Beint í efni
Skagaströnd.is
↗
Allar myndir
Samgöngur
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Miðflokkur
Bílar
Skip og Bátar
1.951 mynd
Flæði
Reitir
Hafliði Óskarsson 4
Í mars 1990 voru áhafnir Örvars Hu 21 frá Skagaströnd og Ólafs Jónssonar Gk 404 frá Sandgerði í slysavarnaskóla sjómanna um borð í skólaskipinu Sæbjörgu. Á myndinni eru áhafnirnar að svamla í sjónum í flotbúningum og bíða þess að verða hífðir um borð.
Guðmundur Ólafsson og Eygló Gunnarsdóttir 063
Pokarnir koma um borð í Hólmadrang ST 70 með sæmilegan afla. Karlarnir á myndinni eru óþekktir.
Ingibergur Guðmundsson 292
Í apríl 1989 varð stórbruni hjá bátasmiðjunni Mark hf á Vallarbraut. Húsið brann til grunna og bátar sem voru í smíðum brunnu líka eins og sést á myndinni. Húsið var stálgrindahús en stálbitarnir undust upp eins og pípuhreinsarar í hitanum frá eldinum.
Steinþór Karlsson 035
Myndin var tekin sumarið 1999 um borð í Arnari Hu 1. Tveir hásetar eru að setja stroffu á belginn þegar verið er að taka trollið. Annar toghlerinn sést til vinstri með tveimur "gluggum".
Ólafur Bernódusson761
Myndin var tekin 15. janúar 2004 af þremur mönnum úr björgunarsveitinni Strönd á Skagaströnd við að bjarga bíl úr snjó vestan við Vélaverkstæðið. Þá var ný afstaðin stórhríð með miklu fannfergi svo miklu reyndar að þakið á verkstæðinu gaf sig undan snjóþunganum. Mennirnir eru óþekktir
Aðalbjörg og Áslaug Hafsteinsdætur 1
Hafsteinn Þórðarson leikur sér á Farmal Cub dráttarvél Hafsteins Sigurbjarnarsonar (d.18.5.1974) afa síns fyrir utan Reykholt. Myndin var tekin einhverntíma kringum 1960.
Ingibergur Guðmundsson 142
Í óeiginlegri merkingu þýðir orðtakið: "að vera í djúpum skít", að vera í vandræðum. Á myndinni fær orðtakið dýpri merkingu því vélin er bæði í vandræðum og líka raunverulega föst í djúpum skít. Myndin var tekin á Vatnsskarði í maí 1987.
Helga Berndsen 015
Ekki er vitað hvar eða hvenær myndin var tekin en líklega hefur það verið 1971 -72. Á henni er Gunnlaugur Árnason (d.14.9.2016) með vinkonurnar Unni Gunnarsdóttur til vinstri og Guðrúnu Einarsdóttur til hægri.
Árni Geir Ingvarsson -safn 2 298
Jarðvinna við Bankastræti 9 í október 2013. Adolf J. Berndsen eigandi íbúðar í húsinu fylgist með framkvæmdum lengst til hægri en hinir mennirnir eru óþekktir. Fjöllin skarta hausthrími til skrauts.
Árni Geir Ingvarsson -safn 2 329
Einn af fjölmörgum smábátum sem gerður var út frá Skagaströnd á strandveiðar strandaði við Landsenda á Höfðanum 2. júlí 2012. Engin slys urðu á mönnum og báturinn skemmdist lítið en þurfti þó viðgerð á stýri og skrúfu áður en haldið var til veiða á ný.
Árni Geir Ingvarsson -safn 2 245
Jón Ólafur Sigurjónsson vinnur við að koma fyrir óvinsælli - en nauðsynlegri - hraðahindrun á Bogabrautinni norðan við Höfðaskóla í lok ágúst 2010.
