Beint í efni
Skagaströnd.is
↗
Allar myndir
Atvinnumál
✕
Flokkur
Annað
Atburðir
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Hafnarframkvæmdir
4.496 myndir
Flæði
Reitir
Guðmundur Guðnason576
Þessi Jarðýta þótti valda byltingu í jarðvinnslu þegar hún kom til Skagastrandar. Viggó Brynjólfsson átti ýtuna en löngu seinna eignaðist Gunnar Albertsson hana og síðan endaði hún lífdaga sína hjá Jakob Guðmundssyni á Árbakka. Í baksýn á myndinni eru fjárhús og hlaða undir Hólabergjunum til vinstri en yfir tönn ýtunanar sér í sænska húsið og til hægri er Röðulfell og einhver útihús.
Skagaströnd - safn462
Fjórtánda hreppsnefnd Höfðahrepps frá stofnun hans 1939. Fólkið á myndinni sat í nefndinni 1990 - 1994.
Adolf H Berndsen - safn027
Á heimilissýningu 1986 í Laugardalshöll settu starfsmenn Marska á Skagaströnd heimsmet. Þeir bökuðu stærstu sjávarréttapizzu í heimi og var metið staðfest af Örnólfi Thorlacius fulltrúa Heimsmetabókar Guinnes á Íslandi. Pizzan var um 10 fermetrar og eftir að hún hafði verið bökuð smökkuðu á henni um 6.800 manns. Steindór R. Haraldsson, sem var framleiðslustjóri Marska, áætlar að hægt hefði verið að gefa 20.000 manns að smakka því skammtarnir sem gefnir voru tóku um þriðjung af bökunni allri. Á þessarri mynd sér í bakið á Ragnari frá Ragnarsbakaríi en hann bjó til botninn í pizzuna og forbakaði hann. Steindór fylgist með aðstoðarmönnum sínum úr kokkalandsliðinu dreifa álegginu jafnt yfir botninn. Rækja og skelfiskur voru uppistaðan í álegginu ásamt sósu og fleiru sem Steindór útbjó. Eftir því sem best er vitað er þetta eina heimsmetið sem Skagstrendingar eiga.
Guðmundur Guðnason613
Pétur Jónsson (d. 18.2.1966) Stóra Bergi fylgist með á hrútasýningu. Myndin var tekin kringum 1960.
Ólafur Bernódusson091
Sigurbjörg Guðmundsdóttir skírir nýsmíðina Laxdal NS 110 í Skipasmíðastöð Guðmundar Lárussonar. Sigurbjörg er dóttir Guðmundar Lárussonar (d. 15.10.2002) eiganda stöðvarinnar. Sigríður Gestsdóttir systir hennar fylgist með.
Guðmundur Guðnason868
Brimið gengur yfir hafnarsvæðið á þessari mynd. Ekki er ljóst hvenær myndin var tekin.
Ólafur Bernódusson231
Myndin var tekin um borð í Arnarborg Hu í febrúar 1988 þegar hópur nemenda í pungaprófi - 30 tonna skipstjórnarréttinda - kom til að kynna sér tækin í brúnni. Á myndinni er Sigurjón Guðbjartsson að sýna tækin.
Ólafur Bernódusson215
Örvar Hu 21 kemur að landi með fulla lest af frosnum afurðum í apríl 1988. Örvar var fyrsti frystitogari Íslendinga en hann var smíðaður hjá Slippstöðinni á Akureyri fyrir Skagstrending hf.
Ólafur Bernódusson264
Báturinn á myndinni, Þórir Jóhannsson Gk, var fluttur inn frá Frakklandi sumarið 1988 eins og hann er á myndinni þ.e. bara skelin. Þórir var þá stærsti plastbáturinn í Íslenska flotanum. Skipasmíðastöðin Mánavör hf á Skagaströnd tók að sér að klára bátinn og gera hann haffæran. Mennirnir á myndinni eru Ómar Haraldsson framkvæmdastjóri Mánavarar til vinstri og eigandi bátsins Matthías Ingibergsson til hægri.
