Beint í efni
Skagaströnd.is
↗
Allar myndir
Náttúra
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Samgöngur
Miðflokkur
Dýr
Landslag
Snjór
1.480 myndir
Flæði
Reitir
Guðmundur Guðnason171
Réttastörf í Spákonufellsrétt 1969. Gylfi Jóhannsson Læjarbakka er lengst til vinstri, Ásgeir Axelsson (d.8.6.11) Litla-Felli er með uppbrettar ermar og Anna Bára Sigurjónsdóttir úr Sunnuhlíð er með skuplu á höfðinu.
Guðmundur Guðnason175
Réttastörf í Spákonufellsrétt 1969. Frá vinstri eru: Elsa Lára Blöndal, Líney Jósefsdóttir í Reykholti og Kári Kristjánsson (d.11.12.1990) frá Kárastöðum.
Guðmundur Guðnason314
Réttað í Hofsrétt á Skaga. Maðurinn í köflóttu skyrtunni með ljósa húfu er Sigmar Hróbjartsson (d.5.11.2014) á Skagaströnd en sá í bláu peysunni með ljósa húfu og með hendur fyrir aftan bak er Ólafur Guðlaugsson (d. 17.5.1996) frá Sævarlandi. Lengst til hægri, í ljósum buxum, er Jón Hinrik Árnason (d.11.4.1986) í Náttbrún. Næst lengst til hægri sér á bakið á Ingimar Sigvaldasyni (d.4.5.1991) frá Króki. Maðurinn með ljósu húfuna svolítið til vinstri á myndinni er Kristján Kristjánsson (d.10.10.2007) frá Steinnýjarstöðum. Stúlkan í köflóttu skyrtunni fremst á myndinni til hægri er Áslaug Hrólfsdóttir frá Bjarmalandi. Aðrir eru óþekktir.
Guðmundur Guðnason194
Kristín Sigurðardóttir frá Kárastöðum á hestbaki í réttunum 1962.
Guðmundur Guðnason159
Þrjú börn á réttarvegg í Stafnsrétt 1963. Frá hægri: systkinin Stefán Guðmundsson og Guðrún Guðmundsdóttir frá Fossum. Barnið í köflóttu úlpunni lengst til vinstri er óþekkt.
Árni Geir Ingvarsson -safn 2 586
Skógræktarfólk á Skagaströnd að planta nokkrum öspum sunnan við Spákonuhofið 18. október 2014. Fólkið á myndinni er, frá vinstri: Ólafur Bernódusson, Ari Þórsson, Jóhanna Sigurjónsdóttir, óþekktur, Guðrún Pálsdóttir og Kristín Björnsdóttir.
Guðmundur Guðnason146
Í Hofsrétt sumarið 1965. Frá vinstri á myndinni eru: Óþekktur maður, Jón Árnason Náttbrún (d.11.4.1986) (Ólafsvöllum), óþekkt, Guðbergur Stefánsson (d.15.9.1991) Rjúpnafelli (áður Kambakoti), Árný Magnúsdóttir (d.12.5.1996) Sunnuhlíð, óþekktur drengur og Haraldur Árnason frá Litla Bergi.
Guðmundur Guðnason860
Frá hrútasýningu á Skagaströnd. Maðurinn næst okkur á myndinni er Sigurbjörn Kristjánsson (d.10.989) frá Kárastöðum.
Guðmundur Guðnason177
Réttastörf í Spákonufellsrétt 1969. Frá vinstri á myndinni: Rúnar Jósefsson Reykholti, Elsa Lára Blöndal, Líney Jósefsdóttir Reykholti, Kári Kristjánsson (d.11.12.1990) Kárastöðum, Eggert Skarphéðinsson (d.2.6.1987) Sólheimum, Hrönn Árnadóttir og Jósef Stefánsson (d.9.12.2001) Reykholti.
Ólafur Bernódusson 770
Sigurbjörn Berg Sigurðsson skipstjóri heldur á sjaldséðum fiski sem hann fékk á línuna 12. febrúar 2010. Ekki er vitað hvað fiskurinn heitir og enginn sem sáu fiskinn höfðu séð hann áður. Ef þú veist hvaða fiskur þetta er vinsamlega sendu okkur þá athugasemd.
Árni Geir Ingvarsson - safn 2 447
Bátur leggur að bryggju við Sægarð í norð austan roki. Ekki er vitað hvenær myndin var tekin en það var einhverntíma á árinu 2014:
Árni Geir Ingvarsson - safn
Þessi mynd er tekin af Hólaberginu nálægt því sem var bæjarhlað Höfðahóla. Myndin var tekin einhverntíma á tíunda áratugnum niður Ránarbrautina.
