Beint í efni
Skagaströnd.is
↗
Allar myndir
Fólk
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Hópmyndir
Konur
Menn
10.000 myndir
Flæði
Reitir
Guðmundur Guðnason212
Þessir menn mættu á kappreiðar á Hvammsbökkum 1961 ásamt fjölda annarra. Maðurinn til hægri er Jón Kr. Jónsson en hinn maðurinn er óþekktur. Ef þú þekkir hann vinsamlega sendu okkur þá athugasemd.
Magnús B Jónsson060
Guðbjörg Viggósdóttir að fara af stað með lyftunni upp brekkuna á skíðasvæði Skagstrendinga í suðurhlíðum Spákonufells. Nægur snjór og nægt fólk. Myndin var tekin ca 1980.
Óþekktur ljósmyndari136
Lokahóf yfirmanna vinnuskólans 1996. Hér er Magnús Ólafsson bæjarverkstjóri með fríðum hópi kvenkyns verkstjóra úr vinnuskólanum. Myndin er tekin á Hótel Dagsbrún 11. október 1996. Frá vinstri á myndinni eru: Kristín Þórðardóttir, Maríanna Þorgrímsdóttir, Rósa Björg Högnadóttir, Linda Kristjánsdóttir og Guðrún Soffía Pétursdóttir (Obba). Magnús Ólafsson krýpur fyrir framan.
Lárus Ægir og Helga 059
Systkinin Lárus Ægir Guðmundsson til vinstri og Helga Guðmundsdóttir til hægri. Myndin tekin um 1950.
Guðmundur Guðnason069
Á þessari mynd, sem tekin var á ókunnum stað, er fólk úr kirkjukór Hólaneskirkju. Fremst frá vinstri: Hrólfur Jónsson (d. 1.8.1989) Bjarmalandi, óþekktur, Ingvar Jónsson (d. 29.7.1978) frá Brúarlandi, Páll Jónsson (d.19.7.1979) Breiðabliki organisti Hólaneskirkju, Sigríður Guðnadóttir (d. 4.3.1964) Breiðabliki, óþekkt, Ása Hafsteinsdóttir Reykholti, Guðmundur Kr. Guðnason (d. 21.11.1988) Ægissíðu, og þrír óþekktir. Aftar frá vinstri: séra Pétur Þ. Ingjaldsson (d. 1.6.1996), Elísabet Frímannsdóttir (d. 1.9.1990) Jaðri, óþekkti, Dómhildur Jónsdóttir (d. 18.10.2012) og óþekkt. Myndin hefur sennilega verið tekin um 1960.
Inga Þorvaldsdóttir 032
Inga Þorvaldsdóttir (f. 24.2.1926 - d. desember 2012) um borð í bát sem liggur við bryggju sem var austan við Hólsnefið á Höfðanum (syðsta enda Höfðans). Í baksýn sér í steypta garðinn frá landi út í Spákonufellsey.
Elísabet og Margrét Hemmertsdætur 012
Systurnar Elísabet og Margrét Hemmert.
Kiddi Árna, Mundi og Tóti Flankur 048
<P>Frá vinstri á myndinni eru: Kristófer Árnason (f. 13.1.1916 - d. 10.5.2000), Guðmundur Jóhannesson og Þórbjörn Jónsson (f. 19.11.1917 - d. 22.1.1996) að vinna við að ná sundur frosnum beitublokkum til að hægt sé að skera beituna í bita og beita síðan á línuna. Myndin var sennilega tekin á fimmta áratugnum. </P>
Guðmundur Guðnason102
Óþekkt ungabarn. Myndin gæti verið tekin 1962. Ef þú þekkir barnið vinsamlegast sendu okkur þá athugasemd.
Guðmundur Guðnason080
Þetta eru Sturluhólssystkinin. Frá vinstri er Sturla, Bjarni og Guðrún Snorrabörn.
Jón Jónsson198
Hrefna Jóhannesdóttir frá Garði (f. 3.9.1911 - d. 9.11.2011), heimilismaður á Sæborg í mörg ár.
