Beint í efni
Skagaströnd.is
↗
Allar myndir
Mannvirki
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Náttúra
Samgöngur
Miðflokkur
Barnaból
Gamla Kirkjan á Skagaströnd
Höfðaskóli
Kirkjan á Skagaströnd
Minjasafn
Skipasmíðastöð Guðmundar Lárussonar
Slippurinn
Verksmiðja
3.849 myndir
Flæði
Reitir
Einbui
<P>Gamalt póstkort frá Skagaströnd. Á kortið er ritað þann 17. nóvember 1913. Tvílyfta húsið lengt til vinstri er Verslunarstjórahúsið, sem seinna var kallað Kaupfélagshúsið. Húsið var byggt um 1906 og stóð skammt vestan við núverandi Gamla kaupfélagið við Einbúastíg. Stóra rismikla húsið fyrir miðri mynd var pakkhús. Framundan því að norðanverðu sér í Assistentahúsið. Litla húsið vestan í Einbúanum var þvottahús. Eins og sést var þessi mynd tekin áður en vinna hófst við núverandi höfn hófst (1934). Þá var Einbúinn klettadrangur sem stóð fram í sjó í víkinni sem annars var órofin frá Hólsnefi og inn að Bjargi (nú Breiðabliki). Þjóðtrúin segir að álfar búi í Einbúanum og því boði það ógæfu fyrir samfélgið ef hann verður skertur eða skemmdur á einhvern hátt. Leyfi fékkst þó hjá álfunum til að koma fyrir fánastöng efst á Einbúanum og þar er enn flaggað á tyllidögum. Myndina tók Evald Hemmert kaupmaður. </P><br><P> </P>
10_Holnes_til_Hofda
Á myndinni sést að tankar verksmiðjunnar eru í byggingu. Myndin er því tekin 1945 eða 1946. Sjá má tjöld verkamannanna á túninu neðan við Tjaldklaufina á Höfðanum. Á myndinni sést líka vel staðsetning "Hólsnefsbryggju" sem var fram af fiskvinnsluhúsi kaupfélagsins (seinna Hólaness hf).
13_Sundlaugin_Kaupfelag
Myndin er tekin 1945 eða 1946 því sjá má að skorsteinn verksmiðjunnar er í byggingu. Sundlaugin er komin en enn vantar kyndihúsið við hana.
19_Spakonufell
Nýbyggða húsið til hægri er Asparlundur (Bogabraut 24) en gamla húsið til vinstri er óþekkt. Í Baksýn eru Háaberg og Spákonufell.
02_Skagastrond_og_Hofdinn
Myndin er tekin af Hólanesi og horft er til Höfðans. Myndin er tekin á árunum 1930 - 1940. Stóra húsið á myndinni er kaupfélagið.
11_Holanes_fra_Hofn
<P>Mynd af Hólanesinu tekin frá hafnarsvæðinu á líklega á árunum kringum 1944 - 1945</P>
30_Spakonufell
Bærinn að Spákonufelli sem stóð u.þ.b. þar sem kirkjugarður Skagstrendinga er í dag.
48_Barnaskolinn
<P>Skólahúsið var tekið í notkun 1958. Húsið við norðurenda skólans var í eigu Síldarverksmiðju Ríkisins á Skagaströnd en var alltaf kallað Þorfinnshús því í því bjó Þorfinnur Bjarnason oddviti með fjölskyldu sinni.</P>
Óþekkt040
Hallbjörn Hjartarson á hestbaki á Kántrýhátíð. Fremst á myndinni til hægri eru konur að sýna kántrýdans.
