Beint í efni
Skagaströnd.is
↗
Allar myndir
Atburðir
✕
Flokkur
Annað
Atvinnumál
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Ferming
Forsetaheimsókn 1988 og undirbúningur
Hátíðir og fundir u.m.f. Fram
Höfðahreppur 50 ára
Íþróttamót
Jól
Kántrýhátíðir
Leiksýningar
Sjómannadagurinn
Slippurinn Vígður 1985
Tískusýning
Útimarkaður við gamla Kántrybæ
6.236 myndir
Flæði
Reitir
Guðrún Guðmundsdóttir 14
Myndin var tekin í sumarferð aldraðra um Austurland 25. - 28. júní 1991. Í ferðinni gisti hópurinn á Hótel Edda á Hallormsstað. Á þessari mynd er Guðbjartur Guðjónsson (d.23.9.1992) Vík á Skagaströnd að skoða Bingó -vinning sinn eftir að hafa grínast eitthvað með trúðagleraugu.
Árni Geir Ingvarsson - safn 1476
Lárus Ægir Guðmundsson til vinstri og Jónmundur Ólafsson (d.19.4.2017) til hægri skemmta sér í Kjalarlandsrétt einhverntíma kringum 2010.
2001114
Þessi illa lýsta mynd var tekin á leikárinu 1982 - 1983. Á henni eru leikarar í sýningu Leikklúbbs Skagastrandar á verkinu: Er þetta ekki mitt líf ? á sviðinu í Fellsborg. Frá vinstri: Magnús Blöndal, Þorvaldur Skaftason, Vilmundur Árnason, Guðný Sigurðardóttir, Eðvarð Hallgrímsson, Díana Kristjánsdóttir, Karl Lúðvíksson, Guðbjörg Viggósdóttir, Ólafur Bernódusson, Magnús B. Jónsson, Guðjón Sigurvaldason leikstjóri, Elín Njálsdóttir, Kristján Blöndal og Ágústa Friðriksdóttir.
Guðrún Guðmundsdóttir 043
Farin var sumarferð aldraðra í A-Húnavatnssýslu um Norðausturland dagana 21. - 24. júní 1993. Gist var á Hótel Tanga í Vopnafirði. Á myndinni er hópurinn, sem fór ferðina, búinn að stilla sér upp framan við Burstafell í Vopnafirði.
2001130
Leikárið 1980 - 1981 setti Leikklúbbur Skagastrandar á svið leikritið Stalin er ekki hér, undir leikstjórn Sögu Jónsdóttur. Á myndinni eru Ólafur Bernódusson til vinstri og Magnús B. Jónsson til hægri í hlutverkum sínum í verkinu.
Ljósmyndakeppni 2022 97
Í maí - júní 2022 stóð Gleðibankinn fyrir opinni ljósmyndakeppni. Gefin voru upp sex þemu/verkefnaflokkar og áttu keppendur að senda inn eina mynd í hverjum flokki. Ekki var skylda að taka þátt í öllum flokkunum. Þriggja manna valnefnd valdi síðan fimm bestu myndirnar í hverjum flokki, sem voru síðan prentaðar í A 3 stærð. Þær myndir voru svo sýndar í Bjarmanesi og Fellsborg sinn hvorn daginn. Um 200 manns kom á sýninguna og kaus bestu mynd í hverjum flokki. Þessa mynd tók Katiy Heath og sendi inn í flokkinn "Skuggi/skuggar".
20250725_143237
25. júlí 2025 afhenti Minningasjóðurinn um hjónin frá Vindhæli og Garði hjúkrunarheimilinu Sæborg lítinn opinn rafmagnsbíl til að hægt væri að fara með heimilisfók rúnt um bæinn á góðviðrissdögum. Á myndinni eru, frá vinstri: Eydís Inga Sigurjónsdóttir deildarstjóri, Hólmfríður Pálsdóttir, Bragi Bragason, Margét Alda Magnúsdóttir, Sigríður Magnúsdóttir, Ottó Tulinius, Kristbjörg Ragnheiðardóttir, Þórleif Sigurðardóttir, Guðbjörg Eiríksdóttir, Lýður Hallbertsson og Vilhjálmur Skaftason.
