Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Guðrún Sigurðardóttir - safn 060
Stúkan Höfðaborg nr. 267 starfaði á Skagaströnd á árunum 1950 - 1954 með fundarhöldum og skemmtunum. 1952 fóru stúkufélagar í ferðalag til Akureyrar og þessi mynd var líklega tekin í þeirri ferð. Í öftustu röð eru frá vinstri: Ásalaug Hafsteinsdóttir, Vera ?? og Guðrún Sigurðardóttir. Næst aftast frá vinstri: Kristinn Ásgrímsson (d.21.12.1971), Arvid ??, óþekktur og Jóhann Bjarnason (d.14.9.2015). Næst fremsta röð frá vinstri: Guðmundur Guðnason (d.21.11.1988), óþekktur, Úlfar Björnsson og Jón Jónsson (d.9.7.1991). Fremsta röð frá vinstri: Hörður Ragnarsson, óþekktur og Hallbjörn Hjartarson. (Heimild: Byggðin undir Borginni bls 278-279)<br>
Jósef H Sigurðsson - safn 036
Systkinin Hugrún Sigurðardóttir og Jósep Sigurðsson njóta veðurblíðunnar fyrir utan heimili sitt í Hólaneshúsinu. Það er engu líkara en fíflar séu að vaxa úr nösum Hugrúnar sem var gamansöm og uppátækjasöm stúlka.
Árni Geir Ingvarsson - safn 789
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikararnir eru frá vinstri: Bóel Hallgrímsdóttir, Sigrún Jónsdóttir, Guðmunda Ólafsdóttir og Steindór Haraldsson.
Ólafur Bernódusson623
Ljósmyndasafn Skagastrandar óskar öllum gleðilegs nýs árs og þakkar fyrir aðstoð og áhuga á liðnu ári. Eins og alltaf þá umfaðmar Borgin okkur, sem búum á Skagaströnd, óhagganleg en síbreytileg. Borgin hefur séð bæði góða tíma og slæma í litla bæjarfélaginu okkar en vonandi mun hún sjá gott ár 2017 hjá okkur öllum.
Árni Geir Ingvarsson - safn 767
Bergsstaðir stóðu utan í berginu sem er norðan við Ránarbrautina, neðan við Vetrarbrautina. Húsið byggði Hafsteinn Sigubjarnarson en í ævisögu sinni segir hann frá því að hann þurfti að flytja úr húsinu því það var fyrir skipulaginu. Skipulagið gerði ráð fyrir að Skeifan mundi koma niður einmitt þar sem Bergsstaðir stóð. Skeifan, sem er efsti hluti Hólabrautarinnar, hefur aldrei orðið að veruleika þó svo að Hólabrautin sveigi vissulega í skeifu þeim fáu húsum sem þar eru. Inni í miðri skeifunni gerði svo skipulagið ráð fyrir kirkju, sem eins og allir vita, reis á allt öðrum stað í þorpinu. Bergsstaðir eru horfnir en þó eru skepnuhús að hluta til þar sem húsið stóð.
Héraðsskjalasafn A-Hún 341
Þessi maður er óþekktur en myndin kom til Héraðsskjalasafnsins frá Soffíu Lárusdóttur á Skagaströnd en til hennar úr Vindhælisbúinu. Ef þú þekkir manninn vinsamlega sendu okkur þá athugasemd.
Héraðsskjalasafn A-Hún 475
Jón S. Pálsson skólastjóri Höfðaskóla flytur ræðu í einhverju hófi í félagsheimilinu á Blönduósi en ekki er vitað hvenær myndin var tekin. Maðurinn með gleraugun er Grímur Gíslason (d. 31.3.2007) frá Saurbæ en konurnar tvær á myndinni eru óþekktar. Ef þú þekkir þær vinsamlega sendu okkur þá athugasemd annað hvort gegnum þessa mynd eða á netfangið:
[email protected]
.
