Beint í efni
Skagaströnd.is
↗
Allar myndir
Samgöngur
✕
Skip og Bátar
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Miðflokkur
Bílar
1.576 myndir
Flæði
Reitir
Ólafur Bernódusson 863
Áhöfn Arnars HU 1 og gestir skála, rétt fyrir jólin 1999, fyrir að vera fyrsta áhöfnin sem skilar meira en miljarði í aflaverðmætum á einu ári.
Ragnar S. Ingvarsson - safn 80
Myndin var tekin um borð í síðutogaranum Arnari HU 1 einhverntíma kringum 1970. Karlarnir tveir við spilið eru að hífa eða slaka vírunum. Þeir eru óþekktir en ágiskun er að Ómar Jakobsson sé til vinstri og Heiðar Elvan Friðriksson til hægri. Maðurinn milli þeirra er óþekktur.
Ólafur Bernódusson 1098
14. maí 2014 kom Sigurjón Guðbjartsson með nýjan yfirbyggðan bát til Skagastrandar í fyrsta sinn. Báturinn hét Kristinn HU 712 en var skírður Alda Hu 112 eftir að hann komst í eigu Víkur ehf, sem er í eigu Sigurjóns. Eins og ávallt þegar nýr bátur kemur til hafnar hópast sjómenn að til að skoða gripinn og spá og spekúlera. Á myndinni er sonur Sigurjóns, Jóhann Guðbjartur, til vinstri á spjalli við gamlan sjó- og útgerðarmann, Gunnar Sveinsson (d.3.11.2020) til hægri. Jóhann var skipstjóri á bátnum meðan hann var gerður út frá Skagaströnd.
Árni Geir Ingvarsson -safn 2 1301
Krakkar að leika sér í höfninni 14. ágúst 2012. Þau hoppuðu í sjóinn af Húnabjörginni og syntu spölinn að bryggjustigunum og fóru svo aðra ferð. Krakkarnir eru frá vinstri: óþekkt, Daði Snær Stefánsson, Harpa Hlín Ólafsdóttir, Páll Halldórsson og Birkir Freyr Gunnarsson.
Ólafur Bernódusson 954
Kópur HU 25. Í bók Lárusar Ægis Guðmundssonar, "Sjósókn frá Skagaströnd & vélbátaskrá 1908 - 2010", segir um þennan bát:"Báturinn var smíðaður úr plasti í Hafnarfirði 1982 og var 3,3 brl. með 38 ha. Leyland vél. Eigendur voru feðgarnir , Skafti Fanndal og Þorvaldur Skaftason. Skafti seldi Þorvaldi sinn eignarhlut 1985 og það sama ár keypti Kristján Karlsson bátinn og fékk hann þá nafnið Snorri HU 2. Kristján seldi hann árið 1991 til Reykjavíkur."
Árni Geir Ingvarsson -safn 2 1719
Ekki er vitað hvenær þessi mynd var tekin af Stíganda HU 9 þar sem hann liggur við Litlu bryggjuna. Í bókinni: "Sjósókn frá Skagaströnd & vélbátaskrá 1908 - 2010" eftir Lárus Ægi Guðmundsson segir svo um Stíganda: "Stígandi HU 9 796. Báturinn var smíðaður úr eik og furu í Danmörku árið 1928 og var 21 brl. með 65 ha. Skandia vél. Árið 1966 var sett í hann 205 ha. Ruston vél. Ásmundur Bjarni Helgason keypti bátinn frá Siglufirði í desember 1947 og hét hann þá Stígandi SI 52 en Stíganda nafnið bar bessi bátur alla tíð. Báturinn sökk í höfninni á Skagaströnd í stórviðri 1966, var gerður upp og sett á hann nýtt stýrishús og í hann kom ný vél. Það þótti fréttnæmt á sínum tíma þegar Bjarni sigldi eitt sinn bátnum frá Skagaströnd til Vestmannaeyja og var einn um borð. Bjarni seldi Stíganda 1970 til Bolungarvíkur en hann var talinn ónýtur og tekinn af skrá 1974. Þegar Stígandi var dæmdur ónýtur var Bjarni gamli ekki sáttur, taldi bátinn ekki vera að fullu greiddan og brá sér til Bolungarvíkur í heimsókn til Skúla sonar síns sem þar bjó. Eina nóttina gekk Bjarni niður að höfn og um borð í Stíganda og segir ekki af ferðum hans og bátsins fyrr en í Skagastrandarhöfn. Bjarni átti Stíganda í nokkur ár eftir þetta og sótti sjó þótt Stígandi væri bæði úreltur og afskráður en hafði jafnan með í för trilluna Albert. Báturinn var að lokum seldur til Austurlands."
