Beint í efni
Skagaströnd.is
↗
Allar myndir
Samgöngur
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Miðflokkur
Bílar
Skip og Bátar
1.951 mynd
Flæði
Reitir
Óskar Kristinsson - safn176
Unnið að vírasplæsingu um borð - líklega í isfisktogaranum Arnari Hu 1 (Japans Arnari). Ekki er vitað hvenær myndin var tekin og ljósmyndarinn er óþekktur. Mennirnir á myndinni eru, frá vinstri: Jón Alexandersson, óþekktur, Kristján Alexandersson, Jón Gunnarsson og Ingvar Þór Jónsson.
Ólafur Bernódusson360
28. október 1989 sökk trillan Frami Hu 25 á miðunum nálægt Hofsgrunni. Eigandinn, Þorvaldur Skaftason, var einn um borð og komst hann í gúmmíbjörgunarbát og sendi upp neyðarblys, sem sást frá landi. Björgunarsveitin Strönd brást fljótt við og fór á Þórdísi og bjargaði Þorvaldi. Á þessari mynd er Þórdís að koma í land en maðurinn á myndinni er Guðmundur Jón Björnsson björgunarsveitarmaður.
Ólafur Bernódusson 501
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd er óþekktur maður að færa Sveini S. Ingólfssyni framkvæmdastjóra Skagstrendings hf blóm í tilefni dagsins. Gestir um borð fylgjast með.</p>
Ólafur Bernódusson550
Töluvert margir aðilar gerðu út á grásleppu í grennd við Skagaströnd á litlum bátum áður fyrr. Þessi mynd var tekin með miklum aðdrætti vorið 1996 af einum þeirra við veiðarnar. Bólið sést til vinstri og Strandafjöllin eru í baksýn.
Ólafur Bernódusson 490
Litháenski togarinn Sterkas landar rækjufarmi á Skagaströnd í júlí 1992. Kaupandi var Hólanes hf fyrir hönd Rækjuvinnslunnar.
Guðmundur Guðnason052
Rúta /áætlunarbíll á fullri ferð neðan við Borgina. Þessir bílar þóttu afar flottir á sinni tíð.
Ólafur Bernódusson551
Þessi mynd var tekin sumarið 1983 af hvalskurði á bryggjunni í Skagastrandarhöfn. Á þessum árum voru tímabundið gerðir út hrefnuveiðibátar frá Skagaströnd af aðkomumönnum sem áttu hrefnukvóta. Þeir drógu síðan hvalskrokkana til hafnar þar sem þeir voru dregnir á land með vörubíl eða gröfu. Síðan var hvalurinn skorinn á bryggjunni og kjöti og spiki komið fyrir í körum sem síðan voru flutt burt til kaupenda. Beinin, bægslin og annað sem ekki nýttist var síðan tekið með um borð og því fleygt í hafið á Húnaflóa fjarri landi.
Guðmundur Guðnason100
<p>Um þennan bát segir svo í bók Lárusar Ægis Guðmundssonar: Sjósókn frá Skagaströnd & vélbátaskrá 1908 -2010 : <em>"Ludendorf Hu 46. Báturinn var smíðaður úr eik og furu, var í eiga Ole Omundsen um og upp úr 1940 og var um 4 brl. með 10 ha. Sabb vél og seinna bílvél. Hann endaði daga sína í sandunum framan við Lund. Bátarnir Stígandi (Stóri -Gulur), Hindenburg og Ludendorf voru notaðir til þess að draga uppskipunarbáta. Einning var það svo að þegar kerin voru steypt fyrir neðan Bjarmanes (Gamli skólinn) og síðan látin renna fram í sjó voru þessir bátar látnir draga þau að höfninni, þar sem þeim var sökkt og voru þar með orðinn hluti af nýjum hafnargarði". </em>Gaman er fyrir kunnuga að virða fyrir sér húsin í baksýn enda er götulínan orðin ansi mikið breytt síðan þessi mynd var tekin um eða uppúr 1940. </p><p><em><br></em></p>
Óþekktur ljósmyndari177
Myndin var tekin ofan af þrónum yfir söltunarplanið á bryggjunni. Hún sýnir söltun í fullum gangi en ártalið er ekki vitað.
