Beint í efni
Skagaströnd.is
↗
Allar myndir
Samgöngur
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Miðflokkur
Bílar
Skip og Bátar
1.951 mynd
Flæði
Reitir
Séra Pétur og Dómhildur - safn099
Ásdís Hu 10 sjósett í fyrsta sinn. Um þennan bát er ritað í bókinni: Sjósókn frá Skagaströnd & vélbátaskrá 1908 - 2010, eftir Lárus Ægi Guðmundsson <em>:" Ásdís HU 10 1183. Báturinn var smíðaður úr eik á Skagaströnd árið 1971. Hann var 21 brl. með 185 ha. Kelvin Dorman vél. Eigendur voru Elvar Valdimarsson, Skagaströnd og Guðbjörn Hallgrímsson, Hafnarfirði. Báturinn sökk út af Þorlákshöfn 3. desember 1971. Fjórir menn voru á bátnum og björguðust allir um borð í Jón Vídalín ÁR 1 frá Þorlákshöfn. Þetta var fyrsti báturinn sem smíðaður var hjá Skipasmíðastöð Guðmundar Lárussonar hf á Skagaströnd".</em>
Skagaströnd - safn027
Byrjað var að leggja varanlegt slitlag á götur á Skagaströnd 1976. Ms Sandey flutti efnið til Skagastrandar og hér er verið að skipa því upp á pallinn á vörubíl Eiðs Hilmarssonar H 474.
Ólafur Bernódusson549
Auðbjörg Hu 6 lenti í mokfiskirí í einn daginn vorið 1996. Ekki voru næg ílát undir fiskinn um borð þannig að hann var út um allt dekk þegar komið var í land. Á myndinni eru karlarnir að tína fiskinn af dekkinu í kör fyrir löndun.
Skagaströnd - safn101
<p>Í bókinni: Sjósókn frá Skagaströnd & vélbátaskrá 1908 - 2010 , eftir Lárus Ægi Guðmundsson, segir á bls 106 um þetta skip:</p><p><em>" <strong>Arnar HU 1 2265</strong> Í árslok 1995 keypti Skagstrendingur h/f frystitogarann <strong>Neptun</strong>, af rússnesku félagi en hann var byggður úr stáli í Noregi árið 1986 fyrir færeyska útgerð. Skipið var 1.803 brl., 60 metra langt og 13 metra breitt með 4073 ha. Wartsila vél. Þegar togarinn var keyptur var hann á veiðum við strendur Kóreu og var siglt þaðan til Vigo á Spáni, þar sem fram fóru umfangsmiklar breytingar. Arnar kom í heimahöfn á Skagaströnd í lok mars 1996 og hefur síðan verið gerður þeðan út. Árið 2002 fiskaði hann 7.042 tonn á 300 úthaldsdögum eða 23,5 tonn á dag og nam aflaverðmætið 1063 milljónum króna. Þetta var mesta aflaverðmæti sem íslenskt frystiskip hafði komið með að landi á einu ári. Í júlí árið 2003 kom Arnar úr Barentshafi eftir 22 daga úthald og þar af hafði skipið verið að veiðum í 13 daga. Aflinn var 720 tonn upp úr sjó á þessum tíma þ.e. 55 tonn á dag eða sem samsvarar 33 tonnum á úthaldsdag. Árið 2010 var aflaverðmæti skipsins liðlega 2 milljarðar króna".</em> </p>
Óþekktur ljósmyndari205
Síldarlöndun og síldarsöltun í Skagastrandarhöfn. Ekki er vitað hvenær myndin var tekin en hún er sennilega frá árunum 1935 - 1937. Á þessum tíma var síldinni landað á höndum í tágakörfum eins og sést á myndinni og var það hinn mesti þrældómur fyrir sjómennina. Síldin var svo söltuð undir berum himni hvernig sem viðraði. Hreinlætisaðstaðan var einn tvöfaldur kamar sem var í raun bara lítill skúr með milligerði og setbekk með tveimur götum. Kamrinum var komið þannig fyrir að afurðirnar duttu beint í sjóinn í höfninni. Fólkið á myndinni er óþekkt.