Árni Geir Ingvarsson -safn 2 209 - Copy
Basl í snjómokstri 2. nóvember 2012. Grafan er hálf útaf og bjargar sér frá veltu með því að styðjast við gálgann. Karlarnir eru að koma fyrir dráttarvír milli hennar og stærri hjólagröfu sem kom til bjargar. Eins og sjá má er skyggnið mjög takmarkað í snjókófinu.
Steinþór Karlsson 010
Þessi mynd af Gunnari Reynissyni við störf sín sem kokkur um borð í Arnari Hu 1 var tekin sumarið 1999.
Aðalbjörg og Áslaug Hafsteinsdætur 153
Þrenns konar flutningatæki má sjá á þessari mynd. Leikfanga-vörubíll bíður eftir nýjum farmi, Aðalsteinn Jörgensen? ekur hjólbörum og fulllestaður vörubíll bíður tilbúinn að aka á áfangastað. Maðurinn sem er að koma út úr bílnum er óþekktur. Myndin var tekin utan við Reykholt en ekki er vitað hvenær.
Ólafur Bernódusson762
Um borð í Arnari Hu 1 21. apríl 2004. Mennirnir á myndinni voru þá í áhöfn skipsins. Frá vinstri: Arnar Óskarsson með barn, Guðjón Guðjónsson (Jonni), Slavko Velemir og Sigurjón Ingólfsson.
Steinþór Karlsson 020
Greinileg hafa þeir hitt á það í þessu hali á karfaveiðunum sumarið 1999 á Arnari Hu 1. Aflinn í trollinu á myndinni eru einhverjir tugir tonna. Mennirnir á myndinni eru óþekktir.
Helga Berndsen 093
Ekki er vitað hvenær þessi mynd var tekin en maðurinn til hægri er Ernst Berndsen (d. 21.8.1983). Konan er Pálína Árnadóttir (d.6.2.1962)frá Hrísey sem var gift Kristni Ásgrímssyni (d.21.12.1971) en þau voru lengi búsett á Skagaströnd.
Steinþór Karlsson 026
Víðir Jóhannesson háseti um borð í Arnari Hu 1 sumarið 1999.
Helga Berndsen 102
Í stýrishúsinu stendur Ernst Berndsen (d.21.8.1983) eigandi Litla Guls, eins og báturinn var kallaður. Framan við húsið sitja frá vinstri: Pálína Árnadóttir (d.?), Elísabet G. Kristjánsdóttir (d.21.3.1991), Anný Jóhannsdóttir (d.?), Unnur Björnsdóttir (d. 14.12.1990) og Anna H. Aspar (d.1.9.1999). Ekki er vitað hvenær myndin var tekin en líklega hefur það verið kringum 1950. Myndina tók Helga Berndsen.
Aðalbjörg og Áslaug Hafsteinsdætur 109
Stoltur af bílnum sínum situr Hörður Ragnarsson á húddinu á bílnum sínum fyrir utan Ásgarð á Skagaströnd. Ekki er vitað hvenær myndin var tekin.
Árni Geir Ingvarsson - safn 2 273
Í lok september 2011 var haldin sjóbjörgunaræfing á Skagaströnd þar sem björgunarsveitir af öllu norðurlandi tók þátt. Þessi mynd er af hluta af bátaflotanum sem notaður var í æfingunni utan við hús björgunarsveitarinnar Strönd á Skagaströnd.
Árni Geir Ingvarsson - safn 1172
Ekki er vitað hvenær myndin var tekin en líklega hefur það verið kringum 1970. Bryggjan sem báturinn liggur við var kölluð Litla bryggja og hún hallaði fram, sem var algengt með bryggjur á þeim tíma sem hún var gerð, til að auðvelda löndun úr bátum sem voru misjafnir á stærð. Báturinn á myndinni er Sigurður Jónsson Hu 18 sem Björn Sigurðsson (d.5.10.1999) frá Jaðri teiknaði og smíðaði. Var hann fyrstur af nokkrum bátum sem Björn smíðaði. Dorgararnir á myndinni eru óþekktir.
