Beint í efni
Skagaströnd.is
↗
Allar myndir
Samgöngur
✕
Bílar
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Miðflokkur
Skip og Bátar
393 myndir
Flæði
Reitir
Árni Geir Ingvarsson - safn 1309
Guðmann Einar Magnússon yngri frá Vindhæli hjálpar til í heyskapnum í góðum þurrki 28. júlí 2012.
Árni Geir Ingvarsson - safn 1310
19. apríl 2012 var vorið komið og létt yfir fólki. Á þessari mynd spjalla þeir saman Lárus Ægir Guðmundsson sem var í göngutúr og Gylfi Sigurðsson sem tók rúnt á hjólinu sínu.
Árni Geir Ingvarsson - safn 1341
Á útivistardögum í lok maí 2012 kom lögreglan í heimsókn og yfirfór reiðhjól nemenda fyrir sumarið. Á þessari mynd skoðar Höskuldur Birkir Erlingsson lögreglumaður hjólið hjá Daða Snæ Stefánssyni. Agnes Sævarsdóttir kennari fylgist með ásamt óþekktum nemanda.
Árni Geir Ingvarsson - safn 1407
Síðasti hluti olíutanksins við Höfðann rifinn um miðjan nóvember 2011. Upphaflega var tankurinn helmingi hærri en hann er á myndinni og við hlið hans stóða annar tankur jafn stór. Báðir voru tankarnir byggðir fyrir síladarverksmiðjuna einhverntíma á árunum 1943-1946.
Árni Geir Ingvarsson - safn 1214
Eitthvað var verið að vinna við bílinn á myndinni inni í Ketilhúsinu við höfnina 24. október 2011. Bíllinn hafði reyndar verið tekinn af númerum og átti að nota hann í varahluti. Ekki fór betur en svo að það kviknaði í honum en þá var hann dreginn logandi út úr húsinu og leyft að brenna.
Árni Geir Ingvarsson - safn 1477
Sigrún Lárusdóttir og Hjalti Sævar Hjaltason á fjórhjóli að snúast við hesta 25. nóvember 2012.
Guðmundur Guðnason111
Stór hópur Skagstrendinga fór um vestfirði 1973. Hópurinn var allur tengdur umsvifum Guðmundar Lárussonar (d.15.10.2002) á Skagaströnd á einhvern hátt. Bíllinn - "Trússbíllinn" - var notaður til að flytja hluta af farangri hópsins sem annars ferðaðist í tveimur rútum. Bíllinn var frá Pólarprjón á Blönduósi og ökumaðurinn, sem var Júlíus Karlsson (d. 3.5.1989)(í dökkum fötum), stendur aftan við bílinn og spjallar við Hallgrím Kristmundsson (d. 9.10.1998) í ljósu peysunni. Konan framan við bílinn, í ljósu fötunum, er Ingibjörg Axelma Axelsdóttir (Didda frá Læk) (d. 6.3.2007) en hún var eiginkona Hallgríms. Aðrir á myndinni eru óþekktir.
Árni Geir Ingvarsson - safn 1478
Árni Geir Ingvarsson uppi í körfunni að byrja að koma fyrir ljósaperum á jólatrénu á Hnappstaðatúninu í lok nóvember 2012. Sigurbjörn Björgvinsson stjórnar krananum á bíl sínum.
Árni Geir Ingvarsson - safn 1360
Myndin var tekin framan við Fellsborg í lok maí 2012. Á henni eru gamlir skipsfélagar Ómar Jakobsson til vinstri og Árni Björn Ingvarsson til hægri.
Óþekktur ljósmyndari413
Myndin er úr fórum Ludvigs Kemp (d.30.7.1971). Grjótflutningar úr Höfðanum í uppfyllingu við hafnargerðina. Líklega var myndin tekin kringum 1940. Maðurinn á myndinni er óþekktur en ef þú þekkir hann vinsamlega sendu okkur þá athugasemd.
