Beint í efni
Skagaströnd.is
↗
Allar myndir
Fólk
✕
Flokkur
Annað
Atburðir
Atvinnumál
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Börn
Hópmyndir
Konur
Menn
10.000 myndir
Flæði
Reitir
Ólafur Bernódusson068
Litlu jól í Höfðaskóla 1983. Gengið syngjandi kringum jólatré á sal. Frá vinstri: Kristín Karlsdóttir, Svenný Hallbjörnsdóttir, Jensína Lýðsdóttir, Þorbjörg Eðvarðsdóttir, Pálína Harðardóttir, Bergþóra Birgisdóttir, Laufey Vilmundardóttir og Áslaug Gunnarsdóttir.
Ólafur Bernódusson170
Krakkar fædd 1972 og 73 í Höfðaskóla héldu maraþonsund í sundlauginni á Skagaströnd 1987 eða 1988. Þetta var áheitasund til að safna í ferðasjóð krakkanna. Krakkarnir skiptust á um að synda í heilan sólahring og var hver og einn ákveðinn tíma ofan í í einu. Á milli gátu krakkarnir hvílt sig í búningsherbergjunum. Á þessari mynd sefur Helga Kristmundsdóttir, Anna Guðrún Ásgeirsdóttir horfir á ljósmyndarann og Halldór Gunnar Ólafsson dormar í baksýn.
Guðmundur Guðnason036
<P>Þessi fermingardrengur er Jón Sveinsson sonur Birnu Þuríðar Jóhannesdóttur frá Garði og Sveins Sveinssonar. Þau bjuggu lengst af í Höfnum á Suðurnesjum. Myndin var sennilega tekin 1968. </P>
Guðmundur Guðnason046
<P>Sigurbjörg Angantýsdóttir (d.10.9.1997)
umf Fram146
Á árum áður stóð umf Fram fyrir víðavangshlaupum á hverju vori. Hlaupið var þrisvar sinnum og þegar þeim var öllum lokið var samanlagður árangur keppenda látinn ráða röðinni. Ræsir og aðalstjórnandi hlaupanna var Lárus Ægir Guðmundsson og dáðust margir að raddstyrk hans þegar hann var að raða keppendum upp, ræsa þá af stað og hvetja áfram. Keppt var í nokkrum kynjaskiptum aldursflokkum. Á þessari mynd eru þó stúlkur og drengir látin hlaupa saman. Á ráslínu eru frá vinstri: Stefán Ægir Lárusson, Eiríkur Lýðsson, Þráinn Bessi Gunnarsson, Erlingur Ottósson, systurnar Rakel og Kristjana Jónsdætur, óþekkt, Þorsteinn Jónsson, óþekkt stúlka, Viggó Magnússon (á hjóli), Dagbjört Jóhannsdóttir og Jóhanna Sigurjónsdóttir. Aðrir eru óþekktir.
umf Fram221
Þessir ungu stígvélaklæddu grallarar eru með verðlaunaskjöl í höndunum sennilega eftir góða frammistöðu í reiðhjólakeppni Fram. Myndin var tekin snemma á áttunda áratugnum. Frá vinstri: Hjörtur Guðmundsson, Árni Geir Ingvarsson og Valdimar Viggósson
umf Fram240
Haldin var sýslukeppni þriggja héraðssambanda, Þristurinn, í frjálsum íþróttum, milli USAH, USVH og UMSS, við Reykjaskóla í Hrútafirði 29 ágúst (1976?). Á þessari mynd stekkur Karl Lúðvíksson USAH langstökk.
umf Fram138
Karl Lúðvíksson startar unglingum í kapphlaupi á íþróttavellinum á Blönduósi seint á áttunda áratugnum.
Guðmundur Guðnason676
Hjónin Björgvin Jónsson og Þorgerður Guðmundsdóttir frá Höfðabrekku dansa á Siglufirði 15. júní 1968.