Magnús B Jónsson004
Sjómannadagur 1982-1983 á planinu við Hafnarhúsið. Skemmtilegur leikur í gangi undir stjórn Gylfa Sigurðssonar og Ingibergs Guðmundssonar.
Ólafur Bernódusson052
Starfið í Höfðaskóla er stundum brotið upp í nokkra daga og þá fást nemendur við annað en hefbundið skólastarf. Þessi mynd er tekin í vinnuviku 1986 eða 1987 og hér er í gangi einhver þraut úti á skólavelli. Frá vinstri: Þorlákur Sveinsson, Vilborg magnúsdóttir kennari og Gunnar Borg Jónsson sem einbeitir sér að þrautinni sem hann á að leysa.
Ólafur Bernódusson053
Starfið í Höfðaskóla er stundum brotið upp í nokkra daga og þá fást nemendur við annað en hefbundið skólastarf. Þessi mynd er tekin í vinnuviku 1986 eða 1987. Á henni er hópverkefni í gangi. Frá vinstri: Óþekkt, Bryndís Fjóla Ingimarsdóttir, óþekkt, Hafdís Ásgeirsdóttir, Hólmfríður Anna (Día Anna) Ólafsdóttir en unglingurinn við saumavélina er óþekktur.
Ólafur Bernódusson032
Þorvaldur Skaftason greiðir þara úr netum um borð í bát sínum á grásleppuvertíð í apríl 1986. Þorvaldur gerði út á grásleppu í mörg ár frá Skagaströnd.
Jón Jónsson217
Vilhjálmur Skaftason klæddur í samhengi við tilefnið, Kántrýhátíð 1985.
Ólafur Bernódusson028
Stund milli stríða í Skipasmíðastöðinni. Frá vinstri: Ástmar Kári Ástmarsson, Ágúst Jónsson, Kári Lárusson, Sveinbjörn Blöndal og Sigurður Jónsson. mennirnir sem snúa baki í myndavélina eru óþekktir.
Guðmundur Guðnason319
Réttað í Spákonufellsrétt. Rauðhærði drengurinn í grænu peysunni er Guðmundur Viðar Guðmundsson en drengurinn til vinstri við hann er Heimir Sigmarsson. Aðrir eru óþekktir.
Magnús B Jónsson055
Ólafur Bernódusson rennir sér á skíðum á skíðasvæðinu við Skagaströnd. Í baksýn má sjá að margir eru á leiðinni upp með lyftunni. Myndin var tekin að vori ca 1980.
Guðmundur Guðnason210
Skrautreið um keppnissvæðið á Hvammsbökkum við kappreiðar 1961. Mikill fjöldi gesta fylgist með því sem fram fer.
70 ára afmæli Kára 1984 - Bjössi, Kári, Lúlli, Lára 003
<p>Myndin er tekin af systkinum í 70 ára afmæli Kára Kristjánssonar 5. desember 1984. Standandi frá vinstri: Sigurbjörn Kristjánsson (d. 10.9.1989), afmælisbarnið Kári Kristjánsson (d. 11.12.1990) og Lúðvík Kristjánsson (d. 10.2.2001). Fyrir framan þá situr systir þeirra, Lára Kristjánsdóttir (d. 6.9.1993). Litla stúlkan til hægri er Erla María Lárusdóttir sem er langömmubarn Láru. Myndin var tekin heima á Kárastöðum (Bankastræti 5), sem nú eru horfnir, en þar bjuggju þeir Kári og Sigurbjörn saman ásamt ráðskonunni Jónínu Valdimarsdóttur. </p>
Magnús B Jónsson012
Heiðursfólk á sjómannadegi 1989 eftir að hafa verið sæmd heiðurskrossi sjómannadagsins. Frá vinstri: Jóhann F. Pétursson frá Lækjarbakka (d. 13.1.1999), Jóhanna Jónasdóttir frá Höfðatúni og Jón Jónsson frá Asparlundi (d. 9.7.1991).
