Beint í efni
Skagaströnd.is
↗
Flokkur
Annað
Atburðir
Atvinnumál
Fólk
Jóla- og póstkort
Ljósmyndarar
Mannvirki
Náttúra
Samgöngur
10.000 myndir
Flæði
Reitir
Árni Geir Ingvarsson - safn 808
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu. Leikararnir eru frá vinstri: Þorvaldur Skaftason, Ingibergur Guðmundsson og Sigrún Jónsdóttir.
Árni Geir Ingvarsson - safn 815
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin í kaffipásu á æfingu af Bergþóri Gunnarssyni.
Dagný Sigmarsdóttir - safn 045
Margar ungar stúlkur byrjuðu feril sinn á vinnumarkaðnum við pillunar-færibandið í Rækjuvinnslunni hf. Á þessari mynd er Ragnheiður Sandra Ómarsdóttir til vinstri og Inga Rós Sævarsdóttir til hægri. Ekki er vitað hvenær myndin var tekin.
Elínborg Jónsdóttir - safn 7
Elínborg M. Jónsdóttir (d. 7.1.2007) kennari og fræðimaður að gefa hænunum heima á Másstöðum í Vatnsdal.
Guðrún Sigurðardóttir - safn 039
Námsmeyjar í Kvennaskólanum á Blönduósi einhverntíma kringum 1959 - 1960. Lengst til vinstri í fremri röð er Árný Hjaltadóttir á Steinnýjarstöðum og næst lengst til hægri í þeirri röð er Guðrún Guðbjörnsdóttir á Skagaströnd. Aðrar eru óþekktar en ef þú þekkir einhverja þeirra vinsamlega sendu okkur þá athugasemd.
Guðrún Soffía Pétursdóttir - safn040
Ungur óþekktur drengur fær að prófa að fara á hestbak við Undirfellsrétt í september 2004. Rúnar Jóhannsson heldur í hestinn og Guðrún Soffía Pétursdóttir passar upp á drenginn.
Adolf H Berndsen - safn051
17. júní hátíðahöld á skólalóðinni. Díana Kristjánsdóttir með gítar og Fannar Viggósson leika undir söng nokkurra stúlkna. Stúlkurnar eru frá vinstri: Guðrún Rúnarsdóttir, María Markovic, óþekkt, Heiða Berglind Fannarsdóttir og óþekkt (?Ólína Sveinsdóttir?). Aðrir á myndinni eru óþekktir.
Árni Geir Ingvarsson - safn 982
Maðurinn á myndinni er Benedikt Ágústsson (d.25.9.2016) aflaskipstjóri frá Hvalsá í Steingrímsfirði. Herbert Ólafsson (d. 25.4.2007) tók myndina.
Hjördís Sigurðardóttir - safn091
Við nána skoðun kemur í ljós að persónan á myndinni er ekki pokadýr heldur lítil falleg stúlka. Stúlkan er Sonja Hjördís Berndsen sem hefur brugðið sér í pokann þegar hún var að hjálpa mömmu sinni og pabba við þökulagningu á golvellinum Háagerðisvelli í ágúst 1993.
Dagný Sigmarsdóttir - safn 037
Bræðurnir Sigmar Jóhannesson (d.20.4.2000) til vinstri og Vilberg Jóhannesson (d. 15.11.2002) til hægri við bílskúrinn á Sunnuvegi 2 nýkomnir af hreindýraveiðum og með hausinn af bráðinni í poka.
Dagný Sigmarsdóttir - safn 063
Veislukaffi í Rækjuvinnslunni hf. Fólkið á myndinni eru Jón Jónsson (d.9.7.1991) framkvæmdastjóri og Sigurbjörg Angantýsdóttir (d.10.9.1997) starfsstúlka. Ekki er vitað hvenær myndin var tekin.
