Beint í efni
Skagaströnd.is
↗
Allar myndir
Atvinnumál
✕
Flokkur
Annað
Atburðir
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Hafnarframkvæmdir
4.496 myndir
Flæði
Reitir
Minjasafn686
Síldarsöltun á bryggjunni á Skagaströnd 23. júlí 1962. Myndina tók Pétur H.J. Jakobsson en hún er í eigu Muna- og Minjasafns Skagastrandar, gefin af hjónunum Jónasi Tryggvasyni og Þorbjörgu Bergþórsdóttur á Blönduósi.
Vélaverkstæði Skagastrandar - safn 054
Á þessari mynd, sem var tekin í vélarúmi eins af togurum Skagstrendings hf, eru: Gísli Snorrason frá Vélaverkstæði Karls Berndsen, sem beygir sig fram yfir viðfangsefnið, Jón Indriðason vélstjóri, með heyrnahlífarnar, Ernst Berndsen vélstjóri, í ljósbláum samfestingi, og sonur hans Friðvin Ingi Ernstson. Allir eru þeir greinilega að vinna við vél togarans.
Minjasafn800
Gísli Árni RE 375. Stærð 355 rúmlestir brúttó. Smíðaár 1965 í Noregi. Vél Wichmann 700 hestöfl. Heimahöfn Reykjavík. Myndin er í eigu Muna- og Minjasafns Skagastrandar.
Vélaverkstæði Skagastrandar - safn 053
Vinnufélagarnir Valdimar Viggósson til vinstri og Bergþór Gunnarsson til hægri þvo sér um hendurnar að afloknum vinnudegi á Vélaverkstæði Karls Berndsen.
Vélaverkstæði Skagastrandar - safn 067
Líklega var þessi mynd tekin á Strandgötu 10, heimili Karls Berndsen, í kaffiboði um jól fyrir starfsmenn Vélaverkstæðis Karls Berndsen. Ekki er vitað hvenær myndin var tekin en það hefur sennilega verið kringum 1985. Á myndinni eru frá vinstri: Karl Berndsen (d. 12.21995), Ernst Berndsen, Vilhelm Björn Harðarson og Gísli Snorrason. Næst okkur er hnakkinn á Jóhannesi Sveinssyni.
Minjasafn737
Hindenburg Hu 45 í eigu Ole Aamundsen í Lundi kemur úr róðri. Skipstjóri á bátnum var Indriði Brynjólfsson frá Ytri - Ey en hásetarnir eru óþekktir. Hindenburg var tæp fjögur tonn að stærð. Myndin, sem sennilega var tekin einhverntíma kringum 1940, er í eigu Muna- og Minjasafns Skagastrandar. Gefandi: Birgir Árnason Straumnesi á Skagaströnd 1. desember 1994.
Minjasafn793
Hrafn Sveinbjarnarson GK 10. Stærð 110 rúmlestir brúttó. Smíðaár 1960 í Noregi. Vél Alpha-Diesel 385 hestöfl. Heimahöfn Grindavík. Myndin er í eigu Muna- og Minjasafns Skagastrandar.
Vélaverkstæði Skagastrandar - safn 089
<p> Einar Haukur Arason til vinstri og Bjarni Ottósson til hægri vinna við að skipta um þak á Vélaverkstæði Skagastrandar - eldri hluta.</p>
Minjasafn786
Þessi mynd var tekin af mönnum við köfunarstörf. Kafarinn með hjálminn er Guðmundur Jóhannesson (d.17.4.2018) en sá sem er að klæða hann, og snýr baki í okkur, er Bernódus Ólafsson (d. 18.9.1996). Maðurinn í köflótta jakkanum er Þórbjörn Jónsson (d. 22.1.1996) en hann var verkstjóri og var í sambandi við Guðmund gegnum talstöð meðan hann var í kafi. Guðmundur var kafari í mörg ár og kafaði víða í höfnum á Íslandi. Á myndinni er Karl Berndsen (d. 12.2.1995) í "frosk-kafara" búningi lengst til vinstri en hinir tveir eru óþekktir. Hjólin, sem Karl og óþekkti maðurinn með húfuna halla sér upp að, var loftdælan sem notuð var til að dæla lofti niður í búninginn hjá Guðmundi kafara. ( Myndin er í eigu Muna- og Minjasafns Skagastrandar. Gefandi: Hrönn Árnadóttir Hólabraut 14, Skagaströnd).
