Beint í efni
Skagaströnd.is
↗
Allar myndir
Náttúra
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Samgöngur
Miðflokkur
Dýr
Landslag
Snjór
1.480 myndir
Flæði
Reitir
Guðmundur Guðnason171
Óþekkt barn að róla sér í útbænum undir stjórn barnapíu . Ef þú þekkir barnið vinsamlega sendu okkur þá athugasemd.
Guðmundur Guðnason306
Réttað í Skrapatungurétt. Maðurinn með ljósu húfuna er Garðar Stefánsson (d. 14.3.1999) frá Kúskerpi, Magdalena Jónsdóttir (d.3.4.1972) frá Sölvabakka er stúlkan á miðri mynd og Frímann Hilmarsson (d. 3.12.2009) frá Fremsta - Gili er í blárri peysu hægra megin við hana. Stefán Ágústsson (d.22.11.1989) frá Ytri - Ey er á myndinni í bakgrunni og einnig Hallgrímur Einarsson (d.3.4.1998) frá Neðri - Mýrum. Milli Magdalenu og Frímanns sér í Þorstein Hafþórsson Blönduósi í rauðum vatnsbuxum.
Magnús B Jónsson080
Allt á kafi í snjó á Skagaströnd. Bogabrautin í forgrunni.
Guðmundur Guðnason176
Réttastörf í Spákonufellsrétt 1969. Frá vinstri á myndinni eru: Elsa Lára Blöndal, Líney Jósefsdóttir Reykholti, Kári Kristjánsson Kárastöðum og Sigurður Guðmundsson.
Guðmundur Guðnason157
Fólkið á kóræfingunni er óþekkt. Ef þú þekkir einhvern á myndinni vinsamlega sendu okkur þá athugasemd.
03_Skagastrond_vetur
Þessi vetrarmynd af Skagaströnd er tekin ca 1935 - 1937
Magnús B Jónsson052
Lárus Ægir Guðmundsson rennir sér í skíðabrekkunni í suðurhlíðum Spálkonufells. Myndin var tekin ca 1980.
Guðmundur Guðnason180
Réttastörf í Spákonufellsrétt 1969. Ljóshærði drengurinn í lopapeysunni er Kjartan Bjarnason frá Holti. Maðurinn með hendur í vösum er Sigmar Jóhannesson. Aðrir eru óþekktir.
Magnús B Jónsson050
Skíðalyftan í suðurhlíðum Spákonufells. Myndin var sennilega tekin kringum 1980.
Guðmundur Guðnason216
<p>Mynd frá kappreiðum á Hvammsbökkum 1961. Mennirnir á myndinni eru Þorkell Sigurðsson frá Barkarstöðum í Svartárdal og Ingólfur Bjarnason frá Bollastöðum.</p>
Guðmundur Guðnason162
Réttastörf í Stafnsrétt 1963.
Guðmundur Guðnason173
Hér er hópur Skagstrendinga í heimsókn í ókunnri kirkju. Kristján Hjartarson (d. 2.8.2003) er annar frá vinstri, Guðbjartur Guðjónsson (d. 23.9.2992) er fimmti frá vinstri og Sigurbjörg Hjartardóttir (d. 14.7.1985) kona hans er í hvítri kápu með veski. Séra Pétur Þ. Ingjaldsson (d. 1.6.1996) er í miðjunni og leiðir tvo drengi. Við hlið drengsins hægra megin eru hjónin Soffía Sigurðardóttir (d. 24.10.2002) og Hafsteinn Jónasson (d. 11.6.1975) frá Njálsstöðum og Páll Jónsson (d. 19.7.1979) er lengst til hægri. Aftast lengst til hægri er Hallbjörn Hjartarson en þriðja frá hægri í þeirri röð er Guðrún Sigurðardóttir. Aðrir á myndinni eru óþekktir.
Guðmundur Guðnason092
Frá vinstri: Hjálmfríður Bjarnadóttir og Anna Bjarnadóttir aldar upp í Bjarnarhöfn (Bankastræti 8). Lengst til hægri er Ásdís Þórbjarnardóttir sem var alin upp á Flankastöðum (Bankastræti 7).
Magnús B Jónsson081
Allt á kafi í snjó á Skagaströnd, Brautarholt er fremst á myndinni sem tekin var upp Fellsbrautina.
