Beint í efni
Skagaströnd.is
↗
Allar myndir
Náttúra
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Samgöngur
Miðflokkur
Dýr
Landslag
Snjór
1.480 myndir
Flæði
Reitir
Páll J. Pálsson safn 27
Myndin var tekin á hlaðinu á Efri Harrastöðum í Skagahreppi (nú Skagabyggð) árið 1913. Mennirnir á myndinni eru frá vinstri talið: Guðjón Einarsson bóndi á Efri Harrastöðum, tveir óþekktir enskir menn, Einar Guðjónsson og Andrés Guðjónsson (d. 5.10.1968). Vikapilturinn sem stendur framan við hesta Einars er Sigvaldi Benediktsson. Ensku mennirnir komu til að leita að gulli í Harrastaðahelli en það reyndist allt vera glópagull (járnkís FeS2) sem þar fannst.
Héraðsskjalasafn A-Hún 33
Myndin var líklega tekin af Hólsnefinu sem er syðsti oddi Höfðans. Húsin næst okkur á myndinni eru fiskvinnsluhús en bryggjan, sem byggð var rétt austan við Hólsnefið, var fram af ljósa húsinu. Annars var lending í víkinn sem sést á myndinni og hefur nú verið fyllt upp. Ljósa tvílyfta húsið var verslunarstjórahús en gömlu húsin til hægri á myndinni voru verslunarhús. Myndin var líklega tekin einhverntíma kringum 1910.
María Magnúsdóttir - safn 093
Þessi kona er óþekkt en gæti verið Rannveig?. Ef þú þekkir hana vinsamlega sendu okkur þá athugasemd.
Jón Jónsson 384
Vetur á Skagaströnd geta verið mjög snjóþungir. Eftir langa illviðriskafla er gott að fara út og sýna sig og sjá aðra. Oft er líka eins og veðrið sé alveg sérstaklega gott eftir illviðriskafla. Á þessari mynd eru þær á spjalli upp á háum skafli, nágrannakonurnar Helga Jóhannesdóttir til vinstri og Guðný Sigurðardóttir til hægri.
Héraðsskjalasafn A-Hún 193
Síldveiðibátar í vari á Kálfshamarsvík. Ekki er vitað hvenær myndin var tekin en líklega hefur það verið einhverntíma snemma á fimmta áratugnum.
María Magnúsdóttir - safn 062
Það ríkir friðsæld á þessari mynd sem var líklega tekin kringum 1940 - 45. Hún hefur verið tekin nokkurn vegin eins og hún væri tekin niður eftir Mánabrautinni í dag. Árbakkasteinarnir rísa upp úr móskunni, lítill bátur er í fjörunni og annar á floti og ber í steinana.
Héraðsskjalasafn A-Hún 101
Saurar í Skagahreppi (nú Skagabyggð). Saurar eru löngu komnir í eyði og bærinn hruninn að mestu.
María Magnúsdóttir - safn 125
Hólmfríður Magnúsdóttir (d.6.7.2013) frá Syðra Hóli og Ólafur Ögmundsson
Óþekktur ljósmyndari 390
Myndin var tekin af krökkum úr Höfðaskóla í skólaferð að Hvítserk sem sést í baksýn. Frá vinstri: Stefán Sveinsson, Baldur Eðvarðsson, Gunnar Ásgeirsson, óþekktur, Jóhann Ásgeirsson, Hjalti Kristjánsson, óþekktur, Rafn Ingi Rafnsson?, óþekktur, Viggó Magnússon, Þorsteinn Jónsson, Óli Hjörvar Kristmundsson, Hólmgeir Kristmundsson (nær), Ægir Jónsson (fjær), Jón Arnarson, Jóhanna Gunnlaugsdóttir, Eiríkur Lýðsson, Hólmfríður Oddsdóttir, Svava Sigurðardóttir, Elín Rafnsdóttir, Hallgrímur Oddsson? og óþekktur.