Hallgrímur Kristmundsson safn060
Þetta prúðbúna fólk er, talið frá vinstri: Birgir Árnason (d.2.2.2005), Jóninna Pálsdóttir, Guðmunda Árnadóttir og Þórbjörn Jónsson (d.22.1.1996). Birgir og Guðmunda voru systkin, Jóninna var mágkona þeirra og Þóbjörn var eiginmaður Guðmundu. Ekki er vitað hvenær myndin var tekin.
Árni Geir Ingvarsson - safn 956
Þessi bær er óþekktur (?Seyðisfjörður?). Myndina tók Herbert Ólafsson (d.25.4.2007). Ef þú veist hvaða bær þetta er vinsamlega sendu okkur þá athugasemd.
Héraðsskjalasafn A-Hún 431
Bára Svavarsdóttir frá Sauðárkróki og Páll Pétursson (1889-1963) frá Réttarholti á Skagaströnd. Bára er móðir Guðbjargar Ólafsdóttur á Hólabraut á Skagaströnd.
Jósef H Sigurðsson - safn 003
Skipsfélagarnir og vinirnir Jósep Sigurðsson til vinstri og Hjalti Hólmar Indriðason (d.17.11.2020) til hægri um borð í einhverjum bát sem þeir voru hásetar á.
Árni Geir Ingvarsson - safn 702
Eftir að olíutankarnir á Höfðanum voru rifnir var svæðið undir þeim lagað til og fært til betri vegar. Á myndinni eru þeir Almar Fannarsson til vinstri og Indriði Björnsson til hægri að vinna við að gera lítið steinalagt torg þar sem Shell tankurinn stóð við enda vegslóðans upp á Höfðann.
Héraðsskjalasafn A-Hún 334
Þessi mynd var tekin á hlaðinu á Þverá í Hallárdal í Vindhælishreppi (nú Skagabyggð). Samkvæmt merkingu Héraðsskjalasafnsins er fólkið á myndinni frá vinstri: Jónína, Árni, Svanlaug, Þórey og Björn en börnin eru ekki nefnd. Árni var Jónsson (d.6.10.1918) og Svanlaug kona hans var Björnsdóttir (d. 6.1.1916). þau voru foreldrar Björns (d.24.8.1932) og Þórey, sem var Jónsdóttir (d. 22.3.1914), var fyrri kona Björns. Björn og Þórey bjuggu fyrst á Þverá en seinna á Ytri-Ey þar sem Björn var hreppsstjóri og kennari um tíma.
Hallgrímur Kristmundsson safn033
Þessi bátur er óþekktur en ef þú þekkir hann vinsamlega sendu okkur þá athugasemd.
Héraðsskjalasafn A-Hún 274
Jón Sveinn Pálsson kennari og skólastjóri Höfðaskóla á Skagaströnd. Jón tók við af föður sínum, Páli Jónssyni (d.19.7.1979), sem skólatjóri 1966 og gegndi því starfi til 1986.
Hjördís Sigurðardóttir - safn047
Systurnar Guðrún Björg Berndsen vinstra megin og Steinunn Berndsen til hægri. Myndin hefur sennilega verið tekin kringum 1968.
Árni Geir Ingvarsson - safn 970
Óþekktur sjómaður um borð í bát sínum. Ef þú þekkir manninn vinsamlega sendu okkur þá athugasemd.
Héraðsskjalasafn A-Hún 343
Guðrún Stefánsdóttir (d. 6.1.1992) með dóttur sína Sigríði Sigurðardóttur (d. í maí 1995). Guðrún var ráðskona og bústýra hjá Sigurði Árnasyni bónda á Höfnum í Skagahreppi (nú Skagabyggð) í nokkur ár og er Sigríður dóttir hans. Guðrún giftist aldrei og náði tæplega 102 ára aldri.
Gunnhildur Þórmundsdóttir safn010
Myndin var tekin um mánaðamótin ágúst september 1963 af skátum á leið upp í Gvendarskál í Hólabyrðu ofan við Hóla í Hjaltadal. Þá stóð yfir skátamót norðlenskra skáta að Hólum og fór hluti hópsins upp í skálina. Á myndinni er hópurinn hálfnaður upp og sér yfir Hólastað.
