Beint í efni
Skagaströnd.is
↗
Allar myndir
Náttúra
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Samgöngur
Miðflokkur
Dýr
Landslag
Snjór
1.480 myndir
Flæði
Reitir
Guðmundur Guðnason 2 454
Heyskapur upp á gamla mátann. Myndin var tekin á Vesturá í Laxárdal sem var heimili Guðmundar Guðnasonar (d. 21.11.1988) en fjölskylda hans bjó í dalnum á nokkrum bæum áður en þau fluttu að Ægissíðu á Skagaströnd. Á myndinni er Guðmundur að teyma heim hesta með heybagga á klökkum. Á þennan hátt var heyið flutt heim að fjárhúsum af engjum sem gátu verið langt frá bænum. Oft voru þá krakkar og liðléttingar notaðir til að teyma hestana á milli.
Skagaströnd - safn411
<p>Veturinn 1995 var mjög snjóþungur eftir áramótin á Skagaströnd. Þessi mynd, sem var tekin 3. mars 1995, sýnir óþekktan mann á gangi á einum uppstyttudögunum, sem notar hundana sína til að draga sleðann fyrir sig. </p>
Guðmundur Guðnason 2 494
Óþekkt stúlka á hestbaki. Ef þú þekkir hana vinsamlega sendu okkur þá athugasemd.
Guðmundur Guðnason 2 473
Fólkið á myndinni er óþekkt og líka hvaða rétt þetta er. Ef þú þekkir einhvern eða veist hvaða rétt þetta er vinsamlega sendu okkur þá athugasemd.
Skagaströnd - safn416
Í áratugi var litla sundlaugin á Skagaströnd bara opin á sumrin en með tilkomu hitaveitunnar er hún nú opin allt árið. Hún var venjulega opnuð í byrjun maí því þá var skólasund í 2-3 vikur. Þessi mynd var tekin í byrjun maí 1995 en þá var sundlaugin mikið meira en full af snjó. Gripið var til þess ráðs að moka snjónum úr lauginni með gröfu og handskóflum en allra síðasti snjórinn var bræddur með því að úða vatni yfir hann. Sundkennslan hófst örlítið síðar en ætlað var en nemendur Höfðaskóla fengu sína sundkennslu þetta vorið eins og áður.
Guðmundur Guðnason 2 387
Kirkjugestir við Ábæjarkirkju í Austurdal. Ekki er vitað hvenær myndin var tekin.
Steinþór Karlsson 004
Loftmynd af Skagaströnd líklega tekin öðru hvoru megin við aldamótin 2000. Fróðlegt að bera saman gróðurinn austan við tjaldsvæðið þá og nú eftir gróðursetningu Skógræktarfélags Skagastrandar á trjáplöntum á svæðinu.
Bernódus Ólafsson og Anna Aspar - safn092
Frá Kúvíkum í Reykjarfirði syðri á Ströndum.
Jón Pálsson og Björk Axelsdóttir - safn029
Myndin sýnir fólk við réttastörf í Spákonufellsrétt 1965. Á þessum tíma var mikið um sauðfé á Skagaströnd líklega 2-3000 kindur sem settar voru á á hverjum vetri.
Óþekktur ljósmyndari375
Sigurður Jónsson í Fjallsmynni með kisa sinn á öxlinni. Sigurður er einn af fáum sem hefur köttinn sinn í bandi og fer reglulega í gönguferðir með hann um nágrennið. Kisi fær aldrei að fara einn út á lífið.
Minjasafn773
Gömul mynd frá Skagaströnd, lílklega tekin 1946 eða 1947. Ekki er búið að reka niður stálþil um Skúffugarðinn né fylla upp í "Dokkina". Hafnarhúsið er komið á sinn stað og verið að ljúka við smíði mjölskemmunnar. Mörg af húsunum sem sjást á myndinni eru nú horfin. Myndin er í eigu Muna- og Minjasafns Skagastrandar. Gefandi: Guðný Finnsdóttir 12. desember 1994.
Árni Geir Ingvarsson - safn 561
Hér hefur Vilhjálmur Skaftason, sem stendur og virðir aðstæður fyrir sér, búinn að festa Súkkuna sína í skafli. Í baksýn býr Eðvarð Hallgrímsson sig undir að draga Súkkuna úr skaflinum.