Guðrún Guðbjörnsdóttir132
Myndin var tekin í París þegar nokkrir Skagstrendingar voru þar á ferðalagi. Ekki er vitað hvenær. Vinstra megin við borðin eru Jón Ingi Ingvarsson og kona hans Laufey Ingimundardóttir (d.31.12.1992). Móti Laufey situr Guðrún Garðarsdóttir, Gylfi Sigurðsson við hlið hennar og Birgir Þórbjarnarson er næst okkur á myndinni.
Ólafur Bernódusson1108
Myndin var tekin í maí 1996 þegar félagskonur í kvenfélaginu Eining héldu upp á afmæli félagsins. Myndin var tekin á hótel Dagsbrún. Á henni er Lárus Ægir Guðmundsson framkvæmdastjóri Hólaness hf að færa félaginu afmælisgjöf. Steinunn Grímsdóttir veitir gjöfinni móttöku. Birna Blöndal (d.26.10.2018) situr framan við þau en aðrar konur á myndinni eru óþekktar.
Ingibergur Guðmundsson 588
Sindri Njáll Hafþórsson og Kritbjörg Una Guðmundsdóttir keppa á hoppubelgjum á flippíþróttadegi í Höfðaskóla. Hoppubelgirnir voru ein af þrautunum sem nemendurnir þurftu að fara í gegnum á deginum. Allt var þar í gamni gert þannig að ekki var um raunverulega íþróttakeppni að ræða.
Guðrún Guðmundsdóttir 033
Vorið 1991 fór hópur eldri borgara í heimsókn til jafnaldra sinna á Blönduósi til að hlýða á ferðakynningu Sigurðar Guðmundssonar. Þá var þessi mynd tekin af Ástu Bjarnadóttur (d.15.6.2008) frá Hornafirði en seinna á Sæborg á Skagaströnd til vinstri og Guðnýju Finnsdóttur frá Skrapatungu, seinna Skagaströnd, til hægri að dansa.
Guðrún Guðmundsdóttir 028
Myndin var tekin í sumarferð aldraðra um Austurland 25. - 28. júní 1991. Í ferðinni gisti hópurinn á Hótel Edda á Hallormsstað. Á þessari mynd eru Elísabet Sigurgeirsdóttir (d.11.11.2015) fararstjóri og Ólafur Pálsson (d.26.3.2004) frá Björgum að fá sér kaffi á leiðinni í samkeppni við mývarginn.
Ólafur Bernódusson1079
Myndin var tekin á Kántrýhátíð í ágúst 1996. Á henni brunar Gunnar Hafdal á vélsleða sínum á sjónum í höfninni. Hann lagði upp í fjörunni neðan við rækjuvinnsluna og ók á fullri ferð upp í fjöruna, sem þá var sunnan við fiskmarkaðinn, um eins kílómetra leið. Hér var sýningaratriði að ræða, sem var töluvert áhættuatriði. Gunnar var óhræddur við að taka áhættu varð t.d. eitt sumarið Íslandsmeistari í jeppatorfæru.
Ólafur Bernódusson1109
Myndin var tekin í maí 1996 á útivistardegi Höfðaskóla. Eitt af verkefnum dagsins var að nemendur drógu bíldruslu gegnum bæinn frá höfninni og að sorpmóttökunni við Fjörubraut. Á þessari mynd eru krakkarnir að byrja að draga upp brekkuna frá höfninni.
Ólafur Bernódusson1245
Myndin var tekin í skíðaskálanum 14. maí 1993. Þá borðaði starfsfólk Höfðaskóla saman þar ásamt mökum sínum og gerði sér glaðan dag. Fólkið á myndinni eru kennararnir Carl Erik Lehman Jakobsen og Unnur Kristjánsdóttir (d.19.6.2023).
