Beint í efni
Skagaströnd.is
↗
Allar myndir
Atvinnumál
✕
Flokkur
Annað
Atburðir
Fólk
Jóla- og póstkort
Ljósmyndarar
Mannvirki
Náttúra
Samgöngur
Miðflokkur
Hafnarframkvæmdir
4.496 myndir
Flæði
Reitir
Ólafur Bernódusson598
Stefán Jósefsson og Sigurjón Guðbjartsson skipstjórar og útgerðarmenn taka þátt í fundi með æðstu mönnum Hafrannsóknarstofnunar á Skagaströnd 16. október 2001. Báðir vita þeir mikið um fiskinn í sjónum og eru ekki alltaf sammála túlkun Hafró á rannsóknum á lífríki sjávarins.
Fisk Seafood - safn 143
Steinunn Grímsdóttir og Kristinn Guðmundsson unnu saman á skrifstofum Hólaness hf og Skagstrendings hf. Hér eru þau í mat á hótel Dagsbrún, sem var á næstu hæð fyrir neðan skrifstofur fyrirtækjanna tveggja í stjórnsýsluhúsinu. Steinunn var lengi skrifstofustjóri hjá Skagstrendingi hf en Kristinn gegndi sama hlutveki hjá Hólanesi hf.
Óþekktur ljósmyndari 395
1986 varð stórbruni í plastverksmiðjunni Mark hf. Þá brann allt sem brunnið gat í verksmiðjunni þar á meðal tveir bátar tíu og 15 tonna sem voru langt komnir í framleiðslu. Auk þess brann þriðji báturinn mikið en hann stóð úti upp við vegg hússins. Þess má geta að Mark endurbyggði verksmiðjuna og hélt framleiðslu áfram þar til þremur árum síðar 1989 því þá brann aftur í verksmiðjunni. Á myndinni er slökkvilið Skagastrandar komið á staðinn og verið að leggja út slöngur í bílinn sem glittir í niður í fjörunni. Mennirnir á myndinni eru óþekktir.
Fisk Seafood - safn 166
Myndin var tekin 23. desember 1999 þegar áhöfnin á Arnari Hu 1 skálaði í kampavíni í tilefni þess að þá hafði Arnar náð því takmarki, fyrstur íslenskra togara, að aflaverðmæti landaðs afla á árinu var komið yfir einn milljarð króna. Á þessari mynd eru Sævar Berg Ólafsson í hvítri peysu og Víðir? hellir í glasið hjá honum. Aftan við Sævar sér í Hafþór Gylfason en aftan við Víði er Gunnar Þ. Ásgeirsson.
Fisk Seafood - safn 149
Stjórn og framkvæmdastjóri Skagstrendings hf árið 2000. Frá vinstri: Magnús B. Jónsson, Þórður Magnússon, Jóel Kristjánsson framkvæmdastjóri, Adolf H. Berndsen stjórnarformaður, Egill Tryggvason og Einar Benediktsson.
Óþekktur ljósmyndari 397
1986 varð stórbruni í plastverksmiðjunni Mark hf. Þá brann allt sem brunnið gat í verksmiðjunni þar á meðal tveir bátar tíu og 15 tonna sem voru langt komnir í framleiðslu. Auk þess brann þriðji báturinn mikið en hann stóð úti upp við vegg hússins. Þess má geta að Mark endurbyggði verksmiðjuna og hélt framleiðslu áfram þar til þremur árum síðar 1989 því þá brann aftur í verksmiðjunni. Á myndinni er slökkvilið Skagastrandar að ná tökum á eldinum, sem var gríðarlegur. Ekki þótti óhætt að fara inn í húsið af því að þar voru gaskútar að springa og svo var húsið stálgrindahús og vegna hitans hefði það getað lagst saman hvenær sem var. Lengst til hægri er Sigurjón Ingólfsson, Gísli Snorrason er að ganga að húsinu en Vilhelm Jónsson er að ganga frá því. Aðrir eru óþekktir.