Héraðsskjalasafn A-Hún 38
Húsið næst okkur á myndinni var hús verslunarstjóra verslunarinnar sem sést örlítið fjær eins og tvö sambyggð hús. Á sínum tíma voru tvær verslanir á núverandi Skagaströnd. Var önnur á Hólanesi en hin, sú sem er á myndinni, var á Skagaströnd. Svæðinu var sem sagt skipt í Hólanes og Skagaströnd, sem var svæðið kringum Einbúann. Húsið lengst til hægri á myndinni er óþekkt en ef þú veist hvað það hét vinsamlega sendu okkur þá athugasemd.
Árni Geir Ingvarsson - safn 720
Gróðursetning í hlíðum Spákonufells fyrir ofan skíðaskálann, sem er húsið með brúna þakinu á myndinni. Húsið lengst til hægri er gamli lyftuskúrinn en hann stendur einn eftir af því sem tengdist skíðalyftunni en hún lá frá skúrnum og langt upp í hlíð fjallsins. Í dag (2016) hafa plönturnar sem verið er að gróðursetja á myndinni náð góðri fótfestu og vaxa nú ár frá ári. Ekki er vitað hvenær myndin var tekin en líklega hefur það verið kringum 2010.
Héraðsskjalasafn A-Hún 354
Ms Stellgeth T-88-1 var norskt selveiðiskip sem sótti til veiða norður í íshaf. Í áhöfn þessa skips var m.a. Jóhann D. Baldvinsson (d.9.4.1990) frá Skagaströnd og er myndin frá honum komin. Myndin var tekin 1929 eftir að Sellgeth hafði brotnað í ísnum og sokkið. Áhöfnin komst út á ísinn og var seinna bjargað þaðan því fleiri selveiðiskip voru á svæðinu. Jóhann, eða Jói norski eins og hann var gjarnan kallaður, fór sextán slíkar selveiðiferðir norður í ísinn með norðmönnum á fyrri hluta tuttugustu aldar.
Héraðsskjalasafn A-Hún 120
Veturinn 1918 var einn hinn kaldasti sem kom á síðustu öld. Hafís þakti Húnaflóa þannig að ekki var hægt að sækja sér björg úr sjónum. Fólk frá Skagaströnd gat gengið á ísnum a.m.k. inn að Laxá í Refasveit án þess að óttast mikið að detta í vök á milli jaka. Í þessu ástandi var það því mikið fagnaðarefni þegar uppgötvaðist að fimm háhyrningar voru fastir í vök fram af Ytri-Ey. Þeir voru fastir þar því þeir gátu hvergi annarsstaðar komið upp til að anda. Hvalirnir voru allir drepnir í vökinni og dregnir upp á ísinn þar sem gert var að þeim og fólk gerði sér mat úr þeim. Fólk kom víða að framan úr sveitum til að fá kjötbita og fleira sem hægt var að nýta úr hvölunum. Beinunum og öðru sem ekki var notað var síðan velt ofan í vökina aftur. Nokkru síðar uppgötvuðust tveir hnúfubakar í annarri vök dálítið bnorðar. Þeir voru einnig drepnir og fólk gerði sér mat úr þeim. Á þessari einstöku mynd er fjöldi manns að vinna við að drepa og gera að öðrum hnúfubaknum úr vökinni. Ein regla var sett á Skagaströnd fyrir þá sem gengu inn að vökinni en hún var sú að menn máttu ekki vera einir á ferð því þrátt fyrir allt gat alltaf komið fyrir að menn færu niður úr ísnum. Það var einmitt það sem kom fyrir mann sem var samferða þeim Steingrími Jónssyni frá Höfðakoti og Ernst Berndsen frá Karlsskála. Nafn mannsins er ekki þekkt en hann datt sem sagt í sjóinn gegnum hema yfir smá vök þegar þeir þremenningarnir voru komnir u.þ.b. hálfa leið frá Skagaströnd inn að Eyjarey. Ernst og Steingrímur drógu manninn upp og fylgdu honum til baka. Stóð það á endum að hann komst heim því þá voru fötin hans orðin svo stokkfreðin að hann var hættur að geta hreyft sig. Þegar heim kom voru fötin dregin af manninum og hann háttaður í rúmið og heitt vatn í flöskum sett undir sængina hjá honum. Ekki varð manninum meint af slysinu og var kominn á hvalskurðinn daginn eftir (skráð eftir munnlegri frásögn Steingíms Jónssonar). Myndin tók Evald Hemmert.