Hallgrímur Kristmundsson safn027
Mynd af Skagaströnd líklega tekin rétt fyrir 1950. Hafnarhúsið er komið á sinn stað en það var upphaflega byggt á hafnarsvæðinu þar sem síldarverksmiðjan reis seinna. Framan við það (vestan við það) er "Dokkin", sem átti að verða lífhöfn fyrir litla báta en var aldrei notuð sem slík. Hún var svo fyllt upp með sanddælingu þegar verið var að dýpka höfnina. Uppfylling er komin fyrir Skúffugarðinn en ekki er búið eð reka niður stálþilið sem þar er. Mörg húsanna á myndinni eru nú horfin en önnur komin í staðin.
Hjördís Sigurðardóttir - safn092
Fríða Hafsteinsdóttir afhendir Rúnari Ingvarssyni verðlaun fyrir golfspilamennsku á Háagerðisvelli 30. ágúst 1993.
Árni Geir Ingvarsson - safn 924
Óþekktir menn á Djúpavík einhverntíma kringum 1940. Myndina tók Herbert Ólafsson (d.25.4.2007). Ef þú þekkir mennina vinsamlega sendu okkur þá athugasemd.
Jósef H Sigurðsson - safn 059
Hjörtur Þórarinn Sigurðsson (d.9.5.2015) heima í Hólaneshúsinu. Ekki er vitað hvenær myndin var tekin en Hjörtur fæddist árið 1965.
Árni Geir Ingvarsson -safn 2 44
Systkinin Vala Rós Ingvarsdóttir og Þórarinn Ingvarsson klifra í klettum á óþekktum stað.
Elínborg Jónsdóttir - safn 3
Þessar þrjár litlu stúlkur eru óþekktar nema líklega er það Elínborg Jónsdóttir (d.7.1.2007) frá Másstöðum sem situr í miðjunni. Ef þú þekkir stúlkurnar vinsamlega sendu okkur þá athugasemd.
Ólafur Bernódusson 649
Ólafur Bernódusson og Lilja Ingólfsdóttir í eldhúsinu í leikskólanum Barnabóli 21. desember 2006 þegar árlegu piparkökubakstur stóð yfir þar. Þarna eru þau að fylgjast með ofnunum til að kökurnar brenni ekki.
Árni Geir Ingvarsson - safn 793
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu þegar Þröstur leikstjóri, fremst, er að leiðbeina fólki. Leikararnir eru frá vinstri: Kristín Jónsdóttir, William Sillar, Fritz Hendrik Berndsen og Bóel Hallgrímsdóttir.
Jósef H Sigurðsson - safn 075
Á myndinni situr Dóróthea Hallgrímsdóttir (d.17.10.2004) með tvö af börnum sínum í fanginu heima í Hólaneshúsinu. Börnin eru líklega Jósep Sigurðsson og Sigríði Sigurðardóttur. Jósep fæddist 1961 en Sigríður 1963 þannig að myndin hefur sennilega verið tekin 1963 eða 1964.
Árni Geir Ingvarsson - safn 863
Eftir lagfæringar var Borgarvirki vígt 23. júní 1950 með mikilli hátíð. Þar var staddur Herbert Ólafsson (d. 25.4.2007) og hann tók þessa mynd yfir hátíðasvæðið.
Hjördís Sigurðardóttir - safn100
Sigurvegarar í kvennaflokki á golfmóti á Háagerðisvelli 11. júlí 1994. Frá vinstri: Anna Ármannsdóttir, Fríða Hafsteinsdóttir og Dagný Sigmarsdóttir.
Guðrún Sigurðardóttir - safn 032
Pása við Einbúann. Standandi maðurinn er óþekktur en liggjandi til vinstri er Adolf J. Berndsen og til hægri er bróðir hans Karl Berndsen (d.12.2.1995).
Barnaból - safn356
Valdimar Viggó Baldursson til vinstri og Sóley Sif Jónsdóttir til hægri, bæði með tárin í augunum út af vonsku heimsins í leikskólanum Barnabóli 2008 - 2009.
