Beint í efni
Skagaströnd.is
↗
Allar myndir
Atburðir
✕
Flokkur
Annað
Atvinnumál
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Ferming
Forsetaheimsókn 1988 og undirbúningur
Hátíðir og fundir u.m.f. Fram
Höfðahreppur 50 ára
Íþróttamót
Jól
Kántrýhátíðir
Leiksýningar
Sjómannadagurinn
Slippurinn Vígður 1985
Tískusýning
Útimarkaður við gamla Kántrybæ
6.236 myndir
Flæði
Reitir
Séra Pétur og Dómhildur - safn136
Hafsteinn Pálsson á fermingardaginn sinn 1981 með séra Pétri Þ. Ingjaldssyni (d. 1.6.1996) í Hólaneskirkju (eldri).
Séra Pétur og Dómhildur - safn172
Myndin var tekin í Kántrýbæ, sennilega árið 1998, á einhverjum hittingi eldra fólks úr héraðinu. Konan til vinstri er Guðný Hjartardóttir (d. 14.3.2011) en konan til hægri er Hrefna Hákonardóttir (d. 4.12.2005).
Leikklúbbur Skagastrandar - safn004
Leikklúbbur Skagastrandar sýndi Tobaco Road eftir Caldwell og Kirkland leikárið 1975 - 1976. Myndin var tekin á sýningu í Fellsborg. Á myndinni eru í hlutverkum sínum talið frá vinstri: Hjörtur Guðbjartsson, Hallbjörn Hjartarson, Elín Njálsdóttir og Guðný Sigurðardóttir.
Dagný Sigmarsdóttir030
Starfsfólk Rækjuvinnslunnar tók sig saman og eyddi kvöldstund á barnum á hótel Dagsbrún ásamt mökum sínum árið 1992. Á þessari mynd eru frá vinstri: Sigmar Jóhannesson (d. 20.4.2000), hjónin Dagný Hannesdóttir og Karl Guðmundsson (d. 11.12.2011) og Berglind Karlsdóttir dóttir þeirra.
Skagaströnd - safn146
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Þar mættu þessir þrír heiðursmenn og skemmtu sér. Frá vinstri: Adolf H. Berndsen, Vilhjálmur Egilsson alþingismaður og Karl Berndsen (d. 12.2.1995).
Skagaströnd - safn061
Kaffisasæti í Fellsborg 1980 í tilefni þess að teknar voru í notkun fjórar þjónustuíbúðir fyrir aldraða við Ægisgrund. Á myndinni eru frá vinstri: Karitas Pálsdóttir (d. 3.5.1989), Kristján Hjartarson (d. 2.8.2003), Friðjón Guðmundsson (d. 7.1.2001), Hulda Árnadóttir (d. 14.2.2007), Páll Þorfinnsson (d. 1.9.1993) og Stefán Jónsson (d.29.6.2009) frá Kagaðarhóli.
Skagaströnd - safn175
Lárus Ægir Guðmundsson lét af störfum sem sveitarstjóri árið 1984 eftir 12 ára starf. Í tilefni af því bauð hann helstu samstarfsmönnum sínum heim í kveðjuhóf. Á þessari mynd spilar Sigfús Jónsson, sem tók við sveitarstjórastarfinu af Lárusi, á harmóniku. Guðrún Guðbjörnsdóttir sést vinstra megin við Sigfús.
Skagaströnd - safn168
Lárus Ægir Guðmundsson lét af störfum sem sveitarstjóri árið 1984 eftir 12 ára starf. Í tilefni af því bauð hann helstu samstarfsmönnum sínum heim í kveðjuhóf. Á þessari mynd er Adolf J. Berndsen þáverandi oddviti að halda ræðu en Bjarney Valdimarsdóttir þáverandi eiginkona Lárusar og Magnús Ólafsson hlýða á.
Skagaströnd - safn150
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Á þessari mynd syngur Hallbjörn Hjartarson fyrir gesti.
