Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Kvenfélagið Eining - safn061
Kvenfélagið Eining stóð fyrir samkomu í Fellsborg í janúar 1986 sennilega í samvinnu við kvenfélagið Vöku á Blönduósi. Á þessari mynd er fjöldasöngur í gangi. Á myndinni eru frá vinstri: Birna Blöndal (d.26.10.2018), Gréta Arelíusdóttir, Sigrún Lárusdóttir með gítarinn, Jökulrós Grímsdóttir, Alda Friðgeirsdóttir, Þórunn Þorláksdóttir og Jóna Guðrún Vilhjálmsdóttir (d. 13.7.2003).
Óþekktur ljósmyndari249
Kjötþvottur í sláturhúsi Kaupfélags Skagstrendinga KAST einhverntíma upp úr 1960. Konurnar á myndinni eru Guðrún Angantýsdóttir til vinstri og Ólína Steingrímsdóttir (d. 4.2.1994) til hægri. Sláturhúsið var þar sem seinna var fiskmóttaka í frystihúsi Hólaness hf við Einbúastíg.
Guðmundur Guðnason172
<p>Jóhanna Bertelsdóttir</p>
Guðmundur Guðnason104
Guðrún Angantýsdóttir hellir á könnuna heima í eldhúsinu sínu að Hólabraut 3.
Dagný Sigmarsdóttir004
Rækjuvinnslan var byggð á árunum 1971- 1974 og var þá þegar hafin rækjuvinnsla í húsinu. Vinnsla lagðist svo af þar árið 2004 eftir samruna Skagstrendings Hf við FISK Seafood á Sauðárkróki. Meðan vinnsla var í gangi í húsinu var Rækjuvinnslan einn af burðarásunum í atvinnulífinu á Skagaströnd með tugi fólks í vinnu. Á þessari mynd eru þau Jóna Guðjónsdóttir og Grétar Haraldsson verkstjóri við vinnu sína í pökkunardeildinni.
Ólafur Bernódusson542
Þessi mynd var tekin á skólaslitum Höfðaskóla 1990 í Fellsborg. Á þessari mynd afhendir Ingibergur Guðmundsson, þá aðstoðarskólastjóri, einhver verðlaun. Frá vinstri: Guðmundur Henry Stefánsson, Svanur Árnason og Reynir Lýðsson.
Óþekktur ljósmyndari225
Þessi mynd sýnir síldarsöltun á planinu í Skagastrandarhöfn 1935. Þetta er merkileg mynd að því leiti að þetta var fyrsta sumarið sem síld var söltuð þarna enda var bryggjan sem planið er á byggð sumarið áður 1934. Með því að telja fólkið á myndinni er auðvelt að ímynda sér hve mikil áhrif síldarvinnan hafði í samfélginu þar sem áður hefði ekki verið um mikla vinnu að ræða.
Ólafur Bernódusson536
Óvenju snjólétt hefur verið á Skagaströnd það sem af er vetri 2016 - 2017. Þessi mynd er sett hér inn til að minna fólk á að svo hefur ekki alltaf verið. Til dæmis var gríðarlegur snjór á Skagaströnd í janúar - maí 1995 með sífelldum illviðrum. Snjómokstur gekk erfiðlega því erfitt var að koma snjónum fyrir nema aka honum í sjóinn. Fljótlega var því gripið til þess ráðs að þjappa snjóinn með jarðýtu og síðan var ekið ofan á snjósköflunum kannski tveggja metra þykkum. Þessi mynd var tekin í Mýrinni og sýnir fannfergið þar.
Ólafur Bernódusson487
Linda Rós Rúnarsdóttir veturinn 1990 - 91 í 10. bekk Höfðaskóla
Guðmundur Guðnason086
<p>Mynd frá vígslu Höfðaskóla haustið 1958. Presturinn á myndinni er séra Pétur Þ. Ingjaldsson ( d.1.6.1996) og maðurinn við hlið hans er Hafsteinn Sigurbjarnarson (d. 18.5.1974) frá Reykholti. Sigurjón Jóhannsson (d. 20.11.1974) kennari frá Baldursheimi er númer tvö frá vinstri. Aðrir eru óþekktir. </p>
Óþekktur ljósmyndari293
Börn við framkvæmdir í fjörunni fyrir neðan Læk. Lækur er húsið til vinstri en lengra frá sér í Efri Læk. Börnin eru óþekkt.