Skagaströnd - safn035
Anný Hu 3 var fyrsti plastbáturinn sem smíðaður var í skipasmíðastöð Guðmundar Lárussonar hf. Báturinn var smíðaður 1977 fyrir Einar Guðmundsson frá Saurum. Anný var síðan seld austur á firði og gerð út þar meðal annars sem ferja/póstbátur milli fjarða. Á þessari mynd liggur Anný Hu 3 framan við Helgu Björg Hu 7 en í forgrunni eru trillurnar Kópur Hu 28 og Sigurður Jónsson Hu 18.
Guðmundur Guðnason205
<p>TF Eir mun vera fyrsta þyrlan sem Landhelgisgæslan eignaðist. Þyrlan var í rekstir á árunum 1965 - 1971. Ekki er vitað hvar þessi mynd var tekin ná hver konan og barnið eru. <font size="1">(Heimild: </font><a href="http://www.flugsafn.is/index.php?option=com_content&view=article&id=55&Itemid=145&lang=en"><font size="1">http://www.flugsafn.is/index.php?option=com_content&view=article&id=55&Itemid=145&lang=en</font></a><font size="1">)</font></p>
Skagaströnd - safn256
Síðasta Kántrýhátíðin sem haldin var 2002 var afar fjölmenn en jafnframt afar blaut því það rigndi alla helgina. Fljótlega breyttust því tjaldsvæðin - sem voru út um allan bæ - í drullusvað eftir of mikla bílaumferð.
Magnús B Jónsson090
Stakkur RE 186 var ein af nýsmíðunum frá Skipasmíðastöð Guðmundar Lárussonar hf. Á myndinni er nýbúið að gefa bátnum nafn og eigandi hans, Rögnvaldur Sæmundsson, flytur ræðu af því tilefni.
Skagaströnd - safn037
Slitlagsframkvæmdir á horni Sólarvegar og Bogabrautar árið 1978. Adolf J. Berndsen sturtar af bíl sínum í útlagningarvélina. Lengst til hægri í ljósum hlífðarslopp er Jóhann Pétursson (d. 13.1.1999) bæjarverkstjóri frá Lækjarbakka.
Þórður Jónsson058
Húni Hu 1 leggur af stað til síldveiða úr Skagastrandarhöfn með nótabát í eftirdragi. Ekki er vitað hvenær myndin var tekin.
Ólafur Bernódusson545
Hjörtur Guðmundsson skipstjóri með tvo af sonum sínum í brúnni á rækjutogaranum Helga Björg Hu 7 þegar Hjörtur var nýkominn með skipið til Skagastrandar í fyrsta sinn í jan/feb 1996. Strákarnir eru Kristján Ýmir Hjartarson í fangi pabba síns og Ómar Ísak Hjartarson sem stendur hjá þeim. Helga Björg var rækufrystitogari í eigu Skagstrendingas hf á árunum 1995 - 1999 og var gert út til rækjuveiða þessi ár.
Skagaströnd - safn255
Stórt veitingatjald var reist við Kántrýbæ fyrir síðustu hátíðina sem haldin var 2002. Gámurinn var nýttur sem lager fyrir Kántrýbæ. Mikill mannfjöldi sótti þessa síðustu Kántrýhátíð - svo margir að það varð til vandræða því það rigndi alla helgina og tjaldsvæðin urðu fljótlega að drullusvaði.
Þórður Jónsson046
Ekki er vitað tilefni ferðalags þessa prúðbúna fólks á H 275 - hugsanlega leikferð?. Ekki er heldur vitað hvenær myndin var tekin en sennilega hefur það verið kringum 1960. Á myndinni eru frá vinstri: Bernódus Ólafsson (d. 18.9.1996) Stórholti, Helga Berndsen Karlsskála, Ástmar Ingvarsson (d. 10.10.1977) Héðinshöfða, Þórey Jónsdóttir (d. 29.12.1966) Norður-Skála, Guðmunda Árnadóttir (d.26.1.2017) Flankastöðum, óþekkt, Ingvar Jónsson (d. 29.7.1978) Norður-Skála, Ingólfur Ármannsson (d.1.9.2019), Steingrímur Jónsson (d. 15.1.1992) Höfðakoti, óþekktur og Þórður Jónsson (d. 25.12.2009) Skjaldbreið. Ef þú þekkir óþekkta fólkið vinsamlega sendu okkur þá athugasemd.
Skagaströnd - safn015
Malbikunarframkvæmdir á Bogabraut sennilega kringum árið 2000.