Hallgrímur Kristmundsson safn046
Þeir eru hressir á þessari mynd, frá vinstri: óþekktur, Birgir Árnason (d.2.2.2005) og Hallgrímur Kristmundsson (d.9.10.1998). Ekki er vitað hvar myndin var tekin en pípan var förunautur Hallgríms til æviloka. Ef þú þekkir óþekkta manninn vinsamlega sendu okkur þá athugasemd.
Héraðsskjalasafn A-Hún 384
Nýbyggð Höskuldstaðakirkja var vígð 31.mars 1963 og þá var þessi mynd tekin. Biskupinn yfir Íslandi Herra Sigurbjörn Einarsson vígði kirkjuna að viðstöddum prestum úr prófastsdæminu og fleirum. Á myndinni er Herra Sigurbjörn Einarsson (d. 28.8.2008) fyrir miðju. Vinstra megin fjær situr séra Jón Kr. Ísfeld (d.1.12.1991) en hinn presturinn er óþekktur. Hægra megin situr séra Pétur Þ. Ingjaldsson (d.1.6.1996) nær en hinn presturinn er óþekktur. Ef þú þekkir óþekktu prestana vinsamlega sendu okkur þá athugasemd.
Héraðsskjalasafn A-Hún 394
Arnfríður Sigurðardóttir (d. 2.1.1958) verkakona frá Kollugerði. Arnfríður var móðir Jónasar Vermundssonar (d.25.8.1979) frá Aralæk veghefilsstjóra.
Héraðsskjalasafn A-Hún 322
Hjónin Sveinbjörg Ósk Björnsdóttir (d. 12.7.2001) og Jónmundur Ólafsson frá Kambakoti í Vindhælishreppi (nú Skagabyggð).
Árni Geir Ingvarsson - safn 885
Falleg mynd frá Djúpuvík. Greinilega stendur eitthvað til því það er fullt af fólki á bryggjunni. Síldarverksmiðan er til vinstri og söltunarplanið fremst á bryggjukantinum framan við hana. Báturinn, sem sést í forgrunni á myndinni hét Nonni, venjulega kallaður skemmtibáturinn Nonni. Tómas Jónsson frá Reykjanesi sá um þennan bát og var skipstjóri á honum. Báturinn var notaður í sendiferðir fyrir verksmiðjuna, til dæmis út á Gjögur eða yfir fjörðinn með fólk. Þegar lítið var um að vera var farið með fólk i skemmtiferðir um fjörðinn, og jafnvel til Hólmavíkur.<br>Myndina tók Herbert Ólafsson (d. 2.4.2007) sennilega kringum 1940.
Jósef H Sigurðsson - safn 085
Myndin var tekin í sal frystihúss Hólaness hf þar sem í dag (2017) er listamiðstöðin Nes. Á miðri mynd er Sigurður Magnússon (d.2.8.2015) verkstjóri. Ragnheiður Sigurjónsdóttir úr Sunnuhlíð er lengst til vinstri og bak við hana er Ingibjörg Axelma Axelsdóttir (Didda) (d.6.3.2007) frá Læk. Á móti Diddu er Guðný Finnsdóttir og við hliðina á henni er Hrafnhildur Jóhannsdóttir úr Blálandi. Maðurinn sem ber yfir Sigurð, í hvítum jakka með dökkan sixpensara, er Árni Kristófersson (d.11.10.1982) frá Árnesi og flakarinn lengst til hægri er Ari Ólafsson úr Sævarlandi. Ari snýr baki í Jón Árnason (d.11.4.1986) frá Náttbrún/Ólafsvöllum en á móti Jóni, með hvíta húfu, er Kári Kristjánsson (d.11.12.1990) frá Kárastöðum. Milli Sigurðar og Árna er líklega Lilja Ásmundsdóttir? (d.2.4.1990) frá Holti. Aðrir á myndinni eru óþekktir.