2001007
Ekki er vitað hvar þessi mynd var tekin af skátastúlkum úr Sigurfara á Skagaströnd og Bjarma á Blönduósi ásamt félagsforingjunum Þórði Jónssyni og Gunnhildi Þórmundsdóttur (með gleraugu). Myndin var líklega tekin einhverntíma á árunum 1960 - 1964. Á henni eru í efstu röð frá vinstri: óþekkt, Sigrún Kristófersdóttir, Halla Björg Bernódusdóttir,Guðrún Þórbjarnardóttir, Þórunn Bernódusdóttir, Pálfríður Benjamínsdóttir, ?Helga Ólafsdóttir?, óþekkt, Hrafnhildur Jóhannsdóttir,Fjóla Jónsdóttir, og ?Birna Guðjónsdóttir?. Allar í miðröð og þær sem krjúpa eru óþekktar nema Ingibjörg Kristinsdóttir sem krýpur önnur frá hægri í frmstu röð.
Jónas 45
Leikárið 1978 - 1979 setti Leikklúbbur Skagastrandar á svið leikritið Hart í bak eftir Jökul Jakobsson í leikstjórn Ragnheiðar Steingrímsdóttur. Á myndinni eru í hlutverkum sínum, frá vinstri: Jón Helgi Eiðsson, Magnús B. Jónsson og Birna Blöndal (d.26.10.2018).
Ingibergur Guðmundsson 599
Ingibergur Guðmundsson skólastjóri bíður gesti velkomna og rifjar upp 60 ára sögu Höfðaskóla í afmælishátíð í skólanum 7. nóvember 1999. Á veggnum aftan við Ingiberg er veggspjald með stiklum úr sögu skólans.
Ólafur Bernódusson1120
Myndin var tekin í afmælishófi í Fellsborg þegar félagar í Leikklúbbi Skagastrandar, ásamt mökum, héldu upp á 20 ára afmæli klúbbsins í desember 1995 með kaffi- og skemmtikvöldi. Fyrir kvöldið var búið að skipta félögunum í hópa sem allir áttu að koma með eitt frumsamið skemmtiatriði. Einnig þurftu allir að mæta með einhvers konar höfuðfat. Á þessari mynd er einhvert atriði í gangi sem áhorfendur kunna að meta. Þeir eru, frá vinstri: Birna Blöndal (d.26.10.2018), Adolf H. Berndsen, Elín Njálsdóttir og Steindór R. Haraldsson.
Ólafur Bernódusson1131
Myndin var tekin í apríl 1996 þegar brúðuleikhús kom í heimsókn til nemenda í Höfðaskóla og úr leikskólanum Barnaból. Auk barnanna á myndinni er hægt að finna nokkra kennara: Guðrúnu Sigurðardóttur, Birnu Blöndal (d.26.10.2018), Helgu Ólínu Aradóttur, Guðrúnu Hrólfsdóttur og Þórunni Bernódusdóttur. Þú verður sjálf/ur að finna konurnar og þau börn sem þú þekkir á myndinni.
Ólafur Bernódusson1041
Myndin var tekin á brunaæfingu í Höfðaskóla í desember 1992. Þá er skólinn yfirgefinn eftir ákveðnu kerfi eftir því hvar hver og einn er staddur í byggingunni ef eldur kemur upp. Þegar út er komið raða allir sér upp með bekknum sínum og kennarinn telur hvort ekki séu allir komnir út og tilkynnir skólastjóra og eða slökkvistjóra. Á myndinni eru nemendur að forða sér niður stiga við svalirnar sunnan á skólanum.
Árni Geir Ingvarsson - safn 1516
Myndin var tekin á einhverri Kántrýhátíð eða Kántrýdögum í samkomutjaldinu þar sem karlakór syngur fyrir gesti. Frá vinstri: Skarphéðinn Einarsson með gítar, Hafór Smári Gylfason, Þórarinn Grétarsson, Gylfi Sigurðsson, Magnús Líndal Þrastarson, óþekktur, Sigurður Bjarnason (d.16.5.2022), Halldór Gunnar Ólafsson, Ólafur Bernódusson, Árni Ólafur Sigurðsson, Sigurjón Guðbjartsson og Stefán Jósefsson. Við píanóið er Benedikt Blöndal.
Guðrún Guðmundsdóttir 069
Myndin var tekin 1987 eða 1988 af þáverandi oddvita á Skagaströnd, Adolf J. Berndsen (d.27.8.2018). Á henni er Adolf í kaffisamsæti á hótel Dagsbrún sem haldið var í tilefni af heimsókn eldri borgara frá Hvammstanga til jafnaldra sinna á Skagaströnd.