Árni Geir Ingvarsson - safn 634
Hluti af útbænum á Skagaströnd. Á myndinni, sem tekin er af Vetrarbrautinni (Nýja veginum), má sjá allmörg hús sem ekki eru til lengur. Lengst til vinstri eru Kárastaðir sem hafa veið rifnir. Útihúsin við Bjarmaland eru horfin og sama má segja um Höfðakot, sem er fyrir miðri mynd, með grænu þaki. Höfðaberg, sem stendur upp í Höfðanum og ber yfir Sólheima, er horfið eins og Gunnarshólmi (Grafarbakki), sem er húsið lengst til hægri á myndinni, grænt og gult á litinn. Þegar ákveðið hafði verið að Gunnarshólmi ætti að hverfa fékk slökkviliðið á Skagaströnd að kveikja í því til að æfa sig í að slökkva í því aftur. Að lokum var því svo leyft að brenna til grunna undir eftirliti slökkviliðsins.
Árni Geir Ingvarsson - safn 610
Hafísjakar á reki á legunni sunnan við Höfðann. Á Höfðanum má sjá hjalla sem notaðir voru tiil að þurrka skreið. Hjallarnir eru nú löngu horfnir. Ekki er vitað hvenær myndin var tekin.
Árni Geir Ingvarsson - safn 605
Á þessari mynd af Skagaströnd má sjá nokkur horfin hús. Lengst til vinstri er Karlsminni sem ekki er til lengur, þá kemur Strandgata 10, sem enn stendur, en þar við hliðina er Viðvík sem er horfin. Síðan koma tvö hús sem enn standa, Höfðatún og Vík en þá kemur að fjárhúsum og lengra frá, með rauðu þaki, glittir í Bergsstaði sem einig hefur verið rifið. Næst er svo Sævarland og bak við það hægra megin er Sæból sem brann til grunna á sínum tíma. Lengst til hægri er svo Oddagata 1 sem enn er búið í.
Árni Geir Ingvarsson - safn 544
Spákonufell er bæjarfjall Skagstrendinga. Af toppi fjallsins - Spákonufellsborginni - er mjög víðsýnt og sagt að sjáist í sjö sýslur í góðu skyggni. Sífellt fleiri leggja leið sína á toppinn eftir merktri gönguleið sem byrjar við norðurenda Háagerðisgolfvallarins.
Bernódus Ólafsson og Anna Aspar - safn091
Frá Kúvíkum í Reykjarfirði syðri á Ströndum.
Árni Geir Ingvarsson - safn 613
Kristinn Guðmundsson (d. 1.12.1986) í Bræðraborg í fjáragi við Spákonufellsrétt.
Árni Geir Ingvarsson - safn 574
Systkinin Vala Rós Ingvarsdóttir til vinstri og Þórarinn Brynjar Ingvarsson til hægri leika sér við að klifra, sennilega í Höfðanum. Ekki er vitað hvenær myndin var tekin en það hefur verið kringum 1980.
Árni Geir Ingvarsson - safn 593
Eldri mynd af Skagaströnd. Næst okkur á myndinni er trésmíðaverkstæði Helga Gunnarssonar í byggingu.
Sigurður Bjarnason - safn 018
Anna Bjarnadóttir frá Bjargi á Mósa sínum.
Árni Geir Ingvarsson safn 641
Þessi mynd af Skagaströnd hefur líklega verið tekin snemma á sjöunda áratugnum. Litla grænmálaða húsið með rauða þakinu í vinstra horni myndarinnar er Þórsmörk. Í vinstra horninu uppi grillir í byggingarnar á Óseyri og Bráðræði við sjávarbakkann.
María Magnúsdóttir - safn 032
Heyskapur við Syðra Hól. Á myndinni sést glöggt sú tækni sem notuð var við heyskap á sínum tíma þegar hesturinn var enn þarfasti þjónninn í sveitum landsins. Svona vélar, eins og sú á myndinni, gjörbreyttu heyskap til sveita sem fram að því hafði nánast eingöngu notast við orf, ljá og hrífur. Maðurinn á myndinni er líklega Sveinbjörn Albert Magnússon (Atli)(d. 13.11.1987) frá Syðra Hóli. Ekki er vitað hvenær myndin var tekin.
