Beint í efni
Skagaströnd.is
↗
Allar myndir
Náttúra
✕
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Samgöngur
Miðflokkur
Dýr
Landslag
Snjór
1.480 myndir
Flæði
Reitir
Halldór Pétursson 12
Þessi mynd er af jólakorti eftir Halldór Pétursson frá árinu 1970. Halldór Pétursson (26.9.1916 – 16.3.1977) var þekktur myndlistarmaður og teiknari. Hann lauk prófi í auglýsingateiknun frá Kunsthåndværksen í Kaupmannahöfn 1938 en var svo í framhaldsnámi í Minneapolis School of Art og Art Students League í New York árin 1942 – 1945. Hann myndskreytti fjölda bóka og rita, hafði mikinn áhuga á hestum og gerði margar myndir af þeim. Fræg verk eftir Halldór eru t.d. merki Reykjavíkurborgar (1951), merki Flugleiða og merki Rafmagnsveitna Reykjavíkur. Þá hannaði hann alla peningaseðla sem voru gefnir út á árunum 1960 – 1981. Halldór var þekktur meðal almennings fyrir teikningar sínar, ekki síst skopteikningar.
Selma P. Jónsdóttir 17
Þessa mynd af heimkomu manns úr kaupstaðarferð gerði Selma P. Jónsdóttir, líklega 1976. Selma Polly Jónsdóttir (30.12.1940 – 2.8.2013). Lærði myndlist í Reykjavík og Glasgow en kenndi seinna mynd- og glerlist. Hún málaði mikið með pastellitum og er þekkt fyrir jólakortamyndir sínar. Þessi mynd er sýnishorn af þeim.
Selma P. Jónsdóttir 18
Jólakort eftir Selmu P. Jónsdóttur, líklega frá árinu 1975. Selma Polly Jónsdóttir (30.12.1940 – 2.8.2013). Lærði myndlist í Reykjavík og Glasgow en kenndi seinna mynd- og glerlist. Hún málaði mikið með pastellitum og er þekkt fyrir jólakortamyndir sínar. Þessi mynd er sýnishorn af þeim.
Bjarni Jónsson 53
Þetta er mynd af jólakorti eftir Bjarna Jónsson líklega frá árinu 1987. Bjarni Jónsson (15.9.1934 – 8.1.2008). Var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Bjarni Jónsson 41
Mynd eftir Bjarna Jónsson á jólakorti, líklega frá árinu 1981. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Selma P. Jónsdóttir 5
Jólakort eftir Selmu P. Jónsdóttur. Ekki er vitað hvenær myndin var gerð. Selma Polly Jónsdóttir (30.12.1940 – 2.8.2013). Lærði myndlist í Reykjavík og Glasgow en kenndi seinna mynd- og glerlist. Hún málaði mikið með pastellitum og er þekkt fyrir jólakortamyndir sínar. Þessi mynd er sýnishorn af þeim.
Skagaströnd - safn543
Þessi mynd tengist Skagaströnd ekki nema á óbeinan hátt. Hún er af Brjefspjaldi frá 1920 og sýnir hvernig fólk var flutt á milli staða ef það var sjúkt og eða var flutt til greftrunar. Ef grannt er skoðað mé sjá að maður með húfu liggur í kassanum milli hestanna. Ekki er vitað hvar myndin var tekin en hún kemur úr póst- og jólakortasafni Elísabetar Árnadóttur (d.16.3.2017) frá Réttarholti.
Ólafur Bernódusson550
Töluvert margir aðilar gerðu út á grásleppu í grennd við Skagaströnd á litlum bátum áður fyrr. Þessi mynd var tekin með miklum aðdrætti vorið 1996 af einum þeirra við veiðarnar. Bólið sést til vinstri og Strandafjöllin eru í baksýn.
Ólafur Bernódusson538
<p>Stapinn eða eyjan sem er fram af Króksbjargi rétt norðan við staðinn þar sem Fossá fellur fram af bjarginu. Gat er í gegnum eyjuna en það sést aðeins af sjó. Myndin ver tekin norðanfrá og til vinstri sér í hluta Króksbjargsins. Ef þú þekkir annað nafn á Stapanum vinsamlega sendu okkur þá athugasemd.</p><p><br></p>
Óþekktur ljósmyndari196
Þessi mynd er á bls 289 í Byggðin undir Borginni (1989) og undir henni stendur<em>:" Á skíðum í Tjaldklauf. Árið 1940 festi Umf. Fram kaup á skíðum og leigði út. Á myndinni eru frá vinstri Guðmundur Lárusson, Ægir Einarsson, Jörgen Berndsen og Ingvar Sigtryggsson".</em>
Guðmundur Guðnason090
Á þessari mynd er verið að koma með fjársafnið til réttar í Spákonufellsrétt. Maðurinn með tvo til reiðar er Lárus Árnason (d. 21.5.2011) frá Ási. Lárus var oft gangnaforingi í göngum frá Skagaströnd. Ekki er vitað hvenær myndin var tekin.