Þórður Jónsson031
Frá vígslu Höskuldsstaðakirkju 1963. Prestar og leikmenn bera gripi úr gömlu kirkjunni, sem sér í efst í horninu til vinstri, inn í nýju kirkjuna. Fremst á þessari mynd er Torfi Sigurðsson (d. 9.10.1993) frá Mánaskál. Tveir fremstu prestarnir eru óþekktir en séra Gísli Kolbeins heldur á bakka með bikurum. Yfir vinstri öxl hans sést í séra Jón Kr. Ísfeld (d. 1.12.1991) í Bólstaðarhlíð en yfir þá hægri sér í séra Þorstein Gíslason (d. 8.6.1980) í Steinnesi. Presturinn, sem heldur á höklinum er óþekktur, en vinstra megin við hann er sóknarprestur Höskuldsstaðarsóknar séra Pétur Þ. Ingjaldsson (d. 1.6.1996). Á myndinni lítur út eins og séra Pétur sé með biskupshúfu á höfðinu en svo er ekki heldur gengur Herra Sigurbjörn Einarsson (d. 28.8.2008) biskup fyrir aftan Pétur og því kemur þetta svona út.
Skagaströnd - safn255
Stórt veitingatjald var reist við Kántrýbæ fyrir síðustu hátíðina sem haldin var 2002. Gámurinn var nýttur sem lager fyrir Kántrýbæ. Mikill mannfjöldi sótti þessa síðustu Kántrýhátíð - svo margir að það varð til vandræða því það rigndi alla helgina og tjaldsvæðin urðu fljótlega að drullusvaði.
Guðmundur Guðnason211
Kappreiðar á Hvammsbökkum 1961. Knapinn er Einar Höskuldsson frá Mosfelli.
Leikklúbbur Skagastrandar - safn037
Leikárið 1979 - 1980 setti Leikklúbbur Skagastrandar á svið leikritið Gísl í leikstjórn Ragnhildar Steingrímsdóttur (d. 25.6.2009). Þetta var fjölmenn sýning og vel heppnuð sem var sýnd á Fellsborg og nágrannabyggðunum ásamt því að farið var með verkið suður á land og það sýnt í félagsheimili Seltjarnarness. Á myndinni eru í hlutverkum sínum frá vinstri: Birna Blöndal, Rúnar Loftsson, Ólafur Bernódusson, Magnús B. Jónsson og Elín Njálsdóttir. Í baksýn uppi á hugsuðum stigapalli grillir í frá vinstri: Hallbjörn Hjartarson, Gunnar Benónýsson (d. 29.7.2003) og Guðmundur Haukur Sigurðsson.
Skagaströnd - safn261
Þessi borði blasti við aðkomufólki á Kerlingarholti þegar það mætti á kántrýhátíð á Skagaströnd 1996. Á myndinni er Magnús Ólafsson (d. 23.7.2012) bæjarverkstjóri að koma borðanum fyrir með aðstoð lyftara. Aðrir á myndinni eru óþekktir.
Leikklúbbur Skagastrandar - safn008
<p>Leikklúbbur Skagastrandar sýndi Tobaco Road eftir Caldwell og Kirkland leikárið 1975 - 1976. Myndin var tekin á sýningu í Fellsborg. Á myndinni eru í hlutverkum sínum, frá vinstri: Hallbjörn Hjartarson, Elín Njálsdóttir, Guðný Sigurðardóttir (standandi) og Kristín Björnsdóttir.</p>
Séra Pétur og Dómhildur - safn140
Séra Pétur Þ. Ingjaldsson (d. 1.6.1996) leiðir fermingarbörn úr Hólaneskirkju (eldri) að lokinni fermingu 1970. Fermingarbörnin eru talið frá Pétri: Sigríður Birna Björnsdóttir, Kristín Hrönn Árnadóttir, Birna Bjarnadóttir, Ómar Gísli Másson (d. 16.6.2002) og Gunnar Jón Jónsson.
Óþekktur ljósmyndari289
Lárus Ægir Guðmundsson á kunnuglegum slóðum á efsta palli á íþróttamóti á Blönduósvelli. Eins og sjá má hefur Lárus unnið til a.m.k. sex verðlauna. Ekki er vitað hvenær myndin var tekin en sennilega hefur það verið í kringum 1970.
