Beint í efni
Skagaströnd.is
↗
Allar myndir
Atburðir
✕
Flokkur
Annað
Atvinnumál
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Ferming
Forsetaheimsókn 1988 og undirbúningur
Hátíðir og fundir u.m.f. Fram
Höfðahreppur 50 ára
Íþróttamót
Jól
Kántrýhátíðir
Leiksýningar
Sjómannadagurinn
Slippurinn Vígður 1985
Tískusýning
Útimarkaður við gamla Kántrybæ
6.236 myndir
Flæði
Reitir
Ólafur Bernódusson474
Ástin sigrar er leikrit eftir Ólaf Hauk Símonarson. Leikritið var sýnt á vegum Leikklúbbs Skagastrandar árið 1990 undir leikstjórn Harðar Torfasonar. Þessir tveir ungu menn koma að sýningunni Skúli Tómas Hjartarson til vinstri og Guðjón Árnason til hægri.
Hjördís Sigurðardóttir - safn016
Myndin var tekin einhverntíma á árunum 1984 -1986 þegar Sigfús Jónsson, sem er lengst til vinstri á þessari mynd, var sveitarstjóri á Skagaströnd áður en hann tók við embætti bæjarstjóra á Akureyri. Með honum á myndinni eru, frá vinstri, hreppsnefndarmennirnir: Adolf J. Berndsen (d.27.8.2018) oddviti, Guðmundur Haukur Sigurðsson og Gylfi Sigurðsson.
Leikklúbbur Skagastrandar - safn031
Leikárið 1979 - 1980 setti Leikklúbbur Skagastrandar á svið leikritið Gísl í leikstjórn Ragnhildar Steingrímsdóttur (d. 25.6.2009). Þetta var fjölmenn sýning og vel heppnuð sem var sýnd á Fellsborg og nágrannabyggðunum ásamt því að farið var með verkið suður á land og það sýnt í félagsheimili Seltjarnarness. Á myndinni - sem var sett saman úr tveimur myndum löngu fyrir tilveru Photoshop - er Bernódus Ólafsson (d. 18.9.1996) í hlutverki sínu sem létt ruglaður írskur herforingi en hesturinn kom ekkert fram í sýningunni. Myndina gerði Jónas Baldursson.
Ólafur Bernódusson512
Á þessari mynd er einn aldursflokkur stúlkna búinn að hlaupa í víðavangshlaupi Landsbankans í maí 1993. Þarna er verið að afhenda verðlaun fyrir hlaupið. Frá vinstri í röðinni eru: Heiðrún Ósk Níelsdóttir, Kristrún Linda Jónasdóttir, Birna Ágústsdóttir, óþekkt og Sigrún Líndal á efsta palli. Aðrir á myndinni eru óþekktir.
Leikklúbbur Skagastrandar - safn001
Leikarar í Sumastofunni eftir Kjartan Ragnarsson á einni af fyrstu æfingunum á leikritinu í kennslustofu í Höfðaskóla. Frá vinstri á myndinni eru: Sigrún Jónsdóttir(standandi), Dagný Sigmarsdóttir, Guðmundur Haukur Sigurðsson, Guðbjörg Gylfadóttir, Hallbjörg Jónsdóttir (fjær), Elín Njálsdóttir (nær), og Sigurbjörg Árdís Indriðadóttir. Leikritið var sýnt leikárið 1984 - 85.
Kvenfélagið Eining - safn067
Í maí 1985 hélt kvenfélagið Eining tískusýningu í Fellsborg þar sem konur sýndu nýjustu fatalínurnar. Á myndinni er fyrirsætan Hjördís Sigurðardóttir.
Ólafur Bernódusson541
Myndin var tekin á vormóti Bridgeklúbbs Skagastrandar vorið 1995 í Fellsborg. Á myndinni spila Ingibergur Guðmundsson (vinstra megin) og Gunnar Sveinsson við óþekkta andstæðinga. Vormót Bridgeklúbbsins nutu nokkurra vinsælda en á þau komu spilarar víða að á svæðinu frá Akureyri til Hvammstanga.
