Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Þórunn Bernódusdóttir - safn 013
Jóhanna Karlsdóttir. Myndin var tekin í sunnudagsrúnti fram í Laxárdal. Ekki er vitað hvenær en líklega hefur það verið á áttunda áratugnum.
Ingibergur Guðmundsson 236
Félagsstarf aldraðra á Skagaströnd var um tíma í Höfðaskóla og þar var þessi mynd tekin. Ekki er vitað hvenær það var en á myndinni eru vinstra megin við borðið: Guðbjartur Guðjónsson (d.23.9.1992), Jónína Valdimarsdóttir (d.12.3.2020), Anna H. Aspar (d.1.9.1999) og Guðrún Guðmundsdóttir leiðbeinandi fólksins. Hægra megin við borðið eru, talið frá vinstri: Laufey Sigurvinsdóttir (d.21.12.1994), Jóna Guðrún Vilhjálmsdóttir (d.13.7.2003), Hrefna Jóhannesdóttir (d.9.11.2011) og Guðný Finnsdóttir.
Ólafur Bernódusson 687
Í mars 2008 fékk hafrannsóknarskipið Bjarni Sæmundsson RE 30 tundurdufl í trollið þar sem það var við fiskirannsóknir á Húnaflóa. Bjarni kom til hafnar á Skagaströnd þar sem duflið var tekið af tveimur starfsmönnum Landhelgisgæslunnar sem eyddu því með sprengingu. Þessi mynd er af Óla Axel Óskarssyni björgunarsveitarmanni þar sem hann bíður skipsins með börgunarsveitarbílinn tilbúinn til að flytja duflið á eyðingarstað.
Barnaból - safn403
Andri Már Gunnarsson til vinstri og Mikael Örn Benjamínsson til hægri að byggja í leikskólanum Barnabóli veturinn 2009 - 2010.
Ólafur Bernódusson 577
Kyndilberar úr bálförinni um áramótin 2006 bíða stilltir eftir leyfi brennustjóra til að kveikja í bálkestinum.
Árni Geir Ingvarsson -safn 2 140
Ragnar Smári Ingvarsson. Ekki er vitað hvenær myndin var tekin en það hefur líklega verið kringum 1965.
Hjördís Sigurðardóttir - safn063
Hér hafa frændsystkini og tengdafólk stillt sér upp fyrir sunnan Bankastræti 9 árið 1965. Frá vinstri: Guðrún Guðbjörnsdóttir með dóttur sína Guðbjörgu Gylfadóttur, Árni Ólafur Sigurðsson með Hafþór Gylfason, Reynir Sigurðsson með Steinunni Berndsen og Ómar Þorbjörnsson með Guðrúnu Björgu Berndsen.
Hjördís Sigurðardóttir - safn090
Pása í blíðunni eftir vel unnið starf við þökulagningu á 4. braut á Háagerðisvelli í ágúst 1993. Frá vinstri: Adolf H. Berndsen, Dagný Sigmarsdóttir, Soffía Pétursdóttir, Vilhelm Jónsson, Eygló Gunnarsdóttir, Guðmundur Kristinsson, Guðmundur Ólafsson og Ingibergur Guðmundsson.
Adolf H Berndsen - safn056
Eðvarð Ingvason (d. 29.5.2011) að vinna við endurbætur á Bjarmanesi einhverntíma kringum árið 2000.
Guðrún Sigurðardóttir - safn 062
Hallbjörg Jónsdóttir (d.22.12.1987) frá Þórsmörk með hluta barnabarna sinna. Þau eru frá vinstri: Sigurður Berndsen (nær), Aðalheiður Árnadóttir (fjær), Elva Dröfn Árnadóttir í fangi ömmu sinnar, Halla Kristín Árnadóttir, Jón Ólafur Sigurjónsson og Jóney Gylfadóttir. Ekki er vitað hvenær myndin var tekin en líklega hefur það verið kringum 1981.
Ingibergur Guðmundsson 254
Róbert Gunnarsson málar um borð í Arnari Hu 1 sumarið 1989. Róbert var hluti af hópi unglinga sem fengin voru til að ryðberja og mála togarann ofandekks undir verkstjórn fullorðinna.
Barnaból - safn346
Stefanía Hrund Stefánsdóttir púslar í leikskólanum Barnabóli 2008 - 2009.