Árni Geir Ingvarsson - safn 701
Loftmynd af Skagaströnd. Ekki er vitað hvenær hún var tekin en það hefur verið fyrir 1997 því íþróttahúsið hefur enn ekki verið byggt. Á myndinni má sjá að enn standa olíu- og lýsistankarnir á og við Höfðann og ekki er búið að rífa þrærnar við verksmiðjuna.Tankarnir og þrærnar eru nú horfnar fyiri nokkru.
Páll J. Pálsson safn 20
Bræðurnir Baldvin Hjaltason til vinstri og Magnús Hjaltason (d. 16.6.2014) frá Skeggjastöðum á leið að smala heimahagana haustið 1959. Myndin var tekin á hlaðinu á gamla bænum á Bakka.
Héraðsskjalasafn A-Hún 105
Bærinn Hólmi stóð við Fossá í Skagahreppi (nú Skagabyggð). Hólmi er nú kominn í eyði fyrir mörgum árum og húsin rústir einar. Fjallið í baksýn er Fjallsöxlin sem er nyrsta fjallið af Skagastrandarfjöllunum. Myndina tók Björn Bergmann (d.30.5.1985) en ekki er vitað hvenær hún var tekin.
Árni Geir Ingvarsson - safn 743
Það verður að teljast óvenjulegt, a.m.k. í seinni tíð, að það þurfi að smala kindum á höfninni. Þessar kindur voru þó að villast þar og fóru m.a. fram á Útgarð til að skoða sig um. Kindunum var smalað í aðhaldið sem sést á myndinni þar sem Rúnar Jóhannsson er að athuga markið á þeim svo hægt sé að finna eiganda kindanna. Sjá einnig mynd nr 10073.
Árni Geir Ingvarsson - safn 711
Þetta unga fólk vann að stígagerð á Höfðanum. Fólkið var á vegum Landsvirkjunar sem styrkti verkefnið með því að senda ungt fólk úr vinnuskóla sínum í verkið. Ungmennin dreifðu viðarkurli á stíginn þar sem þess var þörf. Ekki er vitað hvenær myndin var tekin en stúlkan í appelsínugula samfestingnum er Helga Dögg Jónsdóttir. Drengurinn á myndinni er óþekktur.
Héraðsskjalasafn A-Hún 103
Króksbjarg.
Jón Jónsson 383
Vetur á Skagaströnd geta verið mjög snjóþungir. Með það í huga að öll él birtir upp um síðir er alltaf tekið til eftir illviðriskafla og byrjað að moka göturnar til að gera þær bílfærar. Hér er búið að stinga í gegnum skaflana fyrir Víkina en eins og sjá má er þeir sumsstaðar tvær mannhæðir á þykkt.
Héraðsskjalasafn A-Hún 191
Gömul mynd af Skagaströnd líklega tekin kringum 1950.
Héraðsskjalasafn A-Hún 353
Ms Stellgeth T-88-1 var norskt selveiðiskip sem sótti til veiða norður í íshaf. Í áhöfn þessa skips var Jóhann D. Baldvinsson (d.9.4.1990) frá Skagaströnd og er myndin frá honum komin. Myndin var tekin 1929 og eins og sjá má er Sellgeth inni í miðri ísbreiðunni í leit að selum. Jóhann, eða Jói norski eins og hann var gjarnan kallaður, fór sextán selveiðiferðir norður í ísinn með norðmönnum á fyrri hluta tuttugustu aldar.
Árni Geir Ingvarsson - safn 703
Eftir að olíutankarnir á Höfðanum voru rifnir var svæðið undir þeim lagað til og fært til betri vegar. Á myndinni eru þrír ungir menn úr vinnuskólanum að slétta svæðið þar sem þrír Olís-tankar stóðu. Svæðið var síðan þökulagt og gert aðlaðandi til útivistar. Ungu mennirnir eru frá vinstri: Guðlaugur Ómar Guðmundsson, Viktor Örn Valdimarsson og Torfi Friðrik Magnason.
Ólafur Bernódusson673
5. júlí 2008 var farin Þórdísarganga á Spákonfellsborg á vegum Spákonuhofsins á Skagaströnd. leiðsögumaður var Ólafur Bernódusson en milli 60 og 70 manns kom með í gönguna í blíðu veðri.<br>Á myndinni er hópurinn nýlagður af stað og labbar í fallegum brekkum í Hólkotsdal.
