Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Hjördís Sigurðardóttir - safn025
Adolf J. Berndsen (d.27.8.2018), lengst til vinstri, stendur hér við Dodge vörubíl sinn númer H 351. Maðurinn við hlið hans er óþekktur og hefur líklega verið gröfustjóri á gröfunni á myndinni. Adolf átti tvo vörubíla - H 351 - gegnum tíðina og vann sem vörubifreiðastjóri. Á þessari mynd er hann greinilega í malarflutningum e.t.v. í vegavinnu. Á þessum tíma var vinsælt hjá krökkum að fá að "sitja í" hjá bílstjórunum við vinnu sína. Sú er raunin á þessari mynd því Adolf er með þrjá unga farþega með sér í vinnunni. Það skal tekið fram að þessi mynd var tekin fyrir þann tíma að nokkrum var farið að detta í hug öryggisbelti í bílum. Myndin var sennilega tekin á sjöunda áratugnum í krúsinni/malarnáminu fyrir ofan Spákonufellsrétt.
Ólafur Bernódusson531
Gríðarlegur snjór var á Skagaströnd í janúar - maí 1995 og endalaus illviðri. Á þessari mynd er verið að ná Hafdísi Hu 2 á flot eftir að hún sökk í óveðri 17. mars 1995. Báturinn var gerður upp eftir óhappið og gerður út áfram. Ólafur Magnússon Hu 54 í baksýn.
Ólafur Bernódusson509
Jóna Guðrún Vilhjálmsdóttir (d. 13.7.2003) var aldursforseti í kvennahlaupinu í júní 1993 á Skagaströnd . Á myndinni klappa aðrir þátttakendur fyrir Jónu.
Guðmundur Guðnason084
Þessi mynd af kappróðrarbátum virðist ekki vera tekin á Skagaströnd. Bátarnir eru því óþekktir þó þeir gætu verið Gustur og Gola,sem eru kappróðrarbátarnir á Skagaströnd, smíðaðir á Akureyri.
Séra Pétur og Dómhildur - safn
<P>Séra Pétur Þ. Ingjaldsson ( f. 11. janúar 1911 - d.1. júní 1996 ) þjónaði sem prestur á Skagaströnd í 41 ár. Pétur var afar farsæll í öllum störfum sínum, maður vinsæll og eftirminnilegur öllum þeim er honum kynntust. Hann hóf prestsskap sem sóknarprestur að Höskuldsstöðum 1941, en þá heyrði sóknin á Skagaströnd undir Höskuldsstaði. Pétur flutti til Skagastrandar á sjötta áratugnum og bjó lengi í Höfða en seinna að Hólabraut 1, sem þá var prestbústaður á Skagaströnd. Prófastur varð Pétur 1967 og var stuttu seinna kjörinn á kirkjuþing þar sem hann starfaði þar til hann hætti prestskap. Séra Pétur giftist Dómhildi Jónsdóttur (f. 22. mars 1926 - d. 18. nóvember 2012 ) húsmæðrakennara frá Akureyri eftir að hann var kominn á miðjan aldur og eignuðust þau hjón tvo drengi; Jón Hall og Pétur Ingjald. Eftir að séra Pétur lést starfaði Dómhildur sem safnaðarsystir í Hallgrímskirkju og sá þar um félagsstarf aldraðra. Var Dómhildur kraftmikil og vinsæl kona sem lét sig mjög varða málefni þeirra sem höllum fæti stóðu í þjóðfélaginu bæði meðan þau hjón bjuggu á Skagaströnd og einnig eftir að hún flutti suður. Síðustu æviárum sínum eyddi Dómhildur í Hnitbjörgum á Blönduósi. Í minningargrein sem herra Sigurbjörn Einarsson biskup skrifaði um vin sinn og skólabróður, séra Pétur Ingjaldsson eru eftirfarandi orð sem þeir sem þekktu Pétur geta heilshugar tekið undir:" Þegar sr. Pétur Ingjaldsson lagði út í prestsskapinn hafði hann ekki háar hugmyndir um sjálfan sig. Það er mér kunnugt um. En hann var ráðinn í því að vera Guði sínum og kirkju hollur og trúr í vandasömu starfi. Því áformi hefur hann ekki brugðist".