Hjördís Sigurðardóttir - safn029
<p>Fermingarbörn vorið 1975 með séra Pétri Þ. Ingjaldssyni (d.1.6.1996) í Hólaneskirkju eldri. Aftari röð frá vinstri: Páll Jónsson, Jósef Sigurðsson, Egill Bjarki Gunnarsson, Ástmar Kári Ástmarsson og Hafþór Smári Gylfason. Fremri röð frá vinstri: Ásdís Þórbjarnardóttir, Lilja Kristinsdóttir, Guðrún Björg Berndsen, Þórey Jónsdóttir, Þórdís Guðmundsdóttir og Hjálmfríður Bjarnadóttir.
Óþekktur ljósmyndari238
Guðni Sveinsson (d.15.11.1971) frá Ægissíðu tekur þátt í Norrænu skíðagöngukeppninni 1964. Keppnin fór fram um öll Norðurlöndin og átti fólk að ganga á skíðum ákveðna útmælda vegalengd eins oft og það kaus. Haldin var skrá yfir hverjir gengu og hve oft. Síðan var vegalengdin lögð saman þ.e. hvað fólk hverrar þjóðar gekk langt samtals og síðan var fundið út hvaða land hafði sigrað miðað við höfðatölu. Þátttakendur fengu síðan afhent barmmerki gull, silfur og brons að uppfylltum ákveðnum fjölda ferða. Guðni tók þátt í keppninni fram á gamals aldur og hafði gaman af.
Ólafur Bernódusson504
Í tengslum við Reiðhjóladag í Höfðaskóla í maí 1994 gaf Rauða kross deildin á Skagaströnd öllum yngstu börnum skólans nýja reiðhjólahjálma. Hér er hópurinn fyrir sunnan skólann með nýju hjálmana. Svo er bara að þekkja sjálfan sig á myndinni....
Séra Pétur og Dómhildur - safn108
Myndin var tekin eftir að séra Pétur Þ. Ingjaldsson hafði tekið fyrstu skóflustnguna að byggingu nýrrar Hólaneskirkju árið 1979. Á myndinni eru frá vinstri: Adolf J. Berndsen (d.27.8.2018), Bjarney Valdimarsdóttir, Dómhildur Jónsdóttir (d. 18.10.2012), Lárus Ægir Guðmundsson, Stefán Ægir Lárusson, Hulda Magnúsdóttir, Elín Njálsdóttir, Pálína Harðardóttir, Þorsteinn Jónsson, óþekkt, Georg Hjartarson (d. 13.9.2001), Ægir Jónsson, Guðrún Sigurðardóttir, Bára Þorvaldsdóttir (d.7.2.2022), Skafti Fanndal Jónasson (d. 2.9.2006), Guðrún Guðbjörnsdóttir, séra Pétur (d. 1.6.1996), Aðalbjörg Hafsteinsdóttir (d.10.3.2022), Aðalheiður Guðmundsdóttir (d. 24.9.2011), Kristján Hjartarson (d. 2.8.2003) og Gunnlaugur Sigmarsson.