Árni Geir Ingvarsson - safn
Á þessari mynd eru menn að reyna jeppana sína í ófærð. Maðurinn á snjósleðanum er Sævar Rafn Hallgrímsson en aðrir eru óþekktir.
Guðmundur Guðnason915
Óþekktu barn með kött. Ef þú þekkir barnið vinsamlegast sendu okkur þá athugasemd.
Guðmundur Guðnason141
Hestamannamót í Húnaveri sennilega á sjöunda áratugnum
Arnar HU 1 - safn 116
Síðutogarinn Arnar HU 1 var fyrsta skipið sem Skagstrendingur hf eignaðist en það var 1968. Á myndinni, sem ekki er vitað hvenær var tekin, er skipið að þræða sig gegnum hafíshrafl. Arnar reyndist mikið happaskip og lagði grunninn að velgengni Skagstrendings hf.
Árni Geir Ingvarsson - safn
Á Kántrýhátíð 2001 var starfrækt hestaleiga. Á myndinni má sjá biðröð við hestaleiguna.
Guðmundur Guðnason181
Réttastörf í Spákonufellsrétt 1969. Kári Kristjánsson (d.11.12.1990) frá Kárastöðum á spjalli. Til hægri sér í Jósef Stefánsson (d.9.12.2001) í Reyholti.
Guðmundur Guðnason292
Ekki er vitað hvaða hrossarétt er um að ræða á þessari mynd. Maðurinn á miðri myndinni, sem er að benda, er Magnús Blöndal (d. 7.9.2001), hægra megin við hann er Ásgeir Axelsson (d. 8.6.2011) í blárri úlpu. Skeggjaði maðurinn með gleraugun og húfuna er Gunnlaugur Sigmarsson. Aðrir á myndinni eru óþekktir en ef þú þekkir einhvern af þeim, vinsamlega sendu okkur þá athugasemd.
Guðmundur Guðnason135
Guðbergur Stefánsson (d.15.9.1991) frá Kambakoti, seinna í Rjúpnafelli á Skagaströnd, skoðar eyrnamark á lambi í Hofsrétt 1965. Hinn maðurinn á myndinni er Jón Vilhjálmsson (d.31.8.2011) frá Brandaskarði. Stúlkan er óþekkt.
Árni Geir Ingvarsson - safn
Sunnan rok á Skagaströnd. Bak við fánastöngina sést húsið Ásbyrgi/Ásberg sem nú er löngu horfið.
Guðmundur Guðnason206
<P>Hér er Kristín Sigurðardóttir á Kárastöðum á bakinu á Blesa frá Kárastöðum. Blesi varð mjög gamall og var alla tíð ákaflega barnvænn hestur. Myndin var tekin við Spákonufellsrétt eftir göngur, sennilega árið 1964.</P>
Árni Geir Ingvarsson - safn
Þessi mynd var sennilega tekin snemma á áttunda áratugnum. Á henni má sjá nokkur hús sem er horfin í dag, víkina, sem nú er búið að fylla upp í, neðan við sundlaugina og fleira frá gömlum tíma.
Guðmundur Guðnason173
Réttastörf í Spákonufellsrétt 1969. Frá vinstri: Steingrímur Jónsson (d.15.1.1992) Höfðakoti, Eggert Skarphéðinsson (d.2.6.1987) Sólheimum og Stefán Jósefsson Reykholti.
Ólafur Bernódusson 787
Gönguhópur frá Skagaströnd á leið af Hornbjargi niður í tjaldbúðirnar í Hornvík 21. júlí 2010. Jörundur gnæfir yfir til hægri . Á myndinni eru frá vinstri: Guðbjörg Gylfadóttir, Haraldur Árnason, Ólafur Bernódusson, Amy Ósk Ómarsdóttir, Lárus Ægir Guðmundsson, Gunnar Svanlaugsson og Lára Guðmundsdóttir.
Árni Geir Ingvarsson - safn
Þórunn Samsonardóttir (d. 11.10.1986) (Tóta á Akri) með klárinn sinn. Myndin var sennilega tekin vestur í Kúvíkum þar sem Þórunn bjó áður en hún fluttir til Skagastrandar.
Árni Geir Ingvarsson -safn 2 1259
Þröstur Líndal Gylfason, bóndi á Kjalarlandi, að draga kindurnar sínar í dilk í Kjalarlandsrétt 8. september 2012. Aðrir á myndinni eru óþekktir.