Óþekktur ljósmyndari254
Landburður af fiski var hjá Arnari HU 1 hafísvorið 1969. Gripið var til þess ráðs að koma í land með aflann óslægðan og landa honum þannig á bryggjuna þar sem slægingagengi tók við og slægði fiskinn sem síðan var fluttur upp í frystihús. Arnar hélt aftur á móti strax aftur á miðin. Slægingarmennirnir á myndinni eru óþekktir en Arnar HU 1 er í baksýn á leið út úr höfninni aftur. Einnig sjást nokkrir ísjakar á reki. Myndin var tekin löngu fyrir alla kvótasetningu á fiski á Íslandsmiðum.
Guðmundur Guðnason084
Þessi mynd af kappróðrarbátum virðist ekki vera tekin á Skagaströnd. Bátarnir eru því óþekktir þó þeir gætu verið Gustur og Gola,sem eru kappróðrarbátarnir á Skagaströnd, smíðaðir á Akureyri.
Halldór001
Myndin var tekin þegar Örvar Hu 2, áður Blængur Nk 117, kemur í heimahöfn á Skagaströnd nokkrum dögum fyrir jólin 1998. Þann 22. desember 1998 kom eftirfarandi frétt í Morgunblaðinu: "Nýtt skip Skagstrendingur hf, Örvar HU 2, verður til sýnis á Skagaströnd á morgun en það kom til heimahafnar síðastliðinn sunnudag. Að auki bjóða Skagstrendingur og sjómenn félagsins til skötuveislu í Fellsborg en hún er árviss viðburður. Loks verður boðið upp á kaffiveitingar í tilefni af 30 ára afmæli Skagstrendings og komu nýja skipsins um borð í Örvari HU 2. Örvar HU 2 bar áður nafnið Blængur NK 117 og var í eigu Síldarvinnslunnar hf. í Neskaupstað en Skagstrendingur hf. festi kaup á skipinu fyrir skemmstu. Örvar er smíðaður á Spáni árið 1993. Skipið er 1.200 brúttótonn að stærð, tæpir 52 metrar að lengd og með 3.000 hestafla aðalvél. Örvar leysir eldra rækjuskip Skagstrendings hf., Helgu Björgu HU 7, af hólmi. Dagskrá hátíðarhaldanna hefst kl. 11 að morgni Þorláksmessu með hefðbundinni skötuveislu í Fellsborg í boði Skagstrendings og sjómanna félagsins. Kl. 13.30 verður nýja skipið blessað af sóknarpresti og að því loknu, eða frá kl. 14 til 17, verður boðið upp á veitingar um borð í Örvari í tilefni afmælisins og komu skipsins".
Óþekktur ljósmyndari260
Gott hal um borð í Arnari HU 1, fyrsta skuttogaranum með það nafn. Á pokanum standa þeir Níels Grímsson og Gestur Arnarson. Við hlið pokann til hægri stendur Guðmundur E. Guðmundsson. </p>
Ólafur Bernódusson 500
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd eru frá vinstri: Guðjón Ebbi Sigtyggsson skipstjóri, Árni Ólafur Sigurðsson stýrimaður, Ernst Berndsen vélstjóri, Gylfi Sigurðsson sjórnarformaður Skagstrendings hf og Sveinn S. Ingólfsson framkvæmdastjóri fyrirtækisins. Myndin var tekin í brú hins nýja skips. </p>
Óþekktur ljósmyndari261
Þessi mynd var tekin 1937 eða 1938 af síldarskipum við Skagaströnd. Á þessum tíma var Hafnarhúsið enn á þessum stað en það var síðan flutt á núverandi stað síðar til að rýma fyrir síldarverksmiðju á sömu lóð. Nær okkur á myndinni til vinstri sést í bryggjuna frá 1922 rétt austan við Hólsnefið og þar eru menn í aðgerð.
Óþekktur ljósmyndari313
Húni HU 1 liggur innan við Húna II HU 2 við löndunarbryggjuna í Skagastrandarhöfn árið 1963 eða ´64. Aftan við þá liggja Hrönn HU 15 og Helga Björg HU 7. Bátarnir til hægri eru líklega Loftur HU 5, næst okkur, Ægir HU 30 og Njörður HU 16 upp við bryggjuna.