Skagaströnd - safn190
Þessi mynd frá 1961 sýnir verkamenn vinna við að handmoka möl á vörubílspall. Myndin var sennilega tekin í malarkrúsinni ofan við Skagaströnd. Ekki er vitað hverjir mennirnir eru.
Skagaströnd - safn038
Guðmundur Björnsson mokar á bíl efni í slitlag á götur á Skagaströnd árið 1978.
Guðmundur Guðnason253
Árið 1974 komu skíðaáhugamenn á Skagaströnd upp togbraut í Spákonufellinu. Togbrautin var þannig gerð að staur var komið fyrir uppi á hólnum fyrir ofan núverandi skíðaskála. Við staurinn var fest blökk og kaðall dreginn gegnum hana og í gegnum drifhjól sem tengt var við dráttarvél. Drifhjólið var gert úr gamalli drifkúlu undan bíl og á hana var fest hjól og drifskaft sem síðan var hengt aftan á beislið á dráttarvél og tengt við drifúttak vélarinnar. Skíðamenn héngu síðan í kaðlinum á leiðinni upp brekkuna. Í dag mundi svona útbúnaður aldrei vera viðurkenndur vegna öryggismála. 1979 var síðan keypt skíðalyfta og henni komið fyrir örlítið norðar í brekkunni og notuð þar í mörg ár. Á þessari mynd er skíðmennskan í fullum gangi en dráttarvélin var í eigu Ásgeirs Axelssonr (d. 8.6.2011) Litla-Felli.
Óþekktur ljósmyndari179
<p>Von Hu 2. Um þennan bát segir svo í bókinni: Sjósókn frá Skagaströnd & vélbátaskrá 1908 - 2010, eftir Lárus Ægi Guðmundsson:<em> "Von HU 2. Báturinn var smíðaður úr eik og furu í Reykjavík 1908 og var 4,8 brl. með 12 ha Dan vél. Árið 1930 var sett í bátinn 38 ha. Tuxham vél. Hann var keyptur frá Hólmavík í júní 1944 og hét þá <strong>Von ST 22</strong>. Eigendur voru Guðmundur Jóhannesson, Guðmundur Karlsson, Hallgrímur Kristmundsson, Óskar Frímannsson og Snorri Gíslason. Báturinn var talinn ónýtur og tekinn af skrá í október 1948".</em> </p><p><br></p>
Guðmundur Guðnason333
Þessi mynd var tekin frá Hótel Blönduós inn yfir Blöndu.
Skagaströnd - safn078
Nýsmíðin Örvar Hu 21 var smíðaður í Slippstöðinni á Akureyri. Þar var skipið skírt og sjósett 1981 eða vorið 1982 og fóru margir Skagstrendingar norður til að vera viðstaddir. Þessi mynd var tekin af Jóni Jónssyni (d. 9.7.1991), framkvæmdastjóra Rækjuvinnslunnar hf, á vinnsludekkinu í Örvari.
Skagaströnd - safn274
Myndin var tekin 1996 af vinnu við að koma fyrir safntanki vegna vatnsveitu í Hrafndal. Við bílinn standa Rolf Árnason (d. 2014) með rauða húfu og Sigurjón Ástmarsson. Niðri í skurðinum er Páll Jóhannesson í blárri úlpu og tveir óþekktir menn.
umf Fram301
Í allmörg ár stóð Umf Fram fyrir leikjanámskeiðum fyrir yngri börn á sumrin með styrk frá sveitarfélaginu. Á þessari mynd, sem sennilega var tekin sumarið 2004, eru krakkarnir í heimsókn að Brandaskarði. Frá vinstri: Sylvía Hrólfsdóttir, Ívan Árni Róbertsson, Sigurbjörg Katla Valdimarsdóttir, Bergrós Hafsteinsdóttir, Páll Halldórsson, Guðrún Ana Halldórsdóttir, Anton Einarsson og Birkir Gunnarsson.
Skagaströnd - safn301
Höfðaberg, sem stóð upp undir Höfðanum norðan við núverandi Bankastræti, var rifið í desember árið 2000 eftir að hafa staðið autt um tíma.
Guðmundur Guðnason 2 363
Willys Overland Station Wagon H 192, sennilega árgerð 1946. Líklega átti Hannes Finnbogason læknir þennan bíl.
