Beint í efni
Skagaströnd.is
↗
Allar myndir
Samgöngur
✕
Bílar
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Miðflokkur
Skip og Bátar
393 myndir
Flæði
Reitir
Skagaströnd - safn352
Búið er að fjarlægja báða þessa tanka í dag (apríl 2015). Þeir voru upphaflega báðir jafn stórir en síðan var annar þeirra lækkaður um helming. Þeir voru reistir í sambandi við smíði síldarverksmiðjunnar á árunum kringum 1943-´46 og þá notaðir undir svartolíu og lýsi. Þegar þeir voru byggðir voru ekki gerðar kröfur um lekaþró kringum þá þ.e. svæði sem gæti tekið við hugsanlegum leka úr tönkunum án þess að menga umhverfið. Í dag eru kröfurnar um slíkt mun strangari sem betur fer. Tankarnir stóðu vestur undir Höfðanum ekki langt frá sundlauginni.
Skagaströnd - safn408
Lýsistankur SR- Mjöls rifinn haustið 1994. Olís tankurinn við hlið hans hefur einnig verið rifinn.
Árni Geir Ingvarsson - safn 415
Þessi flutningabíll valt í mikilli vindkviðu á brautinni milli Fells og Vindhælis. Á myndinni er verið að koma bílnum á réttan kjöl aftur með hjálp traktorsgröfu. .
Guðmundur Guðnason 2 426
Á þessari mynd sjást tvö farartæki sem voru vel þekkt á Skagaströnd í mörg ár og settu svip á bæinn. Annar vegar er Scania vörubíll Gunnars Helgasonar (d. 19.10.2007) númer H 34 en Gunnar átti marga vörubíla með þessu númeri. Hitt farartækið er gamla pósthjólið hans Guðmundar Guðnasonar (d. 21.11.1988) en það sést til vinstri á myndinni með pósttöskunni í grindinni framan á hjólinu.
Skagaströnd - safn419
Á sumardaginn fyrsta - í apríl - 1995 var veður einstaklega gott og fallegt. Þá fór nokkur hópur fólks á fjórhjóladrifnum bílum í hópferð um Skagaheiðina. Farið var upp frá Steinnýjarstöðum og ekið norður að Aravatni en síðan, sem leið liggur, suður alla heiðina á hjarni og komið niður í Norðurárdal hjá bænum Þverá. Stoppað var nokkrum ínnum á leiðinni til að njóta veðurblíðunnar og að renna fyrir silung gegnum ís. Á þessari mynd eru þeir Baldvin Hjaltason til vinstri og Hafsteinn Pálsson til hægri að gera færin sín klár til að renna í Hraunvatni.
Guðmundur Guðnason 2 449
Maðurinn sem slær á Massey Ferguson er Jökull Sigtryggsson, síðar bóndi á Núpi í Laxárdal, við heyskap á Skagaströnd. Heyskapur virðist ganga vel ef tekið er mið af sátunum í baksýn.
umf Fram 328
<p>Ekki er vitað hvenær þessi mynd var tekin yfir Blönduós en líklega hefur það verið kringum 1975. </p>
Sigurður Jónsson - safn 002
Halda mætti að Jens Jónsson frá Brandaskarði, sem krýpur við dráttarvélina, sé að tilbiðja hana. Svo er þó ekki heldur er hann að gera við vélina með hjálp Sigurðar Jónssonar, sem tók þessa mynd.
Guðmundur Guðnason 2 415
Á myndinni eru frá vinstri: séra Ólafur Hallgrímsson, Guðmundur Sigfússon (d. 27.3.1993) frá Eiríksstöðum, Skafti Fanndal Jónasson (d. 2.9.2006) og Sigurður Jónsson. Líklega var þessi mynd tekin af þeim félögum við Merkigil í Skagafirði á leið til messu í Ábæjarkirkju en þangað sóttu þeir saman árlega í mörg ár. Ekki er vitað hvenær myndin var tekin.