Ólafur Bernódusson191
1987 varð bruni í Sæbóli sem stóð ekki langt frá þar sem leikskólinn Barnaból stendur í dag. Guðmundur Óskarsson svaf í húsinu þegar eldurinn kom upp eldsnemma morguns og brenndist hann mjög illa og var lengi að komast á fætur aftur. Á þessari mynd er slökkviliðið komið á staðinn og byrjað að berjast við eldinn. Til hægri sér í stafninn á Barnabóli.
Guðmundur Guðnason012
Ekki er vitað hvar þessi mynd var tekin en ef grannt er skoðað má sjá stafina EA á bógnum á bátnum en ekki er hægt að lesa töluna á eftir. Það bendir til að þessi mynd gæti verið tekin einhversstaðar í Eyjafirði. Ef þú veist eitthvað um myndina vinsamlega sendu okkur þá athugasemd.
Óþekktur ljósmyndari149
Kántrýbær eftir endurbyggingu í kjölfar bruna. Útvarp Kántrýbær er á hluta efri hæðarinnar en veitingasala og samkomusalur á neðri hæðinni.
Ólafur Bernódusson128
Sumarið 1986 dældi dæluskipið Hákur sandi úr höfninni til að dýpka hana. Sandinum var dælt vestur fyrir verksmiðju og þannig búin til uppfylling. Hvítu rörin lágu frá höfninni upp í olíutankana við og á Höfðanum.
Ólafur Bernódusson179
Starfsfólk Rækjuvinnslunnar sótti námskeið 1987 sem gaf því formleg réttindi sem fiskvinnslufólk. Haldið var hóf í lok námskeiðsins til að halda upp á þennan áfanga fólksins. Á þessari mynd eru frá vinstri: Sigrún Lárusdóttir, óþekkt, Sigurbjörg Angantýsdóttir (d. 10.9.1997), Bernódus Ólafsson (d. 18.9.1996), óþekkt, Sigurbjörg Árdís Indriðadóttir, Grétar Haraldsson, Björn Ingi Óskarsson, óþekktur, Guðmundur Jóhannesson og Heimir Fjeldsteð.
Ólafur Bernódusson116
Vorið 1986 var haldið námskeið fyrir starfsfólk Rækjuvinnslunnar. Á þessari mynd sést hluti starfsmannanna hlusta á einhvern óþekktan leiðbeinanda. Frá vinstri: Hrönn Árnadóttir, Líney Jósefsdóttir, Guðrún Angantýsdóttir, óþekkt, Sigurbjörg Angantýsdóttir (d. 10.9.1997), óþekkt, Sigurbjörg Árdís Indriðadóttir, Sylvía Hrólfsdóttir, Aðalheiður Guðmundsdóttir (d. 24.9.2011), Björn Ingi Óskarsson, Sigurður Bjarnason, tveir óþekktir, Guðmundur Jóhannesson, óþekkt, óþekktur, Eygló Gunnarsdóttir, Jón Jónsson (d. 9.7.1991) og Hrafnhildur Jóhannsdóttir (Abbý).
Ólafur Bernódusson127
Slysavarnanámskeið sjómanna var haldið á Skagaströnd vorið 1986 á vegum Skagstrendings hf. Á þessari mynd svamlar Hjörtur Guðbjartsson í sjónum í flotgalla.
Ólafur Bernódusson284
Rækju landað úr Arnarborg Hu 11 í júlí 1989 í Skagastrandarhöfn. Arnarborginni var fargað og hún tekin af skipaskrá 11. maí 1992.
Ólafur Bernódusson141
<P>Sýslað með nýsmíði frá skipasmíðastöðinni Mánavör hf líklega 1986. Bátarnir í kring eru óþekktir.</P>
Ólafur Bernódusson126
Slysavarnanámskeið sjómanna var haldið á Skagaströnd vorið 1986 á vegum Skagstrendings hf. Á þessari mynd æfa sjómenn sig í að snúa við gúmmíbát sem lenti á hvolfi.
Ólafur Bernódusson218
Örvar Hu 21 leggur að bryggju á Skagaströnd í apríl 1988. Páll Valgeirsson fylgist með og bíður spenntur eftir að komast í land eftir langan túr.
