Beint í efni
Skagaströnd.is
↗
Allar myndir
Mannvirki
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Náttúra
Samgöngur
Miðflokkur
Barnaból
Gamla Kirkjan á Skagaströnd
Höfðaskóli
Kirkjan á Skagaströnd
Minjasafn
Skipasmíðastöð Guðmundar Lárussonar
Slippurinn
Verksmiðja
3.849 myndir
Flæði
Reitir
Héraðsskjalasafn A-Hún 16
Gamla prestsetrið á Höskuldsstöðum og Höskuldsstaðakirkja sem vígð var 31. mars 1963. lengst til hægri á myndinni má sjá í örlítið horn af gömlu kirkjunni. Prestsetrið hefur nú verið rifið.
Héraðsskjalasafn A-Hún 144
Ásholt í Höfðahreppi (nú Sveitarfélagið Skagaströnd).
Héraðsskjalasafn A-Hún 57
Í Skagastrandarhöfn. Stóri báturinn er Stígandi Hu 9 en sá næst stærsti er líklega Ósk Hu 33. Trillan með mastrið er óþekkt en trillan til vinstri er sennilega Helga Hu 30. Húsin í baksýn eru, talið frá vinstri: Hafnarhúsið, Gamla smiðjan, Lækjarbakki, slökkvistöðin/vélaverkstæði Karls og Þórarins, Karlsminni, Strandgata 10, Viðvík, Höfðatún og Vík. Húsin sem standa lengra frá sjónum eru útihús og hlöður. Ekki er vitað hvenær myndin var tekin.
Héraðsskjalasafn A-Hún 237
Kambakot í Vindhælishreppi (nú Skagabyggð).
Óþekktur ljósmyndari 390
Myndin var tekin af krökkum úr Höfðaskóla í skólaferð að Hvítserk sem sést í baksýn. Frá vinstri: Stefán Sveinsson, Baldur Eðvarðsson, Gunnar Ásgeirsson, óþekktur, Jóhann Ásgeirsson, Hjalti Kristjánsson, óþekktur, Rafn Ingi Rafnsson?, óþekktur, Viggó Magnússon, Þorsteinn Jónsson, Óli Hjörvar Kristmundsson, Hólmgeir Kristmundsson (nær), Ægir Jónsson (fjær), Jón Arnarson, Jóhanna Gunnlaugsdóttir, Eiríkur Lýðsson, Hólmfríður Oddsdóttir, Svava Sigurðardóttir, Elín Rafnsdóttir, Hallgrímur Oddsson? og óþekktur.
Héraðsskjalasafn A-Hún 36
Höfðaskóli eins og hann var þegar hann var tekinn í notkun haustið 1958. Byggt var við suðurenda skólans snemma á níunda áratugnum. Maðurinn á myndinni er líklega Páll Jónsson (d. 19.7.1979) fyrsti skólastjóri Höfðaskóla.
Héraðsskjalasafn A-Hún 39
Félagsheimilið Fellsborg á Skagaströnd. Húsið til vinstri á myndinni er Röðulfell.
Óþekktur ljósmyndari 396
1986 varð stórbruni í plastverksmiðjunni Mark hf. Þá brann allt sem brunnið gat í verksmiðjunni þar á meðal tveir bátar tíu og 15 tonna sem voru langt komnir í framleiðslu. Auk þess brann þriðji báturinn mikið en hann stóð úti upp við vegg hússins. Þess má geta að Mark endurbyggði verksmiðjuna og hélt framleiðslu áfram þar til þremur árum síðar 1989 því þá brann aftur í verksmiðjunni. Á myndinni er slökkvilið Skagastrandar að berjast við eldinn sem var gríðarlegur eins og sjá má. Maðurinn með talstöðina er Sigurjón Ingólfsson og yfir öxlina á manninum í græna samfestingnum (Karl Berndsen?) má þekkja Hallbjörn Björnsson með gleraugu og síðhærði maðurinn er Vilhelm Jónsson. Aðrir á myndinni eru óþekktir.