Guðmundur Guðnason700
Óþekkt leikrit sýnt í Tunnunni sennilega á vegum Höfðaskóla. Frá vinstri í hlutverkum sínum: Óþekkt, Pálfríður Benjamínsdóttir úr Skálholti, Pétur Jóhannsson frá Lækjarbakka og Steindór Haraldsson frá Höfðakoti. Myndin var sennilega tekin einhverntíma upp úr 1960.
umf Fram241
Haldin var sýslukeppni þriggja héraðssambanda, Þristurinn, í frjálsum íþróttum, milli USAH, USVH og UMSS, við Reykjaskóla í Hrútafirði 29 ágúst (1976?). Á þessari mynd stekkur Guðrún Berndsen USAH hástökk með Fosbury stíl.
umf Fram163
Héraðsmót USAH 1983 var haldið á Skagaströnd 9. og 10. júlí. Á þessari mynd mælir Karl Berndsen (d. 12.2.1995) í kúluvarpskeppninni.
Ólafur Bernódusson183
Starfsfólk Rækjuvinnslunnar sótti námskeið 1987 sem gaf því formleg réttindi sem fiskvinnslufólk. Haldið var hóf í lok námskeiðsins til að halda upp á þennan áfanga fólksins. Á þessari mynd er fólk sem tengdist Rækjuvinnslunni sem stjórnarmenn eða viðskiptamenn t.d. sjómenn á rækjubátum. Frá vinstri: Guðrún Guðbjörnsdóttir,Jón Jónsson, Sveinn Ingólfsson fyrir aftan Jón, Vilhjálmur Egilsson frá atvinnurekendum, Adolf J. Berndsen, Gunnar Sveinsson, Gylfi Sigurðsson og Guðmundur Sigvaldason sveitarstjóri. Til hægri sjást Ingvar Þór Jónsson og Líney Jósefsdóttir,
umf Fram287
Héraðsmót USAH var haldið á Skagaströnd 15. og 18. júlí 1976. Á þessari mynd eru verðlaunahafar í 100 metra hlaupi. Frá vinstri: Ingibergur Guðmundsson Fram, Jóhannes Sigurbjörnsson Hvöt, Lárus Ægir Guðmundsson Fram og Þórður Daði Njálsson Hvöt.
Guðmundur Guðnason020
Þessi drengur er Guðmundur Guðnason (d. 21.11.1988) en myndin var tekin við bæinn Vesturá í Laxárdal þar sem Guðmundur ólst upp að hluta. Áin í baksýn rann hjá bænum og heitir Vesturá.
umf Fram154
Kristjana Jóndóttir frá Brandaskarði var mikil íþróttakona á unglingsárum sínum. Hér hefur hún tekið við verðlaunum eftir íþróttamót sem haldið var á Blönduósi.
umf Fram279
Héraðsmót USAH var haldið á Skagaströnd 15. og 18. júlí 1976. Á þessari mynd er Magnús Ólafsson (d. 23.7.2012), stökkstjóri mótsins, niðursokkinn í pappírana sína.
Guðmundur Guðnason636
Guðrún Sigurjónsdóttir frá Brandsstöðum með brúðuna sína.
Guðmundur Guðnason894
Mynd frá karlakóramóti sem haldið var í félagsheimilinu á Blönduósi 9. júní 1963. Myndin sýnir bara hluta söngmannanna.
umf Fram274
Héraðsmót USAH var haldið á Skagaströnd 15. og 18. júlí 1976. Á þessari mynd stillir Eðvarð Hallgrímsson rána fyrir stangarstökkskeppnina. Hinrik Jóhannesson hjálpar til en Karl Lúðvíksson, keppandi, bíður eftir að röðin komi að honum.
Guðmundur Guðnason918
<P>Einhverntíma í kringum 1960 var haldið skíðamót í Hörfellinu. Það var Ingólfur Ármannsson kennari og skátaforingi sem sá um framkvæmdina með góðra manna hjálp. Keppt var í bruni og skíðastökki en keppendur þurftu að ganga upp brekkuna með skíðin sín á bakinu til að geta tekið þátt í keppninni. Því miður eru keppendurnir óþekktir á myndunum en þarna voru keppendur eins og : Birgir Júlíusson, Birgir Þórbjörnsson, Lárus Ægir Guðmundsson, Þórunn Bernódusdóttir og fleiri. Óþekkti keppandinn á myndinni svífur fram af pallinum og leggur sig allan fram um að ná sem lengstu stökki. Ef svo vel vill til að þú þekkir einhvern á myndinni vinsamlega sendu okkur þá athugasemd. </P>
umf Fram269
Héraðsmót USAH var haldið á Skagaströnd 15. og 18. júlí 1976. Á þessari mynd eru verðlaunahafar í hástökki. Frá vinstri: Hulda Agnarsdóttir, Guðrún Berndsen og Sólveig Gunnarsdóttir.
umf Fram140
Gunnar Halldór Hallbjörnsson stekkur hástökk á íþróttamóti á Blönduósi seint á áttunda áratugnum. Frakkaklæddi maðurinn er Ragnar Jónsson frá Asparlundi. Hinn maðurnn er óþekktur.