Árni Geir Ingvarsson - safn 1210
Fannar Viggósson við sorptroðara á urðunarstaðnum í Stekkjarvík í janúar 2011.
Ingibergur Guðmundsson 311
Vorið 1984 hófust áhugamenn handa við að byggja Skíðaskálann á Skagaströnd. Á myndinni er verið að slétta landspildu undir skálann í suðurhlíðum Spákonufells. Eftir sléttunina var keyrð möl úr Hrafná á svæðið og sökkullinn síðan steypur ofan á hana. Gamli lyftuskúrinn sést í baksýn til vinstri.
Árni Geir Ingvarsson -safn 2 214 - Copy
Myndin var tekin um miðjan júlí 2012 þar sem karlarnir eru að spjalla. Þeir eru frá vinstri: Sigurjón Ingólfsson, Sigurður Björnsson, Gísli Snorrason og Hjörtur Guðbjartsson. Gísli á bátinn á myndinni en Sigurður koma að smíði hans með föður sínum. Hjörtur og Sigurjón vinna með Gísla á Vélaverkstæði Skagastrandar.
Árni Geir Ingvarsson - safn 2 208
Þessi mynd var tekin 18. september 2012. Páll Jóhannesson til vinstri er að ganga frá bátnum sínum fyrir veturinn og spjalla við Guðmund Jón Björnsson í leiðinni.
Árni Geir Ingvarsson - safn 1278
Ari Þórsson vinnur við að logsjóða um borð í Mána ÁR 7 í höfninni á Skagaströnd um miðjan september 2012.
Ólafur Bernódusson748
Hitaveita var lögð til Skagastrandar sumarið og haustið 2013 frá Reykjum við Húnavelli. Á myndinni, sem tekin var í lok september, er búið að leggja út leiðsluna í bæinn en ekki búið að grafa hana niður. Leiðslan var svo tekin í nýbyggt dæluhús við enda Sólarvegar og dreift þaðan um bæinn.
Árni Geir Ingvarsson - safn 1272
Þessir tveir óþekktu ungu menn notuðu góða veðrið 2. apríl 2012 til að þrífa og bóna reiðhjólin sín á stéttinni framan við Fellsborg.
Árni Geir Ingvarsson - safn 1094
Myndin var tekin 17. janúar 2004 eftir að nokkurra daga illviðri slotaði. Mikil ísing og ofankoma varð til þess að tveir bátar sukku í höfninni eins og sjá má og litlu mátti muna með fleiri báta. Bátarnir voru báðir hífðir upp og þeir endurnýjaðir eftir þörfum.
Ingibergur Guðmundsson 253
Óhapp varð í dráttarbrautinni haustið 1989 þegar búkki undir síðunni á Arnarborginni Hu 11 gaf sig þegar verið var að sjósetja bátinn. Nokkur sjór komst í bátinn við óhappið og á myndinni er verið að dæla úr lestinni. Enginn slasaðist við óhappið og vel gekk að koma bátnum á flot aftur - á réttum kili. Arnarborgin endaði svo ævi sína á áramótabrennu á Skagaströnd 1993. Myndina tók Ingibergur Guðmundsson.
Aðalbjörg og Áslaug Hafsteinsdætur 167
Karl Berndsen (d.12.2.1995) til vinstri og Valdimar Númi Guðmundsson (d.14.3.1972) til hægri. Bílinn sem þeir standa við átti Númi og stundaði á honum flutninga milli Skagastrandar og Reykjavíkur. Eins og sjá má var langt hús á bílnum þannig að Númi gat tekið með sér nokkra farþega í hverri ferð. Þegar þessi mynd var tekin, líklega einhverntíma kringum 1960, var það a.m.k. átta tíma ferðalag að fara þessa leið að sumri til með Núma. .