Halldór001
Myndin var tekin þegar Örvar Hu 2, áður Blængur Nk 117, kemur í heimahöfn á Skagaströnd nokkrum dögum fyrir jólin 1998. Þann 22. desember 1998 kom eftirfarandi frétt í Morgunblaðinu: "Nýtt skip Skagstrendingur hf, Örvar HU 2, verður til sýnis á Skagaströnd á morgun en það kom til heimahafnar síðastliðinn sunnudag. Að auki bjóða Skagstrendingur og sjómenn félagsins til skötuveislu í Fellsborg en hún er árviss viðburður. Loks verður boðið upp á kaffiveitingar í tilefni af 30 ára afmæli Skagstrendings og komu nýja skipsins um borð í Örvari HU 2. Örvar HU 2 bar áður nafnið Blængur NK 117 og var í eigu Síldarvinnslunnar hf. í Neskaupstað en Skagstrendingur hf. festi kaup á skipinu fyrir skemmstu. Örvar er smíðaður á Spáni árið 1993. Skipið er 1.200 brúttótonn að stærð, tæpir 52 metrar að lengd og með 3.000 hestafla aðalvél. Örvar leysir eldra rækjuskip Skagstrendings hf., Helgu Björgu HU 7, af hólmi. Dagskrá hátíðarhaldanna hefst kl. 11 að morgni Þorláksmessu með hefðbundinni skötuveislu í Fellsborg í boði Skagstrendings og sjómanna félagsins. Kl. 13.30 verður nýja skipið blessað af sóknarpresti og að því loknu, eða frá kl. 14 til 17, verður boðið upp á veitingar um borð í Örvari í tilefni afmælisins og komu skipsins".
Kvenfélagið Eining - safn115
Þessi mynd var tekin í rútu í ferðalagi eldri borgara á vegum kvenfélagsins Eining að sumri til. Ekki er vitað um tímasetninguna. Frá vinstri á myndinni eru: Jóna Guðrún Vilhjálmsdóttir (d. 13.7.2003), Sveinn Kristófersson (d. 9.5.1991), Teitný Guðmundsdóttir (d. 28.2.2000), Soffía Lárusdóttir (d. 31.3.2010) stendur í ganginum, óþekkt, Björk Axelsdóttir situr hjá Ottó Ákasyni (d. 17.9.2005), Hrefna Jóhannesdóttir (d. 9.11.2011), Dagný Guðmundsdóttir (d. 22.4.2004) (fjær), Guðný Hjartardóttir (d. 14.3. 2011)(nær), Guðbjartur Guðjónsson (d. 23.9.1992) og Sigurður Jónsson. Aðrir á myndinni eru óþekktir.
Ólafur Bernódusson543
Óskar Þórðarson við vinnu sína sem framkvæmdastjóri Skagstrendings hf. Myndin var tekin veturinn 1995.
Ólafur Bernódusson516
Á þessari mynd sýnir, Sveinn S. Ingólfsson framkvæmdastjóri Skagstrendings hf, óþekktum ráðherra frá Namibíu vinnsludekkið í Arnari Hu 1. Myndin var tekin í nóvember 1994.
Guðmundur Guðnason143
Þessi maður er óþekktur. Myndin var sennilega tekin í gömlu Tunnunni þar sem maðurinn er að lesa eitthvað upp. Ef þú þekkir manninn vinsamlega sendu okkur þá athugasemd.
Óþekktur ljósmyndari168
Þorfinnur Bjarnason (d. 6.11.2005) fyrrverandi oddviti og sveitarstjóri á Skagaströnd.
Kvenfélagið Eining - safn102
Þessi mynd er úr ferðalagi eldri borgara um Vatnsdal og í Þingeyrakirkju í júlí 1997 á vegum kvenfélagsins Eining. Þessi mynd var tekin af hópnum þegar áð var við Húnavallskóla. Á myndinni eru frá vinstri:Jónína Valdimarsdóttir (d.12.3.2020), Hallur Hilmarsson bílstjóri, Jóhanna Jónasdóttir (d.7.8.2020), Sigríður Vilhjálmsdóttir (d. 21.1.2012), Björgvin Jörgensson (d. 26.2.1999), Jóhanna Thorarensen (d. 6.3.2004), Haukur Gunnlaugsson (d. 18.1.2004), óþekkt barn, Kristján Hjartarson (d. 2.8.2003), Elínborg Jónsdóttir (d. 7.1.2007), Hallgrímur Kristmundssson (d. 9.10.1998), Jóna Guðrún Vilhjálmsdóttir (d. 13.7.2003), Sveinbjörn Blöndal (d. 7.4.2010), Hrefna Jóhannesdóttir (d. 9.11.2011), Skafti Fanndal Jónasson (d. 2.9.2006), María Magnúsdóttir (d.2.2.2016), Erna Högnadóttir og Birna Blöndal (d.26.10.2018).