Ólafur Bernódusson529
Rauðakrossdeildin á Skagaströnd kynnti starfsemi sína utan við Samkaup 10. desember 1994 í tilefni af 75 ára afmæli RKÍ. Fullorðnu mennirnir á myndinni eru frá vinstri: Ingibergur Guðmundsson, Þröstur Líndal, Pétur Eggertsson (nær) og Jónas Jónasson.
Skagaströnd - safn145
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Á þessari mynd er fólk að fylgjast með skemmtiatriðum á sviðinu.
Óþekktur ljósmyndari334
Þessi mynd var tekin af heiðurfélögum umf Fram á 30 ára afmæli félagsins 1956. Frá vinstri: hjónin Halldóra Pétursdóttir (d. 23.12.1987) og Steingrímur Jónsson (d. 15.1.1992) frá Höfðakoti, Sigurður Guðlaugsson (d. 19.7.1992 ) frá Hafursstöðum og Guðrún Helgadóttir (d. 15.4.1987) frá Karlsskála. Ekki er víst að Sigurður hafi verið heiðurfélagi en hann var einn af stofnendum félagsins.
Óþekktur ljósmyndari227
Þórður Jónsson (d.25.12.2009) til vinstri og Ingólfur Ármannsson til hægri á skátamóti að Hólum í Hjaltadal sumarið 1964. Þeir tveir voru félagsforingjar, hvor á eftir öðrum, í Sigurfara sem var skátafélagið á Skagaströnd.
Guðmundur Guðnason180
Alþingishátíð var haldin á Þingvöllum 1930. Hátíðin var haldin til að minnast þess að 1000 ár voru þá liðin frá því að allsherjarþing var sett þar árið 930. Hátíðin stóð dagana 26. - 28. júní og þangað kom Kristján 10. konungur Danmerkur og þá ennþá, Íslands. Á þessari mynd er Þingvallabærinn og kirkjan en hátíðartjöldin eru í baksýn. Myndin er úr safni Guðmundar Guðnasonar en ekki tekin af honum enda fæddist hann árið 1923. Á myndinni er nafn ljósmyndarans:K.K. Bergen.
Ólafur Bernódusson540
Veturinn 1995 héldu krakkarnir í 8. - 10. bekk Höfðaskóla körfuboltamaraþon. Þá voru íþróttir kenndar í Fellsborg því ekki var búið að byggja íþróttahúsið og því fór maraþonið fram þar. Með maraþoninu voru krakkarnir að safna fé til kaupa á ýmsum íþróttaáhöldum. Á þessari mynd grípa í spil á milli leikja þau Guðjón Hall Sigurbjörnsson til vinstri og Guðrún Elsa Helgadóttir til hægri.
Hjördís Sigurðardóttir - safn002
Myndin var tekin á Hótel Blönduós á 17. júní en árið er óþekkt. Líklega hefur það verið kringum 1960. Á myndinni eru talið frá vinstri: Jón Ólafur Ívarsson (Daddi) (d. 29.12.2013), Sigurður Sigurðsson, Ingibjörg Fríða Hafsteinsdóttir, Hjördís Sigurðardóttir, Adolf J. Berndsen (d.27.8.2018) og Bernódus Ólafsson (d. 18.9.1996).
Leikklúbbur Skagastrandar - safn003
Leikklúbbur Skagastrandar sýndi Tobaco Road eftir Caldwell og Kirkland leikárið 1975 - 1976. Myndin var tekin á sýningu í Fellsborg. Leikarar eru frá vinstri: Guðmundur Haukur Sigurðsson (fjær), Elín Njálsdóttir og Hjörtur Guðbjartsson í faðmlögum á gólfinu, Bjarnhildur Sigurðardóttir, Guðný Sigurðardóttir og Birna Blöndal.
