Beint í efni
Skagaströnd.is
↗
Allar myndir
Mannvirki
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Náttúra
Samgöngur
Miðflokkur
Barnaból
Gamla Kirkjan á Skagaströnd
Höfðaskóli
Kirkjan á Skagaströnd
Minjasafn
Skipasmíðastöð Guðmundar Lárussonar
Slippurinn
Verksmiðja
3.849 myndir
Flæði
Reitir
Bjarnhildur Sigurðardóttir - safn 095
Veturinn 1995 var mjög snjóþungur og illviðrasamur. Þessi mynd var tekin 24. febrúar 1995 og sýnir Kántrýbæ eldri á kafi í snjó. Inngangurinn var að sunnanverðu og því er búið að moka frá dyrunum þeim megin. Greinilega kunnu börnin vel að meta snjóinn því þau eru búin að búa sér til rennibraut frá mæni hússins og niður á götu.
Ólafur Bernódusson692
Árshátíð Höfðaskóla 2008 var haldin 11. apríl. Á myndinni er Eva Dís Gunnarsdóttir á sviðinu í Fellsborg að kynna næsta dagskrárlið.
Héraðsskjalasafn A-Hún 196
Skagaströnd. Myndin var tekin einhverntíma á árunum 1960-1965.
Héraðsskjalasafn A-Hún 454
Skagaströnd á fimmta áratugnum. Þrátt fyrir að mörgum finnist byggðaþróunin ganga hægt þá væri mynd sem tekin væri í dag all mikið frábrugin þessari.
Héraðsskjalasafn A-Hún 406
Þessi mynd var tekin 1939 á hlaðinu á Karlsminni á Skagaströnd. Því miður er fólkið á myndinni óþekkt.
Héraðsskjalasafn A-Hún 247 - Copy
Ytri-Björg í Skagabyggð (áður Skagahreppi).
Jón Jónsson 401
Þessi mynd var tekin af húsnæði plastverksmiðjunnar Mark hf við Oddagötu eftir bruna sem þar varð 14. apríl 1989. Var það í annað sinn á þremur árum sem stórbruni varð hjá fyrirtækinu. Eins og sjá má var húsið mjög illa farið eftir brunann. Húsið var stálgrindahús en hitinn í brunanum var svo mikill að stálstoðir og bitar undust upp og misstu alla burðargetu.
Hallgrímur Kristmundsson safn067
Þessi þrjú hús stóðu upp undir Höfðanum mjög norðarlega. Húsið sem sér í til vinstri er Laufás en á miðri mynd er Melstaður og svarta húsið til hægri er Ægissíða. Laufás er eina húsið af þessum þremur sem enn stendur og er notkun þó ekki sé um fasta búsetu að ræða.
Jósef H Sigurðsson - safn 093
Myndin var tekin á hlaðinu hjá Hólaneshúsinu upp Fellsbraut. Ekki er vitað hvenær myndin var tekin. Næst okkur eru áhaldahús hreppsins til vinstri og gamla Tunnan til hægri. Yfir Tunnuna sjást Hólaneskirkja (eldri), Litla-Berg (Fellsbraut 2) og Hjarðarholt (Fellsbraut 4) og Reykholt (Fellsbraut 6). Bak við áhaldahúsið sér í Herðubreið (Fellsbraut 1). Hægra megin við Tunnuna sér í, talið frá vinstri: Sólvellir, Iðavellir, Túnbraut 7 og Dagsbrún. Sum þessara húsa er nú horfin og ný komin í staðin.
Árni Geir Ingvarsson - safn 929
Herbert Ólafsson (d.25.4.2007) og vinkona hans með hvannir í fanginu líklega í Kúvíkum þar sem Herbert átti heima. Myndina tók Herbert líklega kringum 1940. Konan er óþekkt en ef þú þekkir hana vinsamlega sendu okkur þá athugasemd.
Árni Geir Ingvarsson - safn 844
Bára Þorvaldsdóttir leikskólastjóri með nokkur börn í útivist. Börnin eru óþekkt en ef þú þekkir þau vinsamlega sendu okkur þá athugasemd.
Árni Geir Ingvarsson - safn 950
Myndin er tekin yfir Djúpavík þegar allt var í fullum gangi við síldarbræðslu í verksmiðjunni og margir bátar í höfn. Herbert Ólafsson (d.25.4.2007) tók myndina líklega einhverntíma á fimmta áratugnum.