Séra Pétur og Dómhildur - safn111
<p>Aftan á þessa mynd hefur verið skrifað: <em>Sr. Pétur Þ. Ingjaldsson. Þannig ferðaðist hann til allra prestsverka fyrstu árin. Þá var aðeins vegur... </em>Pétur hafði aðsetur á Höskuldsstöðum en ferðaðist þaðan til annarra kirkna í Höskuldsstaðasókn t.d. á Skagaströnd og úti á Hofi. Ekki er vitað hvenær myndin var tekin en sennilega hefur það verið á fimmta áratugnum. </p>
Óþekktur ljósmyndari241
Félagar úr hestamannafélaginu Snarfara á Skagaströnd á hestamannamóti á Vindheimamelum 1974. Í fremri röð eru Jóna Kristjánsdóttir og Magnús Hjaltason. Aftari röð frá vinstri: Guðrún Guðmundsdóttir, Eðvarð Ingvason (d. 29.5.2011) og Sigurbjörn Kristjánsson (d. 10.9.1989).
Óþekktur ljósmyndari278
Einbúinn upp af Skagastrandarhöfn. Sú saga gengur um Einbúann að ekki megi skerða hann á nokkurn hátt því í honum sé álfabyggð og sé hann skemmdur muni álfarnir hefna sín grimmilega á bæjarbúum. Eins og sést á þessari mynd gekk sjórinn upp að Einbúanum þangað til 1934 þegar uppfylling var gerð vestan við hann út í Spákonufellsey við byggingu hafnarinnar.
Óþekktur ljósmyndari218
Gömul mynd af Bankastræti. Myndin var sennilega tekin upp úr 1940 en óvíst er með hvenær. Næst okkur á myndinni er búið að taka grunn að Höfðaborg (Bankastræti 9). Þar fyrir aftan sést grind að Flankastöðum (Bankastræti 7) og er þetta a.m.k. annað húsið sem byggt var á þessum reit undir Flankastaðanafninu. Þetta er þó ekki húsið sem stendur þarna í dag, það var byggt miklu síðar. Lágreista húsið sem ber yfir grindina að Flankastöðum var Kárastaðir (Bankastræti 5). Seinna var byggð önnur hæð ofan á Kárastaði og enn síðar var það rifið. Enn aftar eða fjær okkur á myndinni standa Draumaland og Dvergasteinn sem bæði eru horfin. Stórholt (Bankastræti 3) er ekki komið en það var byggt 1950 - 51. Lengst til hægri á myndinni er Þórshamar við Skagaveg og síðan Skálholt sem einnig stendur við Skagaveg. Húsið sem stendur vinstra megin við Skálholt, dálítið nær Höfðanum, er Höfðakot. Önnur hús á myndinni eru fjós, hlöður eða hest- eða fjárhús sem tilheyrðu þeim sem bjuggu við Bankastræti. Þó er húsið, sem stendur vinstra megin við grindina að Flankastöðum, sennilega eldra Flankastaðahús sem svo var aflagt með tilkomu hins nýja.Takið eftir að ekki er búið að gera götuna, Bankastræti, eins og við þekkjum í dag. Takið líka eftir fólkinu sem er í heyskap á blettinum neðan við Tjaldklaufina næst okkur á myndinni.
Séra Pétur og Dómhildur - safn096
Þetta er mynd af gömlu brúnni yfir Laxá í Refasveit. Brúin gat verið varasöm að vetri í hálku því það voru brekkur að henni beggja megin og vinkilbeygjur inn á hana. Þetta var ekki fyrsta brúin yfir ána því að áður var brú mun nær sjónum, nálægt þeim stað þar sem laxastigar eru nú í ánni. Nýja brúin sem notuð er í dag, er staðsett um það bil þar sem rafmagnsstaurarnir eru á myndinni.