Skagaströnd - safn070
Fjölmenni mætti í kveðjuhóf í Fellsborg þegar séra Pétur Þ. Ingjaldsson (d. 1.6.1996) lét af störfum sem sóknarprestur á Skagaströnd eftir 40 ára starf. lengst til vinstri með gleraugu er Sigríður Ásgeirsdóttir (d.11.12.2006).Til hægri við hana er Karl Guðmundsson (d.11.12.2011) í gráum jakka en nær okkur, með blátt bindi, er Björn Sigurðsson (d. 5.10.1999) og við hlið hans er konan hans, Elísabet Frímannsdóttir (d.1.9.1990). Við hlið hennar eru talið frá vinstri: Guðný Hjartardóttir (d.14.3.2011), Hólmfríður Rögnvaldsdóttir (d.13.10.2000), Margrét Sigurðardóttir (d.8.9.1982), Jónína Valdimarsdóttir og Sigurbjörn Kristjánsson (d.10.9.1989). Mili Jónínu og Sigurbjörns sér í Gunnar Albertsson. Aðrir á myndinni eru óþekktir.
Séra Pétur og Dómhildur - safn117
Þessar prúðbúnu konur eru Dómhildur Jónsdóttir (d. 18.10.2012) til vinstri og Karla Helgadóttir (d. 25.9.1986) til hægri. Myndin var sennilega tekin 1977.
Skagaströnd - safn288
Vígsla íþróttahússins á Skagaströnd fór fram 15. mars 1998 við hátíðlega athöfn. Kirkjukór Hólaneskirkju söng við undirleik Mike Jones organista. Frá vinstri: Ingibjörg Björgvinsdóttir, Kristín Kristmundsdóttir, óþekkt, Hrafnhildur Jóhannsdóttir, Bára Þorvaldsdóttir, Dagný Hannesdóttir, Sigurjón Guðbjartsson, Guðrún Guðbjörnsdóttir, Sigurður Bjarnason, Sigmar Jóhannesson, Guðrún Sigurðardóttir, Gylfi Sigurðsson, Hjördís Sigurðardóttir og bak við hana sér í Einar Hauk Arason.
Hjördís Sigurðardóttir - safn018
Þetta fólk voru nágrannar við Bankastrætið undir Höfðanum. Myndin sýnir að þeim kom greinilega ágætlega saman. Frá vinstri: Adolf J. Berndsen (d.27.8.2018) Höfðaborg (Bankastræti 9), Gunda Jóhannsdóttir (d. 9.11.2013) Höfðaborg (Bankastræti 9), Guðmunda Árnadóttir (d.26.1.2017) Flankastöðum (Bankastræti 7) og maður hennar Þórbjörn Jónsson (d. 22.1.1996).
Skagaströnd - safn069
Fjölmenni mætti í kveðjuhóf í Fellsborg þegar séra Pétur Þ. Ingjaldsson (d. 1.6.1996) lét af störfum sem sóknarprestur á Skagaströnd eftir 40 ára starf. Á myndinni eru frá vinstri: María Magnúsdóttir, Hulda Árnadóttir (d.14.2.2007), Teitný Guðmundsdóttir (d.28.2.2000), Björgvin Brynjólfsson (d.28.2.2007), Hörður Ragnarsson, Sveinn Kristófersson (d.9.5.1991), Haraldur Árnason, Sólveig Róarsdóttir, Aðalheiður Guðmundsdóttir (d.24.9.2011), Sigurlaug Björnsdóttir (d.7.9.1982) (nær), Viggó Brynjólfsson (fjær), Helga Jóhannesdóttir og Ingvar Jónsson (d.18.1.2003).