Jón Jónsson 365
Myndin var tekin á árshátíð Höfðaskóla einhverntíma kringum 1985. Skemmtiatriðunum er lokið og fólk að tygja sig heim. Á myndinni er María Alexandersdóttir með dóttur sína Elvu Ösp Gunnarsdóttur í fanginu og hjá þeim er hin dóttir hennar, María Jóna Gunnarsdóttir. Aðrir á myndinni eru óþekktir.
Héraðsskjalasafn A-Hún 334
Þessi mynd var tekin á hlaðinu á Þverá í Hallárdal í Vindhælishreppi (nú Skagabyggð). Samkvæmt merkingu Héraðsskjalasafnsins er fólkið á myndinni frá vinstri: Jónína, Árni, Svanlaug, Þórey og Björn en börnin eru ekki nefnd. Árni var Jónsson (d.6.10.1918) og Svanlaug kona hans var Björnsdóttir (d. 6.1.1916). þau voru foreldrar Björns (d.24.8.1932) og Þórey, sem var Jónsdóttir (d. 22.3.1914), var fyrri kona Björns. Björn og Þórey bjuggu fyrst á Þverá en seinna á Ytri-Ey þar sem Björn var hreppsstjóri og kennari um tíma.
Árni Geir Ingvarsson - safn 767
Bergsstaðir stóðu utan í berginu sem er norðan við Ránarbrautina, neðan við Vetrarbrautina. Húsið byggði Hafsteinn Sigubjarnarson en í ævisögu sinni segir hann frá því að hann þurfti að flytja úr húsinu því það var fyrir skipulaginu. Skipulagið gerði ráð fyrir að Skeifan mundi koma niður einmitt þar sem Bergsstaðir stóð. Skeifan, sem er efsti hluti Hólabrautarinnar, hefur aldrei orðið að veruleika þó svo að Hólabrautin sveigi vissulega í skeifu þeim fáu húsum sem þar eru. Inni í miðri skeifunni gerði svo skipulagið ráð fyrir kirkju, sem eins og allir vita, reis á allt öðrum stað í þorpinu. Bergsstaðir eru horfnir en þó eru skepnuhús að hluta til þar sem húsið stóð.
Árni Geir Ingvarsson - safn 912
Síldarverksmiðjan í Djúpavík og sér út Reykjarfjörð. Myndin a tók Herbert Ólafsson (d.25.4.2007) einhverntíma kringum 1940.
Guðrún Sigurðardóttir - safn 025
Þórsmörk á Skagaströnd. Heimili Hallbjargar Jónsdóttur (d.22.12.1987) og Sigurðar Guðmonssonar (d.15.8.1981)en þau eignuðust 7 börn. Þórsmörk stóð við Skagaveg beint á móti Skagavegi 10 og 12.
Hallgrímur Kristmundsson safn010
Ekki er vitað hvaða þorp þetta er en ágiskun að þetta sé gömul mynd af hluta Akureyrar. Sé svo er það Vaðlaheiðin sem sést hinum megin við fjörðinn. Ef þú þekkir staðinn endilega sendu okkur þá athugasemd
Jón Jónsson 400
Þessi mynd var tekin af húsnæði plastverksmiðjunnar Mark hf við Oddagötu eftir bruna sem þar varð 14. apríl 1989. Var það í annað sinn á þremur árum sem stórbruni varð hjá fyrirtækinu. Eins og sjá má var húsið mjög illa farið eftir brunan og öll verkfæri og mót ónýttust.
Ólafur Bernódusson649
Stóra upplestarkeppnin er haldin á landinu á hverju ári. Þar keppa nemendur í 7. bekkjum skólanna sín á milli hver er besti upplesarinn. Keppt er innbyrðis á hverju skólasvæði fyrir sig og siguvegari fundinn. Skólarnir í Húnavatnssýslum halda sameiginlega keppni sem kennd er við Grím Gíslason (d. 31.3.2007) frá Saurbæ í Vatnsdal. Þar mæta þrír bestu lesararnir frá hverjum af skólunum fjórum á svæðinu eftir að hafa sigrað í sínum skóla. 23. mars 2006 var keppnin haldin á Skagaströnd. Á þessari mynd spilar Guðrún Anna Halldórsdóttir úr Höfðaskóla á píanó fyrir fólk í hléi meðan dómnefnd ræður ráðum sínum og finnur í sameiningu þrjá bestu lesara kvöldsins.