Óþekktur ljósmyndari226
Minnismerki um drukknaða sjómenn afhjúpað fyrir utan Hólaneskirkju (eldri) 1972. Birgir Árnason (d. 2.2.2005) þáverandi formaður slysavarnadeildarinnar afhjúpaði minnismerkið og sést hann til hægri með hvítt klæði í höndum. Minnismerkið er enn á sínum stað og á hverjum sjómannadegi er lagður krans að því eftir messu í Hólaneskirkju. Maðurinn við horn kirkjuskipsins er Pálmi Sigurðsson (d. 21.4.1992) en framan við hann stendur Kristján Hjartarson (d. 2.8.2003). Gunnar Sveinsson stendur aftast, bak við prestinn og Ómar Jakobsson stendur aftar og sést til vinstri við höfuð Birgis. Jón Ólafur Ívarsson (Daddi) (d. 29.12.2013) stendur lengst til hægri. Aðrir á myndinni eru óþekktir. <br>
Jóhanna Jónsdóttir (Nanna á Hólanesi) - safn016
Þessir virðulegu menn eru Páll Jónsson (d. 19.7.1979) skólastjóri á Breiðabliki til vinstri og Jón Áskelsson (d. 1989) framkvæmdastjóri Hólanes hf, búandi í Hólanesi, til hægri. Aftan á þessa mynd hefur Páll skrifað eftirfarandi kveðju til Jóns: <em>"Jón ! Þakka samstarfið við skattstörfin o.fl.. Páll".</em> Ekki er vitað hvenær myndin var tekin.
Óþekktur ljósmyndari243
Myndin var tekin í fjörunni fyrir neðan Læk um 1960. Á henni eru tveir nótabátar, tvær trillur og ein skekta. Lágreista húsið lengst til vinstri er Viðvík þar sem rekið var gisti- og veitingahús á árunum 1867 og fram til 1883. Sæborg (Góubær) ber í skólahúsið og neðst húsið við Bogabraut, á þessum tíma, var Þorfinnshúsið (Bogabraut 9) sem sést yfir Sævarland.
Guðmundur Guðnason145
Fjársafn við Spákonufellsrétt. Á árum áður var algengt að menn ættu nokkrar kindur í fjárhúsum einhversstaðar. Tölur um fjáreign bæjarbúa eru nokkuð á reiki en talan 3000 fjár er oft nefnd sem fjáeign á árunum í kringum 1960 og upp úr því. Í dag eru kindur í eigu Skagstrendinga nær tölunni 20.
Leikklúbbur Skagastrandar - safn017
Allra meina bót eftir bræðurna Jónas og Jón Múla Árnasyni var sýnt í Fellsborg á vegum Leikklúbbs Skagastrandar leikárið 1976 - 1977. Á myndinni eru í hlutverkum sínum, frá vinstri: Bernódus Ólafsson (d. 18.9.1996), Elín Njálsdóttir og Hjörtur Guðbjartsson.
Hjördís Sigurðardóttir - safn041
Myndin var tekin 1978 af Adolf J. Berndsen (d.27.8.2018) oddvita Höfðahrepps. Í baksýn er dýpkunarskipið Grettir að dýpka höfnina með því að moka sandi og móhellu úr botninum í prammann sem liggur við hlið Grettis. Báturinn lengst til hægri dró síðan prammann fullan fram fyrir Höfðann þar sem botn hans var opnaður og sandinum hleypt úr.
Ólafur Bernódusson503
Lögreglan skoðar reiðhjól og útbúnað eigenda þeirra á hjóladegi Höfðaskóla í maí 1994. Næst okkur á myndinni bíður Anna María Magnúsdóttir eftir að röðin komi að henni. Aðrir eru óþekktir.
Guðmundur Guðnason076
Þessir tveir óþekktu hlauparar leggja sig alla fram og áhorfendur fylgjast spenntir með. Ekki er vitað hvar eða hvenær myndin var tekin. Ef þú veist eitthvað um myndina vinsamlega sendu okkur þá athugasemd.
