Beint í efni
Skagaströnd.is
↗
Allar myndir
Mannvirki
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Náttúra
Samgöngur
Miðflokkur
Barnaból
Gamla Kirkjan á Skagaströnd
Höfðaskóli
Kirkjan á Skagaströnd
Minjasafn
Skipasmíðastöð Guðmundar Lárussonar
Slippurinn
Verksmiðja
3.849 myndir
Flæði
Reitir
Ólafur Bernódusson541
Þessi mynd var tekin á skólaslitum Höfðaskóla 1990 í Fellsborg. Á myndinni eru börn fædd 1980. Frá vinstri: Ástmar Sigurjónsson, Gunnar Dór Karlsson, óþekktur, Sigurður Sverrir Ólafur Hallgrímsson í hestapeysu Jóhann Guðbjartur Sigurjónsson á bak við Sigurð Sverri, Sigurður Haukur Grétarsson, Rakel Petrea Finnsdóttir, Kristinn Björgvinsson, Erla María Lárusdóttir, Valrún Eva Vilhelmsdóttir, Bjarney Katrín Gunnarsdóttir, Fjóla Sigurbjörg Ómarsdóttir og Auður Eva Guðmundsdóttir.
Ólafur Bernódusson443
Á Flippíþróttadegi Höfðaskóla keppa nemendur í óhefðbundnum greinum. Í desember 1990 var Flippíþróttadagurinn í Fellsborg þar sem þá var kennd leikfimi. Milan Djurica kenndi leikfimi og var mjög vinsæll meðal nemenda sinn eins og glöggt má sjá á þessari mynd. Frá vinstri: Páll Leó Jónsson skólastjóri, Kjartan Arnþór Þórðarson, Loftur Björgvinsson, Steinþór Karlsson, María Markovic, óþekkt, Marta Kristín Jónsdóttir, þrír óþekktir og Davíð Bragi Björgvinsson.
Guðmundur Guðnason138
Bólstaðarhlíð.
Guðmundur Guðnason048
Þetta hús þjónaði sem útibú kaupfélagsins í mörg ár. Það var staðsett vestan við Holt eiginlega í suðvestur horni skólalóðarinnar sem nú er og út á götuna sem þar er (Oddagötu). Húsið komst svo í eigu Hestamannafélagsins Snarfara á Skagaströnd og ætluðu félagar í félaginu að fara með húsið upp að skeiðvelli sínum, sem er á melunum ofan og norðan við bæinn. Húsið var dregið af stað á símastaurum sem virkuðu eins og meiðar undir því. Þegar komið var með húsið að Snorrabergjunum og átti að fara þar upp voru staurarnir hins vegar uppeyddir og húsið komst aldrei lengra. Það var seinna rifið þarna sem það stendur á myndinni og aldrei reist við skeiðvöllinn.
Ólafur Bernódusson521
Krökkum á Skagaströnd voru kennd rétt viðbrögð í sjávarháska og ýmis konar annarri vá um borð í Sæbjörgu í júní 1994. Þá kom skipið til Skagastrandar og sjómenn frá Skagstrendingi hf og fleiri fyrirtækjum sátu björgunarnámskeið um borð. Krökkunum var boðið upp á styttra námskeið. Frá vinstri: óþekktur leiðbeinandi, Hildur Inga Rúnarsdóttir, Gunnar Guðmundsson, Linda Hafdal, Finnbogi Guðmundsson, Guðrún B. Elísdóttir, Jóhannes Grétarsson, Sara Gunnarsdóttir, Kristján Gunnar Guðmundsson, Hrefna Dögg Þorsteinsdóttir, Ragna Gunnarsdóttir, Jón Örn Stefánsson, Sigurbjörg Jónasdóttir, Elísabet Vatnes, Guðrún Elsa Helgadóttir og óþekktur leiðbeinandi.