Ólafur Bernódusson697
Árshátíð Höfðaskóla 2008 var haldin 11. apríl. Á myndinni syngja saman, frá vinstri: Andrea Björk Kristjánsdóttir, Sara Rut Fannarsdóttir og Silfá Sjöfn Árnadóttir.
Ólafur Bernódusson694
Árshátíð Höfðaskóla 2008 var haldin 11. apríl. Myndin var tekin af leikurum í hlutverkum sínum í óþekktu leikriti. Leikararnir eru frá vinstri: Telma Bjarnadóttir, Svandís Hallgrímsdóttir, Birta Bessadóttir, Egill Örn Ingibergsson og Aldís Björnsdóttir.
Dagný Sigmarsdóttir - safn 053
Hefð er fyrir piparkökubakstri í Barnabóli í desember á hverju ári. Á þessari mynd eru mæðginin Hrafnhildur Jóhannsdóttir og Jóhann Guðbjartur Sigurjónsson að skera út og skreyta piparkökur. Myndin var líklega tekin kringum 1985.
Ólafur Bernódusson647
Stóra upplestarkeppnin er haldin á landinu á hverju ári. Þar keppa nemendur í 7. bekkjum skólanna sín á milli hver er besti upplesarinn. Keppt er innbyrðis á hverju skólasvæði fyrir sig og siguvegari fundinn. Skólarnir í Húnavatnssýslum halda sameiginlega keppni sem kennd er við Grím Gíslason (d. 31.3.2007) frá Saurbæ í Vatnsdal. Þar mæta þrír bestu lesararnir frá hverjum af skólunum fjórum á svæðinu eftir að hafa sigrað í sínum skóla. 23. mars 2006 var keppnin haldin á Skagaströnd. Á þessari mynd er Lilja Bjarney Valdimarsdóttir, ein af þremur keppendum Höfðaskóla, að lesa upp fyrir fullan sal af gestum í félagsheimilinu Fellsborg.
Ólafur Bernódusson690
Árshátíð Höfðaskóla 2008 var haldin 11. apríl. Á myndinni eru nokkrir krakkar að fara að syngja saman á sviðinu í Fellsborg. Á myndinni eru frá vinstri: Silfá Sjöfn Árnadóttir, Bjarndís Annþórsdóttir, Andrea Björk Kristjánsdóttir, Jóna Margrét Sigurðardóttir, Guðrún Anna Halldórsdóttir, Arnrún Guðjónsdóttir, Sigurbjörg Katla Valdimarsdóttir, Anita Ósk Ragnarsdóttir og Hallbjörg Jónsdóttir. .
Hallgrímur Kristmundsson safn019
Ef myndin er skoðuð vel sést að það er mikið um að vera þegar hún var tekin. Tvær skemmur í byggingu, eitthvað er verið að bjástra við Karlsskála sem er húsið næst skemmunum og einnig er fólk á hestbaki utan við Læk sem er húsið örlítið fjær. Fólkið í göngutúr er Jóhann Pétursson (d. 13.1.1999) frá Lækjarbakka, óþekkt kona í miðið og Sigríður Ásgeirsdóttir (d. 11.12.2006) kona Jóhanns til hægri. Börnin á myndinni eru líka óþekkt. Myndin hefur sennilega verið tekin kringum 1945.
Ólafur Bernódusson686
Þessi mynd var tekin 28. október 2009 í Höfðaskóla. Vikurnar þá á undan höfðu krakkarnir á myndinni ungað út 5 andarungum í útungunarvél í stofunni sinni. Ungarnir vöktu mikla hrifningu nemenda skólans og jafnvel hörðustu töffarar urðu mjúkir eins og smjör meðan þeir umgengust ungana litlu. Þegar ungarnir vor orðnir þriggja vikna gamlir var þeim svo komið fyrir í varanlegt fóstur á sveitabæ í nágrenninu. 10. bekkingarnir á myndinni eru frá vinstri: Ingimar Guðjónsson, Viktor Valdimarsson, Stefán Velemir, Torfi Friðrik, Tanja Rán Einarsdóttir, Unnar Leví Sigurbjörnsson, Ellen Sigurjónsdóttir, Telma Bjarnadóttir, Elías Gunnar Hafþórsson, Eva Dís Gunnarsdóttir, Guðjón Páll Hafsteinsson og Þorgerður Guðmundsdóttir.
