Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Ingvar Jónss,Lára Kristj.d.(ath), .., Bogi Björnss,Þórey Jónsd._035
Þetta ágæta fólk frá Skagaströnd er hér einhversstaðar á ferðalagi. Frá vinstri: Ingvar Jónsson frá Brúarlandi, óþekkt, ?Jón Ólafur Ívarsson?, óþekkt inni í bílnum , Bogi Björnsson, Þórey Jónsdóttir frá Brúarlandi og óþekktur maður. Myndin er sennilega tekin einhverntíma á sjötta áratugnum.
Guðmundur Guðnason059
Aftan á þessari mynd stendur: Helga Guðjónsdóttir. Ef þú veist eitthvað um þessa konu vinsamlega sendu okkur þá athugasemd.
Guðmundur Guðnason111
Þetta fólk var saman á ferðalagi í rútu þegar áð var og myndin tekin. Líklega var myndin tekin í Giljareitum á Öxnadalsheiði og einnig er líklegt að hér sé um að ræða ferðalag kirkjukórsins á Skagaströnd en Páll Jónsson var organisti í Hólaneskirkju í einhver ár og margt af fólkinu á myndinni voru kórfélagar. Ekki er vitað hvenær myndin var tekin. Á henni eru frá vinstri: fremst: óþekktur bílstjóri, Elísabet Frímannsdóttir (d. 1.9.1990) Jaðri, Guðmundur Guðnason (d. 12.11.1988) Ægissíðu, séra Pétur Þ. Ingjaldsson (d. 1.6.1996), Páll Jónsson (d. 19. 7.1979) Breiðabliki, óþekkt barn, Sigríður Guðnadóttir (d. 4.3.1964) og tvær óþekktar konur. Miðröð: Björn Haraldsson (d. 21.9.1988) Iðavöllum, Vilborg Jónsdóttir (d. ?) Bergi, Guðfinna Pálsdóttir Breiðabliki, Finnur Frímannsson (d. 18.3.1969) frá Jaðri, tvær óþekktar, Edda Pálsdóttir Breiðabliki, Ingibjörg Sæmundsdóttir en lengst til hægri er Hörður Ragnarsson (Dengsi). Aftasta röð: Elínborg Jónsdóttir (d. 7.1.2007) Röðulfelli, Sigríður Helgadóttir Skálholti, Sigurlaug Björnsdóttir (d. 7.9.1982) Iðavöllum, tveir óþekktir og Axel Helgason (d. ?) Læk. Ef þú þekkir óþekkta fólkið vinsamlega sendu okkur þá athugasemd.
Bernódus Ólafsson og Anna Aspar - safn018
Vísir Hu 10 fastur í hafís framan við höfnina á Skagaströnd. Myndin er tekin hafísárið 1965. Karlarnir eru komnir út á ísinn og eru að spá í framhaldið. Vísir gerði út á þorskanet þetta vor og aflaði oft vel - ef fært var á sjó vegna hafíssins. Varlega varð að fara innan um ísinn og reyna að nýta þær lænur sem hægt var til að komast leiðar sinnar. Um borð voru bræðurnir Jón Stefánsson (d.3.8.1991) og Jósef Stefánsson (d.9.12.2001), Bernódus Ólafsson (d.18.9.1996) og Sigurður Árnason (d.26.3.2013) sem var skipstjóri. Myndina tók Þórður Jónsson (d. 25.12.2009), sem þá var fréttaritari Morgunblaðsins, og birtist myndin, ásamt fleirum, í Morgunblaðinu nokkrum dögum seinna.
Björn Bergmann 010
Fyrstu bátarnir, Ásdís og vGuðmundur Þór, í smíðum í stöðinni 1970 - 1971. Mennirnir eru frá vinstri: Ólafur Jóhannsson, Hinrik Jóhannesson, Pálmi Sigurðsson, Jón Kr. Jónsson, Sveinbjörn Blöndal, og Eðvarð Ingvason.
Kári Kristjánsson 046
Kári Kristjánsson (f. 5.12.1914 - d. 11.12.1990) frá Kárastöðum í réttunum. Fyrir aftan hann sést í Hartmann Jóhannesson.
Ólafur Bernódusson050
Kristín Jónsdóttir spilar á saxófón á jólatónleikum tónlistarskólans í Höfðaskóla 1986. Jane Sillar kennari spilar undir á píanóið
Guðmundur Guðnason023
Af einhverjum ókunnum ástæðum hafa þessir menn límt á sig gerviskegg. Lengst til hægri er Guðmundur Guðnason (d. 21.11.1988) frá Ægissíðu en hinir tveir eru óþekktir. Ef þú veist hverjir þeir eru vinsamlega sendu okkur þá athugasemd.
Ólafur Bernódusson037
Þessi hópur fermdist frá Hólaneskirkju 1963. Í tilefni af því hittust þau í júní 1983 til að halda upp á 20 ára fermingarafmæli sitt með séra Pétri Þ. Ingjaldssyni sem fermdi þau á sínum tíma. Í öftustu röð frá vinstri: Gunnlaugur Sigmarsson, Árni Ólafur Sigurðsson, Guðmundur Guðmundsson, Örn Berg Guðmundsson (Assi), Ómar Jakobsson og Sigurjón Ástmarsson. Í miðröð frá vinstri: Þorvaldur Skaftason, Steindór R. Haraldsson, Kristín Sigurðardóttir, Gísli Kristjánsson og Guðmundur J. Björnssson. Í fremstu röð frá vinstri: Matthildur Hafsteinsdóttir Fossdal, Jóhanna Hallgrímsdóttir (Júdý), séra Pétur Þ. Ingjaldsson, Kolbrún Jónsdóttir og Guðbjörg Þorbjörnsdóttir.
Guðmundur Guðnason024
<P>Þessi mynd er sú síðasta í fimm mynda röð frá Guðmundi Guðnasyni. Hinar myndirnar eru númer 2543, 2544, 2545 og 2546. Myndirnar sýna Ole Aamundsen hjálpa Lárusi Jónssyni lækni við að klifra yfir milligerði í Spákonufellsrétt. Lárus er prúðbúinn með hatt og sker sig þannig úr öðrum sem eru að störfum í réttinni. </P><br><P>Lárus á síðustu metrunum með að komast yfir milligerðið. Eitthvað hefur það gengið brösuglega a.m.k. hefur hann misst hattinn og Ole er glottaralegur við að aðstoða Lárus. </P>
Guðmundur Guðnason027
Hér er Finnur Frímannsson (d. 18.3.1969) frá Jaðri með tvo til reiðar, sennilega á hlaðinu á Jaðri.
Guðmundur Guðnason988
Karlakór Bólstaðarhlíðarhrepps í Húnaveri.
Bernódus Ólafsson og Anna Aspar - safn043
Árið 1985 fór hópur starfsmanna og stjórnenda Hólaness hf og Skagstrendings hf til London í skemmtiferð ásamt mökum sínum. Á þeim tíma unnu tugir manna hjá hvoru fyrirtæki fyrir sig þannig að ferðin var fjölmenn miðað við íbúafjölda á Skagaströnd á þeim tíma. Tveir töffarar frá Skagaströnd tylla sér niður á útikaffihúsi í London. Benóný Gunnarsson til vinstri og Gísli Snorrason til hægri.
Óþekktur ljósmyndari134
Hér hjálpast starfsmenn Höfðahrepps að við að reisa samkomutjald á Hnappstaðatúni. Frá vinstri: Rósa Björg Högnadóttir, Mugnús Ólafsson bæjarverkstjóri, Guðrún Soffía Pétursdóttir (Obba), og Magnús B. Jónsson sveitarstjóri. Myndin sennilega tekin 1998.
Guðmundur Guðnason013
Guðrún Einarsdóttir (d.17.10.1971) frá Vindhæli, móðir Guðmanns Magnússonar bónda þar og systkina hans. Myndina tók Guðmundur Guðnason sumarið 1957.
Bernódus Ólafsson og Anna Aspar - safn025
Halldóra Pétursdóttir frá Höfðakoti. Myndin var tekin einhvertíma á sjöunda áratugnum.
Guðmundur Guðnason121
Reiptog á sjómannadegi 1970. Mennirnir sem taka á við reipið eru: Sigmar Jóhannesson (d. 20.4.2000), Jón Ólafur Ívarsson (Daddi) (d. 29.12.2013) og Gunnar Sveinsson. Mennirnir tveir á endanum eru óþekktir.
Guðmundur Guðnason049
Hof á Skaga. Kirkjan er til vinstri og gamla íbúðarhúsið til hægri en skemma næst okkur. Gamla húsið er nú horfið en nýtt reist í staðin.
Guðmundur Guðnason141
Fjársafnið að koma af fjalli til að verða réttað í Spákonufellsrétt. Ekki er vitað hvenær myndin var tekin.
Guðmundur Guðnason146
Árni Kristófersson (d.11.10.1982) Árnesi á spjalli við óþekktan mann í Höfðaskóla. Ekki er vitað hvenær myndin var tekin.
Hjördís, Adolf og börn 028
Hjónin Hjördís Sigurðardóttir og Adolf Jakob Berndsen með börnum sínum. Börnin eru, frá vinstri: Frits Hendrik Berndsen, Sigurður Berndsen, Guðrún Björg Berndsen, Steinunn Berndsen og Adolf Hjörvar Berndsen.
Guðmundur Guðnason138
Guðbergur Stefánsson frá Kambakoti, seinna í Rjúpnafelli á Skagatrönd, við réttarstörf í Hofrétt 1965.
Bernódus Ólafsson og Anna Aspar - safn012
<p>Myndin er tekin í Skagastrandarhöfn einhverntíma á sjöunda áratugnum. Blíðfari hét báturinn sem mennirnir eru um borð í. Þann bát átti Bernódus Ólafsson en þegar hér er komið er eigandinn líklega Birgir Árnason. Báturinn nær okkur er Loftur í eigu Bernódusar Ólafssonar. Innan við hann liggur Ægir sem var í eigu Þórbjörns Jónssonar og Guðmundar Jóhannessonar. Kópur HU 28 í eigu Skafta Fanndals liggur við skúffugarð, oft kallaður Biblían því byrðingurinn í honum þótti ekki efnismikill og vegna þess að Jón Kr. Jónsson og Gunnar Davíðsson fluttu hann til Skagastrandar en þeir voru báðir aðventistar á þeim tíma. Hálfi báturinn lengt til hægri er Svanur Hu 4 sem var í eigu bræðranna Baldurs og Júlíusar Árnasona.</p><br><p> </p>
Bernódus Ólafsson og Anna Aspar - safn037
Konur úr kvenfélaginu Einingin á þorrablóti í Tunnunni einhverntíma á sjöunda áratugnum. Maturinn er kominn á borðið og allt er tilbúið fyrir gestina. Stólarnir hafa verið fengnir að láni í skólanum og fólk þurfti sjálft að koma með diska og hnífapör með sér að heiman. Frá vinstri eru: Gestheiður Jónsdóttir, Helga Berndsen, Sigríður Ásgeirsdóttir, Elísabet Árnadóttir (Bebbý), Karla Helgadóttir, Jóhanna Gunnlaugsdóttir og Anna Halldórsdóttir Aspar. Matinn unnu konurnar að mestu sjálfar, gerðu slátur, lifrapylsu og lundabagga og súrsuðu, sviðu svið og gerðu sviðasultu, bökuðu brauð og og flatkökur og sáu til þess að einhver heimamaður framleiddi harðfisk fyrir þær. Skemmtiatriði voru ofast í formi upplesturs og fjöldasöngs en síðan var dansað að borðhaldi loknu eins og nú er gert við undirleik hljómsveitar þar sem harmónikan var í aðalhlutverki.
Guðmundur Guðnason043
Þetta par er óþekkt. Ef þú veist hver þau eru vinsamlega sendu okkur þá athugasemd.
Guðmundur Guðnason084
Guðjón Árnason í Ásgarði sem lítill drengur.
Ólafur Bernódusson048
Kántrýhátíðin 1985 á tjaldsvæðinu á Skagaströnd. Á þessari mynd syngur óþekkt söngkona við undirleik hljómsveitar Sigurðar Björgvinssonar en hann er gítarleikarinn með ljósa hattinn. Drengurinn neðst í horninu til vinstri er Ólafur Magnússon og stúlkan í hvíta jakkanum er Hólmfríður Anna (Día Anna) Ólafsdóttir. Aðrir eru óþekktir.
Guðmundur Guðnason086
Margrét Valdimarsdóttir (Númadóttir).
Guðmundur Guðnason008
Kjartan Bjarnason í Holti á fermingardaginn sinn.
Bernódus Ólafsson og Anna Aspar - safn011
<p>Lionsfélagar fóru í skemmtiferð til Siglufjarðar einhverntíma seint á sjöunda áratugnum og tóku konurnar sínar með. Þá var þessi mynd tekin á einhverjum áningarstað. Á myndinni eru frá vinstri: Þorfinnur Bjarnason (d. 6.11.2005) sveitarstjóri, Þórður Jónsson (d. 25.12.2009), Guðríður Bergsdóttir (d.10.6.1996) kona hans, Ingvar Jónsson (d.29.7.1978) hreppsstjóri, Friðjón Guðmundsson (d. 7.1.2001) málari, Kristján Hjartarson (d. 2.8.2003) organisti, Hildigunnur Jóhannsdóttir (d. 1.1.1996), Jón Pálsson, kennari og seinna skólastjóri, Hulda Árnadóttir (d.14.2.2007) heilsugæsluhjúkrunarkona og kona Friðjóns, Hörður Ragnarsson bífreiðastjóri, Björk Axelsdóttir kona Jóns Pálssonar, Þorgerður Guðmundsdóttir (d.24.4.2008), Páll Jónsson (d.19.7.1979) skólastjóri, Edda Pálsdóttir dóttir hans, Ole Aamundsen (d.?), Ástmar Ingvarsson (d. 10.10.1977) bifreiðastjóri og umboðsmaður, Bernódus Ólafsson (d. 18.9.1996) tollvörður, Guðmundur Guðnason (d. 21.11.1988) póstur, Jón Árnason bílstjóri frá Víðimel í Skagafirði, Jóhanna Sigurjónsdóttir (d. 15.12.1990) kona Ástmars, Anna Halldórsdóttir Aspar (d.1.9.1999) kona Bernódusar og Aðalbjörg Hafsteinsdóttir kona Harðar.</p><br><p> </p>
Guðmundur Páls. Karlsminni og Sigríður Jóhannesd. móðir hans 020
Guðmundur Pálsson frá Karlsminni (d.14.12.1976) með móður sinni Sigríði Jóhannesdóttur.
Bernódus Ólafsson og Anna Aspar - safn 047
Vetur á Skagaströnd og allt á kafi í snjó. Myndin er líklega tekin veturinn 1995-96 þegar mikill snjór var í bænum. Á myndinni er Skafti Fanndal Jónasson að moka upp bílinn sinn.
Guðmundur Guðnason151
Aftan á þessari mynd stendur: "Ferð á Hnjúkshnjúk". Torfi Sigurðsson frá Mánaskál er sitjandi lengst til vinstri en aðrir á myndinni eru óþekktir. Ekki er vitað hvenær myndin var tekin en ef þú þekkir einhvern á myndinni vinsamlega sendu okkur þá athugasemd.
Guðmundur Guðnason042
Pálfríður Benjamínsdóttir í Skálholti. Myndin var líklega tekin 1963.
Guðmundur Guðnason129
Þessi mynd er af fjölskyldunni á Balaskarði í Laxárdal. Hjónin Signý Benediktsdóttir (d. 7.1.1991) og Ingvar Pálsson (d. 18.10.1968) standa aftan við börnin sín. Þau eru frá vinstri: Ástmar Ingvarsson (d. 10.10.1977), Geirlaug Ingvarsdóttir, Elsa Ingvarsdóttir og Björg Ingvarsdóttir. Myndin var líklega tekin á hlaðinu á Balaskarði einhverntíma á fimmta áratugnum.
Bernódus Ólafsson og Anna Aspar - safn020
Halldóra Pétursdóttir (d.23.12.1987) frá Höfðakoti við tröppurnar í Stórholti. Til vinstri sér í Höfðakot.
Ævar Axelsson - safn031
Sylvía Hrólfsdóttir á barnsaldri.
Fyrir framan Kárastaði 014
Myndin er tekin framan við Kárastaði (Bankastræti 5). Seinna var byggð hæð ofan á húsið sem stendur ekki lengur. Fólkið á myndinni er óþekkt nema konan lengst til hægri er Sigurlaug Jónsdóttir (Lauga í Ási) sennilega með son sinn, Sigurbjörn Kára Lárusson, á hjólinu. Ef þú þekkir einhvern á myndinni vinsamlega sendu okkur þá athugasemd.
Óþekktur ljósmyndari125
Kántrýhátíðin 2002 var sú síðasta sem haldin var á Skagaströnd. Þá mætti gríðalegur mannfjöldi á staðinn. Rigning var alla hátíðisdagana og segja má að hátíðin hafi rignt burt. Myndin sýnir ástandið á tjaldsvæði sunnan við Íþróttavöllinn.
Guðmundur Guðnason051
Þessi flutningabíll H 275 var í eigu Valdimars Núma Guðmundssonar (d.14.3.1972) sem sá um flutninga á vörum og fólki milli Skagastrandar og Reykjavíkur í allmörg ár.
Óþekktur ljósmyndari126
Lokahátíð verkstjóra vinnuskólans á Skagaströnd. Frá vinstri: Magnús Ólafsson bæjarverkstjóri, Guðmundur Guðmundsson, Lilja Kristinsdóttir, Ragnar Smári Ingvarsson, Kolbrún Viggósdóttir, Kristín Þórðardóttir, Rósa Björg Högnadóttir og Guðrún Soffía Pétursdóttir. Myndin er tekin 14. ágúst 1998 í Kántrýbæ.
Bernódus Ólafsson og Anna Aspar - safn014
Myndin er tekin á sjómannadegiþegar verið er að undirbúa kappróður. Ártalið er óþekkt. Í bakgrunni má sjá frá vinstri: Karlsminni, Viðvík Höfðatún, Vík og líklega Sævarland.
Ólafur Bernódusson059
Páll Leó Jónsson var skólastjóri í Höfðaskóla 1986 - 1991 er hann tók við skólastjórastöðu á Blönduósi. Á myndinni er Páll í ræðustól í Fellsborg við skólaslit.
Guðmundur Guðnason096
Ægissíða. Bærinn þar sem Guðmundur Guðnason póstur og ljósmyndari bjó lengst af með foreldrum sínum Guðna Sveinssyni og Klemensínu Klemensdóttur.
Ólafur Bernódusson025
Landsbanki Íslands stóð fyrir víðavangshlaupum ungmenna á hverju vori í mörg ár. Útibúið á Skagaströnd lét ekki sitt eftir liggja og voru haldin slík hlaup í mörg ár. Þátttakendu komu af "markðssvæði" Landsbankans, Skagaströnd, Blönduósi, Hvammstanga og úr sveitunum. Þessi mynd er tekin á árunum kringum 1985 og sýnir verðlaunahafa í stúlknaflokki. Á myndinni eru þekkt: Anna Dröfn Guðjónsdóttir lengst til vinstri, Guðný Finnsdóttir er sigurvegari á efsta palli.Til hægri með hvíta húfu er Jónas Þorvaldsson og drengurinn í svarta jakkanum og er að borða ís er Friðrik Gunnlaugsson. Ef þú þekkir aðra á myndinni vinsamlega sendu okkur þá athugasemd.
Guðmundur Guðnason161
<p>Aftan á þessa mynd hefur Guðmundur ljósmyndari skrifað: <em>"Frá Hestamannamóti á Vallabökkum í Skagafirði". </em>Fleira er ekki vitað um myndina.</p>
Óþekktur ljósmyndari128
Lokahátíð vinnuskólans á Skagaströnd 1998. Á myndinni eru starfsmennirnir og hjónin Lilja Kristinsdóttir og Guðmundur Guðmundsson. Myndin var tekin í Kántrýbæ 14. ágúst 1998.
Guðmundur Guðnason120
Pálmi Sigurðsson trésmiður, sem lengi bjó í Pálmalundi (Hólabraut 27).
Guðmundur Guðnason978
Hjónin Margrét Jóhannesdóttir og Ole Aamundsen í Lundi.
Bernódus Ólafsson og Anna Aspar - safn060
Systkinin úr Höfðakoti, Steindór Rúniberg Haraldsson og Fjóla Sigurðardóttir. Myndin var tekin um 1960 á blettinum hjá Höfðakoti.
Bernódus Ólafsson og Anna Aspar - safn030
Þátttakendur á félagmálanámskeiði á Skagaströnd fengu svona skírteini að námskeiðinu loknu. Á myndinni eru standandi frá vinstri: Jóngeir Jónatansson, Bernódus Ólafsson, Jón Ingi Ingvarsson, Friðjón Guðmundsson, Helgi Gunnarsson, Hallbjörn Björnsson, Sveinn Ingólfsson, Jón Pálsson, Björgvin Jónsson, Jón Jónsson og Kristján Hjartarson. Sitjandi frá vinstri: Þorgerður Guðmundsdóttir, Ólína Steingrímsdóttir, Baldur Óskarsson leiðbeinandi á námskeiðinu, Björk Axelsdóttir, Soffía Lárusdóttir og Guðmundur Jóhannesson.
Guðmundur Guðnason999
Gamla Blönduóskirkjan í forgrunni. Handan Blöndu blasir Kvennaskólinn við.
Ólafur Bernódusson029
Þessar hressu konur sáu um mat og kaffi á Bridgemóti Skagastrandar í Fellsborg á einhverntíma á níunda áratugnum. Slík Bridgemót þar sem fólk kom víða að til að keppa í Bridge voru haldin á Skagaströnd í nokkur ár meðan starfsemi Bridgeklúbbs Skagastrandar stóð með hvað mestum blóma. Á myndinni frá vinstri: Guðrún Pálsdóttir, Helga Guðmundsdóttir, Guðmundur Sigurðssonson sem var keppnisstjóri, Bjarney Valdimarsdóttir, Bára Þorvaldsdóttir og Elín Njálsdóttir.
Afmæli Fram 1976 004
50 ára afmælisveisla umf Fram í Fellsborg 1976. Á myndinni er Kristján Hjartarson í ræðustól en frá vinstri sitjandi við háborðið eru: Steingrímur Jónsson Höfðakoti, Páll Jónsson skólastjóri, Ingvar Jónsson hreppstjóri, Unnur Gunnarsdóttir og Axel Hallgrímsson.
Bernódus Ólafsson og Anna Aspar - safn035
Mæðgurnar Signý Ástmarsdóttir vinstra megin og móðir hennar Jóhanna Sigurjónsdóttir til hægri. Myndin er tekin 1983 í eldhúsinu að Mánabraut 5.
Sigurlaug Jónsdóttir og Sigríður Björnsdóttir 079
Sigurlaug Jónsdóttir frá Ási til vinstri og Sigríður Björnsdóttir til hægri reyna styrk birkitrés í skógarlundi.
Bernódus Ólafsson og Anna Aspar - safn055
Kristín Lúðvíksdóttir á sjötta áratugnum. Myndin tekin við Stórholt.
Guðmundur Guðnason057
Séra Pétur Þ. Ingjaldsson og Pétur Jónsson fyrir utan dyr Hólaneskirkju eldri annað hvort á sjómannadegi eða eftir útför því aukastólar eru í andyrinu og aukabekkur hefur verið borinn út á hlað.
Guðmundur Guðnason048
Tvær fermingarstúlkur á tröppunum á Holtastaðakirkju. Stúlkan hægra megin er Rannveig Runólfsdóttir frá Hvammi í Langadal og Ólöf Jónsdóttir frá Ártúnum til vinstri.
Óþekktur ljósmyndari137
Lokahóf yfirmanna vinnuskólans á hótel Dagsbrún 11. október 1996. Rósa Björg Högnadóttir verkstjóri.
1
…
30
31
32
…
167
Leita í myndasafninu
Leita