Ólafur Bernódusson 1026
Sævar Rafn Hallgrímsson kemur að landi á bát sínum Hafgeiri HU 121 í september 1998 með fullfermi enda Hafgeir vel siginn á sjónum. Sævar var mikill fiskimaður og hlóð stundum Hafgeir svo mjög að mönnum leist ekki á blikuna.
Ragnar S. Ingvarsson - safn 69
Ómar Jakobsson fær sér fyrsta kaffibollann og fyrstu sígarettuna nýkominn á vaktina um borð í síðutogaranum Arnari HU 1. Myndin var tekin einhverntíma kringum 1970.
Ólafur Bernódusson 951
Auðbjörg HU 6 að koma úr rækjuróðri 1983. Í bók Lárusar Ægis Guðmundssonar, "Sjósókn frá Skagaströnd & vélbátaskrá 1908 - 2010", segir svo um Auðbjörgu: "Báturinn var smíðaður úr eik á Akureyri 1960 og var 23 brl. með 240 ha. GM vél. Þetta var fyrsti frambyggði báturinn sem smíðaður var á Íslandi. Hann var endumældur 1970 og mældist þá 25 brl., aftur endurmældur 1977 og taldist þá 23 brl. Hann hét Hinrik HU 8 þegar Gunnar Sveinsson og Indriði Hjaltason keyptu bátinn í nóvember 1977 frá Hvammstanga og áttu þeir hann saman til ársins 1986. Það ár keypti Gunnar hlut Indriða og gerði bátinn út til ársins 1998 er honum var komið fyrir á hliðargarði slippsins á Skagaströnd. Þaðan átti Auðbjörgin ekki afturkvæmt til fiskiróðra og var brotin niður í september 2009."
Óskar Kristinsson safn 068
Indriði Hjaltason (d.2.4.2006) til vinstri og Ómar Jakobsson til hægri draga inn netið í trollinu um borð í síðutogaranum Arnari Hu 1. Myndin var líklega tekin einhverntíma 1969 - 1971. Það gat verið mikið strit og sukksamt að draga inn netið ef eitthvað var af veðri með tilheyrandi veltingi.
gunnar056
Maðurinn um borð í Stíganda HU 9 í línuróðri er óþekktur. Ekki er helddur vitað hvenær myndin var tekin. Myndin er því miður nokkuð skemmd.
Árni Geir Ingvarsson -safn 2 1702
Ekki er vitað hvenær þessi mynd var tekin en á henni er Litla bryggjan sem var þar sem nú er uppfylling og Miðgarður, sem er aðal löndunarbryggjan í dag. Bátarnir eru óþekktir en líklega er það Stígandi HU 9 sem liggur hægra megin við bryggjuna nær endanum. Trillan sem er þriðja frá hægri, vinstra megin við bryggjuna er Sigurður Jónsson HU 18. Bátarnir uppi í fjöru sem eru uppi í fjöru eru sennilega í botnhreinsun og málningu.
gunnar053
Myndin var tekin um borð í Stíganda HU 9 á línuveiðum. Bjarni Helgason (d.30.12.1983) skipstjóri stingur hausnum út um gluggann en maðurinn á dekkinu er óþekktur. Ekki er vitað hvenær myndin var tekin.
Árni Geir Ingvarsson -safn 2 1537
Ólafur Magnússon Hu 54 settur á flot 13. apríl 2011. Gísli Snorrason stendur í stafni en aftar eru Sævar Hallgrímsson í blárri úlpu og Stefán Jósefsson eigandi bátsins aftan við hann.
Óskar Kristinsson safn 086
Myndin var tekin um borð í Stapafelli SH 15 frá Ólafsvík þegar það var á netaveiðum. Gylfi Jóhannsson til vinstri og Heiðar Elvan Friðriksson (Teni) til hægri hvíla sig á stíminu milli trossa. Ekki er vitað hvenær myndin var tekin.
