Beint í efni
Skagaströnd.is
↗
Allar myndir
Ljósmyndarar
✕
Flokkur
Annað
Atburðir
Atvinnumál
Fólk
Jóla- og póstkort
Mannvirki
Náttúra
Samgöngur
Miðflokkur
Veldu…
10.000 myndir
Flæði
Reitir
Leikklúbbur Skagastrandar - safn115
Þessi mynd er úr fórum Leikklúbbs Skagastrandar. Hún sýnir Bjarna Ottósson sem var starfsmaður við sýningu klúbbsins á sínum tíma.
Minjasafn 96
Gripur nr. 96. Átta myndir af fólki í brúnum ramma. Myndirnar tók Guðrún Guðmundsdóttir af eldri borgurum á Skagaströnd á árunum 1984 - 1990.
Leikklúbbur Skagastrandar - safn106
Þessi mynd er úr fórum Leikklúbbs Skagastrandar. Hún sýnir Gunnar Benónýsson (d. 29.7.2003) sem lék í nokkrum sýningum klúbbsins á sínum tíma.
Minjasafn 272
Gripur nr. 272. Rjómakanna úr glæru gleri. Grópuð blóm í glerið framan á. Hæð 9 cm. Úr búi Björns Helgasonar Efri- Læk Skagaströnd.
Guðrún Soffía Pétursdóttir - safn019
Þessi mynd var tekin á leikskólanum Barnaból, líklega einhverntíma 1982 - 1984. Á myndinni eru frá vinstri: Þorlákur Ómar Guðjónsson (nær), Anna Dröfn Guðjónsdóttir (fjær) og Guðný Kristín Finnsdóttir.
Árni Geir Ingvarsson - safn 378
Myndin var tekin á æfingu í Fellsborg fyrir þorrablót einhverntíma á árunum kringum 1990. Frá vinstri: Vigdís Viggósdóttir, Dagný Sigmarsdóttir, Þórey Jónsdóttir, Sigrún Jónsdóttir, Hallbjörg Jónsdóttir o g Guðbjörg Viggósdóttir.
Minjasafn 282 no2
Gripur nr. 282. Silverbakki (Plett) ferkantaður með ígreiptu munstri á botninum. 35 cm langur og 27 cm breiður. Munstur á börmum bakkans. Gefandi: Jóna Guðrún Vilhjálmsdóttir Lundi, Skagaströnd í september 1994.
Minjasafn 167
Gripur nr. 167. Seðlaveski, saumað af eiganda, Jóni Árnasyni Ólafsvöllum árið 1936. Veskið er úr sútuðu folaldaskinni og notaði hann veskið í 40 ár. Gefandi: Inga Jónsdóttir Ólafsvöllum, Skagaströnd 1982.
umf Fram 328
<p>Ekki er vitað hvenær þessi mynd var tekin yfir Blönduós en líklega hefur það verið kringum 1975. </p>
Árni Geir Ingvarsson - safn 384
Ekki er vitað hvenær þessi mynd var tekin af Hafrúnu Hu 12 en á henni er hún á leið úr höfn í Keflavík eftir að hafa farið þar inn í skjól undan vondu veðri. Myndin var þó tekin fyrir febrúar 1995 því þá sökk Hafrún í höfninni á Skagaströnd og var svo endurbyggð og breytt í það horf sem hún er í dag.
Minjasafn 433
Gripur nr. 433. Langt járnblað í laginu eins og sveðja. Blaðið er með nokkrum götum efst við bakkann. Er hluti af gömlum ljá sem var hnoðaður fastur við bakka ljásins. Gamall og mjög ryðgaður.
Skagaströnd - safn411
<p>Veturinn 1995 var mjög snjóþungur eftir áramótin á Skagaströnd. Þessi mynd, sem var tekin 3. mars 1995, sýnir óþekktan mann á gangi á einum uppstyttudögunum, sem notar hundana sína til að draga sleðann fyrir sig. </p>
Minjasafn 278 no2
Gripur nr. 278. Orgelstóll á þrífæti en langfóturinn er sexstrendur viðarfótur. Járngjörð er við enda fótarins neðst þar sem tengir saman þrífótinn. Setan er útsaumuð með krosssaum, litir: drapp, grænn, blár og rauður.
Minjasafn 82 no2
Gripur nr. 82. Stór silfurlitur rammi með skjalinu: "The International association of Lions Clubs". Einhver konar viðurkenningarplagg.
