Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Séra Pétur og Dómhildur - safn110
Aftan á þessari mynd stendur: <em>Gamli bærinn á Bergstöðum. Kirkjan endurvígð. Á myndinni sr. Pétur Þ. Ingjaldsson, Guðmundur á Eiríksstöðum, Guðmundur Jósafatsson á bak við þá er Sigurbjörn Einarsson biskup.</em> Ekki er vitað hvenær myndin var tekin.
Hjördís Sigurðardóttir - safn044
Efstu menn á lista Sjálfstæðisflokksins fyrir sveitarstjórnarkosningarnar á Skagaströnd 1974. Frá vinstri: Gylfi Sigurðsson í 3. sæti, Sveinn Ingólfsson í 2. sæti, Adolf J. Berndsen (d.27.8.2018) í 1. sæti og Páll Þorfinnsson (d.1.9.1993) í 4. sæti. Í kosningunum voru Adolf og Sveinn kjörnir í hreppsnefndina af listanum.
Skagaströnd - safn019
Á góðviðrisdögum þyrptist fólk á skíði í Spákonufelli og skemmti sér í brekkunum. Þessi mynd var tekin á einum slíkum skíðadegi í nægum snjó.
Leikklúbbur Skagastrandar - safn033
Leikárið 1979 - 1980 setti Leikklúbbur Skagastrandar á svið leikritið Gísl í leikstjórn Ragnhildar Steingrímsdóttur (d. 25.6.2009). Þetta var fjölmenn sýning og vel heppnuð sem var sýnd á Fellsborg og nágrannabyggðunum ásamt því að farið var með verkið suður á land og það sýnt í félagsheimili Seltjarnarness. Á myndinni eru í hlutverkum sínunm frá vinstri: Hallbjörn Hjartarson, Hallveig Ingimarsdóttir, Gunnar Benónýsson (d. 29.7.2003), Guðmundur Haukur Sigurðsson, Birna Blöndal, Guðbjörg Viggósdóttir og Rúnar Loftsson. Myndina tók Jónas Baldursson.
Óþekktur ljósmyndari326
Á sjómannadegi sennilega 1949. Hátíðahöld fóru fram á Hólanesinu og þarna hafa menn sest sunnan undir vegg á Árnesi en krakkarnir stjákla í kring. Fólkið er óþekkt.
Skagaströnd - safn011
Rafmagnsverkstæðið Neistinn við Strandgötu 32.
Óþekktur ljósmyndari234
Mikil umferð er um Skagastrandarhöfn allt árið en einkum þó á sumrin meðan á strandveiðunum stendur. Þetta er ekkert nýtt eins og þessi mynd frá 1936 - 1938 sýnir en þá var síld um allan Húnaflóa á sumrin og fjöldi báta, sem stundaði síldveiðar. Þá lá Skagastrandarhöfn vel við því stutt var þaðan á miðin. Í framhaldinu var svo tekin ákvörðun um að byggja síldarverksmiðju á Skagaströnd því mönnum datt ekki í hug að síldin mundi allt í einu breyta hegðunarmunstri sínu og hætta að ganga inn í Húnaflóann eins og hún hafði gert um áratugi. Á myndinni eru síldarskip í Skagastrandarhöfn kringum 1936. Húsið til hægri með skúrþakinu hét Kárastaðir, Dvergasteinn var húsið næst okkur fyrir miðri mynd með áfastri dökkri hlöðu. Þórshamar er nýlega húsið með kvistinum og neðar með götunni, sömu megin, er Garður. Til vinstri á myndinni eru Brúarland og Móar ásamt fleiri húsum sem einhver voru skepnuhús. Stóra þriggja hæða húsið nær sjónum er Gamla kaupfélagshúsið og á reitnum hjá því hægra megin er Kaupfélagshúsið og enn lengra til hægri grillir í frysthúsið. Húsið næst okkur á myndinni, ljóst með dökku þaki er óþekkt (stendur ca þar sem Skálholt stendur í dag). Ef þú kannt skil á hvað hús þetta er vinsamlega sendu okkur þá athugasemd á: myndasafn@skagastrond .is.