Árni Geir Ingvarsson - safn 874
Leitarflokkur staddur í Grjótdal fyrir ofan Reykjarfjörð. Mennirnir voru við leit að Jakobi Söbeck frá Reykjarfirði sem hvarf að heiman, en fannst þarna í dalnum. Mennirnir eru: efri röð frá v/ Kristinn frá Kambi, Páll Sæmundsson Djúpuvík, Neðri röð frá v/ Kristmundur Sörlason frá Gjögri Guðmundur Ágústsson frá Kjós, Marteinn Þorláksson frá Veiðileysu og Kristján frá Flareyri.<br> Herbert Ólafsson (d. 25.4.2007) tók myndina. Herbert vann við byggingu verksmiðjunnar sem unglingur og síðan í vinnslunni þar í nokkur ár. Hann var afkastamikill áhugaljósmyndari og eignaðist sína fyrstu myndavél mjög snemma, löngu áður en þær urðu almenningseign.
Héraðsskjalasafn A-Hún 370
Pétur Hansen (d.19.11.1937) og Guðlaug Jónsdóttir (d.19.11.1931) frá Vindhæli. Pétur fæddist á Saurum 1849 en kom sem tökubarn að Vindhæli 1853 og elst þar upp til fullorðinsára. Guðlaug fæddist 1852 í Holtskoti í Biskupstungum. 1869 kemur hún, þá sautján ára, sem vinnukona að Vindhæli. Vorið 1875 giftust þau Pétur og Guðlaug og voru þá vinnuhjá hjá Árna Jónsssyni á Þverá í Hallárdal. Þaðan fara þau hjón 1876 til Nova-Scotia í Kanada bjuggu þar á nokkrum stöðum en áttu síðast heima í Hallson í N-Dakota þar sem þau dóu.
Héraðsskjalasafn A-Hún 262
Elín Rannveig Briem (d. 4.12.1937) og Stefán Jónsson (d. 1910) maður hennar, sem var verslunarstjóri á Sauðárkróki. Elín var skólastjóri eða forstöðukona Kvennaskólans á Ytri-Ey 1883 - 1895. Stofnaði Hússtjórnarskóla Reykjavíkur 1897 og rak hann til 1901 en þá flutti hún norður á Blönduós og tók við stjórn Kvennaskólans á Blönduósi, sem var arftaki skólans á Ytri-Ey. Elín skrifaði Kvennafræðarann sem fyrst kom út um áramótin 1888-1889. Bókin seldist svo vel að það þurfti að endurprenta hana fjórum sinnum. Elín hlaut hina Íslensku fálkaorðu 1921 fyrst kvenna ásamt Þórunni Jónassen.
Hallgrímur Kristmundsson safn058
Ekki er vitað hvaða prúðbúna fólk þetta er. Ágiskun er konan til vinstri sé Guðrún Helgadóttir (d. 15..4.1987), maðurinn með hattinn sé Kristmundur F. Jakobsson (d. 1.5.1976) og við hlið hans sé konan hans Jóhanna Árnadóttir (d.5.1.1941). Maðurinn með húfuna er óþekktur. Ef þú þekkir fólkið á myndinni vinsamlega sendu okkur þá athugasemd til að leiðrétta ágiskunina ef hún er röng.
Jósef H Sigurðsson - safn 056
Bræðurnir Kolbeinn Vopni Sigurðsson og Jósep Hjálmar Sigurðsson. Kolbeinn fæddist 1972 en Jósep 1961. Myndin hefur líklega verið tekin á fermingardegi Jóseps vorið 1975.
Héraðsskjalasafn A-Hún 421
Sigurbjörn Kristjánsson (d.10.9.1989) frá Kárastöðum á Skagaströnd. Sigurbjörn var bóndi og verkamaður sem rak heimili með bróður sínum, Kára, að Kárastöðum og ráðskonunni Jónínu Valdimarsdóttur þar til þau fluttu á dvalarheimilið Sæborg 1988.
Jón Jónsson 400
Þessi mynd var tekin af húsnæði plastverksmiðjunnar Mark hf við Oddagötu eftir bruna sem þar varð 14. apríl 1989. Var það í annað sinn á þremur árum sem stórbruni varð hjá fyrirtækinu. Eins og sjá má var húsið mjög illa farið eftir brunan og öll verkfæri og mót ónýttust.