Ólafur Bernódusson 794
Gylfi Sigurðsson með dætrum sínum á Geirólfsnúpi. Guðbjörg Hanna Gylfadóttir er vinstra megin og Jóney Hrönn Gylfadóttir til hægri. Þau voru þarna með hópi Skagastrendinga sem gekk um Hornstrandir nokkra daga í júli 2010. Út við sjóndeildarhring til vinstri rís Kálfatindur á Hornbjargi þverhníptur úr sæ.
Árni Geir Ingvarsson -safn 2 1222
Myndin var tekin 4. júlí 2011 af þeim Guðrúnu Soffíu Pétursdóttur vinstra megin og Guðrúnu Pálsdóttur hægra megin báðar í Skógræktarfélagi Skagastrandar þegar þær voru að gróðusetja birki og aspir á skólalóðinni norðan við íþróttahúsið og við vesturhorn þess.
Guðmundur Guðnason167
Dregið í dilka í Stafnsrétt 1963. Til vinstri á myndinni er Grétar Símonarson bóndi í Goðdölum einnig má á myndinni þekkja Steingrím Bergmann Magnússon bónda á Eyvindarstöðum.
Árni Geir Ingvarsson - safn
Þessi mynd er frá Kúvíkum í Reykjarfirði á Ströndum. Þarna var athafnasvæði Carls Jensen kaupmanns. Í Kúvíkum bjó líka Thorarensenfólk m.a. Jakob Thorarensen skáld. Kúvíkur eru nú löngu komnar í eyði og allar byggingar horfnar. Í Kúvíkum var lítið kot sem hét Kúvíkur. Þar fæddust og ólust upp að hluta systkinin: Bernódus, Herbert, Björg og Karitas Laufey Ólafsbörn sem öll bjuggu síðar á Skagaströnd.
Guðmundur Guðnason192
Réttað í Spákonufellsrétt haustið 1962. Þá var algengt að fólk á Skagaströnd ætti nokkrar kindur og fjársafnið var töluvert stórt þegar allt var talið saman. Í dag (2018) eru sárafáar kindur í staðnum en svæðið sem Sveitarfélagið Skagaströnd þarf að smala er þó jafn stórt og áður. Áður var oft gaman í Spákonufellsrétt þar sem kvenfélagið seldi réttarkaffi í réttarskúrnum og menn staupuðu sig og voru léttir í lund. Á þessari mynd er Jón Pálsson skólastjóri til hægri. Drengurinn í úlpunni er Jóhannes Pálsson (f. 1951 - d. 23.11.1986) og Ragnheiður Sigurjónsdóttir úr Sunnuhlíð aftan við hann. Aðrir eru óþekktir.
Guðmundur Guðnason017
Þessi mynd er af réttarstörfum í Mjóadalsrétt sem stóð sunnan við túnið í Gautsdal. Laxárdalsfjöll í baksýn Syðra- Horn til hægri Ytra- Horn og Illvirðishnjúkur til vinstri. Fólkið á myndinni er óþekkt. Ef þú þekkir einhvern á myndinni vinsamlega sendu okkur þá athugasemd.
Guðmundur Guðnason200
Tekist á við hross í stóðréttum í Spákonufellsrétt. Maðurinn í köflóttu skyrtunni er Jón Jónsson frá Asparlundi (d. 9.7.1991). Maðurinn til hægri við hann er Sigmar Jóhannesson ( d. 20.4.2000) og Lárus Árnason í Ási (d.21.5.2011) er lengst til hægri. Jónas Skaftason (d.17.11.2017) er lengst til vinstri. Aðrir eru óþekktir.
Arnar HU 1 - safn 13
Tryggvi Hlynsson með kunnuglegan bakgrunn við brottför Arnars HU 1 frá Skagaströnd 3. júní 2013.
Ólafur Bernódusson 758
Þessi smáhvalur - hnýðingur - kom í veiðarfæri Önguls ÍS 115 11. apríl 2007. Á myndinni er verið að landa hvalnum í höfninni á Skagaströnd en maðurinn á myndinni er óþekktur.
Guðmundur Guðnason186
Réttastörfum í Spákonufellsrétt 1969 að ljúka. Ágúst Jakobsson (Gústi púff) (d.1.6.1989) frá Blálandi fylgist með drætti á síðustu kindunum
IMG_5214
Begga GK 717 strandaði í Vækilvík á Spákonufellshöfða í blíðu veðri 23. júlí 2007. Skipstjórinn og eigandinn var einn um borð og keyrði bátinn á fullri ferð upp í grýtta fjöruna í víkinni. Á myndinni eru menn úr björgunarsveitinni Strönd að létta bátinn með því að færa aflann og annað lauslegt yfir í björgunarbátinn Þórdísi. Begga var síðan dregin á flot af Húnabjörginni á næsta flóði og reyndist minna skemmd en menn óttuðust.