Kvenfélagið Eining - safn103
Kvenfélagið Eining hefur staðið fyrir árlegum þorrablótum á Skagaströnd í áratugi. Á þessari mynd eru þær Rósa Högnadóttir til vinstri og Ingibjörg Björgvinsdóttir (d.14.2.2018) til hægri að undirbúa laufabrauðsbakstur í Fellsborg í aðdraganda þorrablóts í febrúar 1996.
Kvenfélagið Eining - safn049
Á vegum kvenfélagsins Einingar fór hópur fólks í heimsókn á ellideildina á Héraðshælinu á Blönduósi og skemmtu vistmönnum með ýmsum uppákomum. Á þessari mynd er séra Ægir Fr. Sigurgeirsson sóknarprestur á Skagaströnd.
Halldór004
Myndin var líklega tekin í desember 1998. Á henni er fólk sem vann í Rækjuvinnslunni hf á Skagaströnd. Þau eru, frá vinstri: Guðrún Magnúsdóttir, Björn Hjálmarsson og Stefán Þór Árnason.
Hjördís Sigurðardóttir - safn026
Sjálfstæðismenn funda með alþingismanninum sínum. Frá vinstri: Páll Þorfinnsson (d. 1.9.1993), Adolf J. Berndsen (d.27.8.2018), Eyjólfur Konráð Jónsson (d. 6.3.1997) alþingismaður sjálfstæðisflokksins í kjördæminu og Sveinn Ingólfsson.
Skagaströnd - safn147
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Um kvöldið var kveiktur varðeldur og sungið saman. Á myndinni syngja fullum hálsi, frá vinstri: Helga Guðmundsdóttir, Ingibjörg Fríða Hafsteinsdóttir, Bára Þorvaldsdóttir og Ólína Gyða Hafsteinsdóttir með Þorvaldi Skaftasyni sem spilar á gítarinn. Börnin í myndinni eru óþekkt.
Hjördís Sigurðardóttir - safn012
Þessi mynd var tekin í hófi af tilefni opnunar Landbankaútbús á Skagaströnd 1982. Við opnunina yfirtók Landsbankinn Sparisjóð Skagstrendinga. Á þessari mynd eru frá vinstri: Róbert Þórðarson (d. 26.11. 2011) útibússtjóri á tali við Sveinbjörn Egilsson sem sá um yfirtökuna. Fyrir aftan þá til hægri er Kjartan Birgisson starfsmaður í útibúinu.
Hjördís Sigurðardóttir - safn006
Frá vígslu söluskála Olís á Skagaströnd 1979. Mennirnir á myndinni komu allir að byggingu skálans sem smiðir eða bifreiðastjórar. Frá vinstri: Ingvar Jónsson (d. 18.1.2003), Sigurjón Ástmarsson og Eðvarð Ingvason (d. 29.5.2011).
Óþekktur ljósmyndari269
Skrúðganga skáta á sumardaginn fyrsta að Hólaneskirkju í skátamessu. Fremstur ber fána Stefán Ingólfsson (d. 21.10.2004) og stúlkan við hlið hans með hvíta skuplu er líklega Guðrún Þórbjarnardóttir. Aftan við þau er líklega, með þriðja fánann, Árni Sigurðsson (d. 14.11.2006) frá Sólvöllum. Lárus Ægir Guðmundsson gengur fyrir aftan aftasta fánann en fullorðni maðurinn til hliðar við fylkinguna er Ingólfur Ármannsson skátaforingi. Bak við Guðrúnu sér líklega í Hrafnhildi Jóhannsdóttir (Abbý). Aðrir á myndinni eru óþekktir og ekki er vitað hvenær myndin var tekin en sennilega hefur það verið snemma á sjöunda áratugnum. Ef þú þekkir einhvern í myndinni vinsamlega sendu okkur þá athugasemd.
Hjördís Sigurðardóttir - safn007
Mynd frá vígslu söluskála Olís á Skagaströnd 1979. Á myndinni er Ingvar Sigtryggsson (d. 10.7.1988) smiður til vinstri og óþekktur starfsmaður Olís í Reykjavík til hægri.