Ólafur Bernódusson1106
Myndin var tekin í maí 1996 þegar félagskonur í kvenfélaginu Eining héldu upp á afmæli félagsins. Myndin var tekin á hótel Dagsbrún. Á henni er Soffía Lárusdóttir (d.31.3.2010) að halda ræðu. Aðrar kvenfélagskonur á myndinni eru, frá vinstri: Íris Valgeirsdóttir, Guðrún Magnúsdóttir, Kristín Ólafsdóttir með barn í fanginu, Ása Jóhannsdóttir (fjær), tvær óþekktar konur og Hjördís Sigurðardóttir.
Ingibergur Guðmundsson 482
Í allmörg ár var haldið Norræna skólahlaupið í skólum á Íslandi. Þessi mynd var tekin haustið 1984 þegar yngri nemendur Höfðaskóla eru að búa sig undir að hlaupa. Maðurinn með húfuna er Jón S. Pálsson skólastjóri. Í rauðum anorak vinstra megin við hann er Björk Axelsdóttir kennari. Konan í hvíta íþróttajakkanum er Guðrún Guðmundsdóttir kennari. Börnin eru, frá vinstri: Guðmundur Henry Stefánsson, óþekkt, Berglind Karlsdóttir?, Svanur Árnason, Börkur Árnason, Jónas Fanndal Þorvaldsson, Viggó Maríasson?(næst), Anna Dröfn Guðjónsdóttir (fjærst), tvö óþekkt á milli Viggós og Önnu, Hólmfríður Anna Ólafsdóttir, Áslaug/Vilborg Jóhannsdóttir í rauðri úlpu og Áslaug/Vilborg Jóhannsdóttir í blárri úlpu. Framan við þær systur eru óþekkt börn. Strákur í brúnni úlpu með blá vettlinga er líklega Kristján Gunnar Guðmundsson og við hlið hans í blárri úlpu með röndótta húfu er Þorlákur Ómar Guðjónsson. Í blárri peysu og rauðum buxum er Hafdís Hrund Ásgeirsdóttir?. Við hlið Jóns skólastjóra, rauðklædd með gleraugu, er Særún Níelsdóttir og framan við hana er systir hennar Bjarnhildur Hrönn Níelsdóttir. Strákurinn með hvítu vettlingana er Steinþór Karlsson. Önnur frá hægri er Arna Guðrún Jónsdóttir og lengst til hægri er Sigríður Margrét Oddsdóttir. Ef þú þekkir einhvert óþekktu barnanna vinsamlega sendu okkur þá athugasemd.
Ólafur Bernódusson1186
Kynnar á árshátíð Höfðaskóla í Fellsborg 2017. Hallbjörg Jónsdóttir til vinstri og Birgitta Rut Bjarnadóttir til hægri.
Jónas 57
Leikárið 1978 - 1979 setti Leikklúbbur Skagastrandar á svið leikritið Hart í bak eftir Jökul Jakobsson í leikstjórn Ragnheiðar Steingrímsdóttur. Á myndinni eru Hallbjörn Hjartarson (d.2.9.2022) sitjandi og Guðmundur Haukur Sigurðsson í hlutverkum sínum.
Ingibergur Guðmundsson 414
Myndin var tekin 1987 þegar Jane Sillar er að kenna Önnu Dröfn Guðjónsdóttur að spila á píanó í Höfðaskóla.
Ólafur Bernódusson1056
Myndin var tekin í lok maí 1997 á útivistardegi Höfðaskóla. Kennararnir og annað starfsfólk klæddi sig í búninga og síðan var gengið um bæinn og farið í leiki á Hnappstaðatúninu. Á þessari mynd er verið að fylkja liði utan við skólann áður en lagt er af stað. Eins og sjá má eru kennararnir skrautlega klæddir.
Gréta 041
Hjörtur Guðbjartsson leikur á trommurnar og Þorvaldur Skaftason á gítar í einhverri óþekktri hljómsveit á dansleik, líklega í Fellsborg. Ekki er vitað hvenær myndin var tekin.