Ólafur Bernódusson485
Börkur Árnason veturinn 1990 - 91 í 10. bekk Höfðaskóla
Óþekktur ljósmyndari303
<p>Á þessari mynd eru verkamenn við grjótnám í Höfðanum vegna hafnargerðar á Skagaströnd 1934. Milli 40 og 60 verkamenn unnu við hafnargerðina þetta sumar. Grjótið var sprengt úr Höfðanum og komið upp á vörubíl, oftast með handafli, og síðan flutt í uppfyllingu frá landi og út í Spákonufellsey, sem einnig var brotin niður að hluta og notuð í uppfyllinguna. Strax sumarið 1935 var svo söltuð síld á tréplani í höfninni, sem gjörbreytti allri aðstöðu fyrir báta og fiskmóttöku. Húsin í baksýn voru Melstaður (nær) og Laufás lengst til vinstri.</p>
Hjördís Sigurðardóttir - safn036
Þessir menn sem eru að spjalla fyrir framan Fellborg einhverntíma á árunum 1984 - 1986 eru frá vinstri: Jón Ingi Ingvarsson rafvirki og framkvæmdastjóri síldaverksmiðjunnar á Skagaströnd, Adolf J. Berndsen (d.27.8.2018) oddviti Höfðahrepps og stjórnarformaður í Mánavör hf, Sigfús Jónsson sveitarstjóri á Skagaströnd og Ómar Haraldsson framkvæmdastjóri Mánavarar hf.
Hjördís Sigurðardóttir - safn035
Þessi mynd er af fjölskyldunni í Þórsmörk. Fyrir miðju eru foreldrarnir, hjónin Hallbjörg Jónsdóttir (d. 22.12.1987) og Sigurður Guðmonsson (d. 5.8.1981). Börn þeirra eru frá vinstri: Reynir Sigurðsson, Gylfi Sigurðsson, Guðrún Sigurðardóttir, Aðalbjörg Sigurðardóttir (d.10.12.2015), Hjördís Sigurðardóttir og Árni Ólafur Sigurðsson. Myndin var tekin á hlaðinu á Broddadalsá þegar Jón Sigurðsson (d.?), sem var einn af systkinunum, var jarðaður.
Skagaströnd - safn021
Spákonufellshöfði eða Höfðinn eins hann er kallaður í daglegu tali. Myndin er tekin norðanfrá og lengst til hægri er Sauðskerið þá Arnarstapinn og Landsendi þar sem hallar niður af Höfðanum til austurs.
Skagaströnd - safn054
1979 Stóð FRÍ fyrir landshlaupi. Hlaupið var hringinn kringum landið en hlauparar komu frá ungmennafélögunum hverju á sínum stað. Þetta er mynd af hópnum frá umf. Fram á hlaupum. Frá vinstri: óþekktur, Kristjana Jónsdóttir, Guðrún Guðbjörnsdóttir, Kristín Sigurðardóttir, Kristinn Guðmundsson, óþekkt, Magnús Ólafsson, Soffía Guðmundsdóttir, óþekktur og Jón Pálsson
Óþekktur ljósmyndari199
Sigurjón Jóhannsson (d. 20.11.1967) Baldursheimi. Sigurjón var farkennari á Skagaströnd í mörg ár áður en fastur skóli var stofnaður þar 1939.
Guðmundur Guðnason120
Á þessari mynd er Hallbjörn Björnsson (Halli Boss) að taka þátt í tunnuboðhlaupi á sjómannadegi 1970 á planinu við Hafnarhúsið. Hallbjörn verður að borða egg áður en hann heldur áfram.
Óþekktur ljósmyndari187
Nýbyggingarráð kom í heimsókn til Skagastrandar í lok apríl 1945. Ráðinu var haldin veisla og þessar konur gengu um beina í veislunni. Frá vinstri: systurnar: Guðrún Helgadóttir (d. 15.4.1987), Magdalena Helgadóttir (d. ?), Karla Helgadóttir (d. 25.9.1986) og Jóninna Pálsdóttir. Drengurinn á myndinni er Adolf J. Berndsen <font size="1">(Heimild: Byggðin undir Borginni (1989) bls 186).</font>
Guðmundur Guðnason098
Ásbjörg Hu 5 að koma úr róðri. Í bók Lárusar Ægis Guðmundssonar, Sjósókn frá Skagaströnd & vélbátaskrá 1908 - 2010, segir svo um þennan bát: <em>" Ásbjörg Hu 5 292. Báturinn var smíðaður úr eik og beyki í Hafnarfirði árið 1939 og var 26 brl. með 90 ha. June Munktell vél. Árið 1953 var sett í hann 118 ha. Caterpillar vél og 1970 kom 230 ha. Scania vél. Útgerðarfélag Höfðakaupstaðar h/f keypti bátinn frá Hafnarfirði 1947 og hét hann þá Ásbjörg GK 300. Hann var gerður út til 1959 en seldur í febrúar 1960 til Reykjavíkur og skráður þar Ásbjörg RE 55. Báturinn var talinn ónýtur og tekinn af skrá í árslok 1977 en þá var hann með sama nafni í eigu aðila á Hólmavík:"</em>
Óþekktur ljósmyndari313
Húni HU 1 liggur innan við Húna II HU 2 við löndunarbryggjuna í Skagastrandarhöfn árið 1963 eða ´64. Aftan við þá liggja Hrönn HU 15 og Helga Björg HU 7. Bátarnir til hægri eru líklega Loftur HU 5, næst okkur, Ægir HU 30 og Njörður HU 16 upp við bryggjuna.