Fisk Seafood - safn 154
<p>Örvar Hu 21 var smíðaður á Akureyri fyrir Skagstrending hf.. Örvar kom til heimahafnar á Skagaströnd í fyrsta sinn í apríl 1982 og þá var slegið upp veislu í Fellsborg. Myndin sýnir hluta gesta í veislunni hlýða á ávarp óþekkts ræðumanns. Frá vinstri: Bernódus Ólafsson (d.18.9.1996), Aðalbjörg Helga Sigfúsdóttir, Björgvin Jónsson (d.4.5.1992), Guðbjörg Ólafsdóttir, óþekktur maður með sólgleraugu, Lárus Ægir Guðmundsson, Páll Pétursson alþingismaður, Kári Kristjánsson (d.11.12.1990), Gunnar Benónýsson (d.29.7.2003) og Hjalti Skaftason. Aðrir á myndinni eru óþekktir. </p>
María Magnúsdóttir - safn 256
Aftan á þetta póstkort er skrifað: "Þessi mind var tekin af þreskivjelini þegar var virið að þreska hjá okkur í haust sem leið. Manni minn vann með henni firir tíma". Eitthvað er stafsetningin farin að skolast til hjá bréfritara en meiningin er þó öllum augljós. Engin undirskrift er á kortinu né nafn viðtakanda. <br>
Fisk Seafood - safn 226
Sambýlisfólkið Helga Berndsen og Gunnlaugur Árnason sjómaður á sjómannadegi á Skagströnd. <font size="1">Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.</font>
María Magnúsdóttir - safn 313
Kaffitími í Rækjuvinnslunni hf. Við borðið næst okkur eru: Guðmundur Jóhannesson sem snýr baki í okkur, Benóný Gunnarsson í ljósri skyrtu og Lárus Ægir Guðmundsson. Við næsta borð má þekkja Ólöfu Ardísi Arelíusdóttur en aðrir í kaffistofunni eru óþekktir.
Fisk Seafood - safn 022
Þessi mynd var tekin í veislu í nýrri kaffistofu Hólaness hf þegar hún var vígð 24. janúar 1987. Þá var lokið gagngerri endurbyggingu á frystihúsi félagsins þar á meðal kaffistofunni. Á þessari mynd er Bernódus Ólafsson (d. 18.9.1996), fulltrúi starfsfólksins, í ræðustól í kaffiveislunni. Næst okkur á myndinni eru hjónin Soffía Lárusdóttir (d. 31.3.2010) og Guðmundur Jóhannesson. Vinstra megin við Soffíu sér í andlit Guðbjarts Guðjónssonar (d. 23.9.1992), baksvip Adolfs J. Berndsen og Sigurjón Guðbjartsson fjærst. Vinstra megin við Guðmund sitja við borð, frá hægri talið: Hallgrímur Kristmundsson (d.9.10.1998), Gunnar Sveinsson og Gylfi Sigurðsson. Aðrir á myndinni eru óþekktir.
Héraðsskjalasafn A-Hún 119
Þessi mynd af síldarsöltun á Skagaströnd var tekin einhverntíma á árunum 1935 - 1943. Stóra húsið á myndinni miðri er Hafnarhúsið sem var fært 1943 -1944 á núverandi stað ofan við Skúffugarð til að hægt væri að reisa síldarverksmiðjuna á lóðinni. Litli skúrinn vinstra megin við Hafnarhúsið var tvöfalt salerni (kamar) sem byggt var þannig að afurðirnar sem skilað var þar fóru beint í sjóinn fyrir neðan. Eins og sjá má hefur umhverfi hafnarinnar, og henni sjálfri, verið breytt mjög mikið með landfyllingum síðan myndin var tekin.
Fisk Seafood - safn 090
Kaffistofa Hólaness hf er mjög aðlaðandi og býður upp á ýmsa möguleika. Stöku sinnum tók starfsfólk fyrirtækisins sig saman og hittist að kvöldi til á kaffistofunni og átti þar notalega stund. Þessi mynd var tekin á einni slíkri samkomu. Frá vinstri: Guðrún Magnúsdóttir, Þorgeir Jónsson, tvær óþekktar, Valdís Valdimarsdóttir og Sólveig Eiðsdóttir.