Skagaströnd - safn268
Vinabæjarmót var haldið í Lohjo í Finnlandi í ágúst 2008. Þangað héldu nokkrir Skagstrendingar til að bera saman bækur sínar með fulltúum norrænna vinabæja sinna. Myndin var tekin utan við Mannerheim höllina en Mannerheim marskálkur er stundum kallaður faðir Finnlands eftir að hafa verið farsæll hershöfðingi og seinna forseti landsins. Í fremstu röðinni eru þau hjónin Adolf H. Berndsen oddviti og Dagný Sigmarsdóttir á sitt hvorum endanum. Í þriðju röðinni eru talið frá hægri: Steindór Haraldsson, Birna Sveinsdóttir, óþekkt og Guðbjörg Viggósdóttir. Uppi á pallinum fyrir aftan Birnu er Magnús B. Jónsson sveitarstjóri og til vinstri við hann er Slavko Velemir. Þriðja frá hægri í sömu röð er Ingibjörg Björgvinsdóttir. Aðrir á myndinni eru fulltrúar frá vinabæunum: Hönefoss í Noregi, Lojho í Finnlandi, Åbenrå í Danmörku og Växjö í Svíþjóð. Margt af þessu fólki hefur sótt vinabæjarmót á Skagaströnd og myndað vinskap við fólk hér.
Ólafur Bernódusson560
Hallbjörg Jónsdóttir sýnir hér peysu sem var framleidd í prjóna- og saumastofunni Violu á Skagaströnd, sem rekin var í allmörg ár á efstu hæðinni í gamla kaupfélagshúsinu við Einbúastíg. Myndin var tekin einhverntíma á árunum kringum 1985.
Skagaströnd - safn116
Vinningshafar á golfmóti á Háagerðisvelli 1991 eða 1992. Frá vinstri: Steinþór Karlsson, Ingibjörg Fríða Hafsteinsdóttir, Rolf Árnason og Guðmundur Kristinsson. Í baksýn má sjá að framkvæmdir eru í gangi við golfskálann, sem nýlega hafði verið komið fyrir á sínum stað.
Skagaströnd - safn291
Vígsla íþróttahússins á Skagaströnd fór fram 15. mars 1998 við hátíðlega athöfn. Þessir tveir menn stjórnuðu framkvæmdum við bygginguna. Hallbjörn Björnsson rafvirkjameistari til vinstri og Helgi Gunnarsson trésmíðameistari til hægri. Myndin var tekin í líkamsræktarsal íþróttahússins.
Guðmundur Guðnason251
Fermingarbörn ársins 1974 í Hólaneskirkju eldri. Aftari röð frá vinstri: Vigdís Viggósdóttir, Þorgeir Haukdal Jónsson, Þórdís Sigurðardóttir, Sigurjón Ingólfsson og Jóna Björg Jóasdóttir. Fremri röð frá vinstri: Stefán Þór Árnason, Grétar Smári Hallbjörnsson, Ernst Berndsen, Kristinn Guðmundsson, Sigurjón Gísli Snorrason, Sigurður Guðmundsson og Matthías Ingvar Hjaltason.
Þórður Jónsson054
Ísleifur Haraldsson frá Jaðri, sennilega á fermingardaginn sinn. Ísleifur átti heima í eldra Jaðri, sem nú er horfinn, en stóð beint á móti þeim sem enn stendur.
Skagaströnd - safn151
Haldið var upp á hálfrar aldar afmæli Höfðahrepps í lok júlí 1989. Af því tilefni voru gróðursett nokkur tré á Hnappstaðatúni.Á myndinni er Erla María Lárusdóttir tilbúin að leggja hönd á plóginn. Stellingin á Erlu segir meira en mörg orð hvernig veðrið var.
Skagaströnd - safn247
Að lokinni sumarvinnu 1996 hjá vinnuskóla Höfðahrepps gerði starfsfólkið sér glaðan dag og fór saman út að borða á hótel Dagsbrún á Skagaströnd. Á þessari mynd er Kristín Þórðardóttir í góðu skapi með pakka.
Skagaströnd - safn137
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Á myndinni er fólk að gæða sér á grillmat og hefur tillt sér niður á meðan. Frá vinstri: Guðjón Ebbi Sigtryggsson, Halldóra Þorláksdóttir, Guðrún Guðbjörnsdóttir og á endanum til hægri situr Guðmundur Guðmundsson. Guðrún Guðmundsdóttir (Árnasonar) stendur og spjallar. Aðrir eru óþekktir.