Árni Geir Ingvarsson - safn 607
M.s. Bakkafoss, skip Eimskipafélags Íslands, er hér í Skagastrandarhöfn á sjómannadaginn 1969. Ísinn fyllir Húnaflóa og hrafl er komið inn í höfnina.
Fisk Seafood - safn 027
Hólanes hf bauð starfsfólki sínu og mökum í "menningarferð" til Reykjavíkur í mars 1987. Á leiðinni var leiðinda veður og ófærð. Ein af rútunum þremur sem fluttu fólkið fór út af veginum og tafði það för meðan verið var að ná bílnum upp á veginn aftur. Enginn meiddist við óhappið og fljótlega var aftur farið að syngja og gleðjast í rútunni eftir að hún var komin af stað aftur. Þekkja má á myndinni til vinstri: Sigríður Gestsdóttir og Stefán Jósefsson, Guðrún Magnúsdóttir er í blárri úlpu og Erna Högnadóttir í rauðri úlpu með sígarettu í hendinni. Lengst til hægri er svo Hildigunnur Jóhannsdóttir (d. 1.1.1996).
Héraðsskjalasafn A-Hún 99
Kýr á beit í Kálfshamarsvík. Í baksýn er bærinn Saurar.
María Magnúsdóttir - safn 061
Aftan á þessari mynd stendur: "Sveinbjörn Albertsson með Björn Magnússon Syðra-Hóli". Sveinbjörn var bróðir Jóhönnu Albertsdóttur móður Björns. Myndin var að öllum líkindum tekin í klettafjörunni neðan við Syðra Hól.
María Magnúsdóttir - safn 065
Óþekktur maður á hestbaki í túninu við Syðri Hól, sem er í baksýn. Ef þú þekkir manninn vinsamlega sendu okkur þá athugasemd.
Páll J. Pálsson safn 7
Myndin var tekin 1946 á hlaðinu á Bakka í Skagahreppi nú Skagabyggð. Páll Tómasson (d. 3.6.1963) bóndi á Bakka að járna hest með aðstoð Þorgríms (d. 7.9.2013) sonar síns. Önnur börn Páls fylgjast með en þau eru frá vinstri: Páll Jónatan, María og Björg.
umf Fram 328
<p>Ekki er vitað hvenær þessi mynd var tekin yfir Blönduós en líklega hefur það verið kringum 1975. </p>
Skagaströnd - safn403
<p>Þegar þessi mynd var tekin einhverntíma á árunum 1943 - 1946 var mikil uppbygging á Skagaströnd. Verksmiðjuskorsteinninn er risinn en ekki búið að fjarlægja vinnupallana kringum hann. Grindin í stóru mjölskemmunni er að rísa og byggingarefni liggur út um allt. Sundlaugin er í byggingu og niðri í horninu lengst til vinstri er búið að steypa undirstöðu fyrir olíutank sem þar reis síðar. Járnplötur sem voru efni í tankinn liggja við hlið sökkulsins. Fjósið sést norðan við kaupfélagið enda ekki búið að byggja Kaupfélagsskemmunna en sökklar hennar eru þó komnir. Ef grannt er skoðað má sjá á myndinni mörg hús sem nú eru horfin eða hafa vikið fyrir nýjum. Myndina tók Guðmundur Guðnason. </p>
Guðmundur Guðnason 2 489
Guðmundur Guðnason (d. 21.11.1988) á ferðalagi á hálendinu. Skálinn í baksýn er sennilega Hvítárskáli Ferðafélags Íslands við Hvítárvatn. Þar er sagt að sé draugagangur.
Skagaströnd - safn331
Kjartan Stefánsson Keen (d.22.12.2006) við Spákonufellsrétt 1991. Kjartan bjó lengi í Bjarmalandi og stundaði listmálun.
Guðmundur Guðnason 2 415
Á myndinni eru frá vinstri: séra Ólafur Hallgrímsson, Guðmundur Sigfússon (d. 27.3.1993) frá Eiríksstöðum, Skafti Fanndal Jónasson (d. 2.9.2006) og Sigurður Jónsson. Líklega var þessi mynd tekin af þeim félögum við Merkigil í Skagafirði á leið til messu í Ábæjarkirkju en þangað sóttu þeir saman árlega í mörg ár. Ekki er vitað hvenær myndin var tekin.