Skagaströnd - safn058
Steypuvinna við uppsteypun verkamannabústaða við Suðurveg árið 1981. Magnús Ólafsson heldur við síólið og Vilhelm Jónsson er með vibratorinn.
Ólafur Bernódusson 497
Hallbjörn Hjartarson bauð til veislu í veitingastað sínum Kántrýbæ í nóvember 1992 í tilefni af því að hanna var að opna Útvarp Kántrýbæ á efri hæðinni. Á myndinni bendir Hallbjörn á fallega tertu sem á er letrað: Útvarp Kántrýbær - FM 100,7 - Villta Vestrið - Skagaströnd. Myndin var tekin í gamla Kántrýbæ sem seinna brann en var strax endurbyggður með glæsibrag.
Skagaströnd - safn027
Byrjað var að leggja varanlegt slitlag á götur á Skagaströnd 1976. Ms Sandey flutti efnið til Skagastrandar og hér er verið að skipa því upp á pallinn á vörubíl Eiðs Hilmarssonar H 474.
Skagaströnd - safn264
Þessi mynd var tekin 20. ágúst 1998 í ferð vinnuskólans eftir sumarvertíðina í nestisstoppi. Greinilega er grettukeppni í gangi þegar myndin var tekin. Frá vinstri: Hákon Þórarinsson, Marta Kristín Jónsdóttir, Tinna Gunnarsdóttir, Elva Gunnarsdóttir og Eva Rún Rúnarsdóttir
Jóhanna Jónsdóttir (Nanna á Hólanesi) - safn020
Frystihús Hólaness hf á Hólanesi. Myndin var tekin sunnan frá. Ekki er vitað hvenær hún var tekin en alllangt er síðan uppfylling kom upp að húsinu, þannig að líklega er myndin frá sjötta áratugnum.
Hjördís Sigurðardóttir - safn039
<p>Starfsfólk Hólaneskirkju í desember 2000. Á myndinni eru tveir prestar því séra Magnús Magnússon, lengst til vinstri í fremstu röð, var að taka við af séra Guðmundi Karli Brynjarssyni, sem er lengst til hægri í sömu röð. Annars eru á myndinni konur þeirra beggja, organistinn, meðhjálparinn og kirkjukórinn. Í öftustu röð frá vinstri: Sigurjón Guðbjartsson, Halldór G. Ólafsson, Sigurður Bjarnason, Ólafur Bernódusson, Einar Haukur Arason, Gylfi Sigurðsson, og Valdimar ?. Í næst öftustu röð eru frá vinstri: Ingibjörg Björgvinsdóttir, Ása Jóhannsdóttir, Kristín Kristmundsdóttir, Bára Þorvaldsdóttir, Hallbjörg Jónsdóttir, Sigríður Stefánsdóttir, Guðrún Sigurðardóttir og Steindór R. Haraldsson meðhjálpari. Í fremstu röð kórfélaga eru frá vinstri: Hrafnhildur Jóhannsdóttir (Abbý), Dagný Hannesdóttir, Kristín Blöndal, Kristjana Jónsdóttir, Guðrún Guðbjartsdóttir, Sigurbjörg Árdís Indriðadóttir og Hjördís Sigurðardóttir. Sitjandi frá vinstri: séra Magnús, Berglind Guðmundsdóttir kona hans, Michael Jones organisti og stjórnandi kirkjukórsins, Kamilla Gísladóttir kona séra Guðmundar sem er lengst til hægri. Myndin var tekin í Hólaneskirkju. </p>
Óþekktur ljósmyndari263
Litla Berg til vinstri og Stóra Berg til hægri. Ekki er vitað hvenær myndin var tekin en það var einhverntíma á tveimur fyrstu áratugum 20. aldar. Skóli var haldinn á Stóra Bergi 1909 og nokkur næstu ár. <font size="1">(Byggðin undir Borginni bls 147)</font>
Óþekktur ljósmyndari311
Ernst G. Berndsen (d. 21.8.1983) frá Karlsskála fyrsti hafnarvörður Skagastrandarhafnar og lóðs um Húnaflóa í tugi ára.
