Beint í efni
Skagaströnd.is
↗
Allar myndir
Náttúra
✕
Dýr
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Samgöngur
Miðflokkur
Landslag
Snjór
Neðsti Flokkur
Réttir
737 myndir
Flæði
Reitir
Guðmundur Guðnason694
<p>Þessir þrír heiðursmenn settu svip sinn á Skagaströnd hér á árum áður. Karl Guðmundsson (d.11.12.2011), sem er lengst til vinstri, ólst að mestu upp á Vindhæli í Skagabyggð og átti þar heimili þar til hann flutti til Skagastrandar og stofnaði fjölskyldu með konu sinni Dagnýju Hannesdóttur. Einar Haraldsson (d.14.11.1983) , sem er í miðið, var bóndi að Kjalarlandi í Skagabyggð áður en hann flutti til Skagastrandar með sinni konu, Ólínu Hjartardóttur (d. 27.7.1983) frá Vík. Á Skagaströnd bjuggu þau í Dagsbrún, sem er horfin en stóð u.þ.b. þar sem stjórnsýsluhúsið er nú. Lengst til hægri er svo Ásgeir Axelsson (d. 8.6.2011) bóndi á Litla Felli í Sveitarfélaginu Skagaströnd. Þar bjó hann með konu sinni Sigrúnu Guðmundsdóttur og þeirra fjölskyldu. Allir eru þessir þrír menn minnisstæðir þeim sem til þeirra þekktu. </p><p><br></p>
Sigmar Hróbjartsson - safn014
Réttað í Landsendarétt. Réttin stóð á sjávarbakkanum norðan við Réttarholt - á Landsenda
Guðmundur Guðnason700
Myndin er tekin í Spákonufellsrétt. Stúlkan í köflóttu skyrtunni er Áslaug Hrólfsdóttir frá Bjarmalandi og ljóshærða stúlkan er Guðbjörg Kristinsdóttir. Skeggjaði maðurinn með húfuna er Einar Haraldsson fá Kjalarlandi (seinna í Dagsbrún). Maðurinn í köflóttu skyrtunni er Bernódus Ólafsson og til hægri við hann er Jóhann Jakobsson.
051
Þórey Daníelsdóttir frá Búrfelli með hest ca 1940
Guðmundur Guðnason710
Smalamennska í Borginni. Féð rekið heim að rétt.
Guðrún Guðbjörnsdóttir068
Snorri Gíslason í réttarstuði.
Guðmundur Guðnason689
Réttað í Spákonufellsrétt. Maðurinn lengst til hægri er Lárus Árnason (d. 21.5.2011) frá Ási. Aðrir eru óþekktir.
Guðmundur Guðnasonr680
Óþekktur við réttarstörf í Hofsrétt
015
Hundarnir á Efri-Harrastöðum. Tíkin Halló er til hægri
Guðmundur Guðnason704
Réttarstörf - rúningur - í Hofsrétt. Lengst til hægri er Rúnar Jósefsson, Jósef Stefánsson (d.9.12.2001)snýr bakinu í myndavélina. Þá kemur Laufey Jónsdóttir (d.25.12.1969) og konan í rauðköflóttu skyrtunni er Sigríður Guðlaugsdóttir (d.23.5.1996) frá Bjarmalandi. Ari Ólafsson hjálpar móður sinni Jóninnu Þórey Hafsteinsdóttur (d.24.11.1994) að troða ull í poka. Ullarpokar sjást á réttarveggnum.
Guðmundur Guðnason695
Réttað í Spákonufellsrétt. Maðurinn á miðri mynd er Þorkell Magnússon (d. 30.8.1968) frá Goðhól. Maðurinn lengt til hægri er Baldvin Jóhannsson (d. 1.1.1981) frá Ásholti og bak við hann er Jóhannes Hinriksson (d. 27.10.1973) einnig frá Ásholti. Aðrir eru óþekktir.
Guðmundur Guðnason703
Óþekkt leikrit sýnt í Tunnunni sennilega á vegum Höfðaskóla upp úr 1960. Frá vinstri í hlutverkum sínum: Pálfríður Benjamínsdóttir frá Skálholti, Þórunn Bernódusdóttir frá Stórholti, Steindór Haraldsson frá Höfðakoti, Kristinn Lúðvíksson frá Steinholti, Kristín Lúðvíksdóttir frá Steinholti, Tveir óþekktir leikarar, Pétur Jóhannsson frá Lækjarbakka, Jóhann Björn Þórarinsson (Baddi) frá Höfðaborg (Bankastræti 9) og tveir óþekktir leikarar. Ef þú þekkir óþekktu leikarana vinsamlega sendu okkur þá athugasemd.