Ragnar S. Ingvarsson - safn 12
Myndin sýnir Engilráð ÍS 60 þegar verið var að sjósetja hana sem nýsmíði fyrir aðila á Ísafirði frá Skipasmíðastöð Guðmundar Lárussonar hf árið 1973. Í bátnum var 240 hestafla Dorman vél. Skipt var um vél 1979 og þá sett í hana 265 hestafla Cummings vél. 1981 var Engilráð seld til Drangsness og fékk nafnið Grímsey ST 2. þaðan var báturinn seldur (?1997?) og hlaut nafnið Röst SH 134. Röstin sökk svo 19. mars 2003 út af Svörtuloftum en áhöfn hennar, tveir menn, komust í björgunarbát og var bjargað af grænlensku loðnuskipi - Siku - sem var í grenndinni. (Heimild: Skipamyndir Hafþórs Hreiðarssonar, sótt 8. febrúar 2021 á: https://skipamyndir.com/2019/09/04/grimsey-st-2/ Rörið, sem er á myndinni, lá frá mjölskemmunni yfir í verksmiðjuna en eftir því var mjölinu dælt frá verksmiðjunni og síðan sekkjað í skemmunni.
gunnar045
Húni HU 1 á siglingu, líklega inn til Siglufjarðar, með fullfermi af síld. Ekki er vitað hvenær myndin tekin.
Ragnar S. Ingvarsson - safn 47
Myndin var tekin í brúnni á síðutogaranum Arnari HU 1 kringum 1970. Nær okkur er Jóhann Baldvinsson (d.9.4.1990) (Jói norski) en fjær er Björn Haraldsson (d.21.9.1988) (Bangsi). Jói var í vélinni en Bangsi var stýrimaður og stundum skipstjóri um borð.
gunnar029
Fólkið á myndinni er að fagna nýju skipi í sinni eign. Um var að ræða annað hvort Húna Hu 1 eða Húna II Hu 2. Húni Hu 1 var smíðaður í Þýskalandi 1957 en Húni II á Akureyri 1963. Ekki er vitað um hvort skipið var að ræða. Fólkið á myndinni er, frá vinstri: Ólöf Guðmundsdóttir (d.5.9.2002), óþekktur, Björn Pálsson (d.11.4.1996) eiginmaður Ólafar, bóndi, kaupfélagsstjóri , útgerðarmaður og Alþingismaður. Lengst til hægri er Hákon Magnússon (d.2.8.2020) skipstjóri. Ef þú þekkir óþekkta manninn vinsamlega sendu okkur þá athugasemd.
Dagrún HU 121 image 9
Janette Kerr er listamaður sem dvaldi hjá Nes listamiðstöð í mars 2020. Þá fór hún einn netaróður með feðgunum á Dagrúnu HU 121 í köldu en góðu veðri. Á myndinni eru feðgarnir, Eiríkur Lýðsson skipstjóri til vinstri og Friðmar Kári Eiríksson til hægri, komnir í land og búnir að landa eftir ágætan túr. Dagrúnin í baksýn.
Dagrún HU 121 image 7
Janette Kerr er listamaður sem dvaldi hjá Nes listamiðstöð í mars 2020. Þá fór hún einn netaróður með feðgunum á Dagrúnu HU 121 í köldu en góðu veðri. Á myndinni er Friðmar Kári að ganga frá aflanum úr síðustu trossu.
gunnar025
Á myndinni er verið að gera Húna II Hu 2 kláran fyrir næstu veiðiferð á síld. Ekki er vitað hvenær myndin var tekin en líklega var það einhverntíma á árunum 1960 - 65. Karlarnir eru óþekktir.
Guðrún Þórbjarnardóttir042
Myndin er úr fórum Jóns Sölvasonar (d.17.8.1969) frá Réttarholti. Myndina hefur Jón klippt út úr blaði og því eru myndgæðin mjög slæm. Texti myndarinnar segir hverjir mennirnir eru en Bjarni lést 8.11.1990 og Kristján 10.10.2007. Myndin var tekin 1963 eða 1964 en þá átti Hólanes hf Keili og gerði hann út.
gunnar031
Myndin var líklega tekin um borð í Húna Hu 1 þegar verið var að landa síld til söltunar í Skagastrandarhöfn. Myndin var líklega tekin kringum 1960. Maðurinn lengst til vinstri, á kafi í síldinni, er Birgir Þórbjarnarson en aðrir eru óþekktir. Löndun síldarinnar fór þannig fram að mennirnir mokuðu henni í tunnur með háfunum sem sjást á myndinni. Tunnan var með grind sem var á þolinmóð um miðjuna en læsingu efst. þannig að auðvelt var að sturta úr henni á bílpall eða handvagn á bryggjunni eftir að hún hafði verið hífð upp með bómu bátsins. Ef þú þekkir óþekktu mennina vinsamlega sendu okkur þá athugasemd.