Þórður Jónsson030
Þessi mynd sýnir hátíðafund Lionsklúbbs Skagastrandar (eldri) í Skátaskálanum. Hér hafa félagarnir boðið mökum sínum eða vinkonum með sér á fund. Við háborðið sitja frá vinstri: Ole Aamundsen (d.?), Margrét Jóhannesdóttir, Guðmundur Kr. Guðnason (d. 21.11.1988), Helga Berndsen, Anna H. Aspar (d. 1.9.1999), Bernódus Ólafsson (d. 18.9.1996), Þórarinn Björnsson (d. 24.5.1985), Guðríður Bergsdóttir (d. 10.6.1996), Þórey Jónsdóttir (d. 29.12.1966) og Þórður Jónsson (d. 25.12.2009). Standandi frá vinstri eru: Skafti Fanndal Jónasson (d. 2.9.2006), Jón Pálsson, Jóna Guðrún Vilhjálmsdóttir (d. 13.7.2003), Hörður Ragnarsson, Sveinn Ingólfsson, Helga Jóhannesdóttir, Aðalbjörg Hafsteinsdóttir, Þorgerður Guðmundsdóttir (d. 24.4.2008), Björgvin Jónsson (d. 4.5.1992), Þorfinnur Bjarnason (d. 6.11.2005), Hulda Pálsdóttir, Dómhildur Jónsdóttir (d. 18.10.2012), Pétur Þ. Ingjaldsson (d. 1.6.1996), Jóna Guðjónsdóttir, Páll Þorfinnsson (d. 1.9.1993), Edda Pálsdóttir, Páll Jónsson (d. 19.7.1979), Ástmar Ingvarsson (d. 10.10.1977) og Jóhanna Sigurjónsdóttir (d. 15.12.1990). Ekki er vitað hvenær myndin var tekin en það hefur sennilega verið einhverntíma á árunum 1960 - 1965.
Ólafur Bernódusson 492
Fjölmenni við opnun málverkasýningar Sigríðar Einarsdóttur - Sissíar - í Gamla kaupfélaginu í september 1992. Ljóshærða stúlkan vinstra megin við miðju er Jóney Gylfadóttir og fyrir aftan hana er Jón Valdimarsson á spjalli við Magnús B. Jónsson sem er í ljósum jakka. Hafdís Ásgeirsdóttir horfir á ljósmyndarann hægra megin við Magnús og hægra megin við hana er Aðalheiður Árnadóttir. Aftarlega fyrir miðri mynd sér í Sveinbjörn Blöndal (d. 7.4.2010). Aðrir eru óþekktir.
Leikklúbbur Skagastrandar - safn007
Leikklúbbur Skagastrandar sýndi Tobaco Road eftir Caldwell og Kirkland leikárið 1975 - 1976. Myndin var tekin á sýningu í Fellsborg. Á myndinni eru í hlutverkum sínum, frá vinstri: Birna Blöndal, Hallbjörn Hjartarson, Guðný Sigurðardóttir og Kristín Björnsdóttir.
Óþekktur ljósmyndari237
Skautaferð inn á Vindhælistjörn á níunda áratugnum. Fólkið er óþekkt.
Óþekktur ljósmyndari280
Guðbjörg Gylfadóttir úr umf. Fram kastar hér kúlu á héraðsmóti sumarið 1986 á íþróttavellinum á Blönduósi. Guðbjörg var ósigrandi í kúluvarpi í fjölda ára og setti Íslandsmet í greininni 17. maí 1992 (16,33 metrar) sem enn stendur 6. október 2014. Aðrir á myndinni eru óþekktir.
Hjördís Sigurðardóttir - safn038
Frú Vigdís Finnbogadóttir forseti Íslands kom í opinbera heimsókn til Skagastrandar sumarið 1988. Henni til heiðurs var haldið kaffisamsæti í Fellsborg þar sem fólkinu í sveitarfélaginu gafst færi á að hitta forseta sinn. Á þessari mynd sker Vigdís fyrstu sneiðina af glæsilegri rjómatertu sem meðal annars skartar skjaldarmerki sveitarfélagsins. Adolf J. Berndsen (d.27.8.2018) oddviti bíður eftir að röðin komi að honum. Aðrir fylgjast með forseta sínum áður en þeirra tími kemur.