Ingibergur Guðmundsson 562
Lengi var hefð fyrir því í Höfðaskóla að starfsfólkið hittist að kvöldi síðasta vinnudags fyrir jól og borðaði saman hangikjöt í skólanum. Myndin er frá einu slíku kvöldi líklega kringum 1995. Fólkið á myndinni er, frá vinstri: Hafþór Freyr Sigmundsson, Súsanna Þórhallsdóttir, Hjálmfríður Guðjónsdóttir, Bryndís Guðjónsdóttir, Helga Ólína Aradóttir, Ólafur Bernódusson, Hjördís Bára Þorvaldsdóttir (d.7.2.2022) og Sigurbjörg Árdís Indriðadóttir.
Ingibergur Guðmundsson 401
Íþróttastrákar úr Höfðaskóla á skólamóti í Húnavöllum veturinn 1987. Aftari röð, frá vinstri: Sigvaldi Guðmundsson, Þorlákur Sigurður Sveinsson, Skúli Tómas Hjartarson og Óskar Óskarsson. Í fremri röð, frá vinstri: Halldór Gunnar Ólafsson, Brynjar Pétursson, Hólmgeir Kristmundsson og Stefán Sveinsson.
Ljósmyndakeppni 2022 94
Í maí - júní 2022 stóð Gleðibankinn fyrir opinni ljósmyndakeppni. Gefin voru upp sex þemu/verkefnaflokkar og áttu keppendur að senda inn eina mynd í hverjum flokki. Ekki var skylda að taka þátt í öllum flokkunum. Þriggja manna valnefnd valdi síðan fimm bestu myndirnar í hverjum flokki, sem voru síðan prentaðar í A 3 stærð. Þær myndir voru svo sýndar í Bjarmanesi og Fellsborg sinn hvorn daginn. Um 200 manns kom á sýninguna og kaus bestu mynd í hverjum flokki. Þessa mynd tók Rósa Björg Högnadóttir og sendi inn í flokkinn "Náttúra".
Guðrún Guðbjörnsdóttir122
Ekki er vitað hvenær þessi mynd var tekin en á henni eru prestshjónin og kirkjukór Hólaneskirkju á góðri stund. Frá vinstri: séra Pétur Þ. Ingjaldsson (d.11.6.1996), Dómhildur Jónsdóttir (d.18.10.2012) kona hans, Aðalheiður Guðmundsdóttir (d.24.9.2011), Guðmundur Kr. Guðnason (d.21.11.1988), Georg Rafn Hjartarson (d.13.9.2001), Guðrún Guðbjörnsdóttir, Helga Hermannsdóttir, Einar Helgason, Hildigunnur M. Jóhannsdóttir (d.1.1.1996), Sigrún Lárusdóttir (nær), óþekktur (fjær), Hjördís Bára Þorvaldsdóttir (d.7.2.2022), Helga Guðmundsdóttir, Guðrún Sigurðardóttir, Dagný Hannesdóttir (nær), óþekktur (fjær), Sævar Bjarnason og Kristján Hjartarson (d.2.8.2003) stjórnandi kórsins.
Ólafur Bernódusson1249
Anna Dröfn Guðjónsdóttir nær okkur og Soffía Lárusdóttir fjær spila fjórhent á píanó í Höfðaskóla á vortónleikum tónlistarskólans líklega kringum 1990. Til vinstri er kennarinn þeirra, Steinunn Berndsen.
2001120
Á leikárinu 1981-1982 setti Leikklúbbur Skagastrandar upp leikritið Olympíuhlauparinn undir leikstjórn Ragnhildar Steingrímsdóttur. Á myndinni eru leikararnir Bjarnhildur Sigurðardóttir og Karl Berndsen í hlutverkum sínum.
Fisk Seafood - safn 273
Myndin var tekin 7. apríl 1982 í hófi í Fellsborg af tilefni þess að frystitogarinn Örvar HU 21 kom til heimahafnar á Skagaströnd þann dag í fyrsta sinn. Á myndinni eru hjónin Una D. Kristjánsdóttir og séra Oddur Einarsson að spjalla við Kára Kristjánsson (d.11.12.1990). Til vinstri sér í Indriða Hjaltason (d.2.4.2006) og til hægri er Snorri Gíslason (d.29.5.1994).