Guðmundur Guðnason082
Myndin var tekin 1958 - 1960 þegar yfir stóð uppboð á ýmsum eigum úr búi Engilberts Óskarssonar (d. 13. 9. 1982) og Sigríðar Helgadóttir í Skálholti. Þau voru að flytja til Reykjavíkur og til að minnka umfang flutningsins héldu þau uppboðið. Á þessari mynd eru: Albert Haraldsson (d. 28.9.1980) Litla Bergi með derhúfu og ljósan trefil um hálsinn. Margrét Sigurðardóttir (d. 8.9.1982) Fjallsminni er aftast á myndinni. Maðurinn með poka undir hendinni er Kári Kristjánsson (d. 11.12.1990) Kárastöðum og til hægri við hann með ljóst um hálsinn er Elínborg Árnadóttir (d.7.4.1979) Sólheimum. Vinstra megin við Kára er Björgvin Guðmundsson (d. ?) frá Melstað. Aðrir eru óþekktir en ef þú þekkir hitt fólkið vinsamlega sendu okkur þá athugasemd.
Ólafur Bernódusson 507
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd biður séra Egill Hallgrímsson fyrir Arnari og áhöfn þess og blessar skipið. Fréttamaður útvarps tekur upp en Guðjón Ebbi Sigtryggsson hlustar á og sama geri Steindór Haraldsson (með skegg) til hægri. Aðrir eru óþekktir. </p>
Ólafur Bernódusson481
Óskar Ingi Þórsson (d. 5.4.2007) veturinn 1990 - 91 í 10. bekk Höfðaskóla.
Kvenfélagið Eining - safn063
Í maí 1985 hélt kvenfélagið Eining tískusýningu í Fellsborg þar sem konur sýndu nýjustu fatalínurnar. Á myndinni er fyrirsætan Birna Blöndal (d.26.10.2018).
Kvenfélagið Eining - safn108
Konur í kvenfélaginu Hekla í Vindhælishreppi hinum forna (nú í Skagabyggð) tóku sig til á árunum 1930 - 33 og unnu að vegabótum á Skaganum. Þetta gerðu þær með aðstoð barna sinni en karlarnir komu ekki að verkinu. Minnisvarði um þetta framtak kvennanna var afhjúpaður við þjóðveginn um Skeiðamel stutt norðan við bæinn Hafnir hinn 2. júlí 1989. Á þessari mynd flytur Árný Hjaltadóttir formaður Heklu ræðu við afhjúpun minnisvarðans.
Ólafur Bernódusson497
Á þrettándanum (6. janúar) 1994 var spilað bingo í Sæborg í boði Íslandsbanka. Við borðið næst okkur sitja frá vinstri: Björn Sigurðsson (d. 5.10.1999), Guðný Hjartardóttir (d. 14.3.2011) og óþekkt. Jóna Guðrún Vilhjálmsdóttir (d. 13.7.2003) er konan í hvítu peysunni við næsta borð og maður hennar Skafti Fanndal Jónasson (d. 2.9.2006) er við hlið hennar. Pétur Eggertsson forstöðumaður Sæborgar stendur við skenkinn í baksýn á milli tveggja óþekktra kvenna.
Hjördís Sigurðardóttir - safn003
Tvíburarnir Ingibergur Guðmundsson og Karl Guðmundsson í kerrunni sinni fyrir utan Þórsmörk. Myndin var líklega tekin sumarið 1955. Þórsmörk er til hægri og Bjarmaland fjær.
Ólafur Bernódusson 523
M - kvöldvaka var haldin í Fellsborg 1. maí 1992. Hér var um menningarviðburð að ræða sem byggður var upp af mörgum atriðum frá heimamönnum. Húsfyllir var á kvöldvökunni og á þessari mynd eru leiknir ræningjarnir Jesper, Kasper og Jónatan úr Kardimommubænum. Þeir sem leika eru frá vinstri: Jón Ingvar Valdimarsson, Rúnar Jóhannsson og Ingólfur Bjarnason.