Árni Geir Ingvarsson - safn 383
Arnar Hu 1 var fyrsti skuttogari Skagstrendings hf og kom til landsins 1973 frá Japan. Ekki er vitað hvenær þessi mynd var tekin.
Árni Geir Ingvarsson - safn 451
Þrír bátar í slippnum og nóg að gera. Þorlákur Helgi SI 71, Helga Björg HU 7 og Þórir GK 116. Þórir var stærsti plastbátur sem var á Íslandi, skrokkurinn fluttur inn frá Frakklandi en báturinn síðan fullgerður hjá Mánavör hf á Skagaströnd
Baldur Eðvarðsson - safn 1
Þessi mynd var tekin yfir útbæinn á Skagaströnd. Myndin var sennilega tekin 1966 eða 1967 en á henni eru allmörg hús, sem ekki standa lengur. Næst okkur í hægra horni myndarinnar sér ofan á Höfðaberg og Höfðakot, sem bæði eru horfin. Þar sem vörubíllinn stendur var bílastæði fyrir Gunnar Helgason (d. 19.10.2007) vörubílstjóra en hann bjó í Stórholti, sem ber yfir Höfðakot, á þessum tíma. Þórsmörk er annað hús, hinum megin við vörubílinn, en það hús er horfið ásamt fjáhúsunum sem standa andspænis því. Næstu tvö hús, Héðinshöfði og Garður eru líka horfin fyrir löngu. Hægra megin við Gamla kaupfélagið stendur Kaupfélagshúsið, sem er enn eitt af húsunum, sem hefur verið rifið. Litli skúrinn sem ber í síldarverksmiðju-skorsteininn var afgreiðsluhús fyrir bensín og ólíur frá Esso olíufélaginu og ef grannt er skoðað má sjá dælurnar við hlið skúrsins. Hinn litli skúrinn, sem er vinstra megin við Esso skúrinn, var hafnarvigtin áður en hún var flutt á núverandi stað við höfnina. Lengra til vinstri upp af stóru skemmunni eru tveir braggar, sem nú eru horfnir. Í bröggunum voru íbúðir en undir það síðasta stóðu þeir tómir. Við enda Skúffugarðsins er ker sem verið er að ganga frá eftir að það var smíðað í slippnum við Bjarmanes. Stóri báturinn við bryggjuna er sennilega Helga Björg HU 7 og enn standa löndunarkraninn og færibandið sem lá frá honum og upp í verksmiðju.
16
Hörður Aðils Vilhelmsson með föður sínum Vilhelm Birni Harðarsyni á nýjum sorphreinsunarbíl. Myndin var tekin 1994 þegar þeir feðgar voru nýkomnir til Skagastrandar á þessum nýja bíl.
Óþekktur ljósmyndari252
Anný HU 3 var fyrsti plastbáturinn sem Skipasmíðastöð Guðmundar Lárussonar hf afhenti. Skrokkur bátsins var fluttur inn en síðan var báturinn fullkláraður í stöðinni. Fyrir aftan Anný er Helga Björg HU 7. Myndin var tekin 1977.
Ólafur Bernódusson553
Eftir að nýja kirkjan á Skagaströnd var tekin í notkun var sú gamla afhelguð og síðan rifin en þá var þessi mynd tekin. Sú gamla, sem stóð rétt austan við hina nýju, var vígð 17. júní 1928 en var síðan rifin 19. febrúar 1992.
Óþekktur ljósmyndari332
Sæljón RE 317 landar síld í bræðslu á Skagaströnd. Herbert Ólafsson tók þessa mynd en hann var háseti á Sæljóninu. Myndin var tekin snemma á sjöunda áratugnum.
Óþekktur ljósmyndari276
Á myndinni eru Auðbjörg HU 6 fyrir innan og Ásbjörg HU 5 utan á henni. Bátana átti Útgerðarfélag Höfðakaupstaðar sem gerði þá út frá Skagaströnd. Myndin var tekin á sjötta áratugnum
Skagaströnd - safn025
Myndin var tekin þegar Ólafsvellir/Náttbrún var rifin. Húsið stóð nokkurn vegin á horninu þar sem nú mætast Oddagata og Túnbraut. Vörubíllinn á myndinni var H 34 í eigu Gunnars Helgasonar (d. 19.10.2007), sem situr undir stýri á myndinni. Myndin var tekin einhverntíma rétt fyrir 1990 en Stjórnsýsluhúsið, sem er í baksýn, var tekið í notkun 1987.
