Beint í efni
Skagaströnd.is
↗
Allar myndir
Atburðir
✕
Höfðahreppur 50 ára
✕
Flokkur
Annað
Atvinnumál
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Ferming
Forsetaheimsókn 1988 og undirbúningur
Hátíðir og fundir u.m.f. Fram
Íþróttamót
Jól
Kántrýhátíðir
Leiksýningar
Sjómannadagurinn
Slippurinn Vígður 1985
Tískusýning
Útimarkaður við gamla Kántrybæ
69 myndir
Flæði
Reitir
Skagaströnd - safn183
Jón Jónsson (d. 9.7.1991). Þessi mynd var tekin 28. júlí 1989. Þá var Jón í forsvari fyrir Skógræktarfélag Skagastrandar og þarna tók hann þátt í að gróðursetja 50 trjáplöntur á Hnappstaðatúninu sunnanverðu í tilefni af 50 ára afmæli Höfðahrepps.
Jón Jónsson 406
Höfðahreppur varð 50 ára 1989. Í tilefni af því voru ýmsir viðburðir á Skagaströnd. Þeirra á meðal var skemmtun og grill á tjaldsvæðinu 29. júlí. Á myndinni er Guðmundur Sigvaldason sveitarstjóri að hengja verðlaunapeninga um hálsinn á, frá vinstri: Heiðrúnu Níelsdóttur, Elvu Dröfn Árnadóttur og Guðjóni Hall Sigurbjörnssyni.
Ingibergur Guðmundsson 559
Sumarið 1989 hélt Höfðahreppur upp á 50 ára afmæli sitt með grillveislu á tjaldsvæðinu. Á myndinni er fólk að gæða sér á grilluðum pylsum og appelsínusafa. Sitjandi fólkið er, frá vinstri: Guðný Finnsdóttir, Ólína Sveinsdóttir, Jakob Jakobsson, Þorbjörg Eðvarðsdóttir, Sigríður Einarsdóttir, óþekkt, Ólafur Ingibjörnsson og Hrönn Árnadóttir. Konan í bláa jakkanum í baksýn er Vilborg Magnúsdóttir og maðurinn í blá jakkanum til hægri er Sigmar Jóhannesson (d.20.4.2000). Ef þú þekkir óþekktu stúlkuna milli Sigríðar og Ólafs, vinsamlega sendu okkur þá athugasemd.
Ingibergur Guðmundsson 558
Myndin var tekin á tjaldsvæðinu líklega sumarið 1989 þegar Höfðahreppur hélt upp á 50 ára afmæli sitt. Á henni leiðir Sólveig Gunnarsdóttir bróðurdóttur sína, Evu Dögg Bergþórsdóttur, eftir jafnvægisþrautinni.
Skagaströnd - safn149
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Á myndinni er sönghópur á sviðinu. Frá vinstri: Sigríður Gestsdóttir, Viggó Magnússon, Guðrún Guðbjörnsdóttir, Egill Bjarki Gunnarsson, Bára Þorvaldsdóttir, óþekktur, Helga Guðmundsdóttir, Fannar Viggósson, Guðrún Sigurðardóttir, Kristín Kristmundsdóttir, Þorvaldur Skaftason og Bóel Hallgrímsdóttir.
Jón Jónsson 404
Höfðahreppur varð 50 ára 1989. Í tilefni af því voru ýmsir viðburðir á Skagaströnd. Þeirra á meðal var skemmtun og grill á tjaldsvæðinu 29. júlí. Á þessari mynd er verið að afhenda blóm fyrir einhver afrek sem nú eru gleymd. Fullorðnu konurnar á myndinni eru, frá vinstri: Inga Lára Sigurðardóttir, Aðalheiður Harðardóttir og Árný Helgadóttir. Börnin eru: lengst til vinstri Guðrún Elsa Helgadóttir, milli Ingu Láru og Aðalheiðar sér í Árný Guðrún Ólafsdóttir. Milli Aðalheiðar og Árnýjar sést Elva Dröfn Árnadóttir. Ljóshærða stúlkan hægra megin við Árný er Heiðrún Níelsdóttir og lengst til hægri er Guðjón Hall Sigurbjörnsson.
Jón Jónsson 405
Höfðahreppur varð 50 ára 1989. Í tilefni af því voru ýmsir viðburðir á Skagaströnd. Þeirra á meðal var skemmtun og grill á tjaldsvæðinu 29. júlí. Á myndinni takast í hendur þau Árný Helgadóttir og Guðmundur Sigvaldason sveitarstjóri. Fremst á myndinni sér í Guðný Hjartardóttur (d. 14.3.2011) en konan í bláu úlpunni uppi á sviðinu er Bóel Hallgrímsdóttir. Aðrir eru óþekktir.
Árni Geir Ingvarsson - safn
Fánarnir þurrkaðir eftir notkun á ljósastaurum bæjarins.
Ingibergur Guðmundsson 557
Myndin var tekin við aparóluna á tjaldsvæðinu sumarið 1989 þegar haldið var upp á 50 ára afmæli Höfðahrepps. Þá hafði rólan verið sett upp nokkrum dögum fyrr og naut mikilla vinsælda hjá yngri kynslóðinni eins og sjá má á myndinni. Í rólunni er Arnar Ólafur Viggósson og drengurinn í appelsínugulu buxunum er Jónas Þorvaldsson. Aðrir á myndinni eru óþekktir en ef þú þekkir einhvern af þeim vinsamlega sendu okkur þá athugasemd.
1
2
Leita í myndasafninu
Leita