Séra Pétur og Dómhildur - safn
<p>Eldri borgarar á ferðalagi. Ekki er vitað hvar né hvenær myndin var tekin. Aftast til vinstri er Elísabet Sigurgeirsdóttir, Vignir Jónsson, óþekktur, Sófus Guðmundsson (d. 2.8.1991) frá Skrapatungu (krýpur með rautt bindi), Pálmi Ólafsson (d. 6.12.2005) frá Holti, séra Pétur Þ. Ingjaldsson (d. 1.6.1996) er með svartan hatt og hjá honum stendur Dómhildur Jónsdóttir (d. 18.10.2012) kona hans. Hægra megin við Dómhildi er Sigurður Pálsson og hægra meginn við hann er Aðalbjörg Þorgrímsdóttir (d. 22.11.2007) frá Holti. Fyrir framan Sigurð krýpur Alda Friðgeirsdóttir kona hans en við hlið hennar, bláklædd, er Ingibjörg Lárusdóttir (d. 20.9.2010) frá Skagaströnd. Pétur B. Ólason (d. 18.7.1998) frá Miðhúsum ber í hópferðamiðstöðvarmerkið á bílnum. Davía Guðmundsdóttir (d. 17.1.1999) Blönduósi er skáhallt til vinstri framan við Pétur Ólason. Hægra megin við Pétur í öftustu röð er Rúnar Agnarsson Blönduósi. Konurnar þrjár fyrir framan Rúnar eru frá vinstri: Ingibjörg Pétursdóttir Blönduósi, Helga Guðmundsdóttir Blönduósi og María Jónsdóttir frá Húnsstöðum, Helgi Helgason (d. 16.9.2005) Blönduósi er í röndóttri peysu með jakkann á handleggnum. Hallur Hilmarsson er aftan við Helga til hægri og Skafti Kristófersson (d. 26.6.2001) frá Hnjúkahlíð er í svörtum leðurjakka með hvítan poka í hönd og styður sig við staf. Lengst til hægri er svo Torfi Jónsson (d. 17.7.2009) frá Torfalæk. Aðrir eru óþekktir en ef þú þekkir hitt fólkið á myndinni vinsamlega sendu okkur þá athugasemd. </p>
Ólafur Bernódusson1015
Á myndinni sem tekin var í júlí árið 2000 er verið að byggja ræsi sem tók við af gamalli einbreiðri brú yfir Hallá rétt sunnan við Vindhæli.
Séra Pétur og Dómhildur - safn
Hjónin Dómhildur Jónsdóttir (d. 18.10.2012) og séra Pétur Þ. Ingjaldsson (d. 1.6.1996) prestur á Höskuldsstöðum og Skagaströnd í 40 ár.
Árni Geir Ingvarsson -safn 2 559
Litla bílnum hefur greinilega verið ofboðið í fjörunni framan við Strandgötu í apríl 2014. Jeppinn dregur hann á þurrt eftir að sá litli neitaði að ganga lengur.
Óþekktur ljósmyndari408
Myndin er úr fórum Ludvigs Kemp (d.30.7.1971). Ökumaður bílsins er óþekktur en bíllinn er H-28. Árni Svanberg Jónsson á Skagaströnd átti Ford bíl með þessu númeri þannig að ef til vill er það hann sem er undir stýri á bílnum. Ef þú veist eitthvað um myndina vinsamlega sendu okkur þá athugasemd.
Guðmundur Guðnason127
Þennan bíl, H 275, gerði Valdimar Númi Guðmundsson (d.14.3.1972), sem er á myndinni, út í vöru - og fólksflutningum milli Skagastrandar og Reykjavíkur í mörg ár. Í stóru húsi bílsins var hægt að taka 4-5 farþega og oftar en ekki var uppselt í þessi sæti. Ferðin til Reykjavíkur tók 8 - 10 tíma með hádegisstoppi í Fornahvammi þar sem starfrækt var hótel og matsala. Númi átti heima á Hólabraut 1 og byggði húsið sem þar stendur. Vöruflutningarekstur hans skýrir hvers vegna bílskúrinn við húsið er svo stór og með mikla lofthæð því hann gat bakkað bílnum á myndinni inn í skúrinn meðan hann var að afferma hann. Einnig voru þar geymdir pakkar og annað sem fólk var að senda með honum í næstu ferð suður. Þessa mynd tók Guðmundur Guðnason, líklega árið 1969.
Óþekktur ljósmyndari409
Myndin er úr fórum Ludvigs Kemp (d.30.7.1971). Á henni er stór loftpressa sem lengi var í notkun á Skagaströnd t.d. við hafnargerð. Ljósa húsið til hægri er líklega Höfðatún/Strandgata 6. Ekki er vitað hvenær myndin var tekin en líklega var það kringum 1945 - 1950.
Árni Geir Ingvarsson - safn
Margt var um manninn á Kántrýhátíðinni um verslunarmannahelgina 2001 og margt í boði fyrir hátíðagesti. Meðal annars var hægt að leigja þennan glæsilega tveggja hestafla hestvagn til að koma sér á milli staða í góða veðrinu. Myndina tók Árni Geir Ingvarsson.