Bjarnhildur Sigurðardóttir - safn 025
11. mars 1989 héldu Hólanes hf og Rækjuvinnslan hf sameiginlega árshátíð í Fellsborg. Á þessari mynd eru: Aðalheiður (Dússý) Harðardóttir til vinstri og Danica Zupancic sem störfuðu í saltfiskvinnslu Hólaness hf.
Hallgrímur Kristmundsson safn031
Óþekktur síldarbátur á fullu stími. Ef þú þekkir bátinn vinsamlega sendu okkur þá athugasemd.
Þórunn Bernódusdóttir - safn 028
Myndin var tekin á skátamóti í Vaglaskógi einhverntíma snemma á sjöunda áratugnum. Stúlkan á myndinni gæti verið Guðrún Þórbjarnardóttir úr Sigurfara á Skagaströnd. Það er þó ekki víst því myndin er óskýr.
Árni Geir Ingvarsson - safn 756
Á myndinni eru þrír áhugamenn um mótorkross-akstur að útbúa braut fyrir sig í krúsinni á melunum fyrir ofan Spákonufellsrétt. Eftir að hún var tilbúinn var hún vel nýtt af hópi áhugamanna á Skagaströnd í nokkur ár. Eftir alvarlagt slys á svæðinu dró úr notkuninni og undir það síðasta (2016) hefur brautin verið lítið notuð. Áhugamennirnir á myndinni eru frá vinstri: frændurnir Björn Sigurðsson, Björn Hallbjörnsson og Ragnar Einarsson sem stendur hjá þeim.
Héraðsskjalasafn A-Hún 388
Þessi mynd var líklega tekin við kirkjuvígslu eða þegar séra Sigurður Stefánsson var vígður sem vígslubiskup 1959 á Hólum í Hjaltadal. Prestarnir á myndinni eru frá vinstri: herra Ásmundur Guðmundsson fráfarandi biskup, séra Sigurður Stefánsson prófastur og vígslubiskup á Möðruvöllum í Hörgárdal, herra Sigurbjörn Einarsson biskup og séra Bjarni Jónsson vígslubiskup.
Guðrún Sigurðardóttir - safn 001
Hér hefur fólkið stillt sér upp til myndatöku framan við óþekkt fjárhús árið 1961. Þá var algengt að skepnuhús væru byggð úr asbesti á trégrind, eins og sést bak við fólkið, enda vissu menn þá ekki um hve heilsuspillandi efni asbest er. Fólkið á myndinni er, frá vinstri: Ingvar Jónsson (d. 29.7.1978) frá Brúarlandi, Edda Guðmundsdóttir, Jóhanna Valdimarsdóttir (Valdimars Núma Guðmundssonar), Þórey Jónsdóttir (d.29.12.1966) frá Brúarlandi, Inga Þorvaldsdóttir (d.14.12.2012) í Straumnesi dóttir hennar og Margrét Guðbrandsdóttir (d.30.3.2004), móðir Eddu á myndinni.
Árni Geir Ingvarsson - safn 917
Mennirnir eru frá hægri: Guðbrandur Þorláksson frá Veiðileysu, Vilhelm Páll Lýðsson frá Víganesi - seinna bóndi í Reykjarfirði og óþekktur maður. Herbert Ólafsson (d.25.4.2007) tók myndina líklega einhverntíma kringum 1940. Ef þú þekkir manninn lengst til vinstri vinsamlega sendu okkur þá athugasemd.
Hjördís Sigurðardóttir - safn074
Fermingar- og frændsystkini á fermingardaginn sinn vorið 1975. Frá vinstri: Hafþór Smári Gylfason, Þórey Jónsdóttir og Guðrún Björg Berndsen.
Héraðsskjalasafn A-Hún 359
Axel Helgason (d. 16.7.1971) frá Læk á Skagaströnd, verkamaður, sjómaður og sjálfsþurftabóndi.