Ólafur Bernódusson 654
Herdís Baldvinsdóttir og Ágúst Ingi Ágústsson kennarar við Höfðaskóla með dóttur sína Emblu Ágústsdóttur að skreyta piparkökur á piparkökudaginn í Barnabóli 21. desember 2006.
Dagný Sigmarsdóttir - safn 038
Jóla-kaffitími í Rækjuvinnslunni hf. Frá vinstri á myndinni eru: Ingólfur Bjarnason, Guðrún Angantýsdóttir, Þráinn Bessi Gunnarsson, Sólveig Eiðsdóttir (fjær), Kristján Hjartarson (d. 2.8.2003) (nær) og Björn Ingi Óskarsson. Aðrir á myndinni eru óþekktir. Ekki er vitað hvenær myndin var tekin.
Guðrún Sigurðardóttir - safn 069
Tertukaffi í fjölskylduboði. Vinstra megin við borðið sitja, frá vinstri: Sigurður Guðmonsson (d.5.8.1981) frá Þórsmörk, Aðalheiður Sif Árnadóttir (nær), Árni Ólafur Sigurðsson (fjær) frá Þórsmörk og Hlíf Sigurðardóttir kona hans. Hægra megin við borðið er Hallbjörg Jónsdóttir næst okkur en lengst frá sér í Gylfa Sigurðsson frá Þórsmörk. Stúlkan sem situr við enda borðsins er líklega Jóney Gylfadóttir. Myndin var líklega tekin rétt fyrir 1980.
Adolf H Berndsen - safn081
Ernst Berndsen (d.21.8.1983) í Karlsskála stendur á tröppunum heima hjá sér og fylgist með skipaferðum í kíki eins og hann gerði gjarnan enda vel tengdur sjómennsku sem lóðs í Húnaflóa.
Guðrún Soffía Pétursdóttir - safn107
Líkami og sál var félagsskapur kvenna á Skagaströnd sem stóð fyrir margs konar uppákomum til að rækta líkama og sál nokkra vetur í röð. Þessi mynd var tekin í hófi/skemmtikvöldi félagsskaparins í október 2005. Á myndinni er verið að flyta sér útgáfu af ævintýrinu um Rauðhettu. Frá vinstri: Jóhanna Sigurjónsdóttir (=rauðhetta), Guðrún Pálsdóttir (=sögumaður) og Bára Þorvaldsdóttir (=amman).
Ólafur Bernódusson 650
Þessi mynd var tekin í eldhúsinu í leikskólanum Barnabóli 21. desember 2006 þegar árlegu piparkökubakstur stóð yfir þar. Á myndinni bíða bræðurnir Sigurður Aron Björnsson til vinstri og Sindri Björnsson til hægri spenntir eftir ofninum með kökunum sínum í ásamt móður sinni Þórunni Ævarsdóttur.
Elínborg Jónsdóttir - safn 30
Heyskapur á túninu við Másstaði í Vatnsdal. Þarfasti þjónninn sannar enn einu sinni gildi sitt með því að draga heim sátur af þurru heyi af vellinum. Fólkið á myndinni er óþekkt en í baksýn er Flóðið í Vatnsdalsánni.
Jósef H Sigurðsson - safn 050
Aftan á þessari mynd stendur:"Siggi afi með Helgu, Evu og Sigga". Myndin var tekin í júlí 1989 en Siggi afi, eða Sigurður Magnússon, dó 2. ágúst 2002.
Guðrún Soffía Pétursdóttir - safn102
Líkami og sál var félagsskapur kvenna á Skagaströnd sem stóð fyrir margs konar uppákomum til að rækta líkama og sál nokkra vetur í röð. Þessi mynd var tekin í hófi/skemmtikvöldi félagsskaparins í október 2005. Guðrún Pálsdóttir til vinstri og Bára Þorvaldsdóttir til hægri standa upp á stólum og flytja einhver gamanmál. Konan til vinstri er óþekkt en ef þú þekkir hana vinsamlega sendu okkur þá athugasemd.