Leikklúbbur Skagastrandar - safn010
Leikklúbbur Skagastrandar sýndi Tobaco Road eftir Caldwell og Kirkland leikárið 1975 - 1976. Myndin var tekin á æfingu á sviðinu í Fellsborg. Á henni eru í hlutverkum sínum, frá vinstri: Hallbjörn Hjartarson, Hjörtur Guðbjartsson, Elín Njálsdóttir, Guðný Sigurðardóttir og Kristín Björnsdóttir.
Óþekktur ljósmyndari315
Úr sýningu Leikklúbbs Skagastrandar á leikritinu Hart í bak. Frá vinstri í hlutverkum sínum: Hallbjörn Hjartarson, Magnús B. Jónsson, Jón Helgi Eiðsson og Birna Blöndal. Myndina tók Jónas Baldursson.
Ólafur Bernódusson496
Á þrettándanum (6. janúar) 1994 var spilað bingo í Sæborg í boði Íslandsbanka. Á þessari mynd eru frá vinstri: María Magnúsdóttir, Anna Halldórsdóttir Aspar (d. 18.9.1999), óþekktur baksvipur, Guðný Finnsdóttir og Árný Halla Magnúsdóttir (d. 12.5.1996).
Ólafur Bernódusson 518
M - kvöldvaka var haldin í Fellsborg 1. maí 1992. Hér var um menningarviðburð að ræða sem byggður var upp af mörgum atriðum frá heimamönnum. Húsfyllir var á kvöldvökunni og á þessari mynd syngur fjölskyldan í Breiðabliki. Frá vinstri: Svava Sigurðardóttir, Sigurður Bjarnason, Inga Lára Sigurðardóttir og Sigrún Lárusdóttir.
Hjördís Sigurðardóttir - safn037
Frú Vigdís Finnbogadóttir forseti Íslands kom í opinbera heimsókn til Skagastrandar sumarið 1988. Henni til heiðurs var haldið kaffisamsæti í Fellsborg þar sem fólkinu í sveitarfélaginu gafst færi á að hitta forseta sinn. Á þessari mynd af háborðinu eru frá vinstri: Adolf J. Berndsen (d.27.2018) oddviti Höfðahrepps, frú Vigdís Finnbogadóttir forseti Íslands, Jón Ísberg sýslumaður Húnavatnssýslu, Þórhildur Guðjónsdóttir Ísberg sýslumannsfrú og Hjördís Sigurðardóttir oddvitafrú.
Óþekktur ljósmyndari253
Gengið til messu í Hólaneskirkju (eldri) á sjómannadegi. Myndin var líklega tekin kringum 1960. Bjarni Helgason (d. 30.12.1983) skipstjóri og útgerðamaður í Holti heldur á fána og hefur húfu á höfðinu. Hinn fánann ber Hákon Magnússon skipstjóri frá Sólvangi. Lengst til vinstri á myndinni er Gissur Jóhannsson frá Lækjarbakka og fyrir aftan hann eru Árni Björn Ingvarsson frá Sólheimum og Steindór Haraldsson frá Höfðakoti. Tvíburarnir Karl Guðmundsson og Ingibergur Guðmundsson úr Skeifunni eru sinn hvoru megin við séra Pétur Þ. Ingjaldsson en yfir hægri öxl hans sér í Elínborgu Árnadóttur (d. 7.4.1979) í Sólheimum og Þorgerður Guðmundsdóttir ( d. 24.4.2008) í Höfðabrekku er konan við vinstri hlið hans. Guðmundur Jóhannesson, faðir þeirra tvíburanna, sést yfir öxl Hákonar en Rúnar Hartmannsson úr Höfðatúni er drengurinn við hlið hans. Aðrir á myndinni eru óþekktir.