2_Ovedur_ca_80-90_AJ_Berndsen
Óveður geysar á Skagaströnd á 9. áratugnum. Vesturhliðin á verksmiðjunni.
guðmundur014
Myndin er tekin framan við Skálholt þegar Engilbert og kona hans, Sigríður Helgadóttir, héldu uppboð á hluta eigna sinni vegna þess að þau voru að flytja til Reykjavíkur. Á myndinni má þekkja: Önnur frá vinstri er Guðmunda Árnadóttir frá Flankastöðum, þá Elísabet Frímannsdóttir á Jaðri og Margrét Sigurðardóttir í Fjallsminni, óþekkt kona og Hallbjörg Jónsdóttir í Þórsmörk. Svo kemur óþekkt fólk en konan við hlið óþekkta mannsins með húfuna er annað hvort Þórunn eða Margrét Stefánsdóttir frá Kambakoti. Konan lengst til hægri er óþekkt en næst henni er Elísabet Kristjánsdóttir þá Fanney Jónsdóttir og Helga Berndsen. Strákurinn í ljósu peysunni sem ber í Helgu Berndsen er Rúnar Hartmannsson.Aðrir á myndinni eru óþekktir.
Óþekkt111
Söngtafla úr Hólaneskirkju eldri.
Guðmundur060
Mynd tekin frá kirkjunni upp Fellsbraut. Heysátur eru í forgrunni á lóð kirkjunnar.
Óþekkt130
Frá samkomu í Fellsborg eftir vígslu kirkjunnar. Þrjú úr kirkjukórnum. Talið frá vinstri: Sigurjón Guðbjartsson, Guðrún Sigurðardóttir og Hrafnhildur Jóhannsdóttir
guðmundur006
<P>Laufás er lengst til vinstri þá Melstaður og Ægissíða lengt til hægri. Svarta húsið sem ber yfir Melstað var einhvers konar útihús. Í Laufási bjuggu Sigurður Guðmundsson og Margrét Björnsdóttir með dóttur sinni Fjólu. Sigurður var smiður og var með trésmíðaverkstæði í húsnæðinu lengst til hægri í Laufási. Seinna byggðu svo Fjóla og Jón Kr. Jónsson þáverandi maður hennar hús, sem enn stendur, við enda bygginganna í Laufási til vinstri. Melstaður er nú horfin en þar bjuggu Björgvin Guðmundsson frá Saurum og Margrét ? kona hans. Þau voru barnlaus og eftir að þau fluttu burt var Melstaður rifinn. Neðan við götuna stóð Ægissíða en þar bjuggu Guðni Sveinsson og Klemensína Klemensdóttir með syni sínum Guðmundi. Guðmundur Guðnason var mjög lengi póstur á Skagaströnd og vinsæll og góður ljósmyndari. Þessi mynd er t.d. tekin af honum. Eins og algengt var á þessum árum eru fjárhús og hlöður gjarnan sambyggðar íbúðarhúsum fólks eins og glögglega sést á Melstað. Þessi mynd var líklega tekin einhventíma upp úr 1960. </P><br><P> </P><br><P> </P>
guðmundur022
<p>Verslunin Borg , sem var í húsinu á myndinni, var ekta krambúð þar sem hægt var að fá keypt nánast hvað sem var til heimilisins. Verslunina áttu og ráku hjónin Sigurður Sölvason (d. 24.9.1968) og Margrét Konráðsdóttir (d. 17.9.1974). Hjónin bjuggu í húsinu - í austurenda þess - en verslunin var í meginhluta hússins. Kjallari var undir því og var hann nýttur fyrir hluta af lager verslunarinnar. Hinum megin við götuna var líka lagerhúsnæði, sem þau hjón áttu, en það hús stendur enn þó verslunarhúsið sjálft á myndinni hafi verið rifið fyrir allöngu. Eftir að Sigurður lést var húsið selt rafmagnsfyrirtækinu Neistanum sem þá var í eigu þeirra Jóns Inga Ingvarssonar og Hallbjörns Björnssonar. Ráku þeir félagar saman rafverkstæði í húsinu í allmörg ár. Hallbjörn keypti síðan hlut Jóns Inga, þegar hann fór að starfa á öðrum vettvangi, og hefur átt og rekið Neistann síðan. Hallbjörn byggði stórt húsnæði yfir starfsemi sína ekki langt frá þessu húsi og þar hefur hann rekið Neistann til þessa dags (janúar 2016). Húsið á myndinni var svo rifið fyrir allnokkrum árum eftir að Neistinn hafði flutt í nýja húsnæði sitt. Þá var verslunarhúsið komið í eigu Höfðahrepps. </p><p><br></p>
Óþekkt129
Frá samkomu í Fellsborg að lokinn vígslu kirkjunnar. Í forgrunni talið frá vinstri: Guðrún Lárusdóttir prestsmaddama á Mælifelli, Inga Björgvinsdóttir, Pétur Þ. Ingjaldsson, Lárus Ægir Guðmundsson og sitjandi er Árni Sigurðsson. Maðurinn í bakgrunni myndarinnar, til vinstri við höfuð Lárusar, er Pálmi Jónsson alþingismaður frá Akri.