Árni Geir Ingvarsson -safn 2 830
Sigurbjörn Björgvinsson prófar nýja vespu í byrjun júlí 2008. Það er tilbreyting frá því að aka um á fjögurra öxla vörubíl eins og hann gerir í vinnunni.
Árni Geir Ingvarsson -safn 2 1163
22. október 2010 var nýi vigtarskúrinn fluttur frá verkstæði Helga Gunnarssonar, þar sem hann var smíðaður, niður að hafnarvigtinni þar sem honum var svo komið fyrir. Helgi Gunnarsson gengur á undan bílnum til að vara vegfarendur við plássfrekum flutningi.
Árni Geir Ingvarsson -safn 2 1291
Vignir Sveinsson bóndi í Höfnum og þáverandi oddviti Skagabyggðar spjallar við Magnús B. Jónsson þáverandi sveitarstjóra á Skagaströnd 19. september 2012. Þeir eru staddir neðan við grjótskriðuna ofan við bæinn Tjörn á Skaga og í baksýn er Tjarnarbrekkan.
Ólafur Bernódusson 894
Í apríl 1999 var húsnæði Rauða kross deildarinnar á Skagaströnd vígt með pompi og pragt. Myndin sýnir sjúkrabíla utan við húsið. Fyrsti bíll deildarinnar er til hægri en sá til vinstri er líklega bíll númer tvö.
Árni Geir Ingvarsson -safn 2 1318
Sigurður Jónsson spjallar við Sigurjón Ástmarsson, sem situr á Fergusoninum, 15. ágúst 2012. Báðir hafa þeir áhuga fyrir slíkum tækjum.
Árni Geir Ingvarsson -safn 2 1235
Mynd frá 9. júlí 2011 af Trabant, sem margur bílaáhugamaðurinn vildi líklega gjarnan eiga í dag. Trabant var framleiddur í Austur Þýskalandi á árunum 1957 - 1990. Að mörgu leyti merkilegur bíll því hann var allur úr plastfiber og var framhjóladrifinn með sjálfstæða fjöðrun á hverju hjóli, sem var nýung árið 1957. Vélin í honum var tvígengisvél og því þurfti að blanda bensínið á hann með smurolíu. Trabantinn var geysi vinsæll í A-Þýskalandi þannig að fólk þar þurfti að vera á biðlista í 10 - 13 ár eftir að fá að kaupa nýjan bíl. Þetta varð til þess að notaðir Trabantar voru gjarnan mun dýrari heldur en nýir fóru jafnvel á tvöföldu verði þess nýja. Auk útgáfunnar á myndinni voru líka framleiddir tveggja dyra station bílar. Á þeim rúmlega 30 árum sem Trabant var í framleiðslu voru smíðaðir 3.096.999 bílar. (heimild: https://en.wikipedia.org/wiki/Trabant)
Árni Geir Ingvarsson -safn 2 1424
Þráinn Bessi Gunnarsson á vélfáki sínum 19. ágúst 2012 en þá stóð yfir Kántrýhátíð á Skagaströnd.
Helgi Gunnarsson 4
Unnið við að steypa upp neðri hæð íþróttahússins vorið 1997. Steypan kom frá Steypustöð Blönuóss en Sigurjón Ásarsson hífði steypuna með Benz vörubíl sínum. Starfsmenn Helga Gunnarssonar taka á móti.
Helgi Gunnarsson 19
Á myndinni er verið að reisa burðarvirki íþróttahússins sumarið 1997. Mennirnir á myndinni eru óþekktir en þeir voru starfsmenn Helga Gunnarssonar verktaka. Vörubíllinn sem hífir sperrurnar var í eigu Gunnars Helgasonar (d.19.10.2007).
Óskar Kristinsson - safn 258
Ekki er vitað hvenær þessi mynd var tekin utan við Hólabraut 7. Á henni styður Óskar Þór Kristinsson sig við einn af fallegu Amerísku bílunum sem hann hefur átt.
Ragnar S. Ingvarsson - safn 27
Á myndinni eru frá vinstri: Gunnar Sveinsson (d.3.11.2020), Stefán Jósefsson, Jón Stefánsson (d.3.8.1991) og Ragnar S. Ingvarsson. Þrír þeir fyrstnefndu áttu saman útgerð og Ragnar var lengi á sjó hjá útgerðinni. Ekki er vitað hvenær myndin var tekin en líklega var það einhverntíma á áttunda áratugnum.