Kvenfélagið Eining - safn081
Í maí 1985 hélt kvenfélagið Eining tískusýningu í Fellsborg þar sem konur sýndu nýjustu fatalínurnar. Á myndinni er fyrirsætan Þórunn Óladóttir
Ólafur Bernódusson495
Á þrettándanum (6. janúar) 1994 spiluðu eldri borgara bingo í Sæborg í boði Íslandsbanka. Á þessari mynd eru vinstra megin við borðið: Hrefna Jóhannesdóttir (d. 9.11.2011), Jóhanna Jónasdóttir og maður hennar Snorri Gíslason (d. 29.5.1994). Hægra megin við borðið eru: Skafti Fanndal Jónasson (d. 2.9.2006), kona hans Jóna Guðrún Vilhjálmsdóttir (d. 13.7.2003) og óþekkt kona. Ef þú veist hver óþekkta konan er vinsamlega sendu okkur þá athugasemd.
Þórður Jónsson024
Þessi mynd er tekin á landamóti skáta á Þingvöllum 1962, Bandalag íslenskra skáta átti 50 ára afmæli. All margar stúlkur frá Skagaströnd fóru á mótið, en aðeins 4 drengir, þeir voru Stefán Ingólfson (d.21.10.2004), sem var foringi. Steindór Haraldsson varaforingi, Helgi Bjarnason ritari og Þórir Ágústson birgðavörður. Á myndinni er Stefán Ingólfsson að fara með ruslið úr tjaldbúðum Sigurfara á Skagaströnd.
Séra Pétur og Dómhildur - safn109
Þessi mynd er frá vígslu Höskuldsstaðakirkju nýrri 31. mars 1963. Séra Pétur Þ. Ingjaldsson (d. 1.6.1996) sóknarprestur er fremstur með hluti úr gömlu kirkjunni í höndum, Þorsteinn Gíslason (d.18.6.1980) prófastur í Steinnesi er næstur og aftastur er herra Sigurbjörn Einarsson (d. 28.8.2008) biskup.
Óþekktur ljósmyndari242
Hluti hljómsveitarinnar Nýung. Frá vinstri: Kristján Hjartarson (d. 2.8.2003), Viggó Brynjólfsson og Þorvaldur Skaftason. Myndin var sennilega tekin á jóla - barnaballi í Fellsborg um 1975.
Hjördís Sigurðardóttir - safn017
Á myndinni hafa þau það notalegt frá vinstri: Elín Njálsdóttir, Magnús Ólafsson (d. 23.7.2012) maður hennar og Sveinn Ingólfsson. Myndin var líklega tekin einhverntíma á árunum 1984 - 1986.
Kvenfélagið Eining - safn068
Í maí 1985 hélt kvenfélagið Eining tískusýningu í Fellsborg þar sem konur sýndu nýjustu fatalínurnar. Á myndinni er fyrirsætan Anna Jóna Geirsdóttir.
Skagaströnd - safn249
Undirbúningur kántrýhátíðar sumarið 2000. Tvö stór tjöld voru reist á Hnappstaðatúninu og hér er verið að undirbúa að reisa annað þeirra. Frá vinstri: Reynir Lýðsson, óþekktur maður frá þeim sem leigðu út tjaldið og Magnús Ólafsson (d. 23.7.2012) verkstjóri sveitarfélagsins.
Kvenfélagið Eining - safn045
Þessi mynd var tekin í einhverju kaffisamsæti á vegum kvenfélagsins Eining í Fellsborg. Á myndinni eru, frá vinstri:Jóna Guðrún Vilhjálmsdóttir (d. 13.7.2003), Ingvar Jónsson (d. 18.1.2003), Guðlaugur Guðlaugsson (d. 8.7.1990), Guðmundur Guðnason (d. 21.11.1988), Sigurbjörn Kristjánsson (d. 10.9.1989), Snorri Gíslason (d. 29.5.1994), Skafti Fanndal Jónasson (d. 2.9.2006), Teitný Guðmundsdóttir (d. 28.2.2000) í hvarfi við mann sinn, Svein Kristófersson (d. 9.5.1991).
