myndinni er Þórarinn Hjartarson (d.28.1.1991) með tvíburasystrunum Guðrúnu Angantýsdóttur til vinstri og Sigurbjörgu Angantýsdóttur (d.10.9.1997) til hægri. Ekki er vitað hvenær myndin var tekin.
Árni Geir Ingvarsson - safn 791
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikararnir eru frá vinstri: Bóel Hallgrímsdóttir, Gunnar Halldótr Hallbjörnsson, Jónas Þorvaldsson nær, Sigrún Jónsdóttir fjær, Þórey Jónsdóttir, Steindór Haraldsson, Ingimar Oddsson, Ingibergur Guðmundsson og þrír óþekktir.
Hjördís Sigurðardóttir - safn064
Á myndinni eru frá vinstri: Helga Berndsen, Knútur Berndsen (d.31.8.2013) og Theodóra Berndsen (d.25.1.2007) kona hans. Ekki er vitað hvenær myndin var tekin.
Guðrún Sigurðardóttir - safn 021
Þessar systur eru dætur Jóns Ólafs Ívarssonar (d.2912.2013) og Guðrúnar Sigurðardóttur. Systurnar eru frá vinstri: Þórey Jónsdóttir, Sigrún Jónsdóttir og Hallbjörg Jónsdóttir. Myndin var tekin 1966.
Árni Geir Ingvarsson - safn 805
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikararnir eru frá vinstri: Jón Arnarson, Guðmunda Ólafsdóttir, Viggó Magnússon og Óli Hjörvar Kristmundsson.
Árni Geir Ingvarsson - safn 961
Drengurinn annar frá hægri og stúlkan eru með poka í höndunum og eru líklega að gæða sér á einhverju nammi. Aftan á þessari mynd stendur: "Lilja 5 ara Lyður 8 ára Þorsteinn Rúnar 12 ára". Á myndinni eru frá hægri: Lilja Elsa Sörladóttir, Lýður Sörlason og Þorsteinn Rúnar Sörlason. Þau voru börn Sörla Hjálmarssonar (d.1.3.1984) og Guðbjargar Pétursdóttur (d.26.7.1987) á Gjögri í Árneshreppi. Drengurinn lengst til vinstri er óþekktur. Herbert Ólafsson (d.25.4.2007) tók myndina en ekki er vitað hvenær.
Árni Geir Ingvarsson - safn 2 30
Ingvar Karl Sigtryggsson (d. 10.7.1988) við veisluborð heima á Bogabraut 16.
Adolf H Berndsen - safn078
Stúlkurnar á myndinni skarta áramótahöttum þó ekki sé víst hvenær myndin var tekin. Frá vinstri: Guðrún Elvan Friðriksdóttir (d.?), Ásta Georgsdóttir og Guðrún Einarsdóttir. Myndin var líklega tekin í gömlu Tunnunni einhvertíma kringum 1970
Hjördís Sigurðardóttir - safn095
Þeir eru galvaskir ungu golfararnir á þessari mynd sem tekin var 30. ágúst 1993. Þeir eru, frá vinstri: óþekktur, Gunnar Dór Karlsson, Birkir Rafn Gíslason og Sigurður Berndsen.
Elínborg Jónsdóttir - safn 22
Hópmyndataka við Másstaði í Vatnsdal. Myndin hefur líklega verið tekin kringum 1940. Maðurinn með gráa skeggið, fremst miðri mynd, er Jón Kristmundur Jónsson (d.1947) bóndi á Másstöðum. Vinstra megin við hann er kona hans Halldóra Gestsdóttir (d.17.9.1977) og milli þeirra er dóttir þeirra Elínborg Margrét Jónsdóttir (d.7.1.2007). Aðrir á myndinni eru óþekktir. Það eru þó líklega börn Jóns bónda af fyrra hjónabandi með afkomendur sína og tengdafólk. Ef þú þekkir fólkið vinsamlega sendu okkur þá athugasemd.
Hallgrímur Kristmundsson safn050
Ekki er vitað hvaða fólk er á myndinni en líklega eru það Hallgrímur Kristmundsson (d.9.10.1998) og systur hans Anna og Ingibjörg. Ekki er heldur vitað hvar myndin var tekin (?Akureyri?). Ef þú þekkir fólkið og/eða veist hvar myndin var tekin vinsamlega sendu okkur þá athugasemd.
Árni Geir Ingvarsson - safn 958
Þessi litla stúlka er óþekkt. Herbert Ólafsson (d.25.4.2007) tók myndina. Ef þú þekkir stúlkuna vinsamlega sendu okkur þá athugasemd.
Ólafur Bernódusson665
Myndin var tekin í 35 ára afmæli Barnabóls 7. júní 2012. Þá komu Skoppa og Skrítla í heimsókn og skemmtu. Á myndinni eru þær stöllur að gera sig klárar fyrir atriði sitt. Krakkarnir og foreldara þeirra bíða spennt eftir að sýningin hefjist.
Árni Geir Ingvarsson - safn 932
Tveir herramenn í kaupstaðarferð á Djúpuvík. Myndina tók Herbert Ólafson (d.25.4.2007) en ekki er vitað hvenær, líklega hefur það verið á fimmta áratugnum. Ef þú þekkir mennina vinsamlega sendu okkur þá athugasemd.
1
…
131
132
133
…
167
Leita í myndasafninu
Leita