Hallgrímur Kristmundsson safn022
Óþekktur línu bátur í höfn á Skagaströnd. Innbærinn á Skagaströnd í bakgrunninum.Myndin hefur sennilega verið tekin einhverntíma upp úr 1940.
Ólafur Bernódusson641
17. júní 2008 var formlega opnuð merkt gönguleið um Spákonufellshöfða. Á þessari mynd eru nokkrir krakkar við hringsjána á Höfðanum að finna svör við spurningum í ratleik, sem haldinn var í sambandi við opnunina. krakkarnir eru, frá vinstri: Sigurbjörg Birta Berndsen, Ívan Árni Róbertsson, Róbert Björn Ingvarsson, Guðrún Anna Halldórsdóttir fjær og Sigurlaug Máney Hafliðadóttir.
Ólafur Bernódusson635
17. júní 2008 var formlega opnuð merkt gönguleið um Spákonufellshöfða. Á þessari mynd er fólk að hlusta á tölu Magnúsar B. Jónssonar sveitarstjóra í skjóli fyrir kaldri norð-austan gjólunni sem var þennan dag. Frá vinstri: Steindór R. Haraldsson, Guðrún Pálsdóttir, Guðrún Guðbjörnsdóttir og Signý Richter.
Árni Geir Ingvarsson - safn 722
Gróðursetning í hlíðum Spákonufells fyrir ofan skíðaskálann.Í dag (2016) hafa plönturnar sem verið er að gróðursetja á myndinni náð góðri fótfestu og vaxa nú ár frá ári. Ekki er vitað hvenær myndin var tekin en líklega hefur það verið kringum 2010. Stúlkan á myndinni er Amy Ósk Ómarsdóttir.
Ólafur Bernódusson652
Bogabraut 19 jólaskreytt í kvöldhúminu 15.desember 2006.
Héraðsskjalasafn A-Hún 102
Á myndinni má sjá sérkennileg jarðlög í Krósbjargi og gatklett sem skagar fram úr bjarginu. Kletturinn er stutt norðan við Fossinn sem fellur fram af bjarginu sunnan við Stapann, sem er lítil eyja rétt framan við bjargið. Myndin tók Björn Bergmann (d.30.5.1985).
Héraðsskjalasafn A-Hún 100
Kú á beit í Kálfshamarsvík. Fjær sjást bæirnir Saurar og Ós.
Héraðsskjalasafn A-Hún 104
Myndin var tekin norður eftir Króksbjargi. Fremst er Fossárfoss sem er einn af fáum fossum á Íslandi sem fellur beint í hafið. Lengra frá er Gatklettur og enn lengra frá er Stapinn sem er litla eyjan á myndinni.
María Magnúsdóttir - safn 066
Aftan á þessari mynd stendur: "Hellir neðan við Syðri-Hóli". Fólkið á myndinni er óþekkt en a.m.k. konurnar eru prúðbúnar með hatta. Ef þú veist eitthvað um þessa mynd vinsamlega sendu okkur þá athugasemd.
Jón Jónsson 382
Vetur á Skagaströnd geta verið mjög snjóþungir. Með það í huga að öll él birtir upp um síðir er alltaf tekið til eftir illviðriskafla og byrjað að moka göturnar til að gera þær bílfærar. Hér hafa verið kallaðar til jarðýta og grafa til að vinna á snjónum fyrir Víkina svo fólk komist um með góðu móti.
Héraðsskjalasafn A-Hún 34
Fjöldi síldarskipa í höfninni á Skagaströnd einhverntíma kringum 1936. Ekki er ólíklegt að einhver þessara skipa hafi verið frá Færeyjum því Færeyingar voru duglegir að stunda veiðar á Íslandsmiðum á þessum tíma.
Héraðsskjalasafn A-Hún 75
Þessi mynd af Skagaströnd hefur verið tekin af Höfðanum sennilega 1948. Skúffugarðurinn er í smíðum og "Dokkin", sem var leiksvæði krakka í útbænum, er vestan við Hafnarhúsið. Hún var seinn fyllt upp með sanddælingu úr höfninni. Á myndinni má sjá mörg hús sem nú eru horfin.