Ólafur Bernódusson671
Rannsóknarskipið Bjarni Sæmundsson kom til hafnar á Skagaströnd í mars 2008 með gamalt tundurdufl sem þeir fengu í trollið. Starfsmaður Landhelgisgæslunnar kom svo á staðinn og eyddi duflinu á afviknum stað. Á myndinni eru tveir óþekktir skipverjar að koma sprengihleðslunni fyrir á kerru aftan í bíl björgunarsveitarinnar Strandar. Kristján Pétur Guðjónsson úr Strönd og Höskuldur B. Erlingsson lögreglumaður bíða eftir að geta flutt hana á eyðingarstaðinn.
Ólafur Bernódusson669
Ólafur Bernódusson fær sér kaffisopa á toppi Tindastóls austanverðum í súldarveðri 26. ágúst 2007. Sauðárkrókur sést í baksýn, vestari hvísl Héraðsvatna rennur til sjávar og stóra vatnið er Miklavatn en næst því er svo Áshildarholtsvatn en nær sjónum er Tjarnartjörn.
Héraðsskjalasafn A-Hún 452
Vilhelmína Andrésdóttir (1894- 24.8.1977) Ásgarði Skagaströnd og Sigríður Kristmundsdóttir (1870- 15.6.1941) Sigurðarhúsi á Skagaströnd.
Héraðsskjalasafn A-Hún 398
Ásmundur Magnússon (d. 2.2.1996) fyrrum verksmiðjustjóri í Síldaverksmiðju Ríkisins á Skagaströnd.
Gunnhildur Þórmundsdóttir safn006
Þessi mynd var tekin á einhverju móti skáta frá Skagaströnd og Blönduósi kringum 1960. Eins og sjá má á fjölda skáta á myndinni var skátastarfið afar vinsælt meðal ungmenna á stöðunum tveimur. Standandi á myndinni eru, frá vinstri: Jón Ísberg (d. 24.6.2009) félagsforingi á Blönduósi, þrír óþekktir, Árni Ólafur Sigurðsson í köflóttri skyrtu, fimm óþekktir, Jóhann Björn Þórarinsson, Kristinn Lúðvíksson (d.15.6.2016), Pétur Jóhannsson, Birgir Júlíusson, Hallbjörn Björnsson, Jóhann Ingibjörnsson, Hrafnhildur Jóhannsdóttir, óþekkt, Brynja Axelsdóttir, Frímann Lúðvíksson, Jóhanna Valdimarsdóttir, Sigríður Pálsdóttir, óþekkt og Þórður Jónsson (d. 25.12.2009) félagsforingi Sigurfara á Skagaströnd. Krjúpandi frá vinstri: Stefán Ingólfsson (d.21.10.2004), Örn Berg Guðmundsson, þrír óþekktir, Helgi Bjarnason (d.1.3.2007), Sigurjón Ástmarsson, fjórir óþekktir, ?Sigurður Hjálmarsson?, óþekktur, Steindór Haraldsson (nær), óþekktur (fjær), sjö óþekktir skátar, Margrét Valdimarsdóttir, Kolbrún Jónsdóttir, óþekkt, Fjóla Jónsdóttir og Jóhanna Hallgrímsdóttir. Ef þú þekkir einhvern af óþekktu skátunum vinsamlega sendu okkur þá athugasemd annað hvort með myndinni eða á netfangið:
[email protected]
.
Árni Geir Ingvarsson - safn 940
Þrír sjómenn slaka á um borð. Mennirnir eru óþekktir en Herbert Ólafsson (d.25.4.2007) tók myndina. Ef þú þekkir mennina vinsamlega sendu okkur þá athugasemd.
Bjarnhildur Sigurðardóttir - safn 060
Í seinni hluta október 1992 fór starfsfólk Hólaness hf, ásamt mökum sínum, saman í stutta ferð til Dublin. Þessi mynd var tekin í ferðinni þegar fjórar konur úr hópnum sungu fyrir hina á pöbbnum. konurnar eru, talið frá vinstri: Fjóla Ævarsdóttir, Svava Sigurðardóttir, Bjarnhildur Sigurðardóttir (d.22.4.2016) og Kristín Sigurðardóttir.