Ingibergur Guðmundsson 469
Myndin var tekin í maí 1985 þegar elstu nemendur Höfðaskóla voru að klára skólagöngu sína í þar. Skólastjórinn Jón Sveinn Pálsson ávarpar nemendurna. Á myndinni eru, frá vinstri: baksvipur Stefáns Ægis Lárussonar, Þráinn Bessi Gunnarsson., baksvipur Davíðs Reynissonar (nær), óþekktur (fjær), Jón skólastjóri, tvö óþekkt og Sigríður Ásgeirsdóttir.
Ingibergur Guðmundsson 480
Vatnið í skíðakálanum þykir mjög gott. það er tekið úr lind norðan og ofan við skálann. Á myndinni, sem tekin var snemma vorið 1985, eru menn að grafa skurð að lindinni og koma fyrir safngeymi og plaströri frá honum að skálanum. Mennirnir á myndinni eru, frá vinstri: Ingibergur Guðmundsson, Magnús B. Jónsson, Halldór Gunnar Ólafsson og Ólafur Bernódusson.
Guðrún Guðmundsdóttir 13
Myndin var tekin í sumarferð aldraðra um Norðurland 12. - 15. júní 1990. Í ferðinni gisti hópurinn á Húsavík. Á þessari mynd eru systurnar Sigurlaug Valdimarsdóttir (d.26.9.2000) Blönduósi til vinstri og Jónína Valdimarsdóttir (d.12.3.2020) Kárastöðum til hægri.
Ólafur Bernódusson1190
Helena Mara Velemir kynnir næsta atriði á dagskrá árshátíðar Höfðaskóla í Fellsborg. Ekki er vitað hvaða ár myndin var tekin en líklega var það kringum 2006.
Ingibergur Guðmundsson 590
Drengurinn á myndinni er óþekktur. Þarna er hann að fara gegnum jafnvægisþraut á flippíþróttadegi Höfðaskóla. Ef þú þekkir hann vinsamlega sendu okkur þá athugasemd.
Ólafur Bernódusson1095
Arnar Hu 1 í heimahöfn í fyrsta sinn í lok mars 1996. Arnar keypti Skagstrendingur hf af rússneskum aðilum þar sem skipið var gert út til veiða við strendur Kóreu. Þaðan var honum siglt til Vigo á Spáni þar sem gerðar voru miklar breytingar á skipinu. Arnar hefur alla tíð reynst hið mesta happaskip og er enn gert út en nú undir merkjum Fisk Seafood á Sauðárkróki.
Ólafur Bernódusson1233
Ekki er vitað hvenær þessi mynd var tekin en líklega var það kringum 1990. Krakkarnir eru að bíða eftir að fá grillaða pylsu á útivistardegi í Höfðaskóla. Strákurinn með skyggnið er Kristján Gunnar Guðmundsson og vinstra megin við hann er Steinþór Karlsson. Strákurinn sem hallar sér út úr röðinni, nær okkur, er óþekktur en aftan við hann er Birkir Rafn Gíslason. Aðrir á myndinni eru óþekktir en ef þú þekkir einhvern vinsamlega sendu okkur þá athugasemd.
2001029
Ekki er vitað í hvaða leikriti þetta fólk er að leika en líklega var það annað hvort Tengdamamma, í leikstjórn Bernódusar Ólafssonar, eða Þvaðrið í leikstjórn Þóreyjar Jónsdóttur en þau voru sett upp 1959 og 1961 í gömlu Tunnunni. Leikararnir eru, frá vinstri: Guðmunda Árnadóttir og Bernódus Ólafsson.
Ingibergur Guðmundsson 422
Á myndinni, sem er tekin vorið 1987, eru menn að moka upp vírinn í toglyftunni á skíðasvæðinu í Spákonufellinu. Vírinn fennti stundum á kaf og þá var ekki um annað að ræða en að moka hann upp með handafli til að hægt væri að fara á skíði. Oft var þetta mikið verk og þreytandi en skíðadeildarmenn töldu það ekki eftir sér til að geta stundað þetta áhugamál sitt. Mennirnir á myndinni eru, frá vinstri: Ólafur Bernódusson, Magnús B. Jónsson og Steindór R. Haraldsson.