Magnús B Jónsson082
Leikklúbbur Skagastrandar hélt Jónasarvöku í Fellsborg , líklega um jólin 1983, til heiðurs Jónasi Árnasyni (d. 5.4.1998) en klúbburinn hafði sýnt a.m.k. tvö leikrit eftir hann. Jónas kom sjálfur á skemmtunina með konu sína með sér og tók þátt í skemmtuninni. Á þessari myndi er Birna Blöndal að kynna Jónas sem stendur við sviðið og hlustar á.
Magnús B Jónsson021
Jón Jónsson frá Asparlundi (d. 9.7.1991) á fullri ferð í eggjaboðhlaupi á sjómannadegi á planinu hjá Hafnarhúsinu. Eggið er haft í skeið sem haldið er með munninum. Hendurnar mega ekki koma nálægt egginu eins og sjá má á stellingu Jóns.
Guðmundur Guðnason123
Óþekktur maður í réttum. Ef þú þekkir manninn vinsamlega sendu okkur þá athugasemd.
Ólafur Bernódusson024
Landsbanki Íslands stóð fyrir víðavangshlaupum ungmenna á hverju vori í mörg ár. Útibúið á Skagaströnd lét ekki sitt eftir liggja og voru haldin slík hlaup í mörg ár. Þátttakendu komu af "markaðssvæði" Landsbankans, Skagaströnd, Blönduósi, Hvammstanga og úr sveitunum. Þessi mynd er tekin á árunum kringum 1985 og sýnir verðlaunahafa í strákaflokki. Á myndinni eru þekkt: Anna Dröfn Guðjónsdóttir lengst til vinstri, Atli Þórsson á verðlaunapalli með númer 3 á maganum, Bjarni Gaukur Arason er efstur, númer10, og til hægri við verðlaunahafana sér í Guðnýju Finnsdóttur. Ef þú þekkir hina krakkana á myndinni vinsamlega sendu okkur þá athugasemd.
Guðmundur Guðnason215
<P>Kaupfélagið rak í mörg ár sláturhús á haustin á neðri hæðinni í gamla frystihúsinu undir Höfðanum (nú H59). Slátrun var hætt þar á sjöunda áratugnum. Á þessari mynd sést óþekkt kona þvo kjötskrokk sem síðan er rúllað áfram eftir brautinni í loftinu yfir í annan sal þar sem skrokkarnir voru kældir, metnir, stimplaðir og settir í sérstaka grisjupoka áður en þeir voru frystir. Fólkið á myndinni er, talið frá vinstri: Soffía Sigurðardóttir í Valhöll, sést aðeins í andlit Magnúsínu ? í Grund. Guðrún Angantýsdóttir þvær skrokk.</P>
Jón Jónsson223
Hátíð við höfnina. Prestshjónin Una Dagbjört Kristjánsdóttir og séra Oddur Einarsson með þrjú af börnum sínum. Í baksýn sér í óþekktan mann lengst til vinstri við hlið Steindórs Gíslasonar. Til hægri eru Gestur Arnarson og Kristín Þórðardóttir.
María Magnúsdóttir 066
María Magnúsdóttir frá Syðra - Hóli kennari og verslunarmaður á Skagaströnd.
Magnús B Jónsson024
Birgir Þórbjarnarson, til vinstri, keppir við óþekktan andstæðing á sjómannadegi á planinu við Hafnarhúsið. Keppnin felst í því að rekja tóman olíubrúsa eftir ákveðinni braut með netakúlu sem fest er um mittið með bandi. Hér reynir á að hafa vald á tvíræðum mjaðmahnykkjum.
Kalli, Lára, Ingibergur 044
Systkin, börn Guðmundar Jóhannessonar og Soffíu S. Lárusdóttur. Frá vinstri: Karl Guðmundsson, Lára Guðmundsdóttir og Ingibergur Guðmundsson. Karl og Ingibergur eru tvíburar eins og sjá má. Myndin er tekin um 1960. Þessir krakkar eru yngstu þrjú börn Guðmundar og Soffíu en auk þeirra áttu þau tvo eldri syni og eina eldri dóttur.