Jón Pálsson og Björk Axelsdóttir - safn012
Þessi mynd frá 1977 sýnir vel hvernig skíðaaðstaðan í Spákonufellinu var á þessum árum. Dráttarvél var notuð til að snúa spili með kaðli sem fór svo í gegnum blökk uppi á toppi brekkunnar. Fólk hékk síðan í kaðlinum á leið upp brekkuna. Bannað var að vera með trefil um hálsinn því kaðallinn sneri upp á sig á leiðinni upp og gat gripið í trefilinn og þannig hert að hálsi viðkomandi. Nokkrum árum eftir að þessi mynd var tekin var svo keypt toglyfta og sett í brekkuna norðan við þá sem lyftan á myndinni er í. Enn síðar var svo byggður skíðaskáli á svæðinu, sem enn stendur. Eins og sjá má á myndinni vantaði ekki áhugasamt skíðafólk til að nýta sér þessa frumstæðu aðstöðu á góðum dögum.
Árni Geir Ingvarsson - safn 561
Hér hefur Vilhjálmur Skaftason, sem stendur og virðir aðstæður fyrir sér, búinn að festa Súkkuna sína í skafli. Í baksýn býr Eðvarð Hallgrímsson sig undir að draga Súkkuna úr skaflinum.
Vélaverkstæði Skagastrandar - safn 090
Oft hefur verið mikið um að vera í dráttarbrautinni. Bátar af öllum stærðum og gerðum koma þar og fara. Sumir þeirra enda þar ævi sína eins og raunin varð með Auðbjörgu Hu 6, sem er á myndinni og Hinrik? sem er húslaus lengst til vinstri. verið er að hífa Beggu GK 717 upp á pallinn á kranabílnum sem síðan flutti hana burt. Mennirnir á myndinni eru óþekktir.
Árni Geir Ingvarsson - safn 532
Jóhann Björn Þórarinsson (Baddi) við vinnu í bílakirkjugarðinum sem var við rætur Spákonufells um tíma.
Árni Geir Ingvarsson - safn 522
Hér sýnir Landhelgisgæslan þyrlubjörgun úr sjó á TF - SIF á sjómannadegi í höfninni á Skagaströnd. Sigmaðurinn hefur farið niður og er með mann í flot- björgunarbúningi í fanginu á leið upp í þyrluna. Maðurinn sem er á leið upp í þyrluna er Axel Jóhann Hallgrímsson en sá sem glittir í í sjónum fyrir neðan er Sigurbjörn Björgvinsson, sem bíður eftir að röðin komi að honum. Á myndinni virðast tveir menn vera í sjónum en í raun eru það höfuð og tær Sigurbjarnar sem sjást.
Vélaverkstæði Skagastrandar - safn 019
Ari Þórsson til vinstri og Indriði Hauksson til hægri vinna við að setja vél í bíl á Vélaverkstæði Skagastrandar.
Fisk Seafood - safn 140
Þessi mynd var tekin 3. september 1993 í höfninni á Skagaströnd. Við bryggjuna liggur rússneskur? togari SOYANA en farmur hans hefur annað hvort verið frosinn þorskur eða frosin rækja. Nokkra slíka farma keypti Hólanes hf til að vinna í frystihúsinu eða rækjuvinnslunni eftir því sem við átti. Þegar þessi skip komu í höfn upphófust oft mikil viðskipti við áhöfnina en þeir voru sólgnir í að kaupa gamla bíla, sérstaklega gamlar Lödur. Keyptu þeir umvörpum slík farartæki sem menn voru jafnvel búnir að leggja fyrir löngu síðan. Mátti oft ekki á milli sjá hvorir voru ánægðari með viðskiptin, sjómennirnir eða bíleigendurnir en hvorir tveggju töldu sig gera góða samninga. Bílunum var síðan staflað á dekkið í togaranum og líklega hafa flestir þeirra verið rifnir í varahluti þegar heim til Rússlands var komið. Mennirnir á myndinni eru að fylgjast með og e.t.v. hefur einhver þeirra selt verðlaust bílhræ á góðu verði. Frá vinstri: Hafþór Gylfason, óþekktur, Arnar Ólafur Viggósson, óþekktur, Jón Ólafur Sigurjónsson (fjær), óþekktur (nær), Guðjón Hall Sigurbjörnsson og Bjarni Ottósson.