Skagaströnd - safn081
Örvar Hu 21 kom til heimahafnar á Skagaströnd í fyrsta sinn 7. apríl 1982. Öllum var boðið um borð að skoða hið nýja skip og eftir það var haldið hóf í Fellsborg þar sem ræður voru fluttar og skálað fyrir skipinu. Á þessari mynd spjalla þeir Gunnar Ragnars framkvæmdastjóri Slippstöðvarinnar til vinstri og Gunnar Benónýsson (d. 29.7.2003) til hægri, við óþekkta konu.
Ólafur Bernódusson498
Á þrettándanum (6. janúar) 1994 var spilað bingo í Sæborg í boði Íslandsbanka. Þessi mynd var tekin í kaffihléi. Við borðið nær okkur eru frá vinstri: Hrefna Jóhannesdóttir (d. 9.11.2011), Jóhanna Jónasdóttir og Snorri Gíslason (d. 29.5.1994). Við borðið fjær eru talið frá vinstri: Auður Ágústsdóttir (d. 21.1.1997), óþekkt, Rósa Pálsdóttir (d. 1.5.2002), óþekkt, Laufey Sigurvinsdóttir (d. 21.12.1994), Guðrún Bjarnadóttir (d. ?), Jón Hall Magnússon (d. ?), Jónína Valdimarsdóttir og Lárus Björnsson (d. 28.4.1995).
Ólafur Bernódusson476
Ástin sigrar er leikrit eftir Ólaf Hauk Símonarson. Leikritið var sýnt á vegum Leikklúbbs Skagastrandar árið 1990 undir leikstjórn Harðar Torfasonar. Þórdís Skúladóttir og Einar Haukur Arason, sem eru á þessari mynd, fóru bæði með hlutverk í sýningunni.
Hjördís Sigurðardóttir - safn010
Þessi mynd var tekin í hófi af tilefni opnunar Landbankaútbús á Skagaströnd 1982. Við opnunina yfirtók Landsbankinn Sparisjóð Skagstrendinga. Á myndinni eru frá vinstri: Adolf J. Berndsen (d.27.8.2018) oddviti Höfðahrepps, Magnús B. Jónsson hreppsnefndarmaður og Ólafur Bernódusson fréttaritari Morgunblaðsins.
Ólafur Bernódusson 528
M - kvöldvaka var haldin í Fellsborg 1. maí 1992. Hér var um menningarviðburð að ræða sem byggður var upp af mörgum atriðum frá heimamönnum. Húsfyllir var á kvöldvökunni og á þessari mynd er kvartett sem söng fyrir gesti. Við píanóið situr Julian Hewlett en söngvararnir eru frá vinstri: Sigurður Bjarnason, Kristján Hjartarson (d. 2.8.2003), Ástmar Kári Ástmarsson og Sigmar Jóhannesson (d. 20.4.2000).
Hjördís Sigurðardóttir - safn028
Aðalheiður Guðmundsdóttir (d. 24.9.2011) kvödd af kirkjukór Hólaneskirkju þegar hún flutti burt frá Skagaströnd. Við borðið eru frá vinstri: Sigrún Lárusdóttir, Helga Hermannsdóttir, Bára Þorvaldsdóttir, óþekkt, Sigurður Bjarnason og Jakob Guðmundsson.
Guðmundur Guðnason102
Glatt fólk á dansleik með Spur Kóla á borðum. Frá vinstri: Þorgerður Guðmundsdóttir (d. 24.4.2008) Höfðabrekku, Guðrún Halldórsdóttir, Óli Bogason , Björgvin Jónsson (d. 4.5.1992) Höfðabrekku, Erla Lárusdóttir (d. 24.8.1995) og Steinþór Carl Ólafsson (d. 18.9.1985).
Skagaströnd - safn082
Örvar Hu 21 kom til heimahafnar á Skagaströnd í fyrsta sinn 7. apríl 1982. Öllum var boðið um borð að skoða hið nýja skip og eftir það var haldið hóf í Fellsborg þar sem ræður voru fluttar og skálað fyrir skipinu. Á þessari mynd er Adolf J. Berndsen oddviti Höfðahrepps í ræðustól.