Ólafur Bernódusson605
Í september 2001 kom nýr Benz slökkvibíll til Slökkviliðs Skagastrandar. Gamli bíllinn, sem er til hægri á myndinni, var af Bedford gerð og hafði þjónað liðinu í áratugi en þótti orðinn gamaldags og ekki næganlega góður. Á myndinni er hluti af slökkviliðinu að skoða nýja bílinn og prófa hann. Frá vinstri: Karl Rósinbergsson (d. 29.3.2004), Tryggvi Hlynsson, Magnús Ólafsson (d. 23.7.2012) slökkviliðsstjóri, Gunnar Stefánsson, Sigurður Björnsson, Helgi Gunnarsson, Sigurjón Ástmarsson, Baldvin Hjaltason, Þröstur Líndal og Ari Þórsson.
Fisk Seafood - safn 167
Myndin var tekin 23. desember 1999 þegar áhöfnin á Arnari Hu 1 skálaði í kampavíni í tilefni þess að þá hafði Arnar náð því takmarki, fyrstur íslenskra togara, að aflaverðmæti landaðs afla á árinu var komið yfir einn milljarð króna. Á þessari mynd er Gunnar Þ. Ásgeirsson í forgrunni, vinstra megin við hann sér í Hallbjörgu Jónsdóttur en hægra megin við hann eru Hólmgeir Kristmundsson? og Sævar Berg Ólafsson.
Fisk Seafood - safn 178
Hrefna Þorsteinsdóttir glaðbeitt við vinnu í Rækjuvinnslunni hf. Ekki er vitað hvenær myndin var tekin.
Páll J. Pálsson safn 7
Myndin var tekin 1946 á hlaðinu á Bakka í Skagahreppi nú Skagabyggð. Páll Tómasson (d. 3.6.1963) bóndi á Bakka að járna hest með aðstoð Þorgríms (d. 7.9.2013) sonar síns. Önnur börn Páls fylgjast með en þau eru frá vinstri: Páll Jónatan, María og Björg.
Fisk Seafood - safn 199
Guðrún Pálsdóttir launafulltrúi hjá Skagstrendingi hf við vinnu sína á skrifstofu félagsins. Myndin var líklega tekin kringum 2000.
Fisk Seafood - safn 163
Þessi mynd var tekin af Adolf H. Berndsen, stjórnarformanni Skagstrendings hf, 23. desember 1999 þar sem hann er að ávarpa áhöfn Arnars Hu 1. Tilefnið var að þá hafði Arnar náð því takmarki, fyrstur íslenskra togara, að aflaverðmæti landaðs afla á árinu var komið yfir einn milljarð króna. Myndin var tekin í brúnni á Arnari.
María Magnúsdóttir - safn 015
Kaffitími í Rækjuvinnslunni hf. Frá vinstri: Inga Þorvaldsdóttir (d. 14.12.2012), Líney Jósefsdóttir, Guðrún Sigurðardóttir og Sigurður Bjarnason. Myndin var líklega tekin kringum 1980.
Fisk Seafood - safn 072
Þessi hópur starfsfólks Hólaness hf útskrifaðist 7. desember 1989 sem sérhæfðir fiskvinnslumenn eftir nám í fiskvinnslufræðum. Var þetta þriðji hópur starfsfólks Hólaness hf sem útskrifaðist á rúmum tveimur árum. Fremri röð frá vinstri: Drífa Kristjánsdóttir, Dagbjört Jóhannsdóttir, Haukur Gunnlaugsson (d.18.1.2004), Signý Magnúsdóttir og Súsanna Þórhallsdóttir. Aftari röð frá vinstri: Stefán Sveinsson, Þórður Sigurðsson, Úrsúla Kristjánsdóttir, Vilhjálmur Jónsson og Rut Jónasdóttir.