Fisk Seafood - safn 027
Hólanes hf bauð starfsfólki sínu og mökum í "menningarferð" til Reykjavíkur í mars 1987. Á leiðinni var leiðinda veður og ófærð. Ein af rútunum þremur sem fluttu fólkið fór út af veginum og tafði það för meðan verið var að ná bílnum upp á veginn aftur. Enginn meiddist við óhappið og fljótlega var aftur farið að syngja og gleðjast í rútunni eftir að hún var komin af stað aftur. Þekkja má á myndinni til vinstri: Sigríður Gestsdóttir og Stefán Jósefsson, Guðrún Magnúsdóttir er í blárri úlpu og Erna Högnadóttir í rauðri úlpu með sígarettu í hendinni. Lengst til hægri er svo Hildigunnur Jóhannsdóttir (d. 1.1.1996).
María Magnúsdóttir - safn 045
Vörubíllinn D - 104 var úr Dalasýslu samkvæmt númeraplötunni. Hér er bíllinn, sem er með stýrið hægra megin upp breskan máta, á hlaðinu á Syðra Hóli. Gamli bærinn þar sést í baksýn uppi á bæjarhólnum. Sveinbjörn Albert Magnússon (Atli) (d. 13.11.1987) frá Syðra Hóli átti bílinn. Ekki er vitað hvenær myndin var tekin.
Ólafur Bernódusson605
Í september 2001 kom nýr Benz slökkvibíll til Slökkviliðs Skagastrandar. Gamli bíllinn, sem er til hægri á myndinni, var af Bedford gerð og hafði þjónað liðinu í áratugi en þótti orðinn gamaldags og ekki næganlega góður. Á myndinni er hluti af slökkviliðinu að skoða nýja bílinn og prófa hann. Frá vinstri: Karl Rósinbergsson (d. 29.3.2004), Tryggvi Hlynsson, Magnús Ólafsson (d. 23.7.2012) slökkviliðsstjóri, Gunnar Stefánsson, Sigurður Björnsson, Helgi Gunnarsson, Sigurjón Ástmarsson, Baldvin Hjaltason, Þröstur Líndal og Ari Þórsson.
Fisk Seafood - safn 017
Aðfaranótt 22. október 1997 kom upp eldur í veitingahúsinu Kátrýbæ. Helmingur hússins brann það illa að ekki var um annað að ræða en að rífa brunarústirnar. Á þessum myndum er verið að rífa þann hluta hússins sem brann. Þess má geta að Kántrýbær var strax endurbyggður á sama stað en með nýju sniði. Veitingastaðurinn var síðan opnaður aftur í því húsi þann 27. júní 1998.
Jón Jónsson 382
Vetur á Skagaströnd geta verið mjög snjóþungir. Með það í huga að öll él birtir upp um síðir er alltaf tekið til eftir illviðriskafla og byrjað að moka göturnar til að gera þær bílfærar. Hér hafa verið kallaðar til jarðýta og grafa til að vinna á snjónum fyrir Víkina svo fólk komist um með góðu móti.
María Magnúsdóttir - safn 181
Húnn Snædal
Árni Geir Ingvarsson - safn 797
Þessi mynd var tekin á fyrstu Kántrýhátíðinni árið 1984. Hún fór að mestu fram á tjaldsvæðinu og meðal skemmtiatriða voru ýmis konar hestasýningar. Þar á meðal átti að snara kálf af hestbaki.Kálfurinn var reyndar ekkert hrifinn af uppátækinu og stauk úr gerðinu þannig að sýningaratriðið var í hættu um tíma. Allt fór þó vel og kálfurinn var snaraður eins og vera bar. Myndin sýnir nokkra hestamenn sem eru að ráða ráðum sínum og fólkið bíður eftir framkvæmdinni.