Ólafur Bernódusson543
Þessi mynd var tekin á skólaslitum Höfðaskóla 1990 í Fellsborg. Á þessari mynd er Ingibergur Guðmundsson aðstoðarskólastjóri að afhenda einhverjar viðurkenningar. Stúlkan lengst til vinstri er óþekkt en síðan kemur Salóme Ýr Rúnarsdóttir, Hugrún Sigurðardóttir og Hugrún Pálsdóttir. Ef þú þekkir óþekktu stúlkuna vinsamlega sendu okkur þá athugasemd.
Ólafur Bernódusson 494
Krakkarnir í 5. og 6. bekk Höfðaskóla 1992 syntu áheitasund í sundlauginni á Skagaströnd í október það ár ásamt kennara sínum Unni Kristjánsdóttur. Á þessari mynd fagna krakkarnir að loknu sundi. Frá vinstri: Ólafur Guðmundsson, óþekktur á bak við hann, Elva Dröfn Árnadóttir, Sverrir Brynjar Berndsen, Karen Peta Karlsdóttir, óþekktur, Unnur Kristjánsdóttir kennnari, Bæring Jón Skarphéðinsson, Andri Þór Ómarsson, Sveinþór Ari Arason, Sigrún Líndal Þrastardóttir, Davíð Bragi Björgvinsson, Kristrún Linda Jónasdóttir,óþekkt, óþekkt, Birna Ágústsdóttir og ?Þóra Lísebet Gestsdóttir?. Drengurinn á bakkanum er Birkir Rafn Gíslason. Ef þú þekkir óþekktu krakkana vinsamlega sendu okkur þá athugasemd.
Ólafur Bernódusson515
Á myndinni, sem var tekin í október 1993, er Ólafur Magnússon Hu 54 að skoða borgarísjaka sem strandaði skammt fyrir innan Skagaströnd á 40 metra dýpi. Um borð voru krakkar og kennarar úr Höfðaskóla. Þetta er sami borgarísjakinn og er á mynd númer 5186 en sú mynd var tekin af honum fyrir utan Skagaströnd. Á leið sinni framhjá Skagaströnd og þar til hann strandaði hafði jakinn velt sér og sýnir því aðra ásýnd hér en á hinni myndinni.
Guðmundur Guðnason112
Þessi mynd sýnir fjárhús og hlöðu. Ekki er alveg víst hvar þessi skepnuhús voru en líklega tilheyrðu þau Bergsstöðum. Búið er að bera heyið á túninu upp í sátur. Ekki er vitað hvenær myndin var tekin.
Óþekktur ljósmyndari216
Næst okkur á myndinni er Brimnes þá Sólbakki, Ásberg/Ásbyrgi og Bjarg. Hægra megin á myndinni sjást Hnappsstaðir. Ekki er vitað hvenær myndin var tekin.
Óþekktur ljósmyndari271
Þetta voru leikarar í leikritinu "Bjartur í Djúpadal" sem sýnt var af nemendum Höfðaskóla. Leikararnir eru frá vinstri: Þórunn Bernódusdóttir, Ari Jónsson, Hallbjörn Björnsson, Guðrún Þórbjarnardóttir, Jóhanna Valdimarsdóttir, Stefán Ingólfsson (d. 21.10.2004) og Lárus Ægir Guðmundsson. Myndin var tekin fyrri hluta ársins 1959. <font size="1">(Heimild: Byggðin undir Borginni bls. 257 og Ari E. Jónsson)</font>
Ólafur Bernódusson537
Gamla og nýja Hólaneskirkja. Nýja kirkjan var byggð rétt framan við þá gömlu sem seinna var rifin. Myndin var tekin vorið 1993.
Óþekktur ljósmyndari185
Tveir verkamenn á heimleið úr vinnu eftir fjörunni fyrir víkina. Til vinstri Lárus Guðmundsson og Sveinbjörn Hannesson til hægri. Húsið sem sést á milli þeirra er Viðvík þar sem lengi var rekið veitinga- og gistihús. Húsið til vinstri er Karlsminni. Myndin var líklega tekin í kringum 1940.
Óþekktur ljósmyndari181
Myndin var tekin í fjörunni neðan við Einbúann sem sést til vinstri. Efri Lækur, Jaðar, Karlsskáli, Neðri Lækur, Lundur, óþekkt hús og Karlsminni eru húsin sem sjást á myndinni ef talið er frá vinstri.