Ólafur Bernódusson210
Vorið 1987 héldu eldri borgara sýningu í Höfðaskóla á handavinnu sinn sem þau höfðu unnið yfir veturinn undir leiðsögn Guðrúnar Guðmundsdóttur sem þá sá um félagsstarf aldraðra á Skagaströnd. Í gegnum árin hefur reynst erfitt að fá karlmenn inni í félagsstarfið og þess vegna eru einungis konur á myndinni. Lengst til vinstri á myndinni er Guðrún Guðmundsdóttir leiðbeinandi og kaupkona þá Jóhann Thorarensen ( d. 6.3.2004) frá Litla Bergi, Jóna Guðrún Vilhjálmsdóttir (d.13.7.2003) frá Dagsbrún, Hrefna Jóhannesdóttir (d. 9.11.2011) frá Garði, Sigurlaug Jónsdóttir (d. 15.8.2011) frá Ási, Laufey Sigurvinsdóttir ( 21.12.1994) frá Litla Bergi og Sigríður Fanný Ásgeirsdóttir (d. 11.12.2006) frá Lækjarbakka. Allar bjuggu þessar konur á Skagaströnd með fjölskyldum sínum mestan hluta ævinnar og settu mark sitt á bæinn. Hrefna var nýlega orðin 100 ára þegar hún lést.
Ólafur Bernódusson232
Myndin var tekin um borð í Arnarborg Hu í febrúar 1988 þar sem hópur nemenda í pungaprófi - 30 tonna skipstjórnarréttinda - er að kynna sér tækin í brúnni. Magnús Sigurðsson og Árni Björn Ingvarsson, til hægri, fikta í tækjunum.
Ólafur Bernódusson181
Starfsfólk Rækjuvinnslunnar sótti námskeið 1987 sem gaf því formleg réttindi sem fiskvinnslufólk. Haldið var hóf í lok námskeiðsins til að halda upp á þennan áfanga fólksins. Á þessari mynd hefur starfsfólkið raðað sér upp fyrir ljósmyndarann með viðurkenningarskjöl sín ásamt Vilhjálmi Egilssyni frá atvinnurekendum, fremst til vinstri, og Sævari Bjarnasyni formanni Verkalýðsfélags Skagastrandar, fremst til hægri. Aðrir á myndinni eru ef byrjað er efst til vinstri: Líney Jósefsdóttir, Dagný Hannesdóttir, Kristín Jónsdóttir, Björn Ingi Óskarsson, Sigurbjörg Árdís Indriðadóttir, Selma Þórarinsdóttir (d. 14.9.1990), óþekkt, Gunnar Þór Gunnarsson, Ingvar Þór Jónsson, Guðrún Angantýsdóttir, Sigurbjörg Angantýsdóttir, Grétar Haraldsson (horfir til hægri), Guðrún Sigurðardóttir, Sigurður Bjarnason, óþekkt og Guðmundur Jóhannesson.
Ólafur Bernódusson096
Annar bekkur Höfðaskóla veturinn 1982-83 að vinna í stofunni sinni. Hér var unnið í stöðvavinnu og Jón Heiðar Jónsson og tvö óþekkt börn vinna við stærðfræðiborðið. Til hægri vinnur Baldur Magnússon við frjálst-val borðið.
Ólafur Bernódusson273
Myndin var tekin þegar verið var að grafa sjónvarpskapal Sjónvarpsfélags Skagastrandar í jörðu í bænum í október 1988. Á myndinni er Þorgeir Jónsson til vinstri með Rúnari??.
Ólafur Bernódusson105
Mikið að gera í Skagastrandarhöfn í apríl 1986. Maðurinn í samfestingnum er Birgir Árnason (d. 2.2.2005) hafnarvörður. Skuttogarinn Örvar í baksýn en löndun er í gangi úr Hafrúninni. Helga Björg er aftan við Hafrúnina næst bryggjunni en utan á Helgunni er Auðbjörg. Ásbjörg St 9 liggur austur/vestu framan við Helguna og Auðbjörgina. Arnarborgin er framan við Örvar og svo sést Ólafur Magnússon uppi í slipp í vélskiptum
Ólafur Bernódusson227
Þessi vaski hópur tók pungapróf - 30 tonna skipstjórnarréttindi - eftir námskeið á Skagaströnd í febrúar 1988. Myndin var tekin um borð í Arnarborg Hu en þangað fór hópurinn til að kynna sér tækin í brúnni. Í brúarglugganum er Sigurjón Guðbjartsson sem leiddi hópinn í allan sannleik um notkun tækjanna. Aftari röð frá vinstri: Björgvin Karlsson, Þorvaldur Skaftason, Vilhelm Jónsson, Jakob Guðmundsson og Gunnar Hafdal. Fremri röð: Árni Björn Ingvarsson, Magnús Sigurðsson, Gunnar Þór Gunnarsson, Herborg Þorláksdóttir, Axel Jóhann Hallgrímsson, Ástmar Kári Ástmarsson, Guðmundur J. Björnsson, Ólafur Bernódusson og Gylfi Guðjónsson sem var leiðbeinandi á námskeiðinu.