Óþekktur ljósmyndari274
Gufuskipið Laura sigldi milli Danmerkur og Íslands í upphafi 20. aldarinnar. Í mars 1910 strandaði Laura á skeri á Bótinni norðan við Höfðann í dimmviðri. Allir björguðust í land og miklu af farmi skipsins var bjargað en Laura náðist ekki á flot aftur og liðaðist hún í sundur á skerinu á skömmum tíma. Skerið sem hún strandaði á hefur síðan verið nefnt eftir skipinu - Láruskerið. Á þessari mynd er verið að dæla sjó úr skipinu og bjarga verðmætum úr því. Utar er gufuskipið Geir í viðbragðsstöðu til að reyna að draga Lauru af skerinu.
Óþekktur ljósmyndari346
Þessi mynd var tekin fyrir 1906 og er af gamla íbúðarhúsi danska kaupmannsins sem byggt var 1774 en rifið 1908. Svarta húsið var fjós og hesthús kaupmannsins og líklega pakkhús að hluta til. Hvíta húsið hægra megin við bátinn var Búðin og áfast við hana er pakkhús/kornhlaða sem líklega var aðal lagergeymsla Búðarinnar. Búðin stóð fram á sjöunda áratuginn og var undir það síðast notuð sem sementsgeymsla fyrir KAST = Kaupfélag Skagstrendinga. Kornhlaðan var sennilega rifin um eða rétt fyrir miðja 20 öldina. Hægra megin við þessar byggingar, á kafi í snjó er Sæmundsenbúðin. Báturinn á myndinni hét Traffik og var eign Hoephnersverslunar.
Ólafur Bernódusson546
Helga Björg Hu 7 kemur til heimahafnar á Skagaströnd um mánaðarmótin jan/feb 1996. Í bókinni: Sjósókn frá Skagaströnd & vélbátaskrá 1908 - 2010, eftir Lárus Ægi Guðmundsson, segir svo um þetta skip:<em> "<strong>Helga Björg</strong> Hu 7 <strong>2266</strong>. Árið 1995 keypti Skagstrendingur h/f rækjufrystitogara frá Grænlandi sem hét <strong>Betty Belinda</strong>. Hann var byggður í Noregi 1976 og var 490 brl. en var lengdur og skipt um aðalvél, spil o.fl. árið 1986. Skipið varð þá 50 metra langt og 9,5, metrar á breidd, 935 brl. að stærð og aðalvélin 1795 ha. Alpha Diesel. Umfangsmiklar endurbætur voru gerðar á skipinu hjá Slippstöðinni á Akureyri eftir að Skagstrendingur h/f eignaðist það og byrjaði togarinn veiðar á árinu 1996. Í byrjun árs 1999 var skipið selt til Laka Ltd., félags í eigu Skagstrendings og fleiri aðila, sem var skrásett í Eistlandi. Skipið var gert út til veiða á Flæmingjagrunni undir nafninu <strong>Tahkuna</strong> þar til það var selt árið 2000".</em>
Óþekktur ljósmyndari319
Þessi mynd var tekin um borð í Auðbjörgu HU 6 - þeirri fyrstu með því nafni á Skagaströnd - á síldveiðum á Húnaflóa. Ekki er vitað hvenær myndin var tekin en þessi Auðbjörg var gerð út frá Skagaströnd árin 1947 - 1959 þannig að myndin hefur verið tekin einhverntíma á þessu árabili. Líklega er Auðbjörgin á reknetaveiðum og myndin er lýsandi fyrir af hverju síldin er kölluð "silfur hafsins" því karlarnir og allt skipið eru þakin silfurlitu hreistri síldarinnar.
Skagaströnd - safn099
Húni II í Skagastrandarhöfn áður en Þorvaldur Skaftason hófst handa við endurbyggingu hans.
Adolf H Berndsen - safn037
Ernst Berndsen (f. 2.6.1900 - d. 21.8.1983) á Karlsskála siglir hér á bát sínum Helgu þó ekki sé leiðið gott. Ernst var fyrsti hafnarvörður Skagastrandarhafnar og gengdi því starfi í áratugi. Þá var hann lóðs í Húnaflóa og lóðsaði lítil og stór skip til hafnar í höfnunum við flóann. Ernst var lengi umboðsmaður fyrir Olíufélag Íslands - Olís en jafnframt því sótti hann sjó á eigin trillum þegar færi gafst. Þeir eru ófáir sjómennirnir sem fóru sinn fyrsta róður með Ensa, eins og hann var kallaður, og lærðu hjá honum réttu handtökin á sjó. Nú síðasta vetur (2014) var Helgan gerð upp þannig að siglingasögu hennar er ekki lokið en hún er nú í eigu afkomenda Ernsts.