Ólafur Bernódusson536
Óvenju snjólétt hefur verið á Skagaströnd það sem af er vetri 2016 - 2017. Þessi mynd er sett hér inn til að minna fólk á að svo hefur ekki alltaf verið. Til dæmis var gríðarlegur snjór á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Fljótlega var því gripið til þess ráðs að þjappa snjóinn með jarðýtu og síðan var ekið ofan á snjósköflunum kannski tveggja metra þykkum. Þessi mynd var tekin í Mýrinni og sýnir fannfergið þar.
Hjördís Sigurðardóttir - safn041
Myndin var tekin 1978 af Adolf J. Berndsen (d.27.8.2018) oddvita Höfðahrepps. Í baksýn er dýpkunarskipið Grettir að dýpka höfnina með því að moka sandi og móhellu úr botninum í prammann sem liggur við hlið Grettis. Báturinn lengst til hægri dró síðan prammann fullan fram fyrir Höfðann þar sem botn hans var opnaður og sandinum hleypt úr.
Óþekktur ljósmyndari303
<p>Á þessari mynd eru verkamenn við grjótnám í Höfðanum vegna hafnargerðar á Skagaströnd 1934. Milli 40 og 60 verkamenn unnu við hafnargerðina þetta sumar. Grjótið var sprengt úr Höfðanum og komið upp á vörubíl, oftast með handafli, og síðan flutt í uppfyllingu frá landi og út í Spákonufellsey, sem einnig var brotin niður að hluta og notuð í uppfyllinguna. Strax sumarið 1935 var svo söltuð síld á tréplani í höfninni, sem gjörbreytti allri aðstöðu fyrir báta og fiskmóttöku. Húsin í baksýn voru Melstaður (nær) og Laufás lengst til vinstri.</p>
Óþekktur ljósmyndari230
Þessi mynd var sennilega tekin árið 1950. Húsið lengst til hægri, Stórholt (Bankastræti 3), er í byggingu. Draumaland er litla húsið vinstra megin við Stórholt en þar bjuggu mæðginin Þórunn Samsonardóttir (d. 11.10.1986) og Herbert Ólafsson (d. 25.4.2007). Dvergasteinn er svo næst í röðinni en þar bjuggu Hafsteinn B. Fossdal (d. 22.2. 1962) og Svanbjörg M. Jósefsdóttir (d. 31.3.2002) með fjórum börnum sínum. Húsið í vinstra horninu var Höfðakot en þar bjuggu hjónin Steingrímur Jónson (d. 15.1.1992) og Halldóra Pétursdóttir (d. 23.12.1987) með börnum sínum og seinna tveimur barnabörnum. Einnig var á heimilinu bróðir Halldóru, Guðmundur Pétursson (d. 30.6.1987). Skálholt ber yfir Höfðakot en þar bjuggu á þessum tíma Engilbert Óskarsson (d. 13.9.1982) og Sigríður Helgadóttir (d. ?) á efri hæðinni en Bernódus Ólafsson (d. 18.9.1996) og Anna H. Aspar (d. 1.9.1999) með tveimur dætrum sínum á neðri hæðinni. Fyrir aftan Skálholt (fjær) er Bjarmaland en þar áttu heima Hrólfur Jónsson (d. 1.8.1989) og Sigríður Guðlaugsdóttir (d. 25.3.1996) ásamt dóttur sinni Áslaugu Hrólfsdóttur. Þórshamar sést milli Dvergasteins og Draumalands. Þar bjuggu á efri hæðinni Kristján Sigurðsson (d. 3.11.1966) og Unnur Björnsdóttir (d. ?). Á neðri hæðinni bjuggu Jóhann Baldvinsson (d. 9.4.1990) og Core Soffie Poulsen (d. 1987) kona hans með sinni fjölskyldu. Til hægri við Þórshamar er Þórsmörk sem var heimili Sigurðar Guðmonssonar (d. 5.8.1981) og Hallbjargar Jónsdóttur (d. 22.12.1987) og barna þeirra. Yfir þakið á Stórholti sést svo Héðinshöfði en ekki er vitað hver bjó þar á þessum tíma. Í Héðinshöfða voru tvær íbúðir, ein í hvorum enda hússins.