Guðrún Guðbjörnsdóttir077
Vaskir menn ríða um hátíðarsvæðið á fyrstu Kántrýhátíðinni 1984. Frá vinstri: Ásgeir Axelsson, Hallbjörn Hjartarson, Magnús Blöndal og óþekktur.
Guðmundur Guðnason705
<P>Ekki er vitað af hvaða tilefni þessi prúðbúnu ungmenni tróðu upp á sviðinu í Gömlu Tunnunni. Myndin er sennilega tekin upp úr 1960 e.t.v. á einhverri hátíð tengdri ungmennafélaginu Fram eða stúkunni á Skagaströnd. Á myndinni má þekkja, frá vinstri: Jóhanna Valdimarsdóttir (Númadóttir), Helgi Þór Bjarnason (d. 1.3. 2007) frá Holti, Sigrún Kristófersdóttir frá Sunnuhvoli, Steindór Haraldsson frá Höfðakoti, Jóhanna Hallgrímsdóttir (Júdý), Guðrún Þórbjarnardóttir frá Flankastöðum, Guðmundur Guðmundsson úr Skeifunni, Bergdís Sigmarsdóttir, óþekktur, óþekkt, Búi Birgisson frá Straumnesi, og Brynja Axelsdóttir frá Læk. Ef þú þekkir óþekkta fólkið vinsamlega sendu okkur þá athugasemd.</P>
Guðmundur Guðnason777
Eitt af uppáhalds myndefnum Guðmundar Guðnasonar (d.21.11.1988) frá Ægissíðu , sem tók þessa mynd, voru kindur. Þetta er eitt sýnishorn af slíkum myndum sem eru fjölmargar til eftir hann.
Guðmundur Guðnasonr684
Guðbergur Stefánsson við réttarstörf í Hofsrétt?
Guðmundur Guðnasonr683
Óþekkt fólk við ráttarstörf í Hofsrétt
Guðmundur Guðnason850
Vinaminni (Hólabraut 16) fyrir miðri mynd. Til hægri sér í Brautarholt. Þegar þessi mynd var tekin, sennilega í kringum 1960, lá akvegurinn, eins og sést, rétt sunnan við Vinaminni og svo var hægri beygja vestan við Brautarholt. Snjórinn sem liggur fyrir framan Vinaminni hylur malarkrús sem þar var en hún var vinsæll leikvangur og sullstaður barnanna í innbænum á sínum tíma. Í dag standa Hólabraut 12 og Hólabraut 14 á þessum slóðum.
Guðmundur Guðnason697
Henrý Kristjánsson (d. 22.6.1972) frá Kárastöðum og Helga Berndsen frá Karlsskála slá á létta strengi undir réttarvegg á Spákonufellsrétt.
Guðmundur Guðnason708
Réttastörf í Spákonufellsrétt. Maðurinn fremst á myndinni er Jósef Stefánsson. Lengst til vinstri er Jóhann Jakobsson frá Blálandi og svo Haraldur Sigurjónsson frá Iðavöllum.
Guðmundur Guðnason913
<P>Einhverntíma í kringum 1960 var haldið skíðamót í Hörfellinu. Það var Ingólfur Ármannsson kennari og skátaforingi sem sá um framkvæmdina með góðra manna hjálp. Keppt var í bruni og skíðastökki en keppendur þurftu að ganga upp brekkuna með skíðin sín á bakinu til að geta tekið þátt í keppninni. Því miður eru keppendurnir óþekktir á myndunum en þarna voru keppendur eins og : Birgir Júlíusson, Birgir Þórbjörnsson, Lárus Ægir Guðmundsson, Þórunn Bernódusdóttir og fleiri. Ef svo vel vill til að þú þekkir einhvern á myndinni vinsamlega sendu okkur þá athugasemd. </P>
Guðmundur Guðnason860
Snjór í útbænum. Húsin á myndinni eru, frá vinstri: Mjölskemma SR, "Bragginn", Skáli (Norður og Suður Skáli), vigtarskúr hafnarinnar, Síldarverksmiðja Ríkisins, Garður, Kaupfélagið, Kaupfélagsskemman, Gamla fjósið og Héðinshöfði. "Bragginn", vigtarskúrinn, Garður og Héðinshöfði hafa nú öll verið rifin.