Óþekktur ljósmyndari143
Kaffitími í Áhaldahúsinu sumarið 2000. Frá vinstri eru: Rósa Björg Högnadóttir, Gígja Óskarsdóttir, Magnús Ólafsson, Berglind Karlsdóttir og Sigurbjörg Írena Rúnarsdóttir.
Ólafur Bernódusson046
Fyrsta Kántrýhátíðin var haldin 1984. hátíðasvæðið var á tjaldsvæðinu. Á þessari mynd er Jonny King umkringdur aðdáendum í viðtali við útvarpið sem starfrækt var á hátíðinni. Jonny King var eitt af aðalnúmerum hátíðarinnar.
Bernódus Ólafsson og Anna Aspar - safn013
Á myndinni, sem tekin var á sjómannadeginum 1965, eru frá vinstri: Snorri Gíslason (d.29.5.1994) í Höfðatúni (áður í Viðvík), Konráð Klemensson (d.20.11.1981) í Garðhúsum (Konnabænum), Jóhannes Pálsson (d.9.3.1972) frá Garði, Bernódus Ólafsson (d.18.9.1996) kynnir sjómannadagsins og Guðmundur Pétursson (d.30.6.1987) frá Höfðakoti.
Guðmundur Guðnason257
Glaða stúlkan á þessari mynd er líklega Kristín Jóna Sigurðardóttir? frá Skagaströnd.
Bernódus Ólafsson og Anna Aspar - safn056
Þórunn Bernódusdóttir á sjötta áratugnum. Myndin tekin utan við Stórholt.
Lárus G Guðm. 055
Lárus G. Guðmundsson (d. 291.9.1981).
Bernódus Ólafsson og Anna Aspar - safn053
Fjölskyldan í Stórholti (Bankastræti 3 efri hæð). Anna Halldórsdóttir Aspar og Bernódus Ólafsson með börnin sín. Þórunn til vinstri, Ólafur Halldór í miðjunni og Halla Björg til hægri. Lilja situr í fangi móður sinnar.
Kári Kristjánsson 047
Kári Kristjánson (f. 5.12.1914 - d. 11.12.1990) frá Kárastöðum.
Bernódus Ólafsson og Anna Aspar - safn044
Árið 1985 fór hópur starfsmanna og stjórnenda Hólaness hf og Skagstrendings hf til London í skemmtiferð ásamt mökum sínum. Á þeim tíma unnu tugir manna hjá hvoru fyrirtæki fyrir sig þannig að ferðin var fjölmenn miðað við íbúafjölda á Skagaströnd á þeim tíma. Á þessari mynd situr hluti hópsins að kvöldverði á veitingahúsi. Frá vinstri eru: Sigurjón Guðbjartsson, Björn Ingi Óskarsson, Sigurbjörg Árdís Indriðadóttir kona Björns bak við þau eru hjónin Guðrún Angantýsdóttir og Indriði Hjaltason. Hinum megin við borðið eru Hallgrímur Kristmundsson, Sigríður Baldursdóttir, Ingvi Þór Guðjónsson og Hrafnhildur Jóhannsdóttir (Abbý).
Ólafur Bernódusson051
Litlu jól í Höfðaskóla 1983. Á litlu jólum er leyft að vera með nammi og gos í skólanum. Frá vinstri á myndinni eru: Inga Kristjánsdóttir, Kristín Karlsdóttir, Guðmunda Ólafsdóttir, Þorbjörg Eðvarðsdóttir og Jensína Lýðsdóttir öll úr 1968 árganginum.