Óþekktur ljósmyndari255
Um borð í Arnari HU 1 - síðutogaranum - vorið 1969. Mikill afli var þetta hafísvor og stóð á höndunum í aðgerðinni. Á myndinni eru frá vinstri: Jón Helgason (snýr baki í myndavélina), Árni Petersen, Guðjón Jónsson og Sigurjón Haraldsson fjær.
Ólafur Bernódusson514
Myndin var tekin af skólakrökkum og kennurum úr Höfðaskóla um borð í Ólafi Magnússyni Hu 54. Báturinn var á leið með krakkana út að borgarísjaka sem strandaði nokkuð fyrir innan Skagaströnd á 40 metra dýpi. Myndin var tekin í október 1993.
Óþekktur ljósmyndari180
Síðasta síldarsöltunarsumarið á Skagaströnd 1962. Myndin var tekin á síldarplaninu á bryggjunni.
Magnús B Jónsson089
Einni af nýsmíðum í Skipasmíðastöð Guðmundar Lárussonar hf gefið nafn á hefbundinn hátt með því að brjóta flösku á stefninu. Sjá má á myndinni að enn er límt yfir nafnið á kinnungnum. Það er Hjördís Sigurðardóttir sem gefur bátnum nafnið Stakkur RE í október 1983.
Ólafur Bernódusson 503
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd fylgjast gestir með ræðuflutningi í brú hins nýja skips. Frá vinstri: Guðný Finnsdóttir, Hörður Ragnarsson, Sveinn Ingi Grímsson, Ófeigur Gestsson, Lovísa Kristín Stefánsdóttir og fréttamaður frá útvarpinu að taka upp. Aðrir eru óþekktir.</p>
Skagaströnd - safn029
Hér er verið að koma fyrir niðurfalli á Oddagötu áður en varanlegt slitlag er lagt á hana 1976. Starfsmenn Höfðahrepps þeir Vilhelm Harðarson til vinstri og Sigurður Björnsson til hægri aðstoða ókunnan mann frá Miðfelli hf, sem sá um niðurlagninguna á slitlaginu.
Guðmundur Guðnason116
Varðskipið Óðinn í höfn á Skagaströnd. Myndin var tekin á stríðsárunum.
Óþekktur ljósmyndari282
Þessir tveir menn áttu lengst af samleið gegnum lífið. Snorri Gíslason (d. 29.5.1994) úr Höfðatúni til vinstri var sjómaður mestan hluta ævinnar en Björn Sigurðsson (d. 5. 10.1999) frá Jaðri til hægri var sjálflærður vélamaður, smiður og bátasmiður. Hér eru þeir félagar að dytta að bát í fjörunni neðan við skemmuna sem nú hýsir fiskmarkað, björgunarstöð og fleira. Myndina tók Árni Geir Ingvarsson árið 1986.
Guðmundur Guðnason108
Þessi mynd var tekin neðan við Einbúann á þeim tíma sem sjór féll upp að honum. Það þýðir að myndin hefur sennilega verið tekin ekki seinna en 1934 því það ár var hafist handa við hafnargerð á þessu svæði. Þá var stutt bryggja, byggð um 1922, rétt austan við Hólsnefið, sem er systi oddi Höfðans. Húsin á myndinni eru frá vinstri: Litli/efri Lækur, Jaðar, óþekkt, Karlsskáli, Lækur, Lundur, Lækjarbakki og Karlsminni. Bátarnir eru óþekktir en Spákonufellið er í baksýn.
Skagaströnd - safn026
Kvöldstemning við Skagastrandarhöfn. Ekki er vitað hvenær myndin var tekin.