Ólafur Bernódusson274
Dvalarheimilið Sæborg var vígt formlega 22. október 1988. Við það tækifæri fluttu þau hjónin Julian Hewlet og Rosemary Hewlet tónlist og spiluðu líka undir söng. Meðal söngvara voru Guðmundur Guðnason (d. 21.11.1988) til vinstri Kristján Hjartarson (d. 2.8. 2003) í miðjunni og svo sést í Sigmar Jóhannesson (d. 20.4. 2000) lengst til hægri.
Óþekktur ljósmyndari150
<P>Þessi hestasteinn er staðsettur á túnbletti sunnan við Kántrýbæ. Hann er hugsaður fyrir þá sem koma ríðandi til að njóta þess sem Kántrýbær hefur upp á að bjóða. </P>
Ólafur Bernódusson186
Fólkið á þessari mynd var starfsfólk Hólaness hf meðan þar störfuðu kringum 40 manns við fiskvinnslu. Fólkið sat námskeið á vegum fyrirtækisins 1987 og hlaut eftir það starfsheitið: Sérhæfður fiskvinnslumaður. Hólanes hf hélt sínu fólki kaffisamsæti við lok námskeiðsins og öllum voru afhent skírteini og blóm í tilefni dagsins. Frá vinstri: Guðný Björnsdóttir, Sólveig Róarsdóttir, Anna H. Aspar (d. 1.9.1999), Guðbjartur Sævarsson, Bernódus Ólafsson (d. 18.9.1996), Anna ? ( Bakka í Skagahreppi), Rúnar Jóhannsson er á bakvið Önnu, Fjóla Jónsdóttir, Magnús Guðmannsson, Guðrún Magnúsdóttir, Kristín Björnsdóttir, Gunnar Stefánsson, Soffía Pétursdóttir, Arnar Arnarsson, Bergljót Óskarsdóttir (d. 22.2.2004), Amy Eymundsdóttir (d. 7.3.2012), Þórunn Þorláksdóttir, Salóme Jóna Þórarinsdóttir, Matthildur Jónsdóttir (d. 5.6.2015), Þorgeir Jónsson, Bjarnhildur Sigurðardóttir, Erna Högnadóttir, Inga Þorvaldsdóttir (d.14.12.2012) og Erna Sigurbjörnsdóttir. Myndin var tekin í kaffistofu Hólaness hf.
Ólafur Bernódusson118
Vorið 1986 var haldið námskeið fyrir starfsfólk Rækjuvinnslunnar. Á þessari mynd sést hluti starfsmannanna hlusta á einhvern óþekktan leiðbeinanda. Frá vinstri: Hrönn Árnadóttir, Líney Jósefsdóttir, Guðrún Angantýsdóttir, óþekkt, Sigurbjörg Angantýsdóttir (d. 10.9.1997), Sigurbjörg Árdís Indriðadóttir, Sylvía Hrólfsdóttir, Aðalheiður Guðmundsdóttir (d. 24.9.2011) og Björn Ingi Óskarsson.
Guðmundur Guðnason600
Þessi mynd er sennilega tekin 1961. Myndin er úr Kálfshamarsvík og sýnir flota síldarbáta sem eru í vari við Kálfshamarsnesið.
Guðmundur Guðnason853
Guðberg Stefánsson (d. 15.9.1991) (Bergur sterki) úr Rjúpnafelli, vinnur við girðingu í kringum Hólaneskirkju (eldri). Húsið í baksýn var Stóra Berg.