Dagný Sigmarsdóttir001
Rækjuvinnslan var byggð á árunum 1971- 1974 og var þá þegar hafin rækjuvinnsla í húsinu. Vinnsla lagðist svo af þar árið 2004 eftir samruna Skagstrendings Hf við FISK Seafood á Sauðárkróki. Meðan vinnsla var í gangi í húsinu var Rækjuvinnslan einn af burðarásunum í atvinnulífinu á Skagaströnd með tugi fólks í vinnu. Á þessari mynd eru við hreinsi-færibandið frá vinstri: Ragnheiður Magnúsdóttir, Guðrún Angantýsdóttir og Ardís Ólaöf Arelíusdóttir.
Leikklúbbur Skagastrandar - safn026
Hart í bak er eitt af þekktustu leikverkum Jökuls Jakobssonar (d. 25.4.1978) en það var frumsýnt hjá Leikfélagi Reykjavíkur 1962. Leikklúbbur Skagastrandar tók verkið til sýninga leikárið 1978 - 1979 og sýndi það í Fellsborg og nágrannabyggðum við góðar undirtektir. Á þessari mynd eru þau Jónas Baldursson og Birna Blöndal í hlutverkum sínum. Myndina tók Jónas Baldursson.
Óþekktur ljósmyndari252
Anný HU 3 var fyrsti plastbáturinn sem Skipasmíðastöð Guðmundar Lárussonar hf afhenti. Skrokkur bátsins var fluttur inn en síðan var báturinn fullkláraður í stöðinni. Fyrir aftan Anný er Helga Björg HU 7. Myndin var tekin 1977.
Ólafur Bernódusson553
Eftir að nýja kirkjan á Skagaströnd var tekin í notkun var sú gamla afhelguð og síðan rifin en þá var þessi mynd tekin. Sú gamla, sem stóð rétt austan við hina nýju, var vígð 17. júní 1928 en var síðan rifin 19. febrúar 1992.
Hjördís Sigurðardóttir - safn004
Þessi mynd var tekin á góðum sumardegi á Akureyri 1971. Á bekknum sitja frá vinstri: Þórarinn Björnsson (d. 24.5.1985), Ingibjörg Fríða Hafsteinsdóttir, Adolf J. Berndsen (d.27.8.2018) og Gunda Jóhannsdóttir (d. 9.11.2013). Gunda og Þórarinn voru hjón og Ingibjörg Fríða var mágkona Adolfs.
Óþekktur ljósmyndari316
Síldaverksmiðjan í byggingu árin 1945 - 1947. Myndin hefur líklega verið tekin af efstu hæð vinnupalls sem var utan á stóra verksmiðjuskorsteininum. Þrærnar sem eru lengst frá á myndinni hafa verið brotnar niður og fjarlægðar og sama má segja um rörið sem á myndinni liggur frá verksmiðjunni að mjölskemmunni sem er utan myndar. Eftir þessu röri var mjölinu blásið heim í skemmuna þar sem það var sekkjað og geymt þar til það var selt og sent í burtu. Eins og sjá má á myndinni var hafnargarðurinn - Útgarður- ekki kominn nema að litlu leiti.
Árni Geir Ingvarsson - safn316
Þessi mynd var tekin utan við Höfðabrekku (Bankastræti 10) af systkinunum, frá vinstri: Heiðar Elvan Friðriksson, Ólöf Smith (Lólý) og Vigfús Elvan Friðriksson (d. 7.12.2001), sem þá áttu heima á efstu hæðinni þar.
Óþekktur ljósmyndari332
Sæljón RE 317 landar síld í bræðslu á Skagaströnd. Herbert Ólafsson tók þessa mynd en hann var háseti á Sæljóninu. Myndin var tekin snemma á sjöunda áratugnum.