Ingibergur Guðmundsson 218
Þessi hópur frá umf. Fram á Skagaströnd tók þátt í friðarhlaupi í júlí 1987. Fólkið í hópnum hljóp til skiptis ákveðinn spöl með logandi friðakyndil sem var á hringferð um landið í höndum félaga í ungmenna- og íþróttafélögum allt í kringum landið. Það kom í hlut Fram að hlaupa með kyndilinn í Langadalnum niður að Blönduósi þar sem félagar í Hvöt tóku við honum. Á þessari mynd er hópurinn að nálgast mótsstaðinn við Hvöt og þess vegna eru allir með. Frá vinstri: Kristinn Guðmundsson, óþekktur, Stefán Sveinsson, óþekktir, Skúli Tómas Hjartarson, Adolf J. Berndsen, Atli Þórsson, Vilhelm Jónsson með kyndilinn, óþekktur í bláum bol, Guðný Finnsdóttir, Guðmundur Haukur Sigurðsson með dökk gleraugu, Jóhanna Sveinsdóttir, Baldur Magnússon,Jón Heiðar Jónsson og Kristjana Jónsdóttir.
Ólafur Bernódusson 683 - Copy
Jóhanna Jónasdóttir (d.7.8.2020). Myndin var tekin 15. október 2017 á 100 ára afmælisdegi hennar.
Jón Jónsson 478
Myndin var tekin norður eftir Króksbjargi. Fossárfoss fellur í sjó fram en lengra frá er Stapinn með gati gegnum og Stapaey.
Árni Geir Ingvarsson -safn 2 68
Þorlákur Jónsson til vinstri og Gestur Arnarson til hægri í skólaferðalagi. Líklega var myndin tekin vorið 1978 eða 1979.
Ingibergur Guðmundsson 172
Þessir tveir heiðursmenn voru sæmdir heiðursmerki sjómannadagsráðs á sjómannadaginn 1985. Haraldur Sigurjónsson (d.13.5.1986) til vinstri og Guðbjartur Guðjónsson (d.23.9.1992) til hægri.
Adolf H Berndsen - safn086
Hjónin Carl Berndsen (d.15.12.1954) kaupmaður á Hólanesi og kona hans Steinunn Berndsen (d.29.10.1953) með börnin sín fimm. Frá vinstri: Carl Emil Berndsen (d.11.1.1939), Carl, Fritz Hendrik Berndsen (d.8.8.1966), Ernst Berndsen (d.21.8.1983), Björg Berndsen (d.15.12.1963), Steinunn og Ása Berndsen (d.?). Myndin var tekin einhverntíma kringum 1910.
Barnaból - safn363
Óðinn Örn Gunnarsson að leira í leikskólanum Barnabóli 2008 - 2009.
Hjördís Sigurðardóttir - safn084
Hér er verið að vinna við að útbúa golfskálann á Háagerðisvelli. Steinþór Karlsson bankar ryk úr gömlum sófa. Vilhelm Jónsson í bláum galla er á leið inn í skálann til að taka til höndunum. Stefán Kristinsson (d.19.5.2011) er í dyrunum með eitthvað viðkvæmt í höndunum og Sigurður Berndsen er á leiðinni til að hjálpa Steinþóri í baráttunni við rykið. Karl Berndsen (d. 12.2.1995) lengst til hægri hugar að framkvæmdum úti við. Myndin var tekin í júní 1991.
Guðrún Sigurðardóttir - safn 028
Börn Gylfa Sigurðssonar og Guðrúnar Guðbjörnsdóttur. Frá vinstri: Hafþór Gylfason og Guðbjörg Gylfadóttir með systur sína Jóney Gylfadóttir í fanginu. Myndin var tekin einhverntíma kringum 1971.
Elínborg Jónsdóttir - safn 32
Þessi mynd var tekin undir bæjarveggnum á Másstöðum í Vatnsdal af heimilisfólkinu þar. Maðurinn með hattinn er Jón Kristmundur Jónsson (d.1947) bóndi þar og við hlið hans, með skotthúfu eru kona hans Halldóra Gestsdóttir (d. 17.9.1977) og dóttir þeirra Elínborg Jónsdóttir (d.7.1.2007) hallar sér upp að móður sinni. Aðrir á myndinni eru óþekktir en Jón bóndi átti þrjár dætur og einn son af fyrra hjónabandi þannig að líkum má leiða að því að þetta sé það fólk. Ef þú þekkir óþekkta fólkið vinsamlega sendu okkur þá athugasemd.