Árni Geir Ingvarsson - safn 388
Arnarborg HU11 í slippnum á Skagaströnd. Þar var báturinn rifinn og endaði á áramótabrennunni 1993.
Guðrún Soffía Pétursdóttir - safn003
Barnaafmæli á Suðuvegi 9 sennilega vegna afmælis Kristjáns Péturs Guðjónssonar sem situr brosandi við borðsendann. Hann á afmæli í september þannig að myndin hefur sennilega verið tekin í þeim mánuði einhverntíma á árunum 1997 -1999. Á myndinni eru frá vinstri: Rebekka Maren Þórarinsdóttir, Fjóla Dögg Björnsdóttir, Sindri Jóelsson, Ívar Gylfason, óþekktur, Kristján Pétur Guðjónsson, Sigurgeir Snævar Árnason, Sunna Gylfadóttir, Hanna Gylfadóttir, Valgerður Guðmundsdóttir, Arnór Snorri Gíslason og Jón Atli Magnússon.
Leikklúbbur Skagastrandar - safn207
<p>Þessi mynd er úr fórum Leikklúbbs Skagastrandar. Hún sýnir Julian Hewlett sem þátt tók í sýningu Leikklúbbsins sem tónlistarmaður á sínum tíma. </p>
Skagaströnd - safn386
Karlakór Bólstaðarhlíðarhrepps syngur á ókunnum stað á ókunnum tíma. Líklega hefur myndin verið tekin á æfingu ef miða má við klæðnaðinn á körlunum. Ef þú þekkir mennina á myndinni vinsamlega sendu okkur þá athugasemd.
Guðmundur Guðnason 2 488
Þessi mynd var tekin af einhverjum kirkju-tengdum fundi í Fellsborg. Ekki er vitað hvenær myndin var tekin. Í öftustu röð eru, sinn á hvorum enda, séra Árni Sigurðsson til vinstri og séra Pálmi Matthíasson til hægri. Framan við Pálma, með prestakraga, er séra Ólafur Hallgrímsson en framan við séra Árna er Kristján Sigurðsson frá Höskuldsstöðum. Dómhildur Jónsdóttir (d. 18.10.2012) situr næst lengst til vinstri við hlið manns síns séra Péturs Þ. Ingjaldssonar (d. 1.6.1996). Á endanum hægra megin situr Alda Friðgeirsdóttir. Aðrir á myndinni eru óþekktir en ef þú þekkir einhvern á henni vinsamlega sendu okkur þá athugasemd.
Skagaströnd - safn350
Þetta hús og umhverfi þess hefur tekið stakkaskiptum frá því að þessi mynd var tekin í febrúar 1992, ekki bara í útliti heldur líka hvað starfsemina varðar sem fram fer í húsinu. Áður var í húsinu frystihús Hólanes hf seinna rækjuvinnsla, saltfiskvinnsla og harðfiskframleiðsla. Þá stóð húsið autt í nokkur ár þar til Listamiðstöðin Nes hóf sína starfsemi í húsinu eftir nokkra yfirhalningu á því.
Skagaströnd - safn403
<p>Þegar þessi mynd var tekin einhverntíma á árunum 1943 - 1946 var mikil uppbygging á Skagaströnd. Verksmiðjuskorsteinninn er risinn en ekki búið að fjarlægja vinnupallana kringum hann. Grindin í stóru mjölskemmunni er að rísa og byggingarefni liggur út um allt. Sundlaugin er í byggingu og niðri í horninu lengst til vinstri er búið að steypa undirstöðu fyrir olíutank sem þar reis síðar. Járnplötur sem voru efni í tankinn liggja við hlið sökkulsins. Fjósið sést norðan við kaupfélagið enda ekki búið að byggja Kaupfélagsskemmunna en sökklar hennar eru þó komnir. Ef grannt er skoðað má sjá á myndinni mörg hús sem nú eru horfin eða hafa vikið fyrir nýjum. Myndina tók Guðmundur Guðnason. </p>
Guðmundur Guðnason 2 425
Hér er unnið að byggingu nýrrar Hólaneskirkju á hlaðinu á þeirri gömlu.
Guðmundur Guðnason 2 494
Óþekkt stúlka á hestbaki. Ef þú þekkir hana vinsamlega sendu okkur þá athugasemd.