Óþekktur ljósmyndari205
Síldarlöndun og síldarsöltun í Skagastrandarhöfn. Ekki er vitað hvenær myndin var tekin en hún er sennilega frá árunum 1935 - 1937. Á þessum tíma var síldinni landað á höndum í tágakörfum eins og sést á myndinni og var það hinn mesti þrældómur fyrir sjómennina. Síldin var svo söltuð undir berum himni hvernig sem viðraði. Hreinlætisaðstaðan var einn tvöfaldur kamar sem var í raun bara lítill skúr með milligerði og setbekk með tveimur götum. Kamrinum var komið þannig fyrir að afurðirnar duttu beint í sjóinn í höfninni. Fólkið á myndinni er óþekkt.
Óþekktur ljósmyndari327
Gamli bærinn í Réttarholti. Hann stóð niður við sjó við Landsenda (nyrsta enda Höfðans) en brann eftir að flutt var úr honum einhverntíma á sjöunda áratugnum. Til hægri við bæinn grillir í Landsendarétt sem þarna var.
Óþekktur ljósmyndari189
Karla Helgadóttir (d. 25.9.1986) Ásbergi (Ásbyrgi) Skagaströnd.
Guðmundur Guðnason136
Mjóadalsrétt á Laxárdal. Bærinn í baksýn er Gautsdalur. Ekki er vitað hvenær myndin var tekin
Leikklúbbur Skagastrandar - safn029
Leikárið 1979 - 1980 setti Leikklúbbur Skagastrandar á svið leikritið Gísl í leikstjórn Ragnhildar Steingrímsdóttur (d. 25.6.2009). Þetta var fjölmenn sýning og vel heppnuð sem var sýnd á Fellsborg og nágrannabyggðunum ásamt því að farið var með verkið suður á land og það sýnt í félagsheimili Seltjarnarness. Á myndinni eru í hlutverkum sínum talið frá vinstri: Ólafur Bernódusson, Hallveig Ingimarsdóttir, Lárus Ægir Guðmundsson, Guðbjörg Viggósdóttir, Guðmundur Haukur Sigurðsson, Gunnar Benónýsson (d. 29.7.2003), Magnús B. Jónsson og Elín Njálsdóttir. Myndina tók Jónas Baldursson.
Séra Pétur og Dómhildur - safn098
Á þessari mynd, sem tekin var fyrir utan Hólaneskirkju eldri, eru séra Pétur Þ. Ingjaldsson (d. 1.6.1996) og Regína Berndsen (fædd Hansen) (d. ?) Stóra Bergi. Regína var gift Fritz Berndsen en á Stóra Bergi var símstöð í umsjón þeirra hjóna.
Skagaströnd - safn026
Kvöldstemning við Skagastrandarhöfn. Ekki er vitað hvenær myndin var tekin.
Dagný Sigmarsdóttir005
Rækjuvinnslan var byggð á árunum 1971- 1974 og var þá þegar hafin rækjuvinnsla í húsinu. Vinnsla lagðist svo af þar árið 2004 eftir samruna Skagstrendings Hf við FISK Seafood á Sauðárkróki. Meðan vinnsla var í gangi í húsinu var Rækjuvinnslan einn af burðarásunum í atvinnulífinu á Skagaströnd með tugi fólks í vinnu. Á þessari mynd eru félagarnir Ilic ? til vinstri og Hjalti Indriðason til hægri frammi í móttöku.
Þórður Jónsson026
Myndin af þessum fjórum vinum var tekin í Hólaberginu líklega upp úr 1960. Frá vinstri eru: Ingibergur Guðmundsson, Bergur Jón Þórðarson, Böðvar Jónsson og Arelíus Viggósson (d. feb. 1978).
Óþekktur ljósmyndari277
Naustavík EA 151 var stundum gerð út frá Skagaströnd tíma og tíma. Báturinn var meðal annars einn af þeim sem gerður var út á hrefnuveiðar þó hvalbyssan sé ekki um borð á þessari mynd.