Óþekktur ljósmyndari328
Sjómannadagur sennilega 1949. Þá voru hátíðahöld á Hólanesinu. Húsin í baksýn eru Árnes, þar sem menn sitja undir vegg, Miðnes eða Sigurðarhús er stóra húsið. Lengst til hægri er Bláland og lengra frá sér í Þorfinnshúsið (Bogabraut 9).
Ólafur Bernódusson544
<P>Þessi mynd var tekin á skólaslitum Höfðaskóla 1990 í Fellsborg. Á þessari mynd er Ingibergur Guðmundsson aðstoðarskólastjóri að þakka ungum mönnum fyrir veturinn. Frá vinstri: Baldur Magnússon, Friðrik Gunnlaugsson, Atli Þórsson, Jón Heiðar Jónsson, Reynir Lýðsson, Björn Sigurðsson Gunnar Halldór Hallbjörnsson og Ingibergur. </P>
Ólafur Bernódusson481
Óskar Ingi Þórsson (d. 5.4.2007) veturinn 1990 - 91 í 10. bekk Höfðaskóla.
Óþekktur ljósmyndari218
Gömul mynd af Bankastræti. Myndin var sennilega tekin upp úr 1940 en óvíst er með hvenær. Næst okkur á myndinni er búið að taka grunn að Höfðaborg (Bankastræti 9). Þar fyrir aftan sést grind að Flankastöðum (Bankastræti 7) og er þetta a.m.k. annað húsið sem byggt var á þessum reit undir Flankastaðanafninu. Þetta er þó ekki húsið sem stendur þarna í dag, það var byggt miklu síðar. Lágreista húsið sem ber yfir grindina að Flankastöðum var Kárastaðir (Bankastræti 5). Seinna var byggð önnur hæð ofan á Kárastaði og enn síðar var það rifið. Enn aftar eða fjær okkur á myndinni standa Draumaland og Dvergasteinn sem bæði eru horfin. Stórholt (Bankastræti 3) er ekki komið en það var byggt 1950 - 51. Lengst til hægri á myndinni er Þórshamar við Skagaveg og síðan Skálholt sem einnig stendur við Skagaveg. Húsið sem stendur vinstra megin við Skálholt, dálítið nær Höfðanum, er Höfðakot. Önnur hús á myndinni eru fjós, hlöður eða hest- eða fjárhús sem tilheyrðu þeim sem bjuggu við Bankastræti. Þó er húsið, sem stendur vinstra megin við grindina að Flankastöðum, sennilega eldra Flankastaðahús sem svo var aflagt með tilkomu hins nýja.Takið eftir að ekki er búið að gera götuna, Bankastræti, eins og við þekkjum í dag. Takið líka eftir fólkinu sem er í heyskap á blettinum neðan við Tjaldklaufina næst okkur á myndinni.
Óþekktur ljósmyndari339
Gamli bærinn í Réttarholti. Hann brann eftir að flutt hafði verið úr honum fyrir nokkru. Á myndinni sést lítið sem ekkert af Landsendarétt sem stóð á sjávarbakkanum norðan við bæinn. Fyrir miðri mynd er greinileg gamla Réttarholtsvörin eins og skurður í fjörunni.
Óþekktur ljósmyndari213
Litla Fell. Lengra frá sér í gamla bæinn að Spákonufelli. Myndin var lúiklega tekin 1949.
Ólafur Bernódusson542
Þessi mynd var tekin á skólaslitum Höfðaskóla 1990 í Fellsborg. Á þessari mynd afhendir Ingibergur Guðmundsson, þá aðstoðarskólastjóri, einhver verðlaun. Frá vinstri: Guðmundur Henry Stefánsson, Svanur Árnason og Reynir Lýðsson.