Ólafur Bernódusson653
Stefán Velemir situr á nýrri sláttuvél sinni og Róbert Björn Ingvarsson aðstaðamaður hans stendur með hrífuna. Stefán byrjaði mjög snemma á að taka að sér garðslátt fyrir fólk. Það þróaðist fljótlega út í allsherjar sláttuþjónustu þar sem hann bætti við sig að slá opin svæði í sveitarfélaginu. Til þess að það gengi upp þurfti hann auðvitað að eiga góð tæki og sláttuvélin á myndinni reyndist honum vel. Myndin var tekin 3. júlí 2009 nokkrum dögum áður en Stefán varð 15 ára.
Árni Geir Ingvarsson - safn 710
Þetta unga fólk vann að stígagerð á Höfðanum. Fólkið var á vegum Landsvirkjunar sem styrkti verkefnið með því að senda ungt fólk úr vinnuskóla sínum í verkið. Ungmennin dreifðu viðarkurli á stíginn þar sem þess var þörf. Ekki er vitað hvenær myndin var tekin og fólkið er óþekkt nema stúlkan í miðjum hópnum er Helga Dögg Jónsdóttir frá Skagaströnd.
Árni Geir Ingvarsson - safn 741
Á myndinni er verið að steypa kantsteina í beygjunni vestan við Einbúann. Verktakar komu og steyptu slíka kanta víðs vegar um bæinn en síðan hafa víða verið gerðar gangstéttar innan við kantsteininn. Mennirnir á myndinni eru óþekktir.
Árni Geir Ingvarsson - safn 758
Bræðurnir Guðmundur J. Björnsson til vinstri og Sigurður F. Björnsson til hægri við framkvæmdir vegna endurbyggingar Árness sem sést lengst til vinstri á myndinni. Guðmundur rak vélaleigu, þar með talið gröfuþjónustu, í áratugi á Skagaströnd.
Árni Geir Ingvarsson - safn 973
Með lagni mátti koma fimm manns fyrir í gömlu Willis jeppunum. Það hefur líklega verið gert í þessu tilfelli. Ekki er vitað hvenær né hvar myndin var tekin en líklega hefur það verið kringum 1950. Herbert Ólafsson (d. 25.4.2007) er lengst til vinstri á myndinni en aðrir eru óþekktir. Ef þú þekkir einhvert þeirra vinsamlegast sendu okkur þá athugasemd.
Hallgrímur Kristmundsson safn026
Á sínum tíma voru bílar eins og er á myndinni alltaf kallaðir drossíur. Orðið er lítið notað í dag og þá helst um gamla stóra fólksbíla. Samkvæmt Vísindavefnum á það uppruna sinn í rússnesku "drozki" sem þýðir víst ´vinnuvagn´. Ekki er vitað hvenær né hvar myndin var tekin. Gaman væri líka að fá upplýsingar um hvaða tegund þessi drossía var.
Árni Geir Ingvarsson - safn 778
Það óhapp varð í mars 1989 að steypt þekja sunnan við Hafnarhúsið gaf sig undan þunga flutningabíls sem fór þar um. Bíllinn var hlaðinn af frosinni rækju þegar óhappið varð. Eins og sjá má mátti ekki miklu muna að bíllinn ylti fram af brúninni í sjóinn. Bíllinn var í eigu Benedikts Ólafssonar sem gerði út vöruflutningabíla frá Blönduósi í allmörg ár
Sigurður Jónsson - safn 005
Ragna Friðriksdóttir (d. 5.2.1981) og Sigurður Jónsson í Vestfjarðaferð 1974 ásamt fjölmörgum öðrum Skagstrendingum. Myndin var tekin í Ísafjarðardjúpi - líklega á Arngerðareyri.