Leikklúbbur Skagastrandar - safn208
Þessi mynd er úr fórum Leikklúbbs Skagastrandar. Hún sýnir Árna Geir Ingvarsson sem tók þátt í mjög mörgum sýningum Leikklúbbsins sem ljósa- og tæknimaður á sínum tíma.
Skagaströnd - safn420
Sandur safnast gjarnan á og kringum teinana í dráttarbrautinni. Sandinn þarf að fjarlægja því annars er hætta á því að sleðinn, sem bátarnir er dregnir upp í, fari út af teinunum og þá er ekki hægt að ná viðkomandi bát upp. Á myndinni er verið að moka ofan af teinunum á há-fjöru eins langt fram og grafan nær.
Minjasafn 10 no2
Gripur nr. 10. Upphlutsbolur svartur úr silki með gylltum, balderuðum rósum á borðum. Hann var unnin um 1910 af Vilborgu Guðmundsdóttur frá Miðgili. Bakið lagt með gylltum stímum. Gefandi: Elísabet Árnadóttir í hjanúar 1977.
Guðmundur Guðnason 2 489
Guðmundur Guðnason (d. 21.11.1988) á ferðalagi á hálendinu. Skálinn í baksýn er sennilega Hvítárskáli Ferðafélags Íslands við Hvítárvatn. Þar er sagt að sé draugagangur.
Minjasafn 42
Gripur nr. 42. Lítil mynd af Sigríði Guðlaugsdóttur (d. 25.3.1996) frá Bjarmalandi á Skagaströnd.
Minjasafn 195
Gripur nr. 195. Veggkertastjakar úr járni með krækjumunstri. Lilla- litaðurglerplatti, hringlaga, hangir í miðjum stjaka. Hæð 24 cm. Gefandi: Jóna Guðrún Vilhjálmsdóttir Skagaströnd í ágúst 1994.
Minjasafn 105
Gripur nr. 105. Heynál með tréskafti. Breidd handfangs 27 cm og lengd járnsins 30 cm. Gefandi: Sigurlaug Valdemarsdóttir Blönduósi í júlí 1994.
Minjasafn 306
Gripur nr. 306. Mjólkurflaska úr glæru gleri. Á henni stendur: <strong>Mjólkursamsalan 1/2 l</strong>. Í þessum flöskum var mjólkin keypt. En flöskurnar voru í notkun í kringum 1965 - 1975. Hæð 24 cm. Gefandi: María Magnúsdóttir Bogabraut 24, Skagaströnd 5. nóvember 1994.
Leikklúbbur Skagastrandar - safn198
Þessi mynd er úr fórum Leikklúbbs Skagastrandar. Hún sýnir Jónas Þorvaldsson sem tók þátt í sýningu Leikklúbbsins, þá barn, á sínum tíma.
Minjasafn 485
Gripur nr. 485. Þrjú stykki undirskálar. Hvítar, skreyttar með gráum blómum og gyllingu á barmi. Í stíl við grip nr. 486.
Minjasafn 165
Gripur nr. 165. Pennabox gyllt á lit, merkt Birmingham.Var notað undir penna fyrir pennastangir. Boxið er eins og bók í laginu og opnað að ofan. No: 1346 á botninum. Penni límdur á kjölinn. Gefandi: Sigríður Vilhjálmsdóttir Skagaströnd 1982.
Guðmundur Guðnason 2 386
Undirfell í Vatnsdal. Ekki er vitað hvenær myndin var tekin.
Minjasafn 11 no2
Gripur nr. 11. Hekluð treyja, ermalaus svört og rauð. Tvíhneppt með silfruðum hnöppum. Hún er síðan um 1880. Eigandi var Ingibjörg Stefánsdóttir frá Engihlíð. Gefandi: Elísabet Árnadóttir Réttarholti Skagaströnd í janúar 1977.
Guðmundur Guðnason 2 454
Heyskapur upp á gamla mátann. Myndin var tekin á Vesturá í Laxárdal sem var heimili Guðmundar Guðnasonar (d. 21.11.1988) en fjölskylda hans bjó í dalnum á nokkrum bæum áður en þau fluttu að Ægissíðu á Skagaströnd. Á myndinni er Guðmundur að teyma heim hesta með heybagga á klökkum. Á þennan hátt var heyið flutt heim að fjárhúsum af engjum sem gátu verið langt frá bænum. Oft voru þá krakkar og liðléttingar notaðir til að teyma hestana á milli.
Minjasafn 409
Gripur nr. 409. Glerfleygur með korktappa.