Guðmundur Guðnason693
Réttað í Spákonufellsrétt. Lengst til vinstri er óþekktur maður, síðan koma bræður frá Vindhæli, Guðmundur Magnússon (d. 3.1. 2010) og Páll Magnússon (d. 12.3. 2011). Ólafur Guðmundsson (d. 6.10.1985) frá Brautarholti er maðurinn með skíðagleraugun fremst á myndinni. Til hægri við Ólaf er Baldvin Jóhannsson(d. 1.1.1981) frá Ásholti. Aðrir eru óþekktir.
Árni Geir Ingvarsson -safn 2 716
Myndin var tekin 26. febrúar 2015 af manni að leika sér á brimbretti á brimöldunum fyrir neðan rækjuvinnsluna. Hann lætur kuldan ekki á sig fá enda klæddur í þurrbúning.
Árni Geir Ingvarsson - safn
<p>Þessi mynd af Skagaströnd var tekin einhverntíma á árunum 1992 - 1996. </p>
Árni Geir Ingvarsson - safn
Þessi mynd var tekin einhverntíma á þriðja áratug 20. aldar. Á henni má sjá Einbúann og víkina vestan við hann. Víkin var í daglegu tali kölluð Vörin því þar lentu bátarnir gjarnan og aflanum var skipt milli manna í fjörunni. Þegar þessi mynd var tekin var búið að byggja bryggju nær Hólsnefinu og sést í efsta hluta hennar neðst á myndinni. Húsin lengst til vinstri eru fiskverkunarhús en íbúðarhúsið er verslunarstjórahúsið (seinna kallað Kaupfélagshúsið). Húsin lengst til hægri voru gömul verslunarhús og pakkhús.
Guðmundur Guðnason185
Réttastörfum að ljúka í Spákonufellsrétt 1969. Björgvin Jónsson (d. 4.5.1992) í Höfðabrekku, uppi á réttarveggnum, talar við Steingrím Jónsson (d.15.1.1992) í Höfðakoti.
Guðmundur Guðnason283
Fjölmenn hópferð yfir Kjöl. Ekki er vitað hverjir hér eru á ferð.
Guðmundur Guðnason208
<P>Réttað í stóðrétt á Spákonufellsrétt 1964. Frá vinstri eru: Stefán Hólm (d.22.7.2018) frá Bakka, Georg Hjartarson (d.13.9.2001) frá Vík, Kári Kristjánsson (d.11.12.1990) frá Kárastöðum með svipu í hendi, Jón Jónsson (d.9.7.1991) í köflóttri skyrtu og Jónas Skaftason (d.17.11.2017). Maðurinn með hvítu húfuna fyrir aftan Jónas er Sigurbjörn Kristjánsson (d.10.9.1989) frá Kárastöðum og síðan Vilberg Jóhannesson (d.6.11.2002). Lengst til hægri, með dökkt hár, er Birgir Þórbjörnsson frá Flankastöðum en við hlið hans með kaskeiti á höfðinu er Sigurjón Jóhannsson (d.7.12.1973) frá Sunnuhlíð. Næst okkur til hægri, með köflótta húfu er Benjamín Sigurðsson (d.30.9.2004) úr Skálholti og bak við hann sér í Jónatan Jónsson (d.17.7.1971) sem bjó í fjárhúsum á túninu fyrir ofan Fellsborg í mörg ár en síðustu æviárin í skúr sem Höfðahreppur reisti honum suður í Mýri. </P><br><P> </P>
Ólafur Bernódusson 765
Halldór Gunnar Ólafsson skoðar GPS tækið sitt á toppnum á Geirólfsnúpi 24. júlí 2010. Lengst til hægri í baksýn rís Hornbjarg úr sæ.
Ólafur Bernódusson 857
Myndin var tekin af Geirólfsnúpi í norður sumarið 2010. Báturinn er að sigla á Reykjarfirði en bak við hann er Þaralátursnesið og bak við það er Þaralátursfjörður þá Furufjörður og Bolungarvík. Síðan koma Barðsvík, Smiðjuvík og Látravík. Yst og lengst til hægri rís Hornbjargið úr hafi.