Ólafur Bernódusson214
Að lokinni slysavarnaæfingu hjá Björgunarsveitinni í nóvember 1987. Hér hafa félagar í sveitinni stillt sér upp til myndatöku utan við Bjarnaborg, sem þá var hús sveitarinnar. Á myndinni eru frá vinstri: Davíð Reynisson, Sigurjón Ástmarsson, Árni Geir Ingvarsson, Gísli Snorrason, Ástmar Kári Ásmarsson, Frits Hendrik Berndsen, Helgi Gunnarsson, Margrét Ólafsdóttir, Birna Sveinsdóttir, Gunnlaugur Sigmarsson, Magnús Sigurðsson og Jóhannes Sveinsson. Helgi, Margrét, Birna og Magnús klæðast "Hannes original" sem var appelsínugulur anorak með góðum vasa framan á nefndur eftir Hannesi Þ. Hafstein sem lengi var framkvæmdastjóri og forstjóri Slysavarnafélags Íslands. Árni Geir, Gísli, Kári og Hendrik eru í þurr-björgunarbúningum sem notaðir voru af þeim sem voru um borð í Þórdísi, sem var björgunarbátur sveitarinnar.
umf Fram152
Í nokkur ár stóð umf Fram fyrir hjólakeppnum á vorin. Hjólaður var ákveðinn hringur um bæinn, mislangur eftir aldri keppenda, og tími tekinn. Á þessari mynd eru stúlkur að gera sig tilbúnar að hjóla af stað. Frá vinstri á ráslínunni eru: Guðný Finnsdóttir, Írena Rúnarsdóttir, ?Sandra Ómarsdóttir?, tvær óþekktar stúlkur, Soffía Lárusdóttir, Anna Dröfn Guðjónsdóttir, óþekkt og óþekktur strákur. Aftan við hjólastúlkurnar til vinstri standa og spjalla, frá vinstri: Arnar Arnarsson, Sigurjón Karlsson, Sigurbjörn Kristjánsson, óþekktur, Jón Arnarson og Stefán Jósefsson.
umf Fram155
Verðlaunahafa eftir íþróttamót á Blönduósi. Frá vinstri: Sigurbjörg Guðmundsdóttir, Kristjana Jónsdóttir frá Brandaskarði, Guðmundur Ragnarsson (Muggi) og Þröstur Ingvason.
Guðmundur Guðnason902
Klemensína K. Klemensdóttir (d. 12.6.1966), móðir Guðmundar Guðnasonar (d. 21.11.1988), sem tók þessa mynd á heimili þeirra í Ægissíðu.
Óþekktur ljósmyndari163
<p>Á þessari mynd er fjölskyldan frá Mánaskál í Laxárdal ásamt vinnumanni sínum. Frá vinstri: Jón Sigurðsson (d.20.9.1990), Lára Sigurðardóttir (d. 9.12.2008), óþekkt, Óskar Eiríksson (vinnumaður) (d. ?), Sigurður Jónsson, Sigurður Valdemarsson og systir hans Guðrún Áslaug Valdemarsdóttir (börn Sigurbjargar Sigurðardóttur og Valdemars Guðbjartssonar), Sigurbjörg Sigurðardóttir (d. ?), Guðrún Sigurðardóttir (d. 18.9.2002), Margrét Sigurðardóttir (d. 8.9.1982) og Sigurður Jónsson (d. 11.1. 1968). Myndin var tekin í ágúst 1946 en þá dó amma þeirra systkinanna, Sigurðarbarna, Guðrún Björnsdóttir (d. 28.8.1946)</p>
umf Fram226
USAH stóð fyrir félagsmálanámskeiði á Blönduósi og Skagaströnd í mars-apríl 1976. Námskeiðin voru haldin á báðum stöðum og síðan var sameiginleg lokahátíð haldin í félagsheimilinu á Blönduósi. Á námskeiðinu lærði fólk ræðumennsku, fundarsköp og almennt að koma fram. Á þessari mynd er Ólafur Oddsson leiðbeinandi á námskeiðinu í ræðustól í lokahófinu.