Óskar Kristinsson safn 005
Magnús B. Jónsson um borð í síðutogaranum Arnari Hu 1 líklega árið 1969.
Óskar Kristinsson safn 004
Næst okkur er Óskar Þór Kristinsson um borð í síðutogaranum Arnari Hu 1. Indriði Hjaltason (d.2.4.2006) er stjórnborðsmegin frammi undir hvalbaknum með svarta húfu. Maðurinn við spilið er líklega Árni Petersen og maðurinn sem bograr við stíuna er líklega Jón Helgason (d.1.12.2019). Myndin var líklega tekin 1969 á fyrsta starfsári Skagstrendings hf.
gunnar015
Myndin var líklega tekin kringum 1960. Á henn verið að landa síld til söltunar úr Húna Hu 1 í höfninni á Skagaströnd. Maðurinn næst okkur á myndinni með húfu og gleraugu er Gunnar Albertsson (d.27.7.2019) en aðrir eru óþekktir.
Óskar Kristinsson - safn157
Jón Þorgeirsson (d.21.1.2017) vélstjóri um borð í ísfisktogaranum Arnari Hu 1 (Japans Arnari). Ekki er vitað hvenær myndin var tekin né hver gerði það.
Óskar Kristinsson safn 059
Myndin var tekin um borð í síðutogaranum Arnari Hu 1. Á henni er annað hvort verið að hífa bobbingjalengjuna innfyrir eða hífa hana í sjóinn þegar verið er að láta trollið fara. Þetta þurfti að gera á réttu róli þegar lengjan sveiflaðist í rétta átt inn- eða útfyrir borðstokkinn og slaka svo á réttum tíma. Myndin var tekin einhverntíma á árunum 1969 - 1971.
Ólafur Bernódusson 1032
Arnar Hu 1 kemur til hafnar úr mettúr í september 1998. Karlarnir framá eru óþekktir.
Ragnar S. Ingvarsson - safn 64
Myndin var tekin í messanum/borðsalnum á síðutogaranum Arnari HU 1 einhverntíma kringum 1970. Á henni eru þeir Finnur Kristinsson bátsmaður til vinstri og Björn Haraldsson (d.21.9.1988) stýrimaður/skipstjóri til hægri að fá sér kaffi og í pípu.
Ólafur Bernódusson 1012
Myndin var tekin 1983 af Ósk Hu sem Björn Sigurðsson (d.5.10.1999) frá Jaðri smíðaði kringum 1980 fyrir Gunnlaug Sigmarsson, Fólkið á myndinni er óþekkt.
Ólafur Bernódusson 968
Myndin var tekin yfir hluta hafnarinnar á Skagaströnd sumarið 1983. Togarinn til hægri er Örvar HU 21 en hvalveiðibáturinn næst okkur er líklega Húni Hu 15 sem nú heitir Reginn ÁR 228. Báturinn nær bryggjunni er Sæborg Hu 177 sem í dag heitir Sæborg SH 377.
Ólafur Bernódusson 930
Örvar HU 2, áður Blængur NK 117, kom í fyrsta sinn til heimahafnar á Skagaströnd á Þorláksmessu 1998. Þá var öllum boðið að skoða skipið og þiggja kaffiveitingar. Myndin var tekin í borðsalnum af hluta fólks sem þáði boðið. Guðrún Soffía Pétursdóttir er lengst til vinstri. Maðurinn í hvítu stuttermaskyrtunni er Sigurbjörn Björgvinsson matsveinn, Sólrún Ólína Sigurðardóttir er í blárri úlpu, Hólmfríður Anna Ólafsdóttir er í gulri úlpu og Hjörtur Guðmundsson situr við borðið með son sinn í fanginu. Aðrir á myndinni eru óþekktir.
Ragnar S. Ingvarsson - safn 31
Greinilega þarf að moka snjó úr þessum bát áður en hann fer á veiðar. Ekki er vitað hvenær myndin var tekin í Skagastrandarhöfn en líklega er báturinn Auðbjörg HU 6.
Árni Geir Ingvarsson -safn 2 1228
Myndin var tekin 16. mars 2012 þegar Ólafur Magnússon Hu 54 var sjósettur eftir yfirferð uppi á landi.