Séra Pétur og Dómhildur - safn104
Þessi mynd var sennilega tekin fyrir utan Hofskirkju eftir fermingu. Ekki er vitað hvenær en það mun hafa verið í kringum 1948. Aftan á myndinni stendur: <em>Einar Guðmundsson Saurum, Helgi Ólafur Pálsson Bakka, Sigurður Björn Arason Örlygsstöðum, sr. Pétur Ingjaldsson Höskuldsstöðum, Guðfinna Pálsdóttir Hofi, Sveinn Sveinsson Tjörn, Árni Hólm Víkum, Stefán Hólm Skeggjastöðum, Hallmann Lárusson Kálfshamarsvík.</em>
Jóhanna Jónsdóttir (Nanna á Hólanesi) - safn007
Starfsstúlkur í frystihúsi Hólanes hf meðan það var með vinnslu sína á Hólanesi. Frá vinstri: Teitný Guðmundsdóttir (d. 28.2.2000), Karla Helgadóttir (d. 25.9.1986), Jóhanna Jónasdóttir, Ingunn Valdís Júlíusdóttir (d. 22.4.1998), Guðrún Angantýsdóttir, Rósa Pétursdóttir (d. 10.10.1998), Oddný Jóhannsdóttir, Elín Jónsdóttir og Sigurbjörg Angantýsdóttir (d. 10.9.1997). Ekki er vitað hvenær myndin var tekin.
Óþekktur ljósmyndari171
Myndin var tekin 1962 og sýnir síldarþrærnar við verksmiðjuna. Þrærnar voru í tveimur átta þróa röðum með vegg á milli. Í botninum, á milli þeirra, var færiband sem flutti síldina úr þrónum inn í verksmiðjuna sjálfa sem er fyrir endanum á myndinni. Til vinstri á myndinni er svo færibandið sem flutti síldina frá löndunarkrananum og í þrærnar. Til vinstri og hægri við þrærnar voru skúrar eða lítil hús sem notaðir voru sem geymslur undir t.d. salt, rotvarnarefni og annað sem verksmiðjan notaði. Syðsti skúrinn hægra megin var þó notaður fyrir síldarradíóið en þar var alltaf maður á vakt yfir síldveiðitímann og voru skipin í sambandi við hann með aflatölur, löndunartíma og annað þess háttar. Þrærnar hafa nú verið brotnar niður til að skapa gámapláss á höfninni en ef einhvern langar að púsla þeim saman aftur þá er grjótmulningurinn úr þeim í haug í grifjunni fyrir ofan Spákonufellsrétt :-).
Ásta Þórhalla Þórhallsdóttir - safn003
Saltfiskur var unninn í gamla Hólanes frystihúsinu á Hólanesi þar sem í dag er áhaldahús hreppsins. Á þessari mynd er kaffitími. Frá vinstri: Davíð Reynisson, Sigfús Sævar Sigurðsson, óþekkt, Gunnar Albertsson og baksvipurinn á Ottó Ákasyni (d. 17.9.2005).