Þórunn Bernódusdóttir - safn 035
Jóhann Björn Þórarinsson - Baddi - að gera við bíl á hlaðinu heima hjá sér að Bankastræti 9. Guðmundur J. Björnsson tók myndina en ekki er vitað hvenær.
Árni Geir Ingvarsson -safn 2 326
Frændurnir Almar Atli Ólafsson til vinstri og Óðinn Örn Gunnarsson til hægri máta sig við stýrið á dráttarvél.
Valdimar Viggósson 9
Árið 1993 gaf Valdimar Viggósson, sem er hæfileikaríkur teiknari, út dagatal með skopmyndum af fólki á Skagaströnd sem hann hafði teiknað. Þessi mynd af Karli Berndsen (d.12.2.1995) á vespunni sinni prýddi marsmánuð á dagatalinu.
Ólafur Bernódusson757
Á sjómannadaginn 1. júní 2003 kepptu tveir áhugamenn um formúlu 1 keppnirnar á kassabílum. Finnur Kristinsson er í bílnum nær okkur en Péturína Laufey Jakobsdóttir ekur bílnum sem er fjær. Vélstjórar bílanna eru óþekktir en valdir af ökumönnunum því þeir halda með þeim liðum sem ökumennirnir styðja.
Árni Geir Ingvarsson - safn 1452
Þráinn Bessi Gunnarsson á vélfáki sínum á sjómannadegi 2. júní 2012.
Óþekktur ljósmyndari414
Myndin er úr fórum Ludvigs Kemp (d.30.7.1971). Á henni er maður að vinna á Caterpillar jarðýtu við hafnargerðina á Skagaströnd. Hugsanlega er verið að vinna við byggingu Skúffugarðsins en það var kringum 1948. Maðurinn á ýtunni er óþekktur en ef þú þekkir hann vinsamlega sendu okkur þá athugasemd.
Óþekktur ljósmyndari415
Myndin er úr fórum Ludvigs Kemp (d.30.7.1971). Á henni er maður að vinna í grjótnáminu í Höfðanum. Það hófst 1934 þegar þangað var sótt grjót í uppfyllingu milli lands og Spákonufellseyjar vegna hafnargerðar. Næstu ca 30 ár var tekið grjót úr Höfðanum en með hléum. Klöppin var sprengd til að losa um grjótið en mulningurinn var líka notaður með stóru steinunum. Einnig voru járnkarlar mikið notaðir til að færa grjótið til og koma á það böndum til hífinga. Maðurinn á Caterpillar D 7 ýtunni er að hreinsa til svo hægt sé að ná grjótinu með góðu móti. Maðurinn er óþekktur en ef þú veist hver hann er vinsamlega sendu okkur þá athugasemd. Ekki er vitað hvenær myndin var tekin en það hefur verið eftir 1943 því fyrstu vélarnar af þessari gerð komu þá til landsins á vegum Bandaríska hersins.
Árni Geir Ingvarsson - safn 1311
Hér ræðast þeir við fyrir neðan Tjarnarbrekku á Skaga 19. september 2012 Vignir Sveinsson bóndi í Höfnum og oddviti Skagabyggðar á þeim tíma og Magnús B. Jónsson sveitarstjóri á Skagaströnd. Magnús er til hægri á myndinni.
Árni Geir Ingvarsson - safn 1176
Lárus Ægir Guðmundsson að nýta sér sumarblíðuna í ágúst 2010 til að taka rúnt á reiðhjólinu sínu.
Árni Geir Ingvarsson - safn 1328
Sigurður Jónsson með rauða húfu og Sigurjón Ástmarsson með hvíta skoða Þetta fallega eintak af Massey Ferguson dráttarvél Hd 7, sem Sigurjón hafði umráð yfir. Myndin var tekin 15. ágúst 2012.
Árni Geir Ingvarsson - safn 1408
Myndin, sem tekin var 5. maí 2011, sýnir niðurrif á síldarþrónum við suðurenda síldarverksmiðjunnar. Niðurrifið var mikið verk enda þrærnar vel byggðar og mikið járnbundnar. Mala þurfti alla steypu niður til að ná úr henni öllu járni áður en steypumolunum var fargað. Með því að fjarlægja þrærnar fékkst stóraukið athafnasvæði á höfninni.
Árni Geir Ingvarsson -safn 2 391
Slavko Velemir við slátt í júlí 2013.