Guðmundur Guðnason108
Stór hópur Skagstrendinga fór um vestfirði 1973. Hópurinn var allur tengdur umsvifum Guðmundar Lárussonar á Skagaströnd á einhvern hátt. Farangur hópsins handlangaður úr Fagranesinu upp á bryggju í Ögri. Fólkið á myndinni er, frá vinstri: Óþekkt kona, Skafti Fanndal Jónasson (d. 2.9.2006) (með hatt), Indriði Hjaltason (d. 2.4.2006), Guðmundur Viðar Guðmundsson, þrír óþekktir, Guðmunda Sigurbrandsdóttir, Ingibjörg Axelma (Didda) Axelsdóttir (d. 6.3.2007) og Jón Jónsson (d. 9.7.1991).
Guðmundur Guðnason181
Fólkið í þessum sönghópi er talið frá vinstri: Jóhanna Björnsdóttir frá Gili, Sigurjón Stefánsson Steiná, Sigfús Guðmundsson frá Eiríksstöðum, Friðrik Björnsson Gili og Sigurbjörg R. Stefánsdóttir. Myndin var tekin þegar karlakór Bólstaðarhlíðarhrepps hélt tónleika á Húnavöku. Ártalið er óþekkt.
Guðmundur Guðnason186
Þessi mynd var tekin 1970 sennilega í Stafnsrétt. Á myndinni er réttarstörfum að ljúka og fólk er að skoða hross og spá í lífið og tilveruna. Guðmundur Ó. Guðmundsson er fjórði frá vinstri í ljósum buxum. Aðrir eru óþekktir.
Guðmundur Guðnason256
Þessar ungu stúlkur tóku þátt í einhverri skíðakeppni við togbrautina í Spákonufelli einhverntíma á árunum 1974 - 1978. Frá vinstri: Soffía Guðmundsdóttir, Sigþrúður Magnúsdóttir og Anna Sjöfn Jónasdóttir. Hjá þeim stendur þáverandi formaður USAH, Björn Sigurbjörnsson skólastjóri á Blönduósi. Aðrir eru óþekktir.
Guðmundur Guðnason285
Áramótabrenna. Ekki er vitað hvaða ár myndin var tekin.
Guðmundur Guðnason258
Þessi mynd var tekin á skíðamóti við togbrautina í Spákonufelli einhverntíma á árunum 1974 - 1978. Maðurinn fyrir miðri mynd, með dökk gleraugu, er Björn Sigurbjörnsson þáverandi formaður USAH. Erna Högnadóttir er þriðja frá vinstri og Guðjón Pálsson (d. 14.12.1989) er aftan við Björn. Aðrir eru óþekktir.
Magnús B Jónsson051
Skíðalyftan í suðurhlíðum Spákonufells. Óþekktur maður afgreiðir stafi út af lyftunni en Magnús B. Jónsson ber áburð á skíðin sín utan við lyftuskúrinn. Fyrir kom að það var svo mikill snjór á skíðasvæðinu að skúrinn fór á kaf ásamt lyftunni. Örlög skúrsins urðu síðan þau að hann splundraðist í ofsaveðri og dreifðist um nágrennið.
Guðmundur Guðnason147
Ungu mennirnir á réttarveggnum í Hofsrétt sumarið 1965 eru Bergur Jón Þórðarson til vinstri og Óskar Þór Kristinsson til hægri. Aðrir á myndinni eru óþekktir.
Guðmundur Guðnason244
Stíflan í Hrafnánni var á sínum tíma gerð til að safna neysluvatni fyrir bæjarbúa. Í mörg ár var allt neysluvatn tekið þarna úr ánni en það gat stundum verið gruggugt á leysingum á vorin. Einnig kom það fyrir að skepnur, kindur eða hestar, drápust í ánni ofan við stífluna þannig að fólk var að drekka seyðið af þeim næstu mánuði. Í bókinni Byggðin undir Borginni segir á bls. 298:<br><em>........Vatnsveita Skagstrendinga þótti löngum mjög slæm. Notast var við árvatn úr Hrafná sem oft varð dökkt af óhreinindum,einkum í vorleysingum og því mjög óheppilegt til nútímalegs fiskiðnaðar og auk þess hvimleitt sem neysluvatn...........</em>
Magnús B Jónsson059
Stefán Ægir Lárusson kemur í mark í svigbraut á skíðasvæðinu við Skagaströnd. Myndin var tekin ca 1980.
Guðmundur Guðnason170
Réttastörf í Spákonufellsrétt 1969. Frá vinstri eru: Óskar Jóhannesson, Kári Lárusson frá Ási, Frits M.Bjarnason Bjargi og bak við hann grillir í Jóhannes Hinriksson frá Ásholti.