Guðmundur Guðnason178
Alþingishátíð var haldin á Þingvöllum 1930. Hátíðin var haldin til að minnast þess að 1000 ár voru þá liðin frá því að allsherjarþing var sett þar árið 930. Hátíðin stóð dagana 26. - 28. júní og þangað kom Kristján 10. konungur Danmerkur og þá ennþá, Íslands. Gríðarlegt fjölmenni var á hátíðinni en hún fór að stórum hluta fram í tjöldum eins og sjást á þessari mynd. Myndin er úr safni Guðmundar Guðnasonar en ekki tekin af honum enda fæddist hann árið 1923. Á myndinni er nafn ljósmyndarans:K.K. Bergen.
Skagaströnd - safn110
Þessi mynd var tekin kringum 1980 á hérðasmóti USAH á Skagastrandarvelli. Sveinn Ingólfsson kastar kúlunni, Ingibergur Guðmundsson er með málbandið en Hannes Guðmundsson (d. 10.9.2008) frá Auðkúlu fylgist með og skráir mælingarnar. Aftan við Ingiberg og Hannes eru : í ljósum fötum, Þorleifur Arason (d. 11.11.1991) og Guðgeir Gunnarsson með yfirvararskegg. Þorleifur og Guðgeir voru meðal keppenda í kúluvarpinu á mótinu. Aðrir á myndinni eru óþekktir en maðurinn með hendur í vösum næst okkur til vinstri gæti verið Gestur Arnarson og Karl Lúðvíksson við hlið hans í úlpu. Myndina tók Ólafur Bernódusson.
Séra Pétur og Dómhildur - safn099
Ásdís Hu 10 sjósett í fyrsta sinn. Um þennan bát er ritað í bókinni: Sjósókn frá Skagaströnd & vélbátaskrá 1908 - 2010, eftir Lárus Ægi Guðmundsson <em>:" Ásdís HU 10 1183. Báturinn var smíðaður úr eik á Skagaströnd árið 1971. Hann var 21 brl. með 185 ha. Kelvin Dorman vél. Eigendur voru Elvar Valdimarsson, Skagaströnd og Guðbjörn Hallgrímsson, Hafnarfirði. Báturinn sökk út af Þorlákshöfn 3. desember 1971. Fjórir menn voru á bátnum og björguðust allir um borð í Jón Vídalín ÁR 1 frá Þorlákshöfn. Þetta var fyrsti báturinn sem smíðaður var hjá Skipasmíðastöð Guðmundar Lárussonar hf á Skagaströnd".</em>
Hjördís Sigurðardóttir - safn040
Á þessari mynd er Hallbjörg Jónsdóttir (d. 22.12.1987) frá Þórsmörk með börnum sínum. Sitjandi frá vinstri: Árni Ólafur Sigurðsson, Hallbjörg og Reynir Sigurðsson. Standandi frá vinstri: Guðrún Sigurðardóttir, Aðalbjörg Sigurðardóttir (d.10.12.2015), Hjördís Sigurðardóttir og Gylfi Sigurðsson. Myndin var sennilega tekin á árunum 1981 - 1985.
Óþekktur ljósmyndari331
Brautarholt 1966. Brautarholt stóð utan í hólnum á milli Fellsbrautar 9 og Fellsbrautar 13. Húsið til hægri er Röðulfell (Fellsbraut 19) en til vinstri sér í þakið á Vinaminni (Hólabraut 16) og í hornið á Hólabraut 14.
Dagný Sigmarsdóttir009
Rækjuvinnslan var byggð á árunum 1971- 1974 og var þá þegar hafin rækjuvinnsla í húsinu. Vinnsla lagðist svo af þar árið 2004 eftir samruna Skagstrendings Hf við FISK Seafood á Sauðárkróki. Meðan vinnsla var í gangi í húsinu var Rækjuvinnslan einn af burðarásunum í atvinnulífinu á Skagaströnd með tugi fólks í vinnu. Á þessari mynd er Sigurbjörg Angantýsdóttir (d. 10.9.1997) að vinna við pökkun á rækju.