Þórður Jónsson038
Þessi mynd var tekin á skátamóti í Laxárdal. Þangað mættu skátar frá Akureyri, Blönduósi og Skagaströnd. Maðurinn með hattinn er Jón Ísberg (d. 24.6.2009) félagsforingi á Blönduósi. Standandi, þriðji frá vinstri er Þorleifur Arason (d.11.11.1991) Blönduósi en fimmti maður er Jóhannes Torfason Torfalæk. Standandi fyrir miðri mynd, í doppóttri peysu með skátaklútinn um hálsinn, er Pétur Jóhannsson Lækjarbakka og standandi til hægri frá Pétri eru: Birgir Júlíusson Höfðabergi, Hallbjörn Björnsson Jaðri, Jóhann Ingibjörnsson, Hrafnhildur Jóhannsdóttir Blálandi, óþekkt,?Ester Axelsdóttir? Læk, Frímann Lúðvíksson Steinholti, Jóhanna Valdimarsdóttir, Sigríður Pálsdóttir og óþekkt. Krjúpandi frá hægri: Fjóla Jónsdóttir Asparlundi, fjórar óþekktar stúlkur og Ólöf Smith. Þriðji frá vinstri í þessari röð er Gissur Jóhannsson Lækjarbakka og Árni Ólafur Sigurðsson Þórsmörk og Helgi Bjarnason (d. 1.3.2007) Holti eru framan við Jóhannes Torfason. Aðrir á mynidnni eru óþekktir en ef þú þekkir einhvern vinsamlega sendu okkur þá athugasemd.
Skagaströnd - safn055
1979 Stóð FRÍ fyrir landshlaupi. Hlaupið var hringinn kringum landið en hlauparar komu frá ungmennafélögunum hverju á sínum stað. Þetta er mynd af því þegar elsti þátttakandinn frá umf. Fram, Valdimar Valdimarsson tók við keflinu úr höndum eins af þeim yngstu, Kristjönu Jónsdóttur.
Skagaströnd - safn250
Undirbúningur kántrýhátíðar sumarið 2000. Tvö stór tjöld voru reist á Hnappstaðatúninu og hér er verið að leggja lokahönd á reisa stærra tjaldið. Sigurbjörg Írena Rúnarsdóttir er í Nike peysu og svo má þekkja baksvipinn á Ragnari Ingvarssyni lengst til hægri.
Skagaströnd - safn170
Lárus Ægir Guðmundsson lét af störfum sem sveitarstjóri árið 1984 eftir 12 ára starf. Í tilefni af því bauð hann helstu samstarfsmönnum sínum heim í kveðjuhóf. Á þessari mynd eru frá vinstri: Guðmundur Jóhannesson og Soffía Lárusdóttir (d. 31.3.2010) foreldrar Lárusar og Kristinn Jóhannsson (d. 9.11.2002) hreppsnefndarmaður með meiru.
Þórður Jónsson039
<p>Myndataka á skátafundi. Í fremstu röð fyrir miðju, í stuttbuxum, er Ingólfur Ármannsson en annar frá hægri er Þórður Jónsson (d.25.12.2009) báðir félagsforingjar hjá Sigurfara á Skagaströnd. Ingibjörg Kristinsdóttir er í annarri röð og sést yfir vinstri öxl Ingólfs en þriðja frá vinstri í þeirri röð er Kolbrún Jónsdóttir en sú fjórða er Steinunn Ellertsdóttir. Lengst til hægri er líklega Ástríður Ósk Bertelsdóttir (Lillý) og sú þriðja frá hægri er Magdalena Axelsdóttir. Fjórði frá vinstri í öftustu röð er Hallbjörn Björnsson. Aðrir á myndinni eru óþekktir en ef þú þekkkir einhvern á henni vinsamlega sendu okkur þá athugasemd. </p>
Leikklúbbur Skagastrandar - safn020
Hart í bak er eitt af þekktustu leikverkum Jökuls Jakobssonar (d. 25.4.1978) en það var frumsýnt hjá Leikfélagi Reykjavíkur 1962. Leikklúbbur Skagastrandar tók verkið til sýninga leikárið 1978 - 1979 og sýndi það í Fellsborg og nágrannabyggðum við góðar undirtektir. Á þessari mynd eru leikarar og starfsmenn sýningarinnar: Í aftari röð frá vinstri: Ragnar Jónsson, Árni Geir Ingvarsson, Árni Björn Ingvarsson og Rúnar Loftsson. Fremri röð frá vinstri: Jónas Baldursson, Guðmundur Haukur Sigurðsson, Jón Helgi Eiðsson, Lilja Kristinsdóttir, Birna Blöndal, Bjarnhildur Sigurðardóttir, Magnús B. Jónsson, Hallbjörn Hjartarson, Helga Hermannsdóttir og Bjarney Valdimarsdóttir. Myndina tók Jónas Baldursson.