Skagaströnd - safn372
Myndin var tekin 7. september 1995 þegar verið var að tengja ferskvatns-borholu í miðjum Hrafndal við vatnsveitu Skagastrandar. Nokkrar slíkar holur voru boraðar þarna í dalnum og þaðan fá Skagstrendingar sitt góða kalda vatn síðan. Mennirnir á myndinni eru frá vinstri: Ari Þórsson, Rúnar Jóhannsson og Sigurjón Ástmarsson.
umf Fram 345
Á níunda áratugnum stóð UMFÍ fyrir uppákomu sem fólst í því að hjólað var hringinn í kringum landið. Þátttakendur voru félagar í ungmennafélögum vítt og breytt um landið þar sem félagar viðkomandi félags hjóluðu um sitt félagssvæði. Fólkið hjólaði til skiptis þrír eða fjórir í einu en rúta fylgdi hjólreiðafólkinu með þá sem áttu eftir að taka sína törn eða höfðu lokið sínum kafla. Á þessari mynd, sem tekin var inni í rútunni, eru frá vinstri: Anna Skaftadóttir (standandi), Edda Pálsdóttir, Bára Þorvaldsdóttir, Gunnar Helgi Benónýsson (d. 29.7.2003), Guðberg Stefánsson (d. 15.9.1991), Erla Valdimarsdóttir (d. 29.9.2008) og Guðmundur Haukur Sigurðsson. Aðrir á myndinni eru óþekktir.
Magnús B Jónsson093
<p>Í ágúst 1998 komu Ólafur Bernódusson og Guðmundur J. Björnsson í land á trillu sinni, Benna Ólafs, með hnúbak í eftirdragi. Hvalinn höfðu þeir fundið dauðann á reki norður með landi. Hnúfubakurinn var ungkálfur um 10 metra langur. Hvalurinn var dreginn upp í fjöru til að rannsóknamenn frá Hafrannsóknastofnun gætu skoðað hann og tekið úr honum sýni. Eftir sýnatöku og skoðun margra bæjarbúa var hvalurinn dreginn aftur út á haf og fargað þar. Á myndinni eru tveir fulltrúar Hafró, í hlífðarbuxum, að byrja að skera í hvalinn. Ólafur Bernódusson stendur til hægri með hendur í vösum og fylgist með en aðrir eru óþekktir. </p>
Scan10091
<p>Vilhelm Harðarson við nýjan bíl Sorphreinsunar Vilhelms Harðarsonar 1994. Með honum á myndinni er fósturdóttir hans Kristín Jóna Sigurðardóttir.</p>
Sigurður Jónsson - safn 004
Sigurjón Lárusson (d. 30.11.2001) frá Tindum á kafi í bilaðri dráttarvél. Konan á myndinni er Eygló Lilja Hólm Stefánsdóttir.
Skagaströnd - safn420
Sandur safnast gjarnan á og kringum teinana í dráttarbrautinni. Sandinn þarf að fjarlægja því annars er hætta á því að sleðinn, sem bátarnir er dregnir upp í, fari út af teinunum og þá er ekki hægt að ná viðkomandi bát upp. Á myndinni er verið að moka ofan af teinunum á há-fjöru eins langt fram og grafan nær.
Skagaströnd - safn354
Neyslusamfélaginu fylgir mikið af rusli. Á þessari mynd frá 1991 er verið að pressa járnarusl á brotajárnshaugunum við rætur Spákonufells. Þetta var gert með reglulegu millibili þegar haugurinn var farinn að verða of umfangsmikill. Pressað járnið var síðan sett í skip og flutt út í endurvinnslu. Mennirnir á myndinni eru Magnús B. Jónsson sveitarstjóri til vinstri og Rúnar Jóhannsson þáverandi starfsmaður Höfðahrepps að fylgjast með framkvæmdunum. Maðurinn á krananum er óþekktur.
Skagaströnd - safn397
Akraborg EA 50 var síldarbátur sem oftkom með síld til Skagastrandar. Hér er hann í höfn með báta í gálgum á báðum síðum. Ef grannt er skoðað má sjá að verið er að vinna að viðgerð á krananum í baksýn. Myndina tók Guðmundur Guðnason.
Árni Geir Ingvarsson - safn 543
Þennan bíl endurbyggði og breytti Vilhelm Þórarinsson í bílskúrnum sínum. Hér var um sannkallað tryllitæki að ræða með vélarorku á við 3-4 smábíla. Það skal tekið fram að þetta gerði Vilhelm fyrir tíma gríðarlegra verðhækkana á bensíni.