Ólafur Bernódusson091
Sigurbjörg Guðmundsdóttir skírir nýsmíðina Laxdal NS 110 í Skipasmíðastöð Guðmundar Lárussonar. Sigurbjörg er dóttir Guðmundar Lárussonar (d. 15.10.2002) eiganda stöðvarinnar. Sigríður Gestsdóttir systir hennar fylgist með.
umf Fram247
Hjólreiðakeppni umf. Fram 1. maí 1976. Slíkar hjólreiðakeppnir, þar sem keppendur hjóluðu stóran hring um bæinn, voru haldnar á vegum Fram í nokkur ár. Á þessari mynd hafa Gestur Arnarson til vinstri og Kristinn Guðmundsson fengið afhent verðlaunaskjöl sín.
Guðmundur Guðnason820
Fermingarsystur frá 1964. Sóley Benjamínsdóttir frá Skálholti til vinstri og Signý Ástmarsdóttir úr Héðinshöfða til hægri.
Ólafur Bernódusson221
<p>Hildigunnur Jóhannsdóttir (d. 1.1.1996) til vinstri og Birna Bjarnadóttir til hægri við sníðaborðið á saumastofunni Violu á efstu hæðinni í Gamla kaupfélaginu á Skagaströnd. Myndin var tekin í nóvember 1987. </p>
umf Fram258
Þessir einstaklingar skipuðu sundlið USAH sem keppti við lið USVH í sundi á Reykjaskóla 15. ágúst (1976?). Aftari röð frá vinstri: Birkir Fossdal, Þórður Daði Njálsson, Axel Jóhann Hallgrímsson, Pétur Þormóðsson og Brynjólfur Friðriksson. Fremri röð frá vinstri: Unnur ?, Hafdís Húnfjörð, Lára Guðmundsdóttir og Sigríður Friðriksdóttir. Ef þú þekkir föðurnafn Unnar vinsamlega sendu okkur þá athugasemd.
Ólafur Bernódusson122
Það snjóaði duglega þegar kveikt var á jólatrénu á Hnappstaðatúninu 1985. Á þessari mynd hefur fólk safnast saman á túninu í muggunni. Sigfús Jónsson þáverandi sveitarstjóri er lengst til hægri á myndinni en síðan verður hver að þekkja sig ef hægt er.
Guðmundur Guðnason766
Kristján Eldjárn, forseti Íslands, heimsótti Húnaþing 1969. Á myndinni er óþekktur maður í ræðustól í móttöku í félagsheimilinu á Blönduósi. Ef þú veist hver maðurinn er vinsamlega sendu okkur þá athugasemd.
Ólafur Bernódusson231
Myndin var tekin um borð í Arnarborg Hu í febrúar 1988 þegar hópur nemenda í pungaprófi - 30 tonna skipstjórnarréttinda - kom til að kynna sér tækin í brúnni. Á myndinni er Sigurjón Guðbjartsson að sýna tækin.
Skagaströnd - safn477
Hreppsnefnd Sveitarfélagsins Skagaströnd 2010 - 2014 var sjálfkjörin því aðeins kom fram eitt framboð til sveitarstjórnar. Á myndinni er nefndarfólkið ásamt sveitarstjóra. Frá vinstri: Adolf H. Berndsen oddviti, Magnús B. Jónsson sveitarstjóri, Jensína Lýðsdóttir, Péturína L. Jakobsdóttir, Halldór Gunnar Ólafsson og Jón Ólafur Sigurjónsson.
umf Fram166
Héraðsmót USAH 1983 var haldið á Skagaströnd 9. og 10. júlí. Á þessari mynd hlaupa, frá vinstri: Birna Sveinsdóttir, óþekkt og Þórhildur Jakobsdóttir. Ef þú veist hver óþekkta stúlkan er vinsamlega sendu okkur þá athugasemd.
Guðmundur Guðnason784
Kristján Eldjárn Þórarinsson (d. 14.9.1982) forseti Íslands kom í opinbera heimsókn til Skagastrandar 1969. Á myndinni bíður séra Pétur Þ. Ingjaldsson sóknarprestur eftir forsetanum og föruneyti hans við kirkjudyrnar á Hólaneskirkju meðan hann heilsar fólki við kirkjuhliðið.