Óþekktur ljósmyndari208
<p>Ekki er vitað hvenær þessi mynd var tekin en á henni er Kristján Guðmundsson (d.16.4.1979) frá Háagerði í heyskap á túninu við Háagerði. Á myndinni er Kristján að ýta saman heyi með tveimur hestum eftir að hafa rakað heyinu saman í garða. Spýta var bundin aftan í hestana og síðan var staðið á spýtunni til að halda henni niðri. Hestarnir drógu svo spýtuna þar til næg hrúga af heyi var komin framan við hana. Þá var spýtunni lyft yfir hrúguna og haldið áfram framan við hana. Síðan var heyinu úr hrúgunum hlaðið upp í sæti/sátur eins og sést fyrir aftan Kristján. Seinna var svo heyinu ekið heim í hlöðu eða sett í fúlgu heim við fjárhús eða fjós. Hlutverk hesta í sveitum landsins hefur breytst mikið frá þessum tíma úr því að vera þarfasti þjónninn og helsta vinnutæki bænda yfir í það að vera fyrst og fremst skemmtigripur og skrautfjöður eiganda síns. </p><p><br></p>
Óþekktur ljósmyndari243
Myndin var tekin í fjörunni fyrir neðan Læk um 1960. Á henni eru tveir nótabátar, tvær trillur og ein skekta. Lágreista húsið lengst til vinstri er Viðvík þar sem rekið var gisti- og veitingahús á árunum 1867 og fram til 1883. Sæborg (Góubær) ber í skólahúsið og neðst húsið við Bogabraut, á þessum tíma, var Þorfinnshúsið (Bogabraut 9) sem sést yfir Sævarland.
Guðmundur Guðnason145
Fjársafn við Spákonufellsrétt. Á árum áður var algengt að menn ættu nokkrar kindur í fjárhúsum einhversstaðar. Tölur um fjáreign bæjarbúa eru nokkuð á reiki en talan 3000 fjár er oft nefnd sem fjáeign á árunum í kringum 1960 og upp úr því. Í dag eru kindur í eigu Skagstrendinga nær tölunni 20.
Skagaströnd - safn021
Spákonufellshöfði eða Höfðinn eins hann er kallaður í daglegu tali. Myndin er tekin norðanfrá og lengst til hægri er Sauðskerið þá Arnarstapinn og Landsendi þar sem hallar niður af Höfðanum til austurs.
Óþekktur ljósmyndari217
Þórsmörk á kafi í snjó veturinn 1951. Í þórsmörk bjuggu lengi hjónin Sigurður Guðmonsson (d. 5.8.1981) og Hallbjörg Jónsdóttir (d. 22.12.1987) með börnum sínum.
Leikklúbbur Skagastrandar - safn031
Leikárið 1979 - 1980 setti Leikklúbbur Skagastrandar á svið leikritið Gísl í leikstjórn Ragnhildar Steingrímsdóttur (d. 25.6.2009). Þetta var fjölmenn sýning og vel heppnuð sem var sýnd á Fellsborg og nágrannabyggðunum ásamt því að farið var með verkið suður á land og það sýnt í félagsheimili Seltjarnarness. Á myndinni - sem var sett saman úr tveimur myndum löngu fyrir tilveru Photoshop - er Bernódus Ólafsson (d. 18.9.1996) í hlutverki sínu sem létt ruglaður írskur herforingi en hesturinn kom ekkert fram í sýningunni. Myndina gerði Jónas Baldursson.
Óþekktur ljósmyndari333
Á árunum kringum 1960 var öflugt skátastarf á Skagaströnd. Skátafélagið hét Sigurfari og voru bæði stúlkna og drengjadeildir innan félagsins. Félagið byrjaði á framkvæmdum við skátaskála í Brandaskarði og var þar steyptur sökkull og plata undir skála. Lengra komst verkið ekki á þeim stað. Seinna byggði félagið sér myndarlegan skála í suð-vestur hlíðum Spákonufellsins, eiginlega beint upp af skíðaskálanum, sem stendur þar nú. Því miður var skálanum valinn staður þar sem mjög snjóþungt er og eftir nokkur ár lagðist skálinn saman undan snjóþunga en hafði verið notaður í tengslum við skátastarfið fram að því. Á þessari mynd, sem tekin var ofarlega í Hrafndal, sýnir hóp kvenskáta sem fóru í gönguferð kringum Borgina. Með þeim fór Bernódus Ólafsson sem "burðarmaður" en hann fylgdi stúlkunum fram Hrafndalinn en sneri við þegar þau voru komin fyrir enda Borgarinnar að austanverðu. Á myndinni eru frá vinstri: Bernódus Ólafsson (d. 18.9.1996), María Bjarnadóttir (d. 1984), Kristín Lúðvíksdóttir, Hrafnhildur Jóhannsdóttir (Abbý), Hrefna Þorbjörnsdóttir, Halla Björg Bernódusdóttir (nær), Ingibjörg Kristinsdóttir (fjær), Jóhanna Valdimarsdóttir (fjær), Guðrún Þórbjarnardóttir (í miðið), Þórunn Bernódusdóttir (nær), Helga Guðmundsdóttir, Fjóla Jónsdóttir og Pálína Benjamínsdóttir.