Vélaverkstæði Skagastrandar - safn 085
Karl Berndsen (d. verkstæðisformaður á Vélaverkstæði Karls Berndsen á verkstæðisbílnum. Karl gerði ýmsar tilraunir með eldsneyti á bílinn lét hann t.d. ganga á lýsi um tíma auk þess að blanda úrgangsolíu saman við hráolíuna en alltaf gekk bíllinn hjá Kalla.
Árni Geir Ingvarsson - safn 507
Ekki er alltaf sól og blíða á Skagaströnd. Þrátt fyrir leiðinda veður halda hjól atvinnulífsins áfram að snúast eins og sést á þessari mynd þar sem Helga Björg Hu 7 er tekin upp í dráttarbrautina í skafrenningi og kulda.
Vélaverkstæði Skagastrandar - safn 071
Þessi mynd var tekin fyrir neðan Ketilhús SR á Skagaströnd af Karli Berndsen (d. 12.2.1995) til vinstri og Valdimar Núma Guðmundssyni (d. 14.3.1972) til hægri hjá Scania flutningabíl sem Númi átti. Númi stundaði vöru- og fólksflutninga milli Reykjavíkur og Skagastrandar í allmörg ár m.a. á bílnum á myndinni.
Árni Geir Ingvarsson - safn 521
<p>Fólk skoðar björgunarþyrlu Landhelgisgæslunnar - líklega á sjómannadegi - við höfnina á Skagaströnd. Lögreglumaðurinn til vinstri er Þór Gunnlaugsson og maðurinn með yfirvaraskeggið er Haraldur Árnason. Aðrir á myndinni er óþekktir. </p>
Vélaverkstæði Skagastrandar - safn 020
Hér vinna fjórir menn saman að því að endurskapa draumabílinn á Vélaverkstæði Skagastrandar. Frá vinstri: Bjarni Ottósson, Ari Þórsson, Indriði Hauksson og Hjalti Reynisson.
Fisk Seafood - safn 028
Hólanes hf bauð starfsfólki sínu og mökum í "menningarferð" til Reykjavíkur í mars 1987. Á leiðinni var leiðinda veður og ófærð. Ein af rútunum þremur, sem fluttu fólkið, fór út af veginum og tafði það för meðan verið var að ná bílnum upp á veginn aftur. Enginn meiddist við óhappið og fljótlega var aftur farið að syngja og gleðjast í rútunni eftir að hún var komin af stað aftur. Fremst á myndinni er Bernódus Ólafsson (d.18.9.1996) og sér aftan á Guðmund Kristinsson í ljósum fötum. Aðrir á myndinni eru óþekktir.
Ólafur Bernódusson606
Í september 2001 kom nýr slökkvibíll til Slökkviliðs Skagastrandar. Gamli bíllinn, sem er til hægri á myndinni, hafði þjónað liðinu í áratugi en þótti orðinn gamaldags og ekki næganlega góður. Gamli bílinn var af Bedford gerð en sá nýi er Benz. Á myndinni stendur Magnús Ólafsson (d. 23.7.2012) slökkviliðsstjóri framan við nýja bílinn.
Fisk Seafood - safn 139
Þessi mynd var tekin 3. september 1993 í höfninni á Skagaströnd. Við bryggjuna liggur rússneskur? togari SOYANA en farmur hans hefur annað hvort verið frosinn þorskur eða frosin rækja. Nokkra slíka farma keypti Hólanes hf til að vinna í frystihúsinu eða rækjuvinnslunni eftir því sem við átti. Þegar þessi skip komu í höfn upphófust oft mikil viðskipti við áhöfnina en þeir voru sólgnir í að kaupa gamla bíla, sérstaklega gamlar Lödur. Keyptu þeir umvörpum slík farartæki sem menn voru jafnvel búnir að leggja fyrir löngu síðan. Mátti oft ekki á milli sjá hvorir voru ánægðari með viðskiptin, sjómennirnir eða bíleigendurnir en hvorir tveggju töldu sig gera góða samninga. Bílunum var síðan staflað á dekkið í togaranum og líklega hafa flestir þeirra verið rifnir í varahluti þegar heim til Rússlands var komið. Á myndinni má sjá sex svona bíla, einn um borð, en hinir bíða númerslausir á bryggjunni eftir að vera hífðir um borð.