Héraðsskjalasafn A-Hún 35
Karlsminni sem stóð á túninu upp af víkinni milli Lækjarbakka og Strandgötu 10. Á þessum stað hóf F.H. Berndsen (d. ?) beykir verslunarrekstur 1875 mitt á milli verslanna á Hólanesi og á Skagaströnd (við Einbúann). Var hún rekin þarna fram að 1887 en þá brunnu þáverandi hús til grunna í miklu mannskaðaveðri. Eftir það var verslunin færð inn á Hólanes og starfrækt þar af Carli Berndsen (d. 1939), syni F.H. Berndsen, fram að fyrra stríði. Karlsminni var þá orðin þurrabúð eða venjulegt heimili þar sem ekki var skepnuhald. (heimild: Byggðin undir Borginni).
Héraðsskjalasafn A-Hún 28
Myndin sýnir síldarlöndun og söltun á höfninni á Skagaströnd. Myndin hefur líklega verið tekin 1935 eða 1936. Fólkið á myndinni er óþekkt.
María Magnúsdóttir - safn 030
Konurnar sitja við pillunarfæribandi í Rækjuvinnslunni hf. Vinstra megin við bandið eru frá vinstri: Inga Þorvaldsdóttir (d. 14.12.2012), Sigurbjörg Árdís Indriðadóttir og Díana Kristjánsdóttir. Hægra megin eru frá vinstri: Guðbjörg Gylfadóttir?, Jóna Guðjónsdóttir, Selma Þórarinsdóttir (d. 14.9.1990) og Sigurbjörg Angantýsdóttir (d. 10.9.1997). Myndin var líklega tekin kringum 1975.
Fisk Seafood - safn 169
Myndin var tekin 23. desember 1999 þegar áhöfnin á Arnari Hu 1 skálaði í kampavíni í tilefni þess að þá hafði Arnar náð því takmarki, fyrstur íslenskra togara, að aflaverðmæti landaðs afla á árinu var komið yfir einn milljarð króna. Á þessari mynd eru frá vinstri: óþekktur fréttamaður útvarsins, Adolf H. Berndsen (baksvipur), Sigþrúður Magnúsdóttir, Sigurjón Ingólfsson, Halljörg Jónsdóttir, Þröstur Árnason, Hafþór Gylfason, óþekktir, Tryggvi Hlynsson með barn í fanginu, Ingvar Þór Jónsson, Sævar Berg Ólafsson og Hjálmfríður Guðjónsdóttir. Litla, ljóshærða stúlkan í rauðu kápunni er líklega Ellen Sigurjónsdóttir.
Fisk Seafood - safn 066
Á árunum 1987 - 1989 var unnið töluvert magn af saltfiski í salthúsi Hólaness hf á Hólanesinu. Á þessari mynd eru tveir af starfsmönnunum í saltfiskvinnslunni, Davíð Reynisson til vinstri og Gunnar Albertsson til hægri.
Ólafur Bernódusson607
Rækjuskipið Mánatindur SU 359 kom til hafnar á Skagaströnd í ágúst 2001 fyrir eigin vélarafli eftir að kviknað hafði í bátnum á miðunum í vondu veðri. Í Morgunblaðinu er viðtal við Ragnar Ingibergsson stýrimann þar sem hann segir m.a.:" Það var óskaplega mikill reykur, það fylltist allt af reyk. Við vorum uppi á dekki þegar brunaboðinn fór í gang og þá var allt orðið fullt af reyk. Við reyndum að slökkva eldinn með slökkvitækjum og kláruðum fimm tæki í þetta. Þegar það dugði ekki fórum við með sjóslöngurnar niður um loftstokkana og fylltum íbúðirnar af sjó. Þá drapst eldurinn en við höfum verið um tvo klukkutíma að slökkva eldinn". Það merkilega við þessa sögu er að skipverjarnir á Mánatindi höfðu nokkrum dögum áður bjargað manni af alelda trillu, Hrönn AK, sem sökk undan skipverjanum þar um borð. Mennirnir á myndinni eru áhafnarmeðlimir á Mánatindi en nöfn þeirra eru óþekkt.