María Magnúsdóttir - safn 012
Rækjan eða stóri kampalampi hefur oft verið kölluð rauða gullið vegna tekna sem veiðar hennar og vinnsla hafa gefið þjóðfélaginu. Á Skagaströnd var rekin Rækjuvinnsla í fremstu röð í áratugi sem veitti fjölda manns atvinnu og þar með góðar tekjur. Eftir að veiðar drógust mjög saman við Ísland var vinnslunni hætt og starfsfólkinu sagt upp.
María Magnúsdóttir - safn 163
Aftan á myndinni stendur, ritað með blýanti: "Magnús Guðmundsson 9 ára 15 október 1943 Til Ragnheiðar Björnsdóttir".
Jón Jónsson 399
Ekki er vitað hvenær þessi mynd var tekin en hún sýnir hve snjóþyngsl geta verið mikil á Skagaströnd. Húsið, sem er á kafi í snjó á myndinni, er Hólabraut 17.
Héraðsskjalasafn A-Hún 56
Vitinn í Kálfshamarsvík. Á myndinni stendur að hann sé 16 metra hár en í raun er hann 16,3 metrar. Vitann teiknaði Guðjón Samúelsson sem var húsameistari ríkisins 1920 - 1950. Vitinn var byggður 1940 en ekki tekinn í notkun fyrr en 1942 því ekki tókst að afla ljóstækja í hann fyrr. Gasljós var í vitanum til 1973 en þá var hann rafvæddur. (heimild: http://www.sjominjar.is/vitar/kalfshamarsviti/)
Héraðsskjalasafn A-Hún 58
Fossárfoss er einn af fáum fossum á Íslandi sem falla beint í sjó. Eyjan á myndinni er kölluð Bjargastapi en sumir segja að nafnið eigi við um allt svæðið sem sést á myndinni næst okkur. Fossinn, sem fellur fram af Króksbjargi, er falin gersemi því hann sést ekki af þjóðveginum og þess vegna aka ókunnugir fram hjá þessum fallega stað óséðum.
Héraðsskjalasafn A-Hún 29
Þessi gamla mynd sýnir "Litlu bryggjuna" sem lengi var aðal bryggja smærri báta á Skagaströnd. Bryggjan hallaði fram, eins og sjá má, sem auðveldaði löndun og aðra vinnu við litla báta. Húsið til vinstri á myndinni er Hafnarhúsið sem byggt var á þessum stað 1935 en síðan flutt á núverandi stað þegar það þurfti að víkja fyrir verksmiðjubyggingunni einhverntíma á árunum 1943- 1946. Síldarsöltunarbásarnir sjást svo líka til vinstri og í baksýn sjást m.a. gömlu verslunarhúsin á Skagaströnd og yfir Einbúann sér í Kaupfélagshúsið sem byggt var 1929.
Árni Geir Ingvarsson - safn 706
Hér er verið að auka og bæta grjótvörnina fyrir Víkina. Ekki er vitað hvenær myndin var tekin.
Ólafur Bernódusson634
17. júní 2008 var formlega opnuð merkt gönguleið um Spákonufellshöfða. Á þessari mynd er Hjalti Reynisson fallbyssuskytta að gera sig kláran fyrir að skjóta úr fallbyssunni góðu sem hleypt var af í tilefni dagsins.
Héraðsskjalasafn A-Hún 32
Gömul mynd af Skagaströnd tekin af Höfðanum snemma á 20. öldinni. Ljósmyndarinn var Pétur Hannesson sem starfaði sem slíkur á Sauðárkróki 1913 - 1928. Fyrir þann tíma lærði og stafaði Pétur á Akureyri og í Reykjavík þannig að ekki er ljóst hvaða ár myndin var tekin. Fremst á myndinni eru verslunarhúsin á Skagaströnd. Til vinstri við þau er Sæmundsenbúð og lengra frá er Lækur (Efri-Lækur) og Jaðar. Nær sjónum eru svo Lækjarbakki, Karlsminni þar sem rekin var verslun um tíma og Viðvík sem var veitinga- og gistihús um árabil. Aðrar byggingar á myndinni eru óþekktar.