Árni Geir Ingvarsson - safn 506
<p>Á þessari mynd er Helga Björg Hu 7 að hjálpa til við að koma vélarvana Arnarborg Hu 11 í dráttarbrautina þar sem Arnarborgin var svo rifin 1993. </p>
Höfðaskóli013
Töluvert af trjáplöntum hefur verið plantað í hlíðum Spákonufells á undaförnum áratugum. Á þessari mynd er Elínborg Jónsdóttir (d. 7.1.2007) að gera sig, og einhverja nemendur Höfðaskóla, klára til að gróðursetja græðlinga fyrir komandi kynslóðir til að njóta í framtíðinni. Maðurinn til hægri á myndinni er ?Hafsteinn Pálsson? en barnið til vinstri er óþekkt.
Árni Geir Ingvarsson - safn 491
Helga Björg Hu 7 kemur heim úr grásleppuróðri. Fremst í stafninum stendur Hallgrímur Kristmundsson (d. 9.10.1998) vélstjóri en aftar er Gylfi Sigurðsson stýrimaður. Í brúnni er svo Jón Ólafur Ívarsson (d. 29.12.2013) (Daddi) skipstjóri. Þeir félagar þrír áttu Helgu Björgu saman og gerðu hana út í mörg ár.
Árni Geir Ingvarsson - safn 513
Þorvaldur Skaftason, lengst til vinstri, aðstoðar Axel Jóhann Hallgrímsson (snýr baki í okkur) og Sigurbjörn Björgvinsson, við að klæðast flot-björgunarbúningi. Í slíkum búningi fljóta menn og á þeim er belti sem nota má til að hífa viðkomandi upp í þyrlu ef þarf.
Vélaverkstæði Skagastrandar - safn 058
Myndin var tekin um borð í einum af togurum Skagstrendings hf af mönnum frá Vélaverkstæðinu við vinnu sína. Fremst á myndinni er Friðvin Ingi Ernstson hjálparkokkur, næst er Guðjón Árnason og aftast er Ari Þórsson.
Árni Geir Ingvarsson - safn 519
Flot-björgunarbúningar prófaðir í höfninni á Skagaströnd. Frá vinstri: Axel Jóhann Hallgrímsson, Ragnar Högnason, Þorvaldur Skaftason og Sigurbjörn Björgvinsson.
Árni Geir Ingvarsson - safn 553
Jón Jósefsson um borð í einum af togurum Skagstrendings hf.
Minjasafn763
<p>Í bókinni "Sjósókn frá Skagaströnd & Vélbátaskrá 1908 - 2010" eftir Lárus Ægi Guðmundsson stendur eftirfarandi um þennan bát: <em>" Vinur ÍS 101. Báturinn var smíðaður úr eik og furu á Ísafirði árið 1934 og var 12 brl. með 38 ha. Tuxham vél. Sumarið 1948 fluttu Árni Ólafur Guðmonsson og kona hans, Halla Júlíusdóttir, til Skagastrandar frá Ströndum og með þeim synir þeirra Baldur og Júlíus. Síðsumars þetta sama ár keyptu þeir feðgar, Árni, Júlíus og Baldur, bátinn Vin ÍS101 frá Hnífsdal. Þetta var mikil ólánsfleyta og hafði tvisvar týnt manni meðan hann var þar vestur frá og síðan gerðist það að Árni féll útbyrðis af bátnum þetta ár og drukknaði. Báturinn var seldur til Steingrímsfjarðar og sökk hann á Húnaflóa 28. nóvember 1949. Vinur var líklega aldrei skráður HU."</em> Myndin er í eigu Muna- og Minjasafns Skagastrandar. Gefandi: Gunnlaugur Árnason karlsskála 12. september 1996. </p>
Árni Geir Ingvarsson - safn 510
Ragnar Ingvarsson til vinstri og Hjörtur Guðmundsson til hægri um borð í Ólafi Magnússyni Hu 54 á netavertíð.