Guðrún Teitsd. og Árni Kristóf. 021
Hjónin Guðrún Teitsdóttir ljósmóðir (d. 17.6.1978) og Árni Kristófersson (d. 11.10.1982) í Árnesi
Hrólfur, Bogi, Steingr., Andrés, Björn, Sigurbj. 029
Mennirnir á myndinni eru, talið frá vinstri: Hrólfur Jakobsson (d. 27.12.1996), Bogi Björnsson, Steingrímur Jónsson (d. 15.1.1992), Andrés Guðjónsson (d. 5.10.1968), Björn Þorláksson og Sigurbjörn Kristjánsson (d. 10.9.1989). Mennirnir eru greinilega í skemmtiferð en tilefnið og hvenær myndin var tekin er óþekkt.
Bernódus Ólafsson og Anna Aspar - safn019
Myndin er tekin í listigarðinum á Akureyri á árunum fyrir 1950. Frá vinstri eru: Vilborg Jónsdóttir (d.?) Bergi, Anna Halldórsdóttir Aspar (d.1.9.1999) og Bernódus Ólafsson (d.18.9.1996) Stórholti og systurnar Guðný Pálsdóttir (d.17.2.2005) og Guðfinna Pálsdóttir (d. 27.4.2015).
Jónína Valdimarsdóttir 1970 042
Jónína Valdimarsdóttir sem lengi var ráðskona hjá bræðrunum Kára og Sigurbirni á Kárastöðum. Myndin sennilega tekin á sjöunda áratugnum.
Ólafur Bernódusson039
<P>Í nokkur ár var Arnar Hu 1 málaður á Skagaströnd þ.e.a.s. árleg "skvering" önnur en botmálning var framkvæmd á Skagaströnd. Oft var fenginn einhver verkstjóri og síðan ráðinn hópur unglinga til verksins. Á myndinni er einn slíkur unglingahópur sem málaði skipið í ágúst 1983. Frá vinstri á myndinni eru: Jón Indriðason, Sigurbjörn Kristjánsson, Ingvar Jónsson, óþekktur, Þráinn Bessi Gunnarsson, Sigurbjörn Þorvaldsson, Guðmundur Óskarsson, Arnar Erlingsson, Björn Hallbjörnsson, Þórarinn Ingvarsson, Ingimar Oddsson, Þorbjörg Eðvarðsdóttir, Arnar Arnarsson, Pálína Harðardóttir, Kristjana Jónsdóttir, Hulda Magnúsdóttir og Guðmunda Ólafsdóttir.</P>
Jón Jónsson220
Hjónin Sigurbjörg K.G. Hjartardóttir (Bogga í Vík) (d.17.7.1985) og Guðbjartur Guðjónsson (d.23.9.1992) í Vík á sjómannadegi.
Guðmundur Guðnason233
Ekki er vitað hvar eða hvenær þessi mynd var tekin en líklega hefur það verið 1962 -1964. Tilefni ferðarinnar er ekki þekkt en á myndinni eru, frá vinstri: Hafsteinn Sigurbjarnarson (d.18.5.1974), Ragnheiður Sigurjónsdóttir, Friðjón Guðmundsson (d. 7.1.2001), sem býður brjóstsykur, óþekktur, ?Kristín Björnsdóttir?, Bernódus Ólafsson (d. 18.9.1996), Aðalbjörg Hafsteinsdóttir, óþekkt fólk en maðurinn lengst til hægri er Hörður Ragnarsson.
Jón Jónsson214
Eftir þorrablót fóru félagar úr Leikklúbbnum í heimsókn í Sæborg og fluttu hluta af skemmtiatriðum blótsins fyrir heimilisfólk á dvalarheimilinu Sæborg og gesti þeirra. Á myndinni er fólk að fylgjast með skemmtiatriðunum. Frá vinstri: María Magnúsdóttir, Skafti Fanndal Jónasson ( d. 2.9.2006), Sigurður Magnússon (d. 2.8.2002), Kári Kristjánsson (d. 11.12.1990) og Snorri Gíslason (d. 29.5.1994).
Guðmundur Guðnason159
Þessi mynd er frekar óskýr en maðurinn á myndinni er sennilega Guðmundur Guðnason (d. 21.11.1988) frá Ægissíðu.