Ólafur Bernódusson688
Árshátíð Höfðaskóla 2008 var haldin 11. apríl. Á myndinni eru þau Stefán Velemir og Laufey Inga Stefánsdóttir á sviðinu í Fellsborg að kynna næsta atriði.
Árni Geir Ingvarsson - safn 747
Skólalóðin var endurskipulögð og gerð fín með nýjum leiktækjum, hellulögnum og steinahleðslum. Á myndinni er vinnunni lokið og krakkarnir eru að prófa nýju hringekjuna. Með þeim er Elva Þórisdóttir kennari sem virðist skemmta sér vel eins og krakkarnir. Elva er í grárri peysu, Viktor Örn Einarsson er að ýta hringekjunni og næst honum situr bróðir hans Anton Einarsson. Nær okkur með svart hárband er svo Elín Ósk Björnsdóttir. Aðrir á myndinni eru óþekktir.
Jósef H Sigurðsson - safn 082
Þessi mynd af strákunum þremur var tekin utan við Hólaneshúsið þar sem tveir þeirra áttu heima. Strákarnir eru frá vinstri: Ragnar Högnason úr Miðnesi, Jósep Sigurðsson og Hjörtur Sigurðsson (d.9.5.2015) úr Hólaneshúsinu. Ef grannt er skoðað má sjá gömlu Tunnuna í baksýn til vinstri, þá koma Sólvellir, Dagsbrún og Náttbrún eða Ólafsvellir. Tunnan stendur enn (2017) sem Spákonuhof eftir gagngerar endurbætur en hin húsin eru öll horfin. Ekki er vitað hvenær myndin var tekin en Hjörtur fæddist árið 1965 þannig að myndin hefur sennilega verið tekin einhverntíma á árunum 1967 - 1969
Árni Geir Ingvarsson - safn 737
Skólalóðin var endurskipulögð og gerð fín með nýjum leiktækjum, hellulögnum og steinahleðslum. Á myndinni er verið að vinna á lóðinni. Ómar Ingi Ómarsson er næstur okkur að vökva og þökuleggja. Til hægri eru Stefán Sveinsson og Vilhjálmur Jónsson að hlaða vegg úr steinum og helluleggja kringum leiktækin.
Ólafur Bernódusson687
Þessi mynd var tekin 28. október 2009 í Höfðaskóla. Vikurnar þá á undan höfðu krakkarnir á myndinni ungað út 5 andarungum í útungunarvél í stofunni sinni. Ungarnir vöktu mikla hrifningu nemenda skólans og jafnvel hörðustu töffarar urðu mjúkir eins og smjör meðan þeir umgengust ungana litlu. Þegar ungarnir vor orðnir þriggja vikna gamlir var þeim svo komið fyrir í varanlegt fóstur á sveitabæ í nágrenninu. Krakkarnir á myndinni voru í 10. bekk þegar þetta var og þau eru frá vinstri: Viktor Valdimarsson, Stefán Velemir, Torfi Friðrik, Tanja Rán Einarsdóttir, Unnar Leví Sigurbjörnsson, Ellen Sigurjónsdóttir, Telma Bjarnadóttir, Elías Gunnar Hafþórsson og Eva Dís Gunnarsdóttir.
Ólafur Bernódusson644
Stóra upplestarkeppnin er haldin á landinu á hverju ári. Þar keppa nemendur í 7. bekkjum skólanna sín á milli hver er besti upplesarinn. Keppt er innbyrðis á hverju skólasvæði fyrir sig og siguvegari fundinn. Skólarnir í Húnavatnssýslum halda sameiginlega keppni sem kennd er við Grím Gíslason (d. 31.3.2007) frá Saurbæ í Vatnsdal. Þar mæta þrír bestu lesararnir frá hverjum af skólunum fjórum á svæðinu eftir að hafa sigrað í sínum skóla. 23. mars 2006 var keppnin haldin á Skagaströnd. Á þessari mynd, sem þá var tekin, er Guðjón Ólafsson skólafulltrúi A-Hún að setja keppnina með stuttu ávarpi.