Minjasafn 16
Gripur nr. 16. Rakhnífur. Blaðlengd 8 cm. Heiti hnífs er GONG RAZOR Extra Hallow Ground, framleiddur í Þýskalandi 1918 af Geng Cullery Co. Hnífurinn er svartur og svart hulstur fylgir með. Gefandi: Guðmundur Pétursson frá Höfðakoti Skagaströnd 8. febrúar 1973.
Minjasafn 50
Gripur nr. 50. Mynd af Elísabetu Berndsen Lækjabergi Hafnarfirði í ramma. Gefandi: Haraldur Árnason í janúar 1995.
Leikklúbbur Skagastrandar - safn155
Fyrsta öngstræti til hægri eftir Örn Bjarnason var verkefni leikársins 1987 - 1988 á vegum Leikklúbbs Skagastrandar. Verkinu leikstýrði Þröstur Guðbjartsson sem árið áður hafði leikstýrt Síldin kemur og síldin fer fyrir Leikklúbbinn. Á þessari mynd eru í hlutverkum sínum, frá vinstri: Hallveig Ingimarsdóttir, Jón Indriðason, Hallgrímur Oddsson, Anna Sjöfn Jónasdóttir og Jane Sillar.
Leikklúbbur Skagastrandar - safn109
Þessi mynd er úr fórum Leikklúbbs Skagastrandar. Hún sýnir Ardísi Ólöfu Arelíusdóttur sem var starfsmaður við margar sýningar klúbbsins á sínum tíma, oftast sem hvíslari.
Minjasafn 431
Gripur nr. 431. Lítill skrautplatti. Sporöskulagaður, blár með gulum krossi og gulum rósum. Gefandi Hrafna Jóhannesdóttir Hólabraut 25, Skagaströnd.
Minjasafn 48
Gripur nr. 48. Ljósmynd af Valný Benediktsdóttur frá Brandaskarði í ramma. Gefandi: Ólafur Ásgeirsson.
Jón Pálsson og Björk Axelsdóttir - safn021
Árið 1969 kom Kristján Eldjárn forseti Íslands í heimsókn til Skagastrandar. Þessi mynd var tekin á Höfðanum við það tækifæri. Forsetinn er á miðri mynd með gleraugu að hlýða á leiðsögn ?Páls Jónssonar? (d. 19.7.1979) skólastjóra. Séra Pétur Þ. Ingjaldsson (d. 1.6.1996) og Þorfinnur Bjarnason (d. 6.11.2005) sveitarstjóri standa hlið við hlið aftan við forsetann, annar þeirra með hatt í höndunum fyrir aftan bak. Dökkhærða konan til hægri er Hjördís Sigurðardóttir og lengst til hægri er Adolf J. Berndsen.
Leikklúbbur Skagastrandar - safn096
Þessi mynd er úr fórum Leikklúbbs Skagastrandar. Hún sýnir Bjarnhildi Sigurðardóttur sem lék í mörgum leikritum á vegum Leikklúbbsins á sínum tíma.
Minjasafn 257
Gripur nr. 257. Lampafótur. Stytta af hafmeyju. Er úr gipsi. Hafmeyjan er með perustykkið á höfðinu og er hún gullbronsuð á lit en hárið er rautt og einnig steinninn sem hún situr á. Rafmagnssnúran er mjög forn úr snúnu taui. Kom úr búi Ólafs Guðmundssonar og Elísabetar Karólínu Ferdinandsdóttur Brautarholti, Skagaströnd.
Sigurður Jónsson - safn 006
Á myndinni eru tvíburasysturnar Elsa Ingvarsdóttir (d. 11.12.2007) og Geirlaug Ingvarsdóttir frá Balaskarði. Gamli bærinn á Balaskarði er í baksýn. Ef þú þekkir systurnar sundur vinsamlega sendu okkur þá athugasemd.
Minjasafn 495
Gripur nr. 495. Krukka úr postulíni/leir. Er grábrún að lit með blóma- og laufamunstri á loki og á barmi. Myndir af trjám, húsi og fólki er á hliðum krukkunnar.
Minjasafn 329
Gripur nr. 329. Glerkanna, stór með smáröndum á, í fjórum litum. Ígreiptar rendur efst. Glerið leggst yfir stútinn. Hæð 25 cm, breidd á barmi 13 cm. Eitt glas í sama stíl fylgir með en hæð þess er 12 cm. Úr búi Sigríðar Ásgeirsdóttur og Jóhanns Péturssonar á Lækjarbakka, Skagaströnd. Gefandi: Jóhann Pétursson Lækjarbakka, Skagaströnd í september 1994.