Guðmundur Guðnason 2 350
Aftan á þessa mynd hefur Guðmundur ljósmyndari skrifað <em>" Frá Hestamannamóti hjá Hvammi í Langadal. Þórður á Grund."</em> Ekki er vitað hvenær myndin var tekin.
Jón Pálsson og Björk Axelsdóttir - safn012
Þessi mynd frá 1977 sýnir vel hvernig skíðaaðstaðan í Spákonufellinu var á þessum árum. Dráttarvél var notuð til að snúa spili með kaðli sem fór svo í gegnum blökk uppi á toppi brekkunnar. Fólk hékk síðan í kaðlinum á leið upp brekkuna. Bannað var að vera með trefil um hálsinn því kaðallinn sneri upp á sig á leiðinni upp og gat gripið í trefilinn og þannig hert að hálsi viðkomandi. Nokkrum árum eftir að þessi mynd var tekin var svo keypt toglyfta og sett í brekkuna norðan við þá sem lyftan á myndinni er í. Enn síðar var svo byggður skíðaskáli á svæðinu, sem enn stendur. Eins og sjá má á myndinni vantaði ekki áhugasamt skíðafólk til að nýta sér þessa frumstæðu aðstöðu á góðum dögum.
Jón Pálsson og Björk Axelsdóttir - safn008
Mynd frá Norrænu skíðagöngukeppninni 1964 tekin við Vetrarbraut á Skagaströnd en þar norður frá var lögð skíðagöngubraut. Keppnin fór fram um öll Norðurlöndin og átti fólk að ganga á skíðum ákveðna útmælda vegalengd eins oft og það kaus. Haldin var skrá yfir hverjir gengu og hve oft. Síðan var vegalengdin lögð saman þ.e. hvað fólk hverrar þjóðar gekk langt samtals og svo var fundið út hvaða land hafði sigrað miðað við höfðatölu. Þátttakendur fengu síðan afhent barmmerki gull, silfur og brons að uppfylltum ákveðnum fjölda ferða. Þátttaka í keppninni á Skagaströnd var góð eins og sjá má á þessari mynd þó fólkið sé óþekkt.
Árni Geir Ingvarsson - safn 539
<p>Skíðadeildin á Skagaströnd hafði mjög gott samband við jólasveinana. Á hverju ári tóku félagar deildarinnar að sér að taka við pökkum og kortum fyrir þá fjallabræður en þeir komu síðan til byggða og báru út í húsin í bænum rétt fyir jól. Á þessari mynd hafa þeir bræður fengið Eðvarð Hallgrímsson til að hjálpa sér með því að keyra þá um bæinn á jeppa sínum. Jólasveinarnir þurftu sannarlega ekki að kvarta undan áhugaleysi yngstu kynslóðarinnar því yfirleitt fylgdi hópur barna þeim bræðrum um bæinn. </p>
Árni Geir Ingvarsson - safn 623
Réttað í Spákonufellsrétt. Maðurinn til vinstri, í brúna jakkanum, er Guðni Sveinsson (d. 15.11.1971) frá Ægissíðu. Hægra megin við hann, í bláum jakka með sixpensara og hendur í vösum, er Árni Kristófersson (d. 11.10.1982) frá Árnesi. Maðurinn á miðri mynd, í brúnum jakka og lútir höfði, er líklega Guðmundur Guðnason (d. 21.11.1988) frá Ægissíðu. Konan í köflóttu skyrtunni fremst á myndinni er Soffía Sigurðardóttir (d.11.9.1968) frá Valhöll. Aðrir á myndinni eru óþekktir en ef þú þekkir einhvern vinsamlega sendu okkur þá athugasemd.
Árni Geir Ingvarsson - safn 594
Hafnir á Skaga. Hafnir eru í Skagabyggð.
Árni Geir Ingvarsson - safn 534
Stefán Kristinsson (d. 19.5.2011) nýtur hér útvistar í óþekktri hraunbreiðu.
Minjasafn715
Jóhann Pétursson (d. 13.1.1999) frá Lækjarbakka með lambhrút í bandi eftir mikinn eltingaleik við hrútinn, sem ekki var sammála Jóhanni hvað varðar frelsi og útigang. Myndin er í eigu Muna- og Minjasafns Skagastrandar.