Jón Jónsson 362
Þessi mynd var tekin á árshátíð Höfðaskóla einhverntíma á árunum kringum 1985. Á myndinni eru krakkar að sýna fimleika undir stjórn íþróttakennarans Ingu Matthíasdóttur. Frá vinstri: Inga Matthíasdóttir, Tinna Gunnarsdóttir?, Trausti Magnússon (efst), óþekkt, tvær óþekktar stúlkur, Elva Dröfn Árnadóttir, Kolbrún Ragnarsdóttir og Guðrún Helgadóttir (sitja) Bergþóra Guðjónsdóttir og Guðjón Hall Sigurbjörnsson efst.
Hallgrímur Kristmundsson safn015
Hvar var þessi friðsæla mynd tekin? Á henni eru tvö eða þrjú handsnúin spil, tvö hús og tveir bátar. Ef þú veist hvar þetta var vinsamlega sendu okkur þá athugasemd.
Árni Geir Ingvarsson - safn 761
Árnes, sem er elsta húsið á Skagaströnd, byggt 1899, var endurbyggt í sinni upprunalegu mynd árin 2008 - 2009. Húsið var svo formlega tekið í notkun sem safn 29. júní 2009. Á þessari mynd er verkið komið vel á veg undir yfirstjórn Helga Gunnarssonar verktaka á Skagaströnd. Mennirnir á myndinni eru frá vinstri: Eðvarð Ingvason (d. 29.5.2011) og Sigurður F. Björnsson smiðir frá Trésmiðju Helga Gunnarssonar. Hjá þeim stendur Magnús B. Jónsson sveitarstjóri að virða fyrir sér framvindu verksins.<br><br>
Hallgrímur Kristmundsson safn003
Einhverntíma á fyrstu árum hátíðahalda á sjómannadegi á Skagaströnd voru þau haldin á Hólanesinu. Þessi mynd var líklega tekin á sjómannadegi fyrir utan Bjarmanes eða gamla skólann eins og húsið var gjarnan kallað eftir 1958 þegar Höfðaskóli flutti í núverandi húsnæði. Þegar myndin var tekin, sem gæti hafa verið einhverntíma 1942 - 1946, var Höfðaskóli í húsinu og eins og sjá má var gengið inn í húsið að sunnan- og vestanverðu eins og gert er í dag eftir endurbyggingu Bjarmaness sem lauk 2004.
Héraðsskjalasafn A-Hún 52
Árbakki í Skagabyggð áður Vindhælishreppi.
Elínborg Jónsdóttir - safn 2
Másstaðir í Vatnsdal. Elínborg M. Jónsdóttir (d.7.1.2007) kennari og fræðimaður fæddist á Másstöðum og var alin þar upp.
Héraðsskjalasafn A-Hún 455
Fermingarbörn vorið 1954 frá Hólaneskirkju með séra Pétri Þ. Ingjaldssyni (d.1.6.1996). Frá vinstri: Hjalti Skaftason, Guðrún Angantýsdóttir, Laufey Ólafsdóttir (Sísí), Sigurbjörg Angantýsdóttir (d. 10.9.1997) og séra Pétur.
Jósef H Sigurðsson - safn 095
Þessi mynd var tekin við skírn eins barna Sigurðar Magnússonar (d.2.8.2002) í Hólaneskirkju eldri. Sigurður heldur á barninu undir skírn en presturinn er séra Pétur Þ. Ingjaldsson (d.1.6.1996).
Ólafur Bernódusson667
Myndin var tekin í 35 ára afmæli Barnabóls 7. júní 2012. Þá komu Skoppa og Skrítla í heimsókn og skemmtu við góðar undirtektir.
Héraðsskjalasafn A-Hún 179
Ós í Skagahreppi (nú Skagabyggð). Eins og sjá má eru húsin að falla þegar myndin var tekin enda hefur Ós verið í eyði mjög lengi. Til hægri sér heim að bænum Tjörn en í forgrunni er Laxá í Nesjum.
Árni Geir Ingvarsson - safn 956
Þessi bær er óþekktur (?Seyðisfjörður?). Myndina tók Herbert Ólafsson (d.25.4.2007). Ef þú veist hvaða bær þetta er vinsamlega sendu okkur þá athugasemd.