Óþekkt122
Sigmar Jóhannesson (til vinstri) og Sigurður Björnsson taka við blómum fyrir störf sín við byggingu Hólaneskirkju úr höndum Lárusar Ægis Guðmundssonar.
Guðmundur136
Sólvangur til vinstri og Ásholt til hægri.
guðmundur005
Vetrarmynd af Skagaströnd tekin frá Höfðanum. Húsið fyrir miðju er Garðarshólmi sem í daglegu tali var kallað Grafarbakki vegna nálægðar sinnar við mógrafir sem þarna voru.
Óþekkt127
Frá samkomu í Fellsborg að lokinn vígslu kirkjunnar. Kristján Hjartarson fyrrum organisti hvíslar í eyra séra Péturs Þ. Ingjaldssonar sem var sóknarprestur í Hólaneskirkju í 40 ár 1941 - 1981. Bak við þá sést í Þorvald Skaftason.
guðmundur004
Frá vinstri: Laufás, Melstaður, Réttarholt og Ægisíða. Í baksýn er Sólvangur. Myndin er tekin á hafísári því íshrafl er á víkinni fram undan Sólvangi.
Óþekkt116
Helgi Gunnarsson vinnur að frágangi lóðarinna við Hólaneskirkju.
Óþekkt125
Kirkjukórar Hólaneskirkju og Blönduóskirkju syngja í veislu í Fellsborg vegna byggingar nýrrar kirkju á Skagaströnd
Óþekkt113
Altaristafla og altari Hólaneskirkju eldri.
Óþekkt124
Julian Hewlett á píanó og Skarphéðinn Einarsson á trompet í hófi vegna byggingar nýrrar Hólaneskirkju. Áheyrendur eru frá vinstri: Pálmi Jónsson Alþingismaður, Helga Sigfúsdóttir kona hans og Ragnheiður Sigurjónsdóttir. Aðrir við borðið eru óþekktir. Við næsta borð eru Guðbjörg Viggósdóttir og Linda Kristjánsdóttir.
guðmundur012
Hér er Guðmundur Guðnason póstur og ljósmyndari í fullum skrúða á pósthjólinu fyrir utan heimili sitt að Ægissíðu.
Óþekkt112
Hér er prédikunarstóllinn úr Hólaneskirkju eldri sem var í notkun frá 1928 til október 1991 en kirkjan var rifin skömmu síðar. Hún var teiknuð af Guðjóni Samúelssyni. Prédikunarstóllinn er nú geymdur í kjallara núverandi Hólaneskirkju.
Guðmundur113
Myndin er tekin af hlaði Ægissíðu sem var heimili ljósmyndarans Guðmundar Gunasonar. Til hægri sést Sólvangur en Ásholt til vinstri. Milli þeirra eru fjár- og hesthús.
14_Innbr_af_Hofda
Myndin er tekin 1945-1946. Búið er að byggja helming mjölskemmunnar en austari hluti hennar er í byggingu. Í vinstra horni myndarinnar sér í hornið á Skálholti. Nær okkur sést svo örlítið í þökin á Dvergasteini og Draumalandi. Niðri í hægra horninu eru svo Kárastaðir sem seinna var byggt ofan á. Húsin sem standa niður með Skagavegi eru svo: Þórshamar, Þórsmörk, Héðinshöfði áður en byggt var við hann, Garður og braggarnir.
01_Kaupfelagshusid
Kaupfélagshúsið við Einbúann: Byggt á árunum kringum 1930.
12_Skemman_Hofdinn
Verksmiðjan til vinstri og Hafnarhúsið til hægri. Myndin tekin 1945 - 1946.