Guðmundur Guðnason086
<p>Mynd frá vígslu Höfðaskóla haustið 1958. Presturinn á myndinni er séra Pétur Þ. Ingjaldsson ( d.1.6.1996) og maðurinn við hlið hans er Hafsteinn Sigurbjarnarson (d. 18.5.1974) frá Reykholti. Sigurjón Jóhannsson (d. 20.11.1974) kennari frá Baldursheimi er númer tvö frá vinstri. Aðrir eru óþekktir. </p>
Hjördís Sigurðardóttir - safn029
<p>Fermingarbörn vorið 1975 með séra Pétri Þ. Ingjaldssyni (d.1.6.1996) í Hólaneskirkju eldri. Aftari röð frá vinstri: Páll Jónsson, Jósef Sigurðsson, Egill Bjarki Gunnarsson, Ástmar Kári Ástmarsson og Hafþór Smári Gylfason. Fremri röð frá vinstri: Ásdís Þórbjarnardóttir, Lilja Kristinsdóttir, Guðrún Björg Berndsen, Þórey Jónsdóttir, Þórdís Guðmundsdóttir og Hjálmfríður Bjarnadóttir.
Séra Pétur og Dómhildur - safn108
Myndin var tekin eftir að séra Pétur Þ. Ingjaldsson hafði tekið fyrstu skóflustnguna að byggingu nýrrar Hólaneskirkju árið 1979. Á myndinni eru frá vinstri: Adolf J. Berndsen (d.27.8.2018), Bjarney Valdimarsdóttir, Dómhildur Jónsdóttir (d. 18.10.2012), Lárus Ægir Guðmundsson, Stefán Ægir Lárusson, Hulda Magnúsdóttir, Elín Njálsdóttir, Pálína Harðardóttir, Þorsteinn Jónsson, óþekkt, Georg Hjartarson (d. 13.9.2001), Ægir Jónsson, Guðrún Sigurðardóttir, Bára Þorvaldsdóttir (d.7.2.2022), Skafti Fanndal Jónasson (d. 2.9.2006), Guðrún Guðbjörnsdóttir, séra Pétur (d. 1.6.1996), Aðalbjörg Hafsteinsdóttir (d.10.3.2022), Aðalheiður Guðmundsdóttir (d. 24.9.2011), Kristján Hjartarson (d. 2.8.2003) og Gunnlaugur Sigmarsson.
Skagaströnd - safn092
Þessi mynd var tekin af þeim Sigurjóni Ingólfssyni og Hallbjörgu Jónsdóttur með son sinn Jón Ólaf Sigurjónsson í júní 1982. Tilefni myndatökunnar var að þá var þeim afhent fyrsta íbúðin í Verkamannabústöðum við Suðurveg.
Ólafur Bernódusson485
Börkur Árnason veturinn 1990 - 91 í 10. bekk Höfðaskóla
Óþekktur ljósmyndari230
Þessi mynd var sennilega tekin árið 1950. Húsið lengst til hægri, Stórholt (Bankastræti 3), er í byggingu. Draumaland er litla húsið vinstra megin við Stórholt en þar bjuggu mæðginin Þórunn Samsonardóttir (d. 11.10.1986) og Herbert Ólafsson (d. 25.4.2007). Dvergasteinn er svo næst í röðinni en þar bjuggu Hafsteinn B. Fossdal (d. 22.2. 1962) og Svanbjörg M. Jósefsdóttir (d. 31.3.2002) með fjórum börnum sínum. Húsið í vinstra horninu var Höfðakot en þar bjuggu hjónin Steingrímur Jónson (d. 15.1.1992) og Halldóra Pétursdóttir (d. 23.12.1987) með börnum sínum og seinna tveimur barnabörnum. Einnig var á heimilinu bróðir Halldóru, Guðmundur Pétursson (d. 30.6.1987). Skálholt ber yfir Höfðakot en þar bjuggu á þessum tíma Engilbert Óskarsson (d. 13.9.1982) og Sigríður Helgadóttir (d. ?) á efri hæðinni en Bernódus Ólafsson (d. 18.9.1996) og Anna H. Aspar (d. 1.9.1999) með tveimur dætrum sínum á neðri hæðinni. Fyrir aftan Skálholt (fjær) er Bjarmaland en þar áttu heima Hrólfur Jónsson (d. 1.8.1989) og Sigríður Guðlaugsdóttir (d. 25.3.1996) ásamt dóttur sinni Áslaugu Hrólfsdóttur. Þórshamar sést milli Dvergasteins og Draumalands. Þar bjuggu á efri hæðinni Kristján Sigurðsson (d. 3.11.1966) og Unnur Björnsdóttir (d. ?). Á neðri hæðinni bjuggu Jóhann Baldvinsson (d. 9.4.1990) og Core Soffie Poulsen (d. 1987) kona hans með sinni fjölskyldu. Til hægri við Þórshamar er Þórsmörk sem var heimili Sigurðar Guðmonssonar (d. 5.8.1981) og Hallbjargar Jónsdóttur (d. 22.12.1987) og barna þeirra. Yfir þakið á Stórholti sést svo Héðinshöfði en ekki er vitað hver bjó þar á þessum tíma. Í Héðinshöfða voru tvær íbúðir, ein í hvorum enda hússins.