Árni Geir Ingvarsson - safn 495
Á þessari mynd sést greinilega stærðarmunurinn á frystitogurum Skagstrendings hf. Arnar Hu 1 er nær bryggjunni en Örvar Hu 21 liggur utan á honum. Miðað við stærð skilaði Örvar ótrúlegum verðmætum í þjóðarbúið meðan hann var gerður út frá Skagaströnd.
Minjasafn803
Hamravík KE 75. Stærð 192 rúmlestir brúttó. Smíðaár 1963 í Noregi. Vél Lister - Diesel 495 hestöfl. Heimahöfn Keflavík. Myndin er í eigu Muna- og Minjasafns Skagastrandar.
Minjasafn789
Birgir Árnason (d. 2.2.2005) Straumnesi á Skagaströnd sker hákarl í beitur til að setja þær síðan í kösina til kæsingar. Myndin er í eigu Muna- og Minjasafns Skagastrandar. Gefandi: Birgir Árnason 1994.
Árni Geir Ingvarsson - safn 562
Guðmundur Rúnar Kristjánsson við vinnu sína sem smiður um borð í Þóri sem var stór plastbátur sem var innréttaður í Skipasmíðastöð Mánavarar hf 1987- 1988.
Minjasafn688
Síld landað úr Húna Hu 1 á Skagaströnd 1959 eða 1960. Maðurinn sem stendur á bryggjunni og snýr baki í myndavélina er líklega Guðberg Stefánsson (d. 15.9.1991) Rjúpnafelli á Skagaströnd. Maðurinn með húfuna sem stendur við spilið er Gunnar Albertsson en aðrir eru óþekktir. Myndina tók Guðmundur Kr. Guðnason en hún er í eigu Muna- og Minjasafns Skagastrandar og það var Helga Berndsen frá Karlsskála sem gaf myndina í september 1996.
Vélaverkstæði Skagastrandar - safn 034
Guðmundur Guðmundsson til vinstri og Þórarinn Eiðsson (d. 14.6.2002) gera sig klára til að fara út á dekk að vinna um borð í Arnar Hu 1.
Heimsókn í Laugafisk
Sólveig Eiðsdóttir til vinstri og Juanita ? kynna sér hausaþurrkun hjá Laugafiski. Ekki er vitað hvenær myndin var tekin en líklega var það kringum 2000.
Vélaverkstæði Skagastrandar - safn 002
Björn Hallbjörnsson rafvirki á vinnsludekkinu um borð í Arnari Hu 1 (núverandi Arnari Hu 1) að sinna viðhaldi.
Vélaverkstæði Skagastrandar - safn 086
Bergþór Gunnarsson vinnur við rennibekkinn á Vélaverkstæði Karls Berndsen.
Minjasafn784
Sæbjörn Hu 3. Bátinn keyptu Ísleifur Haraldsson og Sigurður Bjarnason til Skagastrandar árið 1970. Hann var svo ónýttur í mars 1974 og sagaður í tvennt. Myndin er í eigu Muna- og Minjasafns Skagastrandar. Gefandi: Árni Björn Ingvarsson Hólabraut 22, Skagaströnd árið 1993.
Vélaverkstæði Skagastrandar - safn 021
Ernst Berndsen vélstjóri í vélarúminu á Arnari Hu 1. Áletrunin á myndinni er ráðgáta því Arnar var smíðaður í Japan og gjarnan kallaður Japans-Arnar til aðgreiningar frá öðrum yngri togurum Skagstrendings hf með sama nafni.
Vélaverkstæði Skagastrandar - safn 041
Hákarl er ekkert alltof vinsæll meðafli sem stundum kemur í trollið. Það getur nefnilega verið snúið að ná svona risaskepnu úr trollinu á dekkinu án þess að skemma það mikið. Maðurinn sem stendur hjá hákarlinum, um borð í Arnari Hu 1, er Karl Rósinbergsson (d. 29.3.2004). Hákarlinn á myndinni er beinhákarl. Hann er ekki nýttur lengur heldur er honum skilað í hafið aftur hið snarasta. Samkvæmt Vísindavefnum getur beinhákarl orðið allt að 12 metrar að lengd en er meinleysisskepna sem syndir um tannlaus með galopið ginið því hann lifir á örsmáu dýrasvifi. Öfugt við aðrar hákarlategundir hefur hann beinkennda stoðgrind en ekki úr brjóski. Vegna gríðarstórrar lifrar í honum var hann mjög verðmætur á árum áður vegna lýsisins sem unnið var úr henni og flutt út á háu verði.