Ólafur Bernódusson583
Þessi mynd var tekin í eldhúsinu í Fellsborg af yfirmönnum á Arnari Hu 1 þegar þeir voru að elda skötu handa gestum sínum í hádeginu á Þorláksmessu 1998. Frá vinstri: Indriði Sigurðsson vélstjóri, Árni Ólafur Sigurðsson skipstjóri, Guðjón Guðjónsson stýrimaður/skipstjóri, Guðmundur Finnbogason bátsmaður, Hafþór Gylfason stýrimaður og Gunnar Reynisson kokkur.
Fisk Seafood - safn 198
<p> Dagný Marín Sigmarsdóttir bókari hjá Skagstrendingi hf við vinnu sína á skrifstofu félagsins. Myndin var líklega tekin kringum 2000. </p>
Fisk Seafood - safn 152
Gylfi Guðjónsson útgerðarstjóri hjá Skagstrendingi hf og síðar hjá Fisk Seafood ehf.
Árni Geir Ingvarsson - safn 732
Tveir ungir drengir að fylgjast með framkvæmdum á skólalóðinni líklega árið 2008 eða 2009. Daði Stefánsson er með hjálminn og Einar Ari Einarsson fyrir aftan hann.
Fisk Seafood - safn 130
Stefanía Elísabet Hallbjörnsdóttir að vinna við færibandið í Rækjuvinnslunni hf. Ekki er vitað hvenær myndin var tekin.
Fisk Seafood - safn 165
<p>Skipstjórarnir á Arnari Hu 1 Guðjón Guðjónsson (Jonni) og Árni Ólafur Sigurðsson til hægri skála hér í kampavíni í tilefni þess að þá hafði Arnar náð því takmarki, fyrstur íslenskra togara, að aflaverðmæti landaðs afla á árinu var komið yfir einn milljarð króna. Myndin var tekin 23. desember 1999 og eftir að hafa skálað hvor við annan skálaði öll áhöfnin með þeim félögum. Myndin var tekin í brúnni á Arnari. </p>
Fisk Seafood - safn 230
Um borð í togurum er unnið á vöktum. Þegar þessi mynd var tekin var unnið á 6 tíma vöktum og voru vaktaskipti á matmálstímum. Á myndinni eru að borða, frá vinstri: Jón Helgason, Jón Jósefsson og Gylfi Guðjónsson. Aftan við þá stendur Gunnar J. Jónsson. <font size="1">Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.</font>
Fisk Seafood - safn 217
Bjarki Gunnarsson vélamaður við vinnu að endurbótum í Rækjuvinnslunni á árinu 2003 eða 2004.
Fisk Seafood - safn 208
Unnið að endurbótum árið 2003 í Rækjuvinnslunni sem Skagstrendingur hf átti þá. Vinnslusalnum var umbylt með nýjum vélum og tækjum sem áttu að auka afköst og vera hagkvæmari en eldri tæki. Þegar framkvæmdum var lokið í febrúar 2004 var ákveðið, af nýjum eigendum fyrirtækisins, Fisk Seafood ehf, að loka Rækjuvinnslunni og taka hin nýju tæki niður aftur og nýta þau í vinnslum fyrirtækisins í Grundarfirði og á Hólmavík. Á myndinni vinna starfsmenn Rækjuvinnslunnar að því að koma hluta nýju tækjanna fyrir. Frá vinstri: Stefán Þór Árnason, Vilhjálmur Skaftason (fjær), Gunnar Stefánsson (nær), óþekktur og Jón Oddur Hjálmtýsson.