Óþekktur ljósmyndari259
Helga Björg HU 7 drekklestuð af síld á miðunum við Norð- austurland sumarið 1966. Verið er að háfa síld úr nótinni undir stjórn skipstjórans Jóns Ólafs Ívarssonar (d. 29.12.2013).
Óþekktur ljósmyndari233
Síldarskip í Skagastrandarhöfn sennilega 1936 eða 1937.
Óþekktur ljósmyndari258
Um þennan bát segir svo í bókinni Sjósókn frá Skagaströnd & Vélbátaskrá 1908 - 2010, eftir Lárus Ægi Guðmundsson:<em> "<strong>Húni</strong> Hu 2 <strong>398</strong>. Báturinn var smíðaður úr eik og furu á Ísafirði árið 1955 og var 17 brl. með 72 ha. June Munktell vél. Árið 1958 var sett í bátinn 162 ha. MWM vél. Hann hét <strong>Helga Guðmundsdóttir ÞH 133</strong> þegar Húnaströnd h/f keypti hann til Skagastrandar í mars 1978 og gerði bátinn út á færi og línu sem og rækju og skel. Húni var seldur í september 1981 til Hafnarfjarðar og fékk þá nafnið <strong>Haftindur HF 123</strong>. Eigendur Húnastrandar h/f voru Þorvaldur Skaftason og Ómar Jakobsson. Báturinn var talinn ónýtur og tekinn af skrá í október 1987."</em>
Skagaströnd - safn197
<p>Örvar Hu 21 var fyrsti frystitogari Íslendinga. Hann aflaði vel og Skagstrendingur hf, eigandi Örvars, gerðist stór hluthafi í fyrirtæki sem keypti lítið flutningaskip, Ísberg, og var það notað til að koma afurðum Örvars beint til kaupenda erlendis. Samstarfið stóð í nokkur ár en síðan var farið að flytja afurðirnar út í gámum og Ísbergið var selt. </p>
Óþekktur ljósmyndari228
Þessi höfn/bryggja var byggð rétt austan við Hólsnefið (syðsti oddi Höfðans) árið 1922. Sjómenn á Skagaströnd gáfu 130 dagsverk við bygginguna en Verslunarfélag Vinhælinga sá um fjármögnun að öðru leyti. Bryggjan var byggð úr hlöðnu grjóti en fremst var trékar sem var fyllt af grjóti. Fiskvinnsluhús voru svo beint upp af bryggjunni. Þetta var aðal (eina ?) bryggjan á Skagaströnd þar til höfnin var byggð 1934 -1935. Í dag sjást engin ummerki eftir bryggjuna. Báturinn á myndinni er líklega Magnús Jónsson Hu 29, sem var trilla í eigu Þorkels Magnússonar í Goðhól.
Skagaströnd - safn017
Bílafloti Sorphreinsunar Vilhelms Harðarsonar ehf utan við starfsstöð fyrirtækisins við Oddagötu 18.
Skagaströnd - safn018
Myndin er af skíðaskálanum í Spákonufelli. Þarna var skíðaparadís sem byggð var upp af samhentu áhugafólki með stuðningi sveitarfélags og fyrirtækja. Skíðamennska lagðist af þarna kringum árið 2000 m.a. vegna mjög hertra öryggiskrafna yfirvalda, sem gerðu gömlu skíðalyftuna nánast ónothæfa. Á myndinni er mikið um að vera í blíðviðri og margir á skíðum.
Óþekktur ljósmyndari295
Skagaströnd 1935 - 1940. Síldarskipin bíða eftir þjónustu, ker í byggingu í dráttarbrautinni og Hafnarhúsið er risið (1935).
Ólafur Bernódusson552
Steingrímur St. Sigurðsson (d. 21.4.2000) listmálari dvaldi um tíma á Skagaströnd og vann að list sinni. Á myndinni er hann á Oddagötu að mála.