Óþekktur ljósmyndari247
"Axel með kerfið" var hann kallaður íþróttakennarinn sem ferðaðist um landið og hélt íþróttanámskeið. Námskeiðin byggðust á heraga þar sem nemendur voru látnir gera fimleikaæfingar o.fl. undir stjórn Axels. Myndin var tekin af hópi krakka á námskeiði fyrir utan gömlu Tunnuna en þar var námskeiðið haldið einhverntíma á árunum 1962-1963 . Lengst til vinstri er Reynir Sigurðsson frá Þórsmörk. Fyrir miðri mynd er Bergur J. Þórðarson úr Skjaldbreið í röndóttri peysu og hvítum stuttbuxum. Vinstra megin við hann er Finnur Kristinsson úr Héðinshöfða í köflóttri peysu og dökkum stuttbuxum. Lengst til hægri er Karl Lúðvíksson frá Steinholti og við hlið hans vinstra megin er Óskar Kristinsson úr Héðinshöfða.
Kvenfélagið Eining - safn095
Hér sjást kvenfélagskonur í Einingu við framleiðslu á ullar-neyðarfatnaði fyrir sjómenn. Fatnaðinn gáfu þær síðan um borð í skip sem gerð voru út frá Skagaströnd. Vinstra megin er Soffía Lárusdóttir(d. 31.3.2010) í köflóttri peysu og dökkhærða konan er Elísabet Árnadóttir (Bebbý), hinar eru óþekktar. Hægra megin eru frá vinstri: Lára Kristjánsdóttir (d. 6.9.1993), Rósa Pálsdóttir (d. 1.5.2002), Soffía Sigurðardóttir (d. 24.10.2002), Karla Helgadóttir (d. 25.9.1986), Halldóra Pétursdóttir (d. 23.12.1987), Dómhildur Jónsdóttir (d. 18.10.2012), óþekkt og Jóna Guðrún Vilhjálmsdóttir (d. 13.7.2003).
Hjördís Sigurðardóttir - safn023
Guðrún Helgadóttir (d. 15.4.1987) á Karlsskála með tvö af ömmubörnunum sínum; Fritz Hendrik Berndsen til vinstri og Karl Berndsen (d.28.1.2020) til hægri. Myndin var sennilega tekin 1967-´68.
Ólafur Bernódusson530
Pungaprófsnemar, ásamt leiðbeinendum, á eldvarnarnámskeiði í febrúar 1995. Frá vinstri: Árni Björn Ingvarsson, Ingibjörg Kristinsdóttir (nær), Jón Gunnarsson, tveir óþekktir, Gylfi Guðjónsson, óþekktur, Jón Örn Stefánsson (krýpur), óþekktur, Svanur Árnason (krýpur), óþekkt, Gunnar Jónsson, óþekktur, Steinn Rögnvaldsson og óþekktur. Ef þú þekkir einhvern á myndinni vinsamlega sendu okkur þá athugasemd.
Óþekktur ljósmyndari190
Emma Pálína Jónsdóttir (d.29.2.1976) á Spákonufelli fyrsti formaður (forstöðumaður) kvenfélagsins Eining 1927. Emma var systir Páls skólastjóra á Breiðabliki og Péturs og Vilborgar á Stóra Bergi.
Leikklúbbur Skagastrandar - safn024
Hart í bak er eitt af þekktustu leikverkum Jökuls Jakobssonar (d. 25.4.1978) en það var frumsýnt hjá Leikfélagi Reykjavíkur 1962. Leikklúbbur Skagastrandar tók verkið til sýninga leikárið 1978 - 1979 og sýndi það í Fellsborg og nágrannabyggðum við góðar undirtektir. Á þessari mynd eru í hlutverkum sínum, frá vinstri: Hallbjörn Hjartarson, Magnús B. Jónsson, Jón Helgi Eiðsson og Birna Blöndal. Myndina tók Jónas Baldursson.