Vélaverkstæði Skagastrandar - safn 003
Viðhaldsgengi frá Vélaverkstæði Skagastrandar um borð í einum af togurum Skagstrendings hf að spá í spilin ásamt vélstjóranum. Frá vinstri: Ari Þórsson, Birkir Rafn Gíslason, óþekktur, Óli Axel Óskarsson, Gísli Snorrason og Finnur Kristinsson yfirvélstjóri.
Minjasafn762
<p>Aftan á þessari mynd stendur: <em>"M/b Farsæll ca 6 tonn. Árni Guðmonsson og synir áttu bátinn. Gef. Helga Berndsen Karlsskála 12.9.1996"</em>. Líklega er myndin af Farsæli St 42 sem eigendurnir fluttu með sér þegar þeir fluttu til Skagastrandar frá Strandasýslu. Myndin er í eigu Muna- og Minjasafns Skagastrandar.</p>
Vélaverkstæði Skagastrandar - safn 018
Ólafur Guðmundsson (d. 7.4.2015) uppi á þakinu og Kári Lárusson við þakkantinn, vinna við að skipta um þak á Vélaverkstæði Skagastrandar.
Bernódus Ólafsson og Anna Aspar - safn087
Á myndinni sést vel hluti af síldarfæribandi sem flutti síld frá skipum upp í verksmiðju þegar við átti. Bryggjan var líka vinsæll dorgveiðistaður og ef grannt er skoðað sjást þrír dorgveiðimenn á myndinni. Þeir eru óþekktir nema ljóshærði drengurinn, sem er Ólafur Bernódusson.
Vélaverkstæði Skagastrandar - safn 047
Björn Sigmundsson vélstjóri og Ernst Berndsen yfirvélstjóri við vinnu um borð í einum af togurum Skagstrendings hf, líklega Örvari Hu 21.
Minjasafn782
Húni Hu 1. Báturinn var smíðaður úr stáli í Austur Þýskalandi 1957, 75 tonn að stærð með 280 hestafla MWM vél. Húni var smíðaður fyrir Húnvetning hf á Skagaströnd. Báturinn fórst út af Hópsnesi með 8 manna áhöfn 2. mars 1976 en hafði þá nafnið Hafrún ÁR og var löngu kominn úr eigu Húnvetnings hf. Myndin er í eigu Muna- og Minjasafns Skagastrandar. Gefandi: Gunnlaugur Árnason Karlsskála á Skagaströnd 6.maí 1996.
Minjasafn736
Bátar í höfninni á Skagaströnd. Lengst til vinstri er Ludendorf Hu 46, Hindenburg Hu 45 í miðju, en þá báta átti Ole Aamundsen í Lundi. Síðan kemur Stóri Gulur sem var í eigu Ernst Berndsen frá Karlsskála. Fjórði báturinn, sá minnsti, næst lengst til vinstri, er óþekktur. Myndin er í eigu Muna- og Minjasafns Skagastrandar. Gefandi: María Magnúsdóttir Asparlundi á Skagaströnd í janúar 1995.
Vélaverkstæði Skagastrandar - safn 072
Myndin var tekin í kaffi á Strandgötu 10, heimili Karls Berndsen, á óþekktum tíma. Frá vinstri: Jósef Stefánsson (d. 9.12.2001), Þórarinn Björnsson (d. 24.5.1985) og Hjörtur Guðbjartsson.
Minjasafn796
Rán SU 58. Stærð 56 rúmlestir brúttó. Smíðaár 1956 í Danmörku. Vél Deutz - Diesel 230 hestöfl. heimahöfn Fáskrúðsfjörður. Myndin er í eigu Muna- og Minjasafns Skagastrandar.