Skagaströnd - safn023
Árbakkasteinn er í raun tvö sker sem standa fram af Hrafnánni. Næst okkur á myndinni er grjótgarður, sem byggður var á fimmta átratugnum, sem upphaf á hafnargerð, sem hugsuð var með varnargarði út í Árbakkastein og síðan þaðan til norðurs að Brúnkollu, sem er blindsker sunnan við enda Útgarðs. Ef þessar hugmyndir hefðu orðið að veruleika væri Skagastrandarhöfn að öllum líkindum lífhöfn í hvaða veðrum sem væri. Þá lá líka fyrir skipulag að Skagaströnd sem 5000 manna byggð sem byggja skyldi á stóriðju - síldarverksmiðjunni - og margfeldiáhrifum hennar. Því miður gleymdist að ræða við síldina til að tryggja hennar þátt í málinu þannig að draumarnir um svo fjölmenna og blómlega byggð runnu út í sandinn.
Ólafur Bernódusson513
Stöku sinnum laumast borgarísjakar inn Húnaflóann alla leið frá Grænlandi. Þessi var á ferðinni utan við Skagaströnd í september 1993. Björgunarbáturinn Þórdís er í forgunni.
Ólafur Bernódusson537
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Fljótlega var því gripið til þess ráðs að þjappa snjóinn með jarðýtu og síðan var ekið ofan á snjósköflunum kannski tveggja metra þykkum. Myndin var tekin frá Bogabraut og húsið sem er á kafi er Bogabraut 26. Ef vel er skoðað sést "akbrautin" ofan á snjóskaflinum.
Ólafur Bernódusson555
Vorið 1992 voru þessir þrír krakkar í fjöruferð í fjöruna fyrir neðan rækjuvinnsluna. Þar rákust þau á þennan smáhval - hnýðing - rekinn í fjörunni. Að sjálfsögðu létu þau vita af þessum merka fundi og fengu mynd af sér í Morgunblaðinu að launum. Krakkarnir eru frá vinstri: María Markovic, Eva Dögg Bergþórsdóttir og Sveinþór Ari Arason.
Óþekktur ljósmyndari245
Þessi mynd var tekin í apríl 1989 þegar verið var að moka Mánabrautina. Fremst til hægri er vélaverkstæðið á kafi í snjó og ekki dugir minna en ein traktorsgrafa, hjólaskófla og jarðýta af stærstu gerð til að ráða við verkefnið.
Óþekktur ljósmyndari321
Trjáplöntur gróðursettar á skógræktarsvæði Skóræktarfélags Skagastrandar ofan við Hólabergin. Hér er verið að gróðursetja víðiplöntur í skjólbelti nyrst á svæðinu árið 1988. Fólkið á myndinni eru óþekktir frumkvöðlar. Myndina tók Jón Jónsson.
Guðmundur Guðnason108
Þessi mynd var tekin neðan við Einbúann á þeim tíma sem sjór féll upp að honum. Það þýðir að myndin hefur sennilega verið tekin ekki seinna en 1934 því það ár var hafist handa við hafnargerð á þessu svæði. Þá var stutt bryggja, byggð um 1922, rétt austan við Hólsnefið, sem er systi oddi Höfðans. Húsin á myndinni eru frá vinstri: Litli/efri Lækur, Jaðar, óþekkt, Karlsskáli, Lækur, Lundur, Lækjarbakki og Karlsminni. Bátarnir eru óþekktir en Spákonufellið er í baksýn.