Héraðsskjalasafn A-Hún 274
Jón Sveinn Pálsson kennari og skólastjóri Höfðaskóla á Skagaströnd. Jón tók við af föður sínum, Páli Jónssyni (d.19.7.1979), sem skólatjóri 1966 og gegndi því starfi til 1986.
Ólafur Bernódusson666
Myndin var tekin í 35 ára afmæli Barnabóls 7. júní 2012. Þá komu Skoppa og Skrítla í heimsókn og skemmtu. Allir skemmtu sér vel þó sumir vildu taka meiri þátt í leiknum en aðrir.
Árni Geir Ingvarsson - safn 839
Ekki er vitað hvenær þessi mynd var tekin af Sigurbirni Fanndal Þorvaldssyni (d.13.8.2000). Hvíta húsið í baksýn er horfið en það var Ásbyrgi eða Ásberg en húsið var þekkt undir báðum nöfnunum. Í húsinu bjuggu Frits H. Magnússon (d.19.10.1965) og Karla I. Helgadóttir (d.25.9.1986). Hitt húsið er Breiðablik.
Ólafur Bernódusson668
Myndin var tekin í 35 ára afmæli Barnabóls 7. júní 2012. Þá komu Skoppa og Skrítla í heimsókn og skemmtu. Krakkarnir á leikskólanum tóku fullan þátt í skemmtuninni en eins og svo oft þá gekk fullorðna fólkinu illa að finna barnið í sér og hélt að sér höndum.
Ólafur Bernódusson691
Árshátíð Höfðaskóla 2008 var haldin 11. apríl. Á myndinni eru nokkrir krakkar að fara að syngja saman á sviðinu í Fellsborg. Á myndinni eru frá vinstri: Sigurbjörg Katla Valdimarsdóttir, Anita Ósk Ragnarsdóttir, Hallbjörg Jónsdóttir, Viktor Örn Einarsson, Birgitta Bjarnadóttir og óþekkt stúlka.
Árni Geir Ingvarsson - safn 928
Kaupmannshúsið í Kúvíkum. Þekktasti kaupmaður þar undir það síðasta var Jakob Thorarensen en hann var kaupmaður þar um 1900. Myndina tók Herbert Ólafsson (d.25.4.2007) líklega kringum 1940 en þá átti Herbert heima í Kúvíkum.
Árni Geir Ingvarsson - safn 772
Þrjú hús á Fellsbraut. Reykholt (Fellsbraut 6) efst, Hjarðarholt (Fellsbraut 4) í miðið er í dag nokkuð breytt m.a. hefur það verið klætt að utan og bætt við það kvisti á þakið. Neðst er svo Litla-Berg (Fellsbraut 2) sem einnig er komið með kvist og hefur verið klætt að utan.
Jón Jónsson 360
Þessi mynd var tekin á árshátíð Höfðaskóla einhverntíma á árunum kringum 1985. Krakkarnir sem syngja eru, talið frá vinstri: Vilborg/Áslaug Jóhannsdóttir, Vilborg /Áslaug Jóhannsdóttir, Særún Níelsdóttir, Anna Dröfn Guðjónsdóttir, Hólmfríður Anna Ólafsdóttir, Soffía Lárusdóttir, Elísabet Eik Guðmundsdóttir, Þröstur Árnason, óþekkt, Hallgrímur Björgvinsson (d. 10.8.2010), Guðbjörg Kristmundsdóttir, óþekkt,Berglind Karlsdóttir, María Rós Karlsdóttir, Hólmfríður Oddsdóttir?, Jóhanna Karlsdóttir, Sandra Ómarsdóttir.
Árni Geir Ingvarsson - safn 739
Ás á Skagaströnd. Maðurinn sem er að slá fyrir utan húsið er Lárus Árnason (d. 21.5.2011) sem átti heima í Ási.
Ólafur Bernódusson642
Skagaströnd 17. júní 2008. Hluti Skagavegar, Bankastræti og hluti innbæjarins sjást ekki á myndinni.