Ólafur Bernódusson177
Starfsfólk Rækjuvinnslunnar sótti námskeið 1987 sem gaf því formleg réttindi sem fiskvinnslufólk. Haldið var hóf í lok námskeiðsins til að halda upp á þennan áfanga fólksins. Á þessari mynd eru frá vinstri: Guðmundur Sigvaldason sveitarstjóri, Ingvar Þór Jónsson, Gunnar Þór Gunnarsson, Líney Jósefsdóttir, þrjú óþekkt, Aðalheiður Guðmundsdóttir (d. 24.9.2011), Guðrún Sigurðardóttir, óþekktur, Selma Þórarinsdóttir (d. 14.9.1990), Ardís Ólöf Arelíusdóttir, Lisbet Gestsdóttir, Þórunn Óladóttir, Sólveig Eiðsdóttir og Kristín Jónsdóttir.
Guðmundur Guðnason864
Bogabraut 10 - Pósthúsið (nú Tónlistarskólinn). Myndin var sennilega tekin 1964 - 65. Þá var pósthús og símstöð á neðri hæðinni en íbúð á efri hæðinni.
Skagaströnd - safn472
Inga Rós Sævarsdóttir sat í hreppsnefnd Sveitarfélagsins Skagaströnd 2014 - 2018.
Ólafur Bernódusson221
<p>Hildigunnur Jóhannsdóttir (d. 1.1.1996) til vinstri og Birna Bjarnadóttir til hægri við sníðaborðið á saumastofunni Violu á efstu hæðinni í Gamla kaupfélaginu á Skagaströnd. Myndin var tekin í nóvember 1987. </p>
Skagaströnd - safn477
Hreppsnefnd Sveitarfélagsins Skagaströnd 2010 - 2014 var sjálfkjörin því aðeins kom fram eitt framboð til sveitarstjórnar. Á myndinni er nefndarfólkið ásamt sveitarstjóra. Frá vinstri: Adolf H. Berndsen oddviti, Magnús B. Jónsson sveitarstjóri, Jensína Lýðsdóttir, Péturína L. Jakobsdóttir, Halldór Gunnar Ólafsson og Jón Ólafur Sigurjónsson.
Ólafur Bernódusson183
Starfsfólk Rækjuvinnslunnar sótti námskeið 1987 sem gaf því formleg réttindi sem fiskvinnslufólk. Haldið var hóf í lok námskeiðsins til að halda upp á þennan áfanga fólksins. Á þessari mynd er fólk sem tengdist Rækjuvinnslunni sem stjórnarmenn eða viðskiptamenn t.d. sjómenn á rækjubátum. Frá vinstri: Guðrún Guðbjörnsdóttir,Jón Jónsson, Sveinn Ingólfsson fyrir aftan Jón, Vilhjálmur Egilsson frá atvinnurekendum, Adolf J. Berndsen, Gunnar Sveinsson, Gylfi Sigurðsson og Guðmundur Sigvaldason sveitarstjóri. Til hægri sjást Ingvar Þór Jónsson og Líney Jósefsdóttir,
Ólafur Bernódusson131
Nýsmíðin Særós Nk 86 sjósett í fyrsta sinn frá skipasmíðastöðinni Mánavör hf sumarið 1986. Mennirnir á myndinni eru óþekktir.
Ólafur Bernódusson193
1987 varð bruni í Sæbóli sem stóð ekki langt frá þar sem leikskólinn Barnaból stendur í dag. Guðmundur Óskarsson svaf í húsinu þegar eldurinn kom upp eldsnemma morguns og brenndist hann mjög illa og var lengi að komast á fætur aftur. Á þessari mynd er Guðmundur Ólafsson slökkviliðsmaður að kanna hvort einhversstaðar leynist glóð. Guðmundur veður vatn í ökla á gólfinu.
Ólafur Bernódusson114
Skafti Fanndal Jónasson (d. 2.9.2006) reri stundum til fiskjar að gamni sínu og til að ná sér í fisk í soðið. Almennt voru þorskarnir sem hann dró ekki eins stórir og þessi sem mældist 140 cm á lengd og vó 38 kg. Þorskinn fékk Skafti í róðri vorið 1986. Jónas Fanndal Þorvaldsson, sem stendur vinstra megin við þorskinn, er afabarn Skafta og á myndinni er hann 10 ára gamall. Stúlkan hægra megin er Hólmfríður Anna Ólafsdóttir (Día Anna) en hún var 11 ára þegar myndin var tekin.