Ólafur Bernódusson518
Í maí 1994 voru að venju haldinn útivistardagur í Höfðaskóla. Eitt af verkefnunum sem í boði voru fyrir nemendurna í unglingadeildunum var að prófa bjargsig út á Höfða undir leiðsögn og stjórn Carl Lehman Jakobsen íþróttakennara. Á þessari mynd sígur Jón Ólafur Sigurjónsson niður 20 - 30 metra. Calle fylgist með og segir til á brúninni.
Óþekktur ljósmyndari217
Þórsmörk á kafi í snjó veturinn 1951. Í þórsmörk bjuggu lengi hjónin Sigurður Guðmonsson (d. 5.8.1981) og Hallbjörg Jónsdóttir (d. 22.12.1987) með börnum sínum.
Óþekktur ljósmyndari329
Akur (Hólabraut 13) árið 1966. Konan á myndinni er Þórunn Samsonardóttir (d. 11.10.1986) sem þar bjó með syni sínum Herbert Ólafssyni (d. 25.4.2007).
Ólafur Bernódusson 510
Í febrúar 1993 afhentu krakkar í þáverandi 5.og 6. bekk í Höfðaskóla sóknarprestinum séra Agli Hallgrímssyni sitt framlag til hjálparstofnunar kirkjunnar. Peningum höfðu krakkarnir meðal annars safnað með velheppnuðu áheitasundi um haustið. frá vinstri: Davíð Bragi Björgvinsson, Ragna Hrafnhildur Magnúsdóttir, Ásdís Lýðasdóttir, Sveinþór Ari Arason (fjær), Þóra Lísebet Gestsdóttir, Karen Peta Karlsdóttir (nær), Andri Þór Ómarsson, Bæring Jón Skarphéðinsson og Hafsteinn Björnsson í fremstu röðinni og Kristrún Linda Jónasdóttir á milli þeirra. Elva Dröfn Árnadóttir er í köflóttri skyrtu en Sigrún Líndal Þrastardóttir og Heiðrún Ósk Níelsdóttir eru hægra megin við hana. Séra Egill Hallgrímsson stendur með gjafabréfið í höndunum og við hlið hans er Unnur Kristjánsdóttir kennari krakkanna. Framan við þau eru frá vinstri: Ólafur Guðmundson, Birna Ágústsdóttir, Elvar Arinbjörn Grétarsson og Sverrir Brynjar Berndsen. Í dag, 16. janúar 2014, þegar þessi mynd er birt búa einungis tvö barnanna enn á Skagaströnd. Getur þú áttað þig á hver þau eru?
Ólafur Bernódusson 529
Togarinn Arnar Hu 1 tók þátt í togararallyi í maí 1993. Starfsmenn Hafrannsóknarstofnunar um borð tóku með sér ýmis konar lífverur í land en þær höfðu komið í trollið hjá Arnari. Börnum úr Höfðaskóla, Blönduósskóla og Húnavöllum var boðið að koma og skoða lífverurnar. Eins og sjá má á myndinni þá var áhuginn gríðarlegur hjá krökkunum.