Leikklúbbur Skagastrandar - safn164
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur en það verk var sett á fjalirnar leikárið 1986 - 1987 undir leikstjórn Þrastar Guðbjartssonar. Á þessari mynd eru í hlutverkum sínum, frá vinstri: Jón Arnarson, Steindór Haraldsson, Ingimar Oddsson, Bergþór Gunnarsson, Ástmar Kári Ástmarsson og Hendrik Berndsen.
Leikklúbbur Skagastrandar - safn152
Fyrsta öngstræti til hægri eftir Örn Bjarnason var verkefni leikársins 1987 - 1988 á vegum Leikklúbbs Skagastrandar. Verkinu leikstýrði Þröstur Guðbjartsson sem árið áður hafði leikstýrt Síldin kemur og síldin fer fyrir Leikklúbbinn. Á þessari mynd eru í hlutverkum sínum, frá vinstri: Sigrún Jónsdóttir, William Sillar og Björk Sveinsdóttir.
Árni Geir Ingvarsson -safn 484
Þessi mynd var tekin af þeim Þórunni Bernódusdóttur til vinstri, Guðrúnu Pálsdóttur í miðjunni og Höllu Björg Bernódusdóttur til hægri þar sem þær sitja í tröppunum við Stórholt - Bankastræti 3. Þar voru þær Halla og Þórunn aldar upp og Guðrún er mágkona þeirra. Myndin var tekin einhverntíma á árunum 1971- 1973. Húsið í baksýn er Höfðakot sem nú hefur verið rifið.
Leikklúbbur Skagastrandar - safn142
Leikárið 1984 - 1985 setti Leikklúbbur Skagastrandar á svið leikritið Saumastofan Hraðar hendur eftir Kjartan Ragnarsson í leikstjórn Halldórs E. Laxness. Þessi mynd var tekin af Halldóri við vinnu sína á æfingu.
Minjasafn 32
Gripur nr. 32. Rakhnífur. Rakhnífur í svartri öskju. Hnífurinn sjálfur er líka svartur King Cutter.
Guðmundur Guðnason 2 484
Eldri borgara í heimsókn í Þingeyrarkirkju ásamt nokkrum kvenfélagskonum. Ekki er vitað hvenær myndin var tekin. Frá vinstri: Þórunn Þorláksdóttir, Stefán Stefánsson (d. 2.1.1988),Skafti Fanndal Jónasson (d. 2.9.2006), Sigríður Ásgeirsdóttir (d. 11.12.2006), Sveinn Kristófersson (d. 9.5.1991) og Jóna Guðrún Vilhjálmsdóttir (d. 13.7.2003).
Minjasafn 15
Gripur nr. 15. Mortel, skálarlagað, með könnustút og fylgir því stautur með hnúð á enda. Þvermál skálar er 8x8 cm og dýpt er 5 cm en lengd stauts er 9 cm. Mortelið er úr leir með hvítri glerhúð. Þetta mortel var notað til að mylja meðöl í handa skepnum. Gefandi: Guðmundur Pétursson frá Höfðakoti 8. febrúar 1973.
Minjasafn 179
Gripur nr. 179. Illeppar sauðsvartir með mislitum röndum. Heklað grænblátt utan um, prjónaðir af gefanda. Gefandi: Guðný Finnsdóttir Skagaströnd í ágúst 1994.
Minjasafn 58
Gripur nr. 58. Brúnn rammi sem geymir margar myndir: tvær af Kristínu Bjarnadóttur, Hrólfur Jakobsson, Ólafur Guðlaugsson, Guðmundur Guðnason póstur, Jóhann Pétursson með lamb og Ólafur Guðmundsson í Brautarholti.
Skagaströnd - safn407
Viðbygging við leikskólann Barnaból formlega tekin í notkun í september 1994. Af því tilefni mættu foreldrar og velunnarar skólans og hlustuðu á ræðu og skoðuðu nýju aðstöðuna. Á þessari mynd eru frá vinstri: Ragnheiður Magnúsdóttir, Vigdís Ómarsdóttir og Ólafía Sigurjónsdóttir. Börnin á myndinni eru óþekkt.
1
…
97
98
99
…
167
Leita í myndasafninu
Leita