Séra Pétur og Dómhildur - safn175
Myndin var tekin í Kántrýbæ, sennilega árið 1998, á einhverjum hittingi eldra fólks úr héraðinu. Konan á myndinni er óþekkt en ef þú veist hver hún er vinsamlega sendu okkur þá athugasemd.
Skagaströnd - safn131
Veglega var haldið upp á 17. júní 1994. Myndin er frá skrúðgöngu dagsins. Jón Ólafur Sigurjónsson og Kristín Jónsdóttir spiluðu göngutakt fremst í göngunni. Lögreglumaðurinn er Þór Gunnlaugsson.
Skagaströnd - safn074
<p>Kvenfélagskonur úr kvenfélaginu Einingu sáu um veitingar í kveðjuveislu séra Péturs Þ. Ingjaldssonar (d. 1.6.1996) í nóvember 1982 í Fellsborg. Á myndinni eru þær sem sáu um framreiðsluna í veislunni. Frá vinstri standandi: Erla Valdimarsdóttir (d. 29.9.2008), Anna Skaftadóttir, Halldóra Þorláksdóttir, Aðalheiður Guðmundsdóttir (d. 24.9.2011) og Ása Jóhannsdóttir. Sitjandi eru Helga Ottósdóttir vinstra megin og Birna Blöndal hægra megin. Allar þessar konur tóku virkan þátt í starfi kvenfélagsins Eining áður en þær fluttu burt frá Skagaströnd. </p>
Skagaströnd - safn246
Að lokinni sumarvinnu 1996 hjá vinnuskóla Höfðahrepps gerði starfsfólkið sér glaðan dag og fór saman út að borða á hótel Dagsbrún á Skagaströnd. Á þessari mynd eru þær Mariana Þorgrímsdóttir til vinstri og Guðrún Soffía Pétursdóttir (Obba) til hægri að skemmta sér.
Skagaströnd - safn229
Fermingarmynd af Guðbjörgu Þorbjörnsdóttur frá Akurgerði.
Óþekktur ljósmyndari221
<p>Séra Pétur Þ. Ingjaldsson (d. 1.6.1996) heldur ræðu á sjómannadegi af svölum Hólaneshússins. Ekki er vitað hvenær myndin var tekin en sennilega hefur það verið í kringum 1950. </p>
Skagaströnd - safn065
Þetta káta fólk er að fagna vígslu fjögurra þjónustuíbúða fyrir aldraða við Ægisgrund árið 1980. Öll bjuggu þau sér heimili hvert í sinni íbúð. Frá vinstri: Karitas Pálsdóttir (d. 3.5.1989), Sigurður Jónsson (d. ? ) og Hallbjörg Jónsdóttir (d.22.12.1987).
Skagaströnd - safn076
Nýsmíðin Örvar Hu 21 var smíðaður í Slippstöðinni á Akureyri. Þar var skipið skírt og sjósett 1981 eða vorið 1982 og fóru margir Skagstrendingar norður til að vera viðstaddir. Þessi mynd var tekin í kaffistofu Slippstöðvarinnar en þar bauð stöðin upp á molakaffi en síðan til kvöldverðar í Sjallanum um kvöldið. Frá vinstri á þessari mynd: Steindór Gíslason, óþekktur, Ólafur Ingibjörnsson (situr), Högni Jensson, Aðalbjörg Hafsteinsdóttir, Gylfi Sigurðsson og Ingibjörg Kristinsdóttir.