Óþekktur ljósmyndari412
Myndin er úr fórum Ludvigs Kemp (d.30.7.1971). Á henni er unnið að grjótnámi úr Höfðanum og þarna hefur tekist að finna risa stein og koma honum upp á bílpall. Síðan var hann keyrður niður að höfn og notaður í uppfyllingu þar. Uppfylling milli lands og út í Spákonufellsey hófst 1934 en síðast var tekið grjót úr Höfðanum u.þ.b. 30 árum síðar. Myndin var líklega tekin kringum 1940.
Ólafur Bernódusson1005
Spænski togarinn, Puente Pereiras Cuatro, landaði frosinn rækju í Skagastrandarhöfn til vinnslu í Rækjuvinnslunni hf á Skagaströnd seint í október árið 2000. Áhöfn togarans landaði sjálf úr skipinu og myndin sýnir nokkra þeirra í önnum á bryggjunni við löndunina. Ekki var krani á togaranum þannig að híft var upp úr honum með vörubílskrana.
Árni Geir Ingvarsson -safn 2 473
Bæjarstarfsmaðurinn Geir Arnarson býr sig undir trjáklippingar í byrjun júlí 2013.
Árni Geir Ingvarsson - safn 1106
Nýr bátur, Flosi Hu 15, kemur í flota Skagstrendinga á hafísári. Gunnar Sveinsson (d.3.11.2020) og Eiður Hilmarsson keyptu bátinn frá Akranesi 1960. Sigurður Árnason (d.26.3.2013) eignaðist bátinn 1965 og flutti hann með sér til Hellisands er hann flutti þangað nokkrum árum síðar. (heimild: "Sjósókn frá Skagaströnd & vélbátaskrá 1908 - 2010" eftir Lárus Ægi Guðmundsson). Eins og sjá má á myndinni er búið að ýta upp sandbrekku í fjörunni til að draga bátinn á flot af bílpallinum. Ýtan er tilbúin í fjöruborðinu og íshröngl sést í baksýn. Nýju eigendurnir eru Eiður sem er nær bílnum og Gunnar fjær honum báðir peysuklæddir. Lengst til vinstri stendur Karl Berndsen (d.12.2.1995) og leiðir son sinn Ernst Berndsen. Vörubíllinn var í eigu Reykjavíkurborgar en ökumaður hans var Hjalti Skaftason frá Skagaströnd, sem vann á bílnum, mikið við að flytja efni í virkjanir á Þjórsársvæðinu. Hafði Hjalti fengið bílinn lánaðan til að flytja bátinn norður fyrir vini sína. Myndina tók Þórarinn Björnsson (d. 25.5.1985).
Árni Geir Ingvarsson -safn 2 701
Adolf H. Berndsen prófar nýja sláttuvél Golfklúbbs Skagastrandar 9. júní 2008.
Axel Jóhann Hallgrímsson 23
Ekki er vitað hvenær þessi mynd var tekin en líklega var það kringum 1960. Á henni ekur maður (Hafsteinn Sigurbjarnarson??) á Farmal Cub dráttarvél sem þá voru að byrja að koma í eigu bænda á Skagaströnd og þóttu mikil þarfaþing.
Óþekktur ljósmyndari407
Myndin er úr fórum Ludvigs Kemp (d.30.7.1971). Á henni er verið að vinna við grjótnám í Höfðanum en grjótið var sprengt fram og notað til uppfyllingar við hafnargerð á Skagaströnd. Sú hafnargerð hófst 1934 en ekki er vitað hvenær þessi mynd var tekin. Mennirnir á myndinni eru óþekktir. Ef þú þekkir ýtumanninn vinsamlega sendu okkur þá athugasemd.
Árni Geir Ingvarsson - safn 2 11
Myndin var tekin haustið 1990 af byrjunarframkvæmdum við Sægarð í Skagastrandarhöfn. Byrjað var á að keyra út kjarna úr möl og er það í gangi á myndinni.
Árni Geir Ingvarsson -safn 2 1485
Myndin var tekin á bryggjunni 19. október 2011. Vilhjálmur Jónsson sjómaður til vinstri og Haraldur Árnason, starfsmaður fiskmarkaðarins, til hægri. Þeir eru að fara yfir stærðarflokkunina á fiskinum í körunum svo kaupendur fái réttar stærðir.