Guðmundur Guðnason846
<P>Karlakórinn Vökumenn sungu í Tunnunni á Skagaströnd 1. maí 1963. Frá vinstri: Þorvaldur Ásgeirsson, Guðmundur Theódórsson, Þorbjörn Sigurðsson, Sveinn Þórarinsson, Páll Eyþórsson, allir frá Blönduósi. Kristófer Kristjánsson frá Köldukinn hneigir sig. Fyrir aftan hann sér í Heiðar Kristjánsson frá Hæli og óþekktan mann. Þá koma Björn Sigurfinnsson frá Hurðabaki og Óskar Sigurfinnsson bróðir hans frá Meðalheimi, Reynir Hallgrímsson frá Kringlu, tveir óþekktir, Jóhann Jónsson frá Beinakeldu og Pálmi Ólafsson frá Holti. </P>
Ólafur Bernódusson121
Það snjóaði duglega þegar kveikt var á jólatrénu á Hnappstaðatúninu 1985. Á þessari mynd syngur kirkjukórinn jólalög. Frá hægri á myndinni eru: Gylfi Sigurðsson, Guðmundur Guðnason (d.21.11.1988), Kristján Hjartarson (d. 2.8.2003), Hjördís Sigurðardóttir, Guðrún Sigurðardóttir, Guðrún Guðbjörnsdóttir (leiðir barn), Bára Þorvaldsdóttir og Helga Guðmundsdóttir. Stjórnandinn er óþekktur og sama má segja um aðra á myndinni nema manninn lengst til vinstri en það er séra Oddur Einarsson þá sóknarprestur á Skagaströnd.
umf Fram187
Ungmennafélagið Fram átti 50 ára afmæli 1976. Í tilefni afmælisins gaf félagið út afmælisrit og haldin var vegleg afmælishátíð 28. desember 1976. Á þessari mynd flytur Björk Axelsdóttir ræðu í afmælishófinu.
Guðmundur Guðnason844
Kristófer Kristjánsson frá Köldukinn les upp á sviðinu í Tunnunni sennilega 1.maí 1963.
umf Fram223
USAH stóð fyrir félagsmálanámskeiði á Blönduósi og Skagaströnd í mars-apríl 1976. Námskeiðin voru haldin á báðum stöðum og síðan var sameiginleg lokahátíð haldin í félagsheimilinu á Blönduósi. Á námskeiðinu lærði fólk ræðumennsku, fundarsköp og almennt að koma fram. Á þessari mynd er Björgvin Jónsson (d. 4.5.1992) frá Höfðabrekku í ræðustól í lokahófinu.
Guðmundur Guðnason838
Óþekktir leikarar í óþekktri leiksýningu í Tunnunni sennilega árið 1963. Ef þú veist eitthvað um það sem myndin sýnir vinsamlega sendu okkur þá athugasemd.
Guðmundur Guðnason032
Óþekkt kona. Ef þú þekkir hana vinsamlega sendu okkur þá athugasemd.
Guðmundur Guðnason896
Mynd frá karlakóramóti sem haldið var í félagsheimilinu á Blönduósi 9. júní 1963. Myndin sýnir einhvern óþekktan karlakór syngja en síðan sungu kórarnir greinilega allir saman, eins og sjá má á öðrum myndum hér í safninu. Ef þú þekkir hvaða kór þetta er vinsamlega sendu okkur þá athugasemd.
Ólafur Bernódusson264
Báturinn á myndinni, Þórir Jóhannsson Gk, var fluttur inn frá Frakklandi sumarið 1988 eins og hann er á myndinni þ.e. bara skelin. Þórir var þá stærsti plastbáturinn í Íslenska flotanum. Skipasmíðastöðin Mánavör hf á Skagaströnd tók að sér að klára bátinn og gera hann haffæran. Mennirnir á myndinni eru Ómar Haraldsson framkvæmdastjóri Mánavarar til vinstri og eigandi bátsins Matthías Ingibergsson til hægri.
umf Fram161
Héraðsmót USAH 1983 var haldið á Skagaströnd 9. og 10. júlí. Á þessari mynd kastar Ingibergur Guðmundsson kringlu.