Adolf H Berndsen - safn048
Fermingarbörn vorið 1995 í Hólaneskirkju ásamt prestinum séra Agli Hallgrímssyni. Frá vinstri: séra Egill, Ragna Magnúsdóttir, Sverrir Brynjar Berndsen, Birna Ágústsdóttir, Guðjón Hall Sigurbjörnsson, Sigrún Líndal, Bæring Skarphéðinsson, Kolbrún Jónasdóttir, Birkir Rafn Gíslason, Elva Dröfn Árnadóttir, Davíð Bragi Björgvinsson, Heiðrún Ósk Níelsdóttir og óþekktur drengur.
Barnaból - safn425
Leikskólabörn úr Barnabóli í gönguferð niður á höfn veturinn 2009 - 2010. Frá vinstri: Guðjón Dunbar Þorsteinsson, Karen Líf Sigurbjargardóttir, Gabríel Goði Tryggvason og Klara Ósk Hjartardóttir.
Adolf H Berndsen - safn105
Ungir kylfingar á Háagerðisvelli sennilega kringum 1998. Sigurgeir Snævar Árnason er í miðjunni en hinir drengirnir eru óþekktir. Ef þú þekkir þá vinsamlega sendu okkur þá athugasemd.
Ólafur Bernódusson 671
Greiðslustofa Vinnumálastofnunar var formlega opnuð á Skagaströnd í byrjun maí 2007. Við það tækifæri kom ráðherra félagsmála í heimsókn ásamt ýmsum framármönnum Vinnumálastofnunar. Á þessari mynd eru systkinin Magnús Stefánsson þáverandi félagsmálaráðherra og Sigríður Stefánsdóttir hjúkrunarfræðingur á Skagaströnd.
Árni Geir Ingvarsson -safn 2 184
Ljósmyndasafn Skagastrandar sendir öllum kveðju og ósk um gleðileg jól 2017 með þessari mynd. Hún er af krökkum að flytja helgileik í kirkjunni okkar á aðventukvöldi í desember 2012 og henni fylgir ósk um að allir finni barnið í sjálfum sér um jólin og njóti þeirra með þeirri gleði sem einkennir börn á jólunum. Á myndinni eru frá vinstri: Hallbjörg Jónsdóttir, Benóný Bergmann Hafliðason, Hekla Guðrún Þrastardóttir?, Dagný Dís Bessadóttir, Ástríður Magnúsdóttir, Jóhann Almar Reynisson, Dagur Freyr Róbertsson, séra Ursúla Árnadóttir, Snæfríður Dögg Guðmundsdóttir, Aníta Ósk Ragnarsdóttir og Guðný Eva Björnsdóttir.<br>Gleðileg jól.
Barnaból - safn390
Myndin var tekin 28. nóvember 2008 á lóð leikskólans Barnabóls. Óðinn Örn Gunnarsson er strákurinn í bláa snjógallanum en aftan við hann er Freyja Dís Jóhannsdóttir aðrir eru óþekktir.
Ólafur Bernódusson 634
Mánaðarmótin febrúar mars 2011 var haldin "vinnuvika/þemavika" í Höfðaskóla. Þá var öllum nemendum skólans skipti í hópa þvert á bekki. Hver hópur fékk svo verkefni sem öll tengdust vesturferðum Íslendinga á árunum 1873 - 1914 á einhvern hátt. 4. mars var síðan haldin sýning á verkum nemendann í íþróttahúsinu. Verkin voru afar mismunandi en á sýningunni kynnti hver hópur sitt verkefni. Á þessari mynd eru frá vinstri: Alma Vignisdóttir, Saga Lind Víðisdóttir og Erna Björgvinsdóttir að kynna verk síns hóps.
Guðrún Sigurðardóttir - safn 061
Ingvar Jónsson (d.29.7.1978) hreppstjóri frá Brúarlandi heldur á frænda sínum Ingvari Þór Jónssyni á lóðinni við Þórsmörk. Húsin í baksýn eru frá vinstri: Höfðakot, Höfðaberg og Þórshamar. Einungis Þórshamar stendur enn.