Óþekktur ljósmyndari188
Á stríðsárunum voru nokkrir hermenn staðsettir á Skagaströnd. Þeir höfðu ekki mikið að gera og fannst þess vegna ágætt að grípa í hin ýmsu daglegu störf með íbúum bæjarins. Á þessari mynd er einn þeirra að beita með Jörgen Berndsen (d. 25.11.2012), sem er til hægri.
Óþekktur ljósmyndari218
Gömul mynd af Bankastræti. Myndin var sennilega tekin upp úr 1940 en óvíst er með hvenær. Næst okkur á myndinni er búið að taka grunn að Höfðaborg (Bankastræti 9). Þar fyrir aftan sést grind að Flankastöðum (Bankastræti 7) og er þetta a.m.k. annað húsið sem byggt var á þessum reit undir Flankastaðanafninu. Þetta er þó ekki húsið sem stendur þarna í dag, það var byggt miklu síðar. Lágreista húsið sem ber yfir grindina að Flankastöðum var Kárastaðir (Bankastræti 5). Seinna var byggð önnur hæð ofan á Kárastaði og enn síðar var það rifið. Enn aftar eða fjær okkur á myndinni standa Draumaland og Dvergasteinn sem bæði eru horfin. Stórholt (Bankastræti 3) er ekki komið en það var byggt 1950 - 51. Lengst til hægri á myndinni er Þórshamar við Skagaveg og síðan Skálholt sem einnig stendur við Skagaveg. Húsið sem stendur vinstra megin við Skálholt, dálítið nær Höfðanum, er Höfðakot. Önnur hús á myndinni eru fjós, hlöður eða hest- eða fjárhús sem tilheyrðu þeim sem bjuggu við Bankastræti. Þó er húsið, sem stendur vinstra megin við grindina að Flankastöðum, sennilega eldra Flankastaðahús sem svo var aflagt með tilkomu hins nýja.Takið eftir að ekki er búið að gera götuna, Bankastræti, eins og við þekkjum í dag. Takið líka eftir fólkinu sem er í heyskap á blettinum neðan við Tjaldklaufina næst okkur á myndinni.
Ólafur Bernódusson 519
M - kvöldvaka var haldin í Fellsborg 1. maí 1992. Hér var um menningarviðburð að ræða sem byggður var upp af mörgum atriðum frá heimamönnum. Húsfyllir var á kvöldvökunni og á þessari mynd spila saman hjónin Rosemary Hewlett og Julian Hewlett.
Óþekktur ljósmyndari212
Háagerðisbærinn 1964. Síðustu ábúendur voru Kristján Guðmundsson (d. 16.4.1979) og Fjóla Gísladóttir (d.5.11.1991) en þau hættu búskap og fluttu til Skagastrandar upp úr 1970. Bærinn er nú löngu horfinn og á jörðinni er nú golfvöllur - Háagerðisvöllur.
Séra Pétur og Dómhildur - safn096
Þetta er mynd af gömlu brúnni yfir Laxá í Refasveit. Brúin gat verið varasöm að vetri í hálku því það voru brekkur að henni beggja megin og vinkilbeygjur inn á hana. Þetta var ekki fyrsta brúin yfir ána því að áður var brú mun nær sjónum, nálægt þeim stað þar sem laxastigar eru nú í ánni. Nýja brúin sem notuð er í dag, er staðsett um það bil þar sem rafmagnsstaurarnir eru á myndinni.
Ólafur Bernódusson534
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Ófært var út á Skaga fyrir mjólkurbílinn og tóku bændur þá það til ráðs að þeir komu á dráttarvélum sínum með mjólkina í brúsum og tunnum til móts við mjólkurbílinn, sem komst hálfa leið út að Háagerði. Þar var mjólkinni dælt í mjólkurbílinn úr ílátum bændanna. Á myndinni sést mjólkurbíllinn og dráttarvélar bændanna með mjólkurílátin sín. Allir voru bændurnir á öflugum dráttarvélum enda ófært fyrir önnur farartæki en þau sem voru vel búin t.d. með fjórhjóladrif.
Ólafur Bernódusson533
Gríðarlegur snjór var á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Ófært var út á Skaga fyrir mjólkurbílinn og tóku bændur þá það til ráðs að þeir komu á dráttarvélum sínum með mjólkina í brúsum og tunnum til móts við mjólkurbílinn, sem komst hálfa leið út að Háagerði. Þar var mjólkinni dælt í mjólkurbílinn úr ílátum bændanna. Á þessari mynd er Sigfús Guðmundsson mjólkurbílstjóri að dæla upp úr brúsum frá Árna Sveinbjörnssyni frá Króksseli. Í baksýn eru að spjalla Baldvin Sveinsson frá Tjörn, Vilhjálmur Skaftason Skagaströnd, óþekktur og Jens Jónsson frá Brandaskarði.
Kvenfélagið Eining - safn085
Í maí 1985 hélt kvenfélagið Eining tískusýningu í Fellsborg þar sem konur sýndu nýjustu fatalínurnar. Á myndinni er kynnir sýningarinnar Gunnar Svanlaugsson. Viggó Magnússon til vinstri og Ægir Jónsson til hægri virðast skemmta sér vel.
Óþekktur ljósmyndari254
Landburður af fiski var hjá Arnari HU 1 hafísvorið 1969. Gripið var til þess ráðs að koma í land með aflann óslægðan og landa honum þannig á bryggjuna þar sem slægingagengi tók við og slægði fiskinn sem síðan var fluttur upp í frystihús. Arnar hélt aftur á móti strax aftur á miðin. Slægingarmennirnir á myndinni eru óþekktir en Arnar HU 1 er í baksýn á leið út úr höfninni aftur. Einnig sjást nokkrir ísjakar á reki. Myndin var tekin löngu fyrir alla kvótasetningu á fiski á Íslandsmiðum.
Óþekktur ljósmyndari248
Tvær hrefnur skornar á bryggjunni á Skagaströnd. Það voru eingöngu aðkomubátar sem veiddu hrefnur og gerðu að þeim á bryggjunni. Maðurinn sem fylgist með hvalskurðinum með hendur í vösum er sennilega Gunnar Jónsson bílstjóri.
Ólafur Bernódusson538
Veturinn 1995 héldu krakkarnir í 8. - 10. bekk Höfðaskóla körfuboltamaraþon. Þá voru íþróttir kenndar í Fellsborg því ekki var búið að byggja íþróttahúsið og því fór maraþonið fram þar. Með maraþoninu voru krakkarnir að safna fé til kaupa á ýmsum íþróttaáhöldum. Á myndinni eru krjúpandi frá vinstri: Finnbogi Guðmundsson, Jóhannes Grétarsson, Gunnar Dór Karlsson, Smári Gunnarsson, Guðjón Hall Sigurbjörnsson, Birna Ágústsdóttir og Sigrún Líndal. Standandi frá vinstri: Geirþrúður Guðmundsdóttir, Bjarney Katrín Gunnarsdóttir, Guðrún Elsa Helgadóttir, Erla María Lárusdóttir, Linda Hafdal, Auður Eva Guðmundsdóttir, Þóra Lísebet Gestsdóttir?, Bæring Skarphéðinsson, Karen Peta Karlsdóttir, Hallbera Gunnarsdóttir?, Valrún Eva Vilhelmsdóttir, Bjarni Þórmundssson íþróttakennari og Heiðrún Ósk Níelsdóttir.
Óþekktur ljósmyndari328
Sjómannadagur sennilega 1949. Þá voru hátíðahöld á Hólanesinu. Húsin í baksýn eru Árnes, þar sem menn sitja undir vegg, Miðnes eða Sigurðarhús er stóra húsið. Lengst til hægri er Bláland og lengra frá sér í Þorfinnshúsið (Bogabraut 9).
MBJ001
Líklega er myndin frá aðalfundi Búnaðarsambands A-Hún einhverntíma á árabilinu 1950 - 1960. Í fremri röð eru, frá vinstri: Grímur Gíslason (d.31.3.2007) Saurbæ, Sigurjón Oddsson (d.10.9.1989) Rútsstöðum, Pétur Pétursson (d.7.5.1977) Höllustöðum, Jón S. Pálmason (d.9.11.1976) Þingeyrum, Hafsteinn Pétursson (d.28.8.1961) Gunnsteinsstöðum, Hilmar A. Frímannsson (d.13.6.1980) Fremstagili, Guðmundur Jósafatsson (d.16.6.1982) Brandsstöðum, Jóhannes Hinriksson (d.27.10.1973) Ásholti á Skagaströnd, Gísli H. Jónsson (d.7.12.1985) Stóra-Búrfelli og Sigurður Erlendsson (d.28.9.1981) Stóru-Giljá. Aftari röð, frá vinstri: Skúli Jónsson (d.12.7.1999) Þórormstungu, Halldór Jónsson (d.21.1.1983) Leysingjastöðum, Lárus G. Sigurðsson (d.14.10.1983) Tindum, Magnús Björnsson (d.20.7.1963) Syðra-Hóli, Pálmi Jónsson (d.9.10.2017) Akri, Kristinn Magnússon (d.26.11.1979) Kleifum, Sigurður Þorfinnsson (d.11.7..1966) Skeggsstöðum, Björn Jónsson (d.21.4.1992) Ytra-Hóli, Bjarni Ó. Frímannsson (d.10.11.1987) Efri-Mýrum, Hilmar Árnason (d.16.3.1988) Hofi, Sigurður Ö. Þorbjarnarson (d.15.3.2002) Geitaskarði, Páll Geirmundsson (d.28.1.1975) Blönduósi, Hafsteinn Sigurbjarnarson (d.18.5.1974) Reykholti á Skagaströnd og Ólafur Magnússon (d.23.8.1991) Sveinsstöðum.
Halldór003
Myndin var tekin seint í desember 1998 þegar mennirnir á myndinni voru að bíða eftir að taka á móti Örvari Hu 2, áður Blængur NK 117, þegar hann kom í fyrsta sinn til heimahafnar á Skagaströnd, þá nýkomin í eigu Skagstrendings hf. Mennirnir eru, frá vinstri: Óskar Þór Kristinsson, óþekktur, Gylfi Sigurðsson, Adolf H. Berndsen óþekktur og Jóel Kristjánsson.
Óþekktur ljósmyndari347
Gatnagerð við undirbúning lagningar slitlags á Fellsbraut 1976. Á myndinni er verið að slétta undirlagið með veghefli. Maðurinn með skófluna er óþekktur.
Séra Pétur og Dómhildur - safn115
Þarna er nýbúið að opna bókasafn Skagastrandar í kjallara Fellsborgar. Bókavörðurinn Dómhildur Jónsdóttir (d. 18.10.2012) afgreiðir, frá vinstri: Pálínu Freyju Harðardóttur, Jóney Hrönn Gylfadóttur, Katrínu Bryndísi Sigurjónsdóttur og Áslaugu Sif Gunnarsdóttur. Hrafnhildur Jóhannsdóttir bíður eftir að röðin komi að henni.
Hjördís Sigurðardóttir - safn021
Ingibjörg Fríða Hafsteinsdóttir situr á þessari mynd í góðu yfirlæti hjá tengdaföður sínum, Ernst Berndsen frá Karlsskála (d. 21.8.1983).
Guðmundur Guðnason078
Áhorfendur fylgjast spenntir með langstökkskeppni á ókunnu íþróttamóti. Ekki er vitað hvar eða hvenær myndin var tekin. Ef þú þekkir einhvern á myndinni vinsamlega sendu okkur þá athugasemd.
Ólafur Bernódusson547
Hólaneskirkja og Spákonufellið 1996.
Ólafur Bernódusson544
<P>Þessi mynd var tekin á skólaslitum Höfðaskóla 1990 í Fellsborg. Á þessari mynd er Ingibergur Guðmundsson aðstoðarskólastjóri að þakka ungum mönnum fyrir veturinn. Frá vinstri: Baldur Magnússon, Friðrik Gunnlaugsson, Atli Þórsson, Jón Heiðar Jónsson, Reynir Lýðsson, Björn Sigurðsson Gunnar Halldór Hallbjörnsson og Ingibergur. </P>
Jóhanna Jónsdóttir (Nanna á Hólanesi) - safn014
Á þessari mynd býr Karl Þ. Berndsen sig undir að stökkva stangarstökk á einhverju íþróttamóti. Ekki er vitað hvenær myndin var tekin né hvar.
Óþekktur ljósmyndari219
Gamli Grafarholtsbærinn sem stóð þar sem Bjarmaland stendur í dag við Skagaveg.
Óþekktur ljósmyndari241
Félagar úr hestamannafélaginu Snarfara á Skagaströnd á hestamannamóti á Vindheimamelum 1974. Í fremri röð eru Jóna Kristjánsdóttir og Magnús Hjaltason. Aftari röð frá vinstri: Guðrún Guðmundsdóttir, Eðvarð Ingvason (d. 29.5.2011) og Sigurbjörn Kristjánsson (d. 10.9.1989).
Óþekktur ljósmyndari345
Spákonufellsbærinn og kirkjan að Spákonufelli. Þessar byggingar stóðu þar sem kirkjugarðurinn sóknarinnar er í dag. Samkvæmt Byggðin undir Borginni<font size="1"> </font> var alkirkja á Spákonufelli a.m.k. allt frá 1318 því frá þeim tíma er til máldagi kirkjunnar. Kirkjan á myndinni var fyrsta timburkirkjan, sem þarna stóð, en hún var byggð 1852. Fram að því höfðu kirkjurnar verið byggðar úr torfi og grjóti. Þessi var notuð þar til ný kirkja var svo vigð á Skagaströnd 17. júní 1928 og enn ný kirkja þar í október 1991. <font size="1">(Heimildir: Byggðin undir Borginni bls 34 - 37 og Ágrip af sögu Spákonufells- og Hólaneskirkna 1300 - 2012 bls 26 - 28 eftir Lárus Ægi Guðmundsson).</font>
Ásta Þórhalla Þórhallsdóttir - safn011
Saltfiskur var unninn í gamla Hólanes frystihúsinu á Hólanesi þar sem í dag er áhaldahús hreppsins. Erla Theódórsdóttir að vinna við pökkun á saltfiski.
Óþekktur ljósmyndari278
Einbúinn upp af Skagastrandarhöfn. Sú saga gengur um Einbúann að ekki megi skerða hann á nokkurn hátt því í honum sé álfabyggð og sé hann skemmdur muni álfarnir hefna sín grimmilega á bæjarbúum. Eins og sést á þessari mynd gekk sjórinn upp að Einbúanum þangað til 1934 þegar uppfylling var gerð vestan við hann út í Spákonufellsey við byggingu hafnarinnar.
Ólafur Bernódusson483
Þröstur Árnason veturinn 1990 - 91 í 10. bekk Höfðaskóla
Guðmundur Guðnason158
Aftan á þessari mynd af Bergi Þórðarsyni stendur: Bergur Jón Þórðarson á Núpsskjóna. Húnaver og Bólstaðarhlíð í baksýn.
Óþekktur ljósmyndari260
Gott hal um borð í Arnari HU 1, fyrsta skuttogaranum með það nafn. Á pokanum standa þeir Níels Grímsson og Gestur Arnarson. Við hlið pokann til hægri stendur Guðmundur E. Guðmundsson. </p>
Ásta Þórhalla Þórhallsdóttir - safn010
Saltfiskur var unninn í gamla Hólanes frystihúsinu á Hólanesi þar sem í dag er áhaldahús hreppsins. Sigfús Sævar Sigurðsson vinnur á lyftara.
Ólafur Bernódusson 500
<p>Arnar Hu 1 kom til heimahafnar í fyrsta sinn 23. 12. 1992 nýsmíðaður frá Noregi. Öllum var boðið um borð að skoða hið nýja skip af útgerð skipsins Skagstrendingi hf. Skipið var ekki gert út lengi frá Skagaströnd því það var selt til Grænlands nokkrum árum síðar. Á þessari mynd eru frá vinstri: Guðjón Ebbi Sigtyggsson skipstjóri, Árni Ólafur Sigurðsson stýrimaður, Ernst Berndsen vélstjóri, Gylfi Sigurðsson sjórnarformaður Skagstrendings hf og Sveinn S. Ingólfsson framkvæmdastjóri fyrirtækisins. Myndin var tekin í brú hins nýja skips. </p>
Guðmundur Guðnason088
Þessi mynd var tekin í ferðalagi starfsmanna Guðmundar Lárussonar hringinn í kringum landið sumarið 1974. Á myndinni er fólkið að skoða bænahúsið á Núpsstað. Konan á myndinni er Ingibjörg Lárusdóttir (d. 20.9.2010) en drengurinn við hlið hennar er Kristinn Guðmundsson. Lengst til vinstri er Friðbjörg Oddsdóttir. Baksvipinn í köflóttu skyrtunni neðst í horninu til vinstri á Guðmundur Haukur Sigurðsson og hinn baksvipinn, í blárri peysu, á Sigurður Jónsson í Fjallsminni. Aðrir eru óþekktir.
Ásta Þórhalla Þórhallsdóttir - safn004
Saltfiskur var unninn í gamla Hólanes frystihúsinu á Hólanesi þar sem í dag er áhaldahús hreppsins. Á þessari mynd er vinnsla í fullum gangi. Frá vinstri á myndinni: Hans Birgir Högnason, óþekkt, Aðalheiður Harðardóttir (Dússý), Erla Theódórsdóttir og Ottó Ákason (d. 17.9.2005).
Ólafur Bernódusson487
Hólanes hf bauð starfsfólki sínu ásamt mökum til grillveislu framan við hótel Dagsbrún í júní 1992. Grillveislan var vel sótt enda var starfsfólk Hólaness margt á þessum árum. Á þessari mynd eru í efri röð frá vinstri: Anna Kristjánsdóttir, Guðný Sigurðardóttir, Kristinn Guðmundsson, Vilborg Magnúsdóttir, Bára Kristinsdóttir, Jón Hilmar Indriðason og Maríanna Ástmarsdóttir. Í fremri röðinni frá vinstri: Soffía Lárusdóttir, Elísabet Eik Guðmundsdóttir, Hólmfríður Anna Ólafsdóttir (Día Anna), Guðný Finnsdóttir og Hafdís Hrund Ásgeirsdóttir,
Jóhanna Jónsdóttir (Nanna á Hólanesi) - safn019
Frystihús Hólaness hf á Hólanesi - nú listamiðstöðin Nes. Mennirnir eru óþekktir en líklega er maðurinn til hægri með hattinn Jón Áskelsson (d. 1989) framkvæmdastjóri Hólaness hf. Myndin var tekin af bryggjustúf sem var vestan við frystihúsið. Húsin sem sjást í baksýn á milli húsa frystihússins eru Bogabraut 9 (Þorfinnshúsið) til vinstri og Holt til hægri. Ekki er vitað hvenær myndin var tekin en það hefur verið fyrri 1957 því annars mundi Höfðaskóli líka sjást á milli húsanna.
Óþekktur ljósmyndari339
Gamli bærinn í Réttarholti. Hann brann eftir að flutt hafði verið úr honum fyrir nokkru. Á myndinni sést lítið sem ekkert af Landsendarétt sem stóð á sjávarbakkanum norðan við bæinn. Fyrir miðri mynd er greinileg gamla Réttarholtsvörin eins og skurður í fjörunni.
Guðmundur Guðnason096
Þetta prúðbúna fólk er á áramótadansleik með viðeigandi höfuðföt. Frá vinstri: Þórey Ólafsdóttir frá Árbakka, Guðmundur Guðnason (d. 21.11.1988) frá Ægissíðu og hjónin Fjóla Sigurðardóttir (d. 15.7.1988) og Jón Kr. Jónsson frá Laufási.
Óþekktur ljósmyndari213
Litla Fell. Lengra frá sér í gamla bæinn að Spákonufelli. Myndin var lúiklega tekin 1949.
Óþekktur ljósmyndari208
<p>Ekki er vitað hvenær þessi mynd var tekin en á henni er Kristján Guðmundsson (d.16.4.1979) frá Háagerði í heyskap á túninu við Háagerði. Á myndinni er Kristján að ýta saman heyi með tveimur hestum eftir að hafa rakað heyinu saman í garða. Spýta var bundin aftan í hestana og síðan var staðið á spýtunni til að halda henni niðri. Hestarnir drógu svo spýtuna þar til næg hrúga af heyi var komin framan við hana. Þá var spýtunni lyft yfir hrúguna og haldið áfram framan við hana. Síðan var heyinu úr hrúgunum hlaðið upp í sæti/sátur eins og sést fyrir aftan Kristján. Seinna var svo heyinu ekið heim í hlöðu eða sett í fúlgu heim við fjárhús eða fjós. Hlutverk hesta í sveitum landsins hefur breytst mikið frá þessum tíma úr því að vera þarfasti þjónninn og helsta vinnutæki bænda yfir í það að vera fyrst og fremst skemmtigripur og skrautfjöður eiganda síns. </p><p><br></p>
Óþekktur ljósmyndari261
Þessi mynd var tekin 1937 eða 1938 af síldarskipum við Skagaströnd. Á þessum tíma var Hafnarhúsið enn á þessum stað en það var síðan flutt á núverandi stað síðar til að rýma fyrir síldarverksmiðju á sömu lóð. Nær okkur á myndinni til vinstri sést í bryggjuna frá 1922 rétt austan við Hólsnefið og þar eru menn í aðgerð.
1
…
62
63
64
…
167
Leita í myndasafninu
Leita