Guðmundur Guðnason316
Réttað í ókunnri rétt (Hofsrétt?). Drengurinn í úlpunni fremst á myndinni til vinstri er Guðmundur Kristinsson (Lilli), maðurinn í fjólubláu peysunni til vinstri er Kristján Guðmundsson (d. 16.4.1979) frá Háagerði. Fremst á myndinni má sjá baksvipinn á Ólafi Guðlaugssyni (d. 17.5.1996) frá Sævarlandi í blárri peysu og Hrólfi Jónssyni (d. 1.8.1989) frá Bjarmalandi í ljósum jakka. Aðrir eru óþekktir.
Guðmundur Guðnason287
Ferðalangar úr mörgum rútum fá sér frískt loft við vinnubúðir á ókunnum stað.
Árni Geir Ingvarsson -safn 2 1049
Nokkur hópur fólks tók sig til og gekk á Spákonufellið á Jónsmessukvöldi 2009. Þar var hópurinn uppi á miðnætti og horfði þaðan á sólina snerta hafflötinn í norðri áður en hún tók að fikra sig aftur upp á himnafestinguna. Ólafur Benródusson hvílir sig á steini en Jón Ólafur Sigurjónsson nartar í harðfisk til hægri. Molduxinn gnæfir yfir í baksýn.
Guðmundur Guðnason148
Sumarréttir í Hofsrétt 1965. Á myndinni eru frá vinstri: Óþekktur, Haraldur Árnason, Jón Árnason (d.11.4.1986) Náttbrún (Ólafsvöllum), Árný Magnúsdóttir (d.12.5.1996) Sunnuhlíð, Guðmundur Pétursson (d.30.6.1987) Höfðakoti, Baldvin Jóhannesson (d.1.1.1981) Ásholti og óþekktur.
Árni Geir Ingvarsson - safn
Margt var um manninn á Kántrýhátíðinni um verslunarmannahelgina 2001 og margt í boði fyrir hátíðagesti. Meðal annars var hægt að leigja þennan glæsilega tveggja hestafla hestvagn til að koma sér á milli staða í góða veðrinu. Myndina tók Árni Geir Ingvarsson.
Ólafur Bernódusson 737
Kyrrlátt vetrarkvöld á Skagaströnd 18. febrúar 2011 með votti af norðurljósum yfir Katlafjallinu.
Guðmundur Guðnason198
Kindur voru eitt af uppáhalds myndefnum Guðmundar Guðnasonar, sem tók þessa mynd. Myndin var tekin af fé í dilk í Spákonufellsrétt 1962.
Guðmundur Guðnason196
<P>Árni Másson frá Réttarholti heldur í hestinn sinn við Spákonufellsrétt eftir göngurnar haustið 1962. Hesturinn var í eigu föður Árna, Más Hall Sveinssonar og hét hann Krummi. </P>
Árni Geir Ingvarsson -safn 2 734
Morguntungl í dagrenningu 3. febrúar 2015.
Arnar HU 1 - safn 71
Beinhákarl er ekki vinsæll meðafli á Arnari Hu 1. Erfitt er að ná þessari risaskepnu úr trollinu. Ráðið er að skera gat á belginn og hífa hann úr og í sjóinn aftur. Ekki vilja menn fá hann niður í móttöku enda er lifrin úr þessari friðsemdar skepna ekki nýtt lengur. Á myndinni er búið að ná hákarlinum úr trollinu ásamt nokkru af karfanum í trollinu og karlarnir eru að bisa við að koma honum í sjóinn.
Ólafur Bernódusson 825
Myndin var tekin á Höfðanum 18. maí 2008. Á henni eru nokkrir hrafnsungar í laupnum, en það er hreiður hrafnsins kallað. Krummi leggur mikla vinnu í að útbúa laupinn og skreytir hann gjarnan með litríku plastrusli, vírbútum og öðru sem hann finnur. Hrafnshjónin eru hvert öðru trygg og eru í hjúskap ævilangt. Hann verpir snemma þannig að þegar ungarnir koma úr eggjunum eru aðrir fuglar að byrja að verpa. Þetta kemur sér vel fyrir krumma því hann hikar ekki við að stela eggjum annarra fugla sér og ungum sínum til viðurværis. Annars er hann tækifærissinni í fæðuvali og étur flest sem að goggi kemur. Hrafninn er staðfugl og stærstur spörfugla á Íslandi.
Árni Geir Ingvarsson -safn 2 1255
Gangnamenn reka hluta af safninu eftir þjóðveginum til réttar í Kjalarlandsrétt 8. september 2012. Gangnamennirnir eru óþekktir.
Árni Geir Ingvarsson -safn 2 1201
Gylfi Sigurðsson á sínum daglega göngutúr á Þorláksmessu 2010.
1
…
20
21
22
…
25
Leita í myndasafninu
Leita