Óþekktur ljósmyndari139
Lokahóf yfirmanna vinnuskólans á hótel Dagsbrún 11. október 1996. Maríanna Þorgrímsdóttir verkstjóri.
Bernódus Ólafsson og Anna Aspar - safn049
Þessi mynd var tekin í 90 ára afmæli Þórunnar Samsonardóttur 1981 þegar fjölskylda hennar hélt veislu af því tilefni. Veislan var haldin á ellideild Héraðshælisins þar sem Þórunn bjó síðust ár æfi sinnar. Á myndinni eru frá vinstri: Steingrímur Jónsson frá Höfðakoti, sem þá var heimilismaður á ellideildinni, Bernódus Ólafsson úr Stórholti og Þórunn Samsonardóttir frá Akri, móðir Bernódusar.
Ólafur Bernódusson030
Þegar Hallbjörn Hjartarson hætti með Verslun Hallbjörns Hjartarsonar og byrjaði veitingarekstur í Kántrýbæ var haldið uppboð á ýmsu úr versluninni. Bernódus Ólafsson (d. 1.9.1996) stjórnaði uppboðinu á hressilegan hátt þannig að allt sem til sölu var seldist á ásættanlegu verði. Á myndinni er verið að bjóða upp poka með ýmsum varningi og greinilegt að Hallbjörn, sem er fyrir aftan Bernódus á myndinni, skemmtir sér vel.
Magnús B Jónsson014
Ingibergur Guðmundsson, Dómhildur Jónsdóttir og séra Pétur Þ. Ingjaldsson ganga niður landganginn úr Örvari Hu 21 á sjómannadegi 1983.
Óþekktur ljósmyndari138
Lokahóf yfirmanna vinnuskólans á hótel Dagsbrún 11. október 1996. Kristín Þórðardóttir verkstjóri.
Lárus og Lára, börn og tengdabörn 057
Hjónin Lára Kristjánsdóttir og Lárus G. Guðmundsson með börnum sínum og tengdabörnum. Frá vinstri í fremri röð: Ingibjörg Lárusdóttir, Kristjana Sigurbjörg Lárusdóttir, Lára Kristjánsdóttir, Erla Valdimarsdóttir og Soffía S. Lárusdóttir. Aftari röð frá vinstri: Sigurður Magnússon, Jörgen Berndsen, Lárus G. Guðmundsson, Guðmundur Lárusson og Guðmundur Jóhannesson.
Jón Jónsson170
<p>Hér má sjá á sviðinu í Fellsborg frá vinstri: Guðjón Árnason, Guðmunda Ólafsdóttir, Hulda Magnúsdóttir og Þórarinn Ingvarsson. Baksviðs má þekkja Elísabetu Hallbjörnsdóttur með blöð í höndunum og Bjarney Valdimarsdóttiur sitjandi. Myndin var tekin á árshátíð Höfðaskóla 1893 eða 1984. Dansatriðið þótti það gott að það var síðar sýnt á Húnavöku á Blönduósi. </p>
Guðmundur Guðnason331
Þorkell Magnússon (d. 30.8.1968) úr Goðhól til vinstri og Steingrímur Jónsson (d. 15.1.1992) frá Höfðakoti til hægri hljóta heiðursmerki sjómannadagsins 1967. Ingvar Jónsson (d. 29.7.1978) (með hatt) frá Brúarlandi og Bjögvin Jónsson (d. 4.5.1992) frá Höfðabrekku klappa fyrir sjömönnunum öldnu.
Magnús B Jónsson064
Guðbjörg Viggósdóttir (Gógó), rennir sér á skíðasvæði Skagstrendinga í suðuhlíðum Spákonufells. Myndin var tekin ca 1980.
Guðmundur Guðnason190
Myndin var tekin 1970 sennilega í Stafnsrétt. Réttarstörfum er líklega lokið og menn að undirbúa heimferð. Mennirnir á myndinni eru óþekktir en ef þú þekkir einhvern þeirra vinsamlega sendu okkur þá athugasemd.
1
…
30
31
32
…
167
Leita í myndasafninu
Leita