Árni Geir Ingvarsson - safn 912
Síldarverksmiðjan í Djúpavík og sér út Reykjarfjörð. Myndin a tók Herbert Ólafsson (d.25.4.2007) einhverntíma kringum 1940.
Ólafur Bernódusson666
Myndin var tekin í 35 ára afmæli Barnabóls 7. júní 2012. Þá komu Skoppa og Skrítla í heimsókn og skemmtu. Allir skemmtu sér vel þó sumir vildu taka meiri þátt í leiknum en aðrir.
Héraðsskjalasafn A-Hún 459
Sitjandi á þessari mynd er Ólafur Lárusson (1887 -30.5.1953) kaupfélagsstjóri á Skagaströnd 1912-1936. Standandi er Ásgeir Þorvaldsson (d.25.1.1962) úr Ásgeirshúsi á Blönduósi.
Hallgrímur Kristmundsson safn028
Því miður eru þessir sjómenn óþekktir þannig að ef þú þekkir einhvern þeirra vinsamlega sendu okkur þá afhugasemd.
Héraðsskjalasafn A-Hún 470
Árni Árnason (d. 3.6.1941) bóndi í Höfðahólum á Skagaströnd.
Árni Geir Ingvarsson - safn 839
Ekki er vitað hvenær þessi mynd var tekin af Sigurbirni Fanndal Þorvaldssyni (d.13.8.2000). Hvíta húsið í baksýn er horfið en það var Ásbyrgi eða Ásberg en húsið var þekkt undir báðum nöfnunum. Í húsinu bjuggu Frits H. Magnússon (d.19.10.1965) og Karla I. Helgadóttir (d.25.9.1986). Hitt húsið er Breiðablik.
Gunnhildur Þórmundsdóttir safn012
Myndin var tekin um mánaðamótin ágúst/september 1963 af skátum uppi í Gvendarskál í Hólabyrðu ofan við Hóla í Hjaltadal. Þá stóð yfir skátamót norðlenskra skáta að Hólum og fór hluti hópsins upp í skálina. Á myndinni hefur hópurinn stillt sér upp við altarið í skálinni en þar er sagt að Guðmundur Arason - Guðmundur góði - hafi reglulega gert bæn sína. Á myndinni eru frá vinstri: Ólafur Bernódusson, Karl Lúðvíksson, fjórar óþekktar stúlkur, Gissur Jóhannsson situr, Sigurjón Ástmarsson heldur á fánanum, Þorvaldur Skaftason stendur við hlið hans svo kemur óþekktur skáti en þá Bergur Jón Þórðarson með myndvél um hálsinn. Framan við Berg, dökkklædd, situr Hrafnhildur Jóhannsdóttir. Aðrir á myndinni eru óþekktir.
Dagný Sigmarsdóttir - safn 045
Systurnar Gugga, Lilla og Simba eða Guðrún Angantýsdóttir, Dagný Hannesdóttir og Sigurbjörg Angantýsdóttir (d.10.9.1997).
Jósef H Sigurðsson - safn 073
Systkini úr Hólaneshúsinu. frá vinstri: Sigríður Sigurðardóttir, Jósep Sigurðsson, Hjörtur Sigurðsson (d. 9.5.2015) og Magnús Sigurðsson (d.16.9.2018). Þau voru fædd á árunum 1961 - 1965.
Árni Geir Ingvarsson - safn 794
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Ekki er vitað hvar þessi mynd var tekin en Leikklúbburinn fór með sýninguna í nágrannasveitarfélögin og sýndi þar. Á myndinni reynir Steindór Haraldsson sig við píanóið og í baksýn sér í Þorvald Skaftason.
Árni Geir Ingvarsson - safn 814
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin í pásu á æfingu af þeim Ástmar Kára Ástmarssyni og Guðbjörgu Viggósdóttur.
Árni Geir Ingvarsson - safn 2 19
Þessi kona er óþekkt. Ef þú þekkir hana vinsamlega sendu okkur þá athugasemd.
1
…
148
149
150
…
167
Leita í myndasafninu
Leita