Leikklúbbur Skagastrandar - safn039
Leikárið 1979 - 1980 setti Leikklúbbur Skagastrandar á svið leikritið Gísl í leikstjórn Ragnhildar Steingrímsdóttur (d. 25.6.2009). Þetta var fjölmenn sýning og vel heppnuð sem var sýnd á Fellsborg og nágrannabyggðunum ásamt því að farið var með verkið suður á land og það sýnt í félagsheimili Seltjarnarness. Á myndinni eru frá vinstri: Bernódus Ólafsson (d. 18.9.1996), Magnús B. Jónsson, Birna Blöndal, Elín Njálsdóttir, Bjarnhildur Sigurðardóttir og Ólafur Bernódusson. Bak við Magnús er svo Hallbjörn Hjartarson. Myndina tók Jónas Baldursson.
Óþekktur ljósmyndari214
<p>Gamli Sólheimabærinn. Bærinn stóð við Skagaveg skáhalt á móti núverandi Sólheimum. Á myndinni er Karla Berndsen að taka upp kartöflur.</p>
Ólafur Bernódusson477
Ástin sigrar er leikrit eftir Ólaf Hauk Símonarson. Leikritið var sýnt á vegum Leikklúbbs Skagastrandar árið 1990 undir leikstjórn Harðar Torfasonar. Myndin er af Herði.
Skagaströnd - safn051
1979 Stóð FRÍ fyrir landshlaupi. Hlaupið var hringinn kringum landið en hlauparar komu frá ungmennafélögunum hverju á sínum stað. Þetta er mynd af þátttakendum úr umf. Fram á Skagaströnd. Frá vinstri: Lárus Ægir Guðmundsson, Kristinn Guðmundsson, Magnús Ólafsson, Kristjana Jónsdóttir, Soffía Guðmundsdóttir, óþekktur (nær), Valdimar Valdimarsson (fjær), Jón Pálsson, Sigurður Guðmundsson, tveir óþekktir, Valdís Valdimarsdóttir, Valdimar Viggósson, Björk Sveinsdóttir?, Þórarinn Ingvarsson (fremst), Kristín Sigurðardóttir, Ingibergur Guðmundsson (aftast), Jóney Gylfadóttir (nær) og Guðrún Guðbjörnsdóttir (fjær).
Óþekktur ljósmyndari297
Hafsteinn Pétursson (d. sept 1961) frá Gunnsteinsstöðum í Langadal
Árni Geir Ingvarsson - safn317
Skipting Skagastrandar í útbæ og innbæ var mun meira áberandi á árunum 1950 - 1970 en hún er nú í dag. Þá börðust fylkingar ungra út - og innbæingar með trésverðum og öðrum slíkum vopnum með reglulegu millibili en eins og úr öðrum stríðum heimsins kom ekkert út úr þeim orrustum nema stöku blóðnasir. Á þessari friðsemdarmynd eru nokkrir útbæingar framan við Höfðabrekku (Bankastræti 10) einhverntíma kringum 1960. Frá vinstri: Matthildur Hafsteinsdóttir Fossdal Dvergasteini, Vigfús Elvan Friðriksson (d. 7.12.2001) Höfðabrekku, Björn Hafsteinsson Fossdal (d. 13.4.1983) Dvergasteini, Ólöf Smith (Lólý) Höfðabrekku, Árni Björn Ingvarsson Sólheimum, Heiðar Elvan Friðriksson Höfðabrekku, Örn Berg Guðmundsson (Assi) Höfðabrekku, Ólafur Bernódusson Stórholti og Steindór R. Haraldsson Höfðakoti.
Ólafur Bernódusson526
Viðbygging við leikskólann Barnaból var tekin í notkun í nóvember 1994. Á þessari mynd eru nokkur leikskólabörn að gæða sér á veitingum og virða fyrir sér blómvönd sem kom í tilefni dagsins.
Skagaströnd - safn050
Sigurður Guðmundsson glímir við steypusíló í viðbyggingu við Höfðaskóla 1978.
Leikklúbbur Skagastrandar - safn041
Myndin var tekin á æfingu á Stalin er ekki hér sem Leikklúbbur Skagastrandar setti á svið leikárið 1980 - 1981 undir leikstjórn Sögu Jónsdóttur. Á myndinni eru Ólafur Bernódusson og Bjarnhildur Sigurðardóttir í hlutverkum sínum.