Fisk Seafood - safn 231
Þessir menn sóttu Örvar Hu 14 til Noregs í desember 1970 fyrir Skagstrending hf. Frá vinstri: Högni Jensson kokkur, Eiður Hilmarsson vélstjóri, Jóhann Baldvinsson vélstjóri, Birgir Þórbjarnarson stýrimaður og Guðjón Ebbi Sigtryggsson skipstjóri. <font size="1">Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.</font>
Fisk Seafood - safn 044
3. júní 1987 útskrifaðist hópur starfsfólks Hólaness hf sem sérhæfðir fiskvinnslumenn eftir nám í fiskvinnslufræðum. Á myndinni afhendir Lárus Ægir Guðmundsson, framkvæmdastjóri fyrirtækisins, Amy Evu Eymundsdóttur (d.7.3.2012) skírteinið sitt í samsæti sem haldið var af þessu tilefni.
Fisk Seafood - safn 238
Óskar Þór Kristinsson var einn tryggasti sjómaður Skagstrendings hf um áratuga skeið. Hér er hann um borð í vinnugallanum að bíða eftir að trollið komi úr kafinu. <font size="1">Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.</font>
Fisk Seafood - safn 202
<p>Þetta fók starfaði hjá Rækjuvinnslunni hf og sótti námskeið til að öðlast nafnbótina: Sérhæft fiskvinnslufólk. Myndin var tekin við útskrift fólksins 15. desember árið 2000. Frá vinstri: Kristín Björnsdóttir, Sólveig Eiðsdóttir, Marcello ?, Salóme Jóna Þórarinsdóttir, Sigurður Bjarnason, Guðrún Magnúsdóttir, Sigrún Benediktsdóttir, Gylfi Sigurðsson, Vilhjálmur Skaftason, Cristina Silud Boncales, Ólafur Guðmundsson, Róbert Jónasson, Hrefna Dögg Þorsteinsdóttir, Berglind Karlsdóttir (nær), Heiðrún Níelsdóttir (fjær), Linda Kristjánsdóttir, Sigrún Lárusdóttir, Ásta Ásgeirsdóttir og Þráinn Bessi Gunnarsson. </p>
Fisk Seafood - safn 239
Gunnar Þór Gunnarsson var kokkur um borð í Arnari nýja eins og hann var kallaður. Hér er Gunnar við störf sín um borð. Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.
Fisk Seafood - safn 218
Vélamennirnir Þórarinn Grétarsson til vinstri og Vilhelm Þórarinsson til hægri vinna að endurbótum í Rækjuvinnslunni árið 2003 eða 2004.
Fisk Seafood - safn 223
Hér er fagnað 10 tonna rækjuholi um borð í Helgu Björg Hu 7. Frá vinstri: Jóhannes Símonsen, Jón Jósefsson og Hjalti Indriðson. <font size="1">Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.</font>
Fisk Seafood - safn 080
<p>Þessi mynd var tekin í flökunarsal frystihúss Hólaness hf 1976. Ungi maðurinn, sem heldur á stórþorskinum, er óþekktur en til vinstri, í skugganum, bíður handflakarinn Ingvi Sveinn Guðnason (d. 31.12.1991) með hnífinn í hendinni eftir að fá þorskinn á flökunarborðið hjá sér. Ef þú þekkir unga manninn vinsamlega sendu okkur þá athugasemd. </p>
Fisk Seafood - safn 070
Á árunum 1987 - 1989 var unnið töluvert magn af saltfiski í salthúsi Hólaness hf á Hólanesinu. Þessi mynd var tekin í kaffitíma af starfsfólkinu í salthúsinu. Frá vinstri: Gunnar Albertssson, Erla Theódórsdóttir, Danica Zupancic, Ingunn Kristjánsdóttir, Högni Jensson, Hrafnhildur Jóhannsdóttir, Davíð Reynisson, Sigfús Sævar Sigurðsson, óþekkt, Sigrún Benediktsdóttir og Ottó Ákason (d.17.9.2005). Ef þú þekkir óþekktu konuna vinsamlega sendu okkur þá athugasemd.
Fisk Seafood - safn 043
3. júní 1987 útskrifaðist hópur starfsfólks Hólaness hf sem sérhæfðir fiskvinnslumenn eftir nám í fiskvinnslufræðum. Á myndinni afhendir Lárus Ægir Guðmundsson, framkvæmdastjóri fyrirtækisins, Bergljótu Óskarsdóttur (d.22.2.2004) skírteinið sitt í samsæti sem haldið var af þessu tilefni.