Aðalbjörg og Áslaug Hafsteinsdætur 140
Þessi fjárflutningabíll með þessum langa palli var í eigu Harðar Ragnarssonar. Á myndinni er bíllinn við Spákonufellsrétt en hjá bílnum er kona Harðar, Aðalbjörg Hafsteinsdóttir með börn þeirra, Vilhelm Björn Harðarson, sem er að klifra í stiganum, og Pálínu Freyju Harðardóttur. Myndin var líklega tekin kringum 1970.
Árni Geir Ingvarsson -safn 2 237
Norðurás er byggðasamlag um sorpeyðingu á Norðurlandi. það var formlega opnað 21. janúar 2011 en þá var þessi mynd tekin af vigtar- og aðstöðuhúsi Norðuráss á Sölvabakkamelum. Bílavigtin er framan við húsið.
Árni Geir Ingvarsson -safn 2 254
Tveir atvinnurekendur á Skagaströnd. Gísli Snorrason til vinstri rekur Vélaverkstæði Skagastrandar, sem er í baksýn. Vilhelm Björn Harðarson til hægri á og rekur Sorphreinsun Vilhelms Harðarsonar. Myndin var tekin í september 2010.
Ólafur Bernódusson738
Sumarið 2012 útbjuggu félagar í Skógræktarfélagi Skagastrandar og aðrir sjálfboðaliðar, göngustíg gegnum skógræktarsvæði félagsins austan við tjaldsvæðið á Skagaströnd. Mikil vinna fór í að keyra út malarlagi í göngustíginn á vélinni sem sést á myndinni og raka stíginn til. Hann var síðan nefndur Jónsstígur eftir Jóni Jónssyni (d.9.7.1991) sem í mörg ár var ötull formaður Skógræktarfélagsins. Á myndinni eru frá vinstri: Atli Þór Þórsson, Ólafur Bernódusson, Árni Geir Ingvarsson og Ari Þórsson.
Árni Geir Ingvarsson -safn 2 275
Þegar verið var að vinna við að ná varahlutum úr aflögðum Ford Pickup í gamla ketilhúsi verksmiðjunnar 24. október 2011 vildi svo illa til það kviknaði í honum. Þar sem hann var ekki á hjólum þurfti að hafa snör handtök og ná í lyftara sem dró hann út fyrir dyrnar þar sem honum var leyft að brenna að mestu. Á myndinni sér í Árna Guðbjartsson (d.20.2.2018) lengst til vinstri og Sigurjón Guðbjartsson næst lengst til hægri en hann var eigandi bílsins sem brann. Hinir karlarnir eru óþekktir.
Guðmundur Ólafsson og Eygló Gunnarsdóttir 010
Skipsfélagarnir Finnur Kristinsson til vinstri og Kári Lárusson til hægri um borð í Arnari Hu 1. Myndin var líklega tekin kringum 1974. Maðurinn í baksýn er óþekktur.
Guðmundur Ólafsson og Eygló Gunnarsdóttir 037
Um árabil var það algeng sjón á sumrin að sjá báta koma með dauðar hrefnur í eftirdragi til hafnar á Skagaströnd. Hrefnurnar voru síðan hífðar upp á bryggju og skornar þar eftir kúnstarinnar reglum. Beinagrindin og innyflin voru síðan sett um borð aftur og þeim fargað í sjóinn í Húnaflóanum. Þessi mynd er þó óvenjuleg að því leiti að á henni eru fjórar hrefnur á bryggjunni í einu. Líklega eru þær afli bátsins Sigurbjargar St 55 sem sér í til vinstri. Hrefnuveiðibátarnir fengu úthlutað kvóta þannig að veiðarnar voru ekki frjálsar auk þess sem fjöldi báta, sem máttu stunda veiðarnar, var takmarkaður. Hrefnur geta orði allt að 14 tonn að þyngd og þær lifa venjulega 30 - 50 ár en geta orðið 60 ára. Ekki er vitað hvenær þessi mynd var tekin en líklega var það kringum 1985.