Skagaströnd - safn084
Örvar Hu 21 kom til heimahafnar á Skagaströnd í fyrsta sinn 7. apríl 1982. Öllum var boðið um borð að skoða hið nýja skip og eftir það var haldið hóf í Fellsborg þar sem ræður voru fluttar og skálað fyrir skipinu. Á þessari mynd er fólk að hlusta á einhvern ræðumann. Frá vinstri: Jónas Skaftason, Gunnlaugur Sigmarsson, Rannveig Jónsdóttir, Sævar Hallgrímsson, Ragnheiður Magnúsdóttir og Sigurjón M. Alexandersson.
Guðmundur Guðnason114
Frystihús KAST (Kaupfélags Skagstrendinga), sem seinna komst í eigu Hólaness hf og hefur verið mikið breytt og bætt. Til vinstri sést að bryggjan, sem reist var framan við frystihúsið 1922, er enn uppistandandi. Myndin hefur sennilega verið tekin í kringum 1940.
Skagaströnd - safn238
Fastur liður á kántrýhátíðum var kántrýmessa. Á þeim söng kirkjukór Hólaneskirkju oft styrktur af fleira söngfólki og með einhverjum einsöngvara. Á þessari mynd frá hátíðinni 2003 er kórinn að syngja í messunni undir stjórn Óskars Einarssonar á sviði á Hnappstaðatúni. Einsöngvarinn á myndinni er Sigríður Beinteinsdóttir (með svarta húfu). Kórfólkið er frá vinstri: Sigurbjörg Árdís Indriðadóttir, Hrefna Þorsteinsdóttir (nær), óþekkt (fjær), óþekkt, Elva Dröfn Árnadóttir, Kristín Kristmundsdóttir, Dagný Sigmarsdóttir, Aðalheiður Árnadóttir, Dagný Hannesdóttir, Ingibjörg Björgvinsdóttir, ?Halla Kristín Árnadóttir?, Aðalheiður Marta Steindórsdóttir, Hallbjörg Jónsdóttir, Hrafnhildur Jóhannsdóttir, Guðrún Guðbjörnsdóttir, Sigurjón Guðbjartsson, Bára Þorvaldsdóttir, Sigurður Bjarnason, Sigríður Beinteinsdóttir einsöngvari, Halldór Gunnar Ólafsson, Guðbjörg Ólafsdóttir (fjær), óþekkt, (nær), Guðrún Sigurðardóttir, (nær), Sigríður Gestsdóttir (fjær), Þórarinn Grétarsson, Sigríður Stefánsdóttir, Magnús Stefánsson, Guðbjörg Viggósdóttir, Stefán Jóhann Sigurðsson, Sólrún Ólína Sigurðardóttir og Gylfi Sigurðsson. Óskar Einarsson leikur undir.
Ólafur Bernódusson549
Auðbjörg Hu 6 lenti í mokfiskirí í einn daginn vorið 1996. Ekki voru næg ílát undir fiskinn um borð þannig að hann var út um allt dekk þegar komið var í land. Á myndinni eru karlarnir að tína fiskinn af dekkinu í kör fyrir löndun.
Skagaströnd - safn063
Kaffisasæti í Fellsborg 1980 í tilefni þess að teknar voru í notkun fjórar þjónustuíbúðir fyrir aldraða við Ægisgrund. Við háborðið eru frá vinstri: Hjördís Sigurðardóttir, Adolf J. Berndsen, Þórhildur Ísberg og Jón Ísberg (d. 24.6.2009). Við borðið nær okkur eru frá vinstri: Sigurður Þorbjarnarson (d. 15.3.2002) Geitaskarði, Gunnlaugur Sigmarsson, Björgvin Brynjólfsson (d. 28.2.2007), Sigurður Jónsson, Ingibjörg Kristinsdóttir og Guðmundur Jónasson (d. 6.2.1988) frá Ási í Vatnsdal. Við borðið til hægri eru frá vinstri: Karitas Pálsdóttir (d. 3.5.1989), Kristján Hjartarson (d. 2.8.2003), Friðjón Guðmundsson (d. 7.1.2001), Hulda Árnadóttir (d. 14.2.2007).