04_Skagstrond_fravHofdanum
<P>Þessi mynd er tekin ca 1942 því þá var unnið að gerð uppfyllingar fyrir Skúffugarðinn sem sést fyrir miðri mynd. Húsið í vinstra horninu er Þórsmörk þar sem Hallbjörg Jónsdóttir og Sigurðuar Guðmonsson bjuggu síðar með börn sín. Hvíta húsið hægra megin er Garður en þar bjuggu Helga Þorbergsdóttir og Jóhannes Pálsson með sín börn. Fjær má sjá Karlsskála (með áberandi stromp) og Læk. Önnur hús eru Móar, Brúarland, Jaðar, Efri -lækur, Karlsminni, Viðvík og fleiri.</P>
52_Kaupfelagid_og_Einbui_fra_Hofda
Skagaströnd séð frá Höfðanum. Árið er 1936 því þá var byggt fyrsta kerið í slippnum neðan við Bjarmanes. í forgrunni myndarinnar eru kaupfélagið og Einbúinn en sundlaugin hefur ekki verið byggð.
32_Litla-Berg_1945
Litla-berg 1945
47_Kaupfelagid_fra_Hofdanum_Postkort_E_Hemmert
Myndin er tekin ca 1930 af Höfðanum yfir Kaupfélagið og verslunarhúsin í útbænum eða á Skagaströnd eins og kallað var. Húsin á myndinni eru frá hægri: verslunarstjórahús, Kaupfélag Skagstrendinga (KAST), Assistentahús sem stendur þvert á háreist pakkhúsið sem er með viðbyggingu til norðurs. Ljósa húsið nær okkur er Garður. Vinstra megin við pakkhúsið er Sæmundsenbúð.
46_Skagatrond_fra_Hofdanum_postkort
Skagastrandarmynd tekin af Höfðanum rétt fyrir 1950 (líklega 1948 þegar stálþil var rekið niður á Skúffugarði)
guðmundur002
Myndin er tekin á fallegum sumardegi frá húsinu Ægissíðu og upp að bænum Melstað sem nú er löngu horfinn en við Melstað var löngum kenndur Björgvin Guðmundsson frá Saurum á Skaga.
53_Kirkjan_gamla_ad_innan
Mynd tekin inn að altarinu í gömlu kirkjunni á Skagaströnd.
06_Skagastrond_fra_Hofda_vetur
Þessi mynd er tekin 1942 eða 1943. Húsin næst okkur á myndinni eru öll horfin Höfðakot næst okkur, Dvergasteinn næst og Draumaland er pínulitla húsið til hægri. Stóru húsin tvö eru Skálholt til vinstri og Þórshamar til hægri en litla húsið hægra megin við Þórshamar er Þórsmörk sem nú er horfin.
Óþekkt109
Mynd tekin inn eftir gömlu kirkjunni á Skagaströnd - Hólaneskirkju eldri.
hem014
Gamalt póstkort frá Skagaströnd. Á kortið er ritað þann 17. nóvember 1913. Tvílyfta húsið lengt til vinstri er Verslunarstjórahúsið, sem seinna var kallað Kaupfélagshúsið. Húsið var byggt um 1906 og stóð skammt vestan við núverandi Gamla kaupfélagið við Einbúastíg. Stóra rismikla húsið fyrir miðri mynd var hesthús og fjós kaupmannsins og líklega líka notað sem pakkhús að hluta. Við vinstra horn hesthússins sér í Assistentshús sem var heimili verslunarþjónsins, sem vann hjá kaupmanninum. Við hægra horn hesthússins sér svo í Sæmundsensbúð. Litla húsið vestan í Einbúanum var þvottahús. Eins og sést var þessi mynd tekin áður en vinna hófst við núverandi höfn hófst (1934). Þá var Einbúinn klettadrangur sem stóð fram í sjó í víkinni sem annars var órofin frá Hólsnefi og inn að Bjargi (nú Breiðabliki). Þjóðtrúin segir að álfar búi í Einbúanum og því boði það ógæfu fyrir samfélgið ef hann verður skertur eða skemmdur á einhvern hátt. Leyfi fékkst þó hjá álfunum til að koma fyrir fánastöng efst á Einbúanum og þar er enn flaggað á tyllidögum.<br>Myndina tók Evald Hemmert kaupmaður.