Guðrún Guðbjörnsdóttir127
Sú hefð hefur myndast að kór sjómanna = karlakór syngi við messuna á sjómannadegi í Hólaneskirkju. Á þessari mynd er sjómannakórinn sem söng á sjómannadaginn 11. júní 1995. Mennirnir eru frá vinstri, fremri röð: Björgvin Karlsson, Árni Ólafur Sigurðsson, Sigurjón Guðbjartsson, Stefán Jósefsson, Ástmar Kári Ástmarsson, Gylfi Sigurðsson og Þórarinn Grétarsson. Aftari röð frá vinstri: Karl Guðmundsson (d.11.12.2011), Sigurður Skagfjörð Bjarnason (d.16.5.2022), Halldór Gunnar Ólafsson, Sigmar Jóhannesson (d.20.4.2000) og Hafþór Smári Gylfason. Stjórnandi kórsins og undirleikari Ingibjörg Pálsdóttir stendur fremst til hægri.
Guðrún Guðmundsdóttir 035
Eldri borgarar í Austur Húnavatnssýslu fóru í sumarferð 9. - 12. júní 1992. Farið var yfir Kjöl og ýmsir staðir á suðurlandi skoðaðir. Á myndinni er Fanney Halldórsdóttir (d.21.6.2005) frá Sviðningi. Ekki er vitað hvar myndin var tekin.
2001122
Á leikárinu 1981-1982 setti Leikklúbbur Skagastrandar upp leikritið Olympíuhlauparinn undir leikstjórn Ragnhildar Steingrímsdóttur. Á myndinni eru Guðmundur Haukur Sigurðsson og Anna Jóna Geirsdóttir í hlutverkum sínum.
Ólafur Bernódusson1132
Myndin var tekin í desember 1995 á eldvarnardegi í Höfðaskóla. Magnús Ólafsson (d.23.7.2012) þáverandi slökkviliðsstjóri til hægri að spjalla við nemendur. Reykkafarinn til vinstri er líklega Gunnar Stefánsson slökkviliðsmaður. Börnin á myndinni eru, frá vinstri: Almar Freyr Fannarsson (nær), óþekkt, Bára Þorvaldsdóttir (d.7.2.2022) kennari, Maríanna Ástmarsdóttir, Sigþór Ottó Hallgrímsson (fjær), Ívar Kristberg Einarsson (nær) og Guðmundur Ingi Ólafsson (d.8.11.2006).
Guðrún Guðmundsdóttir 095
Guðbjartur Guðjónsson (d.23.9.1992) les upp á kvöldvöku í Reykjanesi við Ísafjarðardjúp á öldrunarmóti þar 16.- 20. ágúst 1988. Mótið sótti hópur eldri borgara úr Húnavatnssýslu.
Ólafur Bernódusson1240
Myndin var tekin uppi á Jörundarfelli í Vatnsdal þegar þyrla frá ameríska flughernum var að koma með endurvarpa sem var komið þar fyrir. Björgunarsveitamenn af norðurlandi vestra sáu um að koma honum fyrir á sínum stað sem þeir höfðu undirbúið viku áður. Karlarnir voru síðan fluttir í þyrlunni niður af fjallinu eftir að vinnu við endurvarpann lauk.
Ljósmyndakeppni 2022 9
Í maí - júní 2022 stóð Gleðibankinn fyrir opinni ljósmyndakeppni. Gefin voru upp sex þemu/verkefnaflokkar og áttu keppendur að senda inn eina mynd í hverjum flokki. Ekki var skylda að taka þátt í öllum flokkunum. Þriggja manna valnefnd valdi síðan fimm bestu myndirnar í hverjum flokki, sem voru síðan prentaðar í A 3 stærð. Þær myndir voru svo sýndar í Bjarmanesi og Fellsborg sinn hvorn daginn. Um 200 manns kom á sýninguna og kaus bestu mynd í hverjum flokki. Þessa mynd tók Signý Ósk Richter og sendi inn í flokkinn "Gamalt". Myndin var ein af fimm sem valnefndin valdi á sýninguna í þessum flokki. Gestir sem komu á sýninguna völdu þessa mynd sem þá bestu í gamalt-flokknum.