Árni Geir Ingvarsson -safn 2 345
Björgunarskipið Húnabjörg kemur úr vel heppnuðum leiðangri í blíðu veðri í júlí 2012. Við bryggjuna er björgunarbáturinn, Aðalbjörg sem er í eigu björgunarsveitarinnar Strönd á Skagaströnd. Húnabjörg er í umsjón Strandar en í eigu Landbjargar.
Guðmundur Ólafsson og Eygló Gunnarsdóttir 002
Myndin var tekin í borðsalnum á Arnari Hu 1 líklega einhverntíma um 1974. Gylfi Guðjónsson er til vinstri bak við borðið en Árni Þórhallsson til hægri. Baksvipur Jóns Þorgeirssonar (d.21.1.2017) er fyrir miðju en til hægri, með axlabönd, er Matthías Guðmundsson.
Guðmundur Ólafsson og Eygló Gunnarsdóttir 059
Unnið við snyrtingu og pökkun á vinnslulínunni um borð í Örvari Hu 21. Sjómennirnir eru frá vinstri: Þorsteinn Jakobsson, óþekktur, Vilhelm Þórarinsson og Sævar Hallgrímsson.
Ólafur Bernódusson741
Sjávarlíftæknifyrirtækið BioPol á Skagaströnd vaktar lífríkið í Húnaflóa. Meðal þess sem starfsmenn þess fylgjast með er þörungablómi í grennd við Skagaströnd. Sýni eru tekin vikulega frá vori fram á haust til að finna út þörungamagn á mismunandi dýpi og hiti og selta mæld og skráð. Á myndinni eru Karen Zech líffræðingur frá BioPol og Ólafur Bernódusson trillueigandi að skrá einhverja niðurstöðu mælinga um borð í Benna Ólafs Hu. Myndin var tekin sumarið 2014.
Aðalbjörg og Áslaug Hafsteinsdætur 159
Þessi mynd var tekin á sumardegi af hjónunum Herði Ragnarssyni og Aðalbjörgu Hafsteinsdóttur með frumburð sinn, Vilhelm B. Harðarson. Bílinn átti Hörður en ekki er vitað um hvaða tegund hann var.
Árni Geir Ingvarsson -safn 2 274
Hausttiltekt í garðinum við Hólabraut 16 í október 2011. Frá vinstri: Pétur Eggertsson, Geir Arnarson og Haraldur ?.
Steinþór Karlsson 027
Bæring Skarphéðinsson mokar karfa um borð í Arnari Hu 1 sumarið 1999. Maðurinn til hægri er óþekktur.
Árni Geir Ingvarsson - safn 1256
Eiríkur Lýðsson um borð í Dagrúnu Hu 121 sem hann gerir út og stýrir.
Steinþór Karlsson 031
Víðir Jóhannesson gengur á trollinu fullu af karfa og undirbýr að losa úr pokanum niður á vinnsludekkið. Myndin var tekin um borð í Arnari Hu 1 sumarið 1999.
Ólafur Bernódusson760
Bræðurnir Árni Guðbjartsson (d.20.2.2018) til vinstri og Sigurjón Guðbjartsson til hægri um borð í nýsmíðaðri Öldu Hu 12 í september 2003 sem þeir áttu saman gengum Vík sf. Aldan Hu 12 var ein af mörgum bátum sem þeir bræður áttu saman og gerðu út gegnum tíðina.
Hafliði Óskarsson 5
Í mars 1990 voru áhafnir Örvars Hu 21 frá Skagaströnd og Ólafs Jónssonar Gk 404 frá Sandgerði í slysavarnaskóla sjómanna um borð í skólaskipinu Sæbjörgu. Á myndinni eru áhafnirnar í flotgöllum að æfa hífingar úr sjó. Gunnar Reynisson er annar frá vinstri og Gestur Arnarson sá fjórði frá vinstri.
Ólafur Bernódusson842
Aðfaranótt 22. ágúst 2006 lentu báturinn á myndinni - Guðbjartur Sh 45 - og björgunarskipið Húnabjörg í árekstri. Guðbjartur skemmdist allmikið eins og sést en Húnabjörg slapp mun betur. Ekki urðu slys á mönnum við óhappið en auk þeirra skemmda sem sjást á myndinni skemdust nokkur af siglingatækjum Guðbjarts.