Óþekkt128
Frá samkomu í Fellsborg að lokinni vígslu kirkjunnar. Talið frá vinstri. Julian Hewlet organisti kirkjunnar og þáverandi kona hans Rosemary á tali við Guðmund Sigvaldason sveitarstjóra. Í baksýn má sjá Hlíf Sigurðardóttur, Árna Ó. Sigurðsson og Adolf J. Berndsen.
Óþekkt126
Frá samkomu í Fellsborg eftir vígslu kirkjunnar. Gylfi Sigurðsson og Oddur Einarsson ræða málin við borðið en í bakgrunni eru talið frá vinstri: Torfhildur, Guðrún Guðbjörnsdóttir, Guðrún Sigurðardóttir, Sigríður Gestsdóttir og Fjóla Jónsdóttir.
guðmundur008
Sæból. Þetta hús brann síðar en það stóð rétt hjá þar sem nú er leikskólinn Barnaból.
Óþekkt110
Steindór Rúniberg Haraldsson mátar sig í predikunarstól Hólaneskirkju eldri. Steindór varð seinna meðhjálpari við Hólaneskirkju í mörg ár.
Óþekkt118
Lárus Ægir Guðmundsson formaður byggingarnefndar Hólaneskirkju færir Hega Gunnarssyni, yfirsmið við bygginguna, blóm sem þakklætisvott fyrir hans góðu störf.
Óþekkt117
Lárus Ægir Guðmundsson formaður byggingarnefndar Hólaneskirkju færir kirkjusmiðunum Sigmari Jóhannessyni (til vinstri) og Sigurði Björnssyni blóm sem þakklætisvott fyrir vel unnin störf. Fremst á myndinni má sjá Jón Ingvar Valdimarsson.
Óþekkt040
Framkvæmdir komnar vel á veg við nýja kirkju á Skagaströnd. Sú gamla sést í baksýn.
Guðmundur071
Raðhús á Mánabraut í forgrunni og í baksýn er verið að byggja hús trésmiðju Helga Gunnarssonar.
guðmundur009
Mynd af útbænum á Skagatrönd tekin af Höfðanum. Helmingur húsanna á myndinni eru nú horfin.
Guðmundur145
Hólaneskirkja, sú gamla, á messudegi. Sér í byrjunarframkvæmdir við þá nýju framan við gömlu kirkjuna.
Guðmundur067
Á myndinni sést gamla Tunnan sem seinna varð Spákonuhof. Hafði áður þjónað sem samkomuhús, íþróttasalur, kvikmyndahús og áhaldahús sveitarfélagsins. Við hlið Tunnunnar eru leyfarnar af gamla hafnartrukknum en í baksýn sér í Ólafsvelli (Náttbrún) og raðhúsið við Suðurveg 2 - 8. Yfir Tunnuna til vinstri sér í hornið á Iðavöllum.
guðmundur007
Vetrarmynd af Skagaströnd tekin af Höfðanum.
guðmundur214
Hólaneshúsið sennilega á sjómannadegi. Óþekktur ræðumaður talar af svölum hússins.
Óþekkt115
Baldur Haraldsson múrari vinnur við flísalögn í Hólaneskirkju.
Guðmundur033
Presturinn og gestur flýta sér til messu í Hólaneskirkju.
Guðmundur069
Á myndinni sjást framkvæmdir við byggingu nýrrar Hólaneskirkju einhverntíma á níunda áratugnum.
guðmundur178
Myndin er tekin á Ráðhústorginu á Akureyri. Sennilega 17. júní Þarna sést niður Strandgötuna með Nýja Bíó til hægri. Mynd sennilega tekin á árunum milli 50 og 60
guðmundur216
Hólaneskirkja (eldri) stóð mjög nærri þeim stað sem núverandi kirkja er. Kirkjan þjónaði Skagstrendingum frá 1928 - 1991.
1
2
3
4
5
…
65
Leita í myndasafninu
Leita