Óþekktur ljósmyndari234
Mikil umferð er um Skagastrandarhöfn allt árið en einkum þó á sumrin meðan á strandveiðunum stendur. Þetta er ekkert nýtt eins og þessi mynd frá 1936 - 1938 sýnir en þá var síld um allan Húnaflóa á sumrin og fjöldi báta, sem stundaði síldveiðar. Þá lá Skagastrandarhöfn vel við því stutt var þaðan á miðin. Í framhaldinu var svo tekin ákvörðun um að byggja síldarverksmiðju á Skagaströnd því mönnum datt ekki í hug að síldin mundi allt í einu breyta hegðunarmunstri sínu og hætta að ganga inn í Húnaflóann eins og hún hafði gert um áratugi. Á myndinni eru síldarskip í Skagastrandarhöfn kringum 1936. Húsið til hægri með skúrþakinu hét Kárastaðir, Dvergasteinn var húsið næst okkur fyrir miðri mynd með áfastri dökkri hlöðu. Þórshamar er nýlega húsið með kvistinum og neðar með götunni, sömu megin, er Garður. Til vinstri á myndinni eru Brúarland og Móar ásamt fleiri húsum sem einhver voru skepnuhús. Stóra þriggja hæða húsið nær sjónum er Gamla kaupfélagshúsið og á reitnum hjá því hægra megin er Kaupfélagshúsið og enn lengra til hægri grillir í frysthúsið. Húsið næst okkur á myndinni, ljóst með dökku þaki er óþekkt (stendur ca þar sem Skálholt stendur í dag). Ef þú kannt skil á hvað hús þetta er vinsamlega sendu okkur þá athugasemd á: myndasafn@skagastrond .is.
Ólafur Bernódusson 508
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd ávarpar Magnús Schram áhöfn og gesti. Magnús vann lengi að sölumálum á afurðum fyrir skip Skagstrendings hf, fyrst hjá Asiaco og síðar hjá sölufyrirtæki Skagstrendings hf. </p>
Ólafur Bernódusson 499
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. </p>
Ólafur Bernódusson 505
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd , sem tekin var í borðsalnum, njóta gestir veitinga. Frá vinstri: Steindór Haraldsson, Þórarinn Grétarsson, Lárus Ægir Guðmundsson og Ófeigur Gestsson. Sitjandi við borðið er Steinunn Berndsen ásamt fleirum. Aðrir á myndinni eru óþekktir.</p>
Guðmundur Guðnason054
Þessi vörubíll er sennilega af Chevrolet gerð. Ekki er vitað hver átti þennan bíl en myndin var tekin á heimkeyrslunni að Laufási og Melstað sem þá stóð uppi sunnan við Laufás.
Ólafur Bernódusson463
Í október 1991 kom Röst Sk 17 til hafnar á Skagaströnd því báturinn hafði fengið á sig brotsjó á miðunum og gluggi í brúnni brotnaði og bleyta komst í tæki í brúnni. Þessi mynd var tekin af skipstjóranum, Finni Sigurbjörnssyni, sem sýnir að ramminn, sem hélt rúðunni, brotnaði við átökin og í baksýn má sjá hvernig skipverjar lokuðu glugganum eftir óhappið.
Ólafur Bernódusson515
Á myndinni, sem var tekin í október 1993, er Ólafur Magnússon Hu 54 að skoða borgarísjaka sem strandaði skammt fyrir innan Skagaströnd á 40 metra dýpi. Um borð voru krakkar og kennarar úr Höfðaskóla. Þetta er sami borgarísjakinn og er á mynd númer 5186 en sú mynd var tekin af honum fyrir utan Skagaströnd. Á leið sinni framhjá Skagaströnd og þar til hann strandaði hafði jakinn velt sér og sýnir því aðra ásýnd hér en á hinni myndinni.
Ólafur Bernódusson 502
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd fer Gylfi Sigurðsson stjórnaformaður Skagstrendings hf yfir byggingarsögu skipsins. Notast var við hátalarakerfi skipsins til að hægt væri að hlusta á Gylfa hvar sem var um borð. </p>
Óþekktur ljósmyndari181
Myndin var tekin í fjörunni neðan við Einbúann sem sést til vinstri. Efri Lækur, Jaðar, Karlsskáli, Neðri Lækur, Lundur, óþekkt hús og Karlsminni eru húsin sem sjást á myndinni ef talið er frá vinstri.
Ólafur Bernódusson531
Gríðarlegur snjór var á Skagaströnd í janúar - maí 1995 og endalaus illviðri. Á þessari mynd er verið að ná Hafdísi Hu 2 á flot eftir að hún sökk í óveðri 17. mars 1995. Báturinn var gerður upp eftir óhappið og gerður út áfram. Ólafur Magnússon Hu 54 í baksýn.