Árni Geir Ingvarsson -safn 2 1061
Á myndinni spá þeir í spilin, rafvirkjarnir Hjalti Reynisson til vinstri og Hallbjörn Björnsson til hægri. Milli þeirra stendur Adolf H. Berndsen þáverandi oddviti sveitarfélagsins. Myndin var tekin 2. febrúar 2010.
Árni Geir Ingvarsson -safn 2 1308
Myndin var tekin 6. nóvember 2011 þegar verið var að grjótverja betur gamla hafnargarðinn - Útgarð. Grjót í vörnina var sótt út á Skaga í hæðarnar ofan við Brekkubæina.
Ragnar S. Ingvarsson - safn 11
Ekki er vitað hvenær þessi mynd var tekin. Á henni sitja á húddinu á kagganum Sigríður Birna Björnsdóttir til vinstri og Guðbjörg Kristinsdóttir til hægri. Húsið í baksýn til vinstri hét Drangey.
Árni Geir Ingvarsson -safn 2 786
Myndin var tekin á kántrýhátíð 18. ágúst 2006. Á henni er Einar Ari Einarsson fyrir utan heimili sitt tilbúinn í leiguakstur með frumlegan "rickshaw" en þeir eru algengir á Indlandi og víðar.
Árni Geir Ingvarsson -safn 2 1454
Guðmundur Finnbogason að koma frá því að taka bensín á fjórhjólið sitt 8. október 2012.
Helgi Gunnarsson 2
Myndin var tekin haustið 1996 þegar verið var að grafa fyrir grunni íþróttahússins. Eigandi og ökumaður vörubílsins var Hörður Ragnarsson en gröfumaður var Guðmundur J. Björnsson.
Þórunn Bernódusdóttir - safn 044
Myndina tók Guðmundur J. Björnsson af vörubíl sem var í eigu Sigurjóns Ástmarssonar. Bíllinn hafði oltið og við það snerist upp á hann eins og sést því afturhjólin vinstra megin snerta ekki jörðina. Þeir félagar Sigurjón og Guðmundur löguðu bílinn með því að setja fasta stoffu í pallhornið hægra megin í hæstu stöðu og toga svo í með gröfu. Við þær aðfarir rétti bíllinn sig af og var notaður lengi á eftir eins og ekkert hefði skeð. Þetta var hægt því grindin á bílum eins og þessum er öll hnoðuð saman en ekki rafsoðin. Skipta þurfti um hús á bílnum því það skemmdist illa í veltunni.
gunnar007
Myndin var tekin á sjómannadegi þegar kappróður unglinga er að hefjast. Myndin var líklega tekin kringumum 1965. Þá var róið í austur frá höfninni og lokamarkið var fram af Skúffugarðinum. Strákarnir um borð eru líklega, talið frá vinstri: Örn Berg Guðmundsson, Eðvarð Ingvason?, Sævar Hallgrímsson, Reynir Sigurðsson og tveir óþekktir. Stýrimaður gæti verið ?Birgir Árnason? (d.2.2.2005).
Óskar Kristinsson - safn 227
Myndin var tekin 3. september 1993. Þá var rússneskur rækjutogari að landa frosnum afurðum til frekari vinnslu á Skagaströnd. Áhöfn þessa togara var töluvert fjölmennari en gekk og gerðist á íslenskum togurum. Áhafnarmeðlimir höfðu mikinn áhuga á að kaupa gamla bíla sem voru svo hífðir um borð í togarann. Þetta varð til þess að lífleg viðskipti hófust á bryggjunni og þá virtist ástand og tegund bílanna ekki skipta máli. Greiðslur fyrir bíldruslurnar voru með ýmsu móti þar sem gjaldeyrir, Vodki og ýmislegt annað fljótandi kom við sögu. Á myndinni er Jóhannes Sveinsson að ganga frá viðskiptum við einn skipverjann. Konan til vinstri er Lovísa Vattnes Sólveigardóttir (d.26.3.2018), Yfir höfuð skipverjans sér í Ingólf Sveinsson og Vilhelm Þórarinsson hallar sér upp að bílnum til hægri. Aðrir eru óþekktir.
Þórunn Bernódusdóttir - safn 045
Myndin var tekin þegar verið var að leita að heitu vatni með því að bora tilraunaholu í landi Hafurstaða eða Ytri Eyjar. Því miður skilaði leitin engum árangri frekar en holur sem boraðar voru hingað og þangað í grennd við Skagatrönd. Guðmundur J. Björnsson gröfumaður tók myndina. Mennirnir á myndinni eru óþekktir.
1
2
3
4
5
6
7
Leita í myndasafninu
Leita