Helga Berndsen 063
Hér koma þau að bryggju í blíðu veðri sumarið 1995, líklega eftir að hafa vitjað um silunganet, Gunnlaugur Árnason (d.14.9.2016) úr Karlsskála og Helga Sigríður Ívarsdóttir afastelpan hans.
Árni Geir Ingvarsson - safn 1107
Bjarni Helgason (d. 30.12.1983) kemur úr grásleppuróðri með sel í farteskinu. Bjarni var löngum kenndur við bát sinn og kallaður Bjarni á Stíganda. Eftir að hann seldi Stíganda Hu 9 gerði hann út á grásleppu á minni bátum, fyrst á Blíðfara Hu 17 og síðan á trillunni Albert. Báturinn sem Bjarni er í á myndinni er líklega Blíðfari. Þeir sem eru að aðstoða hann við að landa selnum eru, um borð í trillunni: sonur hans Helgi Bjarnason (d.1.3.2007) næstur okkur, þá Kristmundur Ingibjörnsson í miðið og annar sonur Bjarna, Skúli Bjarnason lengst frá okkur. Um borð í stóra bátnum (líklega Stíganda Hu 9) er Guðmundur J. Björnsson og óþekktur. Myndina tók Þórarinn Björnsson (d.24.5.1985) líklega kringum 1965.
Árni Geir Ingvarsson - safn 1409
Ólafur Bernódusson til vinstri og Sigurjón Guðbjartsson til hægri að skera hákarl í kar til kæsingar. Myndin var tekin 6. maí 2011 þannig að hákarlinn hefur líklega verið tilbúinn til átu einhverntíma nálægt jólum það ár.
Ólafur Bernódusson823
Sumarið 2010 fylltist höfnin á Skagaströnd skyndilega af sandsíli og Makríl sem gæddi sér á sílunum. Makríllinn var svo gráðugur að hægt var að veiða hann nánast á bera króka. Þetta nýtti Karl Olsen sér og veiddi hvern fiskinn af öðrum í frístundum sínum. Þessi mynd var tekin af Karli 12. júlí með einn á. Makríllinn hvarf svo úr höfninni nokkrum dögum seinna, jafn skyndilega og hann kom.
Árni Geir Ingvarsson - safn 1097
Frændurnir Árni Guðbjartsson (d.20.2.2018) til vinstri og Jóhann Guðbjartur Sigurjónsson til hægri um borð í Hafrúnu Hu 12 sem Árni átti og gerði út í félagi við bróður sinn Sigurjón Guðbjartsson, föður Jóhanns. Myndin var tekin 23. ágúst 2006.
Ólafur Bernódusson 2 713
Feðgarnir Lýður Hallbertsson til vinstri og Eiríkur Lýðsson til hægri komu með góðan afla í maí 2001 á Dagrúnu. Aflinn var fjórir hákarlar í sömu umvitjun en þeir lögðu oft hákarlalóð á vorin um leið og þeir voru á grásleppu. Hákarlarnir voru allir skornir, kæstir og þurrkaðir og síðan etnir með góðri lyst á þorrablótum vítt um landið.
Steinþór Karlsson 033
Hafsteinn Pálsson að hífa eða slaka aftur á Arnari Hu 1 sumarið 1999. Hluti karfaaflans úr síðasta hali er kominn niður í rennuna niður á vinnsludekk en hluti aflans er enn í trollinu á dekkinu.
Steinþór Karlsson 028
Jóhannes Heiðmar Indriðason við störf um borð í Arnari Hu 1 sumarið 1999.
Árni Geir Ingvarsson -safn 2 410
Jón Gunnarsson um borð í bát sínum Rán Hu um miðjan ágúst 2013.
1
…
18
19
20
…
33
Leita í myndasafninu
Leita