Ævar Axelsson - safn015
Harry var einn af bresku hermönnunum sem staðsettir voru hér á Sakagaströnd um tíma. Þeir höfðu lítið við að vera og Harry þessum fannst gaman að lyfta sér upp með því að fara á hestbak. Þegar bandarísku hermennirnir leystu þá bresku af 1941 var Harry fljótlega sendur á vígstöðvarnar þar sem hann dó.
Guðmundur Guðnason952
Fjársafn rekið til réttar í Spákonufellsrétt.
Guðmundur Guðnason034
Aðalsteinn Jörgensen í Reykholti.
Ævar Axelsson - safn010
Axel Helgason frá Læk með hestinn sinn reiðubúinn í útreiðartúr.
Guðmundur Guðnason859
Sigurbjörn Kristjánsson frá Kárastöðum með tvo hrúta við fjárhúsin hjá Bjarmalandi.
Guðmundur Guðnason020
<P>Þessi mynd er sú fyrsta í fimm mynda röð frá Guðmundi Guðnasyni. Hinar myndirnar eru númer 2544, 2545, 2546 og 2547. Myndirnar sýna Ole Aamundsen hjálpa Lárusi Jónssyni lækni við að klifra yfir milligerði í Spákonufellsrétt. Lárus er prúðbúinn með hatt og sker sig þannig úr öðrum sem eru að störfum í réttinni. </P><br><P>Á þessari mynd eru frá vinstri: baksvipurinn á Þorkeli Magnússyni, Friðjón Guðmundsson með húfupottlok sem hann bjó til úr samanbrotnum bréfpoka, Ole Aamundsen með gleraugu og Lárus Jónsson læknir með hatt. Aðrir eru óþekktir.</P>
Guðmundur Guðnason039
Hross réttuð í Spákonufellsrétt. Maðurinn, sem ber yfir bakið á skjótta hestinum fremst á myndinni, er Páll Jóhannesson frá Sunnufelli ( Sunnuvegur 3) . Aðrir eru óþekktir.
003
Finnur Frímannsson frá Jaðri á Skagaströnd. Myndin tekin ca 1938
Guðmundur Guðnason688
<P>Börnin á myndinni eru, talið frá vinstri: Magnús Sigurðsson, Inga Stefánsdóttir, Sigríður Sigurðardóttir og Jósef Sigurðsson. Þrjú barnanna voru börn Sigurðar Magnússonar og Dórotheu Hallgrímsdóttur frá Hólanesi. Inga dvaldi hjá þeim hjónum á táningsárum sínum.</P>
054
Jón Árnason frá Steinnýjarstöðum - seinna á Ólafsvöllum á Skagaströnd
Guðmundur Guðnason686
Sunnudagaskólabörn sunnan við gömlu kirkjuna á Skagaströnd. Fólkið sem stendur aftan við börnin er, talið frá vinstri: Hrefna Björnsdóttir, Sigurbjörg Angantýsdóttir, Dómhildur Jónsdóttir, Guðný Hjartardóttir, Guðrún Teitsdóttir, Herra Sigurbjörn Einarsson biskup, Magnea Þorkelsdóttir biskupsfrú, séra Pétur Ingjaldsson, Páll Jónsson, Björk Axelsdóttir og óþekkt kona. Börnin eru óþekkt en eru æska Skagastrandar á þeim tíma sem myndin er tekin.
013
Björgvin Guðmundsson frá Saurum. Myndin tekin ca 1939
053
Una Jónsdóttir frá Steinnýjarstöðum á hestbaki með hund með sér
043
Kári Kristjánsson ? snýr heyi einhverntíma í kringum 1938 með snúningsvél frá bænum Efri-Harrastöðum.
Guðmundur Guðnason709
Bergdís Sigmarsdóttir á sviðinu í Tunnunni upp úr 1960.
Guðmundur Guðnason699
Tveir óþekktir knapar þeysa af stað í kappreiðum. Mennirnir og staðurinn eru óþekkt.
046
Hyrntur hrútur frá Brandaskarði í taumi
Guðmundur Guðnason696
Hjónin á Syðra-hóli þau Björn Magnússon og Ingunn Lilja Hjaltadóttir.
Guðmundur Guðnason687
Rúningur í réttunum. Þá var fénu smalað um mitt sumar og kindurnar voru rúnar því ullin var verðmæt. Myndin er úr Hofsrétt á Skagahreppi (nú Skagabyggð) og var tekin rétt fyrir 1960. Konan sem situr með lamb í fanginu er Brynhildur Vilhjálmsdóttir (d.7.4.2011) frá Brandaskarði en aðrir myndinni er óþekktir. Hundurinn á réttarveggnum hét Kópur og var í eigu Páls J. Pálssonar frá Bakka. Kópur var felldur haustið 1960.