Halldór003
Myndin var tekin seint í desember 1998 þegar mennirnir á myndinni voru að bíða eftir að taka á móti Örvari Hu 2, áður Blængur NK 117, þegar hann kom í fyrsta sinn til heimahafnar á Skagaströnd, þá nýkomin í eigu Skagstrendings hf. Mennirnir eru, frá vinstri: Óskar Þór Kristinsson, óþekktur, Gylfi Sigurðsson, Adolf H. Berndsen óþekktur og Jóel Kristjánsson.
Ólafur Bernódusson 507
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd biður séra Egill Hallgrímsson fyrir Arnari og áhöfn þess og blessar skipið. Fréttamaður útvarps tekur upp en Guðjón Ebbi Sigtryggsson hlustar á og sama geri Steindór Haraldsson (með skegg) til hægri. Aðrir eru óþekktir. </p>
Ólafur Bernódusson533
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Ófært var út á Skaga fyrir mjólkurbílinn og tóku bændur þá það til ráðs að þeir komu á dráttarvélum sínum með mjólkina í brúsum og tunnum til móts við mjólkurbílinn, sem komst hálfa leið út að Háagerði. Þar var mjólkinni dælt í mjólkurbílinn úr ílátum bændanna. Á þessari mynd er Sigfús Guðmundsson mjólkurbílstjóri að dæla upp úr brúsum frá Árna Sveinbjörnssyni frá Króksseli. Í baksýn eru að spjalla Baldvin Sveinsson frá Tjörn, Vilhjálmur Skaftason Skagaströnd, óþekktur og Jens Jónsson frá Brandaskarði.
Guðmundur Guðnason098
Ásbjörg Hu 5 að koma úr róðri. Í bók Lárusar Ægis Guðmundssonar, Sjósókn frá Skagaströnd & vélbátaskrá 1908 - 2010, segir svo um þennan bát: <em>" Ásbjörg Hu 5 292. Báturinn var smíðaður úr eik og beyki í Hafnarfirði árið 1939 og var 26 brl. með 90 ha. June Munktell vél. Árið 1953 var sett í hann 118 ha. Caterpillar vél og 1970 kom 230 ha. Scania vél. Útgerðarfélag Höfðakaupstaðar h/f keypti bátinn frá Hafnarfirði 1947 og hét hann þá Ásbjörg GK 300. Hann var gerður út til 1959 en seldur í febrúar 1960 til Reykjavíkur og skráður þar Ásbjörg RE 55. Báturinn var talinn ónýtur og tekinn af skrá í árslok 1977 en þá var hann með sama nafni í eigu aðila á Hólmavík:"</em>
Óþekktur ljósmyndari225
Þessi mynd sýnir síldarsöltun á planinu í Skagastrandarhöfn 1935. Þetta er merkileg mynd að því leiti að þetta var fyrsta sumarið sem síld var söltuð þarna enda var bryggjan sem planið er á byggð sumarið áður 1934. Með því að telja fólkið á myndinni er auðvelt að ímynda sér hve mikil áhrif síldarvinnan hafði í samfélginu þar sem áður hefði ekki verið um mikla vinnu að ræða.
Óþekktur ljósmyndari243
Myndin var tekin í fjörunni fyrir neðan Læk um 1960. Á henni eru tveir nótabátar, tvær trillur og ein skekta. Lágreista húsið lengst til vinstri er Viðvík þar sem rekið var gisti- og veitingahús á árunum 1867 og fram til 1883. Sæborg (Góubær) ber í skólahúsið og neðst húsið við Bogabraut, á þessum tíma, var Þorfinnshúsið (Bogabraut 9) sem sést yfir Sævarland.
Séra Pétur og Dómhildur - safn097
Þessi mynd var tekin fram Hafnargarðinn ( nú Útgarð) 1957. Unnið við að gera síldartunnur klárar ef sá brellni fiskur skyldi láta sjá sig.
Óþekktur ljósmyndari195
Steinbryggjan við Hólsnefið. Þessa bryggju byggðu sjómenn í sjálfboðavinnu gegn fjárframlagi frá Verslunarfélagi Vindhælinga árið 1922. Á þessari mynd er aðgerð í gangi á fiski úr fjórum bátum sem sjást á myndinni. Báturinn, sem er nær bryggjunni fyrir miðri mynd, hét Langlíf og var í eigu Axels Helgasonar frá Læk.