Árni Geir Ingvarsson - safn 728
Á myndinni eru krakkarnir í vinnuskólanum í þökulagningavinnu. Þökurnar voru skornar á túni utan við Sandlækinn og á myndinni eru þau að rífa upp þökur og hlaða á vagn sem flutti þær inn í bæ þar sem krakkarnir lögðu þær niður. Krakkarnir á myndinni eru frá vinstri: Tanja Rán Einarsdóttir, Ellen Lind Sigurjónsdóttir og Alma Eik Sævarsdóttir.
Héraðsskjalasafn A-Hún 136
Gömul mynd af Skrapatungu í Laxárdal í Vindhælishreppi (nú Skagabyggð).
Árni Geir Ingvarsson - safn 735
Á myndinni er verið að vinna við grjótvörn í víkinni frá Hólanesi inn að Hrafná. Sjórinn var farinn að éta úr landinu og veginum á bakkanum en með grjótvörninni tókst að stöðva ágang sjávar á svæðinu.
Árni Geir Ingvarsson - safn 723
Gróðursetning í hlíðum Spákonufells fyrir ofan skíðaskálann.Í dag (2016) hafa plönturnar sem verið er að gróðursetja á myndinni náð góðri fótfestu og vaxa nú ár frá ári. Ekki er vitað hvenær myndin var tekin en líklega hefur það verið kringum 2010. Á myndinni eru frá vinstri: Jóhann Örn Stefánsson, Torfi Friðrik Magnason, Amy Ósk Ómarsdóttir, Silfá Sjöfn Árnadóttir og tvö óþekkt.
Árni Geir Ingvarsson - safn 797
Þessi mynd var tekin á fyrstu Kántrýhátíðinni árið 1984. Hún fór að mestu fram á tjaldsvæðinu og meðal skemmtiatriða voru ýmis konar hestasýningar. Þar á meðal átti að snara kálf af hestbaki.Kálfurinn var reyndar ekkert hrifinn af uppátækinu og stauk úr gerðinu þannig að sýningaratriðið var í hættu um tíma. Allt fór þó vel og kálfurinn var snaraður eins og vera bar. Myndin sýnir nokkra hestamenn sem eru að ráða ráðum sínum og fólkið bíður eftir framkvæmdinni.
Árni Geir Ingvarsson - safn 705
Eftir að olíutankarnir á Höfðanum voru rifnir var svæðið undir þeim lagað til og fært til betri vegar. Á myndinni eru þrír ungir drengir á vegum vinnuskólans að búa til lítið steinalagt torg þar sem Shell tankurinn stóð við enda vegslóðans upp á Höfðann. Drengirnir eru frá vinstri: Indriði Björnsson, Almar Fannarsson og Jóhann Stefánsson.
Gunnhildur Þórmundsdóttir safn009
Fánahylling á skátamóti að Hólum í Hjaltadal. Dagur frá 4. september 1963 segir frá þessu skátamóti á eftirfarandi hátt undir fyrirsögninni: "SKÁTAMÓT AÐ HÓLUM Í HJALTADAL". <br>"Um s.l. helgi gengust St.Georgs-skátar á Akureyri fyrir útilegu að Hólum í Hjaltadal. Þar voru samankomnir skátar frá Höfðakaupstað, Blönduósi, Sauðárkróki, Siglufirði, Dalvík og Akureyri, um 70 manns. <br>Laugardagskvöldið leið við leiki og varðeld, en á sunnudagsmorgun kl. 10 f.h., að afloknum föstum dagskrárliðum, svo sem morgunþvotti, tjaldskoðun og fánahyllingu, var gengið til kirkju þar sem sr. Björn Björnsson sagði sögu kirkjunnar og kirkjugripa, að aflokinni bænagjörð.<br>Eftir hádegi lögðu 29 skátar frá Akureyri og Dalvík af stað á heyvagni dregnum af dráttarvél, og var ekið að Skriðulandi í Kolbeinsdal og þaðan síðan gengið sem leið liggur, fram Kolbeinsdal og yfir Heljardalsheiði og var komið niður að Atlastöðum í Svarfaðardal eftir 7 klst. rólega göngu. <br>Þeir, sem eftir urðu á Hólum, gengu upp í Gvendarskál og yfirgáfu síðan staðinn um kl.5."