Skagaströnd - safn025
Myndin var tekin þegar Ólafsvellir/Náttbrún var rifin. Húsið stóð nokkurn vegin á horninu þar sem nú mætast Oddagata og Túnbraut. Vörubíllinn á myndinni var H 34 í eigu Gunnars Helgasonar (d. 19.10.2007), sem situr undir stýri á myndinni. Myndin var tekin einhverntíma rétt fyrir 1990 en Stjórnsýsluhúsið, sem er í baksýn, var tekið í notkun 1987.
Hjördís Sigurðardóttir - safn009
Þessi mynd var tekin í hófi af tilefni opnunar Landbankaútbús á Skagaströnd 1982. Við opnunina yfirtók Landsbankinn Sparisjóð Skagstrendinga. Á myndinni eru frá vinstri: Magdalena Jóhannsdóttir útibússtjórafrú, María Magnúsdóttir (d.2.2.2016) og Hjördís Sigurðardóttir.
Óþekktur ljósmyndari344
Síldarverksmiðjan er til vinstri á myndinni. Mjölskemman er svo til hægri. Milli verksmiðjunnar og skemmunnar er svert rör en eftir því var mjölinu dælt úr verksmiðjunni til sekkjunar og geymslu í skemmunni.
Óþekktur ljósmyndari170
Dansleikur í gömlu Tunnunni. Sennilega jóla - eða áramótadansleikur. Takið eftir að á þessum tíma sat fólk ekki við borð á dansleikjum heldur sat í röðum meðfram veggjunum til að nægt pláss væri á dansgólfinu. því miður er ekki hægt að þekkja fólkið á myndinni en hún var líklega tekin á fimmta áratugnum.
Skagaströnd - safn096
Elínborg Jónsdóttir (d. 7.1.2004) formaður stjórnar verkamannabústaða á Skagaströnd afhendir Birnu Bjarnadóttur lykilinn að íbúð sinni að Mánabraut 3 í febrúar 1983. Maður Birnu, Níels Grímsson, var fjarverandi.
Skagaströnd - safn101
<p>Í bókinni: Sjósókn frá Skagaströnd & vélbátaskrá 1908 - 2010 , eftir Lárus Ægi Guðmundsson, segir á bls 106 um þetta skip:</p><p><em>" <strong>Arnar HU 1 2265</strong> Í árslok 1995 keypti Skagstrendingur h/f frystitogarann <strong>Neptun</strong>, af rússnesku félagi en hann var byggður úr stáli í Noregi árið 1986 fyrir færeyska útgerð. Skipið var 1.803 brl., 60 metra langt og 13 metra breitt með 4073 ha. Wartsila vél. Þegar togarinn var keyptur var hann á veiðum við strendur Kóreu og var siglt þaðan til Vigo á Spáni, þar sem fram fóru umfangsmiklar breytingar. Arnar kom í heimahöfn á Skagaströnd í lok mars 1996 og hefur síðan verið gerður þeðan út. Árið 2002 fiskaði hann 7.042 tonn á 300 úthaldsdögum eða 23,5 tonn á dag og nam aflaverðmætið 1063 milljónum króna. Þetta var mesta aflaverðmæti sem íslenskt frystiskip hafði komið með að landi á einu ári. Í júlí árið 2003 kom Arnar úr Barentshafi eftir 22 daga úthald og þar af hafði skipið verið að veiðum í 13 daga. Aflinn var 720 tonn upp úr sjó á þessum tíma þ.e. 55 tonn á dag eða sem samsvarar 33 tonnum á úthaldsdag. Árið 2010 var aflaverðmæti skipsins liðlega 2 milljarðar króna".</em> </p>
Óþekktur ljósmyndari276
Á myndinni eru Auðbjörg HU 6 fyrir innan og Ásbjörg HU 5 utan á henni. Bátana átti Útgerðarfélag Höfðakaupstaðar sem gerði þá út frá Skagaströnd. Myndin var tekin á sjötta áratugnum
1
…
67
68
69
…
167
Leita í myndasafninu
Leita