Ólafur Bernódusson 628
Stóra upplestrarkeppnin er keppni 7. bekkinga í upplestri. Keppnin fer fram á landsvísu en er þó skipt í skólasvæði. Hér á svæðinu keppa nemendur úr grunnskólunum á Hvammstanga, Húnavöllum, Blönduósi og Skagaströnd. Keppnin hér er kennd við Grím Gíslason (d.31.3.2007) frá Saurbæ sem lét sig keppnina mikið varða meðan hann var á lífi. Skólarnir skiptast á um að halda hana en vorið 2010 var keppnin haldin í Fellsborg á Skagaströnd. Áður en keppnin hófst, og í hléi meðan dómarar réðu ráðum sínum, léku þær Sigurbjörg Birta Berndsen til vinstri og Guðrún Anna Halldórsdóttir til hægri, fjórhent á píanó fyrir gesti.
Ólafur Bernódusson 655
Baldur Magnússon aðstoðar son sinn Magnús Sólberg við að skreyta piprkökur á piparkökudaginn í Barnabóli 21. desember 2006. Við borðið hjá þeim situr Ólafur Halldórsson með jólasveinahúfu.
Dagný Sigmarsdóttir - safn 093
Sigmar Jóhannesson (d.20.4.2000) stoppar í við eldhúsborðið heima.
Árni Geir Ingvarsson -safn 2 54
Réttað í Spákonufellsrétt. Því miður er fólkið á myndinni óþekkt þar sem hún er mjög óskýr. Ekki er vitað hvenær myndin var tekin en sennilega hefur það verið á sjöunda áratugnum.
Guðrún Soffía Pétursdóttir - safn068
Líkami og sál var félagsskapur kvenna á Skagaströnd sem stóð fyrir margs konar uppákomum til að rækta líkama og sál veturinn 2002 - 2003. Á þrettándanum héldu þær veislu- og skemmtikvöld innan sinna raða í Fellsborg. Á þessari mynd eru frá vinstri: Guðrún Magnúsdóttir, Dagbjört Bæringsdóttir og Vigdís Ómarsdótttir
Ólafur Bernódusson 586
Árshátíð Höfðaskóla var haldin í Fellsborg vorið 2009. Þar voru flutt skemmtiatriði frá öllum bekkjum skólans, flest öll frumsamin. Á þessari mynd eru krakkar úr þáverandi 10. bekk að flytja sitt atriði. Frá vinstri: Halla Björk Víðisdóttir, Andrea Kristjánsdóttir og Sara Rut Fannarsdóttir.
Adolf H Berndsen - safn073
Hjónin Albert Haraldsson (d. 28.9.1980) og Jóhanna Thorarensen (d. 6.3.2004) í Litla - Bergi.
Barnaból - safn357
Stefanía Hrund Stefánsdóttir á þriggja ára afmæli sínu í Barnabóli 2008 - 2009.
Guðrún Sigurðardóttir - safn 071
Þetta fólk er að heimsækja leiði nákomins ættingja í kirkjugarðinum í Kollafjarðarnesi á Ströndum. Fremri röð frá vinstri: Brynjólfur Jónsson bóndi á Broddadalsá og systurnar Guðbjörg Jónsdóttir (d.?) kona Brynjólfs og Hallbjörg Jónsdóttir (d.22.12.1987) frá Þórsmörk. Fyrir aftan eru frá vinstri: Reynir Sigurðsson frá Þórsmörk með son sinn Guðmund Gauta Reynisson, Anna Heiður Guðmundsdóttir kona hans og Árni Ólafur Sigurðsson frá Þórsmörk með dóttur sína Aðalheiði Sif Árnadóttur. Ekki er vitað hvenær myndin ver tekin.
Ólafur Bernódusson 600
Á hverju vori eru haldnir lokatónleikar Tónlistarskóla A-Hún, Skagastrandardeildar. Þar koma nemendurnir fram og spila fyrir gesti sem yfirleitt fylla Hólaneskirkju þar sem tónleikarnir eru haldnir. Þessi mynd er frá tónleikunum vorið 2010 og er af Gunýju Evu Björnsdóttur að spila á þverflautu við undirleik kennara síns Hugrúnar Sifjar Hallgrímsdóttur.
Ólafur Bernódusson 593
Á hverju vori eru haldnir lokatónleikar Tónlistarskóla A-Hún, Skagastrandardeildar. Þar koma nemendurnir fram og spila fyrir gesti sem yfirleitt fylla Hólaneskirkju þar sem tónleikarnir eru haldnir. Þessi mynd er frá tónleikunum vorið 2010 og er af blokkflaututríói yngst nemendanna. Frá vinstri: Karen/Rakel Elvarsdóttir, Karen/Rakel Elvarsdóttir og Ólafur Halldórsson. Aftan við krakkana stendur kennarinn þeirra, Hugrún Sif Hallgrímsdóttir.