Ragnar S. Ingvarsson - safn 65
Heiðar Elvan Friðriksso til vinstri og Magnús Margeirsson til hægri vinna við trollið á dekkinu á síðutogaranum Arnari HU 1 einhverntíma kringum 1970. Skagstrendingur hf gerði Arnar út frá Skagaströnd á árunum 1969 - 1972.
Ólafur Bernódusson 1039
Á ágústkvöldi 1998 drógu félagarnir, Guðmundur J. Björnsson og Ólafur Bernódusson, hnúfubak til lands á bát sínum Benna Ólafs Hu. Myndin var tekin morguninn eftir þegar þeir félagar voru að undirbúa að draga hvalinn upp í fjöru. Guðmundur stendur á lunningunni en hjá honum er dóttir hans Kristbjörg Una Guðmundsdóttir. Eins og sjá má var hvalurinn álíka langur og báturinn.
Guðrún Þórbjarnardóttir166
Myndin er úr fórum Jóns Sölvasonar (d.17.8.1969) frá Réttarholti og rithöndin á henni er hans. Á henni er Húni II Hu 2 á prufusiglingu á Eyjafirði í grennd við Akureyr,i þar sem hann var smíðaður 1963.
Árni Geir Ingvarsson -safn 2 1688
Samkvæmt bók Lárusar Ægis Guðmundssonar: "Sjósókn frá Skagaströnd & vélbátaskrá 1908 - 2010" var Frigg Hu 15 í eigu Gunnars Guðmundssonar sem gerði bátinn út frá Skagaströnd á árunum 1945 til 1954 er hann flutti með Friggina til Reykjavíkur. Á myndinni eru tveir menn í bassaskýlinu að svipast um eftir síldarvöðum. Mennirnir eru óþekktir en ef þú þekkir þá vinsamlega sendu okkur þá athugasemd.
gunnar024
Húni II Hu 2 orðinn siginn á síldveiðum í blíðu veðri einhverntíma kringum 1965.
Árni Geir Ingvarsson -safn 2 1104
Nokkrir krakkar leika sér að því að hoppa í sjóinn af Skúffugarðinum í blíðviðri 1. ágúst 2010. Aron Snær Fannarsson svífur í loftinu og Ívan Árni Róbertsson bíður eftir að röðin komi að honum. Stelpurnar tvær eru óþekktar.
Árni Geir Ingvarsson -safn 2 1189
Þrír skipsfélagar um borð í Arnari HU 1 á annan í jólum 2010. Líklega eru þeir að undirbúa jóla-barnaball Lionsklúbbsins því þeir eru allir Lionfélagar. Frá vinstri: Guðmundur Finnbogason, Gunnar Reynisson kokkur og Guðjón Guðjónsson skipstjóri.
gunnar023
Húni II Hu 2 af háfa úr nótinni á síldveiðum. Stefnir greinilega í fullfermi. Ekki er vitað hvenær myndin var tekin en líklega var það kringum 1965.
Ólafur Bernódusson 929
Séra Guðmundur Karl Brynjarsson blessar Örvar HU 2 þegar hann kom í heimahöfn á Skagaströnd í fyrsta sinn á Þorláksmessu 1998. Áður hét skipið Blængur NK 117 frá Neskaupstað. Maðurinn í leðurjakkanum er Jóel Kristjánsson framkvæmdastjóri Skagstrendings hf. Aðrir á myndinni eru óþekktir.
Ólafur Bernódusson 985
Fólk að fylgjast með áhafnarmeðlimum Arnars HU 1 að prófa bjögunarbúnað skipsins á sjómannadegi 1984.
gunnar010
Húni Hu 1 höfninni á Skagaströnd með fullfermi af síld. Mennirnir um borð eru líklega Gunnar Sveinsson (.d3.11.2020) í svartri peysu og Gylfi Sigurðsson í köflóttri skyrtu. Ekki er vitað hvenær myndin var tekin en líkla var það kringum 1960.
Ragnar S. Ingvarsson - safn 19
Ómar Jakobsson til vinstri og Þorvaldur Skaftason til hægri pósa og sýna hve stæltir þeir eru á bátadekkinu um borð í síðutogaranum Arnari HU 1 einhverntíma kringum 1970.