Héraðsskjalasafn A-Hún 210
Krókssel í Skagahreppi (nú Skagabyggð).
María Magnúsdóttir - safn 147
Aftan á þessari skemmtilegu mynd stendur: "Jeg sjalfur, Elmur og Clifford við sláttuvél. John Hillmann & sons 1940. Evarts Alberta Canada". Einnig er myndin stimpluð: GOODALL PHOTO SUPPLY WINNEPEG.
María Magnúsdóttir - safn 179
Hólmsteinn Snædal (d. 31.12.2015) í ökumannssæti á Farmal Cub á túninu við Syðra Hól. Myndin hefur verið tekin kringum 1950.
Árni Geir Ingvarsson - safn 726
Nýi slökkvibíllinn prófaður við Rækjuvinnsluna. Í bílnum er öflug dæla sem er að sjálfsögðu nauðsyn í slíkum farartækjum. Mennirnir á myndinni eru óþekktir liðsmenn Slökkviliðs Skagastrandar.
Árni Geir Ingvarsson - safn 735
Á myndinni er verið að vinna við grjótvörn í víkinni frá Hólanesi inn að Hrafná. Sjórinn var farinn að éta úr landinu og veginum á bakkanum en með grjótvörninni tókst að stöðva ágang sjávar á svæðinu.
Hallgrímur Kristmundsson safn014
Þessi bíll var af Chevrolet G 506 gerð. Upprunalega var hann herbíll á stríðsárunum og líklega fluttur hingað með hernum 1940 - ´41. Ekki er vitað hvar myndin var tekin né hvenær.
Árni Geir Ingvarsson - safn 734
Hér er verið að vinna við undirstöðu skiltis við Tjaldklaufina í Höfðanum. Þarna er nú komið upplýsingaskilti sem sýnir gönguleiðina um Höfðann því þarna er einn af upphafsstöðum hennar. Á myndinni eru frá vinstri: Kristján Ýmir Hjartarson, Almar Freyr Fannarsson og Vilhelm Harðarsson stjórnar bílkrananum.
Árni Geir Ingvarsson - safn 867
Eftir lagfæringar var Borgarvirki vígt 23. júní 1950 með mikilli hátíð. Þar var staddur Herbert Ólafsson (d. 25.4.2007) og hann tók þessa mynd yfir hátíðasvæðið og bílastæðið. Pallurinn á myndinni til hægri var danspallur sem reistur var í tilefni hátíðarinnar.
Árni Geir Ingvarsson - safn 709
Á myndinni er Jóhann Björn Þórarinsson að gera við vél-hjólbörur uppi á Höfða. Börurnar voru notaðar við stígagerð á Höfðanum en hann er vinsælt útivistarsvæði þar sem margur fær sér hressandi göngutúr eftir merktum göngustíg.
Árni Geir Ingvarsson - safn 890
Myndin var líklega tekin á árunum 1950 - 1955 á veginum austanvert í Vatnsdal. Vatnið sem er til vinstri er þá Hnausatjörnin og brúin sem sést í hægra megin brúin yfir Árfarið svonefnda. Myndina tók Herbert Ólafsson (d.25.4.2007).
Árni Geir Ingvarsson - safn 754
Hér eru þeir á kunnuglegum slóðum tengdafeðgarnir Magnús B. Jónsson til vinstri og Viggó Brynjólfsson til hægri. Viggó byrjaði ungur að vinna á eigin jarðýtum og öðrum vinnuvélum og Magnús vann lengi á þessum tækjum hjá tengdaföður sínum.
Árni Geir Ingvarsson - safn 725
Gamli slökkvibíllinn á Skagaströnd sendur burt eftir að hafa verið leystur af hólmi með nýrri og fullkomnari bíl. Þessi var af Bedford gerð með öflugri dælu. Dælan og allur annar búnaður sem hægt var að nota áfram var tekin úr bílnum áður en hann var sendu burt á bílasafn.
1
2
3
4
5
6
7
Leita í myndasafninu
Leita