Fisk Seafood - safn 161
Þessi mynd var tekin af áhöfnum Arnars Hu 1 hinn 23. desember 1999. Þá hafði Arnar náð því takmarki, fyrstur íslenskra togara, að aflaverðmæti landaðs afla á árinu var komið yfir einn milljarð. Af þessu tilefni var drifið í myndatöku og á eftir bauð útgerðin upp á léttar veitingar um borð fyrir áhöfnina og aðstandendur þeirra. Á myndinni eru frá vinstri: Tryggvi Hlynsson, Bæring Skarphéðinsson, Guðmundur Andersson (nær), Ólafur Ásgeirsson (fjær), Ernst Berndsen, Ingvar Þór Jónsson, Ágúst Ómarsson, Ósvald Indriðason (fjær), Ingibjörg Skúladóttir (d.30.7.2023) (nær), Sigurjón Ingólfsson, Hólmgeir Kristmundsson, Valdimar Viggósson, Indriði Sigurðsson (nær), Hafþór Gylfason (fjær), Jónas Þorvaldsson, Óskar Kristinsson (nær), Einar Ásgeirsson (í miðið), Reynir Lýðsson (fjærst), Þröstur Árnason (fjær), Jóhannes Indriðason (nær), Einar Kristberg, Guðjón Guðjónsson, Guðmundur Finnbogason, Guðmundur Gunnlaugsson?, Björn Sigurðsson, Árni Ólafur Sigurðsson (nær), Þórarinn Eiðsson (d.14.6.2002) (fjær), Sævar Berg Ólafsson (nær), Jóhann Ásgeirsson (fjær), Slavko Velemir, Bjarni Ottósson, Guðmundur Henry Stefánsson, Gunnar Reynisson, Alfreð Hafsteinsson, Víðir Jóhannesson og Finnur Kristinsson. Eins og sjá má á borðanum voru aflaverðmætin orðin einn milljarður og 25 milljónir þennan dag. "Milljarðakassinn" er svo fyrir framan hópinn.
María Magnúsdóttir - safn 020
Helga Ottósdóttir í heimsókn hjá Kristófer Árnasyni (d.10.5.2000) verkstjóra í Rækjuvinnslunni hf.
Jón Jónsson 367
Jón Jónsson, sem tók þessa mynd, átti nokkrar kindur í fjárhúsi við heimili sitt. Eins og aðrir sauðfjáreigendur var hann stoltur af kindunum sínum og þótti vænt um þær. Myndin sýnir nokkrar þeirra á lóð sem nú er löngu byggð. Ef grannt er skoðað sést að ekki er búið að byggja neitt sunnan við Hólabrautina sem er til hægri á myndinni. Myndin var líklega tekin einhverntíma kringum 1950.
Fisk Seafood - safn 201
Þetta voru konurnar á skrifstofunni hjá Skagstrendingi hf á árinu 2000. Frá vinstri: Erla Jónsdóttir fjármálastjóri, Sigríður Gestsdóttir skrifstofustúlka, Guðrún Pálsdóttir skrifstofustúlka og Dagný Marín Sigmarsdóttir bókari.
María Magnúsdóttir - safn 021
Þórarinn Hjartarson (d.28.1.1991) og Signý Ástmarsdóttir pakka frystri rækju í Rækjuvinnslunni hf. Myndin var líklega tekin kringum 1980.
Fisk Seafood - safn 155
Örvar Hu 21 var smíðaður á Akureyri fyrir Skagstrending hf.. Örvar kom til heimahafnar á Skagaströnd í fyrsta sinn í apríl 1982 og þá tók fjölmenni á móti skipinu á hafnarbakkanum. Flestir Skagstrendingar áttu hluti í Skagstrendingi hf og því um leið hlut í hinu nýja skipi. Því má leiða rök að því að meirihluti fólksins á myndinni hafi átt í Örvari sem þarna var boðinn velkominn í heimahöfn. Skipið reyndist hið mesta happaskip sem skilaði gríðarlegum verðmætum að landi í formi sjófrystra afurða, sem þá var nýung á Íslandi.