Guðmundur Guðnason690
Vigfús Elvan Friðriksson sem fórst í sjóslysi við Snæfellsnes.
Guðmundur Guðnason702
Réttastörf í Hofsrétt á Skaga. Fremst á myndinni er Páll Jóhannesson en maðurinn vinstra megin á myndinni í ljósum jakka er Hrólfur Jónsson (d.1.8.1989) og stúlkan í köflóttu skyrtunni í miðjum fjárhópnum er Áslaug dóttir hans. Stúlkan í grænu peysunni er Guðbjörg Kristinsdóttir. Maðurinn lengst frá okkur fyrir miðju í ljósum buxum og brúnni peysu er Jón Hinrik Árnason (d.4.11.1986) sem var bóndi á Steinnýjarstöðum.
Guðmundur Guðnason693
Stafnsrétt í Svartárdal. Fjársafnið bíður þess að verða réttað.
Guðmundur Guðnason851
Stoltir eigendur verðlaunahrúta á hrútasýningu í Húnaveri. Mennirnir eru óþekktir þannig að ef þú þekkir einhvern þeirra vinsamlegast sendu okkur þá athugasemd.
Guðmundur Guðnasonr679
Hjalti Árnason frá Skeggjastöðum við réttastörf í Hofsrétt.
Guðmundur Guðnason691
Réttað í Spákonufellsrétt. Maðurinn með húfuna fyrir miðri mynd er Henrý Kristjánsson (d. 22.6.1972) frá Kárastöðum. Við öxl hans er Gunnlaugur Sigmarsson en aðrir á myndinni eru óþekktir.
Guðmundur Guðnasonr681
Henrý Kristjánsson til vinstri og Bernódus Ólafsson til hægri við réttarstörf í Hofsrétt.
Guðmundur Guðnason858
Snjór í útbænum. Stórholt til vinstri, Þórshamar og Skálholt til hægri.
Guðmundur Guðnasonr682
Réttarstörf í Hofrétt. Bernódus Ólafsson er lengst til vinstri á myndinni og Henrý Kristjánsson er maðurinn með húfuna. Aðrir á myndinni eru óþekktir
Guðmundur Guðnason856
Fermingarbörn ársins 1964 ganga til Hólaneskirkju (eldri). Frá vinstri: Stefanía Guðjónsdóttir, Brynja Axelsdóttir frá Læk og Sólveig Georgsdóttir.
Guðmundur Guðnason951
Fjársafn rekið í Spákonufellsrétt.
Guðmundur Guðnason909
Hópreið á fjölmennu hestamannamóti í Húnaveri 1964.
Guðmundur Guðnason915
<P>Einhverntíma í kringum 1960 var haldið skíðamót í Hörfellinu. Það var Ingólfur Ármannsson kennari og skátaforingi sem sá um framkvæmdina með góðra manna hjálp. Keppt var í bruni og skíðastökki en keppendur þurftu að ganga upp brekkuna með skíðin sín á bakinu til að geta tekið þátt í keppninni. Því miður eru keppendurnir óþekktir á myndunum en þarna voru keppendur eins og : Birgir Júlíusson, Birgir Þórbjörnsson, Lárus Ægir Guðmundsson, Þórunn Bernódusdóttir og fleiri. Fólk þurfti að ganga alllanga leið áður en komið var á skíðasvæðið því enginn akvegur liggur upp að Hörfelli. Á myndinni má sjá keppendur og áhorfendur á leið á keppnissvæðið. </P>
Guðmundur Guðnason932
Fjársafn við Stafnsrétt.
Guðmundur Guðnason128
Guðmundur Guðnason póstur og ljósmyndari í Ægissíðu, uppáklæddur með sparihattinn gleður sig með bættum kaffisopa. Myndin sennilega tekin 1969.
Guðmundur Guðnason053
Willis jeppi H 364. Ekki er vitað hver átti þennan bíl en ekki er ólíklegt að Ingvi Guðnason (d. 31.12.1991) hafi átt hann. Ingvi var bróðir Guðmundar sem tók þessa mynd.
Guðmundur Guðnason906
Sigurbjörg Árdís Indriðadóttir til vinstri með bróður sínum Hjalta Indriðasyni.
Guðmundur Guðnason098
Kisan í Ægissíðu með kettlinga á spena
Guðmundur Guðnason134
Bernódus Ólafsson kíkir eftir eyrnamarki í Hofsrétt 1965.
1
2
3
4
5
…
13
Leita í myndasafninu
Leita