Árni Geir Ingvarsson -safn 2 1598
Myndin var tekin á sjómannadaginn 2. júní 2012. Á henni er Hafrún HU 12 á skemmtisiglingu með fjölda fólks, sem notar tækifærið þennan eina dag á ári, sem það kemst í stutta sjóferð.
Árni Geir Ingvarsson -safn 2 1667
Myndin var tekin 2. júlí 2012 á bryggjunni við Hafrúnu Hu 12. Þar eru þeir að spá í spilin Sigurjón Guðbjartsson útgerðarmaður til vinstri, Hallbjörn Björnsson rafvirki í miðjunni og Jóhann Guðbjartur Sigurjónsson skipstjóri til hægri.
gunnar041
Ekki er vitað hvaða bátur er hér á leið í höfn á Skagaströnd með nótabátinn aftan sér. Greinilega er hann með góðan afla því hann er svo siginn. Til vinstri grillir í olíutanka sem voru á Höfðanum. Myndin var líklega tekin kringum 1960.
Óskar Kristinsson safn 073
Myndin var tekin um borð í síðutogaranum Arnari Hu 1 líklega 1969. Eins og sést er mokafli af frekar smáum fiski. Maðurinn við spilkoppinn bakborðsmegin er Ómar Jakobsson og maðurinn með sígarettuna í miðri kösinni er Indriði Hjaltason (2.4.2006). Hinir karlarnir eru óþekktir. Myndin var tekin löngu áður en kvótakerfið var sett á og því fiskuðu menn eins og þeir gátu án þess að hafa miklar áhyggjur af samsetningu aflans.
Ragnar S. Ingvarsson - safn 46
Gott hal á síðunni á Arnari HU 1 einhverntíma kringum 1970. Mennirnir eru óþekktir en sá fremri er að toga í stertinn svo hægt sé að hífa inn pokann með hluta aflans sem sést í belgnum við síðuna.
Árni Geir Ingvarsson -safn 2 1697
Myndin var tekin 30. apríl 2010 þegar Arnar HU 1 var að leggja af stað í veiðiferð. Karlarnir á myndinni eru frá vinstri: Hólmgeir Kristmundsson, Þröstur Árnason og Jóhannes Indriðason.
Ragnar S. Ingvarsson - safn 78
Fiskur út um allt dekk á síðutogaranum Arnari HU 1 einhverntíma kringum 1970. Eins og sjá má var vinnuaðstaðan ekki upp á marga fiska því það þurfti að beygja sig eftir hverjum fiski, blóðga og gera að honum og koma honum í þvottakarið. Þaðan rann hann niður í lest þar sem hann var ísaður í stíum. Karlarnir, sem eru í keng í aðgerðinni, eru óþekktir
gunnar027
Húni II HU 2 að fylla sig af síld á miðunum í blíðskapar veðri. Ekki er vitað hvenær myndin var tekin en líklega var það einhverntíma á árunum kringum 1965.
Ólafur Bernódusson 1030
Ragnheiður Magnúsdóttir aðstoðar mann sinn,Sævar Hallgrímsson, við að landa metafla, sem hann fékk á bát sínum Hafgeiri Hu 121, í september 1998.
Guðrún Þórbjarnardóttir135
Myndin er úr fórum Jóns Sölvasonar (d.17.8.1969) frá Réttarholti og rithöndin á henni er hans. Á henni er Ægir Hu 30 í höfninni á Skagaströnd. Mennirnir um borð eru óþekktir en bátinn átti Þórbjörn Jónsson (d.22.1.1996) með Guðmundi Jóhannessyni (d.17.4.2018). Bátinn notuð þeir félagar til fiskveiða og einnig sem kafarabát því báðir voru þeir lærðir hjálmkafarar og stunduðu köfun í mörg ár.
Ragnar S. Ingvarsson - safn 117
Stefán Jósefsson í kojunni um borð í bát sínum Ólafi Magnússyni HU 54. Ekki er vitað hvenær myndin var tekin.
Dagrún HU 121 image 6
Janette Kerr er listamaður sem dvaldi hjá Nes listamiðstöð í mars 2020. Þá fór hún einn netaróður með feðgunum á Dagrúnu HU 121 í köldu en góðu veðri. Á myndinni eru þeir feðgarnir Eiríkur Lýðsson og Friðmar Kári Eiríksson að blóðga fiskinn sem var í síðustu trossu sem þeir drógu.
1
…
20
21
22
…
27
Leita í myndasafninu
Leita