Árni Geir Ingvarsson - safn 563
<p>Á þessari gömlu mynd af innbænum er byggðin strjálli en í dag. Fellsbraut, Suðurvegur, Sunnuvegur og Túnbraut eru að mestu óbyggðar en einnig sýnir myndin horfin hús s.s. Stóra-Berg, Dagsbrún, Ólafsvellir, Brautarholt, fjárhús o.fl.. </p>
Árni Geir Ingvarsson - safn 585
Þessi mynd af Skagaströnd sýnir vel framkvæmdir við byggingu raðhúsanna við Mánabraut 1 - 11 á sínum tíma. Á myndinni má líka sjá nokkur hús sem nú eru horfin t.d. Héðinshöfða, niðri í horninu hægra megin, Efri-Læk, sem ber yfir suðurenda plötunnar að Mánabraut 7, og Efri-Jaðar, sem ber yfir vinkilbygginguna til vinstri.
Árni Geir Ingvarsson - safn 637
Þessi mynd sýnir útbæinn á Skagaströnd. Fremst á myndinni er olíutankur sem nú er horfinn. Yfir hann sér í langa brúna húsalengju. Þetta hús var samsett úr allmörgum einingum sem komu til Skagastrandar frá Kröfluvirkjun þar sem þau voru notuð sem vinnubúðir. Það sama gilti um húsin á Skagaströnd því í þeim bjuggu menn sem voru að vinna við breytingaframkvæmdir við síldarverksmiðjuna. Örlög hússins urðu þau að það kviknaði í þeim eina nóttina og brunnu þau að hluta en íbúarnir og gestir þeirra sluppu ómeiddir á síðustu stundu. Heillegu húseiningarnar voru svo seldar nokkrum aðilum sem fjarlægðu þær af staðnum.
Árni Geir Ingvarsson - safn 624
Litli drengurinn á myndinni er Árni Geir Ingvarsson en fullorðna fólkið er óþekkt (?Oddur og Gerða?). Öll húsin á myndinni eru horfin. Í húsinu til vinstri (sést bara hálft) var einu sinni verslun og fiskvinnsla en það endaði æfi sína þegar það brann til grunna en þá var það bara notað sem geymsla. Húsið sem er fjær var kallað Skólahúsið og gegndi hlutverki skóla og jafnframt var það notað sem samkomuhús t.d. fyrir rómaða dansleiki sem þar voru haldnir á sínum tíma. Enn má sjá grunn húsins. Húsið til hægri var verbúð en það er ekki lengur til staðar. Nýtt salernishús og nestisaðstaða hefur verið byggt örlítið upp í hallanum vestan við verbúðina. Vitinn stendur að sjálfsögðu enn 17 metra hár.
Árni Geir Ingvarsson - safn 537
Hér er fólk að fara á skíði við skíðalyftuna í hlíðum Spákonufells. Dökki kofinn sem sést á myndinni fauk í óveðri einn daginn og splundraðist. Lyftan var þá færð örlítið sunnar og lengd um ca 50 metra og annar kofi reistur fyrir stjórntæki lyftunnar. Lyftan hefur nú verið tekin niður fyrir allmörgum árum. Fólkið á myndinni er óþekkt.
Árni Geir Ingvarsson - safn 595
Þessi mynd af Skagatrönd hefur líklega verið tekin kringum 1965. Takið eftir að verið er að byggja ker í slippnum fram af Bjarmanesi og viðbygging við skólann er ekki komin.
Vélaverkstæði Skagastrandar - safn 032
Þessi mynd af Hornbjargi hefur sennilaga verið tekin á heimsiglingu til Skagastrandar. Hornbjargið er vinsæll viðkomustaður göngumanna um Hornstrandir.
Árni Geir Ingvarsson - safn 545
Vetur geta verið mis snjóþungir. Þessi mynd var tekin á einum snjóþungum en á henni eru húsin númer 13 og 15 við Bogabraut að mestu á kafi í snjó. Ekki er vitað hvenær myndin var tekin.
Árni Geir Ingvarsson - safn 621
Árni Geir Ingvarsson. Myndin var líklega tekin seint á sjöunda áratugnum. Skeifan í baksýn hægra megin við Árna og Höfðahólar vinstra megin við hann.