Ólafur Bernódusson508
Fjöldi kvenna tók þátt í kvennahlaupinu í júní 1993. Hér eru konurnar að leggja af stað. Fremstar fara Vigdís Ómarsdóttir með barnavagn en Dagný Sigmarsdóttir er við hlið hennar. Aftan við Þær eru mæðgurnar Hjálmfríður Guðjónsdóttir í grænum buxum og Halldóra Þorláksdóttir. Aðrar eru óþekktarn
Óþekktur ljósmyndari191
Árni Árnason (d.1941) frá Höfðahólum
Séra Pétur og Dómhildur - safn107
Séð heim að kirkjustaðnum Höskuldsstöðum. Prestssetrið lengst til hægri, gamla kirkjan í miðjunni og sú nýja lengst til vinstri. Nýja kirkjan var vígð 31. mars 1963 og sennilega var þessi mynd tekin um það leyti.
Ólafur Bernódusson488
Sumarið 1993 var haldinn sölumarkaður í Kántrýbæ. Myndin er frá markaðnum. Aftast horfir Sigrún Guðmundsdóttir á ljósmyndarann og við hlið hennar er tengdadóttir hennar Elva Þórisdóttir. Lovís Vattnes er fremst fyrir miðri mynd en konan í dökka jakkanum til hægri er Karitas Pálsdóttir en aftan við hana er Steinþór Karlsson.
Guðmundur Guðnason134
<p>Aftan á þessa mynd hefur verið skrifað:" <em>Í Spákonufellsrétt. Réttarstjóri Jón Sölvason í Réttarholti sést á miðri myndinni". </em>Ekki er vitað hvenær myndin var tekin en Jón Sölvason dó 17.8.1969 þannig að augljóslega var myndin tekin fyrir þann tíma. Aðrir á myndinni eru óþekktir.</p>
Ólafur Bernódusson 513
Vorið 1993 setti Leikklúbbur Skagastrandar á svið leikritið Stálblóm eftir Robert Harling. Leikstjóri var Jónas Jónasson (d. 22.10.2011) sem var kunnur útvarpsmaður í áratugi. Á þessari mynd eru í hlutverkum sínum, frá vinstri: Elín Njálsdóttir, Birna Blöndal, Guðný Sigurðardóttir, Lovísa Stefánsdóttir, Jensína Lýðsdóttir og Sigrún Jónsdóttir. Myndin var tekin á æfingu.
Guðmundur Guðnason126
<p>Óþekktur prestur með barnahóp í kirkjudyrum. Ef þú þekkir einhvern á myndinni vinsamlega sendu okkur þá athugasemd. </p>
Skagaströnd - safn092
Þessi mynd var tekin af þeim Sigurjóni Ingólfssyni og Hallbjörgu Jónsdóttur með son sinn Jón Ólaf Sigurjónsson í júní 1982. Tilefni myndatökunnar var að þá var þeim afhent fyrsta íbúðin í Verkamannabústöðum við Suðurveg.
Óþekktur ljósmyndari323
Myndin var tekin af tveimur starfsstúlkum saumastofunnar Víóla. Þorgerður Guðmundsdóttir (d. 24.4.2008) til vinstri og Ragnheiður Sigurjánsdóttir til hægri. Víóla var með starfsemi sína á efstu hæðinni í Gamla Kaupfélaginu á árunum eftir 1970.
Séra Pétur og Dómhildur - safn097
Þessi mynd var tekin fram Hafnargarðinn ( nú Útgarð) 1957. Unnið við að gera síldartunnur klárar ef sá brellni fiskur skyldi láta sjá sig.
Guðmundur Guðnason162
Aftan á þessari mynd stendur: <em>"Kjartan við birkirunna á Stóra - Núpi".</em> Ef þú veist hver þessi Kjartan er vinsamlega sendu okkur þá athugasemd.