Guðmundur Guðnason315
Réttað í ókunnri rétt (Hofsrétt?). Maðurinn sem er að draga kind á miðri mynd er Páll Jóhannesson. Maðurinn til hægri í köflóttu skyrtunni er Sigmar Hróbjartsson (d.5.11.2014) og lengst til hægri, með hatt, er Konráð Klemensson (d. 20.11.1981) frá Garðhúsum - Konnabæ. Aðrir eru óþekktir.
Guðmundur Guðnason189
<P>Sorg ríkti á Skagaströnd í september 1962 eftir að Íris Jónsdóttir drukknaði í Skagastrandarhöfn. Hafði hún ekið bíl sínum í höfnina og komst ekki út úr honum. Á þessari mynd er verið að bera kistu Írisar til kirkju eftir húskveðju á heimili hennar. Líkmennirnir eru frá vinstri: Gunnlaugur Árnason, Sigurjón Magnússon, Sigmundur Magnússon, Jón Jónsson, Bjarni Loftssson og Gunnar Albertsson. Presturinn er séra Pétur Þ. Ingjalddsson.</P>
Guðmundur Guðnason302
Réttastörf - líklega í Skrapatungurétt. Maðurinn sem stendur uppi á réttarveggnum og myndar er Sigurður Jónsson en drengurinn lengst til vinstri er Auðunn Sigurðsson sonur hans sem er að tala við Bjarna Snorrason frá Sturluhóli. Maðurinn sem sést aftan á, í gulum bol, er Valdimar Guðmannsson frá Bakkakoti. Aðrir eru óþekktir.
Guðmundur Guðnason328
<p>Aftan á þessari mynd stendur skrifað <em>:" Þessi mynd er tekin af Ingva og er af Birni Karlssyni á fótfúna skjóna 28. Á. 35" . Myndin virðist vera tekin í Laxárdal.
Magnús B Jónsson071
Verðlaunahafar í sínum flokki á páska - skíðamóti á skíðasvæðinu við Skagaströnd. Frá vinstri: Kristjana Jónsdóttir, Sigurbjörn Fanndal Þorvaldsson (d. 13.8.2000), Viggó Magnússon og Sigríður Einarsdóttir (Sissa) skíðakennari frá Ísafirði.
Guðmundur Guðnason445
Kári Kristjánsson (d. 11.,12.1990) frá Kárastöðum ríðandi á Bjargs-Grána.
Magnús B Jónsson062
Magnús B. Jónsson í sveiflu á skíðunum á skíðasvæði Skagstrendinga í Spákonufelli. Myndin var tekin ca 1980.
Magnús B Jónsson068
Verðlaunahafar í páska - skíðakeppni á skíðasvæðinu í Spákonufelli ásamt kennaranum sínum. Frá vinstri: Páll Jónsson, Þórarinn Þórsson, Guðjón Árnason og Sigríður Einarsdóttir (Sissa) skíðakennari.
Guðmundur Guðnason187
Guðmundur Kr. Guðnason frá Ægissíðu(d. 21.11.1988) ljósmyndari, póstur og organisti með harmonikuna sína um jól.
Guðmundur Guðnason251
Íslenskur hundur fyrir utan Stóra Berg, sem nú er horfið. Í baksýn sér í Iðavelli. Þetta var Skúmur sem Þórarinn Hjartarson (d. 28.1.1991) átti en hann bjó á Stóra Bergi.
Magnús B Jónsson065
<p>Ólafur Bernódusson rennir sér á skíðasvæðinu við Skagaströnd. Myndin tekin ca 1980. </p>
Guðmundur Guðnason225
<P>Verðlaun afhent á hestamannamóti. Maðurinn sem er að taka við verðlaunabikarnum er Friðgeir Jóhannsson frá Ósi á Skaga (bróðir Kristinn Jóhannssonar á Skagaströnd). Maðurinn sem afhendir bikarinn er Guðmundur Sigfússon (d. 27.3.1993) frá Eiríksstöðum. Myndin var tekin einhverntíma á árunum 1963 -1965 á skeiðvellinum við Húnaver. </P><br><P> </P>
Guðmundur Guðnason199
Í Spákonufellsrétt sennilega sumarið 1961. Þá tíðkaðist að smala fé til réttar um mitt sumar til að rýja kindurnar. Feðginin frá Ólafsvöllum, Jón Árnason og Ingiríður Jónsdóttir eru að rýja.
Guðmundur Guðnason158
Tvær vaskar konur í Stafnsrétt 1963. Sigurbjörg Stefánsdóttir til vinstri og Þóra Sigurðardóttir frá Hvammi til hægri.