Jón Jónsson 467
Sjómannadagur á Skagaströnd fyrir 1970. Það sem sést á myndinni er mikið breytt í dag, nóvember 2017. Rörið milli verksmiðjunnar og mjölskemmunnar er horfið ásamt undirstöðum þess. Í gegnum þetta rör var síldarmjölinu dælt frá verksmiðjunni út í skemmuna þar sem það var sekkjað og geymt. Stóru tankarnir eru báðir horfnir og frystihúsinu, sem er stóra gráa húsið með rauða þakinu, hefur verið mikið breytt með viðbyggingum og málun. Miklar landfyllingar eru komnar framan við skemmuna og þar er kominn viðlegukantur fyrir minni báta ásamt því að hafnarvigtin er staðsett þar. Gamla Salthúsið sem stendur uppi í Höfðanum til vinstri er nú orðið gistiheimili fyrir ferðamenn. Það sem er óbreytt er að enn er keppt í kappróðri á sjómannadegi og endamarkið er á svipuðum slóðum og báturinn er á myndinni.
Hjördís Sigurðardóttir - safn061
Hallbjörg Jónsdóttir (d.22.12.1987) frá Þórsmörk á Skagaströnd.
Árni Geir Ingvarsson - safn 2 31
Á myndinni eru hjónin Karitas Laufey Ólafsdóttir (d.5.10.2019) og Ingvar Karl Sigtryggsson (d. 10.7.1988) með börnum sínum, tengdadætrum og barnabörnum. Aftasta röð frá vinstri: Kristín Jónsdóttir kona Ragnars með Jón Inga Ragnarsson í fanginu. Ragnar Smári Ingvarsson, Þórarinn Brynjar Ingvarsson og Rúnar Þór Ingvarsson. Miðröð frá vinstri: Vala Rós Ingvarsdóttir, Gréta Ingvarsdóttir, Árni Geir Ingvarsson, óþekkt stúlka og Rósa Margrét Sigursteinsdóttir kona Rúnars. Fremst sitja hjónin en við hlið þeirra er Sigursteinn Ingvar Rúnarsson. Tilefni myndatökunnar er óþekkt en líklega hefur Herbert Ólafsson (d.25.4.2007) tekið myndina.
Guðrún Sigurðardóttir - safn 070
Systurnar Hallbjörg Jónsdóttir, Sigrún Jónsdóttir og Þórey Jónstóttir taldar frá vinstri. Myndin var líklega tekin snemma á áttunda áratugnum.
Árni Geir Ingvarsson - safn 944
Skipið sem liggur við hafnargarðinn á Skagastrandarhöfn - nú Útgarð- er m.s Tungufoss (I) smíðaður fyrir H/f Eimskipafélag Íslands í Danmörku árið 1953. Svokölluð stykkjavöruskip í eigu Eimskipafélagsins, voru og eru almennt höfð svört að lit á skrokk og þannig var Tungufossinn í upphafi. En þar sem skipið var á fyrstu árum sínum mikið í saltfiskflutningum til suðlægari landa, saman ber Miðjarðarhafið og Suður-Ameríku, þá var skipið málað grátt að lit. Hið sama var upp á teningnum varðandi frystiskip í eigu Eimskipafélagsins að þau voru höfð ljós að lit. Myndin gæti verið tekin skömmu fyrir 1960 af Herbert Ólafssyni (d.25.4.2007). Í baksýn sér í annað skip, líklega Arnarfell I, úti á legunni.
Dagný Sigmarsdóttir - safn 047
Kaffitími í Rækjuvinnslunni hf einhverntíma um jól. Ekki er vitað hvenær myndin var tekin. Á henni eru frá vinstri: Björn Ingi Óskarsson, Sigurður Bjarnason og óþekktur. Aðrir á myndinni eru óþekktir. Ef þú þekkir óþekkta manninn vinsamlega sendu okkur þá athugasemd.
Árni Geir Ingvarsson - safn 2 25
Þessi mynd var líklega tekin einhverntíma á árunum 1953-55. Á henni eru frá vinstri: Ólöf Jóhanna Smith (Lólý), Halla Björg Bernódusdóttir, tvö óþekkt börn og Þórunn Bernódusdóttir. Myndina tók Herbert Ólafsson (d.25.4.2007). Ef þú þekkir óþekktu börnin vinsamlega sendu okkur þá athugasemd.
Elínborg Jónsdóttir - safn 14
Með þessari mynd stendur: "fjölskylda í lit". Því miður er ekki vitað um hvaða fjölskyldu er að ræða. Ef þú þekkir einhvern á myndinni vinsamlega sendu okkur þá athugasemd.
Árni Geir Ingvarsson - safn 811
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af Viggó Magnússyni fyrir útgáfu leikskrár.
Guðrún Soffía Pétursdóttir - safn065
Líkami og sál var félagsskapur kvenna á Skagaströnd sem stóð fyrir margs konar uppákomum til að rækta líkama og sál veturinn 2002 - 2003. Á þrettándanum héldu þær veislu- og skemmtikvöld innan sinna raða í Fellsborg. Á þessari mynd eru skemmtiatriði í fullum gangi. Kristjana Jóhannsdóttir syngur fyrir konurnar en með henni í hópnum eru frá vinstri: Hallbjörg Jónsdóttir, Guðrún Pálsdóttir og Jensína Lýðsdóttir. Við borðið sitja og fylgjast með, frá vinstri: Aðalheiður Sif Árnadóttir, Elva Þórisdóttir, Björk Hlöðversdóttir, óþekkt og Vigdís Elva Þorgeirsdóttir.
Jósef H Sigurðsson - safn 038
Kolbeinn Vopni Sigurðsson heima í eldhúsi í Hólaneshúsinu. Ekki er vitað hvenær myndin var tekin en Kolbeinn fæddist 1972.
Jósef H Sigurðsson - safn 043
Amy Eva Eymundsdóttir (d.7.3.2012) heima í Brimnesi með barn í fanginu.
Jón Jónsson 494
Hátíðahöld vegna 1100 ára afmælis Íslandsbyggðar 1974 að Hólum í Hjaltadal. Þar lék hópur fremstu leikara landsins leikrit um Jón Arason biskup að Hólum og aftöku hans. Mikill mannfjöldi fylgdist með í blíðu sumarveðri.
Hjördís Sigurðardóttir - safn110
Golfkonur á Háagerðisvelli í júlí 1996. Frá vinstri: Fríða Hafsteinsdóttir, Dagný Sigmarsdóttir og Hjördís Sigurðardóttir.
Árni Geir Ingvarsson - safn 775
Tilraun var gerð til að dýpka meðfram Ásgarði með krana og skóflu eins og sést á myndinni. Sandinum var mokað á vörubíla og ekið burt. Á myndinni er Scania bíll H 34, sem var í eigu Gunnars Helgasonar (d. 19.19.2007). Ekki er vitað hvenær myndin var tekin en þessi aðferð gaf ekki nógu góða raun.
Árni Geir Ingvarsson - safn 968
Hús Karls F. Jensen (f. 1873 - d.1948) kaupmanns á Kúvíkum 1906 - 1946. Húsið var byggt 1904-1905. Það stendur nú uppgert í Kalbaksvík. Herbert Ólafsson (d.25.4.2007) tók myndina.
Árni Geir Ingvarsson - safn 891
Hér hefur orðið óhapp þar sem afturhásing vörubílsins hefur sópast undan bílnum. Ekki er gott að segja hvernig svonalagað gerist en allavega er ljóst að bíllinn fer ekki lengra í bili. Gunnar Sig. Sigurðsson á Blönduósi segir um þessa mynd: "Veit ekki hvenær myndin er tekin en giska á að það sé um 1950 -1955 eða um það bil. Mér finnst vörubílarnir vera frá þeim tíma. Ég tel að þetta óhapp hafi orðið á búnni yfir Árfarið sem er við vegamótin ínn í Vatnsdal að austan. Mér finnst, með því að stækka myndina og rýna í hana þannig, að ég sjái bæina Hnausa nær og Sveinsstaði fjær og svo mótar fyrir Vatnsdaldhólunum til vinstri á myndinni og svo Hnausatjörnina vinstra megin. Ég var búinn að sjá mynd af sama óhappi sem sýnir betur bílinn sem er út af. Þar sést greinilega að á bílnum er Ferguson dráttarvél og þær voru að koma um eða upp úr 1950". <br> Myndina tók Herbert Ólafsson (d.25.4.2007).
Guðrún Sigurðardóttir - safn 053
Ómar Þorbjörnsson úr Akurgerði (nú Hólabraut 9) ánægður með skambyssuna sína og kúrekahanskana.
Árni Geir Ingvarsson - safn 799
Einhver fjölmennasta sýning Leikklúbbs Skagastrandar var Síldin kemur og síldin fer eftir systurnar Iðunni og Kristínu Steinsdætur. Það verk var sett á fjalirnar leikárið 1986 - 1987 undir leikstjórn Þrastar Guðbjartssonar og sýnt við miklar vinsældir. Þessi mynd var tekin á æfingu af leikurunum Þórey Jónsdóttur, Magnúsi B. Jónssyni sitjandi og Þorvaldi Skaftasyni í hlutverkum sínum.
Hjördís Sigurðardóttir - safn127
Áhorfendur láta fara vel um sig í sólinni á Háagerðisvelli sumarið 1986. Frá vinstri: Ólafur Bernódusson, Sigurður Berndsen og Adolf J. Berndsen (d.8.2018).
Dagný Sigmarsdóttir - safn 067
Konurnar við pillunarbandið í Rækjuvinnslunni hf eru frá vinstri: Ragnheiður Birna Hafsteinsdóttir (d.26.8.2008), Ingibjörg Skúladóttir, Díana Kristjánsdóttir og Inga Þorvaldsdóttir (d.14.12.2012).
Guðrún Sigurðardóttir - safn 031
Hjördís Sigurðardóttir í Þórsmörk á fermingardaginn sinn með Árna Ólaf Sigurðsson bróður sinn.
Guðrún Sigurðardóttir - safn 054
Ingvar Jónsson (d.29.7.1978) hreppstjóri í Norður-Skála upphaflega frá Brúarlandi.
Hjördís Sigurðardóttir - safn131
Sumarið 1986 tóku áhugamenn um líkamsrækt á Skagaströnd sig saman og stofnuðu félag um það áhugamál sitt. Lögðu þeir fram fé til kaupa á líkamsræktartækjum sem komið var fyrir í kjallaranum í Höfðaskóla. Formleg vígsla líkamsræktarstöðvarinnar var síðan í desemer 1986 og þá var þessi mynd tekin. Frá vinstri: Haraldur Árnason, Adolf J. Berndsen (d.27.8.2018), Sigurbjörn Björgvinsson og Þór Gunnlaugsson.
Guðrún Sigurðardóttir - safn 023
Frændsystkinin Hafþór Gylfason og Þórey Jónsdóttir fyrir utan heimili Hafþórs að Bogabraut 12. Í baksýn er verið að byggja framtíðarheimili Þóreyjar að Bogabraut 14. Myndin var tekin 1964.
Árni Geir Ingvarsson - safn 900
Myndin var tekin á síldarsöltunarplaninu á Djúpuvík og sennilega er verið að þrífa eftir söltunartörn. Ekki er vitað hvenær hún var tekin en Herbert Ólafsson (d.25.4.2007) tók myndina. Fólkið á henni er óþekkt.
Hjördís Sigurðardóttir - safn055
Hjónin Þórarinn Björnsson (d. 24.5.1985) og Gunda Cecelie Jóhannsdóttir (d.9.11.2013).
Dagný Sigmarsdóttir - safn 049
Sóley Elsa Magnúsdóttir kom í heimsókn í Rækjuvinnsluna hf um jól og situr í fanginu á Kristínu Sigurðardóttur á þessari mynd. Sóley Elsa hefur líklega komið með mömmu sinni Sólveigu Eiðsdóttur sem vann í vinnslunni á þessum tíma. Ekki er vitað hvenær myndin var tekin.
Hjördís Sigurðardóttir - safn132
Sumarið 1986 tóku áhugamenn um líkamsrækt á Skagaströnd sig saman og stofnuðu félag um það áhugamál sitt. Lögðu þeir fram fé til kaupa á líkamsræktartækjum sem komið var fyrir í kjallaranum í Höfðaskóla. Formleg vígsla líkamsræktarstöðvarinnar var síðan í desemer 1986 og þá var þessi mynd tekin. Frá vinstri: Árni Guðbjartsson, Jóhann Björn Þórarinsson, Guðmundur J. Björnsson, Stefán Þór Árnason, Haraldur Max Árnason og Bergþór Gunnarsson.
Guðrún Soffía Pétursdóttir - safn092
Konurnar sem þátt tóku í Líkami og sál verkefninu veturinn 2003-2004 fóru í óvissuferð í byrjun maí 2004. Á þessari mynd er Jóhanna Sigurjónsdóttir að fá sér drykk eftir matinn á ókunnu veitingahúsi.
Adolf H Berndsen - safn069
Ernst Berndsen (d. 21.8.1983) á bryggjunni. Ernst átti oft erindi á bryggjuna því hann var lóðs í Húnaflóa og lóðsaði stór skip inn á hafnirnar í flóanum. Einnig sá hann lengi um skipaafgreiðsluna á Skagströnd og þurfti oft að vera á höfninni þess vegna. Maðurinn bak við Ensa er líklega sonur hans Adolf J. Berndsen en drengurinn til hægri er óþekktur. Myndin var líklega tekin kringum 1960.
Árni Geir Ingvarsson - safn 907
Á myndinni er Herbert Ólafsson (d.25.4.2007) með sex vinkonum sínum. Ef dæma má af klæðnaði kvennanna hafa þær unnið í mötuneyti sem líklega var starfrækt á Djúpuvík vegna síldarverksmiðjunnar þar og söltunarplansins. Myndin er frá 1936 en þá var Herbert 16 ára gamall. Einhverjar kvennanna eru Ragna, Gróa og Gunna Jóns en ekki er vitað hverjar kvennanna þær eru. Hinar konurnar eru óþekktar. Ef þú þekkir konurnar vinsamlega sendu okkur þá athugasemd.
Adolf H Berndsen - safn083
Gunnlaugur Árnason (d.14.9.2016) á leið heim til Skagastrandar sumarið 1965.
Dagný Sigmarsdóttir - safn 039
Glaðbeittir starfsmenn Rækjuvinnslunnar hf til margra ára á kaffistofu fyrirtækisins. Guðrún Angantýsdóttir og Kristján Hjartarson (d.2.8.2003).
Dagný Sigmarsdóttir - safn 068
Grétar Haraldsson var verkstjóri í Rækjuvinnslunni hf um árabil. Á myndinni er hann við vinnu þar.
Hjördís Sigurðardóttir - safn067
Ekki er vitað um tilefni kaffiveislunnar sem er í gangi á myndinni. Næst okkur á myndinni eru frá vinstri: hjónin Gunda Cecelie Jóhannsdóttir (d.9.11.2013) og Þórarinn Björnsson (d. 24.5.1985) og Halldóra Þórláksdóttir (d.27.12.2017). Milli Þórarins og Halldóru sér í Gunnar Sveinsson (d.3.11.2020). Aðrir á myndinni eru óþekktir.
1
…
163
164
165
166
167
Leita í myndasafninu
Leita