Skagaströnd - safn144
Haldið var upp á hálfrar aldar afmæli Höfðahrepps í lok júlí 1989. Meðal þess sem boðið var upp á var skemmtun og grill á tjaldsvæðinu. Einnig var kvölddagskrá. Veðrið lék ekki beint við hátíðargesti; norð-austan kaldi með skúraleiðingum. Fólk lét það ekki á sig fá heldur klæddi sig bara eftir veðri. Á þessari mynd bíða ræsingar í pokahlaup, frá vinstri: Gunnar Tryggvi Ómarsson, Viktor Pétursson, Þorlákur Ómar Guðjónsson, Birkir Rafn Gíslason, Salóme Ýr Rúnarsdóttir og Íris Jóna Gunnarsdóttir.
Séra Pétur og Dómhildur - safn103
Aftan á þessari mynd stendur: <em>Pétur Ingjaldsson er settur inn í embætti sem prestur í Höskuldsstaðaprestakalli 17. júní 1941. 1. ferming. 1. Pétur Þ. Ingjaldsson, 2. Kristinn Pálsson, 3. Jens Jónsson, 4. Sigurlaug Jónsdóttir, 5. Guðný ? Sigurðardóttir Ægissíðu (Gauja), 6. Ingvar Sigtryggsson, 7. Árni Andrésson, 8. Björn Stefánsson prófastur Auðkúlu.</em> Myndin virðist vera tekin fyrir utan Hólaneskirkju - eldri og hefur greinilega verið fyrsta ferming sem séra Pétur sá um.
Óþekktur ljósmyndari335
Þetta fólk var í stjórn umf Fram á 30 ára afmæli félagsins 1956. Frá vinstri: Ingibjörg Axelma Axelsdóttir (Didda) (d. 6.3.2007), Jóhanna Sigurjónsdóttir (d. 15.12.1990), Jón Jónsson (d. 9.7.1991), Friðjón Guðmundsson (d. 7.1.2001), Jökull Sigtryggsson, Hrefna Björnsdóttir og Guðmundur Guðnason (d. 21.11 1988).
Skagaströnd - safn243
Að lokinni sumarvinnu 2001 hjá vinnuskóla Höfðahrepps gerði starfsfólkið sér glaðan dag og fór saman út að borða í veitingahúsinu Við árbakkann á Blönduósi. Á myndinni eru Sigurbjörn Björgvinsson (Sibbi) og María Rós Karlsdóttir að gera aðalréttinum skil.
Jón Jónsson270
Á þessari mynd eru leikararnir í Saumastofunni sem Leikklúbbur Skagastrandar setti á svið undir leikstjórn Halldórs Laxnes veturinn 1984. Myndin var tekin á sýningu og á henni eru, talið frá vinstri: Guðbjörg Gylfadóttir, Sigurbjörg Árdís Indriðadóttir, Elín Njálsdóttir, Hallbjörg Jónsdóttir, Sigrún Jónsdóttir, Lárus Ægir Guðmundsson, Dagný Sigmarsdóttir og Magnús Blöndal (d. 7.9.2001).
Hjördís Sigurðardóttir - safn013
Þessi mynd var tekin í hófi af tilefni opnunar Landbankaútbús á Skagaströnd 1982. Við opnunina yfirtók Landsbankinn Sparisjóð Skagstrendinga. Á myndinni eru fjórir alþingismenn Norð- vesturlands. Frá vinstri: Stefán Guðmundsson (d. 10.9.2011), Ragnar Arnalds, Páll Pétursson (d.23.11.2020 og Pálmi Jónsson (d.9.10.2017).
Jón Jónsson247
Eitt af atriðunum á árshátíð Höfðaskóla 1985 var fimleikasýning undir stjórn Ingu Matthíasdóttur íþróttakennara. Á myndinni hafa krakkarnir myndað pýramída en Inga sést lengt til hægri.