Ingibergur Guðmundsson 509
Á myndinni, sem tekin var 1984, eru þeir Guðmundur Haukur Sigurðsson til vinstri og Kári Lárusson til hægri í eldhúsinu á Kárastöðum (Bankastræti 5) í tilefni af 70 ára afmæli Kára Kristjánssonar (d.11.12.1990).
Ljósmyndakeppni 2022 51
Í maí - júní 2022 stóð Gleðibankinn fyrir opinni ljósmyndakeppni. Gefin voru upp sex þemu/verkefnaflokkar og áttu keppendur að senda inn eina mynd í hverjum flokki. Ekki var skylda að taka þátt í öllum flokkunum. Þriggja manna valnefnd valdi síðan fimm bestu myndirnar í hverjum flokki, sem voru síðan prentaðar í A 3 stærð. Þær myndir voru svo sýndar í Bjarmanesi og Fellsborg sinn hvorn daginn. Um 200 manns kom á sýninguna og kaus bestu mynd í hverjum flokki. Þessa mynd tók Kristinn Rúnar Kristjánsson og sendi inn í flokkinn "Gamalt".
Ingibergur Guðmundsson 465
Kristjana Jónsdóttir og Jón Arnar Arnarsson sigurvegarar í sínum aldursflokki á 17. júní móti umf Fram 1985. Í baksýn, frá vinstri: Heimir Guðmundsson, Sigfús Jónsson, Rúnar loftsson, Bjarney Valdimarsdóttir (fjær), tveir óþekktir (nær), Arnar Arnarsson (fjær), óþekktur og Erla María Lárusdóttir.
2001115
Á leikárinu 1981-1982 setti Leikklúbbur Skagastrandar upp leikritið Olympíuhlauparinn undir leikstjórn Ragnhildar Steingrímsdóttur. Á myndinni er Ragnhildur, sem snýr baki í okkur, að gefa leikurunum leiðbeiningar á æfingu. Leikararnir eru, frá vinstri Anna Jóna Geirsdóttir, Jónas Baldursson, Ágústa Friðriksdóttir, Þorvaldur Skaftason, Karl Berndsen, Anna Sjöfn Jónasdóttir og Bjarnhildur Sigurðardóttir.
Ingibergur Guðmundsson 375
Tvíburasysturnar Vilborg og Áslaug Jóhannsdætur eru eineggja tvíburar og mjög líkar. Báðar voru þær góðar í íþróttum. Á þessari mynd frá 1988 er önnur hvor þeirra systra með verðlaunagrip eftir íþróttamót USAH á Skagastrandarvelli.
2001123
Á leikárinu 1981-1982 setti Leikklúbbur Skagastrandar upp leikritið Olympíuhlauparinn undir leikstjórn Ragnhildar Steingrímsdóttur. Á myndinni eru leikararnir Guðmundur Haukur Sigurðsson til vinstri og Hallbjörn J. Hjartarson til hægri í hlutverkum sínum.
Ljósmyndakeppni 2022 7
Í maí - júní 2022 stóð Gleðibankinn fyrir opinni ljósmyndakeppni. Gefin voru upp sex þemu/verkefnaflokkar og áttu keppendur að senda inn eina mynd í hverjum flokki. Ekki var skylda að taka þátt í öllum flokkunum. Þriggja manna valnefnd valdi síðan fimm bestu myndirnar í hverjum flokki, sem voru síðan prentaðar í A 3 stærð. Þær myndir voru svo sýndar í Bjarmanesi og Fellsborg sinn hvorn daginn. Um 200 manns kom á sýninguna og kaus bestu mynd í hverjum flokki. Þessa mynd tók Guðbjörg Viggósdóttir og sendi inn í flokkinn "Gamalt". Myndin var ein af fimm sem valnefndin valdi á sýninguna í þessum flokki.
1
…
100
101
102
103
104
Leita í myndasafninu
Leita