Minjasafn801
Fróðaklettur GK 250. Stærð 251 rúmlest brúttó. Smíðaár 1964 í Noregi. Vél Lister Diesel 660 hestöfl. Heimahöfn Hafnarfjörður. Myndin er í eigu Muna- og Minjasafns Skagastrandar.
Minjasafn785
Flosi Hu 15. Bátinn keyptu Gunnar Sveinsson og Eiður Hilmarsson til Skagastrandar 1960 og gerðu hann þar út í nokkur ár. Hjalti Skaftason flutti bátinn norður fyrir vini sína á vörubíl sem hann hafði umráð yfir á þessum tíma. Myndin er í eigu Muna- og Minjasafns Skagastrandar. Gefandi: Hrönn Árnadóttir Hólabraut 14, Skagaströnd.
Vélaverkstæði Skagastrandar - safn 051
Þessir þreytulegu menn fá Vélaverkstæðinu eru við vinnu sína um borð í einum af togurum Skagstrendings hf.. Mennirnir eru frá vinstri talið: Gísli Snorrason, Ernst Berndsen vélstjóri, Ari Þórsson og Árni Jón Guðmundsson (d. 8.1.2006).
Árni Geir Ingvarsson - safn 623
Réttað í Spákonufellsrétt. Maðurinn til vinstri, í brúna jakkanum, er Guðni Sveinsson (d. 15.11.1971) frá Ægissíðu. Hægra megin við hann, í bláum jakka með sixpensara og hendur í vösum, er Árni Kristófersson (d. 11.10.1982) frá Árnesi. Maðurinn á miðri mynd, í brúnum jakka og lútir höfði, er líklega Guðmundur Guðnason (d. 21.11.1988) frá Ægissíðu. Konan í köflóttu skyrtunni fremst á myndinni er Soffía Sigurðardóttir (d.11.9.1968) frá Valhöll. Aðrir á myndinni eru óþekktir en ef þú þekkir einhvern vinsamlega sendu okkur þá athugasemd.
Minjasafn791
<p>Báturinn frammi við bryggjuendann er Vísir Hu 10 í eigu Jósefs Stefánssonar (d. 9.12.2001), Jóns Stefánssonar (d. 3.8.1991) og Sigurðar Árnasonar (d. 26.3.2013). Fyrir aftan Vísi er líklega Svanur Hu 4 sem var í eigu bræðranna Baldurs Árnasonar (d. 14.11.2009) og Júlíusar Árnasonar (d. 24.3.1985) en seinna í eigu feðganna Þórhalls Árnasonar (d. 4.2.2008) og Árna Ólafs Þórhallssonar. Utan á honum er líklega Jóhanna Eldvík Hu í eigu Viggós Maríussonar (d.30.7.1973). Í baksýn er síldarverksmiðjan og athafnasvæði hennar. Myndin er í eigu Muna- og Minjasafns Skagastrandar. Gefandi:Jóna Guðrún Vilhjálmsdóttir Lundi, Skagaströnd.</p>
Bernódus Ólafsson og Anna Aspar - safn094
<p>Loftur Hu 42 fyrir utan mjölskemmuna. Í bókinni "Sjósókn frá Skagaströnd & vélbátaskrá 1908 - 2010" eftir Lárus Ægi Guðmundsson, segir svo um þennan bát: <em>" Þennan bát smíðuðu bræðurnir Guðmundur og Sigurður Björnssynir frá Jaðri, árið 1977 og var hann 2,6 brl með 18 ha. Sabb vél. Hann var smíðaður úr sérinnfluttum krossvið frá Finnlandi. Hjálmar Eyþórsson og Sigurður Hólm Sigurðsson á Blönduósi keyptu bátinn og gerðu út á grásleppu, m.a. frá Kálfshamarsvík. Hét hann þá Svanur HU 20 og sökk hann þar eitt sinn. Bernódus Ólafsson keypti bátinn af Hjálmari árið 1981 og fékk hann þá nafnið Loftur. Bernódus gerði út í nokkur ár en seldi síðan Jóhanni Þórarinssyni og Jónasi Jónassyni bátinn snemma árs 1984 en síðla sama ár seldu þeir Skúla Bjarnasyni í Bolungarvík bátinn sem fékk þá nafnið Doddi ÍS 290."</em></p>
Árni Geir Ingvarsson - safn 500
Kristján Helgi Gunnarsson við vinnu sína sem trésmíðameistari og verktaki í óþekktu húsi. Maðurinn sem mokar í baksýn er líklega Kristján Blöndal.