Ólafur Bernódusson351
Ný flæðilína var mikil framför í fiskvinnslunni í frystihúsi Hólaness hf. Þessi mynd var tekin í janúar 1989 þar sem konurnar eru að vinna við nýju flæðilínuna í sal frystihússins. Næstar okkur á myndinni eru Fjóla Jónsdóttir til vinstri og Sylvía Hrólfsdóttir til hægri.
Ólafur Bernódusson321
Pétur Eggertsson hafði forgöngu að stofnun Rauða kross deildar á Skagaströnd. Bíllinn á myndinni er fyrsti sjúkrabíllinn sem deildin eignaðist 1989. Pétur fjármagnaði kaupin á honum sjálfur.
Ólafur Bernódusson283
Í júlí 1989 slasaðist Heimir Guðmundsson við vinnu sína úti á sjó. Lítill bátur var fenginn til að sækja Heimi og á þessari mynd er hann að stíga í land með umbúðir á andlitinu. Á myndinni eru auk Heimis, Jóhannes Sveinsson til vinstri í bátnum og Hendrik Berndsen til hægri. Árni Geir Ingvarsson fylgist með á bryggjunni ásamt Þórdísi Sigurðardóttur konu Heimis. Stúlkan á myndinni er óþekkt.
Ólafur Bernódusson266
Báturinn á miðri myndinni, Þórir Jóhannsson Gk, var fluttur inn frá Frakklandi sumarið 1988 þ.e. bara skelin ófrágengin. Skipasmíðastöðin Mánavör hf á Skagaströnd tók að sér að klára bátinn og gera hann haffærann. Á þessari mynd er verkinu um það bil lokið og báturinn að verða tilbúinn til að hefja veiðar.
Ólafur Bernódusson307
Skólastjórnendur Höfðaskóla á óformlegum fundi í nóvember 1989. Páll Leó Jónsson skólastjóri til vinstri og Ingibergur Guðmundsson aðstoðarskólastjóri til hægri.
Ólafur Bernódusson089
Starfsmenn og gestir í Skipasmíðastöð Guðmundar Lárussonar árið 1982 eða 83 samankomnir í tilefni skírnar á nýsmíðinni Laxdal NS 110. Lengst til vinstri eru séra Pétur Þ. Ingjaldsson (d. 1.6.1996) og Guðmundur Lárusson (d. 15.10.2002) sem flytur ræðu af blaði.
Ólafur Bernódusson275
Dvalarheimilið Sæborg var vígt formlega 22. október 1988. Á þessari mynd rekur Eðvarð Hallgrímsson, byggingameistari og verktaki, byggingasögu hússins fyrir gesti við vígsluathöfnina.
Ólafur Bernódusson168
Veturinn 1994 -1995 var sérlega snjóþungur og illviðrasamur. Einkum átti þetta við um tímann frá jólum og fram í maí. Snjóþyngslin voru svo mikil að erfitt var að moka göturnar og á sumum þeirra var snjórinn látinn eiga sig og hann troðinn með snjótroðara og síðan óku bílarnir á ca tveggja metra þykkum sköflum. Í einu norð-austan óveðrinu í febrúar hlóðst svo mikil ísing á báta í höfninni að menn urðu að standa vaktina og moka af þeim. Í tilviki Hafrúnar Hu 12 tókst ekki að moka og berja ísinguna af nógu hratt þannig að hún sökk í höfninni. Hafrún var í eigu bræðranna Sigurjóns og Árna Guðbjartssona en þeir brugðust fljótt við og fengu sérfræðinga til að aðstoða sig við að ná Hafrúnu úr kafi. Myndin var einmitt tekin þegar báturnn var að koma upp eftir að lofthylkjum hafð verið raðað á hann til að lyfta honum upp í yfirborðið. Þá var hafist handa við að dæla sjó úr bátnum þar til hann fór að fljóta sjálfur. Þeir bræður voru ekki á því að gefa Hafrúnina upp á bátinn heldur endurbyggðu þeir og breyttu henni með glæsibrag og skiptu um vél og annað sem þurfti. Nokkrum árum seinna seldu þeir bátinn í burtu en nokkrum árum þar á eftir keyptu þeir Hafrúnina aftur og er hún enn gerð út frá Skagaströnd af Sigurjóni Guðbjartssyni eftir því sem kvótinn leyfir.