Bjarni Jónsson 35
Mynd á jólakorti frá 1982 eftir Bjarna Jónsson. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Selma P. Jónsdóttir 7
Jólakort eftir Selmu P. Jónsdóttur, líklega frá 1985. Selma Polly Jónsdóttir (30.12.1940 – 2.8.2013). Lærði myndlist í Reykjavík og Glasgow en kenndi seinna mynd- og glerlist. Hún málaði mikið með pastellitum og er þekkt fyrir jólakortamyndir sínar. Þessi mynd er sýnishorn af þeim.
Bjarni Jónsson 29
Bjarni Jónsson gerði þetta jólakort árið 1987. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Bjarni Jónsson 51
Mynd af jólakorti eftir Bjarna Jónsson líklega frá árinu 1988. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Bjarni Jónsson 47
Jólakort gert af Bjarna Jónssyni, líklega árið 1970. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Bjarni Jónsson 52
Mynd af jólakorti eftir Bjarna Jónsson líklega frá árinu 1987. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Bjarni Jónsson 13
Mynd á jólakorti eftir Bjarna Jónsson, líklega frá 1990. Bjarni Jónsson (15.9.1934 – 8.1.2008) var kennaramenntaður og lærði myndlist í Handíðaskóla Íslands og hjá Jóhannesi Kjarval og Ásgrími Jónssyni. Bjarni er einkum þekktur fyrir fjölmargar teikningar sínar af áraskipum sem varðveittar eru í Þjóðminjasafninu. Hann myndskreytti fjölmargar náms- og fræðibækur en þekktust af þeim er fimm binda bókaröðin: Íslenskir Sjávarhættir. Þar fyrir utan var hann afkastamikill við jólakortagerð og er þetta eitt sýnishorn af þeirri vinnu hans.
Guðmundur Guðnason160
Aftan á myndinni stendur: <em>"Bergur Jón Þórðarson á Lækjardalsrauð. Myndin tekin á Laxárdal".</em>
Ólafur Bernódusson548
Guðrún Pálsdóttir með Spákonufell í baksýn 1996.
Guðmundur Guðnason092
Snjómokstur á götunni fyrir ofan Ægissíðu. Maðurinn á myndinni er Guðni Sveinsson (d. 15.11.1971) í Ægissíðu. Húsið sem sér í bakvið jarðýtuna var Melstaður sem stóð suðaustan við Laufás.
Óþekktur ljósmyndari330
Þessi mynd, tekin af sjó einhverntíma á árunum 1965 - 1970, sýnir innbæinn eins og hann var þá. Takið eftir að verið er að byggja ker í slippnum fyrir framan Bjarmanes á Hólanesinu.
Ólafur Bernódusson539
Fossáin ryðst fram af Króksbjargi í vorleysingum.
Ólafur Bernódusson547
Hólaneskirkja og Spákonufellið 1996.
Óþekktur ljósmyndari345
Spákonufellsbærinn og kirkjan að Spákonufelli. Þessar byggingar stóðu þar sem kirkjugarðurinn sóknarinnar er í dag. Samkvæmt Byggðin undir Borginni<font size="1"> </font> var alkirkja á Spákonufelli a.m.k. allt frá 1318 því frá þeim tíma er til máldagi kirkjunnar. Kirkjan á myndinni var fyrsta timburkirkjan, sem þarna stóð, en hún var byggð 1852. Fram að því höfðu kirkjurnar verið byggðar úr torfi og grjóti. Þessi var notuð þar til ný kirkja var svo vigð á Skagaströnd 17. júní 1928 og enn ný kirkja þar í október 1991. <font size="1">(Heimildir: Byggðin undir Borginni bls 34 - 37 og Ágrip af sögu Spákonufells- og Hólaneskirkna 1300 - 2012 bls 26 - 28 eftir Lárus Ægi Guðmundsson).</font>
Guðmundur Guðnason158
Aftan á þessari mynd af Bergi Þórðarsyni stendur: Bergur Jón Þórðarson á Núpsskjóna. Húnaver og Bólstaðarhlíð í baksýn.
Óþekktur ljósmyndari339
Gamli bærinn í Réttarholti. Hann brann eftir að flutt hafði verið úr honum fyrir nokkru. Á myndinni sést lítið sem ekkert af Landsendarétt sem stóð á sjávarbakkanum norðan við bæinn. Fyrir miðri mynd er greinileg gamla Réttarholtsvörin eins og skurður í fjörunni.