Séra Pétur og Dómhildur - safn160
1. júlí 1998 var Kántrýbær endurvígður eftir að nýtt bjálkahús hafði verið reist á brunarústum eldra Kántrýbæjar. Af þessu tilefni var fólki boðið að koma og skoða bæinn og njóta veitinga. Húsfyllir var og leist fólki vel á nýju bygginguna. Á þessari mynd skemmtir söngflokkur úr línudanshópnum með söng. Drífa Kristjánsdóttir spilar á gítarinn en aftan við hana eru frá vinstri: Linda Björk Ævarsdóttir, Kristín Kristmundsdóttir, Vigdís Viggósdóttir og Kristíni Blöndal.
Skagaströnd - safn179
<p>Lárus Ægir Guðmundsson lét af störfum sem sveitarstjóri árið 1984 eftir 12 ára starf. Í tilefni af því bauð hann helstu samstarfsmönnum sínum heim í kveðjuhóf. Á þessari mynd eru tveir Magnúsar. Magnús Ólafsson ( d. 23.7.2012) til vinstri og Magnús B. Jónsson hreppsnefndarmaður til hægri. Út frá þessari mynd varð til eftirfarandi vísa hjá Rúnari Kristjánssyni:</p><p> Gleði í huga og gleði í sál</p><p> greitt mun þarna dafna.</p><p> Enda talað Maggamál</p><p> milli tveggja nafna !</p><p><br></p>
Skagaströnd - safn227
Ingvar Jónsson (d. 29.7.1978) hreppstjóri úr Norður-Skála situr lengst til hægri á myndinni. Hinir mennirnir eru óþekktir. Ef þú þekkir þá vinsamlega sendu okkur þá athugasemd.
Þórður Jónsson057
Þessir þrír íþróttagarpar úr umf. Fram gerðu garðinn frægan á íþróttamótum á sinni tíð. Ekki er vitað hvenær myndin var tekin. Frá vinstri: Karl Berndsen (d. 12.2.1995), Sigurður G. Sigurðsson og Sigurjón Úlfar Björnsson.
Skagaströnd - safn240
Fólk fylgist með einhverju atriði á sviði á Hnappstaðatúninu á kántrýhátíð 2003. María Rós Karlsdóttir er til vinstri með rauðan trefil, Vigdís Viggósdóttir er með rauða húfu, Ardís Ólöf Arelíusdóttir er ljóshærð með gleraugu, Heiða Berglind Fannarsdóttir og Vilhelm Þórarinsson. Framan við Heiðu, með dökk gleraugu, er Erna Hreinsdóttir að tala við Söru Rut Fannarsdóttur og Sólrúnu Ágústu. Maðurinn með hattinn er Fannar Viggósson.
Séra Pétur og Dómhildur - safn129
Fermingarbörn 1958 í Hólaneskirkju (eldri) með Páli Jónssyni (d. 19.7.1979) organista. Fremri röð frá vinstri: Harpa Friðjónsdóttir, Anna Skaftadóttir, Helga Ólafsdóttir, Halla Björg Bernódusdóttir, Bylgja Angantýsdóttir og Sigrún Jósteinsdóttir. Aftari röð frá vinstri: Sævar Bjarnason, Sigurjón Magnússon (d. 16.3.2007) Kristinn Lúðvíksson, Páll, Birgir Þórbjarnarson, Björn Sigurðsson og Konráð Guðmundsson.
Skagaströnd - safn214
<p>Fyrirtæki á Skagaströnd tóku þátt í atvinnulífssýningu í Reykjavík og kynntu þar framleiðsluvörur sínar og starfsemi. Á myndinni smakkar frú Vigdís Finnbogadóttir forseti Íslands á framleiðsluvöru frá Marska hf. Halldór Ásgrímsson ráðherra fylgist með en konan til hægri er óþekkt. </p>
Hjördís Sigurðardóttir - safn014
Þessi mynd var tekin í hófi af tilefni opnunar Landbankaútbús á Skagaströnd 1982. Við opnunina yfirtók Landsbankinn Sparisjóð Skagstrendinga. Á þessari mynd eru frá vinstri: Ingibjörg Kristinsdóttir, Hjördís Sigurðardóttir, Magdalena Jóhannsdóttir og Steinunn Friðriksdóttir.
1
…
31
32
33
…
104
Leita í myndasafninu
Leita