Ólafur Bernódusson124
Slysavarnanámskeið sjómanna var haldið á Skagaströnd vorið 1986 á vegum Skagstrendings hf. Á þessari mynd eru togarasjómenn að búa sig undir að stökkva í sjóinn í flotbúningum sínum. Erfitt er að þekkja menn í þessum búningum en svartskeggjaði maðurinn hægra megin á myndinni er Árni Ólafur Sigurðsson og framan við hann til vinstri er Sævar Hallgrímsson. Gestur Arnarson stendur á bryggjukantinum og horfir til himins. Aðrir eru óþekktir.
Ólafur Bernódusson152
Þetta skip, Stakkanes, átti Skagstrendingur hf um tíma. Hér er Stakkanesið í höfn á Skagaströnd í fyrsta sinn 1987.
Ólafur Bernódusson277
Hólaneskirkja í byggingu í október 1988. Gamla kirkjan í baksýn.
Ólafur Bernódusson226
Þessir nemendur, staddir í bókasafni Höfðaskóla í febrúar 1988, eru að fylgjast með kennslu til pungaprófs eða 30 tonna skipstjórnarréttinda. Frá vinstri: Herborg Þorláksdóttir, Ásmar Kári Ástmarsson (fjær), Árni Björn Ingvarsson, Axel Jóhann Hallgrímsson, Gunnar Þór Gunnarsson, Vilhelm Jónsson, Björgvin Karlsson, Guðmundur J. Björnsson, Jakob Guðmundsson (fjær), Þorvaldur Skaftason, Magnús Sigurðsson og Gunnar Hafdal.
Ólafur Bernódusson140
Þessi mynd var tekin í hófi sem haldið var til að vígja endurbyggingu Hólanes frystihússins 1986 eða 87. Meðal annars var verið að fagna tilkomu glæsilegrar kaffistofu á efstu hæð hússins. Á þessari mynd er Sigurjón Guðbjartsson stjórnarformaður Hólanes hf í ræðustól. Í forgrunni má sjá Jóhann Ásgeirsson og Óla Hjörvar Kristmundsson starfsmenn frystihússins.
Ólafur Bernódusson125
Slysavarnanámskeið sjómanna var haldið á Skagaströnd vorið 1986 á vegum Skagstrendings hf. Á þessari mynd eru sjómenn að æfa sig í að komast um borð í gúmmíbát.
Óþekktur ljósmyndari151
Hafrún Hu 12 á skemmtisiglingu á sjómannadegi. Björgunarbáturinn Þórdís siglir nær okkur og óþekkt lítil fleyta er fyrir framan Hafrúnina. .
Ólafur Bernódusson142
Þessi mynd var tekin í hófi sem haldið var til að vígja endurbyggingu Hólanes frystihússins 1986 eða 87. Meðal annars var verið að fagna tilkomu glæsilegrar kaffistofu á efstu hæð hússins. Á þessari mynd er Lárus Ægir Guðmundsson framkvæmdastjóri Hólanes hf í ræðustól. Jóhann Ásgeirsson starfsmaður fyrirtækisins í forgrunni.
Ólafur Bernódusson145
Þessi mynd var tekin í hófi sem haldið var til að vígja endurbyggingu Hólanes frystihússins 1986 eða 87. Meðal annars var verið að fagna tilkomu glæsilegrar kaffistofu á efstu hæð hússins. Á þessari mynd sér yfir salinn í kaffistofunni þar sem starfsmenn Hólaness hf og aðrir gestir njóta kaffiveitinga í tilefni dagsins.
Ólafur Bernódusson230
Myndin var tekin um borð í Arnarborg Hu í febrúar 1988 þar sem hópur nemenda í pungaprófi - 30 tonna skipstjórnarréttinda - er að kynna sér tækin í brúnni. Á þessari mynd leiðbeinir Sigurjón Guðbjartsson þeim Guðmundi J. Björnssyni og Jakob Guðmundssyni (með skegg) um meðferð tækjanna.
1
…
12
13
14
…
75
Leita í myndasafninu
Leita