Ólafur Bernódusson545
Þessi mynd var tekin á skólaslitum Höfðaskóla 1990 í Fellsborg. Á þessari mynd afhendir Ingibergur Guðmundsson, Hólmfríði Önnu Ólafsdóttur (Díu Önnu), viðurkenningu fyrir góða frammistöðu sem hringjari skólans veturinn 1989 - 1990.
Adolf H Berndsen - safn034
Hér er stjórnsýsluhúsið í byggingu. Litla húsið til vinstri var Ólafsvellir eða Náttbrún eins og húsið var líka kallað. Myndin var tekin um miðbik níunda áratugarins.
Óþekktur ljósmyndari204
Þetta er líklega mynd af uppboði á hlaðinu hjá Árnesi. Húsið til hægri er Sigurðarhús (Miðnes). Uppboð voru mun algengari áður fyrr þ.e.a.s. uppboð sem fólk hélt vegna flutninga eða einhvers annars þvíumlíks en ekki endilega vegna þess að það væri komið í þrot. Þannig var t.d. algengt að fólk héldi uppboð á eigum sínum áður en það flutti til vesturheims.
Guðmundur Guðnason092
Snjómokstur á götunni fyrir ofan Ægissíðu. Maðurinn á myndinni er Guðni Sveinsson (d. 15.11.1971) í Ægissíðu. Húsið sem sér í bakvið jarðýtuna var Melstaður sem stóð suðaustan við Laufás.
Séra Pétur og Dómhildur - safn102
Myndin var tekin af fermingarsystkinum og séra Pétri Þ. Ingjaldssyni (d. 1.6.1996)í Hólaneskirkju eldri. Fermingarbörnin eru frá vinstri: Guðrún Angantýsdóttir, Sigríður Laufey Ólafsdóttir, séra Pétur, Sigurbjörg Angantýsdóttir (d. 10.9.1997) og Hjalti Skaftason. Myndin var sennilega tekin vorið 1954.
Guðmundur Guðnason166
Fólk að koma frá messu í Hólaneskirkju eldri. Maðurinn á miðri mynd með barn í fanginu er Sigurður Árnason (d. 26.3.2013) en drengurinn til hliðar við hann til vinstri er Sævar Rafn Hallgrímsson. Aðrir eru óþekktir.
Ólafur Bernódusson 530
Togarinn Arnar Hu 1 tók þátt í togararallyi í maí 1993. Starfsmenn Hafrannsóknarstofnunar um borð tóku með sér ýmis konar lífverur í land en þær höfðu komið í trollið hjá Arnari. Börnum úr Höfðaskóla, Blönduósskóla og Húnavöllum var boðið að koma og skoða lífverurnar. Eins og sjá má á myndinni þá var áhuginn gríðarlegur hjá krökkunum. Maðurinn með gleraugun er Jón Ingvar Valdimarsson aðstoðarskólastjóri í Höfðaskóla.
Ólafur Bernódusson480
<p>Þetta er annar hvor tvíburanna Vilborg Jóhannsdóttir eða Áslaug Jóhannsdóttir veturinn 1990 - 91 í 10. bekk Höfðaskóla. Þær systur eru eineggja tvíburar og því afar líkar og erfitt að þekkja þær sundur á myndum. </p>
Ólafur Bernódusson 495
Krakkarnir í 5. og 6. bekk Höfðaskóla 1992 syntu áheitasund í sundlauginni á Skagaströnd í október það ár ásamt kennara sínum Unni Kristjánsdóttur. Á myndinni eru, talið frá vinstri: Elvar Arinbjörn Grétarsson, Ólafur Guðmundsson (nær), Elva Dröfn Árnadóttir, Sverrir Brynjar Berndsen, Karen Peta Karlsdóttir (fjær), óþekktur, Bæring Jón Skarphéðinsson, Unnur Kristjánsdóttir kennari, Andri Þór Ómarsson, Sveinþór Ari Arason, Ragna Hrafnhildur Magnúsdóttir, Davíð Bragi Björgvinsson, Kristrún Linda Jónasdóttir, Ásdís Lýðsdóttir, óþekkt, Birna Ágústsdóttir og ?Þóra Lísebet Gestsdóttir?. Birkir Rafn Gíslason er uppi á bakkanum. Ef þú þekkir óþekktu krakkana vinsamlega sendu okkur þá athugasemd.