Guðmundur Guðnason177
<p>Alþingishátíð var haldin á Þingvöllum 1930. Hátíðin var haldin til að minnast þess að 1000 ár voru þá liðin frá því að allsherjarþing var sett þar árið 930. Hátíðin stóð dagana 26. - 28. júní og þangað kom Kristján 10. konungur Danmerkur og þá ennþá, Íslands. Gríðarlegt fjölmenni var á hátíðinni sem var eðlilega á þjóðlegum nótum með glímusýningu og menn gengu um klæddir að hætti fornmanna eins og þessir tveir óþekktu kappar. Myndin er úr safni Guðmundar Guðnasonar en ekki tekin af honum enda fæddist hann árið 1923. Á myndinni er nafn ljósmyndarans:K.K. Bergen. </p><p><br></p><p><br></p><p><br></p>
Guðmundur Guðnason224
Óþekktur knapi á fjölsóttu hestamannamóti. Ef þú veist eitthvað um þessa mynd vinsamlega sendu okkur þá athugasemd.
Bernódus Ólafsson og Anna Aspar - safn 047
Óveður geysar á Skagaströnd á 9. áratugnum. Vesturhliðin á verksmiðjunni.
Guðmundur Guðnasonr682
Réttarstörf í Hofrétt. Maðurinn sem sést aftan á lengst til hægri er Bernódus Ólafsson en maðurinn með húfuna er Henrý Kristjánsson. Aðrir eru óþekktir.
Guðmundur Guðnason166
Réttastörf í Stafnsrétt 1963. Maðurinn til vinstri, með derhúfu, er Magnús Indriðason frá Húsey. Þriðji frá hægri er Jakob Sigurðsson (d. 27.5.1991) frá Steiná síðar á Hóli. Til hægri er Ottó Þorvaldsson frá Víðimýrarseli og teymir hyrnda kind.
Guðmundur Guðnason191
Réttað í Spákonufellsrétt haustið 1962.
Guðmundur Guðnason188
Myndin var tekin 1970 í Stafnsrétt. Mennirnir á myndinni eru frá vinstri:. Pétur Sigfússon bóndi í Álftagerði Seyluhreppi, Valtýr Guðmundsson bóndi í Brattahlíð í Svartárdal og Jónas Haraldsson á Völlum í Skagafirði sem skoðar markið á hrossinu. Sá með gleraugun er Björn Eysteinn Jóhannesson bóndi í Stokkhólma í Vallhólmi. Ljósklæddi maðurinn til hægri er Guðmundur Ó. Guðmundsson en hann var um skeið skrifstofumaður hjá Kaupfélagi Skagfirðinga.
Magnús B Jónsson053
Vormynd af Skagaströnd tekin frá skíðasvæðinu í suðurhlíðum Spákonufells. Myndin sennilega tken um 1980.
IMG_3294
Þessi loftmynd er hluti af stærri loftmynd af Skagaströnd sem sennilega var tekin einhverntíma á árunum kringum 1965. Ekki er vitað hver tók myndina en eftirtöku annaðist Árni Geir Ingvarsson. Ef rýnt er í myndina sjást mörg hús sem horfin eru í dag og gatnakerfið hefur líka tekið allmiklum breytingum.
Guðmundur Guðnason149
Í Hofsrétt sumarið 1965. Hrönn Árnadóttir hjálpar Ingu Jónsdóttur í Náttbrún (Ólafsvöllum) að finna kindurnar sínar í safninu. Strákarnir á réttarveggnum eru óþekktir.
Magnús B Jónsson070
Ungir verðlaunahafar á páskamóti á skíðum á skíðasvæðinu við Skagaströnd með kennaranum sínum. Myndin var tekin ca 1980. Drengirnir með páskaeggin eru óþekktir nema sá í miðið er Brynjar Pétursson og kennarinn er Sigríður Einarsdóttir (Sissa) frá Ísafirði. Ef þú þekkir hina drengina á myndinni vinsamlega sendu okkur þá athugasemd.
Guðmundur Guðnason167
Þessi stúlka er óþekkt. Ef þú þekkir hana vinsamlega sendu okkur þá athugasemd.
IMG_3287
Þessi loftmynd er hluti af stærri loftmynd af Skagaströnd sem sennilega var tekin einhverntíma á árunum kringum 1965. Ekki er vitað hver tók myndina en eftirtöku annaðist Árni Geir Ingvarsson. Ef rýnt er í myndina sjást mörg hús sem horfin eru í dag og gatnakerfið hefur líka tekið allmiklum breytingum. Neðst á myndinni er Röðulfell og Fellsborg til vinstri við það. Út frá þeim húsum má átta sig á breytingunum sem orðið hafa.