Ólafur Bernódusson534
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Ófært var út á Skaga fyrir mjólkurbílinn og tóku bændur þá það til ráðs að þeir komu á dráttarvélum sínum með mjólkina í brúsum og tunnum til móts við mjólkurbílinn, sem komst hálfa leið út að Háagerði. Þar var mjólkinni dælt í mjólkurbílinn úr ílátum bændanna. Á myndinni sést mjólkurbíllinn og dráttarvélar bændanna með mjólkurílátin sín. Allir voru bændurnir á öflugum dráttarvélum enda ófært fyrir önnur farartæki en þau sem voru vel búin t.d. með fjórhjóladrif.
Ólafur Bernódusson536
Óvenju snjólétt hefur verið á Skagaströnd það sem af er vetri 2016 - 2017. Þessi mynd er sett hér inn til að minna fólk á að svo hefur ekki alltaf verið. Til dæmis var gríðarlegur snjór á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Fljótlega var því gripið til þess ráðs að þjappa snjóinn með jarðýtu og síðan var ekið ofan á snjósköflunum kannski tveggja metra þykkum. Þessi mynd var tekin í Mýrinni og sýnir fannfergið þar.
Guðmundur Guðnason134
<p>Aftan á þessa mynd hefur verið skrifað:" <em>Í Spákonufellsrétt. Réttarstjóri Jón Sölvason í Réttarholti sést á miðri myndinni". </em>Ekki er vitað hvenær myndin var tekin en Jón Sölvason dó 17.8.1969 þannig að augljóslega var myndin tekin fyrir þann tíma. Aðrir á myndinni eru óþekktir.</p>
Guðmundur Guðnason162
Aftan á þessari mynd stendur: <em>"Kjartan við birkirunna á Stóra - Núpi".</em> Ef þú veist hver þessi Kjartan er vinsamlega sendu okkur þá athugasemd.
Óþekktur ljósmyndari350
Húsaröðin næst: Steinholt (sér í hornið), Skálholt, Þórshamar, Þórsmörk og Garður. Vinstra megin eru: Bjarmaland (Grafarholt) í byggingu, Brúarland og Móar. Við sjóinn eru Karlsskáli, Efri - og neðri Lækur, Lundur, Jaðar, Lækjarbakki og Karlsminni. Myndin var tekin upp úr 1940.
Ólafur Bernódusson535
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Á þessari mynd er verið að reyna að moka snjó í Bankastræti hjá Flankastöðum (Bankastræti 7) þó svo virðist sem jarðýtan sé uppi á þaki hússins.
Óþekktur ljósmyndari167
Á myndinni er verið að rétta hross í Landsendarétt. Réttin stóð á við Landsenda en nyrsti endi Höfðans er kallaður það. Landsendarétt var því á sjávarbakkanum norðan við Réttarholt. Ekki er vitað hvenær myndin var tekin.
Guðmundur Guðnason080
Óþekktur maður uppi á þrónum við verksmiðjuna. Þarna við hliðina var Skagastrandarradíó á síldarárunum.
Skagaströnd - safn020
Kálfshamarsvík. Þar var áður töluverð byggð og skemmtilegt er að ganga um svæðið því þar eru öll bæjarstæði vel merkt og saga þeirra sögð í stuttu máli á aðgengilegum skiltum. Þess utan er þarna sérstaklega fallegt stuðlaberg sem gaman er að skoða.
Guðmundur Guðnason074
J. Konráð S. Klemensson (d. 20.11.1986) Garðhúsum við réttastörf - sennilega í Hofsrétt. Lengst til vinstri er Jóhannes Hinriksson (d. 27.10.1973) frá Ásholti.
Óþekktur ljósmyndari169
Myndin var tekin af Höfðanum 1946 eða 1947. Síldarverksmiðjan er í byggingu en virðist jafnframt vera komin í notkun því það rýkur úr skorsteininum. Einungis grindin er komin að skemmunni og enn eru vinnupallar á skorsteininum. Verkamenn sem unnu við bygginguna bjuggu í tjöldum sem sjást í forgrunni myndarinnar. Þá eru komnar undirstöður undir Kaupfélagsskemmuna norðan við gamla kaupfélagið.
Óþekktur ljósmyndari209
Myndin er af Laufey Jónsdóttur (d. 25.12.1969) frá Reykholti með kúna sína hana Gránu.
Óþekktur ljósmyndari237
Skautaferð inn á Vindhælistjörn á níunda áratugnum. Fólkið er óþekkt.
Óþekktur ljósmyndari210
<p>Hjónin Regína og Fritz Berndsen á Bergi með óþekkta stúlku og kálf. </p>
1
…
8
9
10
…
25
Leita í myndasafninu
Leita