Skagaströnd - safn119
Grafið fyrir grunni dvalarheimilisins Sæborgar við Ægisgrund. Guðmundur Björnsson mokar á vörubíl Sigurjóns Ástmarssonar. Ekki er vitað hvenær myndin var tekin en Sæborg var vígð 22. október 1988.
Skagaströnd - safn022
Sjórinn gengur yfir eyjuna og brimvörnina vestan við verksmiðjuna í slæmum veðrum - einkum í suðvestanátt. Nú hefur brimvörnin verið hækkuð og bætt til að minnka ágang sjávarins í höfninni.
Skagaströnd - safn257
Síðasta Kántrýhátíðin sem haldin var 2002 var afar fjölmenn en jafnframt afar blaut því það rigndi alla helgina. Fljótlega breyttust því tjaldsvæðin - sem voru út um allan bæ - í drullusvað eftir of mikla bílaumferð. Salernisaðstöðu var komið fyrir við öll tjaldsvæðin og hér er mynd af salernunum fyrir sunnan íþróttavöllinn. Þeim var haldið snyrtilegum og þau tæmd tvisvar - þrisvar á dag. Aftur á móti gekk erfiðlega að halda svæðinu kringum þau í góðu horfi eins og sést á þessari mynd.
Skagaströnd - safn100
Ólafur Magnússon Hu 54 við Skúffugarðinn. Ekki er vitað hvenær myndin var tekin en sennilega hefur það verið einhverntíma á árunum 1990 - 1996.
Skagaströnd - safn036
Grettir "hinn nýi" dýpkar í Skagastrandarhöfn árið 1978. Appelsínuguli pramminn við hlið hans var notaður til að flytja sandinn út úr höfninni en báturinn sem sér í aftan við Gretti dró prammann fram og til baka.
Ólafur Bernódusson564
Trillan Benni Ólafs Hu 10 með eiganda sinn Ólaf Bernódusson um borð.
Skagaströnd - safn077
Nýsmíðin Örvar Hu 21 var smíðaður í Slippstöðinni á Akureyri. Þar var skipið skírt og sjósett 1981 eða vorið 1982 og fóru margir Skagstrendingar norður til að vera viðstaddir. Þessi mynd var tekin í ófullgerðri brú skipsins af séra Pétri Þ. Ingjaldssyni (d. 1.6.1996), sem flytur bæn, og skipstjóranum Guðjóni Ebba Sigtryggssyni.
Skagaströnd - safn057
<p>1979 var útbúin byggingarlóð, með uppfyllingu, við Skúffugarðinn fyrir frystiklefa og hugsanlegt frystihús. Allir vörubílar á svæðinu voru kallaðir til enda þurfti að aka miklu efni á svæðið. Á þessari mynd eru bílarnir og eigendur þeirra fyrir framan þá. Frá vinstri: Sigurjón Ástmarsson, Jónas Skaftason, Gunnar Helgason (d. 19.10.2007), Hörður Ragnarsson, Kristinn Andrésson (d. 12.7.1991), Sigurgeir Jónasson og Hjálmar Pálsson (d. 28.12.2001). Á myndina vantar Adolf J. Berndsen sem var líka með vörubíl í þessari vinnu. </p>
Skagaströnd - safn098
Ludendorf Hu 46 með fána á sjómannadegi. Bátinn átti Ole Aamundsen í Lundi.
Skagaströnd - safn300
Jarðhitaleit í Hrafndal veturinn 1998. Boraðar voru nokkrar holur en árangurinn varð lítill sem enginn. Á myndinni eru Magnús Ólafsson (d. 23.7.2012) fremst til vinstri og Rúnar Jóhannsson til hægri. Milli þeirra sér í Karl Guðmundsson (d. 11.12.2011) en maðurinn með gula hjálminn er óþekktur.
Skagaströnd - safn108
Skagaströnd kringum 1950. Í portinu næst okkur, á milli kaupfélagshússins og skemmunnar, er kolabingurinn en kaupfélagið seldi kol eftir vigt. Yfir horn mjölskemmunnar, vinstra megin, sést hið merka hús Viðvík þar sem á árum áður var rekið gisti- og veitingahús. Til vinstri við Viðvík er svo Karlsminni en þar var eitt sinn rekin verslun um tíma. Myndina tók Björn Bergmann.
1
…
6
7
8
…
33
Leita í myndasafninu
Leita