Héraðsskjalasafn A-Hún 189
Hafsteinn J. Jónasson (d. 11.6.1975) frá Njálsstöðum í Vindhælishreppi (nú Skagabyggð) með tvo til reiðar.
Árni Geir Ingvarsson - safn 942
Benedikt Benjamínsson kallaður Strandapóstur. Var póstur norður um Strandir í 25 ár þar af tvö ár alla leið frá Stað í Hrútafirði og norður í Árnes, og um tíma alla leið í Ófeigsfjörð. Gerðist símstöðvarstjóri í Djúpuvík, og síðar útibústjóri fyrir kaupfélag. Þarna er hann á hesti sínum Fálka fyrir ofan símstöðvarhúsið á Djúpuvík. Myndina tók Herbert Ólafsson (d.25.4.2007) líklega einhverntíma kringum 1940. (Heimild: Benedikt Strandapóstur ævisaga)
Ólafur Bernódusson633
17. júní 2008 var formlega opnuð merkt gönguleið um Spákonufellshöfða. Á þessari mynd er Magnús B. Jónsson sveitarstjóri að lýsa leiðinni og rekja aðdragnda að gerð hennar. Friðmar Eiríksson situr og hlustar meðn tveir óþekktir strákar skoða kort af leiðinni.
Páll J. Pálsson safn 10
Myndin var tekin 1946 af Páli Tómasyni (d.3.6.1963) bónda á Bakka í Skaghreppi þar sem hann situr á hestasláttuvél og slær. Til hægri á myndinni eru þrjú börn hans og eiginkona, talið frá vinstri: Björg Þóra Pálsdóttir, Þorgrímur Pálsson (d. 7.9.2013), Lilja Guðrún Pálsdóttir og eiginkonan María Ólafsdóttir (d. 4.7.1975).
Árni Geir Ingvarsson - safn 867
Eftir lagfæringar var Borgarvirki vígt 23. júní 1950 með mikilli hátíð. Þar var staddur Herbert Ólafsson (d. 25.4.2007) og hann tók þessa mynd yfir hátíðasvæðið og bílastæðið. Pallurinn á myndinni til hægri var danspallur sem reistur var í tilefni hátíðarinnar.
Árni Geir Ingvarsson - safn 927
Strandferðaskipið ms Skjaldbreið kemur til hafnar á Djúpavík. Myndina tók Herbert Ólafsson (d.25.4.2007). <br>Ms Skjaldbreið var lengi í strandsiglingum á Íslandi en 16. janúar 1962 strandaði skipið á skeri nálægt Bjarnarey á Breiðafirði í vonsku veðri. 18 manns voru um borð og komust níu þeirra við illan leik í gúmmíbát sem þá slitnaði frá skipinu og rak burt. Því fólki var bjargað eftir fjóra og hálfan tíma um borð í vélbátinn Sigurfara. Skjaldbreiðin rann fljótlega af skerinu með lestarnar fullar af sjó en skilrúm héldu þannig að hægt var að dæla sjó úr vélarrúm með eigin dælum skipsins. Því var lagt við ankeri á staðnum því ekki þótti óhætt að hreyfa það í svo vondu veðri. 18. janúar fór skipið svo fyrir eigin vélarafli til Stykkishólms í fylgd með varðskipinu Þór. Þar voru lestarnar þéttar til bráðabirgða en síðan fór það til Reykjavíkur í fylgd vaðskipsins. (Heimild: Morgunblaðið 13. og 14. tölublað 17.og 18.janúar 1962)
Ólafur Bernódusson650
Helga Ólína Aradóttir þroskaþjálfi og sérkennari böðuð í vetrarsól.
Árni Geir Ingvarsson - safn 890
Myndin var líklega tekin á árunum 1950 - 1955 á veginum austanvert í Vatnsdal. Vatnið sem er til vinstri er þá Hnausatjörnin og brúin sem sést í hægra megin brúin yfir Árfarið svonefnda. Myndina tók Herbert Ólafsson (d.25.4.2007).
1
…
13
14
15
…
25
Leita í myndasafninu
Leita