Árni Geir Ingvarsson -safn 2 71
Egill Bjarki Gunnarsson.
Guðrún Soffía Pétursdóttir - safn075
Konurnar sem þátt tóku í Líkami og sál verkefninu veturinn 2003-2004 fóru í óvissuferð í byrjun maí 2004. Þessi mynd var tekin um borð í Hríseyjarferjunni Sævari á leið út í eyjuna. Vinstra megin er Guðrún Sigurðardóttir og Bára Þorvaldsdóttir er hægra megin.
Dagný Sigmarsdóttir - safn 039
Sigmar Jóhannesson (d. 20.4.2000) með heimilishestinn og dætur sínar tvær, Dagný Sigmarsdóttur til vinstri og Jóhönnu Báru Hallgrímsdóttur til hægri. Myndin var tekin suður í Mýri líklega kringum 1970.
Guðrún Soffía Pétursdóttir - safn025
Ragnheiður Erla Stefánsdóttir og Óðinn Örn Sævarsson í skíðaferðalagi í Hlíðarfjalli með bekknum sínum í mars 2002.
Árni Geir Ingvarsson - safn 798
Hér á árum áður var olíubirgðastöð á Skagaströnd. Olían kom með skipum eins og Kyndli, sem er á myndinni í höfn á Skagaströnd, og var dælt úr því í tanka sem voru uppi á Höfðanum og austan við hann rétt hjá sundlauginni. Úr þessum tönkum var olían afgreidd á bíl sem flutti hana um bæinn og út um sveitir meðan notast var við olíu við upphitun húsa. Einnig var afgreiðsluslanga niðri á höfn vegna bátanna. Tankarnir eru nú horfnir og öll afgreiðsla á olíu til stórnotenda eins og stórra skipa fer fram með tankbílum. Minni bátar nýta sér olúdælur sem eru staðsettar á enda Smágarðs við Skúffugarðinn.
Jón Jónsson 453
Fjárrekstur í Svartárdal á leið að Stafnsrétt.
Barnaból - safn372
Ásgeir Sigmar Björnsson tilbúin í slaginn í leikskólanum Barnabóli á öskudaginn í febrúar 2009.
Ólafur Bernódusson 604
Á hverju vori eru haldnir lokatónleikar Tónlistarskóla A-Hún, Skagastrandardeildar. Þar koma nemendurnir fram og spila fyrir gesti sem yfirleitt fylla Hólaneskirkju þar sem tónleikarnir eru haldnir. Þessi mynd er frá tónleikunum vorið 2010 og er af Sæunni Steingrímsdóttur eftir að hún lauk leik sínum á píanóið.
Guðrún Soffía Pétursdóttir - safn033
1996 stóðu nokkrar konur fyrir átakinu Líkami og sál á Skagaströnd. Hópurinn sem tók þátt í átakinu stundaði leikfimi af miklum móð, fór í gönguferðir og fjallgöngu og nærði líka sálina með ýmsum uppákomum. Þessi mynd var tekin þegar hópurinn gekk á Spákonufellið í maí 1996. Á myndinni eru frá vinstri: Signý Richter, Þorbjörg Magnúsdóttir og baksvipur Guðrúnar Sigurðardóttur.
Ólafur Bernódusson 643
Mánaðarmótin febrúar mars 2011 var haldin "vinnuvika/þemavika" í Höfðaskóla. Þá var öllum nemendum skólans skipti í hópa þvert á bekki. Hver hópur fékk svo verkefni sem öll tengdust vesturferðum Íslendinga á árunum 1873 - 1914 á einhvern hátt. 4. mars var síðan haldin sýning á verkum nemendann í íþróttahúsinu. Verkin voru afar mismunandi en á sýningunni kynnti hver hópur sitt verkefni. Á þessari mynd slaka nokkrir nemendur á eftir að kynningum var lokið og gestum farið að fækka. Frá vinstri: Ívan Árni Róbertsson, Sigurbjörg Birta Berndsen, Eva Dögg Björgvinsdóttir, Sigurlaug Máney Sæmundsen, Guðrún Anna Halldórsdóttir og Ásdís Birta Árnadóttir.
1
…
163
164
165
166
167
Leita í myndasafninu
Leita