Fisk Seafood - safn 063
<p>11. mars 1989 héldu Hólanes hf og Rækjuvinnslan hf sameiginlega árshátíð í Fellsborg. Á þessari mynd er dansleikur í fullum gangi og fólk að skemmta sér. Fólkið á myndinni er, talið frá vinstri: Erna Sigurbjörnsdóttir, Sigurjón Guðbjartsson (nær), Kristín Mogesen, Sigvaldi Þorsteinsson, Eðvarð Hallgrímsson, Ólafur Ingibjörnsson, Steinunn Friðriksdóttir og Gunnar Albertsson.</p>
Fisk Seafood - safn 153
Helga Bergsdóttir var leikskólastjóri á Barnabóli á Skagaströnd í nokkur ár.
Fisk Seafood - safn 180
Hrefna Þorsteinsdóttir til vinstri og Gígja Heiðrún Óskarsdóttir til hægri við færibandið í Rækjuvinnslunni hf. Ekki er vitað hvenær myndin var tekin.
Ólafur Bernódusson 569
Prjónastofan Viola var starfrækt á Skagaströnd frá því um 1970 til ca 1988. Á þessari mynd er Margrét Ólafsdóttir að sýna peysu sem framleidd var hjá fyrirtækinu. Myndin var hluti af kynningarefni sem prjónastofan sendi viðskiptavinum sínum. Myndin var líklega tekin 1983-84.
Fisk Seafood - safn 224
<p>Stöku sinnum slæðist hákarl í trollið sem meðafli. Hér eru háseta að skera á magann á einum slíkum til að hleypa innyflunum út og henda þeim í sjóinn. Eins og sjá má á dekkinu er lifur hákarlsins mjög stór, enda var hann veiddur um aldir hennar vegna. Lifrinni var breytt í lýsi sem var verðmæt útflutningsvara og einnig notuð á Íslandi sem ljósmeti á lýsislampa fyrr á öldum. Nú á dögum er hákarl fyrst og fremst veiddur til að kæsa hann og borða en lifrinni oftast hent. Við hákarlinn standa Kristján Alexandersson til vinstri og Ragnar Högnason til hægri. Rúnar Jósefsson stendur utan við rennuna lengst til hægri.. <font size="1">Myndin er úr bæklingnum: "Skagstrendingur hf 1968 - 2000 í máli og myndum" og er þess vegna mjög grófkornótt.</font> </p>
Fisk Seafood - safn 017
Aðfaranótt 22. október 1997 kom upp eldur í veitingahúsinu Kátrýbæ. Helmingur hússins brann það illa að ekki var um annað að ræða en að rífa brunarústirnar. Á þessum myndum er verið að rífa þann hluta hússins sem brann. Þess má geta að Kántrýbær var strax endurbyggður á sama stað en með nýju sniði. Veitingastaðurinn var síðan opnaður aftur í því húsi þann 27. júní 1998.
Óþekktur ljósmyndari 393
Inga Matthíasdóttir og Björk Axelsdóttir kennarar vinna að einkunnagjöf á kennarastofunni í Höfðaskóla líklega 1986.
Ólafur Bernódusson596
Höfnin á Skagaströnd er vel varin með stórgrýti utan af Skaga. Á þessari mynd er hluti af grjótinu sem nýttur var í grjótvörn vestan við verksmiðjuna. Vinnulagið var þannig að grjótið var sótt út á Skaga og sett í geymslu á planið sunnan við sundlaugina, þar sem þessi mynd var tekin. Síðan þegar nóg var komið af grjóti var farið í að raða því á sinn stað í grjótvörninni. Ekki er vitað hvaða ár myndin var tekin.
1
…
32
33
34
…
75
Leita í myndasafninu
Leita