Minjasafn713
Þessi mynd var líklega tekin seint á fimmta áratugnum (1947 - 1950). Síldarverksmiðjan er lengt til vinstri og lengst til vinstri á henni eru þrærnar, sem geymdu hráefni - síldina - verksmiðjunnar. Svo kemur verksmiðjuhúsið sjálft en frá því liggur sver pípa yfir í stóru Mjölskemmuna. Eftir pípunni var fullunnu síldarmjölinu dælt en það var síðan sekkjað í skemmunni. Á myndinni er líklega bræðsla í gangi því það rýkur úr skorsteininum sem táknar að gufuketillinn var kyntur til að knýja túrbínuna - rafalinn - sem framleiddi rafmagn fyrir verksmiðjuna. Einnig var gufan leidd í stokk yfir í verksmiðjuhúsið þar sem hún var notuð til að sjóða síldina. Stóra hvíta húsið næst okkur á myndinni - Hafnarhúsið - var í upphafi (1935) reist þar sem verksmiðjan stendur en var flutt á þennan stað 1943 eða 1944 til að rýma fyrir verksmiðjubyggingunni. Þegar myndin var tekin var verið að klára að gera Skúffugarðinn eða því nýlokið. Litli skúrinn sem ber í verksmiðjuna var kamar sem reistur var þegar framkvæmdir við Skúffugarðinn stóðu yfir. Svarti skúrinn, sem sést við enda Hafnarhússins, var verfæra- og verkstæðishús vegna framkvæmdanna. Hann var seinna færður og reistur ca þar sem kamarinn stendur. Bátarnir í fjörunni eru: Otur næst okkur en hann áttu saman bræðurnir Júlíus og Baldur Árnasynir. Fjær er Ludendorf Hu 46 sem Ole Aamundsen átti. Hinir bátarnir eru óþekktir. Myndin er í eigu Muna- og Minjasafns Skagastrandar gefin af Gunnari Albertssyni 29. september 1996.
Minjasafn761
Aftan á þessari mynd stendur, innan í teiknaðri skreytingu<em>:" Íslenzkar Eimskipamyndir. Safn af 50 ekta ljósmyndum. 38 Geir. Togari. Brutto: 306 smálestir. Vélaafl: 550 hestöfl. Eigandi: Hrönn h/f Reykjavík. Westminster Tobacco Co. Ltd. London.". </em> Þessi mynd var sem sagt nr. 38 í seríu 50 mynda af íslenskum skipum. Geir, sem var smíðaður í Englandi 1947, bar einkennisstafina Re 241. Myndin er í eigu Muna- og Minjasafns Skagastrandar.
Minjasafn740
M.b. Ásgeir Hu 1 liggur í suðvestan brimi í Skagastrandarhöfn. Myndin er í eigu Muna- og Minjasafns Skagastrandar. Gefandi: Ólafur Ásgeirsson Höfðahólum á Skagaströnd.
Vélaverkstæði Skagastrandar - safn 037
Jón Haukdal Þorgeirsson vélstjóri gerir við blöndunartæki í eldhúsinu um borð í Arnari Hu 1.
Árni Geir Ingvarsson - safn 591
Hákarl skorinn í fjörunni þar sem nú er hafnarvogin á Skagaströnd. Hákarlinn er skorinn á kviðinn til að losna við innyflin, þar með talin er lifrin, sem er gríðarstór í hákarlinum. Eftir það er hákarlinn dreginn á land, brjóskið skorið úr honum og hann síðan brytjaður niður í beitur, sem svo eru settar í kösina til verkunar með tilheyrandi ilmi. Mennirnir á myndinni eru óþekktir.