Ólafur Bernódusson536
Í apríl 1993 strandaði dýpkunarprammi/flutningaprammi í fjörunni við uppfyllinguna neðan við gamla Hólanes frystihúsið. Pramminn fék tóg í skrúfuna og rak stjórnlaus þarna upp í fjöruna. Strax var settur vír í prammann tilað stöðva ruggið á honum og til að halda honum örugglega á réttum kili. Pramminn var síðan dreginn á flot beyglaður á botninum en ólekur. Engan sakaði við þetta óhapp.
Óþekktur ljósmyndari250
Sjaldan voru þrír bátar í dráttarbrautinni á sama tíma en þannig var það þó þegar þessi mynd var tekin árið 1988. Bátarnir eru frá vinstri: Þorlákur Helgi SI 71, Helga Björg Hu 7 og Þórir Jóhannsson GK 116.
Óþekktur ljósmyndari288
Dýpkunarskipið Grettir dýpkar í Skagastrandarhöfn 1977. Aftari báturinn er Ósk HU 21 í eigu Sytefáns Stefánssonar (d 2.1.1988). Hinn báturinn er óþekktur.
Skagaströnd - safn034
Árnesingur ÁR 75 var einn af síðustu eikarbátunum sem framleiddir voru í skipasmíðastöð Guðmundar Lárussonar hf. hér er verið að sjósetja bátinn í fyrsta sinn árið 1976.
Óþekktur ljósmyndari178
Ludendorf Hu 46 var í eigu Ole Aamundsen. Ole réri honum ekki sjálfur heldur réði til sín áhöfn til að geta gert bátinn út. Reyndar átti Ole annan bát, Hindenburg Hu 45, sem hann gerði út á sama hátt.
Ólafur Bernódusson 504
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd er Guðjón Ebbi Sigtryggsson skipstjóri með konu sinni Halldóru Þorláksdóttur við skipstjórastólinn í brúnni. Lengst til vinstri brosir Adolf H. Berndsen en aðrir eru óþekktir.</p>
Óþekktur ljósmyndari256
Myndin var tekin um borð í Arnari Hu 1 - síðutogaranum - hafísvorið 1969. Verið er að láta trollið fara aftur eftir 20 - 30 tonna hal. Már Hall Sveinsson (d. 1.3.2008) er á gilsinum lengst til vinstri og Indriði Hjaltason (d. 2.4.2006) er við spili, Guðjón Jónsson er á forhleranum en í aðgerð eru frá vinstri: Magnús B. Jónsson, Viggó Maríasson (d. 30.7.1973) og Óskar Kristinsson, sem snýr baki í myndavélina. Maðurinn milli Viggós og Óskars er óþekktur.
Ólafur Bernódusson513
Stöku sinnum laumast borgarísjakar inn Húnaflóann alla leið frá Grænlandi. Þessi var á ferðinni utan við Skagaströnd í september 1993. Björgunarbáturinn Þórdís er í forgunni.
Óþekktur ljósmyndari257
Myndin var tekin 7. apríl 1982 þegar Örvar HU 21 kom til heimahafnar á Skagaströnd í fyrsta sinn nýsmíðaður frá Akureyri. Eins og sjá má var fjölmenni á bryggjunni til að fagna hinu nýja skipi.
Óþekktur ljósmyndari272
<p>Undir þessari mynd á bls. 213 í Byggðin undir Borginni stendur: <em>"Á línuveiðum. Þorkell Magnússon í Goðhól heldur á þorski, fyrir aftan hann er Gísli Jóhannesson frá Garði og Einar Guðjónsson er við rúlluna".</em> Ekki er vitað hvenær myndin var tekin en Gísli drukknaði í Laxá í Dalasýslu 11.5.1953 þannig að myndin var sennilega tekin 1945 - 1950. </p>
Ólafur Bernódusson534
Hér er Arnarborg Hu 11 í sinni síðustu sjóferð. Verið er að koma Arnarborginni í dráttarbrautin þar sem hún var síðan söguð niður og eyðilögð. Myndin var tekin vorið 1993.
Óþekktur ljósmyndari277
Naustavík EA 151 var stundum gerð út frá Skagaströnd tíma og tíma. Báturinn var meðal annars einn af þeim sem gerður var út á hrefnuveiðar þó hvalbyssan sé ekki um borð á þessari mynd.
1
…
5
6
7
…
33
Leita í myndasafninu
Leita