Árni Geir Ingvarsson - safn 596
Á þessari mynd sést greinilega staðsetning bæjarins Höfðahóla á Skagaströnd. Bærinn er nú löngu horfinn. Einnig er fróðlegt að skoða Borgina eins og hún leit út á sumrin áður en lúpínu var sáð í melana.
Árni Geir Ingvarsson - safn 598
Réttað í Spákonufellsrétt. Hér á árum áður, allt fram á níunda áratuginn, var fjáreign almenn á Skagaströnd og allt að 3000 fjár í Höfðahreppi. í dag má telja kindurnar í sveitarfélaginu í tugum en ekki þúsundum eins og þá. Konan fremst á myndinni, í köflóttri skyrtu með skuplu á höfði, er Jóhanna Thorarensen (d. 6.3.2004). Stúlkan í grænu peysunni er líklega Ragnheiður Sigurjónsdóttir frá Sunnuhlíð og Anna Bára Sigurjónsdóttir, systir hennar, með henni með ljósa skuplu yfir hárinu. Aðrir á myndinni eru óþekktir og ekki er vitað hvenær myndin var tekin.
Fisk Seafood - safn 028
Hólanes hf bauð starfsfólki sínu og mökum í "menningarferð" til Reykjavíkur í mars 1987. Á leiðinni var leiðinda veður og ófærð. Ein af rútunum þremur, sem fluttu fólkið, fór út af veginum og tafði það för meðan verið var að ná bílnum upp á veginn aftur. Enginn meiddist við óhappið og fljótlega var aftur farið að syngja og gleðjast í rútunni eftir að hún var komin af stað aftur. Fremst á myndinni er Bernódus Ólafsson (d.18.9.1996) og sér aftan á Guðmund Kristinsson í ljósum fötum. Aðrir á myndinni eru óþekktir.
Árni Geir Ingvarsson - safn 599
Fé rekið til réttar í Spákonufellsrétt. Hér á árum áður, allt fram á níunda áratuginn, var fjáreign almenn á Skagaströnd og allt að 3000 fjár í Höfðahreppi. Í dag má telja kindurnar í sveitarfélaginu í tugum en ekki þúsundum eins og þá. Myndin var tekin áður en þjóðvegurinn var lagður út með Spákonufellinu þar sem hann er nú. Fólkið á myndinni er óþekkt.
Héraðsskjalasafn A-Hún 31
Heyskapur á Skagaströnd líklega árið 1906. Húsin til hægri eru verslunarhúsin á Skagströnd.
María Magnúsdóttir - safn 146
Þessi mynd er merkt með stimpli: GOODALL PHOTO CO WINNIPEG. Handskrifað aftan á myndina er líka: "Heimilið okkar. Hús og fjós tekið yfir ána í flóði. 1943. Home of Jón Hermannsson Hillmann. Medicine River - Meðala áin".
Ólafur Bernódusson594
Þessir óþekktu unglingar úr vinnuskólanum nýttu kaffitímann sinn í góðu veðri uppi á Einbúanum. Vonandi hafa þau ekki raskað neinu á Einbúanum því ef það er gert er yfirvofandi reiði huldufólksins sem þar býr. Myndin var tekin í júní 1997.
María Magnúsdóttir - safn 256
Aftan á þetta póstkort er skrifað: "Þessi mind var tekin af þreskivjelini þegar var virið að þreska hjá okkur í haust sem leið. Manni minn vann með henni firir tíma". Eitthvað er stafsetningin farin að skolast til hjá bréfritara en meiningin er þó öllum augljós. Engin undirskrift er á kortinu né nafn viðtakanda. <br>
Jón Jónsson 367
Jón Jónsson, sem tók þessa mynd, átti nokkrar kindur í fjárhúsi við heimili sitt. Eins og aðrir sauðfjáreigendur var hann stoltur af kindunum sínum og þótti vænt um þær. Myndin sýnir nokkrar þeirra á lóð sem nú er löngu byggð. Ef grannt er skoðað sést að ekki er búið að byggja neitt sunnan við Hólabrautina sem er til hægri á myndinni. Myndin var líklega tekin einhverntíma kringum 1950.
1
…
12
13
14
…
25
Leita í myndasafninu
Leita