Vélaverkstæði Skagastrandar - safn 073
Samstarfsmenn á Vélaverkstæði Karls Berndsen líklega kringum 1985. Frá vinstri: Sigurjón Ingólfsson, Vilhelm Björn Harðarson, Karl Berndsen (d. 12.2.1995), Jóhannes Sveinsson og Gísli Snorrason.
Minjasafn758
Á landleið um borð í Skíði Hu 8 vorið 1960. Í bókinni : "Sjósókn frá Skagaströnd & Vélbátaskrá 1908 - 2010", eftir Lárus Ægi Guðmundsson, segir svo um bátinn: <em>"Skíði Hu 8. Báturinn var smíðaður úr eik og furu á Akureyri árið 1956 og var 8,4 brl. með 54 ha. Lister vél. Hann hét Skíði EA 51 þegar bræðurnir Kristján og Sveinn Hjartarsynir keyptu hann í júlí 1958. Skíði fórst í sjóróðri á Húnaflóa 22. nóvember 1961 og með honum bræðurnir, Hjörtur og Sveinn Hjartarsynir".</em> Myndin er í eigu Muna- og Minjasafns Skagastrandar. Gefandi: Jóhannes Björnsson.
Minjasafn738
Mótorbáturinn Ásgeir Hu 1 við bryggju á Skagaströnd. Bátinn áttu Ole Aamundsen frá Lundi og Ólafur Ásgeirsson frá Höfðahólum. Ásgeir var um 7,5 tonn að stærð. Myndin, sem tekin var einhverntíma á árunum 1944 - 1947, er í eigu Muna- og Minjasafns Skagastrandar. Gefandi: Ólafur Ásgeirsson frá Höfðahólum á Skagaströnd í október 1994.
Vélaverkstæði Skagastrandar - safn 080
Sigurjón Ingólfsson frá Vélaverkstæði Karls Berndsen við vinnu sína um borð í togara. Myndin var tekin í Skagastrandarhöfn en það sem gæti virst vera fjall í baksýn er tilkomið vegna þess að myndin hefur blotnað og skemmst örlítið.
Vélaverkstæði Skagastrandar - safn 042
Hafþór Gylfason hvílir sig eftir aðgerð um borð í Arnari Hu 1. Skipið er greinilega með fullfermi því fiskur hefur verið ísaður í kössum á millidekkinu og meira segja í þvottakarinu þannig að allt pláss er fullnýtt.
Vélaverkstæði Skagastrandar - safn 014
Gísli Snorrason frá Vélaverkstæði Skagastrandar við vinnu um borð í einum af togurum Skagstrendings hf.
Árni Geir Ingvarsson - safn 496
Guðmunda Ólafsdóttir við afgreiðslustörf í sjoppunni.
Minjasafn689
Síldarlöndun úr Húna Hu 1 á Skagaströnd 1959 eða 1960. Áhöfnin mokar síld í "veltitunnur" sem síðan voru hífðar upp á bryggju og þar hvolft úr þeim í handvagna sem var svo ekið að planinu þar sem síldarstúlkurnar biðu eftir síldinni til söltunar. Mennirnir á myndinni eru óþekktir. Myndin er í eigu Muna- og Minjasafns Skagastrandar. Helga Berndsen frá Karlsskála gaf myndina í september 1996. Myndina tók Guðmundur Kr. Guðnason.
Minjasafn760
Á landleið um borð í Skíði Hu 8 vorið 1960. Í bókinni : "Sjósókn frá Skagaströnd & Vélbátaskrá 1908 - 2010", eftir Lárus Ægi Guðmundsson, segir svo um bátinn: <em>"Skíði Hu 8. Báturinn var smíðaður úr eik og furu á Akureyri árið 1956 og var 8,4 brl. með 54 ha. Lister vél. Hann hét Skíði EA 51 þegar bræðurnir Kristján og Sveinn Hjartarsynir keyptu hann í júlí 1958. Skíði fórst í sjóróðri á Húnaflóa 22. nóvember 1961 og með honum bræðurnir, Hjörtur og Sveinn Hjartarsynir".</em> Myndin er í eigu Muna- og Minjasafns Skagastrandar. Gefandi: Jóhannes Björnsson.
1
…
26
27
28
…
75
Leita í myndasafninu
Leita