Guðmundur Guðnason666
Þorrablót í gömlu Tunnunni sennilega kringum 1965. Allir eru að fylgjast með einhverju skemmtiatriði á sviðinu. Lengst til vinstri er Bernódus Ólafsson (d. 18.9.1996) í Stórholti (Bankastræti 3). Fyrir miðri mynd situr Júlía Hrefna Viggósdóttir frá Gunnarhólma (Grafarbakka) og styður hægri hönd undir kinn. Sigurður Kristjánsson frá Björgum er næstur ásamt systur sinni ?. Fremst á myndinni til hægri er Jóna Guðjónsdóttir og lengst til hægri er Sigurður Magnússon (d. 2.8.2002) frá Hólanesi. Aftast, næst dyrunum, stendur Jóhanna Gunnlaugsdóttir (d. 18.4.2012) frá Harrastöðum Aðrir eru óþekktir en ef þú þekkir einhverja fleiri á myndinni vinsamlega sendu okkur þá athugasemd.
umf Fram218
Unglingamót USAH var haldið 7. og 8. ágúst 1976 á Blönduósi. Á þessari mynd eru þeir keppendur frá umf. Fram sem stóðu sig best á mótinu. Frá vinstri: Guðrún Berndsen, Kristinn Guðmundsson, Soffía Guðmundsdóttir systir hans og Sólveig Gunnarsdóttir.
umf Fram182
Ungmennafélagið Fram átti 50 ára afmæli 1976. Í tilefni afmælisins gaf félagið út afmælisrit og haldin var vegleg afmælishátíð 28. desember 1976. Á þessari mynd er þáverandi formaður félagsins Guðmundur Haukur Sigurðsson með afmælisskjöld sem félaginu var færður við þetta tækifæri.
Guðmundur Guðnason756
Herra Sigurbjörn Einarsson biskup predikar í Akureyrarkirkju í október 1969.
Guðmundur Guðnason758
Árni Björn Ingvarsson frá Sólheimum árið 1969.
umf Fram207
Ungmennafélagið Fram átti 50 ára afmæli 1976. Í tilefni afmælisins gaf félagið út afmælisrit og haldin var vegleg afmælishátíð 28. desember 1976. Á þessari mynd eru í forgrunni, frá vinstri: Guðrún Ágústsdóttir, Jóna Björg Jónasdóttir, Sigurbjörg Árdís Indriðadóttir og Elín Jónasdóttir. Í baksýn má sjá Óskar Axelsson (með dökkt skegg) Ernst Berndsen (í blárri úlpu, horfir til hægri), Þorgerði Guðlaugsdóttur og Jón Hall Pétursson lengst til hægri. Aðrir eru óþekkir.
Ólafur Bernódusson157
<p>Landsbankinn stóð í mörg ár fyrir víðavangshlaupum á Skagaströnd. Hlaupin voru miðuð við yngstu aldursflokkana og komu keppendur víða að úr héraðinu. Á þessari mynd frá því í maí 1987 kemur Jónas Fanndal Þorvaldsson fyrstur í mark í sínum flokki.</p>
Ólafur Bernódusson066
Litlu jól í Höfðaskóla 1983 líklega hjá 8. eða 9. bekk. Á myndinni eru frá vinstri: Jón Indriðason, Páll Jónsson frá Brandaskarði, Ársæll Ottósson og sennilega Guðmundur Óskarsson bakvið Ársæl. Lengst til hægri er Ingimar Oddsson.
Guðmundur Guðnason012
Ekki er vitað hvar þessi mynd var tekin en ef grannt er skoðað má sjá stafina EA á bógnum á bátnum en ekki er hægt að lesa töluna á eftir. Það bendir til að þessi mynd gæti verið tekin einhversstaðar í Eyjafirði. Ef þú veist eitthvað um myndina vinsamlega sendu okkur þá athugasemd.
Ólafur Bernódusson114
Skafti Fanndal Jónasson (d. 2.9.2006) reri stundum til fiskjar að gamni sínu og til að ná sér í fisk í soðið. Almennt voru þorskarnir sem hann dró ekki eins stórir og þessi sem mældist 140 cm á lengd og vó 38 kg. Þorskinn fékk Skafti í róðri vorið 1986. Jónas Fanndal Þorvaldsson, sem stendur vinstra megin við þorskinn, er afabarn Skafta og á myndinni er hann 10 ára gamall. Stúlkan hægra megin er Hólmfríður Anna Ólafsdóttir (Día Anna) en hún var 11 ára þegar myndin var tekin.
1
…
46
47
48
…
167
Leita í myndasafninu
Leita