Óþekktur ljósmyndari330
Þessi mynd, tekin af sjó einhverntíma á árunum 1965 - 1970, sýnir innbæinn eins og hann var þá. Takið eftir að verið er að byggja ker í slippnum fyrir framan Bjarmanes á Hólanesinu.
Ólafur Bernódusson522
<p>Þessi útihús tilheyrðu Drangey sem stóð sunnan við Höfðaskóla. Húsin brunnu í ágúst 1994 og var talið að kveikt hefði verið í þeim af einhverjum krökkum sem voru að fikta með eldspýtur. </p>
Ólafur Bernódusson538
Veturinn 1995 héldu krakkarnir í 8. - 10. bekk Höfðaskóla körfuboltamaraþon. Þá voru íþróttir kenndar í Fellsborg því ekki var búið að byggja íþróttahúsið og því fór maraþonið fram þar. Með maraþoninu voru krakkarnir að safna fé til kaupa á ýmsum íþróttaáhöldum. Á myndinni eru krjúpandi frá vinstri: Finnbogi Guðmundsson, Jóhannes Grétarsson, Gunnar Dór Karlsson, Smári Gunnarsson, Guðjón Hall Sigurbjörnsson, Birna Ágústsdóttir og Sigrún Líndal. Standandi frá vinstri: Geirþrúður Guðmundsdóttir, Bjarney Katrín Gunnarsdóttir, Guðrún Elsa Helgadóttir, Erla María Lárusdóttir, Linda Hafdal, Auður Eva Guðmundsdóttir, Þóra Lísebet Gestsdóttir?, Bæring Skarphéðinsson, Karen Peta Karlsdóttir, Hallbera Gunnarsdóttir?, Valrún Eva Vilhelmsdóttir, Bjarni Þórmundssson íþróttakennari og Heiðrún Ósk Níelsdóttir.
Ólafur Bernódusson547
Hólaneskirkja og Spákonufellið 1996.
Óþekktur ljósmyndari345
Spákonufellsbærinn og kirkjan að Spákonufelli. Þessar byggingar stóðu þar sem kirkjugarðurinn sóknarinnar er í dag. Samkvæmt Byggðin undir Borginni<font size="1"> </font> var alkirkja á Spákonufelli a.m.k. allt frá 1318 því frá þeim tíma er til máldagi kirkjunnar. Kirkjan á myndinni var fyrsta timburkirkjan, sem þarna stóð, en hún var byggð 1852. Fram að því höfðu kirkjurnar verið byggðar úr torfi og grjóti. Þessi var notuð þar til ný kirkja var svo vigð á Skagaströnd 17. júní 1928 og enn ný kirkja þar í október 1991. <font size="1">(Heimildir: Byggðin undir Borginni bls 34 - 37 og Ágrip af sögu Spákonufells- og Hólaneskirkna 1300 - 2012 bls 26 - 28 eftir Lárus Ægi Guðmundsson).</font>
Ólafur Bernódusson483
Þröstur Árnason veturinn 1990 - 91 í 10. bekk Höfðaskóla
Jóhanna Jónsdóttir (Nanna á Hólanesi) - safn019
Frystihús Hólaness hf á Hólanesi - nú listamiðstöðin Nes. Mennirnir eru óþekktir en líklega er maðurinn til hægri með hattinn Jón Áskelsson (d. 1989) framkvæmdastjóri Hólaness hf. Myndin var tekin af bryggjustúf sem var vestan við frystihúsið. Húsin sem sjást í baksýn á milli húsa frystihússins eru Bogabraut 9 (Þorfinnshúsið) til vinstri og Holt til hægri. Ekki er vitað hvenær myndin var tekin en það hefur verið fyrri 1957 því annars mundi Höfðaskóli líka sjást á milli húsanna.
Óþekktur ljósmyndari212
Háagerðisbærinn 1964. Síðustu ábúendur voru Kristján Guðmundsson (d. 16.4.1979) og Fjóla Gísladóttir (d.5.11.1991) en þau hættu búskap og fluttu til Skagastrandar upp úr 1970. Bærinn er nú löngu horfinn og á jörðinni er nú golfvöllur - Háagerðisvöllur.
Guðmundur Guðnason104
Guðrún Angantýsdóttir hellir á könnuna heima í eldhúsinu sínu að Hólabraut 3.
Ólafur Bernódusson487
Linda Rós Rúnarsdóttir veturinn 1990 - 91 í 10. bekk Höfðaskóla
Óþekktur ljósmyndari293
Börn við framkvæmdir í fjörunni fyrir neðan Læk. Lækur er húsið til vinstri en lengra frá sér í Efri Læk. Börnin eru óþekkt.
Ólafur Bernódusson504
Í tengslum við Reiðhjóladag í Höfðaskóla í maí 1994 gaf Rauða kross deildin á Skagaströnd öllum yngstu börnum skólans nýja reiðhjólahjálma. Hér er hópurinn fyrir sunnan skólann með nýju hjálmana. Svo er bara að þekkja sjálfan sig á myndinni....
Séra Pétur og Dómhildur - safn107
Séð heim að kirkjustaðnum Höskuldsstöðum. Prestssetrið lengst til hægri, gamla kirkjan í miðjunni og sú nýja lengst til vinstri. Nýja kirkjan var vígð 31. mars 1963 og sennilega var þessi mynd tekin um það leyti.
Ólafur Bernódusson503
Lögreglan skoðar reiðhjól og útbúnað eigenda þeirra á hjóladegi Höfðaskóla í maí 1994. Næst okkur á myndinni bíður Anna María Magnúsdóttir eftir að röðin komi að henni. Aðrir eru óþekktir.
Ólafur Bernódusson520
Í maí 1994 voru að venju haldinn útivistardagur í Höfðaskóla. Eitt af verkefnunum sem í boði voru fyrir nemendurna í unglingadeildunum var að prófa bjargsig út á Höfða undir leiðsögn og stjórn Carl Lehman Jakobsen íþróttakennara. Á þessari mynd eru nemendurnir sem tóku áskoruninni og prófuðu að síga niður 20 - 30 metar þverhnípi. Sitjandi frá vinstri: Gunnar Guðmundsson, Hildur Inga Rúnarsdóttir, óþekktur, Árný Guðrún Ólafsdóttir, þrír óþekktir, Jóhanna Sólveig Hallgrímsdóttir, Ólína Laufey Sveinsdóttir. Strákurinn í gráa jakkanum er Hjörtur Guðmundsson en aðrir eru óþekktir.
Óþekktur ljósmyndari350
Húsaröðin næst: Steinholt (sér í hornið), Skálholt, Þórshamar, Þórsmörk og Garður. Vinstra megin eru: Bjarmaland (Grafarholt) í byggingu, Brúarland og Móar. Við sjóinn eru Karlsskáli, Efri - og neðri Lækur, Lundur, Jaðar, Lækjarbakki og Karlsminni. Myndin var tekin upp úr 1940.
Óþekktur ljósmyndari224
Verslunarhús Kaupfélags Skagstrendinga um 1945. Eftir að þessi mynd var tekin var gluggum hússins breytt en síðan við uppbyggingu kringum 2010 var húsinu aftur breytt til upprunalegs útlits fyrir utan að öðruvísi þakefni voru sett á húsið.
Óþekktur ljósmyndari262
Rækjuvinnslan nýbyggð 1975 og án síðari tíma viðbygginga.
Ólafur Bernódusson535
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Á þessari mynd er verið að reyna að moka snjó í Bankastræti hjá Flankastöðum (Bankastræti 7) þó svo virðist sem jarðýtan sé uppi á þaki hússins.
1
…
12
13
14
…
65
Leita í myndasafninu
Leita