Héraðsskjalasafn A-Hún 192
Vitinn í Kálfshamarsvík. Vitann teiknaði Guðjón Samúelsson sem var húsameistari ríkisins 1920 - 1950. Vitinn, sem er 16,3 metrar á hæð, var byggður 1940 en ekki tekinn í notkun fyrr en 1942 því ekki tókst að afla ljóstækja í hann fyrr. Gasljós var í vitanum til 1973 en þá var hann rafvæddur. (heimild: http://www.sjominjar.is/vitar/kalfshamarsviti/)<br>
Jón Jónsson 399
Ekki er vitað hvenær þessi mynd var tekin en hún sýnir hve snjóþyngsl geta verið mikil á Skagaströnd. Húsið, sem er á kafi í snjó á myndinni, er Hólabraut 17.
Héraðsskjalasafn A-Hún 56
Vitinn í Kálfshamarsvík. Á myndinni stendur að hann sé 16 metra hár en í raun er hann 16,3 metrar. Vitann teiknaði Guðjón Samúelsson sem var húsameistari ríkisins 1920 - 1950. Vitinn var byggður 1940 en ekki tekinn í notkun fyrr en 1942 því ekki tókst að afla ljóstækja í hann fyrr. Gasljós var í vitanum til 1973 en þá var hann rafvæddur. (heimild: http://www.sjominjar.is/vitar/kalfshamarsviti/)
Héraðsskjalasafn A-Hún 88
Höskuldsstaðir í Vindhælishreppi (nú Skagabyggð). Bæði þessi hús eru nú horfin og ný kirkja, örlítið norðan við þá á myndinni, var vígð 31.mars 1963. Nýtt íbúðarhús á Höskuldsstöðum stendur sunnar og vestar en þetta sem sést á myndinni.
Héraðsskjalasafn A-Hún 115
Þverá í Norðurárdal í Vindhælishreppi (nú Skagabyggð).
Árni Geir Ingvarsson - safn 744
Á myndinni er verið að slá upp undirstöðu - sökkli - fyrir bílskúr við Lækjarbakka á Skagaströnd. Smiðirnir eru Ómar Ingi Ómarsson til vinstri og Rúnar Kristjánsson til hægri.
Jón Jónsson 393
þessi mynd var tekin af kennaraatriði á árshátíð Höfðaskóla. Ekki er vitað hvenær myndin var tekin en líklega hefur það verið kringum 1980. Á myndinni eru frá vinstri: Jón Sveinn Pálsson skólastjóri, Jónas Baldursson, Sigurður Guðmundsson, Guðmunda Sigurbrandsdóttir (d. 15.8.2015), Ólafur Bernódusson, Guðmundur Haukur Sigurðsson, og Magnús B. Jónsson. Bak við Guðmund sér í Elínborgu M. Jónsdóttur (d. 7.1.2007). Barnið fremst til vinstri er líklega Friðrik Gunnlaugsson.
Höfðaskóli - safn 347
Þessi mynd var tekin í Höfðaskóla líklega kringum 1990. Við borðir sitja frá vinstri: tveir óþekktir, Erla María Lárusdóttir, tvær óþekktar, Auður Eva Guðmundsdóttir og Bjarney Katrín Gunnarsdóttir?. Uppi á borðum sitja, frá vinstri: Vignir Örn Hafþórsson, Sverrir Berndsen, Guðjón Ebbi Guðjónsson?, þrír óþekktir, Skúli Már Matthíasson, Heiðrún Ósk Níelsdóttir, Linda Jónasdóttir, Bæring Jón Skarphéðinsson, Elva Dröfn Árnadóttir, Birkir Rafn Gíslason, óþekktur, Magnús Líndal Þrastarson, Eyþór Ernstsson og Patrik Ingi Heiðarsson?. Ef þú þekkir óþekktu krakkana vinsamlega sendu okkur þá athugasemd.
Höfðaskóli - safn 382
Hér mæta þau prúðbúin í skólann Viktor Pétursson og Bergþóra Hrönn Guðjónsdóttir. Ekki er vitað hvenær myndin var tekin en líklega hefur það verið 1992 eða 1993.