Magnús B Jónsson054
Árni Geir Ingvarsson lítur eftir skíðalyftunni á Skagaströnd. Alltaf þurfti að vera maður á lyftunni til að skammta út stafina/diskana fyrir þá sem vildu fara upp með henni. Í baksýn grillir í Lárus Ægi Guðmundsson.
Guðmundur Guðnason329
Útbærinn að vetri til séð af Höfðanum. Margt hefur breyst síðan þessi mynd var tekin. Tankarnir lengst til hægri tilheyrðu síldarverksmiðjunni en hafa nú verið rifnir. Frystihúsið aftan við tankana var endurbyggt og breytt. Kaupfélagshúsið (verslunarstjórahúsið) til vinstri við sundlaugina hefur verið rifið. Nýir búningsklefar eru komnir við sundlaugina. Við Bankastrætið, sem er næst okkur á myndinni, er búið að rífa bæði Flankastaði (annað hús frá hægri við götuna) og Kárastaði (þriðja hús frá hægri). Nýtt hús hefur þó verið byggt á Flankastöðum. Húsið næst okkur til vinstri, Höfðaberg, er horfið og líka Höfðakot, sem er hægra megin við Höfðaberg, með fjárhúsum og hlöðu. Ef horft er niður eftir Skagavegi sér ofan á þakið á Steinholti næst okkur til vinstri. Þá koma Skálholt og Þórhamar en næstu þrjú hús, Þórsmörk, Héðinshöfði og Garður eru öll löngu horfin. Braggarnir tveir sem grillir í norðan við stóru síldarverksmiðju-skemmuna eru báðir horfnir. Í öllum þessum húsum bjuggu góðir og gegnir Skagstrendingar með fjölskyldum sínum og lögðu sitt af mörkum til að gera Skagaströnd að því sem hún er í dag.
Guðmundur Guðnason252
Árið 1974 komu skíðaáhugamenn á Skagaströnd upp togbraut í Spákonufellinu. Togbrautin var þannig gerð að staur var komið fyrir uppi á hólnum fyrir ofan núverandi skíðaskála. Við staurinn var fest blökk og kaðall dreginn gegnum hana og í gegnum drifhjól sem tengt var við dráttarvél. Drifhjólið var gert úr gamalli drifkúlu undan bíl og á hana var fest hjól og drifskaft sem síðan var hengt aftan á beislið á dráttarvél og tengt við drifúttak vélarinnar. Skíðamenn héngu síðan í kaðlinum á leiðinni upp brekkuna. Í dag mundi svona útbúnaður aldrei vera viðurkenndur vegna öryggismála. 1979 var síðan keypt skíðalyfta og henni komið fyrir örlítið norðar í brekkunni og notuð þar í mörg ár. Maðurinn í úlpunni sem stendur við kaðalinn er Ásgeir Axelsson (d. 8.6.2011) en hann átti dráttarvélina og stjórnaði henni. Ásgeir var með spotta í hendinni sem tengdur var við ádrepara vélarinnar til að geta drepið á og þannig stoppað kaðalinn ef á þurfti að halda.
Magnús B Jónsson072
Hvílt á milli ferða á skíðasvæði Skagstrendinga í suðurhlíðum Spákonufells. Frá vinstri eru: Guðrún Pálsdóttir, Guðbjörg Viggósdóttir og óþekkt. Ef þú þekkir stúlkuna lengst til hægri vinsamlega sendu okkur þá athugasemd.
Magnús B Jónsson066
Áð fyrir utan lyftuskúrinn á skíðasvæði Skagstrendinga í suðurhlíðum Spákonufells eftir góðan skíðadag. Frá vinstri á myndinni eru: Baldur Magnússon, Ólafur Bernódusson, Magnús B. Jónsson, Ragnar Jónsson, Guðrún Pálsdóttir og Vilhelm Jónsson. Myndin var tekin ca 1980.
Magnús B Jónsson056
Viggó Magnússon á fullri ferð eftir að hafa lokið við að renna sér gegnum svigbrautina á skíðsvæðinu við Skagaströnd. Myndin var tekin ca 1980.
Guðmundur Guðnason218
Kappreiðar á Hvammsbökkum 1961. Maðurinn lengst til hægri er Ólafur Ólafsson (d. 4.8.2001) frá Kambakoti. Aðrir eru óþekktir.
52_Kaupfelagid_og_Einbui_fra_Hofda
Myndin er tekin 1945 eða 1946 því sjá má að skorsteinn verksmiðjunnar er í byggingu. Sundlaugin er komin en enn vantar kyndihúsið við hana.
1
…
5
6
7
…
25
Leita í myndasafninu
Leita