Kvenfélagið Eining - safn078
Í maí 1985 hélt kvenfélagið Eining tískusýningu í Fellsborg þar sem konur sýndu nýjustu fatalínurnar. Á myndinni er fyrirsætan Þórunn Óladóttir
Leikklúbbur Skagastrandar - safn028
Hart í bak er eitt af þekktustu leikverkum Jökuls Jakobssonar (d. 25.4.1978) en það var frumsýnt hjá Leikfélagi Reykjavíkur 1962. Leikklúbbur Skagastrandar tók verkið til sýninga leikárið 1978 - 1979 og sýndi það í Fellsborg og nágrannabyggðum við góðar undirtektir. Meðal annars var farið með sýninguna til Siglufjarðar þar sem þessi mynd var tekin. Frá vinstri í fremri röð: Rúnar Loftsson, Hallbjörn Hjartarson, Magnús B. Jónsson, Guðmundur Haukur Sigurðsson, Helga Ottósdóttir, Jónas Baldursson og Hilmar Hilmarsson rútubílstjóri. Aftari röð frá vinstri: Eðvarð Hallgrímsson, Árni Björn Ingvarsson, Bjarney Valdimarsdóttir, Ragnar Jónsson, Jón Helgi Eiðsson, Birna Blöndal, Lilja Kristinsdóttir, Bjarnhildur Sigurðardóttir og Helga Hermannsdóttir. Myndina tók Jónas Baldursson.
Skagaströnd - safn176
Lárus Ægir Guðmundsson lét af störfum sem sveitarstjóri árið 1984 eftir 12 ára starf. Í tilefni af því bauð hann helstu samstarfsmönnum sínum heim í kveðjuhóf. Mikið fjör var í hófinu og mikið sungið við harmónikuundirleik. Á þessari mynd syngja fullum hálsi, frá vinstri: Bjarney Valdimarsdóttir kona Lárusar, Elín Njálsdóttir hreppsnefndarkona, Guðrún Pálsdóttir starfsstúlka á skrifstofu Höfðahrepps og Guðbjörg Viggósdóttir.
Skagaströnd - safn284
Vígsla íþróttahússins á Skagaströnd fór fram 15. mars 1998 við hátíðlega athöfn. Jón S. Pálsson fyrrverandi skólastjóri fagnar tilkomu hússins í ræðustól.
Skagaströnd - safn241
Að lokinni sumarvinnu 2001 hjá vinnuskóla Höfðahrepps gerði starfsfólkið sér glaðan dag og fór saman út að borða í veitingahúsinu Við árbakkann á Blönduósi. Á þessari mynd er Guðrún Soffía Pétursdóttir (Obba) sem var einn af flokksstjórunum þetta sumar.
Leikklúbbur Skagastrandar - safn021
Hart í bak er eitt af þekktustu leikverkum Jökuls Jakobssonar (d. 25.4.1978) en það var frumsýnt hjá Leikfélagi Reykjavíkur 1962. Leikklúbbur Skagastrandar tók verkið til sýninga leikárið 1978 - 1979 og sýndi það í Fellsborg og nágrannabyggðum við góðar undirtektir. Á þessari mynd eru þeir Hallbjörn Hjartarson til vinstri og Guðmundur Haukur Sigurðsson til hægri í hlutverkum sínum. Myndina tók Jónas Baldursson.
Séra Pétur og Dómhildur - safn110
Aftan á þessari mynd stendur: <em>Gamli bærinn á Bergstöðum. Kirkjan endurvígð. Á myndinni sr. Pétur Þ. Ingjaldsson, Guðmundur á Eiríksstöðum, Guðmundur Jósafatsson á bak við þá er Sigurbjörn Einarsson biskup.</em> Ekki er vitað hvenær myndin var tekin.
1
…
29
30
31
…
104
Leita í myndasafninu
Leita