Héraðsskjalasafn A-Hún 471
Kirkjukór Hólaneskirkju á æfingu með Kjartani Jóhannessyni raddþjálfara frá Stóra - Núpi í Gnúpverjahreppi. Kórfélagar eru frá vinstri talið: Guðrún Árnadóttir (d.1.12.1967), Ólína Gyða Hafsteinsdóttir, Elísabet Frímannsdóttir (d.1.9.1990), Erla Lárusdóttir (d.24.8.1995), Jón Kr. Jónsson, Hallbjörn J. Hjartarson, Páll Jónsson (d. 19.7.1979), Jón S. Pálsson, Guðmundur Kr. Guðnason (d. 21.11.1988), Þórey Jónsdóttir (d. 29. 12. 1966), Þorgerður Guðmundsdóttir (d. 24.4.2008) og Guðrún Sigurðardóttir.
Árni Geir Ingvarsson - safn 883
Gamla íbúðarhúsið í Reykjarfirði. Byggt 1916-1917 af Þórarni Söbeck, sem var bóndi þar frá 1917-1921. Húsið var timburhús og stóð fram yfir aldamótin 2000. Herbert Ólafsson (d.25.4.2007) tók myndina.
Árni Geir Ingvarsson - safn 909
"Kúvíkurhúsið" stendur aftan á þessari mynd. Þetta er íbúðarhús Jakobs Thorarensen kaupmanns á Kúvíkum. Hann var kaupmaður þar frá 1854-1911. Húsið er talið byggt á fyrstu árum hanns sem kaupmaður, og var mjög stór bygging á þeirra tíma mælikvarða. Í því voru tvær stórar íbúðir og tvö eldhús, auk þess var kjallari undir hluta af húsinu. Síðustu íbúar í þessu húsi voru Ólafur Thorarensen og sonur hanns Jakob. Ólafur var sonur Jakobs kaupmanns. Veru þeirra á Kúvíkum lauk 1948, og Kúvíkur lögðust þá endanlega í eyði. Ekki virtist hvarfla að nokkrum manni að varðveita þetta hús né aðrar merkilegar byggingar þarna á staðnum, og húsið var tekið niður ásamt öðrum húsum 1949.
Ólafur Bernódusson698
Árshátíð Höfðaskóla 2008 var haldin 11. apríl. Á myndinni eru krakkar úr mörgum bekkjum að syngja. Krakkarnir eru frá vinstri: Standandi: Rebekka Róbertsdóttir (nær), Silfá Sjöfn Árnadóttir (fjær), Andrea Björk Kristjánsdóttir, Elín Ósk Björnsdóttir, Ívan Árni Róbertsson, Sæunn Steingrímsdóttir, Guðrún Anna Halldórsdóttir, Sigurbjörg Katla Valdimarsdóttir (fjær), Svandís Hallgrímsdóttir (nær), Guðmann Magnússon, Sveinn Hallgrímsson, Ísak Tryggvason, Páll Halldórsson, Heba Líf Jónsdóttir, Eymundur Lorens Grétarsson, Ísabella Róbertsdóttir, Sunna Steingrímsdóttir, Karen Ósk Sigurðardóttir og Birkir Gunnarsson. Sitjandi frá vinstri: Bjarndís Annþórsdóttir, Jóna Margrét Sigurðardóttir, Arnrún Guðjónsdóttir, Anita Ósk Ragnarsdóttir, Hallbjörg Jónsdóttir, Viktor Örn Einarsson, Birgitta Bjarnadóttir, Tryggvi Fjölnisson og Kristján Róbertsson.
Árni Geir Ingvarsson - safn 746
Margir óttast að starri geri sér hreiður við híbýli þeirra vegna lúsarinnar sem fylgir starranum. Hafa sumir gripið til þess ráðs að koma fyrir gerfi-uglu á áberandi stað á húsum sínum því starrinn óttast ugluna. Á myndinni hefur Pétur Eggertsson á Hólabrautinni fengið hjálp við starrafælinguna frá Smyrli sem situr á mæni hússins. Ljósmyndarinn, Árni Geir, hefur síðan leikið sér svolítið með myndina og dregið smyrillinn frekar fram en samt látið myndina halda sér að mestu leiti.
Adolf H Berndsen - safn091
Þessi mynd var tekin yfir Skagaströnd árið 1964. Gaman getur verið að rýna í hana og bera saman við það sem sést frá sama sjónarhorni í dag.
1
…
45
46
47
…
65
Leita í myndasafninu
Leita