Ólafur Bernódusson586
Nokkrum sinnum hefur vetrarstarfið í Höfðaskóla verið brotið upp með vinnuviku eða starfsviku þar sem allir nemendur og kennarar skólans vinna að sameiginlegu verkefni með mismunandi nálgun allt eftir aldri og getu nemendanna. Hér gefur að líta nokkra nemendur í vinnu í einni slíkri viku líklega einhverntíma kringum 1985. Frá vinstri: Björk Axelsdóttir kennari, óþekktur, Svava Magnúsdóttir (nær), Aðalheiður Árnadóttir (fjær), Margrét Anna Jóhannsdóttir, óþekktur (fjær), Anna Dröfn Guðjónsdóttir (nær), Baldur Eðvarðsson, Jón Pálsson skólastjóri, óþekkt (fjær), Áslaug/Vilborg Jóhannsdóttir og tvær óþekktar. Ef þú þekkir óþekktu nemendurna vinsamlega sendu okkur þá athugasemd.
Héraðsskjalasafn A-Hún 176
Sviðningur í Skagahreppi (nú Skagabyggð).
Héraðsskjalasafn A-Hún 177
Garðshorn í Kálfshamarsvík á Skagahreppi (nú Skagabyggð). Húsið er nú löngu horfið.
Héraðsskjalasafn A-Hún 30
Prestssetrið Höskuldsstaðir og gamla Höskuldsstaðakirkja. Kirkjan á myndinni var notuð fram í mars 1963 þegar ný kirkja var vígð skammt norðan gömlu kirkjunnar. Pretssetur var á Höskuldsstöðum um aldir fram til 1964 þegar það var fært til Skagastrandar.
Héraðsskjalasafn A-Hún 91
Þetta er bærinn Hátún á Kálfshamarsnesi, fyrir framan bæinn standa Bogi Björnsson til vinstri og Bjarni Th.Guðmundsson til hægri. Þuríður Guðmundsdóttir ljósmóðir seinni kona Bjarna tók myndina. Í Hátúni ólst upp Ingibjörg Sigurðardóttir skáldkona.
Ólafur Bernódusson602
Myndin var tekin í Hólaneskirkju á Gospelnámskeiði í júlí 2001 undir stjórn Óskars Einarssonar. Námskeiðinu lauk svo með messu þar sem tveir einsöngvarar sungu með kórnum. Á þessari mynd eru á æfingu, frá vinstri: Árdís Indriðadóttir, Lilja Ingólfsdóttir, Berglind Karlsdóttir, óþekkt, Elva Dröfn Árnadóttir, Hrafnhildur Jóhannsdóttir, óþekkt (fjær) Óskar Einarsson stjórnandi (nær), Erna Berglind Hreinsdóttir, Guðbjörg Viggósdóttir, Þórey Jónsdóttir (fjær), Ingibjörg Björgvinsdóttir (nær), Agnes Sævarsdóttir, Sólrún Ólína Sigurðardóttir, séra Magnús Magnússon, Kristjana Jóhannsdóttir, Hjördís Sigurðardóttir, Hallbjörg Jónsdóttir, Guðrún Sigurðardóttir, Aðalheiður Árnadóttir, óþekkt (fjær), Inga Rós Sævarsdóttir (nær), Björn Hannesson?, Sigurður Bjarnason, Sigurjón Guðbjartsson (fjær) og Þórarinn Grétarsson (nær)
Jón Jónsson 394
Myndin var tekin af kennaraatriði á árshátíð Höfðaskóla einhverntíma á árunum 1986 - 1991. Á myndinni eru, frá vinstri: Einar Haukur Arason, Ingibergur Guðmundsson aðstoðarskólastjóri, Ólafur Bernódusson, óþekktur, Páll Leó Jónsson skólastjóri, Jóhanna Jónsdóttir, Jóhanna Ólafsdóttir, Hjördís ?, Vilborg Magnúsdóttir, Margrét Harðardóttir og Sigríður Einarsdóttir.
Héraðsskjalasafn A-Hún 105
Bærinn Hólmi stóð við Fossá í Skagahreppi (nú Skagabyggð). Hólmi er nú kominn í eyði fyrir mörgum árum og húsin rústir einar. Fjallið í baksýn er Fjallsöxlin sem er nyrsta fjallið af Skagastrandarfjöllunum. Myndina tók Björn Bergmann (d.30.5.1985) en ekki er vitað hvenær hún var tekin.
Ólafur Bernódusson593
Myndin var tekin við upphaf lestrarátaks í Höfðaskóla í nóvember líklega 1998. Ingibergur Guðmundsson skólastjóri stendur til hægri en fremst vinstra megin sitja: Guðjón Ebbi Guðjónsson, Vignir Örn Hafþórsson og Jón Oddur Hjálmtýsson. Hægra megin fremst sitja: Hákon Unnar Þórarinsson, Rebekka Laufey Ólafsdóttir og Jón Ingi Ragnarsson. Aðrir á myndinni eru óþekktir.
Héraðsskjalasafn A-Hún 130
Ytri-Hóll í Vindhælishreppi (nú Skagabyggð).
Jón Jónsson 397
Ekki er vitað hvenær þessi mynd var tekin á árshátíð Höfðaskóla en líklega hefur það verið einhverntíma 1986 -1990. Fremst á sviðinu eru Gunnar Halldór Hallbjörnsson til vinstri og Atli Þórsson til hægri. Hægra megin við Atla eru Guðbjörg Kristmundsdóttir, Svava Magnúsdóttir og Baldur Magnússon. Aðrir á myndinni eru óþekktir.
Héraðsskjalasafn A-Hún 73
Efri-Harrastaðir á Skagahreppi nú Skagabyggð.
Árni Geir Ingvarsson - safn 749
Skólalóðin var endurskipulögð og gerð fín með nýjum leiktækjum, hellulögnum og steinahleðslum. Á myndinni eru menn frá Trésmiðju Helga Gunnarssonar að slá upp fyrir kantsteini til afmörkunar á svæðinu framan við skólann. Mennirnir eru frá vinstri: Hrólfur Pétursson, Ómar Ingi Ómarsson og Einar Gunnarsson.
Héraðsskjalasafn A-Hún 101
Saurar í Skagahreppi (nú Skagabyggð). Saurar eru löngu komnir í eyði og bærinn hruninn að mestu.
Óþekktur ljósmyndari 392
Myndin var tekin á skólastjóraskrifstofunni í Höfðaskóla líklega 1986. Jóhanna Jónsdóttir kennari í vinnu með Jóni S. Pálssyni skólastjóra.
María Magnúsdóttir - safn 022
Myndin var tekin í einhverri skólaferð líklega kringum 1976. Frá hægri: Árni Geir Ingvarsson, Guðjón Pálsson (d. 14.12.1989), Kolbrún Viggósdóttir, Guðbjörg Gylfadóttir og Vilhelm Harðarson.
Ólafur Bernódusson584
Jón Pálsson skólastjóri afhendir syni sínum, Þorsteini Jónssyni, viðurkenningarskjal á skólaslitum Höfðaskóla vorið 1984. Með Þorsteini eru þeir Þorlákur Sigurður Sveinsson og Hjalti Kristjánsson. Ekki er vitað fyrir hvað strákarnir fengu viðurkenninguna.
Héraðsskjalasafn A-Hún 98
Bærinn á myndinni hét Klettur og var í Kálfshamarsvík á fyrri hluta 20. aldar. Vinstra megin, og áfastur við húsið, er skúr sem m.a. var notaður undir spunavél í eigu kvenfélagsins Heklu sem félagskonur notuðu um alllangt skeið. Konan á myndinni er óþekkt. <br><br>
Héraðsskjalasafn A-Hún 208
Hlíð í Skagahreppi (nú Skagabyggð).
Jón Jónsson 353
Fermingarbörn frá Hólaneskirkju eldri, vorið 1966 - fædd 1952. Börnin voru fermd af séra Pétri Þ. Ingjaldssyni þó hann sé ekki á myndinni. Aftasta röð frá vinstri: Rúnar Hartmannsson, Ari Ólafsson, Kristinn Ágústsson, Kári Sigurbjörn Lárusson og Magnús B. Jónsson. Miðröð frá vinstri: Skúli Bjarnason, Árni Másson, Hjörtur Guðbjartsson, Hinrik Jóhannesson, Kristmundur Ingibjörnsson og Kristján Helgi Gunnarsson. Fremsta röð frá vinstri: Guðrún Jónsdóttir, Ingibjörg Þorfinnsdóttir, Gígja Axelsdóttir, Margrét Guðlaugsdóttir, Eyrún Birgisdóttir og Ása Hrólfsdóttir.
Héraðsskjalasafn A-Hún 65
Kelduland í Skagahreppi nú Skagabyggð. Þessi hús standa nær þjóðveginum en gömlu húsin á Keldulandi sem stóðu töluvert nær fjallinu. Síðasti ábúandi á Keldulandi var Óli Albertsson en nú er Kelduland notað sem sumarbústaður.
Héraðsskjalasafn A-Hún 38
Húsið næst okkur á myndinni var hús verslunarstjóra verslunarinnar sem sést örlítið fjær eins og tvö sambyggð hús. Á sínum tíma voru tvær verslanir á núverandi Skagaströnd. Var önnur á Hólanesi en hin, sú sem er á myndinni, var á Skagaströnd. Svæðinu var sem sagt skipt í Hólanes og Skagaströnd, sem var svæðið kringum Einbúann. Húsið lengst til hægri á myndinni er óþekkt en ef þú veist hvað það hét vinsamlega sendu okkur þá athugasemd.
Fisk Seafood - safn 175
Húsnæði Rækjuvinnslunnar hf. Ekki er vitað hvenær myndin var tekin.
Héraðsskjalasafn A-Hún 209
Hróarsstaðir í Skagahreppi (nú Skagabyggð).
Héraðsskjalasafn A-Hún 54
Brandaskarð í Skagabyggð áður Skagahreppi.
Héraðsskjalasafn A-Hún 128
Syðri-Hóll í Vindhælishreppi (nú Skagabyggð). Brúin á myndinni er nú horfin því ný brú er komin í stað hennar yfir Laxána, örlítið austar.
Óþekktur ljósmyndari 398
1986 varð stórbruni í plastverksmiðjunni Mark hf. Þá brann allt sem brunnið gat í verksmiðjunni þar á meðal tveir bátar tíu og 15 tonna sem voru langt komnir í framleiðslu. Auk þess brann þriðji báturinn mikið en hann stóð úti upp við vegg hússins. Þess má geta að Mark endurbyggði verksmiðjuna og hélt framleiðslu áfram þar til þremur árum síðar 1989 því þá brann aftur í verksmiðjunni. Á myndinni er slökkvilið Skagastrandar að berjast við eldinn. Ekki þótti óhætt að fara inn í húsið vegna gaskúta sem þar voru og líka hins að húsið var stálgrindahús og hefði getað lagst saman hvenær sem var vegna gríðarlegs hita. Á myndinni má þekkja Gísla Snorrason til vinstri, Jón Ingi Ingvarsson er að fara að setja á sig hjálminn og Ólafur Bernódusson er klár með sprautustút en bíður eftir vatni á slönguna. Aðrir á myndinni eru óþekktir.
Héraðsskjalasafn A-Hún 140
Vindhælisstofa Þórdísar stóð á Vindhæli í Vindhælishreppi (nú Skagabyggð). Um Þórdísi Ebenezerdóttur Hillebrandt (1808 - 1890) er mikil og forvitnileg saga sem Magnús Björnsson fræðimaður frá Syðra-Hóli gerði góð skil í einni af bókum sínum.
Héraðsskjalasafn A-Hún 312
Fermingarbörn 1954 í Hólaneskirkju eldri. Frá vinstri: Guðrún Angantýsdóttir, Laufey Ólafsdóttir (Sísí), séra Pétur Þ. Ingjaldsson (d. 1.6.1996), Sigurbjörg Angantýsdóttir (d. 10.9.1997) og Hjalti Skaftason.
Héraðsskjalasafn A-Hún 338
Jón Sveinn Pálsson kennari og skólastjóri Höfðaskóla á Skagaströnd 1966 - 1986.
Bjarnhildur Sigurðardóttir - safn 097
Nýr Kántrýbær var vígður árið 1998 eftir að sá gamli brann til grunna 22. nóvember 1997. Nýi bærinn var m.a. byggður fyrir söfnunarfé og reis sem sagt á mjög stuttum tíma á sama stað og gamla húsið stóð.
Jón Jónsson 427
Séra Pétur Þ. Ingjaldsson (d. 1.6.1996) blessar fermingarsystur við fermingu þeirra í Höskuldsstaðakirkju vorið 1981. Til vinstri eru Kristín Ásgerður Blöndal frá Blöndubakka fjær okkur en Signý Gunnlaugsdóttir (d. 4.5.2015) frá Balaskarði nær. Hægra megin eru Jófríður Jónsdóttir frá Sölvabakka nær okkur en stúlkan fjær er Anna Lilja Björnsdóttir frá Syðra-Hóli. Lengst til hægri má sjá vangasvipinn á Birni Magnússyni (d. 13.11.2010) frá Syðra-Hóli. Sofandi barnið er Anna Margrét Jónsdóttir, systir Jófríðar, í fangi föður síns Jóns Árna Jónssonar (d.9.3.2004) bónda á Sölvabakka.
Héraðsskjalasafn A-Hún 311
Þessi mynd var tekin fyrir utan Hólaneskirkju - eldri af kirkjukórnum. Aftari röð frá vinstri: Guðmundur Guðnason Ægissíðu, Stefán Kristinsson Herðubreið, Hjördís Sigurðardóttir Þórsmörk, Sigurður Sigurðsson Kaupfélagshúsi, Jón Kristinsson sem síðar varð rafveitustjóri við rafstöðina í Laxá á Ásum. Fremri röð frá vinstri: Ingibjörg Engilbertsdóttir, Sigríður Helgadóttir Skálholti móðir Ingibjargar, Páll Jónsson organisti og skólastjóri Breiðabliki, sr. Pétur Þ. Ingjaldsson Höskuldsstöðum, Ingibjörg Sæmundsdóttir Hólanesi og Sigurlaug Björnsdóttir Iðavöllum.
Árni Geir Ingvarsson - safn 750
Skólalóðin var endurskipulögð og gerð fín með nýjum leiktækjum, hellulögnum og steinahleðslum. Á myndinni er vinnunni lokið og krakkarnir fagna nýjum tækjum. Á myndinni eru frá vinstri: Rebekka Róbertsdóttir, Sindri Björnsson, Ólafur Halldórsson, Telma Jónasdóttir, Ingólfur Björnsson og Guðrún Björgvinsdóttir.
Ólafur Bernódusson595
Íþróttahúsið á Skagaströnd var vígt 15. mars 1998. Á þessari mynd er Helgi Gunnarsson yfirsmiður hússins ásamt konu sinni Ragnheiði Sigurjónsdóttur með stóran lykil sem hann afhenti formlega við vígsluna sem tákn um að verkinu væri lokið.
Héraðsskjalasafn A-Hún 178
Samkomuhúsið í Kálfshamarsvík í Skagahreppi (nú Skagabyggð). Húsið mun líka hafa verið notað sem skóli. Húsið er horfið en enn má sjá grunninn undan því.
Héraðsskjalasafn A-Hún 180
Saurar í Skagahreppi (nú Skagabyggð). Húsin er nú hrunin enda hafa Saurar verið í eyði mjög lengi. Saurar urðu frægir á einni nóttu í mars 1964 fyrir draugagang. Blaða- og fréttamenn flykktust á staðinn til að reyna að upplýsa málið og einnig var miðill kallaður til. Dagblaðið Þjóðviljinn rifjaði upp þessa atburði 1983 en þar segir eftirfarandi um draugaganginn: <br> <br>"Þegar líða tók á mars fóru svo að berast fréttir af undarlegum fyrirbærum á Saurum á Skaga í A-Húnavatnssýslu. Þar köstuðust borð og stólar til, leirtau hrundi útúr skápum, rúm hreyfðist og skápar fóru um koll. Hér gat tæpast verið um að ræða náttúrulegar hamfarir heldur miklu fremur yfirnáttúrulegar. Dögum saman voru blöð og útvarp undirlögð fréttum frá Saurum, þangað flykktust fréttamenn, forystumenn Sálarrannsóknarifélagsins, miðlar, jarðfræðingar, og veraldleg sem andleg yfirvöld. Hvað var á seyði? Málið lognaðist svo út af jafnskjótlega og það hafði komið upp og hefur aldrei verið upplýst opinberlega. Var um að ræða stórfelldan draugagang eða stórfelldar blekkingar? Kannski fjölskylduharmleikur á afskekktum torfbæ lengst norður á Skaga?"<br>
Héraðsskjalasafn A-Hún 68
Hof í Skagahreppi nú Skagabyggð. Nú hefur verið byggt nýtt hús á Hofi og húsið á myndinni verið rifið. Hof er kirkjustaður en kirkjan á myndinni var vígð 1870 en endubyggð 1950 og síðan aftur 1989. Hofskirkja mun vera meðal elstu húsa í A-Hún. Til gamans má geta þess að Jón Árnason (d.4.9.1888) þjóðsagnasafnari var fæddur á Hofi 1819.
Héraðsskjalasafn A-Hún 53
Neðri Harrastaðir í Skagabyggð áður Skagahreppi.
Páll J. Pálsson safn 4
Gamla baðstofan á Bakka í Skagahreppi nú Skagabyggð. Í þessu húsi fæddust 8 börn Páls Tómassonar (d. 3.6.1961) og Maríu Ólafsdóttur (d. 4.7.1975) sem voru bændur á Bakka 1923 - 1960. Saman áttu þau 9 börn en fyrsta barnið fæddist á bænum Kurfi í Skagahreppi.
Jósef H Sigurðsson - safn 048
Ekki er vitað hvenær þessi mynd var tekin af Árnesi en síðan hún var tekin hefur húsið tekið miklum breytingum því það var endurbyggt í sínu upprunalega horfi og þá voru allar viðbyggingar rifnar. Árnes er safn í dag þar sem sýnir íslenskt alþýðuheimili eins og þau voru á fyrsta hluta 20. aldarinnar.
Héraðsskjalasafn A-Hún 32
Gömul mynd af Skagaströnd tekin af Höfðanum snemma á 20. öldinni. Ljósmyndarinn var Pétur Hannesson sem starfaði sem slíkur á Sauðárkróki 1913 - 1928. Fyrir þann tíma lærði og stafaði Pétur á Akureyri og í Reykjavík þannig að ekki er ljóst hvaða ár myndin var tekin. Fremst á myndinni eru verslunarhúsin á Skagaströnd. Til vinstri við þau er Sæmundsenbúð og lengra frá er Lækur (Efri-Lækur) og Jaðar. Nær sjónum eru svo Lækjarbakki, Karlsminni þar sem rekin var verslun um tíma og Viðvík sem var veitinga- og gistihús um árabil. Aðrar byggingar á myndinni eru óþekktar.
Jón Jónsson 392
þessi mynd var tekin af kennaraatriði á árshátíð Höfðaskóla. Ekki er vitað hvenær myndin var tekin en líklega hefur það verið kringum 1980. Á myndinni eru frá vinstri: Jón Sveinn Pálsson skólastjóri, Jónas Baldursson, Sigurður Guðmundsson, Guðmunda Sigurbrandsdóttir (d. 15.8.2015), Ólafur Bernódusson, Guðmundur Haukur Sigurðsson, Elínborg Margrét Jónsdóttir (d. 7.1.2007) og Magnús B. Jónsson.
1
…
43
44
45
…
65
Leita í myndasafninu
Leita