Ólafur Bernódusson520
Í maí 1994 voru að venju haldinn útivistardagur í Höfðaskóla. Eitt af verkefnunum sem í boði voru fyrir nemendurna í unglingadeildunum var að prófa bjargsig út á Höfða undir leiðsögn og stjórn Carl Lehman Jakobsen íþróttakennara. Á þessari mynd eru nemendurnir sem tóku áskoruninni og prófuðu að síga niður 20 - 30 metar þverhnípi. Sitjandi frá vinstri: Gunnar Guðmundsson, Hildur Inga Rúnarsdóttir, óþekktur, Árný Guðrún Ólafsdóttir, þrír óþekktir, Jóhanna Sólveig Hallgrímsdóttir, Ólína Laufey Sveinsdóttir. Strákurinn í gráa jakkanum er Hjörtur Guðmundsson en aðrir eru óþekktir.
Óþekktur ljósmyndari230
Þessi mynd var sennilega tekin árið 1950. Húsið lengst til hægri, Stórholt (Bankastræti 3), er í byggingu. Draumaland er litla húsið vinstra megin við Stórholt en þar bjuggu mæðginin Þórunn Samsonardóttir (d. 11.10.1986) og Herbert Ólafsson (d. 25.4.2007). Dvergasteinn er svo næst í röðinni en þar bjuggu Hafsteinn B. Fossdal (d. 22.2. 1962) og Svanbjörg M. Jósefsdóttir (d. 31.3.2002) með fjórum börnum sínum. Húsið í vinstra horninu var Höfðakot en þar bjuggu hjónin Steingrímur Jónson (d. 15.1.1992) og Halldóra Pétursdóttir (d. 23.12.1987) með börnum sínum og seinna tveimur barnabörnum. Einnig var á heimilinu bróðir Halldóru, Guðmundur Pétursson (d. 30.6.1987). Skálholt ber yfir Höfðakot en þar bjuggu á þessum tíma Engilbert Óskarsson (d. 13.9.1982) og Sigríður Helgadóttir (d. ?) á efri hæðinni en Bernódus Ólafsson (d. 18.9.1996) og Anna H. Aspar (d. 1.9.1999) með tveimur dætrum sínum á neðri hæðinni. Fyrir aftan Skálholt (fjær) er Bjarmaland en þar áttu heima Hrólfur Jónsson (d. 1.8.1989) og Sigríður Guðlaugsdóttir (d. 25.3.1996) ásamt dóttur sinni Áslaugu Hrólfsdóttur. Þórshamar sést milli Dvergasteins og Draumalands. Þar bjuggu á efri hæðinni Kristján Sigurðsson (d. 3.11.1966) og Unnur Björnsdóttir (d. ?). Á neðri hæðinni bjuggu Jóhann Baldvinsson (d. 9.4.1990) og Core Soffie Poulsen (d. 1987) kona hans með sinni fjölskyldu. Til hægri við Þórshamar er Þórsmörk sem var heimili Sigurðar Guðmonssonar (d. 5.8.1981) og Hallbjargar Jónsdóttur (d. 22.12.1987) og barna þeirra. Yfir þakið á Stórholti sést svo Héðinshöfði en ekki er vitað hver bjó þar á þessum tíma. Í Héðinshöfða voru tvær íbúðir, ein í hvorum enda hússins.
Leikklúbbur Skagastrandar - safn015
Allra meina bót eftir bræðurna Jónas og Jón Múla Árnasyni var sýnt í Fellsborg á vegum Leikklúbbs Skagastrandar leikárið 1976 - 1977. Á myndinni er Elín Njálsdóttir í hléi á sýningu en hún lék hjúkrunarfræðing í verkinu.
Óþekktur ljósmyndari350
Húsaröðin næst: Steinholt (sér í hornið), Skálholt, Þórshamar, Þórsmörk og Garður. Vinstra megin eru: Bjarmaland (Grafarholt) í byggingu, Brúarland og Móar. Við sjóinn eru Karlsskáli, Efri - og neðri Lækur, Lundur, Jaðar, Lækjarbakki og Karlsminni. Myndin var tekin upp úr 1940.
Skagaströnd - safn060
Menn á vegum Guðmundar Lárussonar vinna við að steypa þekju á viðlegukant - Ásgarð - í Skagastrandarhöfn árið